Saturday, May 23, 2015

ဝါးခသစ်စခန်းသိမ်းတိုက်ပွဲကြီး


တစ်နေ့က ကျွန်တော့် wall မှာတင်ထားတဲ့ ၀ါးခသစ် စခန်းရှေ့က အကျွတ်အလွတ် စေတီလေးရဲ့ ဓါတ်ပုံနဲ့ ပတ်သက်ပြီး သူငယ်ချင်းတော်တော်များများကလာမေးကြတယ်။
အဲဒီစေတီလေးက ဘယ်နားမှာရှိတာလဲ၊ ဘာအတွက်ရည်စူးပြီးတည်ထားတာလဲ
အသက်တွေဝိဥာဉ်တွေကို ဌာပနာထားတယ်ဆိုတာ ဘာကိုပြောတာလဲ စသည်ဖြင့် သိချင်တာတွေမေးကြတယ်။

တစ်ချို့ကတော့ ကျွန်တော် တစ်ခါရေးဖူးတဲ့ ၀ါးခသစ် တိုက်ပွဲအကြောင်း စတေးတပ်အတိုလေးကိုဖတ်ဖူးကြောင်းနဲ့ အဲဒီအကြောင်းကို မသိသေးတဲ့ အခြားသော သူငယ်ချင်းတွေကို ပြန်လည်မျှဝေလိုကြောင်း ပြောတဲ့အတွက် တပ်မတော်ရဲ့ အသက်သွေးချွေးပေါင်းမြောက်များစွာ အဆုံးရှုံးခံပြီး ရယူခဲ့တဲ့
ဝါးခသစ်စခန်းသိမ်းတိုက်ပွဲ အကြောင်းကို ဒုတိယအကြိမ် ပြန်လည်ဖော်ပြအပ်ပါသည်ခင်ဗျာ။

"အိုမီဂါမှဝိညာဉ်များ ငြိမ်းချမ်းစွာ ရှိပါလေစ"
========================


မနေ့ ညက စနေနေ့ ညဆိုတော့ ထုံးစံအတိုင်း စားရိပ်သာက ဘား မှာလူစုံကြတယ်။
သူများတွေ အရက်ဝိုင်း ဘီယာဝိုင်းမှာ လူစုံရင်ဘာပြောကြသလဲမသိပေမယ့်
ကျတော်တို့ စစ်သားတွေ အရက်ဝိုင်း ဘီယာဝိုင်းမှာကတော့ တိုက်ပွဲအကြောင်း
တွေပေါ့ဗျာ။ ငါကဘယ်တိုက်ပွဲမှာ ဘယ်လိုချခဲ့တာ သူကဘယ်တိုက်ပွဲမှာဘယ်လိုချခဲ့တာ စသည်ဖြင့်ပေါ့။ ဒီလိုနဲ့ တစ်စတစ်စ
အရှိန်ကတက် ညည့်ကနက်လာခဲ့တာ နောက်ဆုံး ကျတော်တို့ တစ်ဝိုင်းလုံး
အသံတွေတိတ် နှုတ်တွေဆိတ်ခဲ့ရတဲ့ တိုက်ပွဲ တစ်ပွဲအကြောင်းကို
ကျတော်တို့ စီနီယာ ကြီးတစ်ယောက်က ပြောပြတယ်။ အဲဒါက
" ၀ါးခသစ် ကော့မှုးရာ " တိုက်ပွဲ
သင်တန်းတက်ခဲ့တိုင်းမှာ ဖြစ်စဉ်တွေ နဲ့ သင်ခဲ့ရတဲ့ တိုက်ပွဲကြီး၊ ကိုယ်တိုင်မတိုက်ခဲ့ရပေမယ့် မျက်လုံးထဲ ကွင်းကွင်းကွက်ကွက် ပေါ်အောင် သင်ပြခဲ့တဲ့ ဆရာတွေကျေးဇူးကြောင့် အတော်အတန် သိခဲ့သော တိုက်ပွဲကြီး၊
"ရဲရင့်သူတို့ အောင်နိုင်ပွဲ" ဆိုတဲ့ ရုပ်ရှင်ဇာတ်ကားနဲ့ ပြန်လည်သရုပ်ဖော်ထားတဲ့တိုက်ပွဲကြီး၊ တပ်မတော်ရဲ့  မှတ်ကျောက်တွေထဲက တစ်ခုဖြစ်သလို ပေးဆပ်မှုအကြီးမားဆုံးတွေထဲက တစ်ခုဖြစ်ခဲ့တဲ့ တိုက်ပွဲကြီး အဲဒီတိုက်ပွဲကြီးအကြောင်းကို သင်ခဲ့ ကြားခဲ့
ပြီး လက်ပွန်းတတီးရှိပေမယ့် အခုလို စီနီယာ ကြီးတစ်ယောက်က ချက်ကျလက်ကျနဲ့ 
ပြန်ပြောပြတော့ ကျတော်တို့ အဖွဲ့ တွေ ငြိမ်နေအောင်နားထောင်ခဲ့ရ နှုတ်ဆိတ်ခဲ့ရ
လေးစားခဲ့ရပါတယ်။
"စခန်းနာမည်က ၀ါးခသစ်စခန်း။
ယိုးဒယားမြန်မာနယ်စပ်မှာတည်ရှိတယ်။ နယ်မြေဖွဲ့ စည်းပုံနဲ့ စခန်းတည်ဆောက်ပုံက တော့ ဘယ်လိုစစ်တပ်မျိုးမှ
ခြေလျင်စစ်ကြောင်းနဲ့ ဝင်တိုက်လို့ မရဘူးလို့ ကြွေးကြော်ထားနိုင်ခဲ့တယ်။
စခန်းအနောက်မှာ ထိုင်းနိုင်ငံ၊ ဘေးပတ်ပတ်လည်မှာတော့ သောင်ရင်းမြစ်က
ရေအိုးပုံ ကွေ့ ပြီးစီးနေတယ်။ ၀င်ပေါက်ဆိုလို့  မီတာ ၃၀၀ ကျယ်တဲ့  ရေအိုးဗူးဝ
တစ်ပေါက်တည်း။ အဲဒါကရော.......................နာမည်ပေးထားတယ်................
(သတ်ကွင်း) တဲ့
ခြံစည်းရိုးခြောက်ထပ်ကာထားတယ်။ ခြောက်ထပ်လုံး သံစူးကြိုးတွေချည်းပဲ။
တစ်ထပ်နဲ့ တစ်ထပ်ကြားအပြောင်ရှင်းထားတယ် အောက်မှာလဲမိုင်းချည်းပဲ။
မြတ်သတ်ဆေးတွေဖျန်းထားတယ် ။ သတ်ကွင်းထိပ်မှာ ကွန်ကရစ် ဘန်ကာ ၆ လုံးဆောက်ထားတယ်။ မီတာ ၃၀၀ သာကျယ်တဲ့သတ်ကွင်းကို ချိန်ထားတာက
ပွိုင့် 5 ခြောက်လက်။ စက်လက် ၆ လက်။ RPG ၆ လက်။ အဲဒီအပေါက်ကို
ဝင်တိုးဘို့  တပ်ရင်းတစ်ရင်းလိုနေတယ်။ ပွင့်ပွင့်လင်းလင်းပြောမယ်ကွာ ၊
စွန့် စွန်းစားစား ၀င်တိုက်ရမှာဖြစ်လို့  တစ်ရင်းလုံးလဲ သေသွားနိုင်တယ်။
အဲဒီတော့ ငါ မင်းတို့ ကိုစည်းဝေးလုပ်ခြင်းဖြစ်တယ်။"
အပေါ်ကတော့ တမခ (၄၄) က ဗျူဟာမှုးရဲ့ စည်းဝေးမိန့် ခွန်းပါ။
ငါတို့ ဗျူဟာက ခပ်ဖလူးကုန်းနဲ့  ၀ါးခသစ်ကိုတိုက်ရမယ်။
ကဲ....၁၁၈ တပ်ရင်းမှုး မင်းတပ်က ဟိုဘက်မှာတော်တော်နာခဲ့တာမလား။ လန်ကျတာလဲခဏခဏပဲ ဒီတော့ မင်းကိုငါ choice ပေးမယ်။ မင်းကြိုက်တဲ့စခန်းတိုက်ကွာ ဘယ်စခန်းတိုက်မလဲ။
၁၁၈ တပ်ရင်းမှုး ဗိုလ်မှုးသန်းဆွေ( DSA အပါစဉ် ၁၉)
ခပ်တည်တည်နဲ့ ထဖြေတယ်။
"ဟုတ်ကဲ့ပါဗျူဟာမှုး ကျတော် ၀ါးခသစ် ကိုတိုက်ပါမယ်" တဲ့။
ဒီလိုနဲ့ သူတို့ တိုက်ခဲ့ကြတယ်၊ သူတို့ သေခဲ့ကြတယ်၊ ပေးဆပ်မှုတွေများခဲ့ကြတယ်၊
ကျတော်တို့ အဲစခန်းကြီးကိုရခဲ့ကြတယ်၊ ကျတော်တို့ တွေရဲ့ ခြေထောက်တွေ
ကျတော်တို့ တွေရဲ့ လက်တွေ ကျတော်တို့ တွေရဲ့ အသက်တွေ အဲဒီ ခြံစည်းရိုးခြောက်ထပ်ကြားမှာ ပြန့်ကျဲခဲ့ကြတယ်။ ၅၀၀ ကျော် အသက်စွန့် ခဲ့တယ်။ ၁၈၀၀ ကျော် ဒဏ်ရာရခဲ့ကြတယ်၊ နောက်ဆုံးတပ်ရင်း ဗူးဝကိုဖောက်ဝင်ခဲ့ပြီး ဘန်ကာတွေစသိမ်းချိန်မှာ တိုင်းမှုးကိုယ်တိုင်ခပ်ဖလူးကုန်းကနေ မျက်မြင်ကွပ်ကဲပြီး တိုက်ခဲ့တယ်။
" စခန်းကိုရတော့ တပ်မမှုးမျက်ရည်ကျတယ်တဲ့"
ကျတော်ဆိုခြုံးပွဲချ ငိုမိမလားမသိဘူး။
အဲစခန်းမှာ ဗိုလ်မှုးသန်းဆွေကနေ (သီဟသူရသန်းဆွေ (ကျဆုံး) ) ဖြစ်ခဲ့တယ်။ အဲလိုပဲ ဗိုလ်မှုးသန်းဆွေရဲ့ ဇနီး ကရင်အမျိုးသမီး ဒေါ်နော်အားစီပိုး လည်း
မုဆိုးမ ဖြစ်ခဲ့တယ်။ ဘ၀ပေါင်းများစွာ ပျက်သုန်းခဲ့တယ် ။ ဇနီးပေါင်းများစွာခင်ပွန်းမဲ့ခဲ့တယ် ၊ သားပေါင်းများစွာ ဖခင်မဲ့ခဲ့တယ်။ ဗိုလ်မှုးသန်းဆွေရဲ့ ဇနီးလို ငိုနေတဲ့
မုဆိုးမတွေ တပ်ရင်းဓမ္မာရုံမှာ ပြည့်လျှံနေခဲ့တယ်။
"တပ်မမှုးကတော် ဘယ်လိုများအားပေးခဲ့လဲ ကျတော်တွေ့ ချင်လိုက်တာ "
နောက်ဆုံးမှာ စကားစကိုဖြတ် စီနီယာကြီးက ကျတော်တို့ ကိုကြည့်တယ်။
အဲဒီစခန်းကို ခုချိန်မှာ တပ်မ(၄၄) ကထိုင်နေတယ်ကွ။
အဲတပ်က ငါ့ သူငယ်ချင်းကပြောတယ် စခန်းထိပ်မှာ အကျွတ်အလွတ်စေတီလေးတည်ထားတယ်တဲ့။ နှစ်ဘက်ကျဆုံးသွားတဲ့ စစ်သည်တွေအတွက်ရည်ဆူးပြီးတော့ပေါ့ကွာတဲ့။
ဒါပေမယ့်.....ဒါပေမယ့်.....
သူတို့ တိုက်နေကြတုန်းပဲ....ည ၁၂ နာရီကျော်ရင် တိုက်နေကြတဲ့အသံတွေ
ငိုညည်းသံတွေ ငြီးညူသံတွေ ( တက်) ဆိုတဲ့အသံတွေ
(ဆုတ်) ဆိုတဲ့ အသံတွေ (နောက်လာအုံးမလားကွ) ဆိုတဲ့အသံတွေ ခမရ (၁၁၈) ကွဆိုတဲ့အသံတွေ တပ်မ(၄၄) ကွ ဆိုတဲ့အသံတွေ ...ကျားးးးးးဆိုတဲ့အသံတွေ
ကြားနေရတုန်းပဲကွာတဲ့။
ဒါဆို သူတို့ မကျွတ်ကြသေးဘူးပေါ့ နော် အစ်ကိုကြီး။
ဟုတ်ချင်လဲဟုတ်မှာပေါ့ကွာ
ကျတော်အဲဒီညက အိပ်မရခဲ့ဘူး.....
ကျတော် စစ်သားတွေကိုချစ်တယ် စစ်ပွဲတွေကိုမုန်းတယ်
စစ်ပွဲက စစ်သားတွေကိုသတ်တယ်
စစ်ပွဲက စစ်သားတွေရဲ့ ဘ၀တွေကို သတ်တယ်
စစ်ပွဲက စစ်သားနောက်က မှီခိုနေတဲ့ဘ၀တွေကိုသတ်တယ်
စစ်ပွဲက ငြိမ်းချမ်းရေးကို သတ်တယ်။
စစ်သားဟာ စစ်တစ်ပွဲကို မတတ်နိုင်တဲ့အခြေနေရောက်မှရွေးချယ်ရတာဖြစ်ပါတယ်။
စစ်သားဟာတွေအမုန်းဆုံးဟာ စစ်ပွဲတွေဖြစ်ပြီး အချစ်ဆုံးက ငြိမ်းချမ်းရေးသာဖြစ်ပါတယ်။
ကျွန်တော် ဆုတောင်းမိတယ်....
ဝါးခသစ်စခန်းရှေ့ က နောင်တော်စစ်သည်တွေရေ ခင်ဗျားတို့ မတိုက်ပါနဲ့ တော့
အခု သောင်ရင်းမြစ်အရှေ့ခြမ်းမှာ ငြိမ်းချမ်းရေး ရောင်နီတွေသန်းနေပြီ။
ဖထီးတွေနဲ့ အတူတူ စကားပြောနေကြပြီ။
နှစ်ဖက်စစ်သားတွေ ပုခုံးဖက်ပြီး ဇွဲကပင်တောင်ပေါ်တူတူတက်နေကြပြီ။
ကရင်ပြည်နယ်မှာ တပ်မတော်နဲ့ KNU ဘောလုံးချိန်းကန်နေကြပြီ။
ကျဆုံးသွားခဲ့သော နှစ်ဖက်စစ်သည်အားလုံး ကောင်းရာသုဂတိလားပါစေ။
တတိယခြံစည်းရိုးေ၇ှ့ က
(၉ နာရီမှာ အဘအတွက် ဘန်ကာတစ်လုံးလက်ဆောင်ပေးမယ်) ဆိုတဲ့ 
ဗိုလ်မှူးသီဟသူရသန်းဆွေ ရဲ့ အသံ ခုချိန်ဆိုပျောက်လောက်ပြီဟု မျှော်လင့်လျှက်
ထူးဝေ
Htoo Wai Aung (Facebook) မှ

No comments:

Post a Comment

Related Posts Plugin for WordPress, Blogger...