Wednesday, January 7, 2015

ဇန်နဝါရီလသမိုင်း


ဇန်နဝါရီလသည် ကမ္ဘာ့ပြက္ခဒိန်တွင် ပထမဆုံးလ ဖြစ်သည်။ လုပ်ငန်းဆောင်တာ အဝဝတို့ကို စတင်ခြင်းကို လည်းကောင်း ၊ တံခါးပေါက်များနှင့် မြို့ဝင်ပေါက်များကိုလည်းကောင်း၊ ကုန်းလမ်း၊ ရေလမ်း ခရီးသွားလာခြင်းတို့ကိုလည်းကောင်း အစိုးရသည်ဟုဆိုသောမျက်နှာနှစ်ဖက်ရှိ “ဂျေးနပ်” (Janus) အမည်ရှိ ရောမ နတ်သား၏ အမည်ကိုယူ၍ ဇန်နဝါရီ (January) ဟူ၍ မှည့်ခေါ်ခဲ့ခြင်း ဖြစ်သည်။
ရှေးရောမပြက္ခဒိန်တွင် မတ်လမှစ၍ ၁ဝ လသာ ရှိခဲ့သည်။
သို့ရာတွင် ဘီစီ ၇၁၅ ခုနှစ်ခန့်တွင် ရောမနိုင်ငံ၏ ဒုတိယဘုရင် “နူမာပွမ်ပီလီယပ်စ်” (Numa Pompilius 753 – 673 B.C) က ဇန်နဝါရီလကို တိုးဖြည့်ပြီးလျှင် နှစ်၏ အဦးဆုံးလအဖြစ် သတ်မှတ်ပေးခဲ့သည်။ ထိုစဉ်က ဇန်နဝါရီလ၌ ရက်ပေါင်း ၃ဝ သာ ရှိသော်လည်း ဘီစီ ၄၆ ခုနှစ်တွင် ဂျူလီယက်ဆီဇာက ၁ ရက် တိုးပေးလိုက်သောကြောင့် ၃ ၁ ရက် ဖြစ်လာခဲ့သည်။
ဇန်န၀ါရီလ၏ ထူးခြားချက်မှာ ခရစ်ယာန်ဘာသာဝင် နိုင်ငံများ၌ နှစ်စဉ် ဇန်နဝါရီလ ၁ ရက်နေ့တိုင်း ကျင်းပလေ့ရှိသော “နှစ်သစ်ကူးနေ့” ဖြစ်သည်။ ခရစ်နှစ် ၁၅၈၂ ခုနှစ်တွင် ဂရက်ဂရီယမ် ပြက္ခဒိန်ကို ရောမကက်သလစ်ဂိုဏ်းဝင်တို့ လက်ခံအသုံးပြုလိုက်သည့် အချိန်မှစ၍ နှစ်စဉ် ဇန်နဝါရီလ ၁ ရက်နေ့ကို နှစ်သစ်ကူးနေ့ (ဝါ) နှစ်ဆန်းတစ်ရက်နေ့အဖြစ် သတ်မှတ်ခဲ့သည်မှာ ယနေ့တိုင်အောင် ဖြစ်သည်။ ယခုအခါ ဇန်နဝါရီလ ၁ ရက်နေ့သည် ကမ္ဘာ့နှစ်ဆန်း တစ်နေ့သဖွယ် ဖြစ်နေလေပြီ။
ထိုနေ့တွင် ခရစ်ယာန်ဘာသာဝင်တို့သည် အချင်းချင်း လက်ဆောင်ပစ္စည်းများ ပေးကမ်းခြင်း၊ ဆုတောင်းမေတ္တာပို့ခြင်း၊ ကျွေးမွေးဧည့်ခံခြင်း အမှုတို့ကို “ခရစ်စမတ်နေ့” ကဲ့သို့ပင် ပြုလုပ်လေ့ရှိသည်။ ထို့ကြောင့် နှစ်သစ်ကူးနေ့ကို “ခရစ်စမတ်ငယ်” ဟူ၍ပင် ခေါ်ကြသည်။ အင်္ဂလန်ပြည်၌ ဇန်နဝါရီလ ၂၁ ရက်နေ့ကို “စိန့်အဂ္ဂနိစ်နေ့” အဖြစ် သတ်မှတ်ထားလေသည်။ စိန့်အဂ္ဂနိစ်မှာ လွန်ခဲ့သော လေးရာစုနှစ်အတွင်းက ရောမအမျိုးသမီး သူတော်စင်တစ်ဦး ဖြစ်သည်။ စိန့်အဂ္ဂနိစ်သည် ၁၃ နှစ်အရွယ်တွင် ဘာသာအယူဝါဒကွဲသော လူငယ်တစ်ဦးနှင့် လက်ထပ်ရမည့်အရေးကို ငြင်းပယ်ကာ အသက်စွန့်ခဲ့သူ ဖြစ်လေသည်။


အင်္ဂလန်ပြည်၌ မိန်းမပျိုများသည် စိန့်အဂ္ဂနိစ်နေ့ည၌ အိပ်မက်ထဲတွင် မိမိတို့၏ အနာဂတ် ချစ်သူ ခင်ပွန်းလောင်းကို မြင်မက်တတ်ကြသည်ဟု တချိန်က ယုံကြည်ခဲ့ကြသည်။ ထို့ကြောင့် အချို့သော မိန်းမပျိုတို့သည် အိပ်ရာမဝင်မီ တရားစာများကို ရွတ်ဖတ်၍ ဆုတောင်းမေတ္တာ ပို့သလေ့ ရှိကြသည်။ အချို့ကလည်း ဇန်နဝါရီလ ၂၁ ရက်နေ့ တစ်နေ့လုံး ဆားနှင့် ကြက်ဥတစ်လုံးမှအပ အခြား အစားအစာများကို လုံးဝမစားဘဲ ဥပုသ်ဝင်တတ်ကြသည်။
၁၉၄၈ ဇန်နဝါရီလ ၄ ရက်နေ့ မြန်မာပြည်သည်သူ့ ကျွန်ဘဝမှလွတ်မြောက်၍လွတ်လပ်ရေးရခဲ့ သည်။
ဇန်နဝါရီလ၏ ဝိသေသ ထူးခြားသော ပန်းမှာ “စနိုးဒရော့” ပန်း ဖြစ်ပြီး မွေးနံကျောက်မျက်မှာ ပဒဲကျောက် ဖြစ်သည်။ မြန်မာ့သမိုင်း၌ ဇန်နဝါရီလတွင် ဖြစ်ပွားခဲ့သော အထင်ကရ ဖြစ်ရပ်များမှာ –
၁၀၆ဝ ဇန်န၀ါရီ ၁၄
အနော်ရထာမင်းစောသည် နဖူးသင်းကျစ်ဓါတ်တော်နှင့် သီဟိုဠ်ကျွန်း (သီရိလင်္ကာ) မှ ဆက်သသည့် စွယ်တော်များကို ဌာပနာ၍ ရွှေစည်းခုံ စေတီတော်ကြီးကို စတင်တည်လုပ်ခဲ့ရာ အတွင်းစေတီတော်သာ ပြီးစီးသည်။
၁၂၄၄ ဇန်နဝါရီ ၁၇
မင်းဥဇနာ၏ ဦးရီးတော် အမတ် သမန်တကုံထံ လင်မယားသည် ဂူ၊ ဘုရား၊ ပိဋကတ်၊ တရားအိမ်၊ ဓမ္မာရုံ၊ ကျောင်း ၊ စင်္ကြံ၊ တံတိုင်း၊ စာသင်ကျောင်း ၂ဝ တို့ကို တည်ဆောက်၍ လယ် ၃၈ဝ ၊ ကျွန် ၁၈၈၊ နွား ၁ဝဝ ၊ ဆင် ၁ စီးနှင့် ဥယျာဉ် ၁ ကို လှူသည်။
၁၃၆၅ ဇန်နဝါရီ ၂၆
သတိုးမင်းဖျားသည် အင်းဝ နန်းတော်ကို တည်ဆောက်သည်။
၁၃၆၆ ဇန်နဝါရီ ၁၆
ရခိုင်ပြည်၊ မဟာထီးတောင်ပေါ်တွင် ကောလိတဆရာနှင့် ရာစုမှူးတို့ ရခိုင်ပြည်ကို တိုက်ခိုက်၍ ရရှိလာသော သုံ့ပန်း ၃၈ဝဝ အား ဘုရားကျွန်အဖြစ် လှူဒါန်းခဲ့ကြောင်း အလျား ၁၈ ပေ ၅ လက်မ၊ အနံ ၅ ပေ ၆ လက်မ ရှိသော ကျောက်တုံးကြီးပေါ်တွင် ရေးထိုးထားသည်။
၁၅၅၁ ဇန်န၀ါရီ ၁၁
ဘုရင့်နောင်သည် ကေတုမတီတောင်ငူကို သိမ်းပိုက်သည်။

၁၅၅၁ ဇန်န၀ါရီ ၁၃

ဘုရင့်နောင်၏ တောင်ငူ အရေးတော်ပုံ ပြီးဆုံးသည်။ ထိုနေ့မှာပင် သားတော် မင်းရဲကျော်စွာကို မင်းတရားရွှေထီး၏ သမီးတော်နှင့် လက်ဆက်၍ အိမ်ရှေ့မင်းအရာ ပေးသည်။

၁၅၅၃ ဇန်န၀ါရီ ၇
ဘုရင့်နောင် ဝင်းတော်အသစ် တည်သည်။ ကျုံးတူးသည်။

၁၅၅၄ ဇန်န၀ါရီ ၁၂
ဘုရင့်နောင်မင်းတရားကြီးခေမာဒွါရတံခါးကဝင်၍နန်းတက်သည်။ သီရိသုဓမ္မရာဇာ တံဆိပ်ခံသည်။ မိဘုရားမှာ အဂ္ဂမဟေသီ ဘွဲ့ခံသည်။

၁၅၅၅ ဇန်န၀ါရီ ၉
အဝ (အင်းဝ) ကို သိမ်းယူပြီး ညီငယ် မင်းရဲကျော်ထင်ကို “သတိုးမင်းစော” အမည်ဖြင့် အဝမြို့ကို ပေးသည်။

၁၅၅၇ ဇန်န၀ါရီ ၈
ဘုရင့်နောင်သည် အင်းဝမှ ရှမ်းပြည်သို့ ချီသည်။

၁၅၆၁ ဇန်န၀ါရီ ၂
ဘုရင့်နောင်မင်းတရားသည် ကောင်းမှုတော် မဟာစေတီတော်ကို ထီးငယ်တင်သည်။

၁၅၆၇ ဇန်န၀ါရီ ၁ ၅
ညီတော် မုတ္တမင်း၏ သမီးတော်အငယ်နှင့် ရခိုင်ဘုရင် စကြဝတေးမင်း၏ ညီတော် သီရိဓမ္မာသောက တို့ကို စုံဖက်ပေးသည်။

၁၅၇၁ ဇန်န၀ါရီ ၁ ၁
ဘုရင့်နောင်သည် ရွှေချိန် ၅၃ဝ ပိဿာဖြင့် ရွှေဘုရားကြီးကို သွန်းလုပ်သည်။

၁၅၇၉ ဇန်န၀ါရီ ၃ ဝ
သားတော် နော်ရထာမင်းစောကို သုဝဏ္ဏဘုမိ မည်သော ဇင်းမယ်ကို ပေးသည်။

၁၅၉၈ ဇန်န၀ါရီ ၁ ၇
ညောင်ရမ်းမင်းသည် မြို့ဟောင်းကို အရှေ့အနောက်တောင်မြောက် ချဲ့ထွင်ပြီး ထူးမြတ်သည့် အင်းမန္တန်မြုပ်နှံ၍ မြို့တည်သည်။

၁၆ဝ၉ ဇန်န၀ါရီ ၂၄
အနောက်ဘက်လွန်မင်းသည် အတုလစန္ဒာဒေ၀ီရှင် မိဘုရားနှင့်အတူ ဗားမဲ့ဆရာတော်အား ကောင်းမှုတော်ကျောင်းကို လှူဒါန်းသည် ကျောင်းတော်ကို ရတနာမြတ်ဘုန်းဟု အမည်ပေးသည်။

၁၆၁၁ ဇန်န၀ါရီ ၃
အနောက်ဘက်လွန်မင်းသည် ကောင်းမှုတော် မဟာမြတ်မုနိစေတီ သို့ သွားရောက်၍ ဆွမ်းကပ်လှူသည်။

၁၆၁၈ ဇန်န၀ါရီ ၂
အနောက်ဘက်လွန်မင်းသည် အိန္ဒိယနိုင်ငံ ဂိုအာမြို့ကို အုပ်ချုပ်နေသော ပေါ်တူဂီဘုရင်ခံ၊ ကဝါပိတ်စရည်မင်း (Goa Viceroy) အား လက်ခံတွေ့ဆုံသည်။

၁၆၂၉ ဇန်န၀ါရီ ၂ ၆
သာလွန်မင်းသည် ကျိုင်းရုံးမှ အင်းဝသို့ ပြန်လည်ချီလာရာ လမ်းခရီးတစ်လျှောက် ဆင်၊ မြင်း ၊ ဗိုလ်ပါတို့ကို သိမ်းယူပြီး ပင်းယအောင်ထပ်သို့ ရောက်ရှိသည်။

၁၆၃ဝ ဇန်န၀ါရီ ၃ ၁
သာလွန်မင်းထံ ရခိုင်ဘုရင်၏ သံတမန်များ ရောက်ရှိသည်။

၁၆၃၄ ဇန်န၀ါရီ ၁ ၁
သာလွန်မင်းက ယိုးဒယားသို့ သံ စေလွှတ်သည်။

၁၆၃၅ ဇန်န၀ါရီ ၁၄
သာလွန်မင်းသည် ရတနာပန်းတောင်းဖြင့် ဂြိုဟ်နတ်တို့ကို ပူဇော်ပြီး နန်းတော်သစ်မြေကို ထူစေသည်။

၁၆၃၈ ဇန်န၀ါရီ ၁၆
သာလွန်မင်း လှူဒါန်းသော ကောင်းမှုတော် စေတီတံတိုင်းတွင် ပိဋကတ်ဗေဒင် စတင်ရေးသည်။

၁၆၄၂ ဇန်န၀ါရီ ၂ ၄
သာလွန်မင်းက ဒဂုန်စေတီတော် (ရွှေတိဂုံ)၏ တည်ရင်းအတိုင်းအတာနှင့် ထီးတော်လှူခဲ့သည့် မင်းကို သိလိုသောကြောင့် ဆရာတော် အနန္ဒစဇအနုရုဒ္ဓါကို မေးမြန်းလျှောက်ထားသည်။

၁၆၅၄ ဇန်န၀ါရီ ၂ ဝ
ပင်းတလဲမင်းသည် အိမ်ရှေ့မင်း မင်းရဲသီဟသူ၏ သားတော်ကြီး တူတော် နရာဇေယျကို အိမ်ရှေ့အိမ်တော်နှင့် ဝေါပလာ (အမိုးမပါသောဝေါ)၊ ရွှေချက် ၂ စင်း ပေးသည်။

၁၆၅၈ ဇန်န၀ါရီ ၂ ၄
ပင်းတလဲမင်း၏ အရီးတော် အတုလစန္ဒာဒေ၀ီ မိဘုရား နတ်ရွာစံသည်။

၁၆၆၂ ဇန်န၀ါရီ ၁၁
မြန်မာတို့ထံ ရောက်ရှိနေသော ရုံကျီဥတည်ဖွားကို သားမြေးနှင့်တကွ တရုတ်တို့ထံ ပို့ရသည်။

၁၆၈၂ ဇန်န၀ါရီ ၄
မင်းရဲကျော်ထင်မင်း၏ မယ်တော် မဟာရတနာဓိပတိဒေ၀ီ၏ ကောင်းမှုဖြစ်သော ဥမင်တော်တွင် မှန်ကင်းစိုက်သည်။

၁၇၀၇ ဇန်န၀ါရီ ၇
စနေမင်းသီရိမဟာသုဓမ္မရာဇာသည်နန်းတော်ကထွက်၍ရွှေကြက်ယက်အရှေ့၌ သင်္ကြန်ခေါ်သည်။

၁၇၅၂ ဇန်န၀ါရီ ၂၇
ဟံသာဝတီမင်း ဗျမိုင်းတိရာဇာနရာဓိပတိဘွဲ့ခံ ဗညားဒလသည် ညီတော် ဥပရာဇာနှင့် ညီငယ်ဗညားဒလ၊ စစ်သူကြီး ဒလပန်း စသော ဗိုလ်မှူး၊ တပ်မှူးများနှင့်အတူ အင်းဝ၊ စစ်ကိုင်းမြို့များကို ဝန်းရံပိတ်ဆို့ကြသည်။

၁၇၅၄ ဇန်န၀ါရီ ၃
အလောင်းမင်းတရားကြီးသည် ရတနာပူရ အဝမြို့နှင့်စစ်ကိုင်းကို သိမ်းသည်။

၁၇၅၄ ဇန်န၀ါရီ ၈
မင်းလှကျော်သူကို အဝမြို့စောင့် တပ်မှူးခန့်သည်။

၁၇၅၈ ဇန်န၀ါရီ ၄
အလောင်းမင်းတရားက မည်သည့် တရုတ်မဆို ကင်းစောင့်ထံ စာချွန်ပေးမှ ဝင်ရောက်ခွင့်ပြုရန် တရုတ်တို့ထံမှ မည်သည့်လက်ဆောင်မျှ လက်မခံရန်၊ တရုတ်တို့ရောက်ကြောင်း ကင်းဝန်ထံ အစီရင်ခံရန်၊ကင်းစောင့်တို့ကအကောက်ကောက်ခံပြီးကင်းဝန်ကစာရင်းသွင်းရန် အမိန့်ထုတ်သည်။

၁၇၅၉ ဇန်န၀ါရီ ၁၂
မြန်မာတပ်များ မဏိပူရမြို့တော်ကို တိုက်ခိုက်သိမ်းပိုက်သည်။

၁၇၆ဝ ဇန်န၀ါရီ ၁
အလောင်းမင်းတရားသည် ကောင်းရှည်ဆရာတော် ဇိနာဘိရာမကို ဇမ္ဗူဒီပသဒ္ဓမ္မမဟာရာဇဂုရု တံဆိပ်ကို ကပ်လှူသည်။

၁၇၆၇ ဇန်န၀ါရီ ၃ ဝ
ဝန်ကြီးမဟာစည်သူ ကွပ်ကဲသော မြန်မာတပ်များသည် တရုတ်တပ်များ ဒုတိယအကြိမ် ကျူးကျော်တိုက်ခိုက်သောကြောင့် မိုးကောင်း၊ မိုးညှင်းကြောင်း ချီတက်သည်။

၁၇၈၅ ဇန်န၀ါရီ ၂
မဟာဥပရာဇာ၏ တပ်များ ရခိုင်ကို သိမ်းယူသည်။

၁၇၈၅ ဇန်န၀ါရီ ၄
မဟာဥပရာဇာသည် မဟာမုနိဘုရားအား ပင့်ဆောင် မဟာမုနိဘုရားသို့ သွားသည်။

၁၇၈၅ ဇန်န၀ါရီ ၁ ၉
မဟာမုနိဘုရားပင့်ဆောင်မူသည့် ဖောင်တော်သည် ပိုးချည် ကျွန်းတပ်တော်ဆိပ်သို့ ရောက်သည်။

၁၇၈၅ ဇန်န၀ါရီ ၂ ဝ
အက္ကပတ်မြင်းဝန် နေမျိုးကျော်ထင်စည်သူက ကွန်းချောင်း ကျွန်းသာယာသို့ ထွက်ပြေးတိမ်းရှောင် နေသော ရခိုင်ဘုရင်၊ မိဘုရား၊ သားသမီး အခြွေအရံတိုကို မဟာဥပရာဇာထံ ဆက်သည်။

၁၇၈၅ ဇန်န၀ါရီ ၂၇
ဗဒုံမင်းသည် ရတနာဆင်ဖြူတော်ကို ခမ်းနားကြီးကျယ်သော ပွဲသဘင်ခံ ကျင်းပကာ သိမ်းယူပြီး ရတနာပြောင်မွန်ဘွဲ့ပေးကာ ဆင်ဖြူများရှင် ဘွဲ့ခံယူသည်။

၁၇၈၅ ဇန်န၀ါရီ ၃၀
ဗဒုံမင်းသည် ဆင် မြင်း၊ လက်နက်၊ လူသုံးသောင်း၊ ပုဏ္ဏားတို့ မျိုးသန့်အိမ်ထောင်စုံ ၅၀၀ ကျော်နှင့် အတူ ဘုရင်၊ မိဘုရား၊ အခြွေအရံတို့ကို သိမ်းရုံးလျက် ဓည၀တီမြို့မှ ထွက်ခွာလာသည်။

၁၇၈၉ ဇန်န၀ါရီ ၁၆
ပြည်ကြီးမွန် ဖောင်တော်ကို အောင်ပင်လယ်ကန်တွင် တည်ဆောက်သည်။

၁၇၉၁ ဇန်န၀ါရီ ၁၄
မင်းကွန်းပုထိုးတော်ကြီး စတင်တည်သည်။

၁၇၉၁ ဇန်န၀ါရီ ၂၁
ဗဒုံမင်းသည် တံတားဦးရှိ မင်္ဂလာစေတီကို ရွှေထီးလှူသည်။

၁၈ဝ၇ ဇန်န၀ါရီ ၄
ယိုးဒယားအမတ် ပိန်ပိဆန်သည် ဗဒုံမင်းထံ လက်ဆောင်တော်များ ဆက်သွင်းသည်။

၁၈ဝ၇ ဇန်န၀ါရီ ၂ ၉
ဗဒုံမင်းက ယိုးဒယား သံအဖွဲ့ကို မင်းကွန်း ယာယီစံနန်း၌ လက်ခံတွေ့ဆုံသည်။

၁၈၂၃ ဇန်န၀ါရီ ၁
မင်းကြီးမဟာဗန္ဓုလသည်အာသံကို တိုက်ခိုက်အောင်မြင်ပြီးနောက် အာသံပြည်မြို့စား စော်ဘွားတို့ ဆက်သလိုက်သော သမီးတော်နှင့် လက်ဆောင်ရွှေငွေများ သယ်ဆောင်ပြီး ပြန်လာသည်။

၁၈၄၂ ဇန်န၀ါရီ ၁ ၆
သားတော်ပြည်မင်း သီရိမဟာသီဟသူရဓမ္မရာဇာက ဥက္ကလာပမြို့မှ အမရပူရသို့ပြန်ရန် တပ်ချုပ်ပြု၍ စတင်ထွက်ခွာသည်။

၁၈၅၃ ဇန်န၀ါရီ ၁ ဝ
မင်းတုန်းမင်းသည် မင်းညီမင်းသား ၊ မှူးတော်မတ်တော်၊ ဗိုလ်ရဲမက်၊ အမှုထမ်းပေါင်းခြံရံလျက် ရွှေနန်းတော်သို့ ၀င်သည်။

၁၈၅၅ ဇန်န၀ါရီ ၁၄
မင်းကွန်းတောရ ဆရာတော် ပျံလွန်တော်မူသည်။

၁၈၅၇ ဇန်န၀ါရီ ၃
ပြင်သစ်နိုင်ငံရောက် နာခံတော် မဟာမင်းကင်ရာဇသီဟသူ၏ သံအဖွဲ့က ပြင်သစ်ဘုရင် တတိယမြောက် နပိုလီယံအား တက်လာရီနန်းတော်၌ တွေ့ဆုံနုတ်ဆက်သည်။

၁၈၅၇ ဇန်န၀ါရီ ၁၃
မင်းတုန်းမင်းသည် မန္တလေးမြို့သစ်တည်ရန် အမိန့်ထုတ်သည်။

၁၈၇၃ ဇန်န၀ါရီ ၂ ၄
ကင်းဝန်မင်းကြီး အင်္ဂလန်ပြည်မှအပြန် ပြင်သစ်နိုင်ငံသို့ ဝင်ရောက်ကာ ပြင်သစ်နှင့်စာချုပ် ချုပ် ဆိုသည်။

၁၈၇၉ ဇန်န၀ါရီ ၁ ၉
သီပေါမင်းက ရေနံချောင်းမြို့စားဝန်ကြီး၊ မကွေးမြို့စား ၀န်ကြီး၊ ဝန်ထောက်မြို့သစ်မြို့စားတို့ (၃) ဦး အား အမျက်တော်ရှိ၍ ရာထူး ရုပ်သိမ်းသည်။

၁၈၈၆ ဇန်န၀ါရီ ၁
အိန္ဒိယဘုရင်ခံချုပ် လော့ဒ်ဒပ်ဖရင် (Lord Dufferin) က အထက်မြန်မာနိုင်ငံကို ဗြိတိသျှအင်ပါယာ အတွင်း သွတ်သွင်းကြောင်း ကြေညာသည်။

၁၈၈၇ ဇန်န၀ါရီ ၁
ကြည့်မြင်တိုင် မင်းသား၏ တပ်နှင့် ဗြိတိသျှတပ်ဖွဲ့ တိုက်ပွဲဖြစ်ပွားရာ ကြည့်မြင်တိုင်မင်းသား ကျဆုံးသည်။

၁၈၈၇ ဇန်န၀ါရီ ၁၈
မန္တလေးမြို့ မိုးထိကျောင်းတိုက်တွင် စောရန်နိုင်အား ထီးနန်းတင်ရန် လျှို့ဝှက်အစည်းအဝေး ကျင်းပနေစဉ် ဗြိတိသျှတို့က ဝင်ရောက်စီးနင်းရာ ချောင်းခွမင်းသား စောရန်နိုင်အား ဖမ်းသွားသည်။

၁၈၈၈ ဇန်န၀ါရီ ၃
ချင်းပြည်နယ် စီဟောင် (Si Hanung) အရပ်၌ ကပ္ပတိန် ရိတ်နှင့် တာစွန်းချင်းအကြီးအကဲ ကြွမ်ဘိစ် (ခ) ဗိုလ်ဆွန်ပက် (၁၈၃၄ – ၁၉၁) တွေ့ဆုံ ဆွေးနွေးသည်။

၁၈၈၉ ဇန်န၀ါရီ ၂၉
ရှမ်းပြည်အရေးပိုင် ဟီးလ်ဒီဘရင်း (A.H.Hidebrand) က ကယားပြည်နယ် စောဖျာစောလ၀ီအား ဆာနဒ် (Sanad) ခန့်အပ်လွှာပေးသည်။

၁၈၉၅ ဇန်န၀ါရီ ၃၁
မဟာဝန်ရှင်တော်မင်းကြီး ဆာအလက်ဇန္ဒားမက္ကင်းဇီက ရွှေတိဂုံဘုရားလမ်း၌ ဂျူဗလီဟောအဆောက် အအုံကို ပန္နက် ချသည်။

၁၈၉၈ ဇန်န၀ါရီ ၁ ၅
မြန်မာနိုင်ငံ ဒုတိယဘုရင်ခံ ဖရိုင်ယာက အစိုးရအိမ်တော်တွင် ဒါဘာပွဲ ကျင်းပသည်။

၁၉ဝ၆ ဇန်န၀ါရီ ၁ ၃
ဗြိတိသျှ အိမ်ရှေ့စံ ဝေလမင်းသား (နောင်အင်္ဂလန် ပဉ္ဓမဂျော့ဘုရင်) နှင့် ဇနီး ရန်ကုန် တိရစ္ဆာန် ဥယျာဉ်သစ်ကို ဖွင့်လှစ်ပေးသည်။

၁၉၂ ဝ ဇန်န၀ါရီ ၄
ဖေ၊ ပု၊ ရှိန် မြန်မာကိုယ်စားလှယ်အဖွဲ့ အင်္ဂလန်ပြည်မှ မြန်မာနိုင်ငံသို့ သင်္ဘောဖြင့် ပြန်လည်ထွက်ခွာလာသည်။

၁၉၂၁ ဇန်န၀ါရီ ၇
ဖေ၊ ပု၊ မောင် ကိုယ်စားလှယ်အဖွဲ့ အင်္ဂလန်ပြည်မှ မြန်မာနိုင်ငံသို့ ပြန်လည်ထွက်ခွာလာခဲ့သည်။

၁၉၂၃ ဇန်န၀ါရီ ၂
မြန်မာနိုင်ငံသည် ၁၉၁၉ အိန္ဒိယနိုင်ငံ အက်ဥပဒေအရ အခြားသော အိန္ဒိယပြည်နယ်များကဲ့သို့ ဒိုင်အာခီအုပ်ချုပ်ရသည့် ပြည်နယ်တစ်ခု ဖြစ်လာသည်။ သို့ရာတွင် ရှမ်းပြည်နယ်၊ ချင်းတောင်တန်းဒေသနှင့် ကချင်တောင်တန်းဒေသများသည် ဒိုင်အာခီ အုပ်ချုပ်ရေးနှင့် အကျုံးမ၀င်ဟု ဆိုသည်။

ယင်းနေ့၌ပင် ဆာဟာကုတ်အတ္တလာသည် မြန်မာနိုင်ငံ ရန်ကုန်မြို့သို့ ရောက်ရှိလာပြီး မြန်မာနိုင်ငံ ဘုရင်ခံရာထူးတွင် တာဝန်ထမ်းဆောင်သည်။ သူသည် မြန်မာနိုင်ငံ၏ ပထမဆုံး ဘုရင်ခံဖြစ်သည်။ ဒိုင်အာခီ အုပ်ချုပ်ရေး (ပူးတွဲတာဝန်ခံအုပ်ချုပ်ရေး) အစိုးရအဖွဲ့ဝင်များမှာ –

၁။ ဆာဝီလျံဂျွန်ကိတ် (Sir William John Keith, C.I.E.,I.C.S)
၂။ မောင်ခင် (နောင် ဆာဘွဲ့ရ)
၃။ အမ်အေဦးမောင်ကြီး
၎။ ဂျေ၊အေ မောင်ကြီး (၁၈၇၂ – ၁၉၅၅) တို့ ဖြစ်ကြသည်။

၁၉၂၄ ဇန်န၀ါရီ ၇

ပြည်ထဲရေးဝန်ကြီးချုပ် မောင်ခင်အား “ဆာ” (Sir) ဘွဲ့ ချီးမြှင့်သည်။

၁၉၂၇ ဇန်န၀ါရီ ၁
ဆရာတော် ဦးဝိစာရအား သာယာဝတီထောင်မှ လွှတ်ပေးသည်။ သို့သော် စနောညောင်ကုန်းရွာ ၌ လည်းကောင်း၊ အင်းမရွာ၌လည်းကောင်း တရားဟောရာတွင် အစိုးရအား အကြည်အညိုပျက်အောင် လှုံ့ဆော်ဟောပြောမှုတို့ဖြင့် ထောင်ဗူးဝမှာပင် ရာဇသတ်ကြီး ပုဒ် ၁၂၄ (က)အရ ထပ်မံ ဖမ်းဆီးခဲ့သည်။

၁၉၂၇ ဇန်န၀ါရီ ၃
ဂျေ၊ အေမောင်ကြီးအား ဗြိတိသျှအစိုးရက “ဆာ” (Sir) ဘွဲ့ ချီးမြှင့်သည်။

၁၉၂၉ ဇန်န၀ါရီ ၂၉
ဦးစိုးသိမ်း ဂျီစီဘီအေ ဆိုင်မွန်ကော်မရှင်အား သပိတ်မှောက် ဆန္ဒပြသည်။

၁၉၂၉ ဇန်န၀ါရီ ၃၁
ဆိုင်မွန်ကော်မရှင် မြန်မာနိုင်ငံတွင် စုံစမ်းစစ်ဆေးမှုများ စတင်သည်။

၁၉၃၁ ဇန်န၀ါရီ ၂
တရုတ် – မြန်မာ အဓိကရုဏ်းဖြစ်ပွား၍ သံဃာတော်နှစ်ပါး အပါအ၀င် လူ ၁၄ ဦး သေဆုံးခဲ့ရသည်။

၁၉၃၁ ဇန်န၀ါရီ ၉
သာယာဝတီ တောင်သူလယ်သမားခေါင်းဆောင် သုပဏ္ဏကဂဋုန်ရာဇာဘွဲ့ခံ ငါးမည်ရ ဆရာစံ (ဆရာစံ၊ စရှား၊ စံကျော်၊ ဆရာမြိုင်၊ ဦးဥာဏ) အား ဖမ်းဆီးပေးသူကို ဆုငွေ ၅ဝဝဝ ကျပ်ပေးမည်ဟု ကြေညာသည်။

၁၉၃၁ ဇန်န၀ါရီ ၁၃
မြန်မာနိုင်ငံဘုရင်ခံ ဆာချားလ်ဒင်းနစ်သည် ဆာဂျေအေ မောင်ကြီးထံမှ မြန်မာနိုင်ငံဘုရင်ခံ တာဝန်ကို လွှဲပြောင်းရယူသည်။

၁၉၃၂ ဇန်န၀ါရီ ၁၂
မြန်မာနိုင်ငံ မျက်နှာစုံညီ အစည်းအဝေး ကျင်းပပြီးစီးသည်။ အစည်းအဝေး အပြီးတွင် ဗြိတိသျှ ဝန်ကြီးချုပ် မက္ကဒေါ်နယ်က မြန်မာနိုင်ငံသည် အိန္ဒိယနှင့် ခွဲလိုသည် သို့မဟုတ် တွဲလိုသည် ဆိုသည်ကို မဲဆန္ဒဖြင့် ဆုံးဖြတ်ရန် ရွေးကောက်ပွဲ ကျင်းပမည်ဟု ဆိုသည်။
၁၉၃၃ ဇန်န၀ါရီ ၁၄
မြန်မာနိုင်ငံတွင် (၄) ကြိမ်မြောက် ဒိုင်အာခီ (ပူးတွဲတာဝန်ခံအုပ်ချုပ်ရေး) အစိုးရအဖွဲ့ အောက်ပါ ပုဂ္ဂိုလ်များဖြင့် ဖွဲ့စည်းသည်။

(၁) မစ္စတာကူးပါး (Mr.T.Corpen, C.S.I., I.C.S) ဘဏ္ဍာရေးဝန်ကြီးချုပ်
(၂) ဆာမောင်ဘ၊ ပြည်ထဲရေးဝန်ကြီးချုပ်
(၃) ဆာဂျေအေ မောင်ကြီး၊ သစ်တောရေးဝန်ကြီးချုပ်
(၄) ဝတ်လုံဦးကျော်ဒင်၊ ပညာရေးဝန်ကြီးချုပ် တို့ ဖြစ်ကြသည်။

၁၉၃၃ ဇန်န၀ါရီ ၁၉
တို့ဗမာအစည်းအရုံးမှ တို့ဗမာသတင်းစဉ် မှတ်တမ်းထုတ်ဝေသည်။

၁၉၃၈ ဇန်န၀ါရီ ၈
တစ်ထောင့်သုံးရာပြည့် အရေးတော်ပုံကို ဦးတည်စေမည့် ချောက်ရေနံမြေ အလုပ်သမားများ ဘီအိုစီ ကုမ္ပဏီကို သပိတ်မှောက်သည်။

၁၉၃၉ ဇန်န၀ါရီ ၈
ရေနံမြေမှ ချီတက်ခဲ့သော အင်အား ၁၄၀၀ ခန့် ရှိသည့် အလုပ်သမား သပိတ်တပ်ကြီးနှင့် သထုံနှင့် ပဲခူးစီရင်စုတို့မှ လူအင်အား ၁၀၀၀ ကျော်ပါရှိသည့် တောင်သူလယ်သမားတပ်ကြီးနှစ်တပ် ကမာရွတ်တွင် ပေါင်းစုံမိကာ ရွှေတိဂုံစေတီတော်သို့ ချီတက်၍ ရွှေတိဂုံကုံးတော်ပေါ်၌ စခန်းချသည်။

၁၉၃၉ ဇန်န၀ါရီ ၉
ရွှေတိဂုံစေတီ အလယ်ပစ္စယံ၌ တောင်သူလယ်သမားထု အစည်းအဝေးကျင်းပ၍ ဗမာနိုင်ငံလုံး ဆိုင်ရာ တောင်သူလယ်သမား အစည်းအရုံး (ဗ၊တ၊လ၊စ) ကို ဖွဲ့စည်းသည်။ ဗ၊တ၊လ၊စ ဥက္ကဌအဖြစ် သခင်မြ (နောင်အာဇာနည်)အား ရွေးကောက်တင်မြှောက်ခဲ့ကြသည်။

ထိုနေ့မှာပင် အလုပ်သမား ကိုယ်စားလှယ်ပေါင်းစုံ ဆုံးဖြတ်ချက်အရ ဗမာနိုင်ငံလုံးဆိုင်ရာ အလုပ်သမား အစည်းအရုံး (All Burma Trade Union Congress – A.B.T.U.C) ကို ဖွဲ့စည်း၍ ပထမဆုံး ဥက္ကဌအဖြစ် သခင်လေးမောင်အား ရွေးကောက်ခဲ့ကြသည်။

၁၉၃၉ ဇန်န၀ါရီ ၁၀
တရုတ် – မြန်မာ လမ်းမ (တရုတ်နိုင်ငံ ကူမင်းမြို့နှင့် မြန်မာနိုင်ငံ လားရှိုးမြို့တို့ကို ဆက်သွယ်ထားပြီး ၇၂၆ မိုင် ရှည်လျားသည်) ကြီးကို တရားဝင် ဖွင့်လှစ်သည်။

၁၉၃၉ ဇန်န၀ါရီ ၁၁
တို့ဗမာအစည်းအရုံး အမှုဆောင် သခင်နု အဖမ်းခံရသည်။

၁၉၃၉ ဇန်န၀ါရီ ၁၄
တက်ဘုန်းကြီး သိန်း (သိန်းဖေမြင့် ) အဖမ်းခံရသည်။

၁၉၃၉ ဇန်န၀ါရီ ၁၅
တတိယ ကျောင်းသပိတ်ခေါင်းဆောင် ကိုလှရွှေ (ဗိုလ်လက်ျာ၏ညီ) အဖမ်းခံရသည်။

၁၉၃၉ ဇန်န၀ါရီ ၂၃
ရွှေတိဂုံစေတီတော် တောင်ဘက်စောင်းတန်းရှိ တို့ဗမာအစည်းအရုံး တည်ရာဌာန မော်လမြိုင် ဇရပ်ကို ရဲဖြင့် ၀ိုင်း၍ ဖမ်းဆီးရာ ဥက္ကဌ သခင်ထိပ်တင်ကိုယ်တော်ကြီး ၊ အတွင်းရေးမှူး သခင်အောင်ဆန်း အပါအ၀င် တို့ဗမာအစည်းအရုံး အဖွဲ့ဝင် ၁၀ ဦး အဖမ်းခံရသည်။

ထိုနေ့မှာပင် တို့ဗမာအစည်းအရုံး အလုပ်အမှုဆောင်အဖွဲ့ကို – ဥက္ကဌ သခင် လှအောင်၊ ဒု-ဥက္ကဌ သခင်လေးမောင်၊ အထွေထွေအတွင်းရေးမှူး သခင်တင်မောင်တို့ဖြင့် ပြောင်းလဲ ဖွဲ့စည်းသည်။

၁၉၃၉ ဇန်န၀ါရီ ၂၅
တရုတ်သမ္မတနိုင်ငံအစိုးရက ဆုံကင်း (Chungkhing)၊ ကူမင်း (Kunming) နှင့် ရန်ကုန်လေကြေင်း ခရီးစဉ် စတင်ဖွင့်လှစ်သည်။

၁၉၃၉ ဇန်န၀ါရီ ၂၉
မြန်မာပြည်လွတ်လပ်ရေး အမျိုးသမီးအဖွဲ့ကို ရန်ကုန်မြို့၌ ဖွဲ့စည်းသည်။ အမှုဆောင် ဥက္ကဌမှာ ဒေါ်လှမေ (ဒီးဒုတ်ဦးဘချို၏ ဇနီး) ၊ အတွင်းရေးမှူးမှာ ဒေါ်ခင်မျိုးချစ် (စာရေးဆရာမ) တို့ ဖြစ်ကြသည်။

၁၉၄ဝ ဇန်န၀ါရီ ၁
ဗမာနိုင်ငံလုံးဆိုင်ရာ တောင်သူလယ်သမား အစည်းအရုံး (ဗတလစ) ညီလာခံကို တောင်ငူမြို့တွင် ကျင်းပသည်။

၁၉၄ဝ ဇန်န၀ါရီ ၈
မန္တလေးမြို့ တမ္ပဝလီ သူကြွယ်စုရပ်၌ရှိသော အာဇာနည်ကုန်းတွင် အုတ်တံတိုင်းဆောက်ရန် နံနက် ၇း၃၇ နာရီတွင် ပန္နက်ချသည်။

၁၉၄၀ ဇန်န၀ါရီ ၁ ဝ
ဗမာ့ထွက်ရပ်ဂိုဏ်း၏ ပြန်လမ်းအမှတ် ၆ ကို ထုတ်ပြန်သည်။

၁၉၄၀ ဇန်န၀ါရီ ၁၃-၁၄
ဗမာနိုင်ငံလုံးဆိုင်ရာ တောင်သူလယ်သမားအစည်းအရုံး၏ ဒုတိယအကြိမ်မြောက် နှစ်ပတ်လည် ညီလာခံကို တောင်ငူမြို့တွင် ကျင်းပသည်။

၁၉၄၀ ဇန်န၀ါရီ ၂ ၁
ငါးပွင့်ဆိုင် ညီညွတ်ရေးအဖွဲ့ အစည်းအဝေးကို ကျင်းပ၍ ဦးပုအား အယုံအကြည်မရှိ အဆိုတင်သွင်းကာ ခေါင်းဆောင်အဖြစ် ဖယ်ရှားသည်။ ဦးဘဘေအား ခေါင်းဆောင်အဖြစ် အသိအမှတ် ပြုသည်။ ဇန်န၀ါရီ ၂ဝ ရက်နေ့က ပြုလုပ်သော ဝန်ကြီးအပြောင်းအလဲ လုပ်မှုသည် ဦးဘဘေအားဖြုတ်ချလို၍ပြောင်းလဲခြင်းဖြစ်ပြီးညီိညွတ်ရေးအဖွဲ့ကိုမတိုင်ပင်ဘဲပြုလုပ်သည့်အတွက် အဖွဲ့ကို စော်ကားဖြစ်သောကြောင့် ဦးပုအစိုးရအပေါ် ထောက်ခံချက် ရုပ်သိမ်းသည်ဟု ဆုံးဖြတ်ကြသည်။

၁၉၄၁ ဇန်န၀ါရီ ၆
စက်သူဌေး ဦးသွင် (အထက်လွှတ်တော်အမတ်၊ ရွှေတိဂုံစေတီတော်ဘဏ္ဍာတော်ထိန်း) အား “ဆာ” ဘွဲ့ ချီးမြှင့်သည်။

၁၉၄၂ ဇန်န၀ါရီ ၁
အင်္ဂလိပ်နယ်ချဲ့အစိုးရက သခင်အောင်ဆန်းအား ဗြိတိသျှရန်သူတော် စာရင်း အမှတ်စဉ် ၅ အဖြစ် ကြေညာသည်။

၁၉၄၂ ဇန်န၀ါရီ ၂
ဗိုလ်ရန်နိုင်၊ ဗိုလ်မင်းခေါင်၊ ဗိုလ်တောက်ထိန်တို့ ပါဝင်သော ကာနယ်ဟိရာယာမ ဦးစီးသော ရေကြောင်းချီတပ်ဖွဲ့သည် ဘန်ကောက်မြို့မှ စတင်ချီတက်သည်။

၁၉၄၂ ဇန်န၀ါရီ ၁၁
ဗိုလ်မိုးကြိုး၊ ဗိုလ်ချုပ်အောင်ဆန်းတို့ ဦးစီးသည့် ဗမာ့လွတ်လပ်ရေးတပ်မတော် စစ်ဌာနချုပ်နှင့် မော်လမြိုင် စစ်ကြောင်းသည် ဘန်ကောက်မြို့မှ ရဟိုင်းမြို့သို့ ထွက်ခွာသည်။

၁၉၄၂ ဇန်န၀ါရီ ၁၈
ဗြိတိသျှအစိုးရက မြန်မာနိုင်ငံ နန်းရင်းဝန် ဦးစောအား ဂျပန်တို့နှင့် လျှို့ဝှက်ဆက်သွယ်ခြင်းကြောင့် ပါလက်စတိုင်းနိုင်ငံ ဟိုင်ဖာမြို့တွင် ဖမ်းဆီးသည်။

၁၉၄၂ ဇန်န၀ါရီ ၂၀
နန်းရင်းဝန်ဆာပေါ်ထွန်းဦးဆောင်သော အစိုးရအဖွဲ့ကို ဖွဲ့စည်းပြီးကြောင်း မြန်မာရေဒီယိုမှ ကြေညာသည်။

၁၉၄၂ ဇန်န၀ါရီ ၂၂
အမှတ် ၁၅ ဂျပန်တပ်မတော် သေနာပတိ အီးဒါးက ပထမဆုံးအကြိမ် ကြေညာချက် ထုတ်ပြန်သည်။ အဆိုပါ ကြေညာချက်တွင် ဂျပန်လက်နက်ကိုင်တပ်ဖွဲ့များ မြန်မာနိုင်ငံသို့ ချီတက်ဝင်ရောက် ရသည့် ရည်ရွယ်ချက်မှာ မြန်မာပြည်သူများအား ဗြိတိသျှသြာဇာအောက်မှ လွတ်မြောက်စေရန်ဖြစ်ကြောင်း မြန်မာပြည်သူတို့ ကာလရှည်ကြာစွာ မျှော်လင့်တမ်းတခဲ့သည့် လွတ်လပ်ရေး ရရှိအောင် ကူညီရန် ဖြစ်ကြောင်း ပါရှိသည်။

၁၉၄၃ ဇန်န၀ါရီ ၂
အဓိပတိ ဒေါက်တာဘမော်အိမ်တွင် အမျိးသမီး ဗမာ့ဝန်ထမ်းအဖွဲ့ချုပ်ကို တည်ထောင်၍ ဥက္ကဌအဖြစ်ဒေါ်ခင်မမမော်နှင့် အတွင်းရေးမှူးအဖြစ် ဒေါ်ခင်မြ တို့အား ရွေးချယ်တင်မြှောက်သည်။

၁၉၄၃ ဇန်န၀ါရီ ၂၆
ရန်ကုန်မြို့ကို မဟာမိတ်လေယာဉ်များ လာရောက်ဗုံးကြဲတိုက်ခိုက်သည်။

၁၉၄၄ ဇန်န၀ါရီ ၄
ကာကွယ်ရေးဝန်ကြီး ဗိုလ်ချုပ် အောင်ဆန်းက “ဗမာပြည်ကာကွယ်ရေး” ခေါင်းစဉ်ဖြင့် အသံလွှင့် မိန့်ခွန်းပြောကြားသည်။

၁၉၄၄ ဇန်န၀ါရီ ၂
ဗမာပြည်ကွန်မြူနစ်ပါတီ နိုင်ငံလုံးဆိုင်ရာ ပထမကွန်ဂရက်ကို ဖျာပုံခရိုင် ကျိုက်လတ်မြို့နယ် ညောင်ချောင်းရွာ လျှို့ဝှက်စွာ ကျင်းပသည်။ ကွန်ဂရက်သို့ သခင်စိုး၊ ကိုသွင်၊ ကိုကျော်ဝင်း၊ ကိုထွန်းစိန်၊ ကိုစံညွှန့်နှင့် သခင်တင်မြတို့ တက်ရောက်ကြသည်။

၁၉၄၆ ဇန်န၀ါရီ ၁
အရှေ့အာရှတောင်ပိုင်း မဟာမိတ်စစ်သေနာပတိချုပ် မောင့်ဘက်တန်က ဗြိတိသျှ စစ်အုပ်ချုပ်ရေးကို ရုပ်သိမ်းကြောင်း ကြေညာသည်။

၁၉၄၆ ဇန်န၀ါရီ ၄
ကိုလိုနီခေတ်ဦး နယ်ချဲ့ဆန့်ကျင်ရေးခေါင်းဆောင် စောရန်ပိုင် (ချောင်းခွမင်းသား) တရုတ်နိုင်ငံ ယူနန်ပြည်နယ် မန်ရှီမြို့ အင်ကင်းရပ်၌ ကွယ်လွန်သည်။

၁၉၄၆ ဇန်န၀ါရီ ၁၁
ရန်ကုန်စီရင်စု တို့ဗမာအစည်းအရုံး အမှုဆောင် အစည်းအဝေး ကျင်းပ၍ ဌာနချုပ် တို့ဗမာ အစည်းအရုံး ခေါင်းဆောင်များ ဖြစ်ကြသော သခင်ညီ၊ သခင်အေး၊ သခင်လူထွန်း၊ သခင်ကျော်စိန်တို့ အား ရာထူးမယူရေး စည်းမျဉ်း ဖောက်ဖျက်မှုဖြင့် တို့ဗမာအစည်းအရုံးမှ ထုတ်ပစ်ရန် တောင်းဆိုကြောင်း ဆုံးဖြတ်သည်။ သခင်ကိုယ်တော်မှိုင်း တို့ဗမာအစည်းအရုံးမှ နုတ်ထွက်သည်။

၁၉၄၆ ဇန်န၀ါရီ ၂၀
ရန်ကုန်ခရိုင် တို့ဗမာအစည်းအရုံးကို ဥက္ကဌ သခင်ဘသောင်း၊ ဒုတိယဥက္ကဌ သခင်အောင်ဗလ၊ အထွေထွေအတွင်းရေးမှူး သခင်ပန်းမြိုင် တို့ဖြင့် ပြန်လည်ဖွဲ့စည်းသည်။

၁၉၄၆ ဇန်န၀ါရီ ၂၁
တို့ဗမာအစည်းအရုံးဌာနချုပ်နှင့်ရန်ကုန်ခရိုင်တို့ဗမာအစည်းအရုံးတို့ အတိအလင်း ကွဲပြီဖြစ်ကြောင်း ကြေညာသည်။

၁၉၄၆ ဇန်န၀ါရီ ၂၂
တို့ဗမာအစည်းအရုံးဌာနချုပ် အလုပ်အမှုဆောင် အစည်းအဝေး ကျင်းပပြီး သခင်ဘသောင်းအား ဌာနချုပ်မှ ထုတ်ပယ်၍ ရန်ကုန်ခရိုင် တို့ဗမာအစည်းအရုံးကို ပြန်လည်ဖွဲ့စည်းရန် ဆုံးဖြတ်သည်။

၁၉၄၆ ဇန်န၀ါရီ ၂၆
ပြည်သူ့ ရဲဘော်တပ်ဖွဲ့ ဖွဲ့စည်းအုပ်ချုပ်ပုံ ဥပဒေကို အတည်ပြုသည်။

၁၉၄၆ ဇန်န၀ါရီ ၂၇
ဒုတိယကမ္ဘာစစ်အတွင်း ယူဂန်ဒါနိုင်ငံတွင် ၄ နှစ်ကြာ အကျယ်ချုပ်ဖြင့် ဖမ်းဆီးခံခဲ့ရသော ဂဠုန်ဦးစော မြန်မာနိုင်ငံသို့ ပြန်လည်ရောက်ရှိလာသည်။

၁၉၄၆ ဇန်န၀ါရီ ၂၈
မြန်မာနိုင်ငံ ဥပဒေပြုကောင်စီ ဥက္ကဌအဖြစ် ဦးချစ်လှိုင်အား ခန့်အပ်သည်။

၁၉၄၆ ဇန်န၀ါရီ ၃ဝ
ဆာဒေါ်မန်စမစ်၏ ဘုရင်ခံအမှုဆောင်ကောင်စီ၌ သခင်ထွန်းအုပ်အား အမျိုးသားစီမံကိန်းဌာန ဝန်ကြီးအဖြစ် ခန့်အပ်သည်။
၁၉၄၇ ဇန်န၀ါရီ ၁
ရန်ကုန်မြို့ ကန်တော်မင်ပန်းခြံ၌ လွတ်လပ်ရေးဆန္ဒပြပွဲ ကျင်းပသည်။
၁၉၄၇ ဇန်န၀ါရီ ၂
ဗိုလ်ချုပ်အောင်ဆန်း ဦးဆောင်သည့် မြန်မာကိုယ်စားလှယ်အဖွဲ့သည် ဒါကိုတာလေယာဉ်ဖြင့် အင်္ဂလန်ပြည်သို့ ထွက်ခွာသည်။
၁၉၄၇ ဇန်န၀ါရီ ၇
ဗိုလ်ချုပ်အောင်ဆန်းနှင့် ကိုယ်စားလှယ်အဖွဲ့ အင်္ဂလန်ပြည် လန်ဒန်မြို့သို့ ရောက်ရှိသည်။
၁၉၄၇ ဇန်န၀ါရီ ၁၄
မြန်မာကိုယ်စားလှယ်အဖွဲ့နှင့် ဗြိတိသျှအစိုးရတို့ လန်ဒန်မြို့ အမှတ် ၁၀ ဒေါင်းနင်းလမ်း (Downing Street) ရှိ ဗြိတိသျှနန်းရင်းဝန်ရုံး၌ အစည်းအဝေး ကျင်းပသည်။
၁၉၄၇ ဇန်န၀ါရီ ၁၅
မြန်မာကိုယ်စားလှယ်အဖွဲ့နှင့် ဗြိတိသျှကိုယ်စားလှယ်တို့ အမှတ် ၁ဝ ဒေါင်းနင်းလမ်းတွင် အစည်းအဝေးကျင်းပ၍ ဗိုလ်ချုပ်အောင်ဆန်းက အထွေထွေကြေညာချက် တိုက်တွန်းသည်။

၁၉၄၇ ဇန်န၀ါရီ ၁၇
ရခိုင်ပြည်နယ်တွင် ဦးစိန္တာနှင့်နောက်လိုက် ၃၇ ဦး လက်နက်ချသည်။

၁၉၄၇ ဇန်န၀ါရီ ၂၁
ရှမ်းပြည်နယ် စော်ဘွားများကောင်စီက မြန်မာနိုင်ငံ ဘုရင်ခံ ဆာဟူးဘတ်ရန့်စ်မှတဆင့် ဗြိတိသျှ အစိုးရထံ “ရှမ်းပြည်နယ်များကိစ္စ” အမှာစာ ၁ နှင့် ၂ ကို ပေးပို့သည်။

၁၉၄၇ ဇန်န၀ါရီ ၂၂
ဗမာပြည်ကွန်မြူနစ်ပါတီ (အလံဖြူ) အရေးပေါ် ကွန်ဖရင့်ကျင်းပ၍ သခင်သန်းထွန်းအား ဥက္ကဌ အဖြစ် တင်မြှောက်ခဲ့သည်။

၁၉၄၇ ဇန်န၀ါရီ ၂၃
မြန်မာနိုင်ငံ ဘုရင်ခံ၏ အမှုဆောင်ကောင်စီက သခင်စိုး ခေါင်းဆောင်သော ကွန်မြူနစ်ပါတီ (ဗမာပြည်) နှင့် ဆယ်ဦး တောင်သူလယ်သမား သမဂ္ဂအား မတရားအသင်းအဖြစ် ကြေညာခဲ့သည်။

၁၉၄၇ ဇန်န၀ါရီ ၂၅
တောင်ကြီးတွင် လူထုဆန္ဒပြပွဲကျင်းပ၍ ဦးဖေခင်က ရန်ကုန်ဖဆပလသို့လည်းကောင်း ၊ လန်ဒန်ရှိ ဗီုလ်ချုပ်အောင်ဆန်းထံသို့ လည်းကောင်း၊ ဗြိတိသျှနန်းရင်းဝန် အက်တလီထံသို့လည်းကောင်း လိပ်မူ၍ ဗိုလ်ချုပ်အောင်ဆန်းကို ထောက်ခံသည်ဆိုသော ကြေးနန်းရိုက်ကြားပေးပို့သည်။

၁၉၄၇ ဇန်န၀ါရီ ၂၇
အောင်ဆန်း – အက်တလီ သဘောတူစာချုပ်ကို လက်မှတ်ရေးထိုးသည်။ သဘောတူညီချက်၏ နောက်ဆက်တွဲ၌ ဦးစောနှင့် သခင်ဗစိန်တို့က အောင်ဆန်း – အက်တလီ စာချုပ်ကို ကန့်ကွက်ကြောင်း မှတ်ချက်ဖြင့် လက်မှတ်ရေးထိုးတင်ပြသည်။

၁၉၄၇ ဇန်န၀ါရီ ၃၁
ဗိုလ်ချုပ်အောင်ဆန်းနှင့်မြန်မာကိုယ်စားလှယ်အဖွဲ့လန်ဒန်မြို့မှမြန်မာပြည်သို့ပြန်လည်ထွက်ခွာ
သည်။

၁၉၄၈ ဇန်န၀ါရီ ၄
မြန်မာနိုင်ငံလွတ်လပ်ရေး ကြေညာသည့်အခမ်းအနားကို နံနက် ၄း၂၀ နာရီတွင် အတွင်းဝန်များရုံး အတွင်းရှိ ယာယီပါလီမန် (တိုင်းပြုပြည်ပြုလွှတ်တော်) အဆောက်အအုံရှေ့ အလံတိုင်ပေါ်မှ ဗြိတိသျှ ယူနီယံဂျက်အလံကို အောက်သို့ချပြီး ပြည်ထောင်စုမြန်မာနိုင်ငံ အလံတော်ကို လွှင့်တင်သည်။

၁၉၄၉ ဇန်န၀ါရီ ၄
ပထမအကြိမ်မြောက် လွတ်လပ်ရေးနေ့ နှစ်ပတ်လည်အခမ်းအနား ကျင်းပသည်။

၁၉၄၉ ဇန်န၀ါရီ ၂၅
ကရင်အမျိုးသား ကာကွယ်ရေးတပ်ဖွဲ (K.N.D.O) အဖွဲ့က တောင်ငူကို တိုက်ခိုက်သည်။

၁၉၄၉ ဇန်န၀ါရီ ၂၈
ကရင်အမျိုးသားကာကွယ်ရေးတပ်ဖွဲ့က ပုသိမ်မြို့ကို တိုက်ခိုက်သိမ်းပိုက်သည်။

၁၉၅၂ ဇန်န၀ါရီ ၃၁
နိုင်ငံခြားရေးဝန်ကြီး စပ်ခွန်ချိုနှင့် အိန္ဒိယသံအမတ်ကြီး ဒေါက်တာ ရော့ဖ်တို့သည် ပြည်ထောင်စု မြန်မာနိုင်ငံနှင့် အိန္ဒိယချစ်ကြည်ရေး မဟာမိတ်စာချုပ်ကို လက်မှတ်ရေးထိုးသည်။

၁၉၅၃ ဇန်န၀ါရီ ၅
မြန်မာအစိုးရက လက်ျာ-ဖရီးမင်း စာချုပ်ကိုဖျက်သိမ်းရန် ဗြိတိသျှ အစိုးရထံ အကြောင်းကြားသည်။

၁၉၅၄ ဇန်န၀ါရီ ၅
လက်ျာ – ဖရီးမင်း စာချုပ်သက်တမ်း ကုန်ဆုံး၍ ရန်ကုန်မြို့ရှိ ဗြိတိသျှစစ်မစ်ရှင် အဖွဲ့သည် ထမ်းဆောင်လျက်ရှိသည့် တာဝန်များကို ရပ်ဆိုင်းလိုက်သည်။

၁၉၅၅ ဇန်န၀ါရီ ၁၅
ရန်ကုန် မော်လမြိုင် စာပို့မီးရထားအား နှင်းပုလဲနှင့် ဒုံးဝန်းအကြား၌ ကေအင်ဒီအို သောင်းကျန်းသူ တို့က မိုင်းခွဲတိုက်ခိုက်၍ ခရီးသည် ၃ဝ သေဆုံးပြီး ၂ဝ ဒဏ်ရာရသည်။ မိန်းမပျို ၄ဝ ကို ဓါးစာခံအဖြစ် ဖမ်းဆီးခေါ်ဆောင်သွားသည်။

၁၉၅၈ ဇန်န၀ါရီ ၂၉ မှ ဖေဖေါ်ဝါရီ ၂
ရန်ကုန်မြို့ရေကူးကန်ဘဲ့ရပ်ကမ္ဘာအေးစေတီတောင်အနီးသီရိမင်္ဂလာကုန်းမြေတွင် တတိယအကြိမ် မြောက် ဖဆပလ ပြည်လုံးကျွတ် ညီလာခံ ကျင်းပသည်။

၁၉၆၀ ဇန်န၀ါရီ ၈
ပြည်တောင်ဘက် ဦးကောင့်လက်မှတ်ပါ ဒေါင်းတံဆိပ် ၁၀၀ တန် ငွေစက္ကူ ၁၉၆၀ ဇန်န၀ါရီ ၁ ရက်နေ့မှ စ၍ တရားဝင်ရပ်စဲသော်လည်း ဦးစံလင်း လက်မှတ်ပါ အလားတူ ဒေါင်းတံဆိပ် ၁ဝဝ တန်ငွေစက္ကူများကို ဆက်လက်သုံးစွဲသွားရမည်ဟု ကြေညာသည်။

၁၉၆၀ ဇန်န၀ါရီ ၂၈
တရုတ် – မြန်မာ ချစ်ကြည်ရေး စာချုပ်ကို တရုတ်ပြည် ပီကင်းမြို့တွင် လက်မှတ်ရေးထိုး ချုပ်ဆိုသည်။ ယင်းနေ့မှာပင် တရုတ် – မြန်မာ နယ်နိမိတ် သဘောတူစာချုပ် ချုပ်ဆိုသည်။

၁၉၆၄ ဇန်န၀ါရီ ၁၆
ပညာရေးဌာနမှ နိုင်ငံခြားဘာသာသင်ကျောင်းကို ဖွင့်လှစ်သည်။

၁၉၆၅ ဇန်န၀ါရီ ၁
ဗဟိုပြည်သူ့ဝန်ထမ်းကျောင်းကို ဖောင်ကြီးတွင် ဖွင့်လှစ်သည်။

၁၉၉၁ ဇန်န၀ါရီ ၃၁
တရုတ် – မြန်မာ နှစ်နိုင်ငံချစ်ကြည်ရေး အထိမ်းအမှတ်အဖြစ် တည်ဆောက်ခဲ့သည့် အမျိုးသား ဇာတ်ရုံကို ဖွင့်လှစ်သည်။

၂၀၁၁ ဇန်န၀ါရီ ၉
ဒဿနဗေဒပါမောက္ခ ဒေါက်တာခင်မောင်ဝင်း (၈၂ နှစ်) ကွယ်လွန်သည်။

၂၀၁၁ ဇန်န၀ါရီ ၁၁
စာရေးဆရာ၊ ရုပ်ရှင်ဒါရိုက်တာ မောင်ဝဏ္ဏ (၆၅ နှစ်) ကွယ်လွန်သည်။

၂ဝ၁၁ ဇန်န၀ါရီ ၁၆
ရန်ကုန်တက္ကသိုလ် ပါမောက္ခချုပ်ဟောင်း ဦး ဦးသာကျော် (၈၅ နှစ်) ကွယ်လွန်သည်။

၂၀၁၂ ဇန်န၀ါရီ ၁၂
သမ္မတသစ်၏ အမိန့်ကြေညာစာ အမှတ် ၁/၂၀၁၂ ဖြင့် နာမည်ကြီး နိုင်ငံရေး အကျဉ်းသားများ အပါအ၀င် တစ်နိုင်ငံလုံးရှိ အကျဉ်းထောင်များမှ နိုင်ငံရေးအကျဉ်းသား ၈၅၁ ဦးကို လွှတ်ပေးသည်။

၂၀၁၂ ဇန်န၀ါရီ ၁၃
အမေရိကန်ပြည်ထောင်စုက မြန်မာနိုင်ငံဆိုင်ရာ သံအမတ်တစ်ဦး ရွေးချယ်စေလွှတ်မည်ဟု ဝါရှင်တန်အစိုးရက ကြေညာသည်။

၂၀၁၂ ဇန်န၀ါရီ ၁ ၈
အဖွဲ့ချုပ် ဥက္ကဌ ဒေါ်အောင်ဆန်းစုကြည် လာမည့်ဧပြီလ၌ ကျင်းပမည့် ကြားဖြတ်ရွေးကောက်ပွဲ၌ ကော့မှူးမဲဆန္ဒနယ်မှ ၀င်ရောက်ယှဉ်ပြိုင်ရန် ကိုယ်စားလောင်းအမည်စာရင်း တင်သွင်းသည်။

ကမ္ဘာ့သမိုင်း၌လည်း ဇန်န၀ါရီလ၌ ထင်ရှားသည့်အဖြစ်အပျက်များ ဖြစ်ပွားခဲ့သည်။

အီတာလျံလူမျိုး နက္ခတ်ပညာရှင် ကယ်လီလီယို (၁၅၆၄-၁၆၄၂) ၁၆၁ဝ ပြည့်နှစ် ဇန်န၀ါရီ ၇ ရက်နေ့တွင် ဂျူပီတာခေါ် ကြာသပတေးဂြိုဟ်ကို လှည့်ပတ်လျက်ရှိသော အရံဂြိုဟ် (လ) ငယ် ၁၂ လုံးကို ပထမဆုံး တွေ့ရှိခဲ့သည်။

၁၇၁၄ ဇန်န၀ါရီလ ၇ ရက်နေ့တွင် ပထမဆုံး လက်နှိပ်စက်ကို ဟင်နရီမေးလ်(Henry Mill)က တီထွင်၍ မူပိုင် မှတ်ပုံတင်သည်။ ဗြိတိသျှ အမျိုးသားပြတိုက်ကို ၁၇၅၉ ခုနှစ် ဇန်န၀ါရီ လ ၁၅ ရက်နေ့တွင် စတင်ဖွင့်လှစ်သည်။ အမေရိကန်ပြည်တွင်းစစ်အတွင်း ၁၈၆၃ ဇန်န၀ါရီ ၁ ရက်နေ့တွင် အမေရိကန်ပြည်ထောင်စုမှ ၁၆ ဦးမြောက် သမ္မတ လင်ကွန်း၏ “လွတ်ငြိမ်းချမ်းသာခွင့် ကြေညာချက်” ကို ထုတ်ပြန်သည်။ ထိုကြေညာချက် အရ အမေရိကန်ပြည်နယ် ၁၀ ပြည်နယ်မှ ကပ္ပလီ ငွေဝယ်ကျွန်ပေါင်း ၃ သန်း တို့သည် လုံးဝလွတ်လပ်ခွင့် ရရှိသွားသည်။

၁၈၇၁ ဇန်န၀ါရီလ ၁၈ ရက်နေ့တွင် ပရပ်ရှားဘုရင် ပထမမြောက် ၀ီလျံ (၁၇၉၇ – ၁၈၈၈) က မိမိသည် ဂျာမနီပြည်ထောင်စု၏ ဧကရာဇ်ဖြစ်ကြောင်း ကြေညာချက် ထုတ်ပြန်သည်။

၁၈၇၇ ခုနှစ် ဇန်န၀ါရီလ ၁ ရက်နေ့တွင် အင်္ဂလန်ဘုရင်မ ၀ိတိုရိယ (၁၈၃၇ – ၁၉၀၁) သည် အိန္ဒိယနိုင်ငံ၏ ဧကရီဘုရင်မဖြစ်ကြောင်း ကြေညာသည်။ ၁၈၉၃ ဇန်န၀ါရီ ၁၃ တွင် ဗြိတိသျှလွတ်လပ်သော လေဘာပါတီကို ဂျိမ်းကီယာဟာဒီ (James Keir Hardie) စတင် တည်ထောင်သည်။၁၉ဝ၁ ခုနှစ် ဇန်နဝါရီလ ၂၂ ရက်နေ့တွင် ၀ိတိုရိယဘုရင်မကြီး နတ်ပြည်စံသည်။ ၁၉၁၉ ဇန်န၀ါရီ တွင် ဂျာမန်အလုပ်သမားပါတီ စတင်တည်ထောင်သည်။

၁၉၁၉ ဇန်န၀ါရီ ၁၈ ၌ ပထမကမ္ဘာစစ် (၁၉၁၄-၁၈)အပြီး ငြိမ်းချမ်းရေးကွန်ဖရင့်ကို ပြင်သစ်ပြည် ပါရီမြို့၌ ကျင်းပသည်။

၁၉၂ဝ ပြည့်နှစ် ဇန်န၀ါရီ ၁၀ ရက်တွင် ဆွစ်ဇာလန်နိုင်ငံ ဂျီနီဗာမြို့၌ နိုင်ငံပေါင်းချုပ်အသင်းကြီးကို စတင် ဖွဲ့စည်းတည်ထောင်ခဲ့သည်။

၁၉၆၇ ဇန်န၀ါရီ ၂၇ တွင် အမေရိကန် အာကာသယာဉ်မှူး သုံးဦးသည် အပိုလို အာကာသပျံသန်းမှု လေ့ကျင့်ပြင်ဆင်နေစဉ် အာကာသယာဉ် မီးလောင်မှုကြောင့် အားလုံး သေဆုံးသွားခဲ့ရသည်။

၁၉၇၂ ဇန်န၀ါရီ ၅ ရက်နေ့တွင် အမေရိကန် သမ္မတနစ်ဆင်က နာဆာအဖွဲ့က လွန်းပျံ အာကာသယာဉ် တည်ဆောက်ရန်အတွက် ကုန်ကျငွေ အမေရိကန်ဒေါ်လာ ၅ ဒသမ ၅ ဘီလီယံ တောင်းခံမှုကို ခွင့်ပြုပေးခဲ့သည်။

၁၉၉၃ ဇန်န၀ါရီလ ၃ ရက်နေ့တါင် အမေရိကန်သမ္မတ ဂျော့ဘုခ်ျနှင့် ရုရှားသမ္မတ ဘောရစ်ယဲ့ဆင်တို့ မဟာဗျူဟာမြောက် တာဝေးပစ် နျူကလီးယား ဒုံးလက်နက်လျော့ချရေး စာချုပ် – ၂ ကို လက်မှတ်ရေးထိုး ချုပ်ဆိုသည်။

၁၉၉၉ ဇန်န၀ါရီ ၇ ရက်နေ့တွင် ၆၂ နှစ်ကြာ နန်းစံခဲ့သော ဂျပန်ဧကရာဇ်ဘုရင် ဟီရိုဟီတို နတ်ပြည်စံသည်။

ဇန်န၀ါရီလ၏ အခြားထူးခြားချက်များမှာ နှစ်စဉ် ဇန်န၀ါရီ လ ၁ ရက်နေ့သည်ဟေတီနိုင်ငံ၏ လွတ်လပ်ရေးနေ့ဖြစ်သည်။ ရုရှားနိုင်ငံ၌ ဇန်န၀ါရီလ ၇ ရက်နေ့တိုင်းကိုရုရှားသြသို့ဒေါ့ ခရစ်ယာန်ဂိုဏ်းက ခရစ်စမတ်နေ့ ကျင်းပကြသည်။ အိန္ဒိယနှင့် သြစတြေးလျနိုင်ငံ၏ အမျိုးသားနေ့ကို ဇန်န၀ါရီ ၂၆ ရက်နေ့တွင် ကျင်းပသည်။ မာလီနိုင်ငံ၏ တပ်မတော်နေ့ကို နှစ်စဉ် ဇန်န၀ါရီလ ၂၀ ရက်နေ့၌ ကျင်းပ၍ နီပေါနိုင်ငံ၌ ဇန်န၀ါရီ ၃၀ ရက်နေ့ကို နီပေါလ်အာဇာနည်နေ့အဖြစ် ကျင်းပကြသည်။ တူနီးရှားနိုင်ငံ၌ ဇန်န၀ါရီလ ၁၂ ရက်နေ့ကို ဇန်ဇီဘာတော်လှန်ရေးအဖြစ် ကျင်းပသည်။ ယူဂန်ဒါနိုင်ငံ၌ ဇန်န၀ါရီလ ၂၆ ရက်နေ့ကို လွတ်မြောက်ရေး အဖြစ် ကျင်းပကြသည်။ အင်ဂိုလာနိုင်ငံတွင် နှစ်စဉ် ဇန်န၀ါရီလ ၄ ရက်နေ့တွင် ကိုလိုနီနယ်ချဲ့တို့အား ဆန့်ကျင်၍ သွေးမြေကျခဲ့ရသော ဇာနည်များ အထိမ်းအမှတ်နေ့ ဖြစ်သည်။ ကမ္ဘောဒီးယားနိုင်ငံ၌ ဇန်န၀ါရီလ ၇ ရက်နေ့တွင် အမျိုးသားအောင်ပွဲနေ့အဖြစ် ကျင်းပကြသည်။ လာအိုနိုင်ငံ၌ ဇန်န၀ါရီလ ၂ဝ ရက်နေ့ကို တပ်မတော်နေ့အဖြစ် ကျင်းပခဲ့သည်
ဇန်န၀ါရီလဖွား ထင်ရှားသော ကမ္ဘာကျော်ပုဂ္ဂိုလ်များမှာ “ဘွိုင်း၏ နိယာမ” သဘောတရားကို ထုတ်ဖော်ခဲ့သော အိုင်းရစ်ဓါတုဗေဒပညာရှင် ရောဘတ်ဘွိုင်း၊ အင်္ဂလိပ်စာရေးဆရာကြီး ဖရန်စစ်ဘေကွန်၊ ကဗျာစာဆို လော့ဒ်ဘိုင်ရွန်း၊ ပြင်သစ်မျိုးချစ်အာဇာနည် ဂျုံးအတ်၊ ပြင်သစ်ပြဇာတ်ဆရာ မောလျဲ၊ ပြင်သစ်ပန်းချီကျော် ပေါလ်ဆေဇန်း၊ မျက်မမြင်စာရေးနည်းနှင့် စာဖတ်နည်း စာအုပ်တီထွင်သူ လွီဘရေး (Louis Braille)၊ ဂရင်းပုံပြင်ရေးသားသူ ဂျက္ကော့ဂရင်း၊ ဂျာမန်ဂီတပညာရှင် မိုးဇက်၊ ရောမသုခမိန်ဆီလာရိုး၊ လက်ရှိစပိန်ဘုရင် ဟွမ်းကာလို့၊ ရုရှားဝတ္ထုရေးဆရာ အန်တွန်ချက်ကော့ဗ်၊ ဘဲလေးအကပညာရှင် အန်နာပေ့ဗလိုဗာ ၊ စကော့ကဗျာစာဆို ရောဘတ်ဘန်း၊ ရေနွေးငွေ့အင်ဂျင်စက် တီထွင်သူ ဂျိမ်းစ်ဝပ်၊ အမေရိကန် စာရေးဆရာ အဂ္ဂါအလန်ပိုး၊ ပူလစ်ဇာစာပေဆု နှစ်ကြိမ်ရရှိသော ကားလ်ဘင်းဘဂ်၊ တော်လှန်ရေးမျိုးချစ်ပုဂ္ဂိုလ်နှင့် စာရေးဆရာဘင်ဂျာမင်းဖရန်ကလင်၊ ဟဲဗီးဝိတ်ချန်ပီယံဖလိုက်ပက်တာဆင်၊ ဂျော့ဖိုမင်၊လူ့အခွင့်အရေးကျမ်းကြီးကိုပြုစုခဲ့သောသောမတ်ပိန်းနှင့်ဗြိတိသျှနက္ခတ္တပညာရှင်စတင်ဗင်ဟော့ကင်း တို့ ဖြစ်ကြသည်။

ဇန်နဝါရီလဖွား ကမ္ဘာကျော် အနုပညာရှင်များမှာ နီကိုလပ်ကော့ရှ်၊ ရော့စတီးဝပ်၊ ပရက်စလေ၊ ဂျက်လန်ဒန်၊ ဂေါလ်နယူးမင်း၊ အမေရိကန် ရုပ်ရှင်မင်းသမီး အွန်နာရီးတို့ဖြစ်ပြီး ထင်ရှားသည့် ခေါင်းဆောင်များမှာ အီဂျစ်သမ္မတနာဆာ၊ ၃၂ ဆက်မြောက် အမေရိကန်သမ္မတ ဖရန်ကလင်ရုစဘဲ့၊ ဂျာမန်ဒုတိယမြောက် ၀ီလျံဘုရင်၊ ပရပ်ရှားဧကရာဇ် ဒုတိယမြောက် မဟာဖရက်ဒရစ်၊ ဟစ်တလာ၏ ညာလက်ရုံး နာဇီခေါင်းဆောင် ဟာမင်းဝီလင်ဂိုအားရင်း၊ အမေရိကန်သမ္မတ ရစ်ချတ်နစ်ဆင်၊ ၁၆ ဆက်မြောက် သမ္မတအေဗရာဟင်လင်ကွန်း၊ အမေရိကန်ကြယ်ငါးပွင့် ဗိုလ်ချုပ်ကြီး ဒေါက်ဂလပ်မက်အာသာ၊ လက်ရှိ ဂျာမန်ဝန်ကြီးချုပ် လိန်ဂျယ်လီမာကယ်တို့ ဖြစ်ကြသည်။

ဇန်န၀ါရီ ၁ ရက်နေ့မှ ၁၉ ရက်အတွင်း မွေးဖွားသူများသည် မျှော်လင့်ချက်ကြီးမားတတ်သည်။ အတိုက်အခိုက် အပြိုင်အဆိုင် ၀ါသနာထုံ၍ မိမိအကျိုးအတွက် အများအကျိုးကို သယ်ပိုးလိုသော ပရစိတ်ထား ရှိသူများ ဖြစ်ကြသည်။


ဇန်န၀ါရီ ၂၀ ရက်မှ ၃၁ ရက်အတွင်း ဖွားမြင်သူများကား သမာဓိအားကောင်း၍ လက်တွေ့ဆောင်ရွက်လိုသူများ ဖြစ်သည်။ နေရာတကာ၌ အများနှင့်ဆန့်ကျင်သော်လည်း အများအကျိုး ကောင်းသည်ထင်လျှင် ယတိပြတ် လုပ်ကိုင်တတ်ကြသည်။ လောကဓံတရားကို ကြံ့ကြံ့ခံနိုင်သူများ ဖြစ်သည်။ ဤသည်တို့ကား ဇန်န၀ါရီလဖွားတို့၏ ထူးခြားသော စိတ်နေစိတ်ထားများပင် ဖြစ်သည်။

ယခုနှစ် ၂၀၁၄ ဇန်န၀ါရီလတွင် မြန်မာ ပြာသိုလ ၁ ရက်နေ့မှ လကွယ်နေ့အထိ ရက် ၃၀ ပါဝင်၍ တပို့တွဲ ၁ ရက် ပါဝင်သည်။ ထို့ကြောင့် ယခုနှစ် ၂၀၁၄ ခုနှစ် ဇန်န၀ါရီလသည် မြန်မာပြာသိုလနှင့် အများဆုံး အကျုံးဝင် တိုက်ဆိုင်နေလေသည်။

ပြာသိုလသည် မြန်မာတစ်ဆယ့်နှစ်လတွင် (၆)ခုမြောက် လ ဖြစ်သည်။ ဆောင်းဥတုတွင် ပါဝင်သည်။ ပြာသိုလကို ပုဂံခေတ် ကျောက်စာများတွင် “ပ္လသေီစ်” ၊ “ပ္လသိုစ်” ၊ “ပ္လါသိုဝ်” ဟူ၍ အမျိုးမျိုး ရေးသားလေ့ ရှိသည်။ ပြာသိုလအကြောင်း ဝေါဟာရ လီနတ္ထဒီပနီကျမ်းတွင် သက္ကတဘာသာ၌ မကာရရာသီတွင် ဖုသျှနက္ခတ်နှင့် ယှဉ်သောလပြည့်နေ့ကို ပေါပီ ခေါ်ကြောင်း၊ ထိုမှ ပါဋိဘာသာ ပြာသိုလ ဟောပေါသီသို့ သက်ကြောင်း၊ ပေါသီကိုပင် ကာလရှည်ကြာသဖြင့် ပြောသီ၊ ပြာသို ဟု ခေါ်ဝေါ်ကြကြောင်း ဖော်ပြထားသည်။ ထို့ပြင် ပြာသိုလကို ဖယောင်း၊ ပျားဖယောင်းစု၍ အရဆုံးသော လ၊ ပျားဖယောင်းလ ဟူ၍ ယူဆကြသည်လည်း ရှိ၏။ ဗေဒင်အခေါ်အားဖြင့် ပြာသိုလကို မကာရ ရာသီဟု ခေါ်သည်။ ထိုရာသီတွင် ဖုသျှနက္ခတ်နှင့် လမ်းတို့ ယှဉ်ပြိုင်ကာ မွန်းတည့်၏။ နေမင်းသည် ဥတ္တရာသန် နက္ခတ်နှင့် ယှဉ်ပြိုင်သည်။ ရာသီရုပ်မှာ မကန်းငါးရုပ်ဖြစ်၏။

ရာသီပန်းမှာ ခွာညိုပန်းတည်း။ ဤသည်ကိုရည်၍ ဖိုးသူတော် ဦးမင်းက ပြာသိုလဘွဲ့တွင် –
“ငွေသော်တာ စန္ဒနှင့် ဖုသျှတဲ့လမ်းဆုံ၊
တိမ်လွှာမှာ ရောင်ဝါကျင်းလို့၊ ထိန်ဝင်းတူပြိုင်ပ၊ မြန်းကြွခိုက်ကြုံ။
တသိန်ဂုဏ်၊ ပြိုင်စုံမြနန်း၊
နုစိမ်းစိုစိုနှင့် ပန်းခွာညို ငုံတံ တူးတယ်၊ ဖူးပွင့်ချက်ဆန်း” ဟူ၍ ရေးစပ်ထားခဲ့လေသည်။
ထိုနည်းတူစွာ မယ်ခွေကလည်း အဲချင်းဖြင့် –
ရတနာမြင်းခင်း၊ စိတ်ရှိငယ်ကျင်းသည်၊
နှင်းဖြိုးဖြိုးနှင့်၊ စက်ထိုးမှ ဟန်ယူ၊ အသည်းဆွတ်ကြွေ
ချမ်းလေပြေနှင့်၊ တောခြေတောင်ယံ၊ ငှက်ပေါင်းပျံလို့၊
ဝတ်ဆံငယ်ချူသည်၊ မီးပူပူ၊ ကင်မ၀သည်၊ လပြာသိုဆောင်း… ဟူ၍

စာပန်းချီခြယ်ထားလေသည်။
ပုစွန်တာရာ ထွန်းပသော ပြာသိုလတွင် ရှေးမြန်မာမင်းများရှိစဉ်အခါက မြင်းခင်းသဘင်ခေါ် မြင်းခင်းပွဲတော်ကို ကျင်းပမြဲဖြစ်သည်။ ဤမြင်းခင်းသဘင်တွင် မှူးမတ်၊ မင်းသား၊ မင်းမြေးများက မိမိတို့ ရရှိခဲ့ကြသော အဆောင်အယောင် အဆင်တန်ဆာများကို ၀တ်စားဆင်ယင်ကြ၍ ဆင်ရေး၊ မြင်းရေး၊ သေနတ်ရေး၊ လှံရေး၊ လေးရေး၊ ဓါးရေး၊ အခုန်အပြေး စသည်ဖြင့် အမျိုးမျိုး လေ့ကျင့်မြဲ ကျင်းပမြဲ ဖြစ်သည်။
ဤသည်ကို ရည်ရွယ်၍ အင်းဝမြို့ဘွဲ့ ၁၂ ရာသီ လူးထားတွင် ဦးအောင်ကြီးကပင် –
“သာစွလေ။ ။ ရွက်ပြေမြညို၊ ခါကိုလည်းလင့်၊ ပင်တိုင်းပွင့်ဂျ၊ နှင်းနှင့်မြငွေ့၊ လပြည့်နေ့ဝယ်၊ ပြိုင်၍ ဖုသမျှ မဂါရဟု၊ ဆောင်းလရာသီ၊ အညီပေါ်မှန်း၊ ကြိုင်ပျံ့မွှန်းသည်၊ နွယ်ပန်းလှိုင်လို၊ လပြာသိုကား၊ မိန်ညိုချပ်ဝတ်၊ လျောက်ပတ်ဆောင်ယောင်၊ မှူးခေါင်မတ်ဖျား၊ မင်းသား မင်းမြေး၊ ဆုံးရေးမတ်လျက်၊ စွယ်ရှက်ချီပင့်၊ ချွန်းဖွင့်တိုက်လျှင်၊ ဆင်တပ်ပြင်၍၊ ခြေလျင်ခြေချင်း၊ မြင်းလည်းမြင်းလျောက် ထိုးမြေရှက်လှံလေး၊ ခုန်ပြေးသန်လျင်၊ စိုင်းနှင် ကြွားကြွား၊ ဓါးသွားနှုတ်ငင်၊ မွမ်းမွမ်းမြင်မျှ၊ သဘင်မြင်းခင်း၊ စဆောင်ကျင်းသည်၊ စီးနင်းကြော့လန်းလန်းတည့်လေ။” ဟူ၍ စပ်ဆိုထားလေသည်။

ယင်းသို့ မြင်းခင်သဘင် ဆင်ယင်ကျင်းပရာ၌ လှံရေးကစားရာတွင် ၀တ်ဆင်ရသော အ၀တ်တန်ဆာ၊ ကစားသူတို့၏ အမူအရာတို့ကို ဆယ့်နှစ်ရာသီဘွဲ့ “ပြာလဲ့ညင်စင်” ချီရတုတွင် –

“ဝေေ၀ဆီးနှင်း၊ ချမ်းအိခြင်းကို ၊မြင်းခင်းထွက်ဆဲ၊ စက်ထိုးပွဲမှာ၊ နွှဲကာနွှဲကာ၊ ရိန္ဒမာပျံ၊ စကြာလှံနှင့်၊ ကေဆံမသိမ်း၊ အားယူတိမ်း၍၊ ဖဲစိမ်းဝတ်လုံ၊ ရင်စီးခြုံလျက်၊ တောင်ပုံရာထဲ၊ ချက်တိုင်းစွဲအောင် ဖန်လဲမညိုး၊ မောင်းရင်းကိုး၍၊ မထိုးစေရ” ဟူ၍ ရေးစပ်သီကုံးထားလေသည်။
ပြာသိုလတွင် ရက်စုံကွယ်သောကြောင့် ရက်ပေါင်း ၃ဝ ရှိလေသည်။ နေ့မှာ နှစ်ဆယ်၊ စွန်းကယ် ဇယ၊ ညဥ့်ဖို့ကျသော် ဆနှင့်တြိန်း ဆိုသည့်အတိုင်း မြန်မာနာရီအားဖြင့် ပြာသိုလ၌ နေ့ ၂၄ နာရီ၊ ည ၃၆ နာရီရှိရာ နေ့တာတို၍ ညတာ ရှည်သောလ ဖြစ်သည်။ ပြာသိုလတွင် နံနက်စက်နာရီ ၆ နာရီ ၃၈ မိနစ်တွင် နေထွက်ပြီးလျှင် ညနေ ၅ နာရီ ၄၁ မိနစ်တွင် နေဝင်လေသည်။
ဇန်န၀ါရီလဖွား မြန်မာအနုပညာရှင်များမှာ –

ပပဝင်းခင် (ဇန်န၀ါရီ ၆ ရက်ဖွား)၊ သဇင် (ဇန်န၀ါရီ ၆)၊ မျိုးစန္ဒီကျော် (ဇန်န၀ါရီ ၇ ရက်)၊ ရဲလေး (ဇန်န၀ါရီ ၁၁ ရက်)၊ မျိုးသန္တာထွန်း (ဇန်န၀ါရီ ၁၁)၊ မိုးဒီ (ဇန်န၀ါရီ ၁၆)၊ ဇော်ဝင်းထွဋ် (ဇန်န၀ါရီ ၂၁)၊ ဖြိုးကြီး (ဇန်န၀ါရီ ၂၅)၊ L လွန်းဝါ (ဇန်န၀ါရီ ၂၆)၊ မေသန်းနု (ဇန်န၀ါရီ ၂၇) တို့ ဖြစ်ပြီး ဇန်န၀ါရီလဖွား မြန်မာ့ဂန္တ၀င် စာဆိုတော်များနှင့် စာရေးဆရာများမှာ စတုတ္ထမြစ်ကွေ့ဆရာတော် ဦးပညာဝံသ၊ မြဒေါင်းညို၊ ဒေါ်ရီကြိန်၊ မာန်အောင်ပီယ၊ မောင်စံဖော်၊ မန်းသင့်နောင် (ကော့ကရိတ်)၊ ဂျာနယ်ကျော် ဦးချစ်မောင်၊ ဒေါက်တာ မောင်မောင်၊ လူထုဦးလှ ၊ ဒေါက်တာလှဖေ၊ ဓမ္မကထိက ဦးလှသိန်း၊ စိန်စိန်၊ ဒေါက်တာ ဘဟန်၊ ဦးရွှေဇံအောင်တို့ ဖြစ်ကြသည်။

ထင်ရှားသည့် မြန်မာနိုင်ငံခေါင်းဆောင်များမှာ ပြည်ထဲရေးဝန်ကြီးချုပ်ဟောင်း ဦးမေအောင်၊ ဂျပန်သံအမတ်ကြီးဟောင်း ဒေါက်တာသိန်းမောင်၊ အာဇာနည် ဦးရာဇတ်၊ ဒုတိယဝန်ကြီးချုပ်ဟောင်း ဦးကျော်ငြိမ်း၊ ကုလသမဂ္ဂ အထွေထွေအတွင်းရေးမှူးဟောင်း ဦးသန့် တို့ ဖြစ်ကြသည်။
============
သန်းဝင်းလှိုင်
Moemaka Media & News
http://moemaka.com/archives/34887

No comments:

Post a Comment

Related Posts Plugin for WordPress, Blogger...