Tuesday, November 4, 2014

မြန်မာနိုင်ငံနှင့် မြေသိမ်းအမိန့်ဥပဒေ


ပြည်ထောင်စုမြန်မာနိုင်ငံတော် တွင် ၂၀၁၂ ခုနှစ်နောက်ပိုင်း၌ နိုင်ငံအနှံ့အပြားတွင် ယခင်တပ် မတော်အစိုးရလက်ထက်က သိမ်း ယူခဲ့သည့် အိမ်ရာမြေများ၊ လယ်ယာမြေများကို အသိမ်းခံရသည့် ပိုင်ရှင်များက ပြန်လည်တောင်းခံ ရာမှ အချေအတင်ဖြစ်မှုများနှင့် တရားတပေါင်ဖြစ်စဉ်များစွာ ဖြစ်ပေါ်ခဲ့ပြီး အချို့လယ်သမား များသည်ဖြစ်စဉ်များတွင် ပြစ် ဒဏ်များကျခံနေရသည်ကို နိုင်ငံ အနှံ့ဝမ်းနည်းဖွယ် ရာတွေ့ရှိနေ ရပါသည်။
 
ဤသို့ နိုင်ငံအနှံ့၌ ဖြစ်ပွား နေသော မလိုလားအပ်သည့် ပြဿနာများ အဘယ်ကြောင့်ဖြစ်ပါသနည်း။ ထိုအချက်ကို ဆန်းစစ်ရန် လိုပါသည်။ ဤပြဿနာများ၏ အစကား ၁၉၈၈ ခုနှစ် တစ်ပါတီ အာဏာရှင် မဆလအစိုးရပြုတ် ကျပြီးနောက် နိုင်ငံတော်၏ အာဏာကိုသိမ်းယူပြီး တက်လာသည့် နိုင်ငံတော်ငြိမ် ဝပ်ပိပြားမှု တည်ဆောက်ရေးအဖွဲ့အစိုးရသည်လည်းကောင်း၊ ၁၉၉၇ ခုနှစ် နဝတအစိုးရကို အမည်ပြောင်းပြီး နိုင်ငံတော်ကို ဆက်လက်အုပ်ချုပ်ခဲ့သည့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ) အစိုးရသည်လည်းကောင်း
ယင်းတို့အုပ်ချုပ်ခဲ့သည့် ၂၀၁၁ ခုနှစ်အထိ မြန်မာနိုင်ငံအနှံ့ ၌ မြေသိမ်းယာသိမ်းခြင်းကို လိုအပ်သည်ထက် များစွာသိမ်းယူခဲ့ခြင်းကြောင့်ဖြစ်ပါသည်။
ယင်းသို့ မြေသိမ်းယာသိမ်း ခြင်းများတွင်လည်း ဥပဒေက ပြဋ္ဌာန်းထားသည့် မြေသိမ်းအမိန့် ဥပဒေကို တိတိကျကျလိုက်နာ ဆောင်ရွက်ခဲ့ခြင်းမရှိသည်ကို တွေ့ရှိရပါသည်။ မြေသိမ်းအမိန့် ဥပဒေမှာ မည်သည်ဆိုသည်ကို အများပြည်သူသိရှိနိုင်ရန် ရှင်းပြလိုပါသည်။ မြန်မာနိုင်ငံကို အုပ်စိုးခဲ့သည့် နယ်ချဲ့အင်္ဂလိပ် အစိုးရသည်ပင် မြန်မာနိုင်ငံ၏ ဖွံ့ဖြိုးတိုးတက်ရေးအတွက် အရေးတကြီးလိုအပ်သည့်မြို့များ၊ လမ်းများ၊ ဈေးများ၊ ကျောင်းများနှင့် ပြည်သူများအတွက်လိုအပ်သည့် အကျိုးအလို့ငှာ မြေသိမ်းနိုင်ရန်အတွက် မြေသိမ်းအမိန့်ဥပဒေ ၁၈၉၄၊ The Land Acquisition Act 1894 ဥပဒေကို ပြဋ္ဌာန်းပေးပြီး ထိုဥပဒေအတိုင်း လိုက်နာရကာ ထိုဥပဒေဖြင့် လိုအပ်သည့်မြေ ယာများကို သိမ်းနိုင်ရန်အစိုးရသို့ အခွင့်အာဏာ ပေးအပ်ထားပါသည်။
ယင်းဥပဒေတွင်မြေယာများ သိမ်းဆည်းနိုင်ရန် ပိုင်ရှင်များထံ ကြိုတင်နို့တစ်စာပေးပို့ခြင်း၊ ကန့်ကွက်ခြင်းအတွက် လုပ်ထုံး လုပ်နည်းများ၊ မြေယာတန်ဖိုး တွက်ချက်သတ်မှတ်ခြင်း၊ မြေ ယာကို လက်ရောက်ရယူခြင်း၊ တရားရုံးသို့အယူခံဝင်နိုင်ခြင်း၊ မြေယာကို ယာယီသိမ်းခြင်း၊ မြေယာကို အပြီးသိမ်းခြင်း၊ မူလ အမည် ပေါက်မြေပိုင်ရှင်များသို့ ကာလပေါက်ဈေးဖြင့်လျော်ကြေး ပေးရန်ပါဝင်ပြီး အဆိုပါမြေသိမ်း အမိန့်ကိုနောက်ဆုံးအဆင့်တွင် ပြန်တမ်းဝင်အမိန့်အဖြစ် ပြည်ထဲ ရေးဝန်ကြီးဌာနက ကြေညာပေး ရန် ပြဋ္ဌာန်းထားပါသည်။
အဆိုပါမြေသိမ်းအမိန့် ဥပဒေသည် လက်ရှိနိုင်ငံတော် အစိုးရအထိ ပြန်လည်ရုပ်သိမ်းထားခြင်းမရှိသည့်အတွက် ယခုတိုင်တည်ဆဲဥပဒေအဖြစ် ရှင်သန်ရပ်တည်နေပါသည်။
ဆိုရပါလျှင် ယခင်တပ် မတော်အစိုးရလက်ထက်တွင် မြေသိမ်းအမိန့်ဥပဒေကို လိုက်နာ ဆောင်ရွက်ခြင်းမရှိဘဲ သိမ်းယူခဲ့ သည့် လယ်ယာမြေများနှင့် အိမ် ရာမြေများအတွက် နစ်နာခဲ့သူ များအား ထိုက်သင့်သည့်လျော် ကြေးငွေများမပေးအပ်ခဲ့ပါ။ ထို့ တက်ဆိုးသည်ကား နအဖအစိုးရ လက်ထက်က သီးစားခဥပဒေကို  ဖျက်သိမ်းပြီးသော်လည်း အောက် ခြေတပ်ရင်းတပ်ဖွဲ့များသည် သိမ်းယူထားသည့် လယ်ယာမြေ များကို မူလလယ်ပိုင်ရှင်များသို့ သီးစားခဖြင့် ပြန်လည်အငှားချ ထားခြင်းဖြစ်ပါသည်။ အိမ်ရာမြေ ဆိုလျှင်လည်း ခရိုနီများလက်သို့ လွှဲပြောင်းလိုက်သည်ကိုလည်း တွေ့ရှိရပါသည်။
ဥပမာအားဖြင့် ရန်ကုန်မြို့ တွင် တာမွေမြို့နယ်၊ မြန်မာ့ဂုဏ် ရောင်ရပ်ကွက်ကို တပ်ဘက်က တပ်ဘက်ဆိုင်ရာစီမံကိန်း အတွက် သိမ်းယူခဲ့ပြီး နောက်ပိုင်း တွင် ဝါဝါဝင်းဆောက်လုပ်ရေး ကုမ္ပဏီသို့လွှဲပြောင်းခဲ့ကာ အဆို ပါကုမ္ပဏီသည် ထိုနေရာ၌ မြန်မာ့ဂုဏ်ရောင်အိမ်ရာအဖြစ် တည်ဆောက်ခဲ့ပြီး ကုမ္ပဏီကသာ အကျိုးအမြတ်များစွာရရှိခဲ့ရာ မူလနစ်နာသူများသာ ထိုက်သင့် သည့်လျော်ကြေးများမရရှိဘဲ မြို့သစ်သို့ဖိအားပေးပြောင်းရွှေ့ ခြင်းခံခဲ့ရပါသည်။ ထို့အတူ ရန်ကုန်မြို့၊ ဗဟန်းမြို့နယ်၊ ဗိုလ် ချို(၁)ရပ်ကွက်ကိုလည်း မြို့ရွာ နှင့် အိုးအိမ်ဖွံ့ဖြိုးရေးဦးစီးဌာနက ၁၉၉၅ ခုနှစ်တွင် သိမ်းယူခဲ့ပြီး လုပ်ငန်းရှင်ဦးအိုက်ထွန်းသို့ လွှဲ ပြောင်းပေးလိုက်ခြင်းဖြစ်ပါသည်။ဦးအိုက်ထွန်းသာ အကျိုးအမြတ်များစွာဖြစ်ထွန်းခဲ့ပြီး နစ်နာခဲ့ကြရသည်က ထိုရပ်ကွက်နေပြည်သူများသာဖြစ်ပါသည်။
ထိုသို့ မြန်မာနိုင်ငံအနှံ့၌ အလားတူသာဓကများစွာကို တင်ပြနေရလျှင် ဆုံးနိုင်တော့မည် မဟုတ်ပါ။ ဤနေရာတွင် တင်ပြ လိုသည်မှာ မြေသိမ်းခဲ့သည့်အဖွဲ့ အစည်းများသည် နှစ်ပိုင်းဖြစ်ရာ တစ်ပိုင်းသည် တပ်မတော်ဘက် ကဖြစ်ပြီး အခြားတစ်ပိုင်းသည် အရပ်ဘက်ဌာနဆိုင်ရာများဖြစ် ကြပါသည်။ ထိုနှစ်ပိုင်းတွင်လည်း မြန်မာနိုင်ငံအနှံ့အများဆုံးမြေ သိမ်းယာသိမ်းခဲ့သည်မှာ တပ် မတော်ဘက်ဖြစ်သည့်အတွက် စာရေးသူသည် တပ်မတော်ဘက် ကိုသာဦးတည်ပြီး ဖော်ပြလိုပါ သည်။ ထိုသို့ ဖော်ပြရာတွင်လည်းတပ်မတော်၏ မြေယာကိစ္စများကို မည်သို့ပြုပြင်ပြောင်းလဲမည် နည်းဆိုသည်ကိုသာ စေတနာအရင်းခံဖြင့် ပြောလိုရေးလိုပါသည်။
၂၀၁၃ ခုနှစ်တွင် တပ် မတော်သည် အချို့လယ်ယာမြေ များကို ပြန်လည်စွန့်လွှတ်ခဲ့ပါ သည်။ သို့သော်လည်း ထိုစွန့် လွှတ်လိုက်သည့် လယ်ယာမြေ များကိုသက်ဆိုင်သည့် မြေစာရင်း ဦးစီးဌာနက အသိမ်းခံနစ်နာခဲ့ သည့် လယ်သမားများအား ပြန် လည်ပေးအပ်ခြင်းမရှိဘဲ နီးစပ်သူ များသို့ လယ်ယာမြေနှင့် လယ် လုပ်ခွင့်ချပေးလိုက်ခြင်းဖြစ်ပါ သည်။ ထိုအခါ လယ်ပိုင်ရှင်အသစ်နှင့် နစ်နာခဲ့ရသည့် လယ်ပိုင်ရှင်အဟောင်းတို့ လယ်ယာ မြေလုရင်း တရားရုံးသို့ရောက်ရှိကြရသည်ကိုလည်း တွေ့ရှိရပါသည်။
ထို့အတူ တပ်ဘက်ကသိမ်း ယူထားပြီး မည်သည့်စီမံကိန်းမျှ ဆောင်ရွက်ခြင်းမရှိဘဲ ဤအတိုင်း ထားရှိသည့်လယ်ယာမြေများကို မူလလယ်ပိုင်ရှင်များကဝင် ရောက်ပြီး ထွန်တုံးတိုက်ပွဲဆင်နွှဲ မှုကြောင့် ပိုင်နက်ကျူးလွန်မှုနှင့် အကျိုးစီးပွားပျက်စီးစေမှုတို့ ကြောင့် လယ်သမားများသည် တရားစွဲဆိုခြင်းကို ခံနေကြရ သည်ကိုလည်း နိုင်ငံအနှံ့တွေ့ရှိ နေရပါသည်။
အထူးသတိပြုရန်မှာ နိုင်ငံ တော်သည် တပ်မတော်မဟုတ် သကဲ့သို့ တပ်မတော်သည်လည်း နိုင်ငံတော်မဟုတ်ပါ။ ဆိုလိုသည် မှာ တပ်မတော်သည် ဒို့တာဝန် အရေးသုံးပါးကို ဦးထိပ်ထားပြီး နိုင်ငံတော်ကိုကာကွယ်စောင့် ရှောက်ရန်သာ ဖြစ်ပါသည်။ အရပ် ဘက်ဆိုင်ရာမြေယာများကို သိမ်း ယူချင်တိုင်း သိမ်းယူ၍မရပါ။ လယ်ယာမြေ၏ မူလပိုင်ရှင်သည် နိုင်ငံတော်ဟုဆို သော်ငြားလည်း တပ်မတော်သည် မူလပိုင်ရှင် မဟုတ်ပါ။
ယခင်တပ်မတော်အစိုးရ လက်ထက်က မြေသိမ်းယာသိမ်း ခြင်းဖြစ်စဉ်များအားလုံးကို နား လည်ပေး၍ရပါသည်။ အကြောင်း ဆိုရသော် ထိုအချိန်က ဖွဲ့စည်းပုံ အခြေခံဥပဒေမပေါ်ပေါက်ခဲ့သေး ပါ။ ထို့အတူ လွှတ်တော်များ သည်လည်း မရှိသေးပါ။ ယခုမူ ၂၀၀၈ ဖွဲ့စည်းပုံအခြေခံဥပဒေ သည်လည်း ခိုင်မာစွာရှိနေပြီး ပြည်သူများက ရွေးချယ်တင် မြှောက်လိုက်သည့် လွှတ်တော် ကိုယ်စားလှယ်များဖြင့် ဖွဲ့စည်း ထားသည့် လွှတ်တော်သုံးရပ် သည်လည်း ခိုင်မာစွာတည်ရှိနေ ပြီးဖြစ်ပါသည်။ သို့အတွက် ပြည် သူများသည်လည်း မိမိတို့၏ဆုံးရှုံး ခဲ့ရသည့် မြေယာများကို စဉ်ဆက် မပြတ်ပြန်လည်တောင်းခံနေမည် သာဖြစ်ပါသည်။
တစ်ဖန် ဥပဒေတစ်ခုကို ထပ်မံတင်ပြလိုပါသည်။ ယင်း ဥပဒေသည် နယ်ချဲ့အင်္ဂလိပ်အစိုး ရက ထုတ်ပြန်ထားခဲ့သည့် The Cantonmetns (House Acco-mmodation Act 1923 ဖြစ်ပါ သည်။ ယင်းဥပဒေသည် Hous-eing, Land, Property, (HLD) ကဏ္ဍများပေါ်တွင် အစိုးရအနေ ဖြင့် ထိန်းချုပ်ရန်အခွင့်အာဏာ ပိုမိုအပ်နှင်းထားခြင်းဖြစ်ပါသည်။ ယင်းဥပဒေ၏ ညွှန်းဆိုချက်မှာ တပ်မြေများအတွင်းရှိ အိုးအိမ် များအား အစိုးရက လျာထား သိမ်းဆည်းမှုအတွက် အခွင့်အာ ဏာအပ်နှင်းထားခြင်းဖြစ်ပါ သည်။ နိုင်ငံတော်အကြီးအကဲ သည် မည်သည့်တပ်မြေ၌မဆို (သို့မဟုတ်)မည်သည့်တပ်မြေ၏ အစိတ်အပိုင်း၌မဆို ယင်းဥပဒေ အရ ဆောင်ရွက်မည်ဖြစ်ကြောင်း ကြေညာရန်အခွင့်အာဏာရှိ သည်။ ဤဥပဒေသည်လည်း ရုပ် သိမ်းထားခြင်းမရှိသည့် အတွက် ယနေ့တိုင်တည်ဆဲဥပဒေအဖြစ် ရှင်သန်ရပ်တည်နေပါသည်။ ဤ သည်ကိုလည်း ဆင်ခြင်သုံးသပ် ရန်ဖြစ်ပါသည်။
သို့အတွက် တပ်မတော်သို့ အကြံပြုလိုသည်မှာ တပ်မတော် သည် မိမိတို့အတွက် လိုအပ်သည့် မြေယာများသည် တရားဝင်ဖြစ် စေရန် မြေသိမ်းအမိန့်ဥပဒေကို ပြန်လည်အတည်ပြုရန်ဖြစ်ပါ သည်။ ကာကွယ်ရေးဝန်ကြီးဌာန သည် လိုအပ်သည့်မြေယာများ၏ ဧကများနှင့် ယင်းမြေယာများရှိ ဒေသများကို စာရင်းပြုစုပြီး ပြည် ထဲရေးဝန်ကြီးဌာနသို့ပေးပို့ရန် ဖြစ်ပါသည်။ ပြည်ထဲရေးဝန်ကြီး ဌာနသည် ရရှိလာသည့် မြေစာ ရင်းများကို ပြည်ထောင်စုလွှတ် တော်သို့တင်ပြပြီး ပြည်ထောင်စု လွှတ်တော်၏ သဘောတူညီချက် ရယူပြီးမှသာလျှင် ပြည်ထဲရေးဝန် ကြီးဌာနအနေဖြင့် အဆိုပါလယ် ယာမြေများကို ပြန်တမ်းဝင်အမိန့် တစ်ရပ်အဖြစ် ထုတ်ပြန်ပေးနိုင် မည်ဖြစ်ပါသည်။
ထို့အပြင် နစ်နာခဲ့သည့် မြေ ယာပိုင်ရှင်များသို့လည်း ကာလ ပေါက်ဈေးဖြင့် ပြန်လည်ပေး လျော်ရန် အထူးလိုအပ်ပါသည်။ သို့မှသာ မြေသိမ်းခံရသည့်သူများ သည်လည်း ထိုက်သင့်သည့်လျော် ကြေးငွေများရရှိသည်ဖြစ်၍ ကျေ နပ်လိမ့်မည်ဟု ယုံကြည်ပါသည်။
အထက်ကဆိုခဲ့ပြီးသည့် အတိုင်း အောက်ခြေတပ်ရင်းတပ် ဖွဲ့များသည် မိမိတို့တပ်စွဲထား သည့် ဒေသရှိသိမ်းယူထားသော မြေယာများတွင် အမှန်တကယ် တပ်အတွက် လိုအပ်သည့်မြေ များကို ချန်လှပ်ထားပြီး မလိုအပ် သောမြေများကို ပြန်လည်စွန့် လွှတ်ရန် ဖြစ်ပါသည်။ ထို့အပြင် တပ်ရင်းတပ်ဖွဲ့များသည် တပ် ဥပဒေများရှိသော်ငြားလည်း အရပ်ဘက်မြေယာများကို သိမ်းယူထားသည့်အတွက် အရပ်ဘက်က ပြဋ္ဌာန်းထားသည့် ဥပဒေများကို အတိအကျလိုက်နာဆောင်ရွက်ရန် အထူးလိုအပ်ပါသည်။
ထို့အပြင် တပ်မတော်သည် ၂၀၀၈ ဖွဲ့စည်းပုံအခြေခံဥပဒေအပေါ် ကာကွယ်စောင့်ရှောက်သွားမည်ဆိုသည်ကို ဗိုလ်ချုပ်မှူးကြီးမင်းအောင်လှိုင်က အတိအလင်းကြေညာထားပြီးဖြစ်ရာ အဆိုပါဖွဲ့စည်းပုံအခြေခံဥပဒေများကိုလည်းတပ်မတော်က အတိအကျလိုက် နာရန် အထူးလိုအပ်သည်။
သို့အတွက် ၂၀၀၈ ခု ဖွဲ့စည်းပုံအခြေခံဥပဒေ၏ ပုဒ်မ ၃၅၆ အရနိုင်ငံတော်သည် နိုင်ငံသားများ၏ တရားဝင်ရရှိပိုင်ဆိုင်ထားသော ရွှေ့ပြောင်းနိုင်သောပစ္စည်း၊ မရွှေ့ပြောင်းနိုင်သော ပစ္စည်းများနှင့်စပ်လျဉ်း၍ ဥပဒေအရကာကွယ်ပေးရမည်။ ပုဒ်မ ၃၅၇ တွင် ဖွဲ့စည်းပုံအခြေခံ ဥပဒေပါ ပြဋ္ဌာန်းချက်များနှင့် မဆန့်ကျင်လျှင် နိုင်ငံတော်သည် နိုင်ငံသားများ၏ နေအိမ်ဥပစာလုံခြုံမှု၊ စာပေးစာယူနှင့် အခြား ဆက်သွယ်ရေးဆိုင်ရာ လုံခြုံမှုများအတွက် ဥပဒေအရ ကာကွယ်ပေးရမည်ဟု အတိအကျ ပြဋ္ဌာန်းပြီးဖြစ်ပါသည်။
အချုပ်ဆိုရသော် တပ် မတော်သည် မြေသိမ်းယာသိမ်း ကိစ္စများတွင်လိုအပ်သည့် မြေ ယာများကို အထက်ကဆိုခဲ့သည့် အတိုင်း မြေသိမ်းအမိန့်ဥပဒေ အတိုင်း ပြန်လည်အတည်ပြု ဆောင်ရွက်နိုင်ရန်နှင့် မလိုအပ် သည့် မြေယာများကိုမူမူလလယ် သမားများ၏လက်ဝယ်သို့ဥပဒေ နှင့်အညီ ပြန်လည်အပ်နှင်းရန်ဖြစ် ပါသည်။ သို့မှသာ လယ်သမား များသည် ဆုံးရှုံးသည့်လယ်ယာ များကို ပြန်လည်ရရှိပြီး နိုင်ငံ တော်အတွက်လည်း တစ်ဖက် တစ်လမ်းမှ အကျိုးများစွာ ဖြစ် ထွန်းလာနိုင်မည်ဖြစ်ပါသည်။

http://www.7daydaily.com/story/23921#.VFVsBaKlDIV

No comments:

Post a Comment

Related Posts Plugin for WordPress, Blogger...