Tuesday, February 17, 2015

တရုပ်လွှမ်းမိုးမှုကိုမည်ကဲ့သို့ကာကွယ်နိုင်မည်နည်း၊ ဒေါ်အောင်ဆန်းစုကြည်



ကိုးကန့်ဒေသစစ်ပွဲများ၊ ကချင်စစ်ပွဲများ၊ နောက်ဆုံး ဝ လူမျိုးတို့၏ ကြီးမားလှသော လက်နက်ကိုင်တပ်ကြီး၊ စသဖြင့်၊ မြန်မာပြည်မြောက်ပိုင်း၊ စစ်ရေးဆိုင်ရာ လှုပ်ရှားမှုများကို ကြားနေရသည်မှာ စိုးရိမ်စရာဖြစ်သည်။ ရေနံနှင့်ဓါတ်ငွေ့ ပိုက်လိုင်းကြီးက မြန်မာနိုင်ငံကို နှစ်ခြမ်းခွဲထားသလို ဖြစ်နေသည်ကိုလည်း အထက်မြန်မာပြည်၊ တရုပ်လွှမ်းမိုးခံရသကဲ့သို့ ဖြစ်နေသည်။
မြန်မာနိုင်ငံအတွက် သတင်းနှင့်အဆက်မပြတ်သူ မြန်မာလူမျိုးတိုင်းစိုးရိမ်ကြသည်။ အချို့ကလည်း တရုပ်နိုင်ငံအတွက် ရေနှင့်စွမ်းအင်လိုအပ်ချက်များမှာ ဘင်္ဂလားပင်လယ်သို့ မြန်မာပြည်မှတဆင့်၊ လမ်းဖေါက်မည့် မဟာစီမံကိန်းရှိသည်ဟု ကောလဟာလ၊ သတင်းများထွက်နေသည်။
.
ယခုအခါ တရုပ်နိုင်ငံ၏ အဆင်းရဲဆုံးဟု ဆိုနိုင်သော ယူနန်ပြည်နယ်သည် တဟုန်ထိုး တိုးတက်နေလာပြီး၊ အထူးသဖြင့် ကုန်းတွင်းကျသော ယူနန်ပြည်နယ်မှတဆင့် မြန်မာနှင့်ဗီယက်နမ် ၂နိုင်ငံအားဖြင့် ပင်လယ်ဖက်သို့ လမ်းဖောက်နေကြသည်။ ဗီယက်နမ်နိုင်ငံမှာ တရုပ်သြဇာချဲ့ထွင်မှုကို တရုပ်စစ်တပ်ကြီးချီတက်လာသော စစ်ပွဲကြီးတခု ၁၉၇၈ တွင် တလတာကြံ့ကြံခံနိုင်ပြီး၊ တရုပ်စစ်တပ်တို့ ပြန်လည်ဆုတ်သွားခဲ့သည်။ နောက်ပိုင်း စီးပွားရေးအားဖြင့် ဗီယက်နမ်ကို မြန်မာနိုင်ငံ မြစ်ဆုံ ရေအားလျှပ်စစ်စီမံကိန်းကဲ့သို့ စီးပွားအားဖြင့် ထိုးဖေါက်ပြန်သည်။ ဗီယက်နမ်ပြည်သူလူထုတွင် တရုပ်ဝိသမ စီးပွားရေးသမားများကို အပြင်ထန်ဆန့်ကျင်သော်လည်း၊ ဗီယက်နမ်အစိုးရအဖို့ အိမ်နီးခြင်း၊ မဟာစီးပွားအင်အားကြီး တရုပ်နိုင်ငံကို လက်ခံနေရဆဲဖြစ်သည်။ အိမ်နီးချင်းနိုင်ငံအဖြစ် မဖြစ်မနေ ဆက်ဆံနေရချိန်တွင် မြန်မာပြည်ဖက်မှာ ကမ္ဘာ့အဆင့် ခေါင်းဆောင်များဖြင့် တရုပ်-မြန်မာ အကျိုးတူစီးပွားရေး စာချုပ်များဖြင့် လုပ်ဆောင်ရပါမည်။ ပြီးခဲ့သော ရေနံဓါတ်ငွေပိုက်လိုင်း၊ လက်ပတောင်းတောင်ကြေးနီ နှင့် စာချုပ်ပေါင်းများစွာရှိသည်။ အနာဂါတ် မြန်မာအစိုးရသည် လူတစ်စုအကျိုးမှ၊ နိုင်ငံအကျိုးဖြစ်အောင် Good Attitude ခေါင်းဆောင်များစွာ လိုအပ်နေသည်။


ခေါင်းဆောင်ကောင်း
တရုပ်နိုင်ငံကြီး တဟုန်ထိုးတိုးတက်သွားခြင်းမှာ အတွေးခေါ်ကောင်းဖြင့်၊ လက်တွေ့အကောင်ထည်ဖေါ်သွားသော ခေါင်းဆောင်ကြီး တိန်ရှောင်ဖိန့် ဖြစ်သည်။ မည်သူမျှ မငြင်းနိုင်ပါ။ တိန့်ရှောင်ဖိန့် ခေါင်းဆောင်မှုနှင့် စင်ကာပူနိုင်ငံမှ လီကွမ်းယူ ခေါင်းဆောင်မှု မတူညီပါ။ စင်ကာပူခေါင်းဆောင် လီကွမ်းယူက အာဏာရှင်ဆန်ဆန် စင်ကာပူနိုင်ငံကို ကမ္ဘာ့ထိပ်တန်းသို့ ပို့ဆောင်သွားခဲ့သည်။ တောင်ကိုးရီးယား နိုင်ငံလည်း ကမ္ဘာ့ထိပ်တန်းသို့ ရောက်လာခြင်းမှာ အတိုက်အခံခေါင်းဆောင် ကင်ဒေဂျုံ  အဂတိအနည်းဆုံးနိုင်ငံအဖြစ် အခြေခံလုပ်ဆောင်ခဲ့သည်။


ဗိုလ်ချုပ်အောင်ဆန်း နှစ်တစ်ရာပြည့် နတ်မောက်မြို့အခမ်းအနားကျင်းပခဲ့ပါတယ်။  ကလေးများ အနေဖြင့် ဗိုလ်ချုပ်အောင်ဆန်းကို စံနမူနာယူ၍ တိုင်းပြည်အတွက်သာမက လူသားများအတွက်ပါ တန်ဖိုးရှိသူတစ်ဦး ဖြစ်လာအောင် ကြိုးစားကြဖို့ ... ကလေးများအနေဖြင့် ဗိုလ်ချုပ်အောင်ဆန်းကို နမူနာယူပြီး နိုင်ငံ့ထိပ်တန်း ခေါင်းဆောင်တစ်ယောက် သာမက တစ်ကမ္ဘာလုံးက အသိအမှတ်ပြုရသော ခေါင်းဆောင်တစ်ယောက် ဖြစ်အောင်၊ တိုင်းပြည်အတွက် သာမက လူသားများအတွက်ပါ တန်ဖိုးရှိသူတစ်ယောက် ဖြစ်လာအောင် ကြိုးစားကြရန်  ဒေါ်အောင်ဆန်းစုကြည်က အမှတ်တရစကား ပြောကြားတိုက်တွန်းခဲ့ပါတယ်။
မြန်မာနိုင်ငံ ကလေးများနေ့အဖြစ် သတ်မှတ်ထားတာ အင်မတန်မှ သင့်လျော်သည်ဟု မြင်ကြောင်း၊ ဖခင်ဖြစ်သူ သေဆုံးချိန်မှာ နှစ်နှစ်အရွယ်သာ ရှိသေးကြောင်း၊ မိခင်ဖြစ်သူ၏ သင်ကြားမှုအရ ဖခင်ဟာ အင်မတန်မှ ဖြောင့်မတ်သည့် ပုဂ္ဂိုလ်တစ်ဦးဟူ၍ နားလည်ခဲ့ကြောင်း ဒေါ်အောင်ဆန်းစုကြည်က ပေးပို့ခဲ့သည့် သ၀ဏ်လွှာ အသံဖိုင်မှာ ပြောကြားထားပါတယ်။  ကြွရောက်လာရောက်တဲ့ သီသဂူဆရာတော်ကြီးက ဗိုလ်ချုပ်အောင်ဆန်း တကယ်မသေကြောင်း၊  မျိုးဆက်များစွာ ပေါ်ပေါက်လာရေးအတွက် သူ့သမီး ဒေါ်အောင်ဆန်းစုကြည် အသက်ရှင်လျှက်ရှိကြောင်း။ ဝိုင်းဝန်းပံ့ပိုးပေးကြရန် ပြောသွားပါတယ်။

မြန်မာအစိုးရက ဥပဒေများစွာ လွှတ်တော်နှင့်သမ္မတ လက်မှတ်ထိုးထုတ်ပြန်ရာမှာ အမျိုးသားပညာရေးဥပဒေမူကြမ်းကို ဆရာများ၊ ကျောင်းသားများ အပြင်းထန်ကန့်ကွက်သည့်သည့်ကို လစ်လျူပြုခဲ့လို့ တပြည်လုံး ကျောင်းသားသပိတ် ဖေဖေါ်ဝါရီလတွင် ပေါ်ပေါက်ခဲ့ရပါတယ်။  ကလေးမြို့၊မုံရွာ၊ မန္တလေး၊ ရေနံချောင်း၊ ပုသိမ်၊ ပဲခူး၊ မော်လမြိုင်၊ ရန်ကုန် စသဖြင့် သပိတ်ကြောင်းများစွာကို အစိုးရက အကြမ်းဖက်ပဲ တားဆီးရန်ကြိုးစာခဲ့ပါတယ်။  ကျောင်းသားကိုယ်စားလှယ်များကို နေပြည်တော်သို့ ဖိတ်ခေါ်ဆွေးနွေးပြီး၊ ကျောင်းသားများ တင်ပြချက် ၁၁ချက်ကို သဘောတူ လိုက်လျောခဲ့ပါတယ်။  ဒေါ်အောင်ဆန်းစုကြည် နဲ့ အင်အယ်ဒီပါတီလူငယ်များ၊  ကျောင်းသားကိုယ်စားလှယ်များ ၃နာရီကြာ၊ တွေ့ဆုံကြပါတယ်။ ကျောင်းသပိတ်အဖွဲ့များ ရန်ကုန်တွင်စုရန် မည်သို့ဆုံးဖြတ်မည်မသိရပေမဲ့လည်း၊ အသက်၂၀အရွယ် ငယ်ရွယ်သူ ကျောင်းသားများနှင့် အစိုးရလူကြီးများ တွေ့ဆုံဆွေးနွေးတဲ့ ဒီမိုကရေစီစနစ် အောင်မြင်တာကို ဝမ်းမြောက်စွာ တွေ့ရပါတယ်။

နောက်ကွယ်မှ ဝိသမ ငွေ၊အာဏာရှင်များ၏ ဆူဆူပူပူ ဖြစ်စေရန် သွေးထိုးလှို့ဆော်မှုသူများ၊ ဘာသာရေးလှို့ဆော်သလို မလုပ်နိုင်ရန် အစိုးရနှင့်အတိုက်အခံများ ကျောင်းသားများလိုအပ်ချက်များကို နားထောင်၊လုပ်ဆောင်ပေးဖို့ အစိုးရတာဝန်ဖြစ်ပါတယ်။  မီဒီယာအားဖြင့် ပွင်လင်းလာတဲ့ မြန်မာနိုင်ငံမှာ အတိုးတက်ဆုံးကတော့ လူငယ်များဖြစ်သည်။ ကမ္ဘာ့အဆင့် လူငယ်များဖြစ်လာရန် ပညာရေးစနစ်ကို ပြောင်းလဲဖို့ လူငယ်များက၊ လူကြီးများကို လမ်းညွန်နေပါတယ်။ သတင်းဓါတ်ပုံ-NLD Chairperson.



ပညာရေး၊ ကျန်းမာရေး

မြန်မာပြည်မှာ ပုဂ္ဂလိက ကျောင်းဖွင့်ခွင့်ရှိတော့ မူလတန်း၊ အလယ်တန်း၊ အထက်တန်း ပုဂ္ဂလိကကျောင်းများစွာ ပေါ်ပေါက်လာပါတယ်။ မန္တလေး ဖောင်တော်ဦးကျောင်း နန်းရှေ့ ၁၉ လမ်းမပေါ်က ဘုန်းတော်ကြီးတစ်ပါးရဲ့ စနစ်သစ်ပညာရေး..နဲ့ ကျောင်းဆရာများရဲ့ ကျောင်းသူကျောင်းသာ ၇ထောင်ကျော် .. အင်္ဂလိပ်စာ၊ မြန်မာစာ.. သင်ကြားပုံ... ဗီဒီယို လင့်လေးတစ်ခု ဖေ့စ်ဘုတ်ပေါ်တွေ့ရတော့ အနာဂါတ်ပညာရေးမှာလဲ Good Attitude နိုင်ငံသားများက အောင်ပွဲခံမှာ ဖြစ်ပါတယ်။
.
ဥပမာ ..ဗိုလ်ချုပ်အောင်ဆန်း အကြောင်းသင်မယ်ဆိုရင်.. သူ့လုပ်ဆောင်မှုတွေ .. ပြောပြနားထောင်ခိုင်းမှု မလုပ်တော့ပဲ၊ ကျောင်းသူ၊ကျောင်းသားများကို စာအုပ်၊ ပစ္စည်းများ ပေးပြီး သူတို့ဖာသာ အုပ်စုလိုက် ဗိုလ်ချုပ်အောင်ဆန်းအကြောင်း ရှာဖွေ၊ ရေးသားစေပါတယ်... ။ မိဘများကတော့ .. ဒီကျောင်းတက်တဲ့ ကလေးတွေ အိမ်မှာအမေးမြန်း ထူးလာတော့ သိပ်မကြိုက်ချင်ပါဘူး။ လူကြီး၊ ဆရာမတွေက ငါပြောတာနားထောင် ..ဆိုတဲ့ ဓလေ့နဲ့ အလေ့ကျင့်ရလာသူများအတွက် ပြောင်းလဲမှုပါပဲ။ ပညာရေး၊ ကျန်းမာရေးတွေမှာ လူထုကပဲ ကိုယ့်ဖာသာ အကောင်းဆုံး လုပ်ခွင့်ရရှိခြင်းဟာ .. အစိုးရအရာရှိ၊ ဌာနဆိုင်ရာ အကျင့်စာရိတ္တပညာ သင်ကြားခြင်းပါပဲ။
.
စင်ကာပူမှာတော့ စားဝတ်နေရေး မပူပင်ရတဲ့ ကျောင်းဆရာများက မူလတန်းမှာ ကလေးများကို ပညာသင်တယ်။ အထူးသဖြင့် စာရိတ္တ၊ စည်းကမ်း၊ လေ့လာနည်း၊ အသင်းဖွဲ့ပုံစံ၊ CCA ဆိုတဲ့ ကျောင်းစာမဟုတ်တဲ့ စာကြည့်တိုက်၊ အားကစား၊ ဂီတ၊ ဘင်ခရာ၊ ကြက်ခြေနီ၊ ဘရောင်နီ၊ စကောက်အသင်း.. စတဲ့ပညာရပ်များမှာ ကလေးများ တိုးတက်လာပါတယ်။ နောက်ဆုံးတော့ .. ဒီကလေးများ အိမ်ပြန်ရောက်လာတော့ မိဘကို ပြန်လည်သင်ကြားလာပါတယ်။ ဘယ်သူမှပြောမရတဲ့ အော်ငေါက်တတ်တဲ့ အစိုးရအရာရှိကြီး.. အိမ်မှာလဲ အော်ငေါက်နေတာ.. မိန်းမကလည်း သူ့လုပ်စာ စားနေရတော့ ပြန်မပြောရဲ့ဘူး။ အဲ.. ဒီ အရာရှိကြီးကို ၆နှစ်သား သား၊ သမီးများက မကြောက်မရွံ့ .. အမေ့ကို အော်ငေါက်မပြောပါနဲ့။ ကျောင်းက ဆရာမ ပြောတယ်။ အော်ငေါက်မပြောရဘူး၊ မဆဲရဘူး... လို့ ထမင်းစားဝိုင်းမှာ ပြောလိုက်တော့ .. အဖေကြီး ဒေါသထွက်ပါတယ်။ ကလေးကတော့ ဖခင်ကိုမလေးစားတာ မဟုတ်ပါဘူး။ ဖခင်ရဲ့ ငါဆိုတဲ့ အတ္တစိတ်၊ ဒေါသစိတ်၊ စာရိတ္တပျက်မှုတွေကို .. မိတ်ဆွေတွေက မပြောပါ၊ မပြောချင်ပါ။ ပြောပြလဲ စိတ်ဆိုးပြီးမိတ်ပျက်သွားနိုင်ပါတယ်။
.
ဒါပေမဲ့ ကိုယ့်သားသမီးများရဲ့ မေတ္တာနဲ့ ပြန်ပြောစကားကိုတော့ မိဘများ နားထောင်ကြပါတယ်။ အကျင့်ပျက်နေဆဲ ငွေ၊ အာဏာရှင် သားသမီးများကတော့ ရှိပါစေတော့လေ... ။ အများစုဖြစ်တဲ့ ကျောင်းသား၊ ကျောင်းသူများစွာကို Good Attitude ဖြစ်လာဖို့ .. ဒီဆရာမများ၊ ဘုန်းကြီးနဲ့ ပံ့ပိုးသူများ ဗီဒီယိုကို ရှယ်ပေးသူများကို လေးစား၊ ကျေးဇူးတင်ပြီး မြန်မာပညာရေးမှာ ပုဂ္ဂလိကကဏ္ဍဟာ အထူးတိုးတက်လာတာကို ကြိုဆိုရပါတယ်။

 



နိုင်ငံရေး၊ စစ်ရေး
တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင် ဦးဆောင်သည့် တပ်မတော်အဆင့်မြင့် အရာရှိကြီးများနှင့် ပြည်ထောင်စုနေ့ အခမ်းအနားသို့ တက်ရောက်လာသော တိုင်းရင်းသားလက်နက်ကိုင် အဖွဲ့အစည်း ၁၃ ဖွဲ့မှ ကိုယ်စားလှယ်များသည် ဖေဖော်ဝါရီ ၁၃ ရက်က နေပြည်တော်တွင် တစ်နာရီကျော်ကြာ တွေ့ဆုံဆွေးနွေးခဲ့ရာ တပ်မတော်၏ အမျိုးသားရေး မူဝါဒများကို ရှင်းပြခဲ့ကြောင်း ဆွေးနွေးမှုတွင် ပါဝင်သည့် တိုင်းရင်းသား အဖွဲ့အစည်းများမှ ကိုယ်စားလှယ်များထံက သိရသည်။ စစ်တပ်ကြီးစိုးသော မြန်မာနိုင်ငံတွင် စစ်တပ်ခေါင်းဆောင်များက အကြမ်းဖက်၊ လက်နက်ကိုင်နည်းဖြင့် ဖြေရှင်းခဲ့သည်မှာ နှစ်ပေါင်း၅၀ကျော်ခဲ့သော်လည် မအောင်မြင်ပါ။ ယခု နိုင်ငံရေးအားဖြင့် ဖြေရှင်းရာတွင် စစ်ဝတ်စုံမှ အရပ်ဝတ်ပြောင်းလဲသော စစ်ဗိုလ်ဟောင်းများအစိုးရ၊ စီးပွားရေးစနစ်မှာ ၄နှစ်ကျော်ခဲ့ပြီ။ လောဘကြီးသော လူ့သဘာဝအတိုင်း ရရှိသော အာဏာသုံးပြီး၊ တစ်လ၊ တစ်နှစ်အတွင်း ဒေါ်လာသန်းပေါင်းများစွာ အဂတိလိုက်စားနိုင်သော ခေတ်ကြီးဖြစ်သည်။ လက်နက်ကိုင်တပ်များ နယ်စပ်စီးပွားရေးသည် အလွန်ဝင်ငွေကောင်းသည်ကို သိရှိသောကြောင့် အထူးသဖြင့် တရုပ်၊မြန်မာ နယ်စပ်များတွင် အစိုးရစစ်တပ်၊ တိုင်းရင်းသားလက်နက်ကိုင်တပ်များကို ပေးကမ်းပြီး၊ စီးပွားအကြီးအကျယ် လုပ်နေကြသည်။ တိုင်းရင်းသား ငြိမ်းချမ်းရေးလုပ်ရာတွင် အကျိုးတူစီးပွားရေးသည် နိုင်ငံရေးဆွေးနွေးပွဲနောက်ကွယ်မှ အကြီးမားဆုံးသော တောင်းဆိုချက်ဖြစ်နေပါသည်။ တရုပ်နယ်စပ် လက်နက်ကိုင်တပ်အားလုံး နိုင်ငံကာကွယ်ဖို့ ညီညွတ်မှုရရှိပါက တရုပ်နိုင်ငံသြဇာလွှမ်းမိုးလာမှုကို ကာကွယ်နိုင်မည်ဖြစ်သည်။
.
ထို့ကြောင့် လက်နက်ကိုင်တပ်အားလုံး၊ အထူးသဖြင့် မြန်မာစစ်တပ် အရာရှိများ လောဘမကြီးရန်၊ အကြပ်တပ်သား၊ မိသားစုများ လုံလောက်သော စားဝတ်နေရေး ဖန်တီးပေးရန် လိုသည်။
 


ဘာသာရေး၊ လူမှုရေး
ဘာသာရေး အဓိကရုဏ်များအတွက်၊ ကုလသမဂ္ဂ လူ့အခွင့် အရေးဆိုင်ရာ အထူး စုံစမ်း စစ်ဆေးရေးမှူး မစ္စ ယန်ဟီလီ မြန်မာပြည်ကို ရောက်ရှိလာပါတယ်။ အရှင် ဝီရသူက ရုန့်ရင်း ကြမ်းတမ်းတဲ့ အသုံးအနှုန်းတွေနဲ့ ပြောဆို ခဲ့တာဟာ ဘယ်လိုမှ လက်ခံနိုင်စရာ မရှိကြောင်း ကုလသမဂ္ဂ လူ့အခွင့်အရေးဆိုင်ရာ ကော်မရှင်နာ မင်းကြီး Zeid Ra'ad Al Hussein က တုံ့ပြန်လိုက်ပါတယ်။ ဒါ့အပြင် အခုလို ကုလသမဂ္ဂ အရာရှိအပေါ် ရုန့်ရင်း ကြမ်းတမ်းတဲ့ ပုဂ္ဂိုလ်ရေး တိုက်ခိုက်မှု အပါအ၀င် အမုန်းတရား ဖြန့်ဝေတဲ့ တခြား လှုံ့ဆော်မှု မှန်သမျှကိုလည်း အရေးယူ ပိတ်ပင်ဖို့ မြန်မာနိုင်ငံ အတွင်းက ဘာသာရေးနဲ့ နိုင်ငံရေး ခေါင်းဆောင်တွေကို တောင်းဆိုကြောင်း ကုလသမဂ္ဂ လူ့အခွင့်အရေးဆိုင်ရာ ကော်မရှင်နာ မင်းကြီးက ပြောလိုက်ပါတယ်။ ရန်ကုန်မှာ ရောက်နေတဲ့ လန်ဒန် ဆရာတော် ဦးဥတ္တရကလည်း ကုလသမဂ္ဂရဲ့ လူ့အခွင့် အရေးဆိုင်ရာ အထူး စုံစမ်း စစ်ဆေးရေးမှူး မစ္စ ယန်ဟီလီကို အရှင် ဝီရသူက ပြောဆိုသုံးနှုန်းခဲ့တာတွေဟာ ရဟန်း တစ်ပါး ပြောသင့် ပြောအပ်တာမျိုး မဟုတ်ဘူးလို့ မိန့်ပါတယ်။ ဒီပြောဆိုမှုကို ကြားရချိန်မှာ သူ့ အနေနဲ့ အံ့အား သင့်မိသလို စိတ်မကောင်းလည်း ဖြစ်မိကြောင်း၊ မြန်မာ နိုင်ငံက ဗုဒ္ဓဘာသာ သံဃာတော်တွေရဲ့ ပုံရိပ်ကိုလည်း ထိခိုက်စေကြောင်း ဆရာတော် ဦးဥတ္တရက မိန့်ပါတယ်။
 

အိမ်ခြံမြေဈေးကြီးမှု
နိုင်ငံတိုင်းမှာ အစိုးရဆိုတာ၊ လူတွေ အလုပ်လုပ်ချင်လာအောင် လမ်းခင်းပေးရပါတယ်။ အထူးသဖြင့် လူငယ်များကို အလုပ်လုပ်ချင်အောင် မျှော်လင့်ချက်ပေးရပါတယ်။ စားဝတ်နေရေး လိုအပ်ချက်များအပြင် ၊ စုဆောင်းငွေနဲ့ နေစရာအိမ်ရရှိရေးဟာ အထူးအရေးကြီးလှပါတယ်။ ဒါကြောင့် အလုပ်လုပ်ချင်စိတ်၊ စီးပွားရေးလုပ်ချင်စိတ် များလာအောင် ဆက်သွယ်ရေး၊ ပို့ဆောင်ရေးတွေမှာ တယ်လီဖုန်း၊ ကား၊ ရထား လမ်းဖေါက်ခြင်း စတဲ့ အခြေခံအဆောက်အဦများကို ဈေးသက်သာ၊ လွယ်ကူအောင် ဖန်တီးပေးကြပါတယ်။ စုဆောင်းငွေနဲ့ တန်ဘိုးနည်း အိမ်ယာတစ်ခု ၁၀နှစ်အကြာ ဝယ်နိုင်မယ်ဆိုရင် အလုပ်လုပ်ဖို့ အားရှိပါတယ်။ မိုတီဘေးရှင်း motivation လို့ခေါ်ပါတယ်။ ငွေဆိုတာ သုံးသလို မလောက်ပါဘူး။ ငွေစု စီမံကိန်းကို အစိုးရဦးဆောင်ပြီး စင်ကာပူက စီပီအက် CPF ပုံစံမျိုး လုပ်ဆောင်နေတယ်လို့ သိရပါတယ်။
မြန်မာပြည်မှာ လွန်ခဲ့တဲ့ ၃နှစ်အတွင် အိမ်ခြံမြေဈေးတွေ၊ နိုင်ငံခြားသားများ ရုံးခန်းငှားခတွေ စင်ကာပူ၊ နယူးယောက် ဈေးနှုန်းနီးပါး အလွန်မြင့်မားသွားလို့ လူတွေ အတော်စိတ်ဓါတ်ကျရပါတယ်။ မြန်မာပြည်ကို ပြန်လုပ်တော့မယ် ဆိုသူများ မပြန်နိုင်တော့ပဲ၊ မြန်မာပြည်တွင်းက လူငယ်များစွာ တဟုန်ထိုး နိုင်ငံခြားတွေကို အလုပ်ထွက်လုပ်လာကြပါတယ်။ မြန်မာ့သူဌေးကြီးများစွာ ပေါ်ပေါက်နေပြီး ဆင်းရဲ-ချမ်းသာ အရမ်းကွာဟပြီး ခရိုနီ၊ သယံဇာတ လိုင်စင်/ပါမစ် သူဌေးများစွာ လုပ်ချင်တိုင်းလုပ်နေတာ စိတ်ပျက်စရာပါ။ ဒါပေမဲ့ ..အခွန်ပေး၊ အလုပ်ပေးတဲ့ ကုန်ထုတ်လုပ်ငန်းရှင် မြန်မာသူဌေးများစွာ ပေါ်ပေါက်လာတာ အားရစရာဖြစ်ပါတယ်။ မှန်ကန်သော စီးပွားရေးလုပ်ငန်းများစွာ ပေါ်ပေါက်ဖို့၊  မြန်မာနိုင်ငံတွင်းမှာ အိမ်ခြံမြေဈေး သင့်တင့်ဖို့၊ ဘိန်း၊ မူးရစ်နဲ့ ဝိသမစီးပွားရေးများကို ရပ်တံ့စေဖို့ ခေါင်းဆောင်ကောင်း အထူးလိုအပ်နေပါတယ်။

အခုတော့ ပုဂ္ဂလိက အိမ်မြေဆောက်သူများကို လိုင်စင်ပါမစ် များစွာချပေးနေပါတယ်။ တစ်နှစ်၊ နှစ်နှစ်အတွင်း တန်ဖိုးနည်းအိမ်ယာများစွာ များစွာပေါ်လာပါတယ်။ ဥပမာ ..သိန်း၁၀၀ ကျော်နဲ့ ရောင်းနေတာတဲ့ တိုက်ခန်း ကန်ဒေါ်လာ တစ်သောင်းကျော် အရစ်ကျပေးခြင်း  ၂၀%  (သိုမဟုတ်) လုံးချင်းပေးသူများကို ၂၀% ဈေးရှော့ပေးမယ်လို့ ဆိုပါတယ်။ တိုက်ခန်းများကို ကြည့်ရှုလိုသူများ ဖေ့စ်ဘုတ် December Thirigayhar City မှာ ကြော်ငြာထားပါတယ်။ မြန်မာနိုင်ငံမှာ မြေတွေ အလွန်ပေါများလှပါတယ်။ ဆောက်လုပ်ရေး ပစ္စည်းများ နိုင်ငံခြား သွင်းကုန်/ထုတ်ကုန် လွယ်ကူလာချိန်မှာ ရန်ကုန်မှာ အိမ်တစ်လုံးရဖို့ အိမ်ခြံမြေဈေးတွေ ပုံမှန်ဈေး (အရှေ့တောင်အာရှ နိုင်ငံများဈေးနှုန်း) ပြန်ဖြစ်လာမှာပါ။ အိမ်ခြံမြေ ဈေးကြီးအောင်လုပ်သူများကတော့ ရေတိုလုပ်ငန်းဖြစ်ပါတယ်။
.
မြန်မာများ ရေတို၊ ပေါ်ပင်၊ အကြံဖန်၊ ဝယ်ရောင်းလုပ်စားတဲ့ခေတ်ကနေ ရေရှည်အကျိုးစီးပွားအတွက် လုပ်နိုင်လာဖို့ မျှော်လင့်ချက်များစွာ တွေ့နေရပါတယ်။


ခေါင်းဆောင်ကောင်းရွေးချယ်ခြင်း
ပညာတတ် လူတော်တော်များများက ယခင်တုန်းက ဒေါ်အောင်ဆန်းစုကြည်ကို ထောက်ခံခဲ့ပေမဲ့၊ အခုအချိန်မှာ ဒေါ်အောင်ဆန်းစုကြည် ခေါင်းဆောင်ဖြစ်ရင်လဲ ဒီတိုင်းပြည်ကြီး၊ မလွယ်ပါဘူး.. ဦးသိန်းစိန်ပဲကောင်းပါတယ် .. စစ်ရေးအမြင်ရှိမှဖြစ်မှာပါ၊ စသဖြင့် တွေဝေ၊ နဝေတိမ်တောင် ဖြစ်ကုန်ပါတယ်။ တိုင်းပြည်တစ်ခု တိုးတက်လာဖို့၊ ပြောင်းလဲလာဖို့ဆိုတာ ခေါင်းဆောင်ကောင်းတစ်ယောက် ရှိဖို့လိုပါတယ်။ မြန်မာပြည်မှာ ဗိုလ်ချုပ်အောင်ဆန်း ခေါင်းဆောင်ကောင်း ပေါ်ထွန်းခဲ့ပေမဲ့၊ လုပ်ကြံခံခဲ့ရပါတယ်။ အခုလည်း သူ့သမီး ဒေါ်အောင်ဆန်းစုကြည် ပေါ်ပေါက်လာပြန်ပါတယ်။ နည်းမျိုးစုံနဲ့ အကျဉ်းချ၊ အသက်ကို လုပ်ကြံတဲ့အထိ လွန်ခဲ့တဲ့ ၂၇နှစ်လုံးလုံး မသမာသူများက ကြိုးစားခဲ့ကြပါတယ်။ အံ့သြစရာ အလွန်ကောင်းပါတယ်။ အခုချိန်မှာ နေရာမှန်ကို ရောက်ရှိလာပါပြီ။ နိုင်ငံခြားသားကို လက်ထပ်ခဲ့တယ်။ သားနှစ်ဦးဟာ နိုင်ငံခြားသားဖြစ်တယ်.. စသဖြင့် မြန်မာနိုင်ငံခေါင်းဆောင်လုပ်ဖို့ မသင့်တော်ဘူး။ စစ်တပ်ကိုလည်း ထိန်းနိုင်မှာမဟုတ်ဘူး..စသဖြင့် တီးတိုးပြောစကားများစွာ ပေါ်ထွက်လာပါတယ်။ ခေါင်းဆောင်ဖြစ်လာရင် ပါကစ္စတန်က အမျိုးသမီးခေါင်းဆောင် အလီဘူတို လုပ်ကြံခံရလို စစ်သွေးကြွသူများက လုပ်ကြံနိုင်တယ် ..ပြောကြပါတယ်။ ဒါတွေက အထင်နဲ့ပြောကြပါတယ်။ လက်တွေ့ တကယ့်ဖြစ်ရပ်ကို ဆန်းစစ်မယ်ဆိုရင်

* လွန်ခဲ့တဲ့ ၄နှစ်က အမေရိကန်သမ္မတကြီးအိုဘားမား ဒေါ်အောင်ဆန်းစုကြည်အိမ်ကို ရောက်လာပြီး၊ ချစ်ကြည်ရေးလုပ်မယ် .. ပြောရင် အိပ်မက်လို့ပဲ ထင်ကြပါလိမ့်မယ်။
* နိုင်ငံရေးအကျဉ်းသား အားလုံးနီးပါး ထောင်ကလွတ်လာမယ်။ ပြည်ပရောက် နိုင်ငံရေးဘလက်လစ်များ ပြန်လာနိုင်မယ် ..ပြောရင်လဲ အိပ်မက်လို့ပဲ ထင်ကြပါလိမ့်မယ်။
* အတိုက်ခံခေါင်းဆောင် ဒေါ်အောင်ဆန်းစုကြည် လွှတ်တော်ထဲ အတိုက်ခံပါတီအဖြစ် ရောက်လာမယ် ... ပြောရင်လဲ အိပ်မက်လို့ပဲ ထင်ကြပါလိမ့်မယ်။
ဒါတွေအားလုံး တကယ်ဖြစ်လာခဲ့ပါတယ်။ နာမည်ကျော် လူရွှင်တော် ဇာကနာပြောစကားအရ၊ နောက်တက်မဲ့ သမ္မတဦးရွှေမန်း၊ နောက်တက်မဲ့ ပြည်သူ့လွှတ်တော်ဥက္ကဌ ဒေါ်အောင်ဆန်းစုကြည် စသဖြင့် လမ်းခင်းထားတယ်လို့ ပြောလာပါတယ်။ ဘယ်လိုပဲ ပြောဆို၊ ခန့်မှန်းကြပါစေ.. ဒေါ်အောင်ဆန်းစုကြည် မြန်မာနိုင်ငံခေါင်းဆောင်အဖြစ် ၅နှစ်လောက် လုပ်သွားစေချင်တာတော့ စာရေးသူရဲ့ အိပ်မက်တခုပဲ ဖြစ်ပါတယ်။
.
ခေါင်းဆောင်ကောင်း ဆိုတာ ထိပ်ဆုံးနေရာ တက်ထိုင်ဖို့ လိုတယ်၊ မလိုဘူး အချေတင်ပြောနိုင်ပါတယ်။ တရုပ်ပြည် ပြုပြင်ပြောင်းလဲစေတဲ့ ခေါင်းဆောင်ကြီး တိန့်ရှောင်ဖိန့်က ထိပ်ဆုံးနေရာမှာ မနေပါဘူး။ တရုပ်ပေါ်လစ်ဗျူရိုအဖွဲ့မှာ ထိုင်ပြီး မျက်နှာပြလိုက်တာနဲ့၊ တရုပ်ပြည်ကြီးရဲ့ တိန်ရှောင်ဖိန့်ပေါ်လစီကြီး အသက်ဝင်လာပါတယ်။ ခေါင်းဆောင်ကောင်းဆိုတာ မျက်နှာပြရုံနဲ့ အမှောင်ထုထဲက အလင်းလို တောက်ပပါတယ်။ အမှောင်ထုထဲက ဖယောင်းတိုင်မီးတစ်ခုကို မိုင်ပေါင်း ၂၀လောက်က မြင်နိုင်ပါတယ်။ ဒေါ်အောင်ဆန်းစုကြည် လွှတ်တော်ထဲမှာ ဖယောင်းတိုင်မီးလို မျက်နှာပြလိုက်တာနဲ့ လွှတ်တော်လူကြီးတွေ မဟုတ်တာ မလုပ်ရဲ၊ မလုပ်ချင် ဖြစ်ရပါတယ်။ ဘာကြောင့်ဒီလောက် အလင်း အင်အားကြီးပါသလဲ ..ရေးရရင် အများကြီးပါ
 
* နိုင်ငံနဲ့လူမျိုးအတွက် အသက်ကိုပါပေးဆပ်ထားတဲ့၊ စွန့်လွှတ်သူ Surrender Attitude ဖြစ်ပါတယ်။  ခင်ပွန်း၊ သား၂ဦးကိုပါ စွန့်လွှတ်ထားတဲ့ မျိုးချစ်စိတ်ဓါတ်ပါ။
* မိခင်မေတ္တာမျိုးထက်သာတဲ့ အဂါပေအချစ် ဆိုတဲ့ ကြီးမားတဲ့နှလုံးသားပိုင်ရှင်ဖြစ်ပါတယ်။ ရန်လိုသူကို လေးစားစွာနဲ့ အတူထိုင်ဆွေးနွေးနိုင်သူဖြစ်ပါတယ်။
* မြန်မာတပ်မတော် ခေါင်းဆောင်များပင်လျှင် လက်ခံနိုင်အောင် ငြိမ်းချမ်းရေးအင်အားပြည့်ဝသူဖြစ်ပါတယ်။ ကာ/ချုပ် ဗိုလ်ချုပ်မင်းအောင်လှိုင်နဲ့လဲ တွေ့ဆုံဆွေးနွေးခဲ့ပါပြီ။
* နိုင်ငံကိုအုပ်ချုပ်ဖို့ ကမ္ဘာ့အဆင့် ပညာရေးနဲ့ပြည့်စုံသူဖြစ်ပါတယ်။ သိပ္ပံ၊ဝိဇ္ဖာ၊လူမှုရေး၊ စစ်ရေး ထူးခွန်သူများရွေးချယ်ခန့်ထားနိုင်သူဖြစ်ပါတယ်။
 
ဒါလောက် ထူးချွန်လှတဲ့ ခေါင်းဆောင်ကောင်း ဒေါ်အောင်ဆန်းစုကြည်ကို ၂၀၁၅ ရွေးကောက်ပွဲမှာ ထောက်ခံမဲပေးဖို့ လိုပါတယ်။ လက်ရှိအစိုးရမှာ ငွေ၊အာဏာရှင်၊ ပုဂ္ဂိုလ်ရေး အုပ်စုကတော့ ဒေါ်အောင်ဆန်းစုကြည်ကို ထောက်ခံမှာမဟုတ်ပါ။  ဒေါ်အောင်ဆန်းစုကြည်ကိုမထောက်ခံပဲ၊ စစ်ဗိုလ်ချုပ်ဟောင်းတစ်ဦးကို ဆက်လက်ထောက်ခံနေသူဟာ ၊  တွေဝေလူတန်းစား အဆင့်လို့ပဲ သတ်မှတ်ရပါမယ်။ ဒေါ်အောင်ဆန်းစုကြည် ကိုထောက်ခံဖို့ စာပေဟောပြောပွဲမှာ ညိုမင်းညို ရဲ့ ရှင်းလင်ပြက်သားတဲ့ ပြောပြချက်များကို ကြားရပါတယ်။ ညိုမင်းညို ဆင်ချင်သုံးသပ်ချက်များ၊ ပြောစကားများ အရဆိုရင်တော့ ရှင်းလင်းနေပါတယ်။

နိဂုံး
ပြသနာများစွာ မြန်မာနိုင်ငံမှာ ရှိနေပါတယ်။ အထူးသဖြင့် ကမ္ဘာ့အဆင်းရဲဆုံး အယ်ဒီစီ နိုင်ငံဘဝမှာ လွတ်မြောက်ဖို့နဲ့၊ လက်နက်ကိုင်နည်းက အခုခေတ်ကြီးမှာ အသုံးမကျတော့မှန်း အားလုံးလက်ခံပါတယ်။ အထက်က ရေးသွားတဲ့ တရုပ်နိုင်ငံသြဇာလွှမ်းမိုးမှုကို ကာကွယ်ရေး၊ မြန်မာနိုင်ငံရေး၊ စီးပွားရေး၊ ပညာရေး စတဲ့ နိုမ့်ကျမှုများက လွတ်မြောက်ဖို့ ဒီမိုကရေစီစနစ် လမ်းခင်းပေးသွားတဲ့ သမ္မတဦးသိန်းစိန်ကို ကျေးဇူးတင်ပါတယ်။ နောက်တဆင့်လုပ်ဖို့ သမ္မတဦးသိန်းစိန်ထက် ပြက်သား၊ ညင်သာစွာ ဦးဆောင်မဲ့ ခေါင်းဆောင်ကောင်းတစ်ဦး လုပ်ပိုင်ခွင့်ရဖို့ အရေးတကြီးလိုအပ်နေပါတယ်။ ကျနော်တို့ တစ်ဦးချင်းဆီမှာ ပေးဆပ်မှု များစွာလုပ်စရာ များများ မလိုပါဘူး။ ၂၀၁၅ ရွေးကောက်ပွဲမှာ ဒေါ်အောင်ဆန်းစုကြည်ကို ယုံကြည်စွာထောက်ခံရပါမယ်။ အဲဒီ တနည်းလမ်းပဲ မြန်မာနိုင်ငံအတွက် ကျနော်ရဲ့ ပေးဆပ်မှုပါ။  ဇာနီကြီး

No comments:

Post a Comment

Related Posts Plugin for WordPress, Blogger...