Sunday, January 11, 2015

ရက်အင်ဒီးယန်းစစ်ပွဲများ နဲ့ အမေရိကန်သမိုင်းတွေကို ဆက်လက်ဆွေးနွေးရင်း ကွန်ဆာဗေးတစ်လက်သစ်တွေ ရဲ့ အယူအဆကို လေ့လာကြည့်ကြရအောင်ပါ။


ရက်အင်ဒီးယန်းခေါင်းဆောင် ခရေဇီဟော့ ( Crazy Horse ) ၊
စစ်တင်းဘူးလ် ( Sitting Bull) ၊ ဟိန်းထနေသော ဝက်ဝံကြီး ( Growing Bear ) -- စတဲ့ နာမည်တွေကို မှတ်မိစေချင်ပါတယ်။
--------------------------------------------------------------
ကံကြမ္မာစက်ဝိုင်းပေါ်မှာ မသေချာခဲ့တဲ့ သူရဲကောင်းများ
--------------------------------------------------------------
“ ငါ ရဲ့သေဆုံးသွားမဲ့ ခန္ဓာကိုယ် ကို မြှုပ်နှံမဲ့နေရာဟာ ငါ့နိုင်တော်ပဲဖြစ်ရမယ်” လို့
“ ခရေဇီဟော့စ်” က ဆိုခဲ့ဘူးတယ်လေ။
ဒါကိုတားပြည်နယ် ဆီက အနက်ရောင်တောင်ကုန်း ( Black Hill ) ပေါ်မှာ သူ့ရဲ့ ရုပ်ထုကို ၁၉၄၈ ခုနှစ်ကတည်းက ထုဆစ်ခဲ့ကြတယ်။ အလျား (၆၄၁) ပေ၊ အမြင့် ( ၅၆၃) ပေ ရှိတဲ့ သူ့ရဲ့ကြီးမားတဲ့ ရုပ်ထုကြီးဟာ အမေရိကန်သမ္မတ ရုပ်ထုလေးခုတည်ရှိတဲ့ ရပ်ရ်ှမိုးတောင်ရဲ့အခြားတဘက်မှာတည်ရှိတယ်။

တောင်နှစ်ခုကြားအကွာအဝေးက (၁၇) မိုင်လောက်ပဲရှိတာပါ။
ငါကတော့ -
- ဆောင်းဦးညနေတွေဆီကို ပျံဝဲထိုးဆင်းလာတဲ့ လင်းယုန်တကောင်ကို စူးစိုက်ကြည့်နေမိတယ်။
Crazy Horse ရဲ့ ရုပ်ထုကြီးက အငြင်းပွားဘွယ်ပြဿနာတွေအများကြီးနဲ့ လက်စမသတ်နိုင်ခဲ့သေးဘူး။
ကောင်းကင်ကိုမော့ကြည့်ပြီး ဟိုး---- မိုးတိမ်တွေထဲမှာ လူတွေအကြောင်းရှင်းပြတဲ့ “ Growing Bear” ကို ရှာကြည့်နေမိတယ်။ လူဖြူတွေရဲ့သဘောသဘာဝကိုအမှန်တကယ်
နားလည်ခဲ့ပြီးပြီလား လို့ ငါ့ဘာဘာသာမေးခွန်းထုတ်ကြည့်နေမိတယ်။
ခုတော့ သူပြောခဲ့သလိုပါပဲ။ ကျွဲရိုင်းတွေလည်း လွင်ပြင်ကျယ်ကျယ်ကြီးထဲမှာ မရှိရှာကြတော့ပါဘူး။ ငါ့စိတ်ထဲမှာ မကျေမနပ်မေးခွန်းထုတ်ချင်တဲ့ အရာတခုရှိနေသေးတယ်။
“ ကျွဲရိုင်းတွေရဲ့ချစ်ခြင်းကိုခံရမဲ့ကောင်လေး” အစား
“ လူဖြူတွေ နဲ့တန်းတူအခွင့်အရေးရမဲ့ “လကိုတာ” ( Lakota) လူငယ်တယောက်” အဖြစ်
ဘာလို့နာမည်မပေးခဲ့တာလဲ လို့။ ဒါဆို ငါတို့တတွေ ခုလိုအဖြစ်ဆိုးတွေတိုးခဲ့မှာ မဟုတ်ဘူးပေါ့။
-------------------------------
ပြန်လည်သိမ်းပိုက်ခြင်း -၇၃
--------------------------------
၁၉၆၈ မှာ အမေရိကန်ရက်အင်ဒီးယန်း (၂၀၀) ကျော် ရဲ့အရေးပေါ်အစည်းအဝေးကိုခေါ်ယူပြီး ရက်အင်ဒီးယန်းတွေကြုံတွေ့နေရတဲ့ နေ့စဉ်လူနေမှုဘဝတွေကို ဆွေးနွေးကြတယ်။
အလုပ်လက်မဲ့နှုန်းများပြားလွန်းနေတာတွေ၊ ရဲတွေရဲ့မတရားဖိနှိ်ပ်မှုတွေ၊
ဖက်ဒရယ်အစိုးရရဲ့ ကျေနပ်လောက်စရာမရှိတဲ့ ရက်အင်ဒီးယန်းဆိုင်ရာ မူဝါဒတေ၊ွ -----
အစည်းအဝေးမှာ အားလုံးမှတ်မိတဲ့အရာတခုရှိနေတယ်။
အဲ့ဒါကတော့ ၁၈၆၈ မှာ ချုပ်ဆိုခဲ့တဲ့ The Treat of Fort Laramie သဘောတူညီမှု။
ဒီ စာချုပ်ဟာ ယနေ့အထိ မပျက်ပြယ်နိုင်သေးဘူး။ အကြုံးဝင်နေဆဲဖြစ်တယ်။ “လကိုတား”နိုင်ငံတော်ဟာ လွတ်လပ်စွာတည်ရှိနေဆဲဖြစ်တယ်။
ဒါကြောင့် အနက်ရောင်တောင်ကုန်းအပါအဝင် တောင်ဒက်ကိုတားပြည်နယ် ကို ပြန်လည်သိမ်းပိုက်လိုက်ဖို့ ဆုံးဖြတ်လိုက်ကြတယ်။
အမေရိကန်၊အင်ဒီယန်းလှုပ်ရှားမှုအဖွဲ့( AIM) အဖြစ်ထင်ရှားခဲ့တယ်။
၁၈၉၀ ကာလတုန်းက သွေးမြေကျခဲ့တဲ့ Wounded Knee Creek မှာ “လာကိုတား”ရက်အင်ဒီးယန်းတွေ ပြန်လည်ဆုံဆည်းလိုက်ကြပြီး၊
အဲ့ဒီဒေသကို ၁၉၇၃ ဖေဖေါ်ဝါရီလ (၂၇) မှာ သိမ်းယူထားလိုက်တယ်။
ရက်ပေါင်း (၇၁) ရက်ကြာ ခုခံစစ်ပွဲတခုဖြစ်တယ်။
ဒါပေမဲ့ ဖက်ဒရယ်အစိုးရကလည်း အဲ့ဒီဒေသတခုလုံးကို ဖြတ် လေးဖြတ် လုပ်ပစ်လိုက်ပြီး၊ ပြန်လည်ထိန်းသိမ်းဖို့ကြိုးစားလိုက်တယ်။
လူပေါင်း (၁၂၀၀) ကျော်အဖမ်းခံရတယ်။ေ
ခါင်းဆောင် ဖရန့်ကလီးယားဝါတာ ( Frank Clearwater) အပါအဝင် လူပေါင်း (၆၈)ယောက်
အသတ်ခံလိုက်ရတယ်။ ဒီလိုဖြစ်ပျက်မှုတွေကြောင့် နိုင်ငံတကာအသိုင်းအဝိုင်းဟာ ရက်အင်ဒီယန်းအခွင့်အရေးလှုပ်ရှားမှုတိုက်ပွဲ ကိုအာရုံစိုက်ဆွေးနွေးလာခဲ့ကြတယ်။
---------------------
မြေယာလျှော်ကြေး
---------------------
၁၉၈၀ ဂျွန်လ ၃၀ ရော်နယ်ရေဂင်လက်ထက်မှာ အမေရိကန် နဲ့ စူး နိုင်ငံတော် ( Sioux Nation of Indian) တွေကြား၊ နားလည်မှုပိုမိုရရှိစေမဲ့ ဥပဒေတရပ်ကို ထုတ်ပြန်ကြေငြာခဲ့တယ်။ ရက်အင်ဒီယန်းလူမျိုးစုတွေအပေါ်ကျူးလွန်ခဲ့တဲ့အရာတွေကို တောင်းပန်ပြီး
သူတို့ရဲ့မြေယာတွေအတွက် လျှော်ကြေးပေးဖို့ ကမ်းလှမ်းခဲ့တယ်။
မြေယာတန်ဘိုးအတွက် ၁၅ သန်းခွဲ၊ အတိုး (၅) ရာခိုင်နှုန်းအတိုးနှုန်းနဲ့
နှစ် (၁၀၃) နှစ်စာအတွက် ၁၀၅ သန်း၊
စုစုပေါင်း သန်း (၂၁) သန်းနီးပါးကမ်းလှမ်းခဲ့ပေမဲ့ အင်ဒီယန်းတွေက လက်မခံဘူး။
ဒက်ကိုတားပြည်နယ်ဟာ စူးလူမျိုးတွေရဲ့နိုင်ငံတော်ဖြစ်တယ်။
ခိုးယူထားတဲ့နိုင်ငံကို ပြန်လည်ပေးဆပ်ရမယ် လို့ တောင်းဆိုနေခဲ့တယ်။
-----------------------------------------------
ကုလမဂ္ဂအထွေထွေညီလာခံရဲ့ဆုံးဖြတ်ချက်
-------------------------------------------------
၂၀၀၇ ခုနှစ်၊ စက်တင်ဘာ (၁၃) မှာ ကုလသမဂ္ဂအထွေထွေညီလာခံက (၂၅) နှစ်နီးပါး
ဆွေးနွေးလာတဲ့ ရက်အင်ဒီးယန်းဆိုင်ရာအခြေခံအခွင့်အရေးအတွက် ကြေငြာချက်တစောင်
ထုတ်ပြန်ပေးခဲ့တယ်။ နိုင်ငံအများစုက ထောက်ခံခဲ့ကြတယ်။
ဒါပေမဲ့ အဆိုပြုချက်ကို ကန့်ကွက်တဲ့ နိုင်ငံ (၄) နိုင်ငံရှိတယ်။
ကနေဒါ၊ သြစတြေီးရီးယား၊ အမေရိကန်ပြည်ထောင်စုနဲ့ နယူးစီလန်နိုင်ငံတို့ဖြစ်တယ်။
သြစတြေးရီးယားနဲ့ နယူးဇီလန် နိုင်ငံတွေကတော့ နောက်ပိုင်းမှာ အင်ဒီးယန်းအခွင့်အရေးတွေကို
ထောက်ခံတဲ့ဘက်ကနေပြန်လည်ရပ်တည်လာခဲ့ကြတယ်။
-------------------------------------------
ကွန်ဆာဗေးတစ် အမြင်
-------------------------------------------
Dinesh D’Souza က The Treat of Fort Laramie နဲ့ ရက်အင်ဒီးယန်းပိုင်ဆိုင်မှုတွေအပေါ် သဘောထား ကို သူ့ရဲ့ မှတ်တမ်းရုပ်ရှင်မှာ အခုလို သုံးသပ်ပြခဲ့ဘူးတယ်။
(၁)
ခရစ်တိုဖာ ကိုလံဘတ်စ် ဟာ အမေရိကန်ပြည်ထောင်စုဆီကို တခါမှ ခြေမချဘူး ပါဘူး။
သူ့တင်ပြချက်ကို ငြင်းဖို့ခက်ပါတယ်။
လူတွေက ခရစ်တိုဖာ ကိုလံဘတ် ရဲ့ အမေရိကားတိုက်ကို ရှာဖွေတွေ့ရှိခြင်း သမိုင်းကို ကောက်ကိုင်ပြီး အမေရိကန်ပြည်ထောင်စုသမိုင်းကို မှားယွင်းစွာ ကောက်ချက်ချလေ့ရှိတယ်။
ကိုလံဘတ်စ် ဟာ အမေရိကားတိုက်ကို တွေ့ရှိတာ မှန်ပေမယ့်၊ သူက အမေရိကန်လည်း မဟုတ်ပါဘူး။
(၂)
၁၆၂၆ ကတည်းက ရက်အင်ဒီးယန်းတွေဟာ တချိန်မှာ နယူးယောက်မြို့လည်ခေါင် မန်ဟက်တန် လို့ ဖြစ်လာမယ့် နယ်မြေကို ဒတ်ခ်ျ ကိုလိုနီ ထံ ( $ 700 ) နဲ့ ရောင်းချခဲ့တယ်။
အမှန်ပါပဲ။
အမေရိကန်ပြည်ထောင်စု လို့ ဖြစ်လာမယ့် နေရာဟာ (၁၆- ၁၇ - ၁၈ ) ရာစုတွေမှာ ဥရောပနယ်ချဲ့သမားတွေ ရဲ့ အာဏာပြိုင်ဆိုင်မှုတွေ ပြင်းထန်နေတဲ့အချိန်၊
လူဖြူ ချင်း နယ်မြေလုကြတဲ့ စစ်ပွဲတွေရှိသလို၊ ရက်အင်ဒီးယန်း အုပ်စုတွေချင်း စစ်ခင်းကြတာတွေရှိတယ်။ ရက်အင်ဒီးယန်းချင်း စစ်ဖြစ်တဲ့အခါ၊ နယ်မြေအနိုင်ရရေးအတွက်၊ လူဖြူ တွေဆီက လက်နက်ဝယ်တယ်။ တခါတလေ မဟာမိတ်လုပ်ပြီး ကျန်တဲ့ ရက်အင်ဒီးယန်းအုပ်စုတွေကို တိုက်ခိုက်တယ်။ ချုပ်ပြီး ပြောမယ်ဆိုရင်၊ ရက်အင်ဒီးယန်းတွေ နေထိုင်တဲ့ နယ်မြေဆိုတာ သူတို့ချင်းလည်း စည်းလုံးညွတ်ညွတ်မှုမရှိဘူး။ နိုင်သူ ပိုင်ဆိုင်ကြေး ဖြစ်နေတယ်။
(၃)
Conquest ethic လို့ ခေါ်တဲ့ သိမ်းပိုက်ရယူခြင်း အပေါ်ထားရှိကြတဲ့ သဘောထားက ရှင်းရှင်းလေးပါ။ ခင်ဗျားနိုင်ရင် အကုန်ယူ၊ ကျွန်တော်ရှုံးရင် အကုန်ပေး ဆိုသလိုမျိုးမို့လား။
အမေရိကန်တွေက Black Hill တောင်ကုန်းကို သိမ်းပိုက်လိုက်ခြင်းဟာ ရက်အင်ဒီးယန်းတွေရဲ့ ပိုင်ဆိုင်မှုကို မတရားသဖြင့် ရယူခြင်းဖြစ်တယ်။ The Treat of Fort Laramie ကို ချိုးဖောက်ခြင်း ဖြစ်တယ် ဆိုတာကို ဝန်ခံခဲ့တယ်။ ဒါကြောင့်၊ ရက်အင်ဒီးယန်းတွေကို အခုခေတ်ပေါက်ဈေးနဲ့ဆိုရင် ဘီလျှံ နဲ့ ချီ ပြီး ရော်ကြေးပေး ဖို့ ကြိုးစားခဲ့တယ်။ ဒါပေမယ့် ရက်အင်ဒီးယန်းတွေက လက်မခံဘူး။
လကိုးတား ရက်အင်ဒီးယန်းတွေက Black Hill ကို သူတို့မြေလို့ ဟစ်ကြွေးနေတာ ကရော မှန်လို့လား။ တကယ်တော့ အနက်ရောင်တောင်ကုန်းဆိုတာ
( Sioux ) ရက်အင်ဒီးယန်းတွေ ပိုင်တဲ့နယ်မြေမဟုတ်ပါဘူး။ မူလပိုင်ရှင်ဖြစ်တဲ့ Cheyenne ရက်အင်ဒီးယန်းတွေကို စစ်အနိုင်ရပြီး သိမ်းပိုက်ခဲ့တာပါ။ ဒါကြောင့် အမေရိကန်တွေရဲ့ ရော်ကြေးပေးယူမှုကို လက်မခံနိုင်ဘူး ဆိုတာက ရူးသွပ်မိုက်မဲမှုတခုပါ။
သူတို့လိုပဲ စစ်နိုင်လို့ တိုက်ခဲ့တဲ့နယ်မြေတွေကို ပြန်ပေးစရာမလိုပါ။
ဒါပေမယ့် အမေရိကန်တွေက ရော်ကြေးကမ်းလှမ်းခဲ့ပါတယ်။
(၄)
တကယ်လို့ ရက်အင်ဒီးယန်းတွေက လူဖြူ တွေရဲ့ ယဉ်ကျေးမှုတွေ၊ ကုန်သွယ်မှုတွေကို မကြို က် ဘူး ဆိုရင် သူတို့ဘာသာ ကြို က်တဲ့ ဘဝမှာ ကိုယ့်ယဉ်ကျေးမှု နဲ့ ကိုယ်နေလို့ရပါတယ်။
ဒါပေမယ့် ရက်င်ဒီးယန်းခေါင်းဆောင်တွေ ကိုယ်တိုင်က လူဖြူတွေ နဲ့ ကုန်သွယ်မှုလုပ်တယ်။ လက်နက်ဝယ်တယ်။
သူတို့အချင်းချင်းကြားမှာ စစ်ပွဲတွေလုပ်တယ်။
အဆင်ပြေချမ်းသာတဲ့သူတွေက ကိုယ့်လူမျိုးတွေရဲ့ ပညာရေး နဲ့ တိုးတက်မှုတွေကို လုပ်ရမယ့်အစား၊ ကက်ဆီနို လောင်းကစားရုံတွေ ဆောက်တယ်။ အပမ်းဖြေစခန်းတွေဆောက်တယ်။ လူဖြူ တွေဆီက အဂတိလိုက်စား၊ ခြစားအကျင့်ပျက်မယ့် အရာတွေကို လက်ခံရယူတယ်။
Dinesh D’Souza တင်ပြတဲ့ အချက်အလက်တွေက ခါးသီးအောက်သက်မှုတွေ ဖြစ်စေမှာ အမှန်ပါ။ သူ့ရဲ့ တင်ပြမှုတွေကို ပြန်လည်ဝေဖန်မှုတွေကလည်း ရှိနေပါတယ်။
သေချာတာ တခုကတော့
မြန်မာပြည်ဒီမိုကရေစီရေး လှုပ်ရှားမှုကလည်း ရက်အင်ဒီးယန်းခေါင်းဆောင်တွေ ကျူးလွန်ခဲ့တဲ့ အမှားတွေလိုမျိုး ဖြစ်နေတယ် မဟုတ်လား။

No comments:

Post a Comment

Related Posts Plugin for WordPress, Blogger...