Saturday, October 11, 2014

ထွန်းကြိုင်ပုံပြင် (မင်းဒင်)


(၁)
လွန်ခဲ့သောစက်တင်ဘာလ။ ထိုင်းနိုင်ငံတောင်ပိုင်း ကော့တောင်ကျွန်း ဗြိတိန်စုံတွဲ အသတ်ခံရမှု၌ မြန်မာ လူငယ်နှစ်ဦးအား လူသတ် တရားခံအဖြစ်စွဲချက်တင်ခဲ့ရာ ထိုင်းရဲတပ်ဖွဲ့၏ သံသယဖြစ်ဖွယ် ကိုင်တွယ်ဆောင်ရွက်မှုများကြောင့် ကမ္ဘာ့နိုင်ငံအသီးသီးမှ ဝေဖန်ထောက် ပြသံများဆူညံစွာ ထွက်ပေါ် လာနေ၏။ ထိုင်းရဲတပ်ဖွဲ့၏ ကိုင်တွယ်ဆောင်ရွက်မှု အလွဲပေါင်းများစွာအနက် စကားပြန်လက်မှတ် မရှိသူ မြန်မာ ပြည်ပေါက်ဟု ဆိုသော ဆူရတ်ဌာနီမြို့မှ စကားပြန်နှစ်ဦးကို ထည့်သွင်းအသုံးပြုခြင်း သည်လည်း အကြောင်းတရပ် အဖြစ်ပါဝင်နေသည်။

စွပ်စွဲခံရသောမြန်မာလူငယ်နှစ်ဦး၊မှုခင်းကျူးလွန်ပုံကို လက်တွေ့သရုပ်ဖော်ပြသစေရာ၌၊ အဆိုပါစကားပြန်နှစ်ဦးသည် လိုသည်ထက်ပို၍ တက်ကြွနေကြပြီး မူမမှန်ကြောင်း စောင့်ကြည့်လေ့လာသူများကိုထောက်ပြလာကြသည်။ယင်းစကားပြန်နှစ်ဦးအနက် တစ်ဦးမှာ ထိုင်းရဲ တပ်ဖွဲ့အမှတ်အသားပါ အင်္ကျီကိုဝတ်ဆင်ထားသည်ကိုပင်တွေ့ရှိရ၏။
ထိုအကြောင်းနှင့်စပ်လျဉ်း၍ ထိုင်းနိုင်ငံနယ်စပ်မဲဆောက်မြို့ရှိ ကျနော့်မိတ်ဆွေတစ်ဦးနှင့် တယ်လီဖုန်းမှတဆင့်စကားစပ်မိသည့်အခါ သူက “ထိုင်းနိုင်ငံမှာ ထွန်းကြိုင်တွေအများကြီးပါပဲဗျာ”ဟူသော မှတ်ချက်ကိုပြုခဲ့ရာ၊ကျနော်ကိုယ်တွေ့ကြုံတွေ့နေရသော ကျနော့်လက် တစ်ကမ်းမှထွန်းကြိုင်များ၊ ထိုင်းနိုင်ငံဒေသအနှံ့အပြား၌၊တွင်ကျယ်နေကြသောထွန်းကြိုင်တို့၏အကြောင်းခြင်းရာသည်၊ ကျနော့်စိတ်အစဉ် တွင်အစီအရီဝင်ရောက်လာခဲ့သည်။
မြန်မာနိုင်ငံကို နယ်ချဲ့ဗြိတိသျှတို့သိမ်းပိုက်အုပ်ချုပ်ခဲ့စဉ်က အင်္ဂလိပ်အလိုတော်ရိ၊ဂျပန်ခေတ်တွင် ကင်ပေတိုင်စကားပြန်၊ စစ်အစိုးရ လက်ထက်များတွင် ထောက်လှမ်းရေးသတင်းပေးတို့ကိုပြန်ပြောင်း သတိရဖွယ်ဖြစ်လေ၏။

(၂)
ကိုယ့်တိုင်းကိုယ့်ပြည်မှာ ရေမကြည်မြက်မနုလေသည့်အတွက် မြန်မာနိုင်ငံအထက်အောက်၊ အကြေအညာတဝှမ်းမှ၊များမြောင်လှစွာသော မြန်မာတို့ သည် ယိုးယားတည်းဟူသောထိုင်းမြေသို့ တစ်ဝမ်းတစ်ခါးအလို့ငှာရောက်ရှိခဲ့သည်မှာကာလအားဖြင့် နှစ်ပေါင်းလေးဆယ် ကျော်မျှရှိခဲ့ပြီ။ အထူးသဖြင့်ဗမာပြည်တွင် စစ်အစိုးရအာဏာရယူခဲ့သော (၁၉၈၈) ခုနှစ်နောက်ပိုင်းတွင် မြန်မာနိုင်ငံတနံတလျားမှ ထိုင်း နိုင်ငံသို့ရောက်ရှိလာကြ သည့် မြန်မာရွေ့ပြောင်းအလုပ်သမား အရေအတွက်မှာကြောက်ခမန်းလိလိရှိခဲ့သည်။
စာရင်းအတိအကျ ကောက်ယူရနိုင်ခြင်းမရှိသည့်အတွက်ခန့်မှန်းချေအားဖြင့် ဖော်ပြကြသည်မှာ ထိုင်းတနိုင်ငံလုံးတွင်လက်ရှိအနေအထားအားဖြင့် မြန်မာ ရွေ့ပြောင်းအလုပ်သမားဦးရေစုစုပေါင်း သုံးသန်းကျော်ဟုဆိုသည်။
၁၉၈၈မတိုင်မီအချိန်မတိုင်မီကမူ ထိုင်းနိုင်ငံသို့လာရောက်အလုပ်လုပ်ကိုင်ကြသူများမှာ ထိုင်းမြန်မာနယ်စပ်ချင်းထိစပ်နေသည့် ကရင် ပြည်နယ်၊မွန်ပြည်နယ်၊ တနင်္သာရီတိုင်း(ကော့သောင်း၊ရေး၊ဘိတ်၊ထားဝယ်)စသည့်ဒေသတို့မှ အရေအတွက်အနည်းအကျဉ်းမျှသာဖြစ် သော်ငြား၊တစတစ မြန်မာပြည်အထက်အောက်မြို့ရွာတိုင်းမှလိုလို ထိုင်းနိုင်ငံတွင်းသို့ ရွေ့ပြောင်းအလုပ်သမားများအဖြစ်အလုံးအရင်း ရောက်ရှိလာကြ၏။
ရောက်ရှိလာသူအများစုကား လုပ်နိုင်ကိုင်နိုင်အားကောင်းမောင်းသန်အရွယ်များဖြစ်ကြသကဲ့သို့ အများစုကား အခြေခံပညာချို့တဲ့ကြရှာ သည်။
ထို့ကြောင့်ကာလဒေသပရောဂကို မှန်ကန်စွာနားလည်သိရှိသူအလွန်တရာနည်းပါးသည်။မြန်မာပြည်နှင့်နှိုင်းစာလျှင် အတန်ငယ် ဖွံ့ဖြိုးတိုးတက်နေသာ ထိုင်းနိုင်ငံ၏အခြေအနေကို အံ့သြဘနန်းဖြစ်ကြရင်း၊နေရာဒေသအသစ်မှာကျီးကန်းတောင်းမှောက်ဖြစ်ကြရသည်။ ဘာသာစကားမတူညီမှုကြောင့်ယောင်နနဖြစ်ကြရ၏။ ထိုင်းပုလိပ်တို့၏နည်းမျိုးစုံ၊ ပုဒ်မမျိုး အကြောင်းပြငွေညှစ်မှု၊ ထိုင်းအလုပ်ရှင်တို့၏ ဖိနှိပ်ညှင်းပန်းမှုမျိုးစုံကို ခါးစည်းခံကြရသည် ။မြန်မာရွေ့ပြောင်းအလုပ်များကြုံတွေ့နေသည့်၊ ဒုက္ခမျိုးစုံ၏မြစ်ဖျားခံရာအကြောင်းရင်းများစွာ အနက်၊ထွန်းကြိုင်တို့၏အခန်းကဏ္ဍသည်လည်း ဆက်စပ်ပတ်သက်လျက်ရှိနေသည်။

(၃)
ထွန်းကြိုင်အများစုမှာ ထိုင်းနိုင်ငံသို့ အရောက်စောခဲ့ကြသူများဖြစ်၍ထိုင်းစာ၊ထိုင်းစကားကို အထိုက်အလျောက်ရေးတတ်ပြောတတ်ကြ ၏။ကျောင်းနေပညာရေးအခြေခံဆယ်တန်းခန့်အထိ တတ်မြောက်လေ့ရှိသည်။ဗမာထွန်းကြိုင်တို့သည် ထိုင်းရောက်ဗမာရွေ့ပြောင်း အလုပ်သမားများ၏ စိတ်နေစရိုက်နှင့်အားနည်းချက်မျိုးစုံကို အူမချေးခါးမကျန်သိ နေကြသူများဖြစ်ရာ ထိုင်းသူဌေး၊ ထိုင်းပုလိပ် တို့၏ လူယုံများဖြစ်လာကြသည်။ မည်သူ့ထံတွင် အလုပ်သမားဘတ်ရှိမရှိ၊ ပတ်စပို့ရှိမရှိ၊ ငွေကြေး စုဆောင်းမိခြင်းရှိမရှိ၊ မည်သို့လုပ်ကိုင်စား သောက်နေသည်၊စသည့်အချက်အလက်မျိုးစုံကို သိနေကြသူများဖြစ်ရာ ထိုသူတို့ကိုလက်ကတုံးတောင်ဝှေးအဖြစ် အသုံးချခြင်းဖြင့် ထိုင်း ရဲတို့ကို ဝင်ငွေကောင်းစေသည်။ထိုင်းသူဌေးတို့နည်းမျိုးစုံအနိုင်ကျင့်ခွင့်ရကြသည်။
ထိုင်းပုလိပ်များ၊ ဗမာရွေ့ပြောင်းအလုပ်သမားတို့ကို နေရာအချိန်မရွေး ဝင်ရောက်စစ်ဆေးသည့် အချိန်များတွင် ထွန်းကြိုင်တယောက်ယောက်ပါလာတတ်သည်ဖြစ်ရာ ငယ်သည့်အမှုကြီး အောင်၊ကြီးသည့် အမှု ကိုယ်ကျိုးနည်းအောင် အမြဲတစေစောင်မကြည့်ရှုတတ်ကြသည်။ “မင်းမှာပတ်စပို့ရှိတာမှန်တယ်။ ဝါ့ပါမစ်က သူဌေးနာမည်မတူဘူး၊ ပုလိပ်တောင်းတဲ့ငွေမပေးရင် မင်းထောင်ကျမှာ”၊ “မင်းပါ့စပို့နဲ့ဝါ့ပါမစ်က သက်တမ်းကုန်နေပြီ၊သူတို့တောင်းတာ မပေးရင် မင်းကိုဗမာပြည်ပြန်ပို့မှာ၊ပြန်မပို့ခင် အချုပ်ထဲ မှာနှစ်လနေရမယ်” “ဘတ်ငါးရာနဲ့ဘယ်ရမလဲ၊အနည်းဆုံးသုံးထောင်တော့ပေးရ မယ်” “မင်းတို့အာစီယံသောက်တာ ရဲကသိနေတယ်၊ ဘတ်တစ်သောင်းမပေးရင် မူးယစ်ဆေးဝါးမှုနဲ့ ထောင်ဒဏ် ဆယ်နှစ်အထိ ကျမှာ” စသောခြိမ်းလုံးခြောက်လုံးတို့မှာ ထွန်းကြိုင်တို့၏လက်သုံးစကားများဖြစ်၏။
ထို့အတူထိုင်းအလုပ်ရှင်သူဌေးတို့၊မြန်မာအလုပ်သမားများအား လုပ်အားခမရှင်းပေးနိုင်သည့်ကိစ္စများတွင် “မင်းတို့သူဌေးကို ဘာမှလုပ် လို့ မရဘူး။သူဌေးက ရဲကိုလက်တို့လိုက်ရင် မင်းတို့တဖွဲ့လုံး အချုပ်ထဲရောက်ကုန်မှာ” ဟူသောအကြောင်းပြချက်ဖြင့် ထိုင်းသူဌေးဘက်မှ မားမားမတ်မတ်ရပ်တည်ကြ သူများမှာလည်းထွန်းကြိုင်တို့သာဖြစ်သည်။ရာဘာစေးခြစ်ရင်း မစားရက်မသောက်ရက် ခြိုးခြံစုဆောင်း ထားသော ဗမာအလုပ်သမားတို့၏ရွှေထည်ငွေကြေးတို့ ထိုင်းလူဆိုးဓားပြတို့လက်ဝယ်သို့ ရောက်အောင် သတင်းပေး လက်ထောက် ချသူများမှာလည်း အသားထဲကလောက်ထွန်းကြိုင်တို့ဖြစ်၏။ ဗမာထွန်းကြိုင်တို့၏ယုတ်မာရက်စက်မှုများကို မခံစားနိုင် သည့်အဆုံး ဗမာရွေ့ ပြောင်းအလုပ်သမား နာကျည်းချက်များဖြင့် ရက်စက်ပြင်းထန်စွာလက်စားချေသတ်ဖြတ်ခံရမှုများ မကြာခဏ ပေါ်ပေါက်ခဲ့ ဖူး လေပြီ။

(၄)
လွန်ခဲ့သောသုံးနှစ်ခန့်က ဖူးခက်မြိ့မရှိကျနော့်ဈေးဆိုင်ကိုထိုင်းပုလိပ်ဝင်မွှေရာ၊ ထိုင်းပုလိပ်တို့သည် မည်သည့်ပစ္စည်းကို အကြောင်းပြ ဖမ်းဆီးရ ကောင်းမှန်းမသိ၊ နဝေတိမ်တောင်ဖြစ်နေလျက်ရှိရာ၊ဘေးမှာ အဆင်သင့်ပါလာသူတစ်ဦး၏ အကူအညီဖြင့် ဦးချိန်တီလျက်ဆားသည် တရားမဝင်ဆေးဝါးစာရင်း ဝင်ရတော့သည်။ ယုဇနလက်ဖက်သည် ထောင်ဒဏ်ထိုက်သင့်သော၊ တရားမဝင်စားသောက်ကုန်ဖြစ် ရတော့၏။ သူ့ကျေးဇူးကြောင့် လက်ဖက်ရည်ဘီယာဖိုး ဘတ်ငါးထောင်မျှဖြင့်ပြီးရမည့်ကိစ္စသည်၊ ထိုင်းပုလိပ်တောင်းခံသည့်အတိုင်း ဘတ်သုံးသောင်း ကုန်မှသာ ဆုံးခန်းတိုင်ခဲ့၏။ ထိုသူသည် ကျနော်မျက်နှာကိုစေ့စေ့မကြည့်၊ ထိုင်းစကားကိုတွင်တွင်ပြောရင်း ထိုင်းလူမျိုး ဟန်ဇွတ်ဖမ်းထားသော်ငြား သူ့လက်ဖျံပေါ်က ဆေးမှင်ကြောင်ရုပ်မှဗမာစာလုံးတို့သည် သူသည်ဗမာထွန်းကြိုင်ဖြစ်ကြောင်း အထင် အရှားဖော်ပြနေသည်။
မကြာသေးမီရက်ပိုင်းကလည်း ဖူးခက်မြို့ပါတောင်ကမ်းခြေတွင် ကျနော့်အလုပ်သမားတစ်ဦး၊ ထိုင်းပုလိပ်နှင့်ရင်ဆိုင်ခဲ့ရသော ပြဿ နာတစ်ရပ်တွင်လည်း၊ ထွန်းကြိုင်စာရင်းဝင် ဗမာတစ်ဦး၏ ကုလားဖန်ထိုးမှုကြောင့်၊ ထိုင်းပုလိပ်က ဘတ်ငါးသောင်းအထိတောင်းခံခဲ့ရာ၊ ကိုယ်တိုင်ဝင်ရှင်းမှသာ ဘတ်သုံးသောင်းဖြင့်ဈေးတည့်ပြေငြိမ်းခဲ့ရသည်။
ဗမာထွန်းကြိုင်တို့ကား နှစ်နိုင်ငံအလုပ်သမားတင်ပို့မှုစာချုပ် (MOU) ပွဲစား၊ ပတ်စပို့ပွဲစား၊ အလုပ်သမားလက်မှတ် (ဘတ်)ပွဲစား၊ ငွေလွှဲ သူ၊ အလုပ်ရှင်လူယုံ၊ လမ်းဘေးရိုတီရောင်းသူစသည်ဖြင့် အသွင်အမျိုးမျိုးယူကာ၊ ယခုလက်ရှိအချိန်တိုင်အောင်လံထူနေကြဆဲဖြစ်၏။ ထိုင်းနိုင်ငံအဂတိလိုက်စားမှု တိုက်ဖျက်ရေးတာဝန်ရှိသူတစ်ဦး၏ မှတ်ချက်အရထိုင်းထောင်များထဲတွင် ရောက်ရှိနေသော တရားခံတဝက် နီးပါးသည် လူစားထိုးခံရ သူများ ဖြစ်သည်ဟုဆိုပါသည်။ အချို့ပြစ်မှုများတွင် ထိုင်းရောက်မြန်မာရွေ့ပြောင်း အလုပ်သမားများကို အမှုနှင့် လုံးဝဆက်စပ် ပတ်သက်ခြင်း မရှိခြင်းပဲ၊ဓားစားခံအဖြစ် ထိုးကျွေးခံရသည့် လူမသိသူမသိဖြစ်ရပ်တို့များစွာရှိနေမည်မှာသေချာလှသော အချက်ဖြစ်၏။ ဗမာရွေ့ပြောင်း အလုပ်သမား များ သတ်ဖြတ်ညှင်းဆဲခံရပြီး လက်သည်မပေါ်၊ မည်သည့်တရားရုံးသို့မျှ တင်ပို့တရားစွဲဆို နိုင်မှု မရှိခြင်း တို့တွင်လည်း ဗမာထွန်းကြိုင် တို့၏ပယောဂမကင်းချေ။
ခေတ်ဟောင်းကမူ၊ ထွန်းကြိုင်အများစုသည် ဘန်ကောက်မြန်မာသံရုံးနှင့်လည်း အဝင်အထွက်အကျွမ်း တဝင်ရှိတတ်ကြသည်။ခေတ် ပြောင်းစနစ်ပြောင်းနေပြီဆိုသည့် လက်ရှိကာလ၌ထွန်းကြိုင်တို့ ဘန်ကောက် သံရုံးတွင်ဆက်လက်ချိတ်ဆက်ထားနိုင်ထားခြင်းရှိမရှိ၊ စောင့်ကြည့်ရပေဦးမည်။ ထွန်းကြိုင်တို့၏ အခန်းကဏ္ဍမှေးမှိန်ပျောက်ကွယ်ရေး၊ ထိုင်းရောက်ဗမာအလုပ်သမားများ၏ ဘဝလုံခြုံစိတ်ချရမှုရှိရေးတို့ အတွက် မြန်မာအစိုးရအနေဖြင့် နိုင်ငံရပ်ခြားရောက်မြန်မာအလုပ်သမားများအား ကာကွယ်ပေးနိုင်သည့် အထူးဥပဒေတစ်ရပ် မရှိမဖြစ်လိုအပ်နေပြီဖြစ်ကြောင်း ကော့တောင်ကျွန်းလူသတ်မှုမှ စကားပြန် ဗမာထွန်းကြိုင်တို့က မီးမောင်းထိုးပြနေလေပြီ။
ထိုစကားပြန် ထွန်းကြိုင် နှစ်ဦးအနက်မှတစ်ဦးဆို လျှင် မြန်မာသံရုံးကိုယ်စားလှယ်မြန်မာရှေ့နေကိုပင် ထိုင်းရဲတို့ရှေ့တွင် “ခင်ဗျားဟာ ကျနော်တို့ အကြောင်းမီဒီယာတွေ၊ သတင်းဌာနတွေကို တင်နေပြောနေတဲ့ သူဆိုတာလား” ဟုပင်ပြောင်ပြောင်တင်းတင်းမေးခွန်းထုတ်သည်အထိ အတင့်ရဲအားစမ်းလာကြသည်။ စွပ်စွဲခံရသူမြန်မာလူငယ်တို့ကို ရိုက်နှက်စစ်ဆေးရာတွင် ဗမာထွန်းကြိုင်တို့ပါဝင်သည့် သတင်းများပလူပျံ လျက်ရှိ သည်ကို ထိုင်းရဲတို့အားကိုးဖြင့် တစ်စုံတစ်ရာတုန့်ပြန်လိုဟန်ရှိ၏။ အဆိုပါထွန်းကြိုင် တို့သည် မြန်မာပြည်ပေါက် ရန်ကုန်သား များဖြစ်သည်ဟုဆို ခြင်းမှာ မှန်ကန်ပါ၏လော။ တိကျစွာဆန်းစစ်သင့်လှသည်။ ဗမာထွန်းကြိုင်တို့ နေမဝင်သေးသ၍၊မြန်မာအစိုးရ၏ ကူညီဖေးမမှု မရှိသရွေ့၊ ဗမာရွေ့ပြောင်းအလုပ်သမားတို့၏ဘဝ၊ ဒုက္ခပင်လယ်ဝေနေကြရဦးမည်သာဖြစ်ချေသည်။

(၅)
စာရှုသူအနေဖြင့် ဤနေရာသို့ရောက်သည့်တိုင် ထွန်းကြိုင်ဟူသောစကားလုံး၏အဓိပ္ပါယ်ကို နားမရှင်းသေးဆိုငြားအံ့။ ထွန်းကြိုင် ဟူသည့် စကားလုံးကို ဗမာစကားလိမ်နည်းအတိုင်း ပြောင်းပြန် အသံထွက်ကြည့်လျှင် အဖြေပေါ်လာပါလိမ့်မည်။

၁၀အောက်တိုဘာ ၂၀၁၄နေ့ထုတ် သည်လေးဒီးစ်ဂျာနယ်မှ။ ။

No comments:

Post a Comment

Related Posts Plugin for WordPress, Blogger...