Friday, March 21, 2014

ဖက်ဆစ်တော်လှန်ရေးနေ့ ၊ ၂၇ ရက်နေ့  ဘယ်လိုဖြစ်လာပါသလဲ။


မေးခွန်း ၁။ ဖက်ဆစ်တော်လှန်ရေးနေ့ ၊ ၂၇ ရက်နေ့  ဘယ်လိုဖြစ်လာပါသလဲ။

ဖြေ။ တော်လှန်ရေးနေ့ ကို မတ်လ၊ ၂၇ ရက်နေ့ မှာ သတ်မှတ်ဖို့ 
ဆုံးဖြတ်လိုက်သူများဟာ ဗမာပြည် တိုင်း (၄) ရဲ့  စစ်ကော်မတီဝင်တွေပါ။
ကျွန်တော် မှတ်မိသလောက်တော့ သခင်ချစ်၊ ဗိုလ်သိန်းဒန်၊ သခင်ဗတင်၊
ဗိုလ်အောင်ရွှေ (ယခု NLD ဥက္ကဌ) နှင့် ကျွန်တော်တို့ ပါဘဲ။



ပထမ တော်လှန်ရေးကောင်စီက၊ ဗိုလ်ချုပ်အောင်ဆန်းက ၁၉၄၅ ခုနှစ်၊
ဧပြီလ (၂) ရက်နေ့ မှာ တော်လှန်ရေးစဖို့  ညွှန်ကြားထားပါတယ်။
ဒါပေမယ့် ရန်ကုန်မြို့ အတွင်းမှာ ဂျပန်ကို တော်လှန်တော့မယ်ဆိုတဲ့ သတင်းတွေ
နည်းနည်းပျံ့ လာနေတယ်။ ကျွန်တော်သိသလောက် တချို့ တပ်မှူးတွေက
မိမိတို့ မိသားစုတွေကို ရန်ကုန်ကို ပြန်ပို့ ကြ ပြုကြရာကနေ သတင်းအစအန
ထွက်လာတာပါ။ ဒါကြောင့် ဧပြီလ (၂) ရက်နေ့ အထိ စောင့်ရင် ဒီသတင်း
ပိုမိုကျယ်ပြန့် စွာ ပေါက်ကြားပြီး ရန်ကုန်နှင့် ပဲခူးဒေသတပ်ဖွဲ့ များကို
လက်နက်ဖြုတ်ရေးတွေ၊ ဖမ်းဆီးတာတွေ စပြီးဖြစ်လာရင် တော်လှန်ရေးကို
များစွာထိခိုက်နိုင်တယ်လို့  တွက်ဆပြီး ကျွန်တော်တို့  တိုင်း (၄)
စစ်ကော်မတီဝင်များ အစည်းအဝေးထိုင်ပြီး မတ်လ (၂၇) ရက်နေ့  သတ်မှတ်ဖို့ 
ဆုံးဖြတ်လိုက်ကြပါတယ်။ ဒီနောက် ဆက်သားများနဲ့ ၊ ဗိုလ်ချုပ်အောင်ဆန်းနဲ့ 
တိုင်းအသီးသီးကို အမြန်လွှတ်အကြောင်းကြားခဲ့ပါတယ်။

ဒီရက်ပြောင်းတဲ့ စာကို ဗိုလ်ချုပ်ရတော့ ပထမ အတော်စိတ်မကောင်းဖြစ်တယ်လို့ 
သိရပါတယ်။ တော်လှန်ရေးပြီးလို့  ရန်ကုန်မှာ လူအတော်စုံမိတဲ့အခါမှာတော့
ဗိုလ်ချုပ်က တော်လှန်ရေးကို (၂၇) ရက် ပြောင်းလိုက်တာဟာ အားလုံးကို
အံကိုက်ဖြစ်သွားတော့တာဘဲလို့  ကျွန်တော့်ကိုပြောလို့  ကျွန်တော်လည်း
အတော်ဝမ်းသာသွားမိတယ်။

မေးခွန်း ၂။ ဒီ ဖက်ဆစ် “တော်လှန်ရေးနေ့ ” ကို ဘာကြောင့် “တပ်မတော်နေ့ ” လို့ 
အမည်ပြောင်းလိုက်ပါသလဲ။

ဖြေ။ မတ်လ (၂၇) ရက်နေ့ ၊ ဖက်ဆစ်တော်လှန်ရေးနေ့ ကို ဗမာ့တပ်မတော်က
၁၉၅၄ ခုနှစ်မှာ “တပ်မတော်နေ့ ” လို့  အမည်ပြောင်းလိုက်ပါတယ်။

အဲဒီကာလက တပ်တွင်းဆိုရှယ်လစ်များဖြစ်တဲ့ ဗိုလ်အောင်ကြီး၊ ဗိုလ်မောင်မောင်
တို့ က ဗိုလ်နေ၀င်းကို တပ်တွင်းဆိုရှယ်လစ်ခေါင်းဆောင်အဖြစ် တင်ပြီး
တပ်မတော်ကို လွှမ်းမိုးလာတဲ့ကာလလည်းဖြစ်တယ်။ ဒီလို နာမည်ပြောင်းလိုက်
တာမှာ ရည်ရွယ်ချက် ၃-၄ ခု ရှိနိုင်ပါတယ်။ တတိုင်းပြည်လုံးရဲ့  တော်လှန်ရေးကြီး
တရပ်လုံးကို တပ်မတော်တဦးတည်းကသာ ၀င်ပြီး တာဝန်ယူသလို ဖြစ်သွား
ပါတယ်။ သူတယောက်တည်း နာမည်ကောင်းယူလိုက်သလို ဖြစ်သွားပါတယ်။
တော်လှန်ရေးကြီးကို ခေါင်းဆောင်ခဲ့တဲ့ ဗမာပြည်ကွန်မြူနစ်ပါတီရဲ့ 
အခန်းကိုလည်း မှေးမှိန်သွားစေလိုတာလည်း ပါပါတယ်။ ဒါ့အပြင် အဲဒီအချိန်က
ဆိုရှယ်လစ်တပ်မှူးများက ဂျပန် အကူအညီနဲ့  စစ်လျော်ကြေးများကို မျှော်ကိုးပြီး
ဂျပန်ရဲ့  နိုင်ငံရေး၊ စီးပွားရေး လက်ဝေခံသြဇာကို ခံယူနိုင်ဖို့  ဂျပန်ကို
မျက်နှာလုပ်လိုတာလည်း ပါပါတယ်။ အဓိကကတော့ ဆိုရှယ်လစ်တပ်မှူးများက
တပ်မတော်ကို ဗမာပြည်ရဲ့ နိုင်ငံရေးပါတီ အင်အားစုကြီးတရပ်အသွင်
ဖြစ်လာအောင် လုပ်ဆောင်လိုက်တာဖြစ်ပါတယ်။

“တပ်မတော်နေ့ ” အစစ်အမှန်ကတော့ ဗမာ့လွတ်လပ်ရေးတပ်မတော်
BIA ကို ဗိုလ်ချုပ်အောင်ဆန်းနဲ့  ရဲဘော်သုံးကျိပ်တို့ က ၁၉၄၁ ခုနှစ်၊
ဒီဇင်ဘာလ၊ (၂၆) ရက်နေ့  ထိုင်းနိုင်ငံ၊ ဘန်ကောက်မြို့ မှာ ဖွဲ့ စည်းခဲ့တဲ့နေ့ ဘဲ
ဖြစ်သင့်ပါတယ်။ ဒါပေမယ့် အဲဒီနေ့ မှာ အခုန ပြောခဲ့တဲ့ ဆိုရှယ်လစ်တပ်မှူး
အများစု မပါခဲ့ကြလို့  သူတို့ ကလည်း ဒီနေ့ ကို အသိအမှတ် မပြုချင်ကြတာပါ။

ကျွန်တော် ဒီအကြောင်းတွေကို ပြည့်ပြည့်စုံစုံ ဆောင်းပါးတွေ ရေးထားပါတယ်။
“ပြည်သူ့ အာဏာ” ဂျာနယ်တွေပေါ်မှာ ဖော်ပြပြီးပါပြီ။
ဒီ ဖက်ဆစ်တော်လှန်ရေးကြီးမှာ ကျွန်တော်တို့ က ဂျပန်တပ်သား နှစ်သောင်းကို
ချေမှုန်းသတ်ဖြတ်နိုင်ခဲ့ပါတယ်။ ဒါဟာ ကျွန်တော်တို့ တတိုင်းပြည်လုံး
စည်းလုံးညီညွတ်စွာ လုပ်ဆောင်ခဲ့ကြလို့  အောင်မြင်တာ ဖြစ်ပါတယ်။

ဗိုလ်မှူးချုပ် (ဟောင်း) ကျော်ဇော

(ရည်ညွှန်းပါစာအုပ် “၂၀၀၃ ခုနှစ်၊ မတ်လ၊ ၂၇ ရက် တော်လှန်ရေးနေ့ 
အထိမ်းအမှတ် DVB က တွေ့ ဆုံမေးမြန်းခန်း” မှ ကူးယူဖော်ပြပါသည်)

No comments:

Post a Comment

Related Posts Plugin for WordPress, Blogger...