Monday, September 29, 2014

ငြိမ်းချမ်းရေးစစ်တမ်း (၈)။ ဖက်ဒရယ် တပ်မတော် ဖွဲ့ စည်းရေး နဲ့  ငြိမ်းချမ်းရေး ဆက်စပ်မှု

 
ဖက်ဒရယ်ပြည်ထောင်စု တပ်မတော် ဖွဲ့ စည်းရေး ကို လာမည့် နိုင်ငံရေးဆွေးနွေးပွဲတွင် ထည့်သွင်း ဆွေးနွေးရန် သဘောတူထားခဲ့ပြီးမှ မြန်မာ့တပ်မတော်ဘက်က ပြန်လည်ဖျက်သိမ်း လိုက်ကြောင်းကြားရသည်။ စစ်အစိုးရ နှင့် မြန်မာ့တပ်မတော် စစ်ခေါင်းဆောင်များကတိမတည်ဟု တဘက်က အဆိုးမြင်နိုင်သော်လည်းအခုရှုပ်မှ နောင်ရှင်း ဟူသည့် မြန်မာဆိုရိုးစကားရှုဒေါင့်မှ ကြည့်လျှင်မူအကောင်း မြင်နိုင်ပါမည်။တိုင်းရင်းသားလက်နက်ကိုင် တပ်ဖွဲ့ များပါ ပါဝင်ဖွဲ့ စည်းမည့်အခြေခံတွင် ဖက်ဒရယ် ပြည်ထောင်စုတပ်မတော် ဖွဲ့ စည်းရေးကို ၄င်းတို့အနေဖြင့် အတိအကျ သဘောတူနိုင် မတူနိုင်ဟူသည့်အပေါ် ရှင်းရှင်းလင်းလင်းရှိစေရန် ဆက်လက်ဆွေးနွေးခွင့်ရမည် ဖြစ်သောကြောင့်ပင်။ ယခုကဲ့သို့ ဘက်နှစ်ဘက် ဆွေးနွေးခွင့်ရနေသည့် အချိန်တွင် ယင်းကိစ္စအာမခံချက်ရရှိထားမှ သာလာမည့် နိုင်ငံရေး ဆွေးနွေးပွဲမှာ အကျိုးရှိပါမည်။



သို့ မဟုတ် ၂၀၀၈ ဖွဲ့ စည်းပုံပုဒ်မ ၃၃၈ ကို ကိုးကားပြီး ၄င်းတို့၏ တပ်မတော် တခုတည်းသာ ရပ် တည်သွား မည် ဟု ဆက်လက်ကိုင်စွဲထားပါက လာမည့် နိုင်ငံရေးဆွေးနွေးပွဲဟူသည်မှာမည်သို့ မျှ အဓိပ္ပါယ်မရှိပါ။ နှစ်ပေါင်း တရာ မျှပင်ဆွေးနွေးကြပါစေဦး အချိန်ကုန် ငွေကုန်ခြင်းသည်သာ အဖတ်တင်ပါမည်။
ဖက်ဒရယ်ပြည်ထောင်စု တပ်မတော်တည်ဆောက်ရေးနိုင်ငံရေးတောင်းဆိုမှု တစုံတရာမျှ အရှိန်လေးရလာ သည့်အချိန်တွင် ယင်းကိုရိုက်ချိုးသည့်သဘောသက်ရောက်အောင် လွတ်လပ်သော အာရှအသံမှ တဆင့် တနိုင်ငံလုံး သိ ထုတ်ဖေါ်ပြောဆိုလာသူမှာကေအင်ယူ ခေါင်းဆောင်တဦးဖြစ်သူ မန်းငြိမ်းမောင်ဖြစ်သည်။ ၄င်းက အောက်ပါ အတိုင်းပြောသွားခဲ့သည်။

ʻဖက်ဒရယ် တပ်မတော်တောင်းဆိုမှုကသိပ်မြင့်တယ်။ လက်ရှိအချိန်က နိုင်ငံရေးကို ဦးစားပေး ဆွေးနွေးရ မယ့် အချိန်။ရေရှည်သွားရမယ့် ကိစ္စတွေ ဖြစ်တယ်။ စစ်ရေးကို အဓိက ရှေ့တန်းတင်ရင် ကျွန်တော်တို့အခုသွားနေ တဲ့ နိုင်ငံရေးကို အဓိက ဦးစားပေးပြီးတော့ တွေ့ဆုံဆွေးနွေးမှုတွေသွားနေတဲ့အချိန်မှာ ယုံကြည်မှု တည်ဆောက် ရေး ငြိမ်းချမ်းရေး ဖြစ်စဉ်တွေကိုထိခိုက်နိုင်တယ်လို့ ကျွန်တော်တို့ ထင်တယ်။ʼ

ဖက်ဒရယ်တပ်မတော်တည်ထောင်ရင် စင်ပြိုင်တပ်မတော် စင်ပြိုင်စစ်တပ်ဖြစ်ပြီး နိုင်ငံရေးလမ်းကြောင်းကိုအဟန့် အတားဖြစ်နိုင်တယ်။ တကယ်ဖြစ်နိုင်တာလည်း မဟုတ်ဘဲနဲ့ ကြွေးကြော်သံလောက်ပဲဖြစ်နေရင် အကျိုးသက် ရောက်မှု မကောင်းနိုင်ဘူး။ တွေးဆုံဆွေးနွေးရေးကာလမှာအထင်အမြင်လွဲမှုပဲ ဖြစ်နိုင်တယ်။ ကျွန်တော်တို့ က တကယ်ဖြစ်နိုင်တဲ့ အခြေအနေတွေကိုအပြုသဘောနဲ့ ပြောတာပါ။

၎င်းက ကေအင်ယူ အဖွဲ့ အစည်းကြီး၏ နောက်ခံကိုယူကာ လူထုတရပ်လုံးကိုအတိအလင်းပြောကြား သွား ခဲ့ခြင်းဖြစ်သဖြင့် ဖက်ဒရယ်ပြည်ထောင်စု တပ်မတော် ဆိုသည်မှာ မည်သည့်အရာမှန်းသေချာစွာ မသိသေး၊ အဘယ် ကြောင့် ဖွဲ့ စည်းသင့်ကြောင်း ကောင်းစွာလေ့လာခွင့်မရကြသေးသောလူထုများအကြားတွင် အမြင်ရှုတ်ထွေးသွား နို်င်သည်။

ဖက်ဒရယ် တပ်မတော် ဖွဲ့ စည်းရေးတောင်းဆိုမှုသည် စစ်ရေးသက်သက်လား၊နိုင်ငံရေး၏ အဆက်အနေ ဖြင့် တောင်းဆိုခြင်းလားဟူသည်ကို မန်းငြိမ်းမောင်ခွဲခြားနားမလည်သောကြောင့်ပြောခြင်းဟုတ်မဟုတ် ကို စာရေးသူ မသိပါ။ ဖက်ဒရယ်ပြည်ထောင်စုတည်ဆောက်မှုနှင့် ဆက်စပ်ပြီးဖက်ဒရယ် တပ်မတော် ဖွဲ့ စည်းရေးတောင်းဆိုမှုမှာ နိုင်ငံရေးအပေါ် အခြေခံသည့် တောင်းဆိုမှုစင်စစ်တခုဖြစ်သည်။ နိုင်ငံရေးကို အဓိက ဦးစားပေးဆွေးနွေးမည် ဆိုပါက ဖက်ဒရယ် ပြည်ထောင်စုကိုတောင်းဆိုသည်နှင့် တဆက်တည်း ဖက်ဒရယ်တပ်မတော်ပါရန် လိုပါမည်။  ယင်းအပေါ် သဘော တူညီကြလျှင် နှစ်ဘက်စစ်တိုက်စရာ မလိုတော့။ငြိမ်းချမ်းရေးရသွားပါမည်။
ဤသည်ကို မန်းငြိမ်းမောင် နားမလည်ဘဲ ခေါင်းဆောင်နေရာတွင် ယူထားမည်ဆိုလျှင် ကေအင်ယူ အဖွဲ့ အစည်းအမည် ထိခိုက်ပါမည်။နားလည်ပါလျှက် တမင် ရည်ရွယ်ချက်ဖြင့် ဖက်ဒရယ်ပြည်ထောင်စုတပ်မတော် ဖွဲ့ စည်း ပေါ်ပေါက်လာခြင်းမရှိစေရန်ပြောသည်ဆိုပါက ၄င်း၏ နိုင်ငံရေးအဆင့်မှာ သုညအောက် အနုတ်လက္ခဏာ ပြသွားပါ မည်။

အဘယ်ကြောင့်ဤသို့ ဆိုသနည်း။ ဖက်ဒရယ်ပြည်ထောင်စု တပ်မတော်ဖွဲ့ စည်းပေါ်ပေါက်လာရေးကို စစ်အာ ဏာရှင်ဟောင်းသစ်များကကျားထက်ပို၍ ကြောက်ကြသည်။ တင်းကြပ်သည့် ဗဟိုချုပ်ကိုင်မှု Rigid Centralization ပျက်စီးကာစစ်အာဏာရှင်စနစ် ပြိုလဲသွားမည်ဖြစ်သောကြောင့်ပင်။ စစ်အာဏာရှင်ဟောင်းသစ်များ ကြောက်ကြသောအရာဖြစ်ပေါ်မလာအောင် မန်းငြိမ်းမောင်က ၀င်ရောက် ခုခံ ကာကွယ်ပေးနေသည့် သဘောသက်ရောက်သောကြောင့်ဖြစ်သည်။

မြန်မာနိုင်ငံအတွင်းရှိ လက်နက်ကိုင်တပ်များ (လက်ရှိ မြန်မာ့တပ်မတော်နှင့်ပြည်နယ် အသီးသီးရှိ တိုင်းရင်း သားတော်လှန်ရေးတပ်များ) အားလုံးအား ဥပဒေဘောင် LegalFramework တခုတည်းအောက် သို့ ရောက်ရှိစေရန် ဆွဲသွင်းနိုင်ရေးအတွက် ဖက်ဒရယ်တပ်မတော်ဖွဲ့စည်းရေးအား အဘယ်ကြောင့်စဉ်းစားရသည်ကို ပထမဦးစွာလေ့လာ ဆန်းစစ်ရန်လိုပါမည်။ ပြည်တွင်းစစ်သမိုင်းတွင်စစ်အစိုးရအဆက်ဆက်က မည်မျှကြီးမားသော စစ်အင်အား ကို သုံးခဲ့ သော်လည်း တိုင်းရင်းသားတော်လှန်ရေးတပ်များအား အမြစ်ပြတ်ချေမှုန်းနိင်ခြင်းမရှိခဲ့ပါ။ နိုင်ငံရေး အရ မည်သည့်နောက်ခံ အရှိန်အ၀ါ သမိုင်းကြောင်းဟူ၍ စိုးစဉ်းမျှ မရှိသော အငယ်ဆုံးအဖွဲ့ ကလေးဟု ပြောနိုင်သည့်ကိုးကန့် အဖွဲ့ 
အား သုံးရက်အတွင်း စစ်ရေးဖြင့် အပြတ်ချေမှုန်းခဲ့ပြီ ဟု ကြွေးကြော်ခဲ့သော်လည်း ယခု ၄င်းတို့ပြန်လည် စုဖွဲ့ လှုပ်ရှား နေကြပြန်ပြီဟု ကြားသိရသည်။


နိုင်ငံရေး အစဉ်အလာကြီးမား၊ လူထုနောက်ခံလည်းရှိ၊ နိုင်ငံတကာအထိပင်ပေါက်ရောက်နေကြပြီဖြစ်သောအခြားတိုင်းရင်းသား တော်လှန်ရေးအဖွဲ့ ကြီးများအား စစ်အစိုးရသည် မည်သို့ ပင်ကြိုးစားသော်လည်းစစ်ရေးသက် သက် နှင့် အမြစ်ပြတ်ချေမှုန်း၍ ရမည်မဟုတ်ပါ။ နိုင်ငံရေးအရလည်း ဆက်လက်ကလိန်ကျ၍ရဘွယ်မမြင်ပါ။ အဘယ် ကြောင့် ဆိုသော် တိုင်းရင်းသားခေါင်းဆောင်အမြောက်အများမှာ (လက်ရှိဦးသိန်းစိန် အရပ်သားအသွင်ယူ  စစ်အစိုးရ နှင့်ပေါင်းကာ လက်ဝေခံစားသောက်လိုသူ အချို့ မှလွဲ၍) နိုင်ငံရေးအရလည်း အရိုးရင့်လာကြပြီ ဖြစ်သောကြောင့်ပင်။ သို့ ဖြစ်၍ အာဏာကို ချုပ်ကိုင်ထားဆဲဖြစ်သော စစ်ခေါင်းဆောင် ဟောင်း သစ်များ စဉ်းစားသင့်သည်မှာနိုင်ငံရေး၊ စစ်ရေး၊ လူ့ အခွင့်အရေးပြသနာများအားလုံးကို ရိုးသားစွာ ဖြင့် နိုင်ငံရေးနည်းလမ်းအရဆွေးနွေးအဖြေရှာသွားရန် ဖြစ်သည်။

ဆွေးနွေးပွဲများတွင် စစ်ရေးကိစ္စ မပြောရဟူသည်မှာ လွဲမှားသောအယူအဆဖြစ်သည်။ ပြည်တွင်းစစ် ဘာကြောင့်ဖြစ်သည်၊ ယင်းကို မည်ကဲ့သို့ မှန်ကန်စွာ ငြိမ်းသတ်သင့်သည်၊စသည်တို့ ကို ကျယ်ပြန့် နက်ရှိုင်းစွာ ဆွေး နွေးကြရပါမည်။ ဖက်ဒရယ်ပြည်ထောင်စု တပ်မတော်ဖွဲ့ စည်းရေးအား ဆွေးကို ဆွေးနွေးရပါမည်။ သို့ မှသာ လက်ရှိ မြန်မာ့တပ်မတော်သာမက၊ တိုင်းရင်းသားတော်လှန်ရေးတပ်များလည်း တရားဝင်တည်ရှိနိုင်ပြီး ဥပဒေစိုးမိုးရေး အခြေခံကို တည်ဆောက်ကာ၊စစ်မှန်သည့် ပြည်တွင်းငြိမ်းချမ်းရေးကို ဦးတည်နိုင်သောကြောင့် ဖြစ်သည်။

တန်းတူရေးနှင့် ကိုယ်ပိုင်ပြဌာန်းခွင့်ရှိသော အမျိုးသားပြည်နယ်များဖြင့်ဖွဲ့ စည်းထားသည့် ဖက်ဒရယ်ပြည် ထောင်စု တည်ဆောက်မည်ဖြစ်ကြောင်း
စစ်ခေါင်းဆောင်ဟောင်းသစ်များက အာမခံပါသည်ဆိုရုံမျှနှင့် လက်ရှိ တိုင်း ရင်းသားတော်လှန်ရေးအဖွဲ့ ကြီးများသည် လက်နက်ချကာ ၂၀၀၈ဖွဲ့ စည်းပုံကို လက်ခံ၊ နိုင်ငံရေးပါတီထောင်၊ ရွေးကောက်ပွဲဝင်သွားကြလိမ့်မည်ဟု စာရေးသူမယုံကြည်ပါ။ နှစ်ပေါင်း ၆၅ နှစ်ကျော်ခဲ့ပြီဖြစ်သည့် ပြည်တွင်း စစ်ကြီး အတွင်း အထူးသဖြင့်စစ်အစိုးရအဆက်ဆက်အောက်တွင် မြန်မာ့တပ်မတော်က လူ့ အခွင့်အရေးနှင့် တိုင်းရင်းသား အခွင့်အရေးများအားမြောက်များစွာချိုးဖေါက်ကျူးလွန်ခဲ့သဖြင့် ယုံကြည်မှု ပျက်ယွင်းခြင်း Lack of Trust ကြီးမားစွာ ပေါ်ပေါက်နေသောကြောင့်ဖြစ်သည်။

သို့ ဖြစ်၍ ဖက်ဒရယ်ပြည်ထောင်စု တည်ဆောက်သွားမည်ဖြစ်ကြောင်းစစ်ခေါင်းဆောင် ဟောင်းသစ်များက သဘောတူညီချက် လက်မှတ်ရေးထိုးပြီးနောက်၊ နိုင်ငံရေးဆွေးနွေးပွဲကိုဖြတ်သန်း၊ နှစ်ဘက် သဘောတူညီသည့် အခြေခံ တွင် တိုင်းရင်းသားပေါင်းစုံလူထုများပါ လက်ခံသည့်ဖက်ဒရယ် ဖွဲ့ စည်းပုံအခြေခံ ဥပဒေ တခုပေါ်လာအောင် ကြိုးပမ်း၊ ၄င်းဖွဲ့ စည်းပုံအရ တိုင်းရင်းသားတော်လှန်ရေးအဖွဲ့ အစည်းများ သို့ မဟုတ် ၄င်းတို့ ကို  ကိုယ်စားပြုသည့် နိုင်ငံရေးပါတီများ  ပါ ရွေးကောက်ပွဲ တွင် ပါဝင်ရွေးချယ်ခံပြီးနောက်ပြည်ထောင်စုနှင့် အမျိုးသား ပြည်နယ်အသီးသီး များတွင် အစိုးရသစ်များ တက်လာသည့် အချိန်အထိကာလတခုကို ဖြတ်သန်းရပါဦးမည်။ ယင်းကိုအသွင်ကူးပြောင်းရေးကာလဟု သတ်မှတ်ရပါမည်။ ယင်းကာလသည် တိုတောင်းမည် မဟုတ်ပါ။

ဖက်ဒရယ်တပ်မတော်တောင်းဆိုပါက ʻတွေ့ဆုံဆွေးနွေးမှုတွေသွားနေတဲ့အချိန်မှာယုံကြည်မှု တည်ဆောက် ရေး ငြိမ်းချမ်းရေး ဖြစ်စဉ်တွေကို ထိခိုက်နိုင်ကြောင်းʼ မန်းငြိမ်းမောင်ကပြောခဲ့သည်။ စာရေးသူအနေဖြင့်မူ မန်းငြိမ်း မောင် နှင့် ပြောင်းပြန်နားလည်သည်။ တွေ့ဆုံဆွေးနွေးမှုများကျင်းပနေသော ယခုအခါ သမယသည် ယုံကြည်မှု တည် ဆောက်သည့် Trust Building ကာလမဟုတ်။ ယုံကြည်မှုကို ရှာဖွေသည့်Trust Seeking ကာလသာ ဖြစ်သည်။

ယင်းသို့ ဖြစ်လျှင် ယုံကြည်မှု တည်ဆောက်သည့်ကာလ သည် အဘယ်နည်း။

အထက်တွင်ဖေါ်ပြခဲ့သည့် အသွင်ကူးပြောင်းရေးကာလအတွင်း တိုင်းရင်းသားတော်လှန်ရေးအဖွဲ့ အစည်း ကြီးများသည် လက်နက်စွန့် ကြဦးမည် မဟုတ်သည်မှာ သေချာသည်။ ယင်းကာလကို ဖြတ်သန်းပြီးနောက်ဖက်ဒရယ် ဖွဲ့ စည်းပုံအခြေခံဥပဒေသစ်ကို ကျင့်သုံးသည့်ကာလ ရောက်လာပါမည်။ ယင်းကာလ အတွင်းမှာပင်ဆယ်စုနှစ်တချို့  ကြာသည်အထိ မိမိတို့ ပြည်နယ်များ၌ မိမိတို့ လက်နက်များကိုဆက်ကိုင်ထားကြလိုဦးမည်ဟု စာရေးသူ ခန့် မှန်း သည်။ ဖက်ဒရယ်ပြည်ထောင်စုဖွဲ့ စည်းပုံကိုလက်တွေ့ ကျင့်သုံးနေသည့် အဆိုပါ ကာလသည်သာ ယုံကြည်မှု တည် ဆောက်သည့် ကာလ ဖြစ်နိုင်ပါသည်။

အသွင်ကူးပြောင်းရေးကာလနှင့် ယုံကြည်မှု တည်ဆောက်သည့် ကာလ နှစ်ခုလုံးအတွင်း WinWin Situation တနည်းအားဖြင့် လက်နက်ကိုင် ပဋိပက္ခ၏ ဘက်နှစ်ဘက်လုံးကအနိုင်ရသည့် အခြေအနေတရပ်ကို ရှာဖွေ ရပါမည်။ ဤသည်မှာ ၁၉၈၉ ခုနှစ်ကစတင်ပြီး နှစ်ပေါင်း၂၅ ကြာ စစ်အစိုးရ အဆက်ဆက်က ကျင့်သုံးခဲ့ သော်လည်း မအောင်မြင်ခဲ့သည့် အပစ်အခတ်ရပ်စဲရေးအားအဓိကထားဖေါ်ဆောင်သည့် နည်းလမ်းကို ဆိုလို ခြင်းမဟုတ်ပါ။

ဤသို့ အဘယ်ကြောင့်ဆိုသနည်း။

မျက်မှောက် ကရင်ပြည်နယ်တွင် ဖြစ်ပွားနေသော အခြေအနေအပေါ် သုံးသပ်နိုင်သည်။ စစ်အစိုးရအဆက်ဆက်သည် ကရင်လက်နက်ကိုင် တပ်များကို စစ်ရေးသက်သက်ဖြင့် အမြစ်ပြတ်လည်း တိုက်ခိုက်ချေမှုန်းခြင်းမပြုနိုင်၊ ၄င်းတို့ အား တရားဝင်ရပ်တည် ခွင့်ပေးခြင်းလည်းမပြု၊ မြန်မာ့တပ်မတော်အပါအ၀င်ကရင်ပြည်နယ်အတွင်းရှိ လက်နက် ကိုင်တပ် များအားလုံး ဥပဒေဘောင် တခုအောက်တွင် ရောက်အောင်ထားရှိကွပ်ကဲခြင်းလည်း မရှိ။ အချိန်မရွေး ပြသနာ တက် နိုင်သည့်အခြေအနေကိုဖန်တည်း ပေးထား၊၄င်းတို့ ခိုင်းတာလုပ်မည့် ကရင်တပ်နှင့် ခေါင်း ဆောင်များကို လက်သက် မွေးမြူထား၊ ကရင်အမျိုးသားအကျိုးစီးပွားအခြေခံမှ ရပ်တည်ခုခံကာကွယ်ပြောဆိုမည့် ကရင်ခေါင်းဆောင်များအား ပြသနာရှာ၊စစ်ရေးဖြင့် ခြိမ်းခြောက်၊ တိုက်ခြင်သည့်အခါ သွားတိုက်လိုက်ကြ၊ ၄င်းတို့  အချင်းချင်းပြေလည်လျှင် ရပ် လိုက်ကြ။ လူထုကို ဖုတ်လေသည့် ငါးပိ ရှိသည်ဟု သဘောမထား။ စစ်အစိုးရ ဖန်တည်းထားသည့် ဥပဒေစိုးမိုးရေး ပျက်သည့်အခြေအနေအောက်တွင်ယခု ကရင်ပြည်နယ်တွင် ဖြစ်ပွားနေသည့်အခြေအနေမှာ ငြိမ်းချမ်းတည်ငြိမ်မှု ရရန် ဝေးပါသည်။ လူထုမှာ ကျီးလန့် စာစားနေကြရသည်။
 
လက်နက်ကိုင် ပဋိပက္ခ၏ ဘက်နှစ်ဘက်လုံးက အနိုင်ရသည့်အခြေအနေကို ဥပဒေစိုးမိုးရေး အခြေခံမှ ရှာမှ သာရပါမည်။ ဤသည်မှာ ဘက်နှစ်ဘက်လုံးရှိ လက်နက်ကိုင်တပ်ဖွဲ့များ ဥပဒေစနစ်တခုအောက်တွင် တရားဝင် နည်း လမ်းတကျ နှင့် ငြိမ်းချမ်းစွာ အတူတကွယှဉ်တွဲရပ်တည်ရေး Peaceful Coexistence ကို ဆိုလိုသည်။ ယင်းမှာ နှစ်ဘက်၏တည်ရှိမှုကို တဘက်နှင့်တဘက် တရားဝင် အပြန်အလှန်အသိအမှတ်ပြုကြခြင်း၊ ဖက်ဒရယ် ပြည်ထောင်စု တပ်မတော်ပုံဖေါ်၍ ဗဟိုကွပ်ကဲမှုတခု စုပေါင်း ဖန်တည်းပြီးနောက် ပြည်ထောင်စုတ၀ှမ်းလုံးရှိ ဘက်နှစ်ဘက်၏ တပ်များအားလုံးယင်းကွပ်ကဲမှု အောက်တွင် နည်းလမ်းတကျထားရှိခြင်း၊ သက်ဆိုင်ရာပြည်နယ်တခုချင်းစီ အတွင်းတွင် လက်ရှိရှိနေသော တော်လှန် ရေးတပ် အသီးသီးသည်လည်း မိမိတို့ အချင်းချင်း နည်းလမ်းတကျပေါင်းစည်းကာ(ဖက်ဒရယ်ပြည်ထောင်စု တပ်မတော် ၏ အစိပ်အပိုင်းအဖြစ်) ပြည်နယ်ကာကွယ်ရေးတပ်များ အနေဖြင့်ရပ်တည်ခြင်း၊ ၄င်းတပ်များသည် ပြည်နယ်များ အလိုက် ကျင်းပသည့် လွတ်လပ်၊ မျှတသော ရွေးကောက်ပွဲများမှတက်လာပြီး သက်ဆိုင်ရာတိုင်းရင်းသားလူမျိုးများနှင့်သာ အဓိကထားဖွဲ့ စည်းထားသည့် ပြည်နယ်အစိုးရအသီးသီး၏တိုက်ရိုက်ကြီး ကြပ်မှုအောက်၌ ထားရှိခြင်း၊ အစရှိ သည်တို့ ကို ဆိုလိုသည်။

 စင်စစ်အားဖြင့်မူ လူဦးရေ ၅၅ သန်းဝန်းကျင်မျှသာရှိသည့်နိုင်ငံတခုတွင် လက်နက်ကိုင်တပ်ပေါင်းများစွာ ရှိနေခြင်းမှာ ကောင်းသည့်လက္ခဏာမဟုတ်ပါ။ငြိမ်းချမ်းေ၇းကို မြတ်နိုးကြသည့် တိုင်းရင်းသားလူထုများသည် လည်း ၄င်းတို့ လိုလားတောင်းဆိုလျှက်ရှိသောတန်းတူရေးနှင့် ကိုယ်ပိုင်ပြဌာန်းခွင့်ကိုသာ ဥပဒေစနစ်တခုအောက် တွင် တကယ်တန်းကျင့်သုံးခွင့်ရကြမည်ဆိုပါက မည်သူမျှ လက်နက်ကိုင်လိုကြမည် မဟုတ်ပါ။ အထက်ပါ ယုံကြည်မှု တည်ဆောက်သည့် ကာလကို ဖြတ်သန်းနေစဉ်အတွင်း ပဋိပက္ခ၏ ဘက်နှစ်ဘက်လုံးသည် မိမိတို့ ၏ အတွင်းအနှစ် သာရကို ပြင်ကြရမည်ဟု စာရေးသူနားလည်သည်။

အဓိကအားဖြင့် အာဏာကို ကိုင်ထားသော မြန်မာ့ တပ်မတော်ဘက် ဖြစ်သည်။ မြန်မာ့တပ်မတော်သည် မိမိ၏ အနှစ်သာရကိုပြောင်းရာတွင် ပထမအနေဖြင့် စစ်အာဏာရှင်စနစ်ကို စွန့် လွှတ်ရပါမည်။ ဒုတိယ အနေဖြင့် အာဏာ နိုင်ငံရေးနယ်ပယ်မှရာနုန်းပြည့်ဆုတ်ခွာပြီး တိုင်းပြည်ချစ်စိတ် အခြေခံတွင် အသက်မွေးဝမ်းကျောင်းအရ တပ်တွင်းဝင်ရောက်အမှုထမ်းခြင်း(Professionalism) ကို တည်ဆောက်၊ လူထုအုပ်ချုပ်ရေးလွှမ်းမိုးမှုအယူအဆ (CivilianSupremacy) ကို လက်ခံရပါမည်။ တတိယအနေဖြင့် တပ်မတော်၏ ထိပ်ပိုင်းခေါင်းဆောင်များတွင်သက် ဆိုင်ရာပြည်နယ်လူထုက လိုလားထောက်ခံသော တိုင်းရင်းသား စစ်ခေါင်းဆောင်များအား တဖြေးဖြေးနှင့်နည်းလမ်း တကျ ရာထူးနေရာ အပ်နှင်းခြင်းများ ပြုရပါမည်။ စတုတ္တအနေဖြင့် တပ်မတော် က တဗိုလ် တမင်းလုပ်ခြင်ရာလုပ် ခွင့်ရစေရန် ၂၀၀၈ ဖွဲ့ စည်းပုံအရ သီးခြားတည်ထောင်ထားသော စစ်ဘက်ဆိုင်ရာခုံရုံး ကို လုံးဝဖျက်သိမ်းရပါမည်။ တပ်တွင်း စစ်တရားရုံး (Court Martials) များ ၏ နောက်ဆုံးအယူခံဝင်ရာရုံးအားအရပ်ဘက်ဆိုင်ရာ တရားစီရင် ရေး၏ ကွပ်ကဲမှုအောက်တွင် ထားရှိသော စနစ်ကို ကျင့်သုံးရပါမည်။ပဉ္စမ အနေဖြင့်တပ်မတော် အတွင်းတွင် လူ့ အခွင့်အရေး၊တိုင်းရင်းသားများ၏ တန်းတူရေး နှင့် ကိုယ်ပိုင်ပြဌာန်းခွင့် ဆိုင်ရာ အခွင့်အရေး၊ နိုင်ငံသားအခွင့်အရေး စသည့် အခွင့်အရေးဆိုင်ရာ သင်တန်းများ ပို့ ချပေးရပါမည်။

အထက်ပါတို့ ကိုသာ ဖေါ်ဆောင်မည်ဆိုလျှင်မြန်မာနိုင်ငံတွင် ဥပဒေစိုးမိုးရေးတဖြေးဖြေးရှိလာပြီး စီးပွားရေး တိုးတက်လာသည့် အခြေခံမှနေ၍စစ်မှန်သည့် တိုင်းပြည်တည်ငြိမ်မှု ရလာပါမည်။ ထိုအချိန်တွင် သက်ဆိုင်ရာ အမျိုးသားပြည်နယ်များ ၌ ပြည်နယ် ကာကွယ်ရေးတပ်ဖွဲ့ များ၏ အရေအတွက်သည် (လက်နက်ချခိုင်းစရာမလိုဘဲ) အလိုအလျှောက်သိသာစွာတဖြေးဖြေး လျော့နည်း ကျဆင်းသွားပါမည်။ အရပ်သားလူထုဘ၀ကို ပိုမိုမြတ်နိုးလာကြပြီး သူ့ အလုပ်သူထွက်လုပ်ကာ ဘ၀ ရပ် တည်သွားကြပါမည်။

ဤသို့ ဆောင်ရွက်နေသည့် ကာလကိုသာ ယုံကြည်မှုတည်ဆောက်ရေးကာလ ဟု စာရေးသူနားလည် သည်။ ယခုမူ စပင် မစရသေးပါ။ ယုံကြည်မှု တည်ဆောက်ရေးကာလသည်တစုံတရာ ရှည်ကြာမည် မုချဖြစ်သည်။ ယင်းကာလကို အောင်မြင်စွာဖြတ်ကျော်နိုင်ရန်မှာ လက်ရှိမြန်မာ့တပ်မတော်၏ တည်ရှိမှုကို မထိခိုက်စေဘဲ တိုင်းရင်းသားတော်လှန်ရေးတပ်များကိုပါ ပူးပေါင်းဖွဲ့စည်းစေကာ ဗဟိုချုပ်ကိုင်မှု အသစ်တခုတည်ဆောက်သည့် နည်းဖြင့် ဖက်ဒရယ်ပြည်ထောင်စု တပ်မတော်တရပ်တည်ဆောက်၊ တပ်အားလုံး၏ အထက်တွင် ဥပဒေဘောင် Legal Framework အသစ်တခုဖန်တည်းပြီးကွပ်ကဲသွားရန်ဖြစ်သည်။

               အထက်တင်ပြပါ အခြေခံမျိုး၊ သို့ မဟုတ်ယင်းထက်ပိုမိုကောင်းမွန်ပြီး လက်ရှိစစ်အစိုးရဘက်ကရော၊ တိုင်းရင်းသားတော်လှန်ရေး အဖွဲ့အစည်းများဘက်ကပါ လက်ခံနိုင်သည့် အနေအထားမျိုးဖြင့် ဥပဒေစနစ်တခု အောက်တွင် နည်းလမ်းတကျ နှင့် ငြိမ်းချမ်းစွာ အတူတကွ ယှဉ်တွဲ ရပ်တည် နိုင်မည့် အနေအထားမျိုးကို ဖန်တည်းနိုင်မည် ဆိုပါက ပြည်တွင်းငြိမ်းချမ်းရေး စစ်မှန်စွာ ရသွားနိုင်ပါမည်။ ဤသည်ကို လက်ရှိကျင်းပနေသည့်ဆွေးနွေးပွဲ များ၌ ဆွေးနွေးသွားကြလိမ့်မည် ဟု စာရေးသူမြှော်မှန်းသည်။ အခြေခံကျောရိုးကျသည့် မူပိုင်းဆိုင်ရာများအားဆွေးနွေးသဘောတူညီချက်ရလျှင် ငြိမ်းချမ်းေ၇းစာချုပ် Peace Agreement အသွင်ပြောင်းချုပ်ဆိုင်နိုင်ပါကတိုင်း ရင်းသား ပေါင်းစုံလူထုတရပ်လုံးသာမက နိုင်ငံတကာကပါ နှလုံးစိတ်ဝမ်းချမ်းမြေ့ကြပါမည်။မည်သို့ မျှအာမခံချက် မရှိသော နိုင်ငံရေးဆွေးနွေးပွဲ ဟူသည်အား မစောင့်သင့်ပါ။
လက်ရှိဆွေးနွေးပွဲများတွင် ယင်းသို့တင်ပြဆွေးနွေးပါလျှက် ဦးသိန်းစိန် ဦးဆောင်သည့် စစ်အစိုးရ နှင့် မြန်မာ့ တပ်မတော်စစ်ခေါင်းဆောင်များက ခေါင်းမာစွာဆက်လက် ငြင်းဆန်နေမှုမျိုးရှိနိုင်သည်။ ၄င်းတို့ မအောင်မြင်ခဲ့သည့် နည်းဟောင်းကြီးများဖြစ်သည့် စစ်ရေးနည်းသက်သက်ဖြင့် အပြုတ်တိုက်ရေး၊ သို့မဟုတ် ကလိန်ကကျစ် နိုင်ငံရေး နည်းများဖြင့် တိုင်းရင်းသားတော်လှန်ရေးတပ်များ လုံးပါးပါးသွားစေရေးသို့ မဟုတ် တဘက်က စစ်ရေးဖြင့် ခြောက် အခြားတဘက်က နိုင်ငံရေးဖြင့် လှည့်ဖျားချေမှုန်းရေးမဟာဗျူဟာများ ကျင့်သုံးလာနိုင်သည်။  ဤသို့ ဖြစ်ပါကမြန်မာ့ တပ်မတာ် ပါဝင်လာသည်အထိ စောင့်စရာ မလိုဘဲ တိုင်းရင်းသားတော်လှန်ရေးတပ်ဖွဲ့ များသည်မိမိတို့အချင်းချင်း စုပေါင်းပြီး ဖက်ဒရယ် ပြည်ထောင်စု တပ်မတော်တရပ် ကို ဖွဲ့ စည်းတည်ထောင်တိုက်ပွဲဝင်သွားခြင်းသည်သာ အသင့် မြတ်ဆုံးနည်းလမ်းဖြစ်နိုင်ပါသည်။ ယင်းအခြေခံတွင် ယူအင်အက်ဖ်စီ ၏ ဖွဲ့ စည်းပုံအခြေခံ ဥပဒေ၌ ဖက်ဒရယ် ပြည် ထောင်စု တပ်မတော်ဖွဲ့ စည်းရေးကို စနစ်တကျထည့်သွင်းရေးသားလာခဲ့ခြင်း ဖြစ်သည် ဟု စာရေးသူ နားလည်သည်။ ယူအင်န်အက်ဖ်စီ လျှောက်လှမ်းနေသည့် နိုင်ငံရေးလမ်းကြောင်းနှင့် ပြင်ဆင်မှု သည် မှန်ကန်နေဆဲဟု သုံးသပ်သည်။

မန်းငြိမ်းမောင်က ဤသည်ကို လက်တွေ့ မကျဟုဆိုလျှင် မည်သည့်အရာသည် လက်တွေ့ ကျပါသနည်း။ နှစ်ပေါင်း ခြောက်ဆယ်ကျော် အသက်သွေးပေါင်းများစွာကိုရင်းကာစွန့် လွှတ်စွန့် စားတိုက်ပွဲဝင်ခဲ့သည့် ကရင်အမျိုး သား လွတ်မြောက်ရေးတပ်မတော်ကို လက်နက်စွန့်ခိုင်းခြင်း၊ သို့ မဟုတ် နယ်ခြားစောင့်တပ် Border Guard Force အဖြစ်သို့ အသွင်ပြောင်းခြင်းမှာလက်တွေ့ ကျသည်ဟု ဆိုလိုခြင်သလား။ ဤသို့ မူ ဖြစ်စေလိုပုံမရပါ။ ကေအင်ယူ ခေါင်းဆောင် အမြောက်အများသာမကအောက်ခြေတပ်ထုကပါ လက်ခံမည် မဟုတ်သောကြောင့်ပင်။

လက်နက်ချစရာလည်းမလို၊ နယ်ခြားစောင့်တပ်အဖြစ်ပြောင်းစရာလည်း မလိုဘဲ စစ်အစိုးရက လတ်တ လောခွင့်ပြုချက် ပေးထားသည့်  လက်နက်ကိုင်တပ်အဖြစ် ရပ်တည်ခွင့်ကို အသုံးပြုသွားမည်ဆိုလျှင်ရော ကရင် ပြည်နယ် နှင့် လူထုအတွက် လက်တွေ့ အကျိုးရှိနိုင်မည်လား။ ဤသည်နှင့်စပ်လျှဉ်း၍မူ မန်းငြိမ်းမောင်သာမက ကေအင်ယူ ခေါင်းဆောင် အတော်များများတွင် ဇဝေဇ၀ါ ဖြစ်ကောင်းဖြစ်နိုင်ပါမည်။ ဤသည်နှင့် စပ်လျှဉ်း၍ ပထမ ဆုံးအနေဖြင့် လက်နက်ကိုင် တပ်ရှုဒေါင့်မှလေ့လာတင်ပြပါမည်။ ၁၉၉၄ ခုနှစ်မှ ၂၀၁၁ ခုနှစ်အထိ ၁၇ နှစ်တာ အပစ် ရပ်ခဲ့သည့် ကေအိုင်အို၏ လက်တွေ့ ခံစားခဲ့ရမှုများကို သာဓက ပြုသင့်သည်။

၂၀၀၁ ခုနှစ်မတ်လ အတွင်း ကေအိုင်အိုတပ်မဟာ (၄) စိုက်ပျိုးရေးခြံသို့ အစိုးရတပ်က ၀င်ရောက်ကာ ကေအိုင်အေ တပ်ဖွဲ့ ဝင်များနှင့်အရပ်သားများ စုစုပေါင်း (၁၁) ဦးကို သတ်ဖြတ်ခဲ့သည်။ အလားတူပင် ၂၀၀၂ ခုနှစ် တွင် ကေအိုင်အိုတပ်မဟာ (၂) လက်အောက်ခံတပ်ရင်း (၆) မှ ရဲဘော်စုစုပေါင်း (၄) ဦး ကိုလည်းကောင်း၊ ၂၀၀၇ခုနှစ်တွင် ကေအိုင်အေ တပ်မဟာ (၄) လက်အောက်ခံဒေသ နမ်းခမ်းမြို့ အနီး နမ့်ငူးတိုက်နယ်အုပ်ချုပ်ရေးရုံးရှိ ကေအိုင်အေ ရဲဘော် (၆) ဦးကိုလည်းကောင်း အစိုးရတပ်က သတ်ဖြတ်ခဲ့ကြပြန်သည်။သို့ ရာတွင် ကေအိုင်အို သည် စစ်မက်ပြန်လည်ဖြစ်ပွားရန် မလိုလား၊ ငြိမ်းချမ်းရေးကို ဆက်လက်ရှာဖွေနိုင်ရေးအတွက်အပစ်အခတ်ရပ်စဲရေးပျက်စီး မည် စိုးရိမ်သောကြောင့် ကြိတ်ခံခဲ့သည်။ ၂၀၁၁ ခုနှစ် ဇွန်လအတွင်းတာပိန်ရေအားလျှပ်စစ် စီမံခန့် ခွဲရေးကိစ္စ မပြေ လည်ကြသည့်နောက်ခံတွင်အငြင်းပွားကြပြီးနောက်နှစ်ဘက်အပြန်အလှန်ဖမ်းဆီးမှုများဖြစ်ပွားသောအခါကေအိုင်အေ က မိမိဖမ်းထားသော အရာရှိတဦးနှင့်အခြားစစ်သည် တဦးအားပြန်လွှတ်ပေးလိုက်သည်။ အစိုးရတပ်က ဖမ်းဆီး ထားသော ကေအိုင်အေ မှ ဒုတပ်ကြပ်ချန်းယိမ်းအားမြင်ရက်စရာမရှိအောင် နှိပ်စက်ညှင်းပမ်းသတ်ဖြတ်ပြီး မှ အလောင်းကို ပြန်ပေးခဲ့သည်။
 

သုံးနှစ်ကျော်ကြာသည့်ယခုအချိန်အထိ တိုက်ပွဲကြီးများပြန်လည်ဖြစ်ပွားခဲ့ရသည့် လတ်တလော အကြောင်း မှာ အထက်ပါတို့ ကြောင့်ဖြစ်သည်။ ၁၉၉၄ ခုနှစ်တွင်အပစ်ရပ်စာချုပ်လက်မှတ်ရေးထိုးခဲ့ကြရာ၌ ပြသနာဖြေရှင်းရေး ယန္တယားအား မည်သို့ တည်ဆောက်လည်ပတ်မည်ကို နှစ်ဘက်သဘောတူတိကျရှင်းလင်းစွာ ဖေါ်ဆောင်မထားနိုင်ခဲ့ သောကြောင့်ဖြစ်သည်။

ကေအင်ယူ အထွေထွေ အတွင်းရေးမှုး စောကွယ်ထူးဝင်းပြောသွားခဲ့သည့် ကေအင်ယူတွင် အချုပ်အခြာ အာဏာ Sovereignty ရှိသည် ဟူသောမူ နှင့် တူတာတွဲလုပ်မတူတာခွဲလုပ်သွားမည်ဟူသော မူတို့ မှာလည်း စစ်မှန် သည့် ငြိမ်းချမ်းရေးကိုဦးမတည် ပါ။ကေအင်ယူက ၄င်း၏ အဖွဲ့ အစည်းတွင် ၄င်းတို့ ဖာသာ အချုပ်အခြာ အာဏာရှိ သည် ဆိုပါက ဦးသိန်းစိန်စစ်အစိုးရ နှင့် မြန်မာ့တပ်မတော်ကလည်း ၄င်းတို့ တွင် အချုပ်အခြာအာဏာ ရှိသည်ဟု ဆိုကာထင်သလို ကျင့်သုံးကြပါတော့မည်။ အချုပ်အခြာအာဏာခြင်းယှဉ်လျှင် မည်သည့်ဘက်က အနိုင်ရ ပါအံ့နည်း။

၂၀၀၈ ဖွဲ့ စည်းပုံအခြေခံဥပဒေပုဒ်မ ၄အရ အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တ၀ှမ်း၌ တည်သည် ဟု ဆိုထားသည်။ ပုဒ်မ ၄၇ အရ နိုင်ငံတော်ဆိုသည်မှာ ဥပဒေပြုမှု နှင့် အုပ်ချုပ်မှု အာဏာတို့ ကိုကျင့်သုံးသော အဖွဲ့ အစည်း သို့ မဟုတ်ပုဂ္ဂိုလ် ကို ဆိုလိုသည် ဟူ၍ ဆက်လက်ဖေါ်ပြထားပြန်သည်။ ၄င်းပုဒ်မ နှစ်ခုအရ ရှင်းနေသည်မှာအချုပ်အခြာအာဏာကို လက်တွေ့ ကျင့်သုံးနိုင်ခွင့်ရှိသူတို့ မှာ ဦးရွှေမန်း နှင့် ဦးသိန်းစိန်တို့ ဖြစ်ကြသည်။ အချုပ်အခြာအာဏာသည် မည်သို့ လျှင် ကေအင်ယူတဖွဲ့ တည်းတွင် ရှိနိုင်အံ့နည်း။ပြည်တွင်းငြိမ်းချမ်းရေးရရန် ရှာဖွေရမည်မှာ အချုပ်အခြာအာဏာခြင်း ပြိုင်သည့် လမ်းကြောင်းမဟုတ်၊အစိုးရနှင့် တိုင်းရင်းသားတော်လှန်ရေးအဖွဲ့ အစည်းများ၊ မြန်မာတပ်မတော်နှင့် တိုင်းရင်းသားလက်နက်ကိုင်တော်လှန်ရေး တပ်များ အားလုံး ဥပဒေဘောင် Legal Framework တခုတည်းအောက်သို့ဆွဲသွင်းရမည့် လမ်းကြောင်းသာ ဖြစ်သည်။

ဤသို့ ဆွဲမသွင်းနိုင်ခဲ့သဖြင့် ၁၇ နှစ်တာအပစ်အခတ်ရပ်စဲထားစဉ်အတွင်း ကေအိုင်အို စစ်သားများ အစုလိုက် အစုလိုက် ဥပဒေမဲ့ သတ်ဖြတ်ခံခဲ့ရသည့်သာဓက မှာ အထင်အရှားဖြစ်သည်။

၁၇ နှစ်ကြာမျှ ကာလအတွင်း နုတ်ဖြင့်ယုံကြည်မှု တည်ဆောက်ရေး စကားကို ရွှန်းရွှန်းဝေ အောင်ပြောခဲ့ သော မြန်မာ့တပ်မတော် စစ်ခေါင်းဆောင်များသည်ရက်စက်စရာရှိလျှင် ကမ်းကုန်အောင် ရက်စက်ကြ ကြောင်း ကို ကေအိုင်အိုနှင့် ဆက်ဆန်ရေးအတွေ့အကြုံမှ သင်္ခန်းစာများယူသင့်သည်။ အပစ်အခတ်ရပ်စဲရေးဟူသည်မှာ ၄င်းတို့ ၏ လက်ထဲမှာပင်ရှိသည်။ပျက် ခြင် သည့် အချိန်တွင် ပျက်အောင်ဖန်တည်းနိုင်ကြသည်။

ယခုလည်း လာပြန်ချေပြီ။ စက်တင်ဘာလ၁၆ရက်နေ့ တွင် ကေအင်ယူ တပ်မဟာ (၆) ဌာနချုပ်မှ တပ်သား စောတာနိုသည် မြ၀တီမြို့သို့အလည်သွားရာမှ ည ၇နာရီအချိန် ခန့်တွင် မြ၀တီမြို့နှင့် မေတ္တာလင်းမြိုင်ကျေးရွာ အကြားBGF အမှတ်(၁၀၂၂)ရှိရာ မင်းခန့်ဂိတ်တွင် အခြားအရပ်သားနှစ်ဦးနှင့်အ တူဖမ်းဆီးစစ်ဆေးခံရပြီးနောက် ပျောက်ဆုံးသွားခဲ့ရာမှ အလောင်းကိုသာ ပြန်လည်ရရှိကြောင်းသိရသည်။ ကေအင်ယူနှင့် စစ်အစိုးရတို့ သည် ယခုအချိန်တွင်အပစ်အခတ်ရပ်စဲထားကြပြီးဖြစ်သည်။ ဤမှုခင်းကိုလည်းကောင်း၊ နောင်အလားတူ ပေါ်ပေါက်လာဦးမည့် အခြားမှုခင်းများကိုလည်းကောင်း မည်သို့ အရေးယူဆောင်ရွက်ကြမည်နည်း။

စစ်အစိုးရအနေဖြင့် အောက်ခြေတွင်အမိန့် ပေးသည့်အတိုင်းလုပ်မည့် လက်မရွံ့ စစ်သားအချို့ အား တရားခံ အဖြစ်ဖမ်းဆီးစေပြီး စတိမျှ အပြစ်ပေး၊ နောက်ပိုင်းပြန်လွှတ် အလွန်ဆုံးလုပ်နိုင်သည်။ ထိုသူတို့အားအမိန့် ပေးသူကို မည်သည့်အခါတွင်မျှ တရားခံအဖြစ်ဖမ်းဆီး ဖေါ်ထုတ် အရေးယူနိုင်မည်မဟုတ်ပါ။ အခြေအနေနှစ်ရပ်ကြောင့်ဖြစ် သည်။ တ၇ပ်မှာ မြန်မာ စစ်တပ်ရောကရင်လွတ်မြောက်ရေးတပ်မတော်တို့ ပါ ကိုယ့်တပ်ကို ကိုယ်အမိန့် ပေးနေ ကြသဖြင့်ယင်းတို့ အထက် တွင် နှစ်ဘက်ပေါင်းထားသည့် ဗဟို အမိန့် ပေးစနစ်တခုကို တည်ဆောက်မထားနိုင်သောကြောင့်ဖြစ်သည်။ နောက် တရပ်မှာ ၂၀၀၈ ဖွဲ့ စည်းပုံအရ မြန်မာ့တပ်မတော် ကာကွယ်ရေးဦးစီးချုပ်သည် စစ်ဘက်ဆိုင်ရာ တရားရုံး၏ အယူခံ စီရင်ပိုင်ခွင့်အာဏာကို ရယူထားပြီးအရပ်ဘက် တရားစီရင်ရေး၏ ကွပ်ကဲမှုမှ လွတ်နေသောကြောင့် ဖြစ်သည်။

ယင်း နှစ်ခု ပေါ်ပေါက်လာရေးအတွက်အားကောင်းစွာတောင်းဆိုရန်မှာ ကေအင်ယူ တဖွဲ့ တည်းနှင့် မည် သည့်နည်းနှင့် မျှမဖြစ်နိုင်ပါ။ ယခင်မာနယ်ပလော လွတ်မြောက်ဒေသကြီးကို ကေအင်ယူတဖွဲ့ တည်းကကြံ့ခိုင်စွာ တည်ဆောက်ထိမ်းသိမ်းထားနိုင်စဉ်က စဉ်းစားလျှင်ပင်မလွယ်ပါ။ ယခုမူ ကေအင်ယူသည်အစိပ်စိပ်  ခွဲ ခံထားရပြီး ဖြစ်သည်။ကေအင်ယူ က မိမိတို့ တွင် အချုပ်အခြာအာဏာရှိသည်ဟု ပြောပါက အခြားကရင် အဖွဲ့ ငယ်များကသူတို့ တွင်လည်း အချုပ်အခြာအာဏာရှိသည်ဟု ဆိုကြပါမည်။ ကိုယ့်မြင်း ကိုယ်စိုင်းစစ်ကိုင်း ရောက်ရောက် လုပ်ခြင် ရာ လုပ်ကြပါတော့မည်။ မည်သို့ လျှင် ငြိမ်းချမ်းမှုရှာနိုင်အံ့နည်း။

 ဖွဲ့စည်းပြီးဖြစ်သောတပ်ပေါင်းစု ယူအင်န် အက်ဖ်စီ တွင် ခိုင်မာသည့် စုပေါင်း ခေါင်းဆောင်မှုကို ကေအင်ယူအနေဖြင့်ဝိုင်းဝန်း တည်ဆောက်၊ သင့်တင့်လျှောက်ပတ်သည့် ဗဟိုချုပ်ကိုင်မှု Optimum Centralization ကိုရှာဖွေ၊ ဖက်ဒရယ်ပြည်ထောင်စု တပ်မတော် တရပ်ပေါ်ပေါက်ရေး ကို ကြိုးပမ်း၊ ဥပဒေ စိုးမိုးေ၇းအခြေခံကိုလက်တွေ့ တည် ဆောက်ပြီး ဖက်ဒရယ် ပြည်ထောင်စု စစ်စစ်တခုပေါ်ပေါက်လာရေးကို သာဇောက်ချမြှုပ်နှံ စွမ်းဆောင်သင့်သည် ဟု ရှုမြင်သည်။

ဦးအောင်ထူး (ရှေ့ နေ)
ဥပဒေအထောက်အကူပြုကွန်ရက်တည်ထောင်သူ
၂၀၁၄ ခုနှစ် စက်တင်္ဘာလ (၂၈) ရက်

No comments:

Post a Comment

Related Posts Plugin for WordPress, Blogger...