Friday, May 1, 2015

ငြိမ်သက်ခြင်းနဲ့ မကြုံကြိုက်လို့



ပါတီရုံးခန်းများအတွင်းတွင်သာ လောလောဆယ် မဲဆွယ်မှုများ ပြုလုပ်နိုင်သည်ဟု ကော်မရှင်ဥက္ကဋ္ဌ ဦးတင်အေးမှ ဆိုသော်လည်း ယခုအခါ နိုင်ငံတော်၏ စားရိတ်ကို စားကာ နယ်လှည့်စစ်ဆေးသည် အကြောင်းပြ၍ ၀န်ကြီး၊ ၀န်ကလေးများက ဒေသအနှံ့အပြားသို့ သွားရောက်ကာ ဆေးရုံဖွင့်၊ တံတားဆောက် အစရှိသည်ဖြင့် ပြုလုပ်၍ အူးယားဖားယား မဲဆွယ်လျက် ရှိနေကြသည်။

နိုဝင်ဘာ (သို့) ဒီဇင်ဘာတွင် ကျင်းပရန် ရှိသော ရွေးကောက်ပွဲသည် ဖြစ်ခဲ့က နှစ်ပေါင်း ၁၅၀ နီးပါး ဖိနှိပ်အုပ်ချုပ်ခံခဲ့ရသော မြန်မာလူထုကြီးအတွက် အခွင့်အရေးကြီးပင် ဖြစ်သည်။ နှစ်ပေါင်း ၁၅၀ နီးပါးဆိုရာတွင် တိုင်းတပါးလက်အောက် နှစ် ၁၀၀ နီးပါး နှင့် ပြည်တွင်းစစ်တပ်လက်အောက် နောက်ထပ် နှစ် ၅၀ နင်းပြားဘ၀ဖြင့် နေခဲ့ရခြင်းကို ဆိုလိုပါသည်။
ဖြောင့်ဖြူးမည့် ခရီးစဉ်ဟူ၍ကား ဆို၍မရ။ အချင်းချင်း အာဏာလုပွဲများအပြင် ယခုလက်ရှိ ဒီမိုကရေစီ အခွင့်အလမ်းများအပေါ် တိုးမြှင့်ကန့်သတ်လာနေမှုများကြောင့် မဲအများစုဖြင့် အနိုင်ရမည့်အဖွဲ့အား ကြီမ်းသေပေါက် အာဏာလွှဲပေးမည်ဆိုသည်ကား ရှောရှောရှူရှူ ဖြစ်လာဖို့ လမ်းမမြင်ပေ။
ဖြစ်နိူင်ခြေရှိသည်က မည်သူကို သမ္မတ တင်မြှောက်မည်နည်း၊ မည်ကဲ့သို့ အာဏာခွဲဝေယူမည်နည်း၊၊ အဘယ်ပုံ အာဏာလွှဲပေးရမည်နည်း ဆိုသည့် ရှည်လျားထွေပြားသော အချိန်ဆွဲမှုကြီး ဖြစ်လာနိူင်ဘွယ်ရှိပြီး ထိုိအတောအတွင်း စစ်တပ်လိုလားသော အင်အားစုများနှင့် အနိုင်ရ အဖွဲ့များအကြား အားစမ်းပွဲများကြောင့် နိုင်ငံရေး အကျပ်အတည်းကြီး ဖြစ်ပေါ်လာနိူင်စရာ ရှိသည်။ ယခုပင် ဦးခင်အောင်မြင့်က ဒေါ်အောင်ဆန်းစုကြည် သမ္မတဖြစ်ရေး ကန့်ကွက်သည့် သဘောမျိုး တောင်ကိုရီးယားသို့ ရောက်နေစဉ် ပြောကြားခဲ့ပြန်သည်။
၁၉၉၄ ခုနှစ် မန်ဒဲလား အာဏာရခဲ့သည့်အဖြစ်လို ချောမွေ့ဘွယ် လုံးဝမမြင်ဟု မြန်မာရွေးကောက်ပွဲအတွက် လုပ်ကိုင်ဆောင်ရွက်လျက်ရှိသည့် နိူင်ငံတကာရွေးကောက်ပွဲ ကျွမ်းကျင်သူတစ်ဦးက ထုတ်ဖေါ်ပြောကြားခဲ့ကြောင်း သိရသည်။
ယခုအခါ ပါတီပေါင်း ၇၁ ပါတီမှ ရွေးကောက်ပွဲ ၀င်ရောက်ရန် မှတ်ပုံတင်ပြီး ဖြစ်ပေသည်။ ပါတီအမြားအပြားပေါ်ပေါက်လာခြင်းသည် ဗြိတိသျှခေတ်၊ လွတ်လပ်ရေး ရပြီးနောက်ပိုင်းကာလများနှင့် ၁၉၉၀ ရွေးကောက်ပွဲကာလအတွင်း ပါတီပေါင်း ၂၃၅ ခု ပေါ်ပေါက်လာခြင်းတို့ကိုကြည့်က အံသြစရာတော့ မဟုတ်ပေ။ ထိုအချိန်က ဖုန်းတလုံး ရရှိနိုင်ရေးအတွက် လူကြားမကောင်းအောင် နိုင်ငံရေးပါတီများ ဖေါင်းပွလာခဲ့ရသည်မဟုတ်လား၊
အင်အယ်ဒီမှ အနည်းဆုံး အမတ်နေရာ သုံးပုံနှစ်ပုံဖြင့် အနိုင်ရရှိမည်ဟု ခန့်မှန်းလျက်ရှိသည်။ သို့မှသာ နောက်ပိုင်းလများတွင် ဆက်လက်ညှိနိုင်းရမည့် မည်သူ့ကို သမ္မတအဖြစ် ရွေးချယ်မည်ဆိုသည့် ကိစ္စအပေါ် အင်အယ်ဒီမှ သြဇာသက်ရောက်နိုင်မည်ဖြစ်သည်။
ဖွဲ့စည်းပုံအရ ဒေါ်အောင်ဆန်းစုကြည်မှ သမ္မတဖြစ်ခွင့်မရှိသဖြင့် စစ်ရေးအမြင်ရှိသူ ရွေးချယ်ရန် လက်ရှိသမ္မတ ဦးသိန်းစိန်၊ သို့မဟုတ် ဦးရွှေမန်းတို့အား အပေးအယူသဘောနှင့် ရွေးချယ်လာပါက အကွဲအပြဲများ ဖြစ်လာနိူင်စရာ ရှိနေသည်။ ရွေးကောက်ပွဲ ရှုံးနိမ့်ခဲ့သော်လည်း သမ္မတကို ၎င်းတို့သဘောကျ ခန့်နိုင်ခွင့်ရှိသေးသည်ဆိုသော မျှော်လင့်ချက်က တပ်မတော်တွင် ရှိနေပေသေးသည်။
သို့သော်လည်း အတိုက်အခံများ လွှမ်းမိုးထားသည့် ဥပဒေပြုလွှတ်တော်နှင့် စစ်တပ်မှ ထောက်ခံအားပေးမှု ရရှိနေဆဲဖြစ်သော သမ္မတအကြား ထိပ်တိုက်တွေ့လာဘွယ်ရာလည်း ရှိနေပေသည်။ သို့သော် ၎င်းတွင် အမေရိကန်သမ္မတကဲ့သို့ ဥပဒေများကို ဗီတိုအာဏာဖြင့်ကား ပယ်ချနိူင်သည့်အာဏာ မရှိသော်လည်း လွှတ်တော်မှ အတင်းအကျပ် စစ်တပ်အကျိုးစီးပွားကို ထိခိုက်နိုင်မည့် ဥပဒေများ ပြဌာန်းရန် လုံးပမ်းလာပါက ပေါက်ကွဲမှုများ ဖြစ်ပေါ်လာနိူင်စရာလည်း ရှိသည်။
လာမည့် ရွေးကောက်ပွဲတွင် အာဏာရပါတီ လုံးဝနီးပါး ရှုံးနှိမ့်နိူင်သည့် အလားအလာများကို စစ်တပ်အတွင်းရှိ အယူအဆတင်းမာသူများအဖို့ ယခုအချိန်အထိ လက်ခံနိူင်စရာအဖြစ် ရှုမြင်နိူင်ခြင်း မရှိသေးပေ။
သို့သော် အာဏာရပါတီအဖို့ ထိုအဖြစ်ဆိုးမှ ထွက်ပေါက်အဖြစ်ရနိူင်ဖွယ်ရှိသည်က နိုင်ငံအနှံ့အပြားတွင် မဲဆန္ဒနယ်မြေများသည် တနေရာနှင့်တနေရာ အရွယ်အစား ညီမျှမှုမရှိသည့် အကြောင်းပင်။ လူဦးရေ တထောင့်လေးရာခန့်သာရှိသည့် ဒေသအားလည်း မဲဆန္ဒနယ်မြေတခုအဖြစ် သတ်မှတ်ထားပြန်သဖြင့် အဆိုပါ ဒေသများတွင် ငွေကို ရေလိုသုံးပြီး ရွေးကောက်တင်မြှောက်ခံနိုင်စရာ အခွင့်အလမ်း ရှိနေပြန်သေးသည်။
ယခုလက်ရှိ တွေ့ဆုံဆွေးနွေးပွဲများမှတဆင့် ဖွဲ့စည်းပုံကိုပြင်ရန် ဒေါ်အောင်ဆန်းစုကြည်အနေဖြင့် ကြိုးပမ်းလျက်ရှိပြီး ဒေါ်စုအနေဖြင့် ထိုကိစ္စကို အတင်းအကျပ် လုံးပမ်းလာပါက စစ်တပ်မှ ဒေါ်စုအား အာဏာကို အတင်းလိုချင်သူအဖြစ် ၀ါဒဖြန့်ခံရမည့်အရေး ရှိနေသည်။ သို့သော် သူမမှ ယင်းသို့မလုပ်ပါက တိုင်းပြည်အတွက် စစ်အာဏာရှင်ဝါဒ အမြစ်တွယ်မည့် တဖက်စောင်းနင်းဖြစ်နေသော ဖွဲ့စည်းပုံအား ပြောင်းလဲရေးအတွက် ကြိုးပမ်းပေးမည်သူ တစ်ဦးတစ်ယောက်မျှ မရှိသေးပေ။
လာမည့် အမေရိကန်သမ္မတရွေးကောက်ပွဲတွင် ဟီလာရီကလင်တန်မှ အနိုင်ရရန် သေချာသလောက် ဖြစ်နေသည်ဟု ထင်ကြေးများ ထွက်ပေါ်နေပြီး ကလင်တန်သည် ဒေါ်အောင်ဆန်းစုကြည်အား လွန်စွာလိုလားသူ ဖြစ်သဖြင့် ဒေါ်စုအား မတရားဖယ်ထုတ်ရန် စစ်တပ်မှ ကြိုးပမ်းလာပါက ကလင်တန် ဦးဆောင်မည့် အမေရိကန်အစိုးရနှင့် နောက်ပိုင်း ဆက်ဆံရေး ပြေလည်စရာလမ်း သိပ်မရှိတော့မည့်အဖြစ်ကိုလည်း စစ်တပ်မှ မသုံးသပ်မိပဲနေမည်တော့ မဟုတ်ပေ။
ထိုကဲ့သို့သော အကြောင်းချင်းရာများသည် စစ်တပ်နှင့် ၎င်း၏ထောက်ခံထားသောပါတီမှ အဘယ်သို့သော မဟာဗျုဟာ၊ နည်းဗျုဟာများနှင့် အာဏာကို ရသလောက် ထိမ်းချုပ်ရန် မည်ကဲ့သို့ ကြိုးစားလာမည်ကို စိတ်ဝင်တစား စောင့်ကြည့်ရမည့် အရေးပင် ဖြစ်သည်။
သို့သော် ယခုအချိန်အထိ အဆိုပါ မဟာဗျူဟာများက ရွေးကောက်ပွဲနောက်ပိုင်း အသွင်ကူးပြောင်းရေးကာလအတွက်တော့ မဟုတ်။ အခြားအဖွဲ့အစည်းများ ၀င်ရောက်လာကာ အာဏာရယူလာမည့်အရေးကို တားဆီးရန်သာ ဖြစ်နေပေသေးသည်။ နိုင်ငံရေးပါတီများအနေဖြင့်လည်း မိမိတို့၏ အဓိကရည်မှန်းချက်ပန်းတိုင်ကို အတိမ်းအစောင်းမခံကြရန်လည်း အရေးကြီးပေသည်။
ကိုးကား၊ ၊ Financial Times (U.K)/ The Interpreter (Austrailian Think Tank)
HSW

No comments:

Post a Comment

Related Posts Plugin for WordPress, Blogger...