Wednesday, March 5, 2014

ယူကရိန်းပြဿသ နာကို နားလည်နိုင်မည့် အချက်ငါးချက်



ယူကရိန်းနိုင်ငံတွင် လနှင့်ချီ၍နိုင်ငံရေးမတည်ငြိမ်များဖြစ်ပွားခဲ့ပြီးနောက် သမ္မတ ဗစ်တာ ယာနုကို ဗစ်ခ်ျ ဖြုတ်ချခံလိုက်ရကာ ခရိုင်းမီးယား ကျွန်းဆွယ်သို့ ရုရှားတပ်များ ဝင်ရောက်လာခဲ့ပါသည်။ ယူကရိန်း ပြဿနာအား နားလည်သဘောပေါက်နိုင်ရန် အောက်ပါအချက်ငါးချက်က အထောက်အကူဖြစ်စေပါမည်-


၁။ ယူကရိန်းသည်နှစ်ပိုင်းကွဲနေသော နိုင်ငံဖြစ်သည်။

ပင်လယ်နက်၏ မြောက်ဘက်ကမ်းရိုးတန်း ရှိ ခရိုင်းမီးယား ကျွန်းဆွယ်နှင့် ယူကရိန်းအရှေ့ပိုင်းတို့သည် ယဉ်ကျေးမှုအရ ရုရှားနှင့် ပိုမိုနီးစပ်သည်။ ယူကရိန်း အရှေ့ပိုင်းဒေသခံများသည် ယူကရိန်းဘာသာစကားနှင့် အပြန်အလှန်နားလည်ပြောဆိုနိုင်သည့် ရုရှားစကားပြောကြပြီး ၄င်းတို့၏ နိုင်ငံရေးစံနှုန်းများသည်လည်း ရုရှားနှင့် များစွာပိုမိုနီးစပ်ပါသည်။ ယူကရိန်း အနောက်ပိုင်းသားများကမူ အရှေ့ဥရောပသားများနှင့် ပိုမိုနီးစပ်ပါသည်။

၂။ ရုရှားနိုင်ငံသည် ယူကရိန်းတွင် များစွာရင်းနှီးမြှပ်နှံထားသည်

လအတန်ကြာ သွေးထွက်သံယို ဆန္ဒပြမှုများပြီးနောက် ဖေဖော်ဝါရီလ ၂၈ ရက်တွင် ယူကရိန်းပါလီမန်က သမ္မတယာနုကိုဗစ်ခ်ျကို ဖြုတ်ချ လိုက်ပြီး ယာနုကိုဗစ်ခ်ျ ရုရှားသို့ထွက်ပြေးခဲ့ရသည်။ သောကြာနေ့က ရုရှားနိုင်ငံ Rosto-on-Don မြို့တွင် ကျင်းပခဲ့သည့် သတင်းစာရှင်းလင်းပွဲတွင် မစ္စတာ ယာနုကိုဗစ်ခ်ျ က အတိုက်အခံများသည် အကြမ်းဖက်မှု နှင့် အကြောက်တရား ကြီးစိုးအောင်လုပ်ပြီး ယူကရိန်းနိုင်ငံကို ထိန်းချုပ်ရန် ကြိုးစားနေကြောင်း၊ ကိဗ်မြို့ရှိ ကြားဖြတ်အစိုးရသည် တရားမဝင်ကြောင်း ပြောကြားခဲ့သည်။ ရုရှားလိုလားသည့် သမ္မတ ယာနုကိုဗစ်ခ်ျ သည် ရုရှားနိုင်ငံက ယူကရိန်းအရေးအခင်းကို ဝင်ရောက်စွက်ဖက်ခြင်း၏ တစ်ခုတည်းသော အကြောင်း ရင်း မဟုတ်ပါ။ ရုရှားနိုင်ငံက ဥရောပသို့ ဓာတ်ငွေ့တင်ပို့ရာ ပိုက်လိုင်းအများစုသည် ယူကရိန်းနိုင်ငံကို ဖြတ် သွားပါသည်။ ထိုဒေသတွင် တင်းမာမှုများမြင့်မားလာခြင်းသည် ကမ္ဘာ့ဘဏ္ဍာရေးဈေးကွက်ကို ထိခိုက် စေနိုင်သည်။

၃။ ရုရှားစစ်တပ် ခရိုင်းမီးယားဒေသသို့ ဝင်ရောက်ခြင်း

ရုရှား သမ္မတ ဗလာဒီမာ ပူတင်က ခရိုင်း မီးယားဒေသသို့ ရုရှားစစ်တပ်များ စေလွှတ်ခွင့်ပြုရန် တောင်းဆိုခြင်းအား ရုရှားပါလီမန်က မတ်လ ၁ ရက် တွင် အတည်ပြုပေးခဲ့သည်။ ယူကရိန်း အမျိုးသားရေးဝါဒီများ၏ ရုရှားဆန့်ကျင်ရေးဆောင်ရွက်ချက် များကြောင့် ထိုဒေသရှိ ရုရှားနိုင်ငံသားများအား ကာကွယ်ပေးရန်အတွက် ရုရှားတပ်ဖွဲ့များအား ခရိုင်း မီးယားဒေသသို့ စေလွှတ်ခဲ့ရခြင်းဖြစ်ကြောင်း ရုရှားကာကွယ်ရေးဝန်ကြီး ဆာဂျီ လက်ဗ်ရော့ က ကုလ သမဂ္ဂလူ့အခွင့်အရေးကောင်စီကို မတ် ၃ ရက်တွင် ပြောကြားခဲ့သည်။ သို့ရာတွင် ခရိုင်းမီးယားဒေသနေ ယူကရိန်းနှင့် ရုရှားလူမျိုးထောင်ပေါင်းများစွာ လက်မှတ်ရေးထိုးထားသည့် မေတ္တာရပ်ခံစာတွင် ရုရှားစစ် တပ်များ စေလွှတ်ခြင်းကို ကန့်ကွက်ထားသည်။ ထိုစာတွင် "ရုရှားဖက်ဒရေးရှင်း၏ သမ္မတကြီး ဗလာဒီမာ ပူတင်ခင်ဗျား၊ ကျွန်တော်တို့ ရုရှားတိုင်းရင်းသားများနှင့် ရုရှားစကားပြော ယူကရိန်းနိုင်ငံသားများအနေဖြင့် ကျွန်တော်တို့၏ အကျိုးစီးပွားကို အခြားနိုင်ငံများက ကာကွယ်ပေးသည်ကို မလိုလားပါ။ ကျွန်တော်တို့အား ကူညီသည့်အတွက် သမ္မတကြီးကို ကျေးဇူးတင်သော်လည်း ယူကရိန်းနိုင်ငံ၏ အချုပ်အချာအာဏာကို မည်သူမှ ဝင်ရောက်စွက်ဖက်ခွင့်မရှိပါ။ ထို့ကြောင့် ကျွန်တော်တို့ နိုင်ငံအတွင်းသို့ ရုရှားတပ်များ မစေလွှတ် ရန်နှင့်၊ ကျွန်တော်တို့၏ ပြည်တွင်းရေးပြဿနာကို ဝင်မစွက်ရန် သမ္မတကြီးကို ကျွန်တော်တို့ တောင်းဆို ပါသည်" ဟု ဖော်ပြထားသည်။ သို့သော်လည်း ကရင်မလင်၏ ထုတ်ပြန်ချက်တွင် ရုရှားအနေဖြင့် ခရိုင်းမီး ယားဒေသတွင် နေထိုင်ကြသော ရုရှားစကားပြောလူထုကို ကာကွယ်ရန်အတွက် ယူကရိန်းနိုင်ငံအတွင်းသို့ တပ်များ စေလွှတ်ခဲ့ခြင်းဖြစ်ကြောင်း ဖော်ပြထားသည်။ ယူနီဖောင်းများတွင် ရုရှားတပ်မတော် ဘက်တံဆိပ် များတပ်ဆင်ထားခြင်း မရှိသော ရုရှားတပ်များသည် ခရိုင်းမီးယားဒေသရှိ ယူကရိန်း စစ်စခန်းများကို ဝိုင်းရံ ထားကြသည်။ ရုရှားစစ်တပ်သည် နံပါတ်ပြားမပါ၊ တပ်သင်္ကေတ မပါသော သံချပ်ကာယာဉ်များကိုလည်း ထိုဒေသသို့ ပို့ဆောင်နေသည်ဟု သတင်းရရှိသည်။ ရုရှားတပ်များသည် ခရိုင်းမီးယား ဒေသရှိ ယူကရိန်း တပ်များအား လက်နက်ချရန် တောင်းဆိုထားသည်ဟု ယူကရိန်းအစိုးရက ပြောသော်လည်း ရုရှားက ငြင်း ဆိုပါသည်။

၎။ ယူကရိန်းအစိုးရအနေဖြင့် မိမိလက်တွင် ရှိပြီးသားကို ထိန်းထားနိုင်အောင်ကြိုးစားနေသည်

ရုရှား လိုလားသူများ၏ ခွဲထွက်ရေးစိတ်ဓာတ်များကို ထိန်းနိုင်ရန် ကြိုးစားသည့်အနေဖြင့် အနောက်အုပ်စုလိုလား သော ယူကရိန်းအစိုးရသည် ခရိုင်းမီးယားဒေသ၏ အုပ်ချုပ်ရေးမှူးများဖြစ်လာစေရန်အတွက် အရှေ့ပိုင်း ဒေသသားစီးပွားရေးသမားများကို စေလွှတ်ခဲ့ပါသည်။ နှစ်ဖက်စလုံးမှ လှုပ်ရှားမှုများသည် ထိုဒေသတွင် အကြီးအကျယ်တိုက်ခိုက်မှုများ မဖြစ်စေရန် ရည်ရွယ်ကြသော်လည်း ယူကရိန်းအစိုးရက ရုရှား၏ ခရိုင်းမီး ယားဒေသကျူးကျော်မှုကို "စစ်ကြေညာခြင်း" ဖြစ်သည်ဟု ဆိုပါသည်။

၅။ ယူကရိန်း ပြဿနာနှင့်ပတ်သက်၍ အမေရိကန်နှင့် ဥရောပ ထိထိရောက်ရောက် မလုပ်နိုင်

အမေရိ ကန်သမ္မတ အိုဘားမားနှင့် ဥရောပခေါင်းဆောင်အချို့က ရုရှားနိုင်ငံက ယူကရိန်းကို ကျူးကျော်ခြင်းအား ကန့်ကွက်ေဲကာင်း သတိပေးခဲ့ကြပြီး ရုရှားနိုင်ငံသည် ယူကရိန်းနိုင်ငံ၏ အချုပ်အချာအာဏာကို ချိုးဖောက် ခြင်းဖြစ်ကြောင်း စွပ်စွဲခဲ့ကြသည်။ အိုဘားမားသည် လာမည့်နွေရာသီတွင် ရုရှားတွင် ပြုလုပ်မည့် နိုင်ငံတ ကာထိပ်သီးအစည်းအဝေး တက်ရောက်ရေးကိုပါ ပယ်ဖျက်ခဲ့ပြီး ရုရှားနှင့် ကုန်သွယ်ရေးဆွေးနွေးမှုများ ရပ်ဆိုင်းခဲ့ကာ ယူကရိန်းမြို့တော် ကိဗ်သို့ နိုင်ငံခြားရေးဝန်ကြီး ဂျွန်ကယ်ရီအား စေလွှတ်ခဲ့သည်။ သို့သော် လည်း ကမ္ဘာ့ခေါင်းဆောင်များအနေဖြင့် ထိုသို့လုပ်ဆောင်မှုများနှင့် နှုတ်အားဖြင့် ခြိမ်းခြောက်မှုများမှလွဲ၍ နောက်ထပ်များများစားစား လုပ်နိုင်စရာ မရှိလှပါ။ အဘယ်ကြောင့် ဆိုသော် ယူကရိန်းသည် နေတိုးအဖွဲ့၏ တင်းပြည့်အဖွဲ့ဝင်တစ်ဦးမဟုတ်သဖြင့် အမေရိကန်နှင့် ဥရောပအနေဖြင့် ယူကရိန်းကို ကာကွယ်ပေးရန် တာဝန်မရှိပါ။ ထို့ပြင် ရုရှားနိုင်ငံသည် ကုလသမဂ္ဂ လုံခြုံရေးကောင်စီတွင် ဗီတိုအာဏာပိုင်ဆိုင်ထားသော နိုင်ငံဖြစ်သဖြင့် ခရိုင်းမီးယားဒေသကို စစ်ရေးအရ မည်သည့်အရေးယူဆောင်ရွက်ချက်မျိုးကိုမှ အတည်ပြု နိုင်မည်မဟုတ်ပါ။

ဓာတ်ပုံ။ ယူကရိန်းတင့်ဟောင်းများ စုပုံထားသည့်နေရာ

Ref: http://www.boston.com/

No comments:

Post a Comment

Related Posts Plugin for WordPress, Blogger...