Saturday, March 8, 2014

အမျိုးသားရေးဆိုတာ...


အမျိုးသားရေးစိတ်ဓါတ်ဆိုသည်မှာ မိမိလူမျိုးကို ချစ်မြတ်နိုးသောစိတ်ဟု ကျွန်တော်ထင်သည်။ အမျိုးသားရေးမှတစ်ဆင့် မိမိလူမျိုးဘာသာအပေါ် တန်ဖိုးထား၊ အလေးထားတတ်သော စိတ်ဟု ယုံကြည်မိပါသည်။ မိမိလူမျိုးဘာသာအပေါ် ချစ်ခင်လေးစား တန်ဖိုးထားတတ်သော စိတ်ဓါတ်မှတစ်ဆင့် တိုင်ပြည်/ နိုင်ငံအပေါ် ချစ်ခင်လေးစားတတ် လာမည်ဟု ယုံကြည်ရပေသည်။ ထို့ကြောင့် အမျိုးသားရေးတရားသည် တန်ဖိုးရှိမြင့်မြတ်လှပေစွာ
ကိုလိုနီဖက်ဆစ် စနစ်မှလွတ်မြောက်ခဲ့ရာ ပင်မအူလမ်းကြောင်း ဗမာတို့၏ အသွေးအသား ရင်းနှီးပေးဆပ်ခဲ့ကြရာ ဘူမိနက်သန်နေရာတစ်ခုလည်းဖြစ်လေသည်။ အမျိုးသားရေးတရားသည် သာလွန်မြင့်မြတ်လှပေစွ။

(သို့သော်) မြင့်မြတ်သော အမျိုးသားရေးတရားသည် အလွဲအသုံးမချမိဖို့ လိုအပ်လှပေသည်။

၁၈၈၅ခုနှစ်မှစ၍ မြန်မာမင်းသီပေါဘုရင်ပါတော်မူပြီးနောက် မြန်မာနိုင်ငံသည် ကိုလိုနီလက်အောက် ကျရောက်ခဲ့ကြရာ မြန်မာတို့၏ ယဉ်ကျေးမှု၊ ဘာသာ၊ စာပေ ပညာရေး၊ လူမှုရေး၊ ဘာသာရေး စသည် ကိုလိုနီစနစ်အောက်တွင် ယိုင်နဲ့ပြိုလဲခဲ့ရသည်။ ဤတွင်ယိုင်နဲ့ခဲ့ရသော မြန်မာတို့၏ လူနေမှုကျွန်စနစ်တွင် လုံးပါးပါးခဲ့ရသော ပညာရေးစနစ်နှင့် သူ့ကျွန်ဘ၀မှလွတ်မြောက်ရန် ကြိုးစားခဲ့ကြသော နိုင်ငံ့ခေါင်းဆောင်များအပါဝင် တောင်သူလယ်သမား၊ အခြေခံလူတန်းစား၊ တက္ကသိုလ်ကျောင်းသားများ၊ တိုင်းရင်းသားများ များစွာပါဝင်ခဲ့ပါသည်။ အမျိုးသားရေးစိတ်ဓါတ် စစ်မှန်စွာဖြင့် နယ်ချဲ့တို့အား တွန်းလှန်ခဲ့ကြချိန်တွင်အင်္ဂလိပ်တို့ရဲ့ မူပြောင်းသွေးခွဲသပ်လျှိုမှု များနှင့်လည်း ကြုံခဲ့ရပေသည်။ တွဲရေးခွဲရေးပြသနာတချို့မှာ အချင်းချင်း သွေးကွဲအောင် အင်္ဂလိပ်တို့အနေနှင့် ကုလားဗမာအရေးကိုဖန်တီးခဲ့သည်။ ထို့ကြောင့် မြန်မာပြည်တွင် ကုလားဗမာအရေး အင်္ဂလိပ်လက်ထက်မှ စတင်ပေါ်ပေါက်ခဲ့လေသည်။ သို့သော် ... စဉ်းစားတတ်သော အတွေးခေါ်ရှိသူ နိုင်ငံ့ခေါင်းဆောင်များ ရန်သူအစစ် ဗြိတိသျှကို မြင်အောင်ကြည့်နိုင်ခဲ့ကြရာ အင်္ဂလိပ်တို့ ကြိုးစားလှည့်ကွက်ကိုမ၀င်ခဲ့ကြဘဲ လူမျိုးပေါင်းစုံပါဝင်ကာ ကိုလိုနီမှ ဖက်ဆစ်စနစ်ထိ ညီညွတ်စွာတိုက်ထုတ်နိုင်ခဲ့ကြပေသည်။
(ဤကာစာကြွင်းမျှသာ)

(၂၁) ရာစုနှောင်းပိုင်းကာလတွင် မြန်မာနိုင်ငံတွင် အမျိုးသားရေးများထပ်မံ ခေတ်စားလာပြန်သည်။
မြန်မာလူမျိုးများအတွက် ပြန်လည်အားတက်စရာဖြစ်ပေသည်။ ကောင်း၏။မည်သို့ဆိုသော် မြန်မာတို့၏ လူနေမှုစနစ် (၁၉၈၈) နှောင်းပိုင်းကာလ၌ အင်္ဂလိပ်အုပ်စိုးစဉ်ကာလကထက်ပင် နိမ့်ကျသွားခဲ့သည်။

အမျိုးသားရေးဖြင့် မြန်မာတို့၏ လူနေမှုစနစ်များ ပြန်လည်ဦးမော့လာမည်ဟု ထင်မိသည်။

(၁) ပညာရေးနိမ်ကျသွားခဲ့သည်။

(ပညာရေးစနစ်များ အမျိုးသားရေးဖြင့် ပြန်လည်ဦးမော့ လာဦးမည်ဟု ထင်မိသည်။)

(၂)ကျန်းမာရေးစနစ် နိမ့်ကျသွားခဲ့သည်။

(အမျိုးသားရေးဖြင့် ကျန်းမာရေးစနစ်များ ပြန်လည် ဦးမော့လာဦးမည်ဟု ထင်မိသည်။)

(၃) မြန်မာ့စီးပွားရေးစနစ် နိမ့်ကျသွားခဲ့သည်။

(အမျိုးသားရေးဖြင့် မြန်မာ့စီးပွားရေးပြန်လည် ဦးမော့လာဦးမည်ဟု ထင်မိသည်။)

(၄)ဘာသာရေးဖိနှိမ့်ချုပ်ချယ်ခံရသည်။

(အမျိုးသားရေးဖြင့် ဘာသာရေး ပိုမိုမြင့်မားလာဦးမည်ဟုထင်မိသည်။ )

သို့သော်... ကျွန်ုပ်တို့ ကိုယ်တိုင်ထောက်ခံအားပေးခဲ့မိသော အမျိုးသားရေးသည် ဤအချက်များ၌
လုံးဝမပါဝင်ခဲ့ပါချေ။ ကျွန်တော်တို့နိုင်ငံသည် ကိုလိုနီကျွန်၊ ဖက်ဆစ်ကျွန်၊ စစ်ကျွန်ဘ၀၌ ပေအောင်ခံခဲ့ရသော ပြည်သူအများဖြစ်ခဲ့ပေသည်။အထက်ပါအချက်လေးချက်အပါဝင် ဗမာမှမဟုတ်။ တိုင်းရင်းသားမှမဟုတ်။ လူမျိုးခြားရယ်မှမဟုတ် စနစ်ဆိုးကို တော်တော်ဖြတ်သန်းလာခဲ့ရသည်။ ကျွန်တော်တို့နိုင်ငံသည် ဆင်ရဲမွဲတေမှု အလုပ်လက်မဲ့ အပေါများဆုံး စနစ်ဆိုးဒဏ်အတော်ခံရဆုံးနိုင်ငံဖြစ်ခဲ့သည်။ တိုးတတ်မှုနှောင့်နှေးခြင်း မဟုတ်။ အာဏာရှင်စနစ်ကျင့်သုံးခဲ့ခြင်းကြောင့် မျက်စိပိတ်နားပိတ်အဆင့်ရောက်ကာ အကြောက်တရားဖြင့် ရပ်တည်ခဲ့ရသောကြောင့် ဖြစ်သည်။ ထိုအရာမှစတင်ပြီး တိုင်းပြည်ဘက်စုံချွတ်ခြုံကျကာ လူမွှေးလူတောင် ဗမာမပြောင်တွေ ဖြစ်ခဲ့သည်။
အထက်ပါအချက်(၄)ချက်သည် မိမိလူမျိုးဘာသာ တိုးတက်မြင့်မားစေရေးအတွက် ပင်မမှအထောက်ကူ ဖြစ်စေနိုင်သော အမျိုးသားရေးတရားစစ်လည်း ဖြစ်သည်ဟု ယုံကြည်မိသည်။
အနှီးအချက်(၄)ချက်သည် အမျိုးဘာသာအတွက် အခြေခံအရင်းမြစ်ဟု ဆိုလျှင်မှားနိုင်မည်မရှိ။
(ထိုအချက်များအားရှင်းအံ့)

(၁) ပညာရေး
--------------
ကျွန်တော်တို့နိုင်ငံ ပညာရေးစနစ်မှာ ကျင့်သုံးနေတဲ့ ဓလေ့တွေက ဆိုင်းဘုတ်တွေမှာသာ ရှိပါတယ်။အမျိုးသားစည်းကမ်းအစစာသင်ကျောင်းက။ပညာရေးဖြင့် ခေတ်မှီဖွံ့ဖြိုးတိုးတတ်သော နိုင်ငံတော်ကြီး တည်ဆောက်အံ့။ ဆိုင်းဘုတ်တွေ နေရာတကာမှာ မြင်နိုင်ပေမဲ့ ဆယ်နှစ်လောက် အချိန်ကုန်ပညာသင်လိုက်တယ်။ ကကြီးခကွေး ဗ္ဗည်းမှန်အောင်မရေးနိုင်သူတွေရှိပါတယ်။ ဘွဲ့ရသွားတယ်။ အင်္ဂလိပ်စာ (a)ကို ပြောင်းပြန်ရေးတဲ့သူတွေ တွေဘူးပါတယ်။ (ဋ) ဘယ်ဘက်လှည့်မှန်းအသေချာမသိသူတွေရှိပါတယ်။ အချိန်တန်ဘွဲ့ရသွားပါတယ်။ ဘွဲ့နဲ့ ကိုက်ညီတဲ့အလုပ်ကတခြား၊ လုပ်ရတဲ့အလုပ်ကဆိုက်ကားနင်း၊ စက်ရုံဆင်း ဒီလိုတွေလည်းရှိပါတယ်။ဘွဲ့ရပြီးရတဲ့ဘွဲလက်မှတ်ချောင်ထိုး ခေါင်းရွက်ဗျပ်ထိုးဈေးရောင်းစားနေရတဲ့သူတွေလည်း ဒုနဲ့ဒေးပါ။ ပညာရေးစနစ်ကအာမခံချက်ကောင်း တည်ဆောက်မပေးနိုင်ဘူး။ ဘွဲ့ရပြီးအိမ်မှာငုပ်တုပ်ထိုင်ကြ ဒီလိုလက်မှတ်ကိုင်ငုပ်တုပ်ပညာရေးစနစ်နဲ့ ငပြိန်းတွေမွေးထုတ်တဲ့ ပညာရေးစနစ်လိုဖြစ်နေတယ်။ အဲ့ဒီတော့ တချို့တတ်နိုင်သူတွေက ပြည်ပမှာ ကလေးတွေကိုပညာသင်စေတော့တယ်။ ငွေတတ်နိုင်သူတွေပေါ့။ မြန်မာပြည်ရဲ့ ပျမ်းမျှ နိုင်ငံခြားထွက် ပညာသင်နိုင်သူဦးရေ..... ဆယ်ရာခိုင်နှုန်းထက်မပိုဘူးလို့ ကျွန်တော်သုံးသပ်ပါတယ်။ သာမန်လက်လုပ်လက်စား ဆင်းရဲသားလူတန်းစား ဒီလောက်ပေါနေတာဘယ်သူမှ မြန်မာပြည်ပညာရေးအထင်မကြီးလို့ နိုင်ငံခြားထွက်ပညာသင်ဆိုပြီး
လုပ်ပေးနိုင်တဲ့ မိဘတွေ မရှိဘူး။ အဲ့ဒီနောက်မှာ ပညာရေးကိုလူငယ်ကလေးတွေအနေနဲ့ ဘွဲ့ရလည်း ဘာမှမထူးဘူးဆိုပြီး ပညာရေးကို လျစ်လျူရှု့ ကြုံရာကျဘမ်းတွေလုပ်ပြီး ဘ၀ကိုရုန်းကန်လာရတော့တယ်။ အတိုချုံးဝေဖန်တာပါ။ ပညာရေးနိမ့်ကျမှုဟာ အမျိုးသားရေးနဲ့ကော မဆိုင်ဘူးလား.....?

(၂)ကျန်းမာရေးစနစ်
---------------------
ဒီနေရာမှာ ဝေဖန်ရရင်လည်း တိုးတတ်နေတဲ့ နိုင်ငံအတော်များများကို စံမပြုဘဲ အခြေခံကိုသာဝေဖန်ပါရစေ။ အခြားနိုင်ငံတွေမှာ ကျန်းမာရေးအာမခံချက်တွေရှိတာမပြောဘူး။
မြန်မာ့နည်းမြန်မာ့ဟန်ကျင့်သုံးတဲ့ ကျန်းမာရေးစနစ်ကိုအရင်ပြောပါမယ်။ အရေးပေါ်ဌာနတွေဆိုတာ
သေမဲ့သူ ထိခိုက်ဒဏ်ရာအပြင်းထန်ရသူတွေရှိပါတယ်။ အတွင်းလူနာပေါ့။ အစိုးရဆေးရုံထဲတွေမှာ
လူနာကသွေးထွက်လွန်နေတယ် ပတ်စရာပတ်တီးလိပ်မရှိဘူး။ ဆေးရုံမှာဆေးပစ္စည်းဝယ်နိုင်မှ။ တစ်ခုခုသေအောင်ဖြစ် ဆေးရုံတက်လို့ သေမဲ့လူနာမကလို့ ဘာပဲဖြစ်ဖြစ် ဆေးထိုးအပ်၊ ပတ်တီးလိပ်၊ နောက်ဆုံးသေမဲ့လူနာအတွက်အသက်ကယ်ဆေးတောင် တတ်နိုင်မှ။ အလကားဆေးရုံမှာရတာ ကုတင်တစ်လုံးပဲရှိတယ်။ အခြေခံလူတန်းစားတွေ အားကိုးရတဲ့ ဆေးရုံတွေ တွေ့ဖူးပါတယ်။ လူနာတစ်ယောက်အသဲသန်ဘယ်လောက်ဖြစ်နေပါစေ...
ငွေမပါလို့ကတော့ ဆေးရုံရောက်လည်း ရှင်မယ်မထင်နဲ့ သေတာပဲ။ကျန်းမာရေးစောင့်ရှောက်မှုတွေ စရိတ်မျှပေးတွေက ဆေးရုံနံရံတွေမှာ အခန့်သား။ လုပ်ရပ်တွေကတလွဲတွေ။ ပိုက်ဆံမပါဘဲ ဆေးရုံသွားတက်မိလို့ကတော့ ခွေးသေကောင်လိုဘယ်သူမှလှည့်မကြည့်ဘူး။ ဆရာဝန်ကြီးတွေဆေးရုံမှာမမျှော်နဲ့ အပြင်အထူးကုဆေးခန်းတွေမှာ။ အဲ့ဒီတော့ တချို့က တစ်ခုခုဖြစ်ရင် အစိုးရဆေးရုံတွေကြောက်လာတယ်။ ငွေတတ်နိုင်တဲ့သူ အထူးကုပြေးကြ။ မတတ်နိုင်ရင်... သေချင်သလိုသေပေါ့ဗျာ။ ဆေးရုံတွေမှာ ရှိတာဆရာဝန်ပေါက်စနတွေပဲရှိတယ်။
ဆေးရုံဝင်းတွေဝင်ရင်တောင် လူနာတွေ့ဖို့ အပေါက်စောင့်ကို နှစ်ရာလောက်ပေးရသေး။ ဒီထက်ပိုပြီး ကြောက်ဖို့ကောင်းလာတာက မြန်မာပြည်ဟာ ကမ္ဘာမှာကင်ဆာအဖြစ်ပွားဆုံး ဒုတိယနိုင်ငံမှာ စာရင်းဝင်နေတယ်ဆိုပဲ။ ဒါကောအမျိုးသားရေးနဲ့မဆိုင်ဘူးလား။ ကြောက်စရာသိပ်ကောင်းတယ်။

(၃) မြန်မာ့စီးပွားရေးစနစ်
--------------------------
မြန်မာနိုင်ငံမှာ ဈေးကွက်စီးပွားရေးစနစ် ပီပြင်စွာဖြစ်ပေါ်လာရေးဆိုတဲ့ နောက်ပိုင်းမှာ လက်သင့်ရာစားတော်ခေါ်တော့တာပဲ။ မူလရင်းမြစ် သယံဇာတ ရွှေ၊ ကြေး၊ ငွေ၊ ကျောက်စိမ်း၊ ပတ္တမြား၊ဓါတ်ငွေ့၊ ရေထွက်ပစ္စည်း၊ချည်၊၀ါးကုန်ကြမ်းတွေအကုန်ပေါတယ်။ မြန်မာပြည်မှာ ဈေးကွက်စီးပွားရေးစနစ်နဲ့ အကုန်ရောင်းတာပဲ။ ရောင်းရတာအကုန်ဘာမှမကျန်ဘူး။ လူပါမကျန် ခွေးအထိအကုန်ရောင်းတယ်။ ကြက်စူပင်စီမံကိန်း ဘိုင်အိုဒီဇယ်ထုတ်မယ်၊ ဆီအုန်းစိုက်မယ်ဆိုပြီး တောတွေ ရှင်းထည့်တာ ကြက်စူတွေ ဆီအုန်းတွေ ပေါက်မပေါက်တော့ မသိဘူး။ မြန်မာပြည်သစ်တော အကုန်ကုန်တာပဲ။ ကုန်ကြမ်းပေါပြီး ကုန်ချောအတွက် ဘာမှဝါယမစိုက်မထုတ်နိုင်တော့ အကုန်ရောင်းပစ်တာ ဘာမှမကျန်ဘူး။ အဲ့ဒီနောက်မှာ ခရိုနီအရင်းရှင်တွေတင်မက၊တရုတ်အရင်းရှင်တွေပါဝင်လာပြီးသာမန်မြန်မာ့ရင်းနှီးမြှုတ်နှံနိုင်သူတွေ အခြေခံစီးပွားရေးသမားတွေ အကုန်လက်လျှော့ကြရတယ်။ ငွေပင်ငွေရင်းတွေ မတတ်နိုင်ကြဘူး။
စီးပွားရေးလုပ်ငန်းတွေကလည်း လက်ဝါးကြီးအုပ်စနစ်ဖြစ်နေတယ်။ အဲ့ဒီမှာ မြန်မာပြည်လူတန်းစားကလည်း အတော်ကွာဟလာတယ်။ ချမ်းသာပြီး အာဏာရှိသူတွေသာ ပိုချမ်းသာလာပြီး သာမန်လက်လုပ်လက်စားတွေ ချောင်ထိုးခံရကုန်တယ်။
အခြေခံဆင်းရဲသားတောင်သူလယ်သမား လက်လုပ်လက်စားတွေလည်း မွဲသထက်မွဲလာတယ်။
ဒါတွေကကော အမျိုးသားရေးနဲ့မဆိုင်ဘူးလား.....?

(၄)ဘာသာရေး
---------------
ကျွန်တော်တို့နိုင်ငံက ဗုဒ္ဓဘာသာနိုင်ငံပါ။ ဆရာတော်တွေတရားဟောတယ်။ ပါမစ်ရမှ။
ရပ်ကွက် အုပ်ချုပ်ရေးမှူးတွေ ရဲစခန်းတွေပါမစ်ကြိုတင်ရတယ်။ ခွင့်ပြုမှတရားဟောခွင့်ရတယ်။
ဆရာတော်တွေတရားဟောတာ ဘာလို့ပိတ်ပင်ခံရတာလည်း။ ဘာ့ကြောင့်လည်း။ ရွှေဝါရောင်တုန်း ကလည်း ဆရာတော်သံဃာတော်တွေ သံဃာတော်တွေ သံဃာအတုပါဆိုပြီး စစ်ဖိနပ်နဲ့နင်း။ နံပတ်တုတ်နဲ့ရိုက် သင်္ဃန်းဆွဲချွန်ပြီး ထောင်ထဲထည့်ခံရတာ။ တွေးရင်ရင်နာစရာ။ ဒါတွေကကော ဘာသာလူမျိုး အမျိုးသားရေးနဲ့မဆိုင်ဘူးလား။

အဲ့ဒီတော့ လက်ရှိအမျိုးသားရေးဝါဒ ပေါ်လာတာ ဒါတွေအတွက် ထောက်ခံမိပေမဲ့ အမျိုးသားရေးသာဘန်းပြတယ်။ အမျိုးသားရေးအစစ်အမှန်စကား မကြားရဘူး။ အမျိုးသားရေးဆိုပြီးအော်တယ်။ ဒေါ်စုကိုပုတ်ခတ်တိုက်ခိုက်တယ်။ ကုလားမုန်းတီးရေး တွေနဲ့စလာတယ်။ တကယ်ပြည်သူတွေအတွက် လိုအပ်တဲ့ အမျိုးသားရေးစကားစစ်စစ်မကြားရဘူး။ အမျိုးသားရေးစစ်စစ်ဆိုတာ ဘာမှန်းလည်း သေချာမေးမရဘူး။ အမျိုးသားရေးအော်ပြီး လွတ်လပ်ရေးဖခင်ဗိုလ်ချုပ်ရဲ့သမီး
ဗမာစစ်စစ်မိန်းမတစ်ယောက်ကို ဆဲဆိုနေတယ်။ ဒေါ်စုမထောက်ခံ၊ မဲမရရေးသာဦးစားပေးလာကြတယ်။ အထက်ကပြောခဲ့သလိုပါပဲ။ အမျိုးသားရေးစကားဆိုတာ
တန်ဖိုးရှိပါတယ်။ မွန်မြတ်ပါတယ်။ ဒါပေမဲ့ .... အမျိုးသားရေးအော်ပြီး ဒေါ်စုကိုဆဲဖို့လုပ်တာကတော့ စစ်မှန်တဲ့အမျိုးသားရေး ညစ်နွမ်းပါတယ်။
ပြောရရင်အမျိုးသားရေးစကားဒင်းတို့လက်ထဲရောက်မှရွံစရာဖြစ်သွားတာ တော်တော်ရင်နာဖို့ကောင်းပါတယ်။

ထက်တွန့်တက်မဲ့သူများ
အမျိုးသားရေးအရခြုံများအတွက်
ဖင်မှန်းခေါင်းမှန်းမသိ ခေတ်သစ်အလိုတော်ရိလုပ်မနေပါနဲ့....။

ဥယျာဉ်မှူး

၅.၃.၂၀၁၃

No comments:

Post a Comment

Related Posts Plugin for WordPress, Blogger...