Tuesday, June 9, 2015

စောင့်ကြည့်လိုက်ကြရအောင်



ဒီနေ့ မှာပဲ ပြန်ကြားရေးဝန်ကြီး ဦးရဲထွဋ် ရဲ့ ပို့စ်တစ်ခု ကိုဖတ်လိုက်ရပါတယ်။
သာမန်အားဖြင့်တော့ သမ္မတကြီး ဦးသိန်းစိန် သူ့စိုက်ခင်းထဲက သရက်ပင်
တွေသရက်သီးတွေကို လိုက်လံကြည့်ရှုနေတဲ့ ပုံနဲ့ အင်မတန်ရိုးသားပြီးဘ၀
ကို ရိုးရှင်းစွာဖြတ်သန်းနေထိုင်သူ တစ်ယောက် အသွင်အပြင် ကို ပေါ်လွင်အောင်
ဖော်ပြတာပါ။ ဒီမှာ တစ်ခုပဲ ပြောစရာရှိပါတယ်။ စာတစ်ပိုဒ်ထဲပါ။ အဲဒီစာက -
"သားသမီးများကိုလည်း မိဘအရှိန်အ၀ါမသုံး၊ ရိုးသားစွာ ဘ၀ကို ဖြတ်သန်း
နေသလို၊ သူကိုယ်တိုင်ကလည်း သားသမီးများ စီးပွားရေးတော်လို့ ကျွန်တော်
ချမ်းသာတာပါလို့ ၀င့်ကြွားခဲ့သူ မဟုတ်ပါဘူး" ဆိုတာပါ။
ဒီစာကို ရည်ရွယ်ချက်ရှိရှိရေးတာပါ။ ဒီစကားဟာ ပြည်သူ့လွှတ်တော်ဥက္ကဋ္ဌ
သူရဦးရွှေမန်း ပြောခဲ့တာပဲဟာ။ ဘယ်သူ့ကို တိုက်ခိုက်လိုက်တယ်ဆိုတာ
အသိသာကြီးထင်းနေပါတယ်။ ဒါဆို ဘာကြောင့် ဒီလိုတိုက်ခိုက်လိုက်တာလဲ။


ဆက်စပ်မှုရှိပါတယ်။ ဒီနေ့ထုတ်တဲ့ Eleven journal မှာ ဆောင်းပါးရှင် နေထွန်းနိုင်
ရေးထားတဲ့ "ဆက်ထုံးဖြေပါ" ဆိုတဲ့ ဆောင်းပါးနဲ့ပတ်သက်နေပါတယ်။
ဒီဆောင်းပါးရဲ့ ဆိုလိုရင်းကို လိုတိုရှင်း ပြောမယ်ဆိုရင် သမ္မတကြီး အစိုးရရဲ့
အခုသက်တမ်းတွင်း မအောင်မြင်မှုတွေကို မီးမောင်းထိုးပြပြီး နောက်ဖြေရှင်းမဲ့
ပြဿနာတွေဟာလည်း သမ္မတကြီးရဲ့ အစိုးရဟာ ဘယ်လိုမှ ပြေလည်အောင်
မဖြေရှင်းနိုင်ဘူး။ ဒါကြောင့် နောင်လာမယ့် အစိုးရအဖြစ် အတွဲအစပ်ဟာ
ဒေါ်အောင်ဆန်းစုကြည် ၊ ဗိုလ်ချုပ်မှူးကြီး မင်းအောင်လှိုင်၊ နဲ့ လွှတ်တော်
ဥက္ကဋ္ဌ သူရ ဦးရွှေမန်း တို့သာ ဖြစ်သင့်တယ်။ သမ္မတကြီး ဦးသိန်းစိန်အနေနဲ့
ဂုဏ်သိက္ခာရှိရှိနဲ့ ဒီ ကစားဝိုင်းက နှုတ်ထွက် သွားသင့်တယ်လို့ ဆိုလိုတာပါပဲ။
Eleven ရဲ့ ပဲ့ကိုင်ရှင်ဟာ ဘယ်သူလဲ ဆိုတာ အရင်တုန်းက လူပြောသူပြော
နဲ့ ရိပ်မိသိရှိပေမဲ့ အခု ဦးရဲထွဋ် ရဲ့ တုန့်ပြန်မှု ကြောင့် ဘယ်သူဆိုတာ ပိုပေါ်လွင်
လာပါတယ်။ ဒီ "ဆက်ထုံးကို ဖြေပါ" ဆိုတဲ့ ဆောင်းပါးလေးကို သေချာဖတ်ပါ။
ဆောင်းပါးကောင်းပါ။ မီဒီယာတွေရဲ့ နောက်ကွယ်က လူ တချို့တ၀က်
ကိုသိနိုင်ပါတယ်။ ပါးပါးလေး နဲ့ လော်ဘီလုပ်တာလဲ မြင်နိုင်ပါတယ်။ နောင်လာ
မဲ့အစိုးရ ရဲ့ အတွဲအစပ် က ဘယ်လိုရှိမယ် မသိပေမယ့်
ကျနော့်မျက်စိထဲ ပြေးမြင်မိတာက တော့ ဗိုလ်ချုပ်မှူးကြီး မင်းအောင်လှိုင်လက်
တစ်ဖက်ကို သမ္မတကြီး ဦးသိန်းစ်ိန်က အတင်းဆွဲနေသလို ကျန်တစ်ဖက်ကိုတော့
လွှတ်တော်ဥက္ကဋ္ဌကြီး သူရ ဦးရွှေမန်းက ခြေကန်ဆွဲနေပုံ ကို မြင်နေရပါတယ်။
ကြံခိုင်ရေးပါတီတစ်ခုကို သာ ကွက်ပြီး စဉ်းစားတာဖြစ်လေတော့ ဒေါ်အောင်ဆန်း
စုကြည်ကို တော့ မျက်စိထဲက ခဏ ဖယ်ထားလိုက်ပါတယ်။
ဒီပွဲ က ဒီမှာ မရပ်ပဲ ဆက်လာအုန်းမယ် ဆိုရင်တော့ သိပ်ကြည့်ကောင်းမှာပါ။
လာနိုင်စရာလည်းရှိပါတယ်။ ဘာကြောင့်ဆို ဒီနေ့ ထွက်တဲ့ ဆောင်းပါးကို အချိ်န်မဆိုင်း
ပဲ အကဲဆတ်ဆတ်နဲ့ ချက်ချင်းတုန့်ပြန်ပုံထောက်ရင် ပွဲမပြီးနိုင်လောက်ပါဘူး
ကျနော်တို့ စောင့်ကြည့်လိုက်ကြရအောင်ဗျာ . . . . ။

No comments:

Post a Comment

Related Posts Plugin for WordPress, Blogger...