Wednesday, February 18, 2015

ကျောင်းသားတွေကို တကယ်စာနာသနားပြီး လုပ်ခဲ့တာဟုတ်မဟုတ်၊ မင်းဆရာတို့သိပါစေ

ကျောင်းသားတွေအပေါ်မေတ္တာထားပြီးစာမေးပွဲနီးပြီ
သပိတ်လှန်အိမ်ပြန်ကြပါလို့ပြောနေတဲ့ စစ်ခေါင်းဆောင်
တွေနဲ့ သူတို့အလိုကျလုပ်ပေးရှာတဲ့ ဘာသာရေးခေါင်းဆောင်
တွေကိုတစ်ခုလောက်မေးပါရစေ၊
အရင်၈၈တုန်းက တက္ကသိုလ်ကျောင်းတွေ အကြာကြီးပိတ်လိုက်တာဟာ
ကျောင်းသားတွေကို စာနာသနားပြီးလုပ်ခဲ့တာလား၊
အဖိနှိပ်ပြည်သူတွေရဲ့သားသမီးတွေ တက်နိုင်တဲ့ကျောင်းကိုပိတ်ပြစ်
ပညာမဲ့အောင်လုပ်ပြီး သူတို့သားသမီးတွေ အလိုတော်ရိသားသမီးတွေ
အထူးသင်ကြားနိုင်အောင် အထူးကျောင်းတွေခိုးဖွင့်ထားတာ
ကျောင်းသားတွေကိုစာနာသနားပြီးလုပ်ခဲ့တာလား၊

ပြည်တွင်းကကျောင်းကိုအကန့်အသတ်မရှိပိတ်လိုကပိတ်ပြီး
အာဏာရှင်တွေ့ရဲ့သားသမီးတွေ သူတို့အသိုင်းအ၀န်းတွေကိုကျတော့
စင်္ကာပူ၊ကိုရီးယား၊ဂျပန်၊အမေရိကန်။အင်္ဂလန်ကျောင်းတွေကို
ပို့ပြီးစာသင်ခိုင်းတာကျောင်းသားတွေကိုစာနာသနားပြီးလုပ်ခဲ့တာလား၊
သပိတ်ကိုလှန်ကြပါ၊ အိမ်ပြန်ကြပါ၊ လွတ်တော်က
မင်းတို့တတွေတောင်းတဲ့အချက်တွေကိုလုပ်ပေးမယ်လို့
ဆွယ်တရားဟောပြီးသပိတ်လှန်အိမ်ပြန်ခိုင်းတယ်ဆိုရင်
ဖြစ်လာမဲ့အကျိုးဆက်အတွက် ပါဝင်ပတ်သက်သူမည်သူမဆို
ဒီတာဝန်ကိုအပြည့်ယူရပါလိမ့်မယ်၊
ပြည်သူတွေအလိမ်ခံရပေါင်းများပြီ၊ အရင်တုန်းကလိမ်တုန်းက
မင်းဆရာတွေမပါသေးဘူး၊ အခုမင်းဆရာတွေကပါကြားဝင်သလို
ဖြန်ဖြေပေးတယ်၊ ဟုတ်ပြီ တကယ်ရလာဒ်က
စစ်ခေါင်းဆောင်တွေအတွက်ပဲဖြစ်ခဲ့တယ်ဆိုရင်
အဲဒီအတွက် မင်းဆရာတွေကိုယ်တိုင်
အပြည့်အ၀တာယူပေးပါလို့ အတိအလင်းပြောပါရစေ၊
စစ်အာဏာရှင်အလိုကျပြောခဲ့လို့ အာဏာရှင်ကြီးနေ၀င်းတောင်
ထိုင်ရှိခိုးတာခံဘူးတဲ့ဘုန်းကြီးတစ်ပါး၊ နောက်မျိုးဆက်သစ်
အာဏာရှင်တွေထိုင်ရှိခိုးတာခံရဦးမှာပါမြင်ယောင်နေပါသေးတယ်၊
အဖိနှိပ်ခံဘာသာဝင်တစ်ယောက်အနေနဲ့ဂုဏ်ယူရမှလား၊
ဝမ်းနည်းရမှာလား ဘယ်လိုပြောရပါ၊
မင်းဆရာတွေ ကိုပါကြီးတုန်းကပါးစပ်ပိတ်တရားဟော
ဒေါ်ခင်ဝင်းတုန်းကလည်း တုန့်တုန့်မျှမလုပ်ပဲ
အာဏာရှင်ပုလ္လင်လှုပ်ခါမှ နေမထိထိုင်မသာဖြစ်ရတာ
ဘာကြောင့်လဲလို့ မေးချင်သေးတယ်၊
နေ၀င်းရှိခိုးပြီးတော့လည်းတိုင်းပြည်အတွက်ဘာမှဖြစ်မလာသလို
အခုသိန်းစိန်မင်းအောင်လှိုင်တို့ကလက်စုံမိုးရှိခိုးလည်းဘာမှဖြစ်မလာဘူး
ဆိုရင်တော့ မင်းဆရာရဲ့တန်ခိုးသြဇာ တန်ဖိုးမဲ့များဖြစ်လေမလား၊
ဒါဆိုရင် ဘာထူးသေးလဲ..
လူထွက်ပြီးပြည်သူတစ်ယောက်အနေနဲ့
တန်းတူရည်တူနိုင်ငံရေးလုပ်ရင် သမတတောင်ဖြစ်နိုင်ပါသေးတယ်၊
ဒါပေမဲ့..လူတွေဝေဖန်တာကိုတော့ ခံနိုင်ရည်ရှိရမယ်နော်၊
ကိုကိုဦး (သူပုန်မျိုးဆက်)

No comments:

Post a Comment

Related Posts Plugin for WordPress, Blogger...