Friday, March 28, 2014

မြန်မာပြည်မှာ ဖွင့်တဲ့ဆိုင် မြန်မာမ၀င်ရဘူး ဆိုတာ ခင်ဗျားတို့ ကြားဖူးကြလား?


အစ်ကိုကြီးရေ.. သတင်းထူးပါတယ်၊ သတင်းထူး" လို့ အော်ပြီး မနက် စောစောကြီး ရောက်လာသူ ကတော့ တပည့်ကျော် မောင်ဆိတ်သိုးပေါ့ ခင်ဗျာ။
ဒါနဲ့"ကဲ ဆိုစမ်းပါဦး၊ မင်းရဲ့ ကိုယ့်လူမျိုးကို စော်ကားခံရတဲ့ ကိစ္စကြီး။ ငါတို့လူမျိုးက အစော်ကား ခံနေရတာ ကြာပါပြီ"

"ဒီသတင်းက အစ်ကိုကြီး လက်နဲ့ရေးမှ ရမှာ။ သတင်း ဂျာနယ်တွေ သွားပေးရင် ထူးမခြားနားဇာတ်ဖြစ်မှာစိုး လို့ အားကိုးတကြီး လာခဲ့တာ။ ပြီးတော့ ဒီကိစ္စက အရေးကြီးတယ်။ ကျွန်တော်တို့ နိုင်ငံမှာ ကျွန်တော်တို့ လူမျိုးကို စော်ကားတဲ့ကိစ္စ ဖြစ်နေလို့" အဲဒီလို မောင်ဆိတ်သိုး ပါးစပ်က မပြောစဖူး ပြောလိုက်တော့ မာဂျေ လည်း မျက်စိကျယ်သွားတယ်။

ဒီလိုဗျ၊ အခု ကျွန်တော်တို့ နိုင်ငံထဲကို နိုင်ငံခြားသားတွေ အတော်လာကြတယ်။အဲဒီအထဲမှာကိုရီးယားတွေ၊ ယိုးဒယားတွေ၊ ဂျပန်တွေက မဟုတ်မဟတ်တွေ လုပ်နေတာ တွေ့လို့။ သူတို့က ဒီမှာ အိမ်ကြီးကြီး တစ်လုံး ငှားတယ်ဗျာ။ ပြီးရင် သူတို့ဆီက လာတဲ့ တိုးရစ်တွေ အတွက် အခန်းတွေ ဖွဲ့ပြီး ငှားစားတယ်။ သူတို့ရုံး က သူတို့လူမျိုးစကားပြန်နဲ့တစ်နိုင်ငံလုံး လျှောက်လည်တယ်ဗျာ။သူတို့လူမျိုးဖွင့်ထားတဲ့ဆိုင်တွေမှာစားတယ်။
နောက်ဆုံးမတော့ ကျွန်တော်တို့ နိုင်ငံမှာ သူတို့ ယိုခဲ့တာတွေပဲ ကျန်ခဲ့ တော့တယ်"

အဲဒီလိုလုပ်နေကြတော့ဒီကောင် တွေကအိမ်ငှားခပဲ ပေးရတာလေ။ကျန်တဲ့ငွေအားလုံးသူတို့အိတ်ထဲ ရောက် ရုံမက ဟိုတယ်နဲ့ပတ်သက်တဲ့အခွန်အခ တွေ၊ကျွန်တော်တို့ နိုင်ငံကမနာပေဘူးလား။ ပြည်တွင်းကခရီးသွား လမ်းညွှန် တွေ မနစ်နာပေဘူးလား"

"အဲဒါက ဟိုတယ်ခရီးတို့၊ အခွန်ဦးစီးတို့၊ ကုမ္ပဏီ မှတ်ပုံတင် ရုံးတို့နဲ့ ဆိုင်တယ် ထင်တာပဲ။ ပြည်တွင်းက တိုးဂိုက်လို့ ခေါ်တဲ့ ခရီးသွား လမ်းညွှန်တွေကိုတော့ ဟိုလိုမ၀တ်ရ၊ ဒီလိုမ၀တ်ရ၊ ဟိုအခွန်ဆောင်၊ ဒီစည်း ကမ်း လိုက်နာနဲ့၊ ပြည်ပကနေ ပြည်တွင်းကို တရားမ၀င် လာလုပ်နေ တဲ့ သူတွေကိုတော့ ဖမ်းဖို့ဆီးဖို့၊အရေး ယူဖို့ ဘာဥပဒေမှ မရှိဘူး ထင်ပါတယ်ကွာ။ ဗိုလ်တထောင် ဘိုးဘိုးကြီး နတ်ကွန်းမှာ ယိုးဒယား တိုးဂိုက်က သူ့လူမျိုးတွေကို ဘိုးဘိုးကြီး ပွဲတင် ပေးနေတာတောင် ငါတွေ့ဖူးတယ်။အောင်မယ် တာဝန်ကျ ဘုရားလူကြီး ပွဲတင်ပေးတာ ထက်တောင် စနစ်ကျသေး"

ဒီထက်ဆိုးတာ ပြောစရာကျန်သေးတယ်။ အခု ရန်ကုန်မှာ မြန်မာမ၀င်ရ ဆိုတဲ့ စားသောက်ဆိုင်တွေ၊ ဘားတွေ စဖွင့်နေကြပြီ"သူ့ကျွန်ဘ၀တုန်းက မျက်နှာဖြူတွေက ပဲခူးကလပ်မှာ မြန်မာများ၊ ခွေးများ ၀င်ခွင့် မပြုဆိုပြီး ဆိုင်းဘုတ် ချိတ်ခဲ့လို့ အတော် ဆူသွားခဲ့ဖူးတယ်။ ကမ်းနားလမ်းက စထရင်း ဟိုတယ်မှာလည်း အရှေ့တိုင်းသားများ တည်းခွင့်မပြုဆိုတဲ့ စာကပ်ခဲ့ဖူးတယ်။ အခုက ကိုယ့်မင်းကိုယ့်ချင်း နိုင်ငံလေ ကွာ။ ဒီလိုလုပ်လို့ ဘယ်ရမလဲ"

"လုပ်နေကြလို့ ပြောတာပေါ့ဗျ။ တစ်နေ့က ရွှေဂုံတိုင်မီးပွိုင့်နားရှိတဲ့ဟိုတယ်အပေါ်ဆုံးကဘားကိုသူငယ်ချင်း တစ်ယောက်နဲ့ ရောက်သွား တာ။ နိုင်ငံခြားသားမှ၊ ဒါမှမဟုတ် ဂျပန် စကားပြောတတ်မှ ၀င်ရမယ်ဆိုလို့ စိတ်ဆိုးပြီး ပြန်လာခဲ့ရတယ်။ပြီးတော့ခန့်ထားတဲ့ဘားမယ်လေးတွေက မြန်မာမငယ်ငယ် ချောချောလေးတွေ ကို တစ်လသုံးသိန်း ပေး ခန့်ထား တယ်တဲ့။ပြီးတော့ ဆိုင်အားလုံး ည၁၁ နာရီ ပိတ်ရပေမယ့် မနက် ၂ နာရီ အထိ ခပ်တည်တည်နဲ့ ဖွင့်နေသတဲ့။ပိုင်ရှင်က နိုင်ငံခြားသားတဲ့။

"ဒီမယ် လူကလေး မောင်ဆိတ်သိုး၊ တာဝန်ရှိတဲ့ သူတွေတောင် မသိတာလား၊ မသိချင်ယောင်ဆောင်နေ တာလား၊ ဘယ်သူနဲ့ ဘယ်လိုပိုင်လို့ ဒီလိုတွေ လုပ်နေကြမှန်း မသိဘဲ ရမ်းရေးလို့ မရပေဘူး။ ငါက အမတ် လည်းမဟုတ်၊ တရားဥပဒေ စိုးမိုးရေးမှာ တာဝန်ရှိတဲ့သူလည်း မဟုတ်၊ သတင်းဂျာနယ် ထုတ်ခွင့်ရသူလည်း မဟုတ်နဲ့ ဘာကောင်မှ မဟုတ်ဘူး လေကွာ။ အဲဒီအစား ရောတိရောရာငါလည်းပါဆိုသလိုဂျပန်စကားလေး သင်ပြီးသွားစားတာ၊ ဘားမယ်လေးတွေနဲ့ ပရောပရည် လုပ်တာကမှ အနေအစား ချောင်မလား လို့ပါ" လို့ လည်း ပြောလိုက်ရော မောင်ဆိတ်သိုးက ဒေါသတွေ ထွက်ပြီး ခင်ဗျားကြီး တို့လို လူတွေကြောင့် တိုင်းပြည် ဒုက္ခ ရောက်နေတာ၊ လူမျိုး ပြုတ်တော့မှာ ဆိုပြီး စိတ်ဆိုးတကြီးနဲ့ ပြန်သွားလေရဲ့။

No comments:

Post a Comment

Related Posts Plugin for WordPress, Blogger...