Saturday, May 23, 2015

ဇော်ထွန်း (သို့မဟုတ်) ယုံကြည်ချက် ကြယ်စင် (၃)

Win Naing Oo(၃)

`Main ထဲမှာဇော်ထွန်း တယောက်တော့ တရားတက်ဟောနေပြီဟေ့၊ သူဝတ်ထားတာ က OT Coat (ခွဲစိတ်ခန်း ၀တ်ရုံ) နဲ့ မျက်နှာကို လည်း Mask နဲ့ဖုံး၊ခေါင်းစွပ်လည်း ပါတယ် ဆိုတော့ ဒါဆေးကျောင်းသား တယောက် ပဲ ဆိုတာ ကလွဲလို ဘယ်သူမှ တော့သူမှန်းရိပ်မိမယ်မထင်ဘူး။ ဒါပေမယ့် တို့အချင်းချင်းတော့ ဒါ ဇော်ထွန်း ပဲလို့ သိလိုက်တယ်`
၁၉၈၈ ဇွန်လ တ၀ိုက်ရန်ကုန် တက္ကသိုလ် (ပင်မ) ထဲမှာ ကျောင်းသားတွေ စုကြဝေးကြတဲ့ အချိန်ကာလ၊ ၁၉၈၇ စက်တင်ဘာငွေစက္ကူအရေးအခင်း၊ ၁၉၈၈ မတ်လ ဖုန်းမော်အရေးအခင်း က စလို့ ၊ တံတားနီ အရေးအခင်း တွေနောက်ပိုင်း အစိုးရရဲ့ မတရားမှုတွေ ကို ဆန့်ကျင်ကြမယ့် ကျောင်းသားတွေရဲ့ စိမ်ခေါ် သံတွေစလာတဲ့ အဲဒီ ကာလ မှာ ဆေးတက္ကသိုလ် (၂) ထဲ ကို ပျံ့လာတဲ့ ဇော်ထွန်း အကြောင်း သတင်းစကားတွေပေ့ါ။အဲဒီအချိန်က စင်ပေါ်တက် စကားပြောကြတဲ့ တက်ကြွလှုပ်ရှား ကျောင်းသားတွေဟာ အစိုးရ ထောက်လှမ်းရေးတွေ နောက်မှ လိုက်ဖမ်းဆီး တာတွေ ကို ရှောင်ရှားရတာမို့ ကိုယ့်ကိုကိုယ် ပုံဖျက် ဖုံးကွယ်ရင်းစင်ပေါ်တက် တရား ဟောကြ တာပါ။

ဇော်ထွန်း က သြဂုတ်လ၈ ရက်နေ့မတိုင်ခင် ကျောင်းသား လှုပ်ရှားမှုတွေမှာ ထဲထဲဝင်ဝင် ပါဝင် နေခဲ့သူ။ ဒီမိုကရေစီတောင်းဆိုကြတဲ့ ရှစ်လေးလုံးနေ့ နောက်ပိုင်း လူတွေ သိန်းချီပြီး လမ်းမပေါ် ထွက်လာကြတဲ့အချိန်သပိတ် တပ်ပေါင်းစု တွေ ဖွဲ့စဉ် က တပ်ပေါင်းစုကြီးတခု ဖြစ်တဲ့ General Strike Committee (GSC) မှာ အထွေထွေအတွင်းရေးမှူး တာဝန် ပေးအပ်ခံရသူ တယောက် ဖြစ်လာခဲ့တဲ့သူပါ။ လူထုအုံကြွမှု အရှိန် တက်နေတဲ့ သြဂုတ် လကုန်ပိုင်း လောက်က စပြီး သူ့ မိခင်သမဂ္ဂဖြစ် တဲ့ဆေးတက္ကသိုလ် (၂) ကျောင်းသား သမဂ္ဂ တောင် သူသိပ်ခြေဦးမလှည့် နိုင်ခဲ့တော့။ ဆေး (၂) ကကိုဇော်လွင်ထွန်း (လျှောမွေး) အပါအ၀င် ကျောင်းသားတွေ ပြည်သူတွေ ရဟန်း သံဃာတွေ အမြောက်အမြားသွေးချောင်းစီးခဲ့တဲ့ စက်တင်ဘာ (၁၈)ရက် အာဏာသိမ်း တဲ့နောက်မှာတော့ ကျနော်တို့ ၂ ယောက်သားအဆက်အသွယ် က ပြတ်၊ တောခိုကြမယ် လက်နက်ကိုင်တော်လှန်ရေး ဘက်သွားမယ် ဆိုတာကိုလည်း ကိုယ်စီကိုယ်စီ ပဲ ဆုံးဖြတ် ခဲ့ကြတော့၊ ထိုင်း နယ်စပ်ရောက်မှ ကိုယ်က သူ ရောက်နေပြီိဆိုတာ သိ၊သူက လည်း ကိုယ်ရောက်နေပြီ ဆိုတာ သိ နဲ့။ ဒါပေမယ့် သူ က ကရင် နယ်မြေ မယ်နပလော ဘက်ရောက်၊ကိုယ်က အဲဒီဒေသထက် တောင်ဘက် ပိုကျတဲ့ မွန်-ကရင် နယ်မြေ အစပ် ဘုရားသုံးဆူ ခွင် ဘက်ရောက်နဲ့ တကယ် လူချင်းပြန်တွေ့ ကြတာတော့ ကျနော် ရှိရာ ဘုရားသုံးဆူဘက်မှာ ၁၉၈၉ နှစ်ကုန်လောက်မှ။သူက ပထမ ရောက်စ ကာလတွေမှာ GSC အဖွဲ့ အနေနဲ့ရပ်တည် ခဲ့ပေမယ့် အခုလို ကျနော်တို့ ပြန်ဆုံပြီးတဲ့နောက်မှာတော့ ABSDF အနေနဲ့ ပဲ ဆေး (၂) က တောခိုလာတဲ့ ကျောင်းသားတွေ ဖြစ်တဲ့ ကျနော်အပါအ၀င် ကိုအောင်သူငြိမ်းတို့ ကိုမင်းလွင် တို့ နဲ့ အတူ တပ်ရင်း (၁၀၁) စခန်း မှာပဲအတူ ပါဝင်ခဲ့တယ်။

ဇော်ထွန်းတို့ ရှိရာဝတောင်ပိုင်း ဌာနချုပ်ကို လိုက်သွားဖို့ ပြင်ဆင်တဲ့ ကာလ က သိပ်တော့ ရက်တွေ မကြာလိုက်တာကို မှတ်မိတယ်။ ကိုပိန် ကလည်း နေရာသစ်နဲ့ ၀တပ်ရှိရာ ရှမ်းတောင်တန်း တွေ ဘက်သွားရမှာကိုတက်တက်ကြွကြွနဲ့….ဟေ့ရောင် ငါ မင်းတို့ ဆေးကုတာ ကူ လုပ်မယ်ကွာ၊ ငါလည်း လိုက်မယ်…ဆိုတော့ကျနော့်မှာ ၀မ်းသာအားရ၊ အားရှိရနဲ့ ။ တခါ သူ ဟိုးအောက် စစ်ကြောင်းကို ပြန်ဆင်းပြီးတာဝန်တွေလွှဲ အကြောင်းကြားတာတွေ လုပ်ပြီး ပြန်တက်ဖို့ အလုပ်မှာ စစ်ကြောင်းထဲ က ကျနော်နဲ့ စခန်း တစခန်း တည်းသား ကိုထွန်းခင် (သူ့ကို ကိုမွှေးကြိုင်လို့လည်း အသိများကြတယ်)က သူလည်း ကိုဇော်ထွန်း ရှိရာလိုက်ချင်တယ်၊ ၀ တပ် တွေ ရှိရာဘက် ကိုလိုက်ချင်တယ် ဆိုပြီးပါလာလို့ ကျနော် တို့ ၃ ယောက် မဲဆောက် ကနေ တဆင့် ကရင်အမျိုးသား အစည်းအရုံး(KarenNational Union) ရဲ့ ဌာနချုပ်၊ တပ်ပေါင်းစု ရဲ့ဌာနချုပ်၊ ABSDF ရဲ့ဌာနချုပ် တို့ စုဆုံရာသောင်ရင်း ကမ်းနံဘေး က မယ်နပလော အောင်မြေ ဆီကို တက်ခဲ့ကြပေါ့။

ဝသပ က အကြိုထောက်လာတဲ့ကိုညီနဲ့ အတူ သူ့ကား နဲ့ မယ်နပလော ကနေ ထိုင်း နယ်စပ်မြို့ မယ်ဆရီးယန်း ဘက်ပြန်တက်၊အဲဒီ ကနေ ချင်းမိုင်ရောက်။ ချင်းမိုင်မှာတော့ ကိုညီ ရဲ့ ဘော့စ် ဗိုလ်မှူးစိုင်းပေါက်ကိုတွေ့ရပါတယ်။ ကိုညီ ရော ဗိုလ်မှူး ရော ထိုင်းစကား ကို ထိုင်း တယောက် လိုပြောနိုင်ကြတဲ့သူတွေ။ အသားအရေတွေ ကလည်း ထိုင်းတွေ လိုမို့ သူတို့ကို မသိရင် ထိုင်းမှာ ပဲမွေး ထိုင်းမှာပဲ ကြီးတဲ့ ထိုင်းတွေ လို့ ပဲ ထင်မှတ်မိကျမှာပါ။ ကျနော် တို့ ကို ဖော်ရွေရင်းနှီးစွားနဲ့သူတို့ ၂ ယောက်လုံး ချင်းမိုင်ကနေ ဖန်း အထိ လိုက်ပို့၊ ဗိုလ်မှူး ကတော့ ဖန်းမှာ ကျန်ခဲ့၊ကိုညီက ကျနော် တို့ ကို ဖန်း ကနေ နယ်စပ် ကို ဖြတ်လို့ ၀တောင်ပိုင်း ဌာနချုပ် ရှိရာဆမ်လိုရောင်း (၃၆၁) တောင်ကုန်းစခန်း အထိ အရောက် လိုက်ပို့ခဲ့တယ် လို့ မှတ်မိတယ်။

လမ်းတလျှောက် ထူးထူးခြားခြားအမှတ်ရစရာကတော့ ချင်းမိုင် က နေ မြို့ပြင်ဘက် ရောက် ကတည်း က ဗိုလ်မှူး စိုင်းပေါက် က ကားရှေ့ခန်းဒက်ရှဘုတ် ပေါ်မှာ ပစ္စတို တလက် ကို သတင်းစာ တစောင်နဲ့ညှပ် အုပ်ပြီး အသင့်တင်ထားတာ ကျနော်တို့ သတိထားမိကြတယ်။
အော်….နယ်မြေလုစစ်က မြန်မာပြည်ဘက်က တောင်တန်းတွေ ကို ကျော်ချလာပြီး ထိုင်းတို့မြေမှာလည်း ရှိသကိုးလို့ကျနော်တို့လည်း ဆင်ခြင်မိရတာပေါ့။ ကိုညီ က ကားမောင်း နေရင်း KNU က မဲဆောက်ကို ပိုင်တယ်ဆိုတာ ကျနော် တို့ ချင်းမိုင် ကို ပိုင် သလောက်မရှိ ပါဘူး။ ကျနော် တို့ ချင်းမိုင်ကို ပိုင်တယ် ဆိုတာ ခွန်ဆာ အိပ်နေ သလောက်ပဲ ရှိပါသတဲ့ လို့ လည်း ဖွင့်ပြော သဗျ။

(ဗိုလ်မှူးစိုင်းပေါက်ဟာ နောင် ၁၀နှစ် လောက်အကြာ…၂၀၀၀ ခုနှစ်မှာလား ၂၀၀၁ မှာလား အတိအကျ အချိန် ကျနော် မမှတ်မိတော့၊ချင်းမိုင် က ဟော်တယ် တခု မှာ လုပ်တဲ့ မင်္ဂလာဆောင် ကနေ အပြန် အောက်ထပ် သူ့ ကား ရပ်ထားတဲ့Car Parking မှာပဲသူ့ နောက်ကနေ သေနတ်နဲ့ ပစ်လုပ်ကြံတာ ခံရလို့ ဆုံးတယ်)
ကျနော် တို့ လာနေပြီတောင်အောက် ကို ရောက်လာပြီ ဆိုတဲ့ သတင်းကို ရ ကတည်း က ဇော်ထွန်းနဲ့ ဆရာပါကျင်တို့ တောင်ပေါ်စခန်းကနေ ဆင်းလို့ လာကြိုနေတော့ ကျနော်တို့ တက်လာတဲ့ တောင်ပေါ် လမ်းတ၀က် လောက်မှပဲ အားလုံးဝမ်းသာအားရ ဆုံကြရပါတော့တယ်။ ဇော်ထွန်း က ပခုံး ဘက်(ချ)တံဆိပ် မပါတဲ့ ၀ ယူနီဖောင်းအစိမ်းရောင် ၀တ်လို့။ (သူ အဲဒီ ဘောင်းဘီ ပွပွ ဝ ယူနီဖောင်း ဒီဇိုင်း ကို အတော်နှစ်သက်ပုံရတယ်ထင်တယ်။နောက်ပိုင်း လည်း ဒီယူနီဖောင်း ကို အမြဲလိုလို ၀တ်လေ့ရှိတာ သတိထားမိတယ်)
………………………………..

(အရင် ၁ နဲ့ ၂ ..... https://www.facebook.com/notes/10153118419246085/?pnref=story )

No comments:

Post a Comment

Related Posts Plugin for WordPress, Blogger...