Sunday, May 11, 2014

'အာပြဲခြောက် တစ်ချောင်း နှင့် ကျွန်တော့ ဒုက္ခ'

May 8, 2014 at 6:38pm



 စားဖိုဆောင် အတွင်းမှာ လူတွေပြည့် ကျပ်နေ၏။
 နေရာမှာ မာနယ်ပလော၊ လောခွါးလူတောင်ကုန်းရှိ ဗဟိုကော်မီတီဌာနချူပ်၏ စားဖိုဆောင်။
 သည်ကနေ့ ညစာ ထမင်းကျက်ချိန် နောက်ကျလို့ အားလုံး ဗိုက်ဆာနေကြသည်။
 ဟင်းအိုးက ကျက်နေပြီ။ ထမင်းအိုးက မကျက်သေး။ သည်နေ့ ထမင်းချက် အလှည့်ကျသည့် သူ တွေကို ၀ိုင်း ပြီး မေတ္တာပို့ နေကြ၏။

 သည်နေ့ ထမင်းချက် အလှည့်ကျသည့် သူတွေက နိုင်ငံရေးနှင့် စည်းရုံးရေးဌာနမှ ကိုမြင့်ဆွေနှင့် ကိုဇော်ထွန်းတို့ အဖွဲ့။

နေ့လည်ကတည်းက ထမင်းချက်ရမှာ မချက်ပဲ ပျောက်ချက်သား ကောင်းနေခဲ့ကြသည်။ ညနေ သုံးနာရီ လောက်ကျမှ အူယားဖါးယား ပြန်ရောက် လာကြပြီး အသဲအသန် ချက်ပြုတ်နေကြတာ တွေ့ရသည်။ နေ့ခင်းတုန်းက သူတို့ ဘယ်ရောက်နေလဲ လို့ စုံစမ်းလိုက်တော့မှ ကရင်ဆေးရုံ ထူးဝါးလူဆေးရုံကို ရောက် နေခဲ့ကြတာ သိရတော့သည်။

ထူးဝါးလူဆေးရုံမှာက ကရင်သူနာပြုဆရာမ ချောချောကလေးတွေ အများကြီး ရှိသည်။ ထူးဝါးလူ ဆေးရုံကို တာဝန်ဖြင့် စေလွှတ်တော့မည်ဆိုလျှင် အမောင်ကျောင်းသားများ အရိုးကြေကြေ အရေခန်းခန်း ကျေပြွန်စွာ တာဝန် ထမ်းဆောင်ကြဘို့ အသင့်။
အဲဒီ ဆေးရုံကိုပဲ အကြောင်းမရှိ အကြောင်းရှာ သွားချင်နေကြသည်။ သူတို့ကို မေးကြည့် တော့ 'ကရင်မြန်မာ ချစ်ကြည်ရေး' အတွက် စည်းရုံးရေး ဆင်းနေတာပါဟု ဆိုသည်။

တပ်ရင်း (၂၁၂)မှ တောကြက်၊ အောင်ကျော်၊ ၀မ်းသာ၊ လိပ်ပုတို့ အဖွဲ့  သံပန်းကန်ပြားလေးတွေ ကိုယ်စီ ကိုင်ပြီး၊ ဗျစ်တောက် ဗျစ်တောက်နှင့် မကြေမနပ် ဖြစ်နေကြပြီ။ သူတို့အားလုံး တစ်နေ့ခင်းလုံး ၀ါး ခုတ်၊ တောရှင်း လုပ်ထားကြရလို့ မောမောပန်းပန်းနှင့် ဆာလောင်မွတ်သိပ် နေကြပါပြီ။

“နောက်ဆိုရင် မီးဖိုဆောင်ဘေးမှာ ကရင်ဆေးရုံ လာဆောက်ထားရင် ကောင်းမယ်။ ဒါမှ ငါတို့  ထမင်း စောစော စားရမှာ”

အရပ်ငါးပေ မကျော်သည့် ဂျပုလေးအောင်ကျော် စူပွစူပွနှင့် မြည်တွန် တောက်တီးနေပါပြီ။

မီးဖိုဆောင်ထဲမှ ငါးပျောအူ ဟင်းနံ့ကလေးကလည်း တသင်းသင်းနှင့် အနံ့ပေး၊ မြှူဆွယ်နေ၏။ ဟိုမှ သည်မှ တဖွဲဖွဲနှင့် ရောက်ရှိလာနေကြသည့် ရဲဘော်များကား ပို၍ပို၍ များများလာသည်။ စားဖိုဆောင်ထဲမှ ပွစိပွစိအသံတွေ ကလည်း ပိုပိုပြီး ကျယ် လာခဲ့သည်။

“ကျက်ပြီဟေ့၊ ဒေါင်”

ဇော်ထွန်း၏ အသံပြဲပြဲကြီးနှင့် ဒယ်အိုးကို ယောက်မဖြင့် တီးထည့််လိုက်သည့်အသံတို့ တပြိုင်နက် ထည်း ပေါ်ထွက် လာချိန်မှာတော့ သမ၀ါယမဆိုင်မှာ ရေနံဆီပေးတဲ့နေ့ လိုပဲ ရဲဘော်တွေ ထမင်းအိုးနှင့် ဟင်းအိုးအနားသို့ အလုအယက် စုပြုံ တိုးလာကြသည်။

အောင်ကျော်တစ်ယောက် လူကြားထဲမှာ ညပ်နေ၏။ အသံပဲ ကြားရတော့သည်။ လူကို မမြင်ရ တော့။ တဟေးဟေး တ၀ါးဝါးနှင့် အသံတွေ ဆူညံနေသည်။ ကိုမြင့်ဆွေတစ်ယောက် လူအုပ်ကြားထဲမှ ပုဆိုးမနိုင်၊ ပုဝါမနိုင် ချွေးသံရွှဲရွှဲဖြင့် ရုန်း ထွက်လာသည်။ ကျွန်တော့ကို တွေ့တော့ စပ်ဖြဲဖြဲနှင့် ရယ်ပြသည်။

“တန်းစီပါ၊ တန်းစီပါ။ နိုင်ငံကြီးသား ပီသပါ”

ဇော်ထွန်းတစ်ယောက် ခြေကားယား၊ လက်ကားယားဖြင့် အော်နေရှာ၏။ ထမင်းအိုးကို ကြောပေးပြီး သူက အော်နေသည်။ အနောက်က ဟင်းအိုးကို နှိုက်သည့်သူက နှိုက်နေသည်။

“ဟိုမှာ မင်းအမေလင်က နှိုက်နေပြီ”

စိတ်တိုတိုနှင့် ကိုသိန်းနိုင်(ကျောင်းဆရာ)က လှမ်း အော်လိုက်၏။ အားလုံး ၀ါးကနဲ ပွဲကျသွားသည်။ ကျွန်တော်လည်း ပန်းကန်အလွတ်ကို မြှောက်ပြီး သူတို့အကြားထဲ ၀င်တိုးလိုက်သည်။ စတုဒီသာအလှူ မဏ္ဍပ်မှာ အလုအယက် ၀င်တိုးနေရသလို ပျော်ဘို့လည်း ကောင်းသည်။

“စိတ်ချမ်းသာသလို လုပ်ကြတော့ဟေ့”

နိုင်ငံကြီးသား ဇော်ထွန်း ဘာမှ မတတ်နိုင်တော့။ စိတ်ပျက်လက်ပျက်နှင့် မတတ်နိုင်သည့်အဆုံး လွှတ် ပေးလိုက်ရ၏။ ကြာလျှင် သူပါ ဟင်းအိုးထဲ ရောက်သွားတော့မည်။

“နောက်ကျရင် ငတ်မှာပဲ။ တိုးထား”

ဤ ငါးပျောအူ ဟင်းရေကြဲလေးကိုပဲ နေ့စဉ် အလုအယက် တိုးဝှေ့ စားကြရသည်။ တခြား စားစရာ မရှိ။ ကျွန်တော်တို့ မှာ နံနက်စာ (Breakfast) ဆိုတာ မရှိ။ နေ့စဉ် နံနက်ဆယ်နာရီမှာ နေ့လည်စာ (Lunch) ကို ကျွေးသည်။ ညနေ လေးနာရီမှာ ညစာကို ကြွေးသည်။ သည်အချိန်မှာ ဗိုက်ဝအောင် စားထားရ၏။ တခြား ဘာမှ မလာတော့။ နေ့စဉ် ဒီ ထမင်းနှစ်နပ်ကိုပဲ အားထား စားကြရသည်။

ယခုရက်ပိုင်းအတွင်း ဗဟိုရုံး၊ ပုံမှန် တာဝန်ကျနေသူတွေ အပြင် တပ်ရင်းအသီးသီးမှ တာဝန်ကိုယ်စီ ဖြင့် ရောက်နေကြ သူများလည်း ရှိနေတာမို့ နောက်ကျလျှင် ငတ်နိုင်သည်။ လူစာရင်းနှင့် တိတိကျကျ တိုင်း ချက်ပေမယ့် ညနေစောင်းရောက်မှ တခြားနယ်မြေ အသီးသီးမှ ထပ်ရောက်လာသူတွေ ရှိတတ်လို့ စိတ်မချ ရ။ နေ့စဉ် ဆယ်ယောက်စာလောက်တော့ ပိုထည့်ချက်ကြပေမယ့် ရိက္ခာက တာဝန်မှူးထံမှ လူစာရင်းအတိုင်း နေထိုင်မည့်  ရက်ပိုင်းတို့ကို ကြည့်ပြီး အတိအကျ တွက်ချက် ထုတ် ပေးထားတာမို့ အပိုဆိုတာ မရှိ။

“ထမင်းက နပ်လည်း မနပ်ဘူး”

“သောက်စကား မများနဲ့။ စားမှာ စား”

အသံတွေက မျိုးစုံ ထွက်နေ၏။

အနောက်ကနေပြီး တစ်စုံတစ်ယောက်က လက်လာကုတ်လို့ လှည့်ကြည့်လိုက်တော့ တပ်ရင်း (၂၀၇) မှ တင်ဝင်းလေး (သူ့ကို နားပိတ်တင်ဝင်း လို့ ချစ်စနိုး ခေါ်ကြသည်)။

ကျွန်တော့ကို အသာအယာ မျက်ရိပ်ပြပြီး၊ ကျွန်တော့လက်ကြားထဲ တစ်စုံတစ်ခုကို ထိုး ထည့် ပေးသည်။ ပထမတော့ ဘာမှန်း မသိ။ လက်ကို အသာအယာ ဟကြည့်လိုက်တော့ အာပြဲခြောက်ကလေး တစ်ချောင်း။ မီးဖုတ်ပြီးသား။ ဒီကောင်ကြီး ဘယ်က ရလာသလဲတော့ မသိ။ လက် တစ်ထွာသာသာ အာပြဲခြောက်ကလေးကို ကျွန်တော့ ထမင်းပန်းကန်အောက်မှာ လက်ဖ၀ါးဖြင့် ညှပ်ပြီး ဖွက်ထားလိုက်သည်။

ကျွန်တော့အလှည့်။ ထမင်းကို ပန်းကန်ထဲ ထည့်ပြီးတော့ ထမင်းတွေအောက် အာပြဲခြောက်ကလေး ကို မသိမသာ အလျှင်အမြန် ထိုးသွင်းလိုက်ရသည်။

ဘယ်သူမှ မြင်မှာမဟုတ်လို့ဆိုပြီး ကိုယ့်ဖါသာကိုယ်တော့ ထင်လိုက်မိသည်။ ဒါပေမယ့် တစ်ယောက် က မြင်သွားခဲ့၏၊ ကျွန်တော်တို့ တပ်ရင်းမှ မောင်ခန့်ကြီး။

“အစ်ကိုကြီး”

မောင်ခန့်တစ်ယောက် အငြိမ်မနေ လှမ်း အော်လိုက်၏။ ကျွန်တော့မှာ သူခိုးလူမိ ဖြစ်သွားရသလို ပြူးပြူးပျာပျာဖြင့် မောင်ခန့်ကြီးကို အသာ မျက်ရိပ် လှမ်းပြရသည်။ မောင်ခန့်ကြီး ပြုံးဖြီးဖြီးဖြင့် ကျွန်တော့ အနား ကပ်လာ၏။

“ဟ ကောင်ကြီး ငြိမ်ငြိမ်နေ”

မောင်ခန့်ကို ကြိတ်ပြီး ဆူလိုက်ရသေးသည်။

ဟင်းရည်ထည့်ပေးသူက ကျွန်တော့ထမင်းပန်းကန်ထဲ ငှက်ပျောအူဟင်းကို ဆမ်းချလိုက်၏။
ပန်းကန်ထဲ ပုံထားသည့် ထမင်းပုံလေး ပုံပျက်သွားသည်။
အာပြဲခြောက်ကလေး ခေါင်းပြူထွက်လာ၏။
လူ မမြင်အောင် အသာအယာ ပြန်ဖိထည့် လိုက်ရသည်။ ထည့်ရင်းနှင့် တစ်ဝက်ကို ဖဲ့ပြီး မောင်ခန့်ကို ပေးလိုက်ရသည်။
အာပြဲခြောက်တစ်ချောင်းနှင့် ကျွန်တော့မှာလည်း တစ်ဒုက္ခ။

ထမင်းစားပွဲနှင့် ခုံတန်းရှည် လွတ်သည့်နေရာမှာ ၀င်ထိုင်လိုက်ကြပြီး ထမင်းကို ဟန်မပျက် စပြီး စားကြသည်။ ဘေးဘီကိုလည်း အသာ အကဲခတ် ကြည့်ရသေးသည်။ တော်တော်ကြာ မောင်မောင်ကြီးတို့၊ တင့်အောင်တို့၊ အောင်ကျော်တို့ အုပ်စု သိသွားလျှင် မလွယ်၊ မောင်းခတ်ပြီးသား ဖြစ်သွားလိမ့်မည်။ ရှိစုမဲ့စု ငါးခြောက်လက်ကျန် အပိုင်းလေးလည်း တစ်စစီ ဖြစ်ပြီး မြင်သာမြင်ရ၊ မကြင်လိုက်ရ ဆိုတာမျိုး ဖြစ်သွား နိုင်သည်။

ပြဿနာက ထမင်းပုံအောက်က ငါးခြောက်ကို လူမမြင်အောင် ထိန်းစား နေရခြင်းပင်။ ငါးခြောက် လာပေးသော တင်ဝင်း တစ်ယောက်လည်း ကျွန်တော့လိုပင် သူ့ ငါးခြောက်နှင့်သူ ဒုက္ခ ရောက် နေပါပြီ။

ဒုက္ခမှ ဒုက္ခ။

ကိုယ့် ငါးခြောက်တောင် ကိုယ် ထုတ် မစားဝန့်သည့် ဒုက္ခ။

ကျွန်တော့ဘေးမှ မောင်ခန့်၊ ကျွန်တော့အဖြစ်ကို ကြည့်ရင်း ခွီးကနဲ ရယ်ချလိုက်သည်။

အဲဒီမှာတင် မောင်ခန့်တို့ အဖြစ်ဆိုးခြင်း ဇာတ်လမ်း စတော့သည်။

ထမင်း ပလုပ်ပလောင်းနှင့် မောင်ခန့် ရယ်ချလိုက်တော့ သူ့ပါးစပ်ထဲက ထမင်းလုံးတွေ ဖွာထွက် လာသည်။ ကျွန်တော့ ပန်းကန်ထဲ တချို့ ရောက်လာသည်။ ကံဆိုးချင်တော့ သူ့ အရှေ့ တည့်တည့်မှာ ထိုင် စားနေသည့် တပ်ရင်း (၂၀၁) မှ ဆရာ ကိုအောင်ခင့် ပန်းကန်ထဲ တချို့ ရောက်သွား၏။

မျက်မှန်ကြီးကို ပင့်ပြီး ဆရာကိုအောင်ခင် မော့ကြည့်သည်။ သူ့ကို ပမာမခန့် လုပ်လာသူကို သေသေ ချာချာ စိုက်ကြည့်နေသည်။ အလေးမ၊ အားကစား လိုက်စားထားသော ဆရာ့လက်မောင်း ကြွက်သားတွေကို ကြည့်ရင်း မောင်ခန့် အတွက် ရင်လေးမိသည်။

မောင်ခန့်တစ်ယောက် မီးပုံပေါ်မှာ ဖင်ခု ထိုင်မိသလို ခြေ မကိုင်မိ၊ လက် မကိုင်မိနှင့်၊ အသဲအသန် ဖြေရှင်း ပြနေသည်။ တောင်းပန်နေသည်။ မျက်လုံးကြီး ပြူးလျက်၊ ပါးစပ်ထဲမှာလည်း ထမင်းတွေ ပလုပ် ပလောင်းနှင့်၊ အသံက ၀ူးဝါးဝူးဝါး ဆိုပြီး တော့ပဲ ကြားနေရသည်။

ရယ်ချင်တာကို မအောင့်နိုင်သော ရဲဘော်တချို့ ထိုင်စားနေရာမှ ထပြေးကြ၏။

မောင်ခန့် အဖြစ်ကို အားလုံး ၀ိုင်းအာရုံစိုက်နေကြတုန်း ကျွန်တော့ ထမင်းပုံအောက်က ငါးခြောက် ကလေးကို ပါးစပ်ထဲ ကပျာကယာ အမြန်ထိုးထည့်လိုက်ရသည်။ ပြီးတော့ ပန်းကန်ကို မပြီး စားဖိုဆောင်ထဲမှ မသိမသာ အသာလေး လစ်ထွက် လာခဲ့လိုက်၏။

မောင်ခန့်နှင့် ဆရာအောင်ခင်တို့ ဘာတွေဖြစ် ကျန်ခဲ့သလဲတော့ မသိ။ အပြင်ဘက် သစ်ပင်အောက် မှာ ဆောင့်ကြောင့် ထိုင်ချလိုက်ပြီး၊ ကျန်နေသည့် ထမင်းကို ဆက်စားလိုက်သည်။ ပါးစပ်ထဲမှ ငါးခြောက် အရသာလေး ပျောက်မသွားမီ ထမင်းကို တလုပ်ပြီး တလုပ် အမြန်ထိုးထည့် စားလိုက်ရသည်။

တစိမ့်စိမ့်နှင့် ၀ါးရင်း အခုမှ လူစင်စစ်ကနေ နွားဘ၀ ရောက်ရတော့သည်။ စားမြုံ့ ပြန်လို့ကို မပြီး နိုင်တော့။

ငတ်တော့လည်း သူများတွေ မမြင်အောင် ဖွက်စားရသည့် ငါးခြောက်ကလေးက တကယ့်ကို အရသာ ရှိလှသည်။

အဲဒါကတော့ ဖြစ်ရပ်မှန် ငါးခြောက်တစ်ချောင်းနှင့် ကျွန်တော့ဒုက္ခ။

"Those were the days my dear comrades'


(၁၉၉၁ ခုနှစ်၊ ဗဟိုကော်မီတီဌာနချူပ်ရုံး တည်ရှိရာ မာနယ်ပလော၊ လောခွါးလူတောင်ကုန်းတွင် တာဝန်ကျ တပ်ရင်းအသီးသီးမှ ကျောင်းသားရဲဘော်များ အားလုံးသို့  အမှတ်တရ)

သီရိညွန့် (ABSDF)

No comments:

Post a Comment

Related Posts Plugin for WordPress, Blogger...