Monday, February 3, 2014

ဗိုလ်ချုပ်အောင်ဆန်းမွေးနေ့ အထိမ်းအမှတ်စာစု



၁။"ဗိုလ်” ၏ အဓိပ္ပာယ်အစစ်အမှန်
၂။မောင်အောင်ဆန်း ၏ ပွဲဦးထွက်သတ္တိ...
၃။ကိုယ်တွေ့ သခင်အောင်ဆန်း-(ညိုမြ)
၎။ ကျွန်ုပ်တို့ မှတ်မိသိရှိသမျှ ဗိုလ်ချုပ်- သခင်တင်ဦး (ယခု အသံလွှင်ဌာန)
၅။တို့ဗမာအစည်းအရုံးခေတ်က သခင်အောင်ဆန်း-သခင်တင်မောင် (ကျုံးမငေး)
၆။ သ ခင် အောင် ဆန်း နဲ့ မ ရင် အေး တို့ ဇာတ် လမ်း- သခင်တင်မောင် (ကျုံးမငေး)
၇။ဦးအောင်ဆန်း၏ နောက်ဆုံးနေ့-(ဒဂုန်တာရာ)
၈။ ငမိုး မသေသေး-(နတ်မောက်-ဘုန်းကျော်)
၉။ သခင်ကိုယ်တော်မှိုင်း အကြောင်း မှတ်မိတာလေးတွေ-(တင်မိုး)


၁။"ဗိုလ်” ၏ အဓိပ္ပာယ်အစစ်အမှန်

အင်္ဂလိပ်ဘာသာဖြင့် ၁၉၉၁ ခုနှစ်၌ ထုတ်ဝေသော စာအုပ်မှ စာမျက်နှာ ၁၈၆ - ၁၉၁ ကို မြန်မာပြန်သည်။ ဗိုလ်ဟူသော ဝေါဟာရမှာ အစိုးရရုံးအသုံးအနှုန်းတွင် ကြည်းတပ်မှ ဗိုလ် သို့မဟုတ် “လက်ဖ်တင့်နင့်” ကို ဆိုလိုခြင်း ဖြစ်ပါသည်။ သို့သော်လည်း အများသုံးစကားတွင် စစ်အရာရှိများ၊ အမိန့်ပေးသူ များ၊ ခေါင်းဆောင်များကို “ဗိုလ်” ဟု ခေါ်လေ့ရှိပါသည်။

တိုင်းပြည် လွတ်လပ်ရေးရတော့မည် ဟူသော မျှော်လင့်ချက်ဖြင့် တက်ကြွနေသော ထွန်းသစ်စ ဗမာ့လွတ်လပ်ရေးတပ်မတော် ၁၉၄၂ ခုနှစ်တွင် မြန်မာ့မြေပေါ်ခြေချလာသည်နှင့် ၎င်းတပ်မှ အရာရှိများကို ရာထူးမရွေး “ဗိုလ်” ဟု ခေါ်ဝေါ်ခဲ့ကြပါသည်။ လူအများစိတ်ဓာတ်အရှိန်မြင့်မား၍ ဘေးအန္တရာယ် ထူပြောသော စစ်တွင်းကာလတွင် လူစွမ်းကောင်းများ ဈေးကောင်းလေရာ “ဗိုလ်” တိုင်းကို စွဲမက်ဖွယ်ရာ စိတ်ကူးယဉ်ပုံပြင်ဆန်ဆန် မသဲကွဲသော အတွေးဖြင့် ရှုမြင်ကြပါသည်။

၎င်းတို့အနက် ရှေ့ဆုံးမှ ထင်ပေါ်နေသူမှာ အောင်ဆန်းဖြစ်ပါသည်။ အသက် (၂၇) နှစ်ပင် မပြည့်သေးဘဲ စိတ်ဓာတ်အလွန်ပြင်းထန်ပြီး ဖြောင့်မတ်တည်ကြည်သဖြင့် မျိုးချစ်လူငယ် စစ်သေနာပတိအသွင်ဆောင်နေရာ ၎င်းနှင့်ပတ်သက်၍ သီချင်း၊ ကဗျာများ ရေးစပ်ရာ၌ စိတ်ကူးကွန့်မြူးလာကြပါသည်။

ငါတို့မြန်မာပြည်မယ် မိဘတိုင်းကကွယ်
ဗိုလ်အောင်ဆန်းလို အာဇာနည်အစစ်တွေ မွေးကြရမယ်
- ရာဇဝင်အတ္ထုပတ္တိလည်း ရှိရမယ်
မော်ကွန်းလည်း ထိုးလောက်တဲ့ မြင့်မြတ်တဲ့ ဗိုလ်အောင်ဆန်းရယ်


ဤကဲ့သို့ ချီးမြှောက်ခြင်းကြောင့် ပို၍ အသက်အားဖြင့်၎င်း၊ အတွေ့အကြုံအားဖြင့်၎င်း ပိုမိုသူများပင်လျှင် ယစ်မူးသွားနိုင်သော်လည်း အောင်ဆန်းမှာမူ မိမိ၏ ကိုယ်ပိုင်စံသတ်မှတ်ချက်များကြောင့် တည်ကြည်ခိုင်မြဲ ရှင်းလင်းပြတ်သားစွာဖြင့် လုံးဝစိတ်ထားမှန်အောင် ထိန်းသိမ်းခဲ့ပါသည်။ ထိုစဉ်က ကျင်းပလေ့ရှိသော အခမ်းအနားတခုတွင် အောင်ဆန်းအား ကမ္ဘာ့သမိုင်းတွင် ထင်ရှားမည်ဟု ချီးမွှမ်းသောဩဘာစာကို ဖတ်ကြားသောအခါ ကမ္ဘာ့သမိုင်းတွင်မဆိုနှင့်၊ ဗမာ့သမိုင်း၌ပင် နေရာမရသေးပါ ဟု အောင်ဆန်းက ကြွတ်ဆပ်ဆပ် မှတ်ချက်ချသွားခဲ့ပါသည်။

တော်လှန်ရေးလှုပ်ရှားမှုတလျှောက်တွင် စစ်တပ်ကို ဦးဆောင်ခဲ့သည့် နောက်ပိုင်းတွင် ပြန်လည်တည်ထောင်လိုက်သော ဗြိတိသျှအုပ်ချုပ်ရေးနှင့် စေ့စပ်ဆွေးနွေးခဲ့ပြီး ဘုရင်ခံ၏ အုပ်ချုပ်ရေးကောင်စီတွင် ဒုဥက္ကဌအဖြစ် ခန့်အပ်ခြင်းခံရသောအခါ၌ပင် အောင်ဆန်းက “ကျုပ်တို့ အခု မစရသေး၊ မလုပ်ရသေဘူး။ ဒါကြောင့် ချီးမွမ်းစရာရှိလည်း အခုချီးမွမ်းမခံချင်သေးဘူ။” ဟု ပြောနေတုန်းပင် ဖြစ်ပါသည်။

ထိုစဉ်အချိန်က ၎င်းသည် အမျိုးသားလူစွမ်းကောင်းအဖြစ်သို့ ရောက်ရှိနေပြီဖြစ်ပြီး နိုင်ငံတဝှမ်းတွင် “ဗိုလ်ချုပ်” ဟု သိရှိကြကာ မြန်မာပြည်သူပြည်သားတို့၏ ခေါင်းဆောင်အဖြစ် အသိအမှတ်ပြုခံနေရသူပင် ဖြစ်ပါသည်။ “ဗိုလ်ချုပ်” ဟူသည်မှာ ဒုတိယဗိုလ်ချုပ်ကြီးအောက်တွင်ရှိသော အဆင့်ပင်ဖြစ်သော်လည်း အောင်ဆန်းက ရယူလိုက်သောအခါ ယင်းရာထူးအဆင့်သည်လည်း မြန်မာပြည်တွင် အတုမရှိ၊ ထူးခြားအရေးပါသော အဓိပ္ပာယ် သက်ရောက်မှုရှိလာပါသည်။ ဗိုလ်ချုပ်ဟူသည်မှာ တပ်မတော်၏ ဖခင်၊ အင်အားကြီးသော ကိုယ်ကျိုးမကြည့်သော ခေါင်းဆောင်မှု၊ ဝေါဟာရအဓိပ္ပာယ်အရ “ဗိုလ်ချုပ်များ ကို အုပ်ချုပ်သူ” ဟု သဘောရပါသည်။

“ဗိုလ်” ပါဠိစာလုံး “ဗလ” (ခွန်အား) မှ လာခြင်းဖြစ်ပါသည်။ သို့သော်လည်း ချီးကျူးထိုက်သော ခွန်အားနှင့် မလိုလားအပ်သော အင်အားကို ခွဲခြားရသည်မှာ မလွယ်ကူလှပါ။ “ကာယ” ပြုလုပ်ခြင်းနှင့် “ဗလ” တို့ ပေါင်းစပ်လိုက်ပါက ဗလသက္ကာယ အကြမ်းဖက်ခြင်းဖြစ်လာပါသည်။ တနည်းဆိုရသော် လက်ခံနိုင်လောက်သော အကန့်အသတ် အတိုင်းအတာထက်ကျော်လွန်၍ ခွန်အားကို အသုံးပြုသောအခါ ဖျက်ဆီးခြင်းအဖြစ်သို့ ရောက်ရှိလာပါသည်။

ဤအန္တရာယ်ကို ကိုယ်ကျင့်တရားဖြင့် ထိန်းချုပ်ခြင်း မပြုပါက နိုင်ငံရေး သို့မဟုတ် လူမှုရေးအပြောင်းအလဲများကြောင့် ဝရုန်းသုန်းကား ဖြစ်နေသော အချိန်ကာလတွင် အောင်ဆန်းသည် လွတ်လပ်ရေးကြိုးပမ်းမှုတိုက်ပွဲကို ဦးစီးဦးကိုင်လုပ်ခဲ့ရသည်။ ဗုဒ္ဓဘာသာ ဘုန်းတော်ကြီးကျောင်းထွက် ဖြစ်သဖြင့် ၎င်းသည် စိတ်နှင့် စိတ်ဓာတ်တို့၏ စွမ်းအားနှင့်ဆိုင်သော သဘောတရားကို ငယ်စဉ်ကပင် သိရှိမည် ဖြစ်၍ ဗလငါးပါး (ဣနြေ္ဒငါးပါး သို့မဟုတ် စိတ်ကို ထိန်းသိမ်းနိုင်သောတရားများ) ကိုလည်း လေ့လာဆည်းပူးခဲ့မည် ဖြစ်ပါသည်။ ၎င်းတို့မှာ သဒ္ဓါ၊ ဝိရိယ၊ သတိ၊ သမာဓိနှင့် ပညာတို့ဖြစ်ပါသည်။ လောကီအလိုအရ ဗလငါးတန်ဖြစ်သော ကာယ၊ ဥာဏ၊ ဘောဂ၊ မိတ္တ၊ စာရိတ္တဗလတို့သည် လောကုတ္တရာအကျိုးဆောင် ဗလများထက် နိမ့်ကျပြီး ဂုဏ်သိက္ခာရှိစွာ အကျိုးပေးမည့်အင်အားများဖြစ်လာနိုင်ရန် ၎င်းတို့ကို စိတ်နှင့် စိတ်ဓာတ် ပြုစုပျိုးထောင်ခြင်းဖြင့် ထိန်းသိမ်းထားရမည်ဖြစ်ပါသည်။

တာဝန်ရှိသော စစ်အဖွဲ့အစည်တခုနှင့် ပေါင်းစပ်ရမည့် ပေါ်ထွန်းစ စစ်တပ်၏ စစ်သေနာပတိအဖြစ်၎င်း၊ မတည်ငြိမ်သော ပုဂ္ဂိုလ်ပေါင်းများစွာ ပါဝငိနေသည့် အမျိုးသားလှုပ်ရှားမှု၏ ခေါင်းဆောင်အဖြစ်၎င်း စည်းကမ်းဖြင့် မထိန်းထားသော အင်အား၏ လက်တွေ့အန္တရာယ်များကို ၎င်းက ကောင်းစွာသိရှိထားသူပင်ဖြစ်ပါသည်။ အောင်ဆန်းသည် ၎င်းတည်ထောင်ထားသော တပ်မတော်ကို စည်းကမ်းကြီး၍ ဂုဏ်ကျက်သရေရှိသော အဖွဲ့အစည်းအဖြစ် ရည်မှန်းထားပါသည်။

အနစ်နာခံခြင်း၊ ကိုယ့်စည်ကိုယ်ထိန်းခြင်း၊ ဖောက်ပြန်မှုကင်းခြင်း စသော ကျောက်သားပကတိခိုင်မာသည့် မြင့်မြတ်သောဂုဏ်အင်္ဂါများဖြင့် တည်ဆောက်ထားသောတပ်မတော်၊ ကိုယ်ပိုင်အကျိုးအမြတ်မမျှော်ကိုးဘဲ တိုင်းပြည်တာဝန်ထမ်းဆောင်ရန် မိမိ၏ခွန်အားကို လုံးဝပေးလှူထားသော တပ်မတော်သာဖြစ်ရမည်ဟု အောင်ဆန်းက ယူဆပါသည်။

လက်နက်အင်အားကို ဖိနှိပ်ချုပ်ချယ်ရာ ပစ္စည်းကိရိယာ အဖြစ် ထင်မှတ်စေမည့် သဘောထားများ၊ ရပ်တည်ချက်များကို ရှောင်ကျဉ်ပါရန် စစ်သည်တော်များအား အောင်ဆန်းက တိုက်တွန်းဆုံးမခဲ့ပါသည်။ အားကြီးသူက အားနည်းသူကို အနိုင်ကျင့်လိုသော လူ့သဘာဝကို ထောက်ပြ၍ မတရားပြုကျင့်သော အားကြီးသူတို့အား မကြောက်မရွံ့ဆန့်ကျင်ရန်နှင့် အားနည်းသူတို့အပေါ်တွင် ဖြောင့်မှန်တရားမျှတစွာ ပြုကျင့်ရန် အောင်ဆန်းက တိုက်တွန်းခဲ့ပါသည်။

“ဒီတပ်မတော်ဟာ ဒီနိုင်ငံ၊ ဒီလူမျိုးအတွက်၊ ဒီလူမျိုးတွေရဲ့ ကိုးကွယ်ရာ၊ လဲလျောင်းရာ၊ ဆည်းကပ်ရာဆိုတဲ့ အနေမျိုးဖြစ်ရမယ်။ ဒီလိုမဟုတ်ဘဲ ဒီတပ်မတော်ဟာ နိုင်ငံသူနိုင်ငံသားတွေရဲ့ စိတ်ထဲမှာ အော့နှလုံးနာစရာဖြစ်မယ်ဆိုလို့ရှိရင် ဒီတပ်မတော်ကို တည်ထောင်ထားတဲ့ ရည်ရွယ်ချက်ဟာ အလကားပဲဖြစ်မယ်” ဟုလည်း သတိပေးခဲ့၏။ (၃၀-၁-၄၄)။


တိုင်းပြည်က ကိုးကွယ်ဆည်းကပ်ထိုက်သော ထူးချွန်သည့်တပ်မတော်ဖြစ်လာစေရန် အဆက်မပြတ် ကြိုးပမ်အားထုတ်နေရမည် ဖြစ်ပါသည်။ သို့သော် ထူးချွန်သဖြင့် ခေါင်းဆောင်မှုပေးရန် အထူးအခွင့်အရေးရှိသော လက်ရွေးစင်လူတစု ဖြစ်လာရမည် မဟုတ်ပါ။ တပ်မတော်သည် လူတဦးတယောက်အတွက်၊ တဖွဲ့၊ လူတစု၊ အပါတီအတွက် တည်ထောင်းထားခြင်းမဟုတ်ဘဲ တပြည်လုံးအတွက် တည်ထောင်ထားခြင်းဖြစ်သည်ဟု အောင်ဆန်းက ရှင်းလင်းပြတ်သားစွာ ပြောဆိုထားပါသည်။ ၎င်းတို့၌သာလျှင် ပြည်ချစ်စိတ်ရှိနိုင်သည်ဟူသော အယူအဆကို ခံယူထားကြသည့် စစ်မှုထမ်းများ၏ သေးသိမ်မှေးမှိန်သော အမြင်ကိုလည်း အောင်ဆန်းက ပယ်ချပါသည်။


“တခြား စစ်သားမဟုတ်ပေမဲ့ နိုင်ငံအတွက် အမျိုးမျိုးအနစ်နာခံ၊ အမျိုးမျိုးစွန့်စားလုပ်တဲ့ လူတွေလည်း ရှိတာပဲ။ အဲ့ဒါကြောင့် စစ်သားမှ စစ်သားဆိုတဲ့ စိတ်ဓာတ်သဘောထားကို ပြောင်းကြရမယ်” (၁၃-၃-၄၄)။


အောင်ဆန်းက စစ်သားများကို တင်းမာပြင်းထန်စွာ သတိပေးဆုံးမနေရသည့်အချက်မှာ တပ်မတော်ကို နှိမ်လိုသောကြောင့်မဟုတ်ဘဲ “ငါတို့ဟာ လက်နက်ကိုင်လူတွေဖြစ်ကြသော်လည်း မတရားမလုပ်၊ နိုင်ငံရဲ့ ရန်သူတွေမဟုတ်၊ နိုင်ငံရဲ့ မိတ်ဆွေတွေဖြစ်တယ်ဆိုတာ အားလုံးသဘောပေါက်အောင် ပြောပြခြင်းပဲ” ဟု ကိုယ်တိုင်မိန့်ကြားခဲ့ပါသည်။ (၁၃-၃-၄၄)။

တိုင်းပြည်၏ ဂုဏ်သိက္ခာဟူသည်မှာ ပြည်သူတို့၏ ဂုဏ်သိက္ခာဖြစ်သည်၊ ပြည်သူတို့၏ ဂုဏ်သိက္ခာသည် ၎င်းနှင့် ၎င်းစစ်သားများ၏ ဂုဏ်သိက္ခာနှင့် ခွဲခြား၍မရဟု အောင်ဆန်းက ယုံကြည်ထားပါသည်။ သူလိုလားသော စံပြလက်နက်ကိုင်တပ်ဖွဲ့ဆိုသည်မှာ စစ်မှုထမ်းတိုင်း၏ အပြုအကျင့်တို့သည် ၁၈ ရာစု နန်းတွင်းစာဆိုတော် လက်ဝဲသုန္ဒရ (၁၇၂၃-၁၇၉၉) ရေးသားဖွဲ့ဆိုထားသော နန္ဒိသေနပျို့ပါ သဘောတရားဖြင့် ပြည့်ဝနေမည်ဖြစ်သော တပ်ဖွဲ့ပင်ဖြစ်ရပေမည်။

စစ်နည်းဗျူဟာ၊ ဘယ်လိုသာလည်း
စွဲကိုင်လက်နက်၊ ဘယ်လိုထက်လည်း
ပြည်သူ့နှလုံး၊ မသိမ်းကြုံးလျှင်
ပြည်သူ့ခွန်အား၊ မကိုးစားလျှင်
ဓါးသွားလည်ကြွေ၊ လှံလည်းခွေအံ့။
(လက်ဝဲသုန္ဒရ၊ နန္ဒိသေနပျို့မှ)


လွတ်လပ်ရေးလှုပ်ရှာမှု အမြင့်မားဆုံးအဆင့်သို့ ရောက်ရှိလာသည်နှင့် ဗိုလ်ချုပ်အောင်ဆန်းသည် ပြည်သူ့စိတ်နှလုံးကို သိမ်းကြုံး၍၊ ပြည်သူ့အင်အားကို ကိုးစားကြောင်း ပို၍ သိသာထင်ရှားလာပါသည်။

“လူတဦးတယောက်သည် မည်မျှလောက် စွမ်းပကားရှိစေကာမူ လူထု၏ အားပေးရိုင်းပင်းမှုမရှိဘဲလျက် ရာဇဝင်တွင်လောက်သော လုပ်ငန်းမျိုးကို ဖြစ်မြောက်အောင် မဆောင်ရွက်နိုင်” ဟု ယုံကြည်သည့်အလျောက် လွတ်လပ်ရေးကြိုးပမ်းမှုတွင် ပြည်သူတို့ကို ၎င်းနောက်မှ မြဲမြံစွာ ကြံ့ကြံ့ခိုင်ခိုင် ရပ်တည်ကြပါရန် ပန်ကြားခဲ့ပါသည်။ မဟုတ်မမှန်သော ကတိများပေး၍၎င်း၊ မြှောက်ပင့်ပြောဆို၍၎င်း၊ ထောက်ခံမှုရယူသောနည်းကို ၎င်းက မသုံးပါ။

စစ်ကြောင့် အကြီးအကျယ်ပျက်စီးနေရသည့် မြေပေါ်တွင် လွတ်လပ်သော ကိုယ်ထူကိုယ်ထ တိုင်းနိုင်ငံကို တညီတညွှတ်တည်း ဝိုင်းဝန်းတည်ထောင်ရန် ၎င်းနှင့် ပြည်သူလူထုအကြား အပြန်အလှန်ယုံကြည်မှုနှင့် ရိုသေလေးစားမှုတို့၏ တခုတည်းသောအခြေခံမှာ ရိုးသားဖြောင့်မတ်ပွင့်လင်းမှုပင် ဖြစ်သည်ဟု ဗိုလ်ချုပ်အောင်ဆန်းက ယူဆပါသည်။ နိုင်ငံရေးတွင် လိမ်လည်လှည့်ဖြားမှု၊ ကောက်ကျစ်စဉ်းလဲမှုတို့ကို ဦးစားပေး ကျင့်သုံးနေခြင်းသည် ပြည်သူလူထုကို စော်ကားရာရောက်သည့်အပြင် မိမိ၏ သိက္ခာသမာဓိကိုလည်း ဖောက်ဖျက်ရာရောက်ပါသည်။ ပြည်သူပြည်သားအများစုသည် အသိတရားဖြင့် အမှားထက်အမှန်ကိုသာ တန်ဖိုးထားပြီး အမှားအမှန် ဝေဖန်ပိုင်းခြားနိုင်စွမ်ရှိသည်ဟု ယူဆ၍ အောင်ဆန်းက လုပ်ကိုင်ဆောင်ရွက်ခြင်းပင်ဖြစ်ပါသည်။

ယင်းယူဆချက်သည် မှားယွင်းခြင်းမရှိပါ။ ၎င်း၏ ကြိုးပမ်းမှုများကို ပြည်သူလူထုက အပြည့်အဝ နားလည်သဘောပေါက်ကြပြီး စည်းလုံးညီညာစွာ ထောက်ခံအားပေး၍ တုံ့ပြန်သဖြင့် ၁၉၄၇ ခုနှစ် ဧပြီလ၌ ကျင်းပသော ရွေးကောက်ပွဲတွင် ဖက်ဆစ်ဆန့်ကျင်ရေး ပြည်သူ့လွတ်မြောက်ရေး (ဖဆပလ) အဖွဲ့မှ ဝင်ရောက် ယှဉ်ပြိုင်သူအများစု အနိုင်ရခဲ့ပါသည်။ အောင်ဆန်းသည် အစိုးရအာဏာ၏ အဆင်အယင်၊ အဆောင်အယောင်များကို ဂရုစိုက်လှသူမဟုတ်သော်လည်း ပြည်သူတို့က ရွေးချယ်ထားသော ခေါင်းဆောင်ဆိုသည့်ဂုဏ်ကိုမူ ရိုးသားစွာမြတ်နိုးသူပင်ဖြစ်ပါသည်။ ခေါင်းဆောင်မှုတာဝန်များကို အောင်ဆန်း လေးလေးနက်နက် ခံယူထားပါသည်။ ခေါင်းဆောင်ဟူသည်မှာ သေရမည် သို့မဟုတ် ကဲ့ရဲ့ရှုတ်ချမည်ကို ကြောက်ရွံ့ခြင်းမရှိဘဲ မိမိမှန်သည်ဟု ယူဆသောကိစ္စကို သတ္တိရှိရှိဖြင့် လုပ်ကိုင်ရဲသဖြင့် လူထုက ယုံကြည်စွာ ပေးအပ်ထားသော အရာဖြစ်သည်ဟု အောင်ဆန်းက မြင်ပါသည်။

တိုင်းပြည်အပေါ်တွင်ထားရှိရမည့် ၎င်း၏ တာဝန်ဝတ္တရားများ ပျက်ကွက်ပါက ပေးထားသော ခေါင်းဆောင်မှုကို ပြည်သူက ပြန်လည်သိမ်းယူရမည်ဟုလည်း လက်ခံပါသည်။ ၎င်းနှင့် ၎င်း၏ အစိုးရအဖွဲ့ကို တိုင်းပြည်က ရိုသေလေးစားခြင်းမရှိတော့သောအခါတွင် ၎င်းတို့ ရာထူးမှ နှုတ်ထွက်မည်ဟု အောင်ဆန်းက ပြောသောအခါ အပြောသက်သက်မဟုတ်ဘဲ ဖျက်မည်မဟုတ်သော ကတိကို ပေးလိုက်ခြင်းဖြစ်သည်ဟု ပြည်သူတို့က သိရှိကြပါသည်။

အင်အားဆိုသည်မှာ တရားမျှတမှန်ကန်သော ဦးတည်ချက်အတွက် အသုံးပြုမှသာလျှင် တန်ဖိုးရှိသည်ဟု ယုံကြည်သော နိုင်ငံ့ခေါင်းဆောင် စစ်သည်တဦးအဖို့ ဂုဏ်သိက္ခာမရှိဘဲ အုပ်ချုပ်ခြင်းသည် နှစ်လိုဖွယ်ရာမဟုတ်ပါ။ ပြည်သူ့လူစွမ်းကောင်းဟူသည် ပြည်သူ၏ မျှော်မှန်းတောင့်တချက်ကို ကိုယ်စားပြုပါသည်။

လက်တွေ့ဘဝရှိ ခေါင်းဆောင်များမှာမူ ပြည်သူတို့၏ မျှော်မှန်းချက်များအား အကောင်အထည်ဖော်ပေးနိုင်မည့် အတိုင်းအတာကိုသာ ရောင်ပြန်ဟပ်နေကြပါသည်။ ကြုံခဲလှသော သမိုင်းအချိန်အခါများတွင် မျှော်မှန်းတောင့်တချက်နှင့် တကယ့်လက်တွေ့ဘဝတို့ တထပ်တည်း တိုက်ဆိုင်သွားသောအခါ၌ ပြည်သူလူထုသည် ကိုယ်ရောစိတ်ပါ အင်တိုက်အားတိုက် အစွမ်းကုန်လုပ်ဆောင်ကြပြီး အချင်းချင်း ညီညွှတ်ကြပါသည်။ ယင်းအချိန်အခါကို သတိရနေခြင်းဖြင့် သိက္ခာမဲ့၍ အောင်မြင်မှုခြောက်ခမ်းသော ကာလများတွင် အားမွေး၊ ဂုဏ်ယူနိုင်ပါသည်။ အောင်ဆန်းခေါင်းဆောင်သော တိုတောင်းလှသည့် ကာလအတွင်း၌ မြန်မာပြည်သူပြည်သားတို့သည် ၎င်းတို့ကိုယ်၎င်းတို့ ထိုက်ထိုက်တန်တန် ယုံကြည်အားကိုးခွင့်ရကြသူများတွင်ရှိသော မျှော်လင့်ချက်များ၊ လုပ်ချင်ကိုင်ချင်သော အင်အားများဖြင့် ပြည့်ဖြိုးနေကြပါသည်။ ၎င်းတို့၏ ဗိုလ်ချုပ်က ၎င်းတို့ကို စည်းကမ်းနှင့် လုံ့လဝိရိယမရှိဟူ၍ သူ့ဝသီအတိုင်း တုံးတုံးတိတိ ပြစ်တင်ကြိမ်းမောင်း ဆူပူသည့်အခါ၌ပင် ၎င်းတို့သည် စိတ်ပျက်ခြင်းမရှိကြဘဲ ဗိုလ်ချုပ်သည် မိမိ၏ ချို့ယွင်းချက်များကို မိမိကိုယ်တိုင် ပြင်ဆင်ရန် ဆန္ဒရှိသကဲ့သို့ ၎င်းတို့ကိုလည်း ၎င်းတို့၏ ချို့ယွင်းချက်များကို ပြင်စေလိုသည်ဟု အသေအချာသိရှိထားကြသဖြင့် ပို၍ပင် ကြိုးစားချင်စိတ် ပေါက်လာကြပါသည်။

“ဘဝဟူသည်မှာ အမှန်တရားနှင့် အပြစ်ကင်းစင်မှုကို ရှာဖွေသော မွန်မြတ်သည့် ခရီးစဉ်” ဟု အောင်ဆန်းက ယူဆထားပါသည်။ ဤသို့ ရှာပုံတော်ဖွင့်ရာတွင် သူနှင့်အတူ တိုင်ပြည်ကိုပါ သယ်ဆောင်သွားရန် ကြိုးစားခဲ့ပါသည်။ လက်တွေ့မကျလောက်အောင် မြင့်မားသည်ဟု ဆိုရလောက်သော ရည်မှန်းချက်များကို အကောင်အထည်ဖော်ရာ၌ အံ့ဩဖွယ်ရာအောင်မြင်မှုများသည် မြန်မာပြည်သူပြည်သားများ၏ အရည်အချင်းကို၎င်း၊ ပြောသည့်အတိုင်းလုပ်၍ သိက္ခာသမာဓိနှင့် ရိုးသားဖြောင့်မတ်မှုသည် လက်တွေ့နိုင်ငံရေး၏ ထိရောက်သော အခြေခံဖြစ်နိုင်ကြောင်းပြသခဲ့သော အောင်ဆန်း၏ စွမ်းရည်ကို၎င်း ဂုဏ်ပြုရာရောက်ပါသည်။

အောင်ဆန်းသည် စစ်သည်တော်တဦးဖြစ်သည့်အလျောက် တိုက်ခိုက်ရမည်ဆိုလျှင် အသေအချာတိုက်သူဖြစ်ပါသည်။ သို့သော် တိုက်ပွဲပြီးသောအခါတွင် ကြောက်ရွံ့ခြင်းမရှိဘဲ လက်နက်ကို ဘေးဖယ်ကာ ငြိမ်းချမ်းရေးလမ်းကို လိုက်ခဲ့သူ ဖြစ်ပါသည်။ ၎င်း၏ လက်ထဲသို့ နိုင်ငံရေးအာဏာ ရောက်ရှိလာသောအခါတွင်လည်း “ကျုပ်က မေတ္တာနှင့် သစ္စာကို ရှေ့ထားပြီး အုပ်ချုပ်မယ်” ဟု ဟန်မလုပ်ဘဲ ရိုးသားစွာပြောနိုင်သူပင်ဖြစ်ပါသည်။ ၎င်းအား ထောက်ခံသူများက ၎င်းသည် မိမိတို့၏ အသက်၊ မိမိတို့၏ ချမ်းသာမှုနှင့် မိမိတို့၏ ယုံကြည်မှုတို့ကို မဆင်မခြင် အကျိုးမဲ့အောင် လုပ်မည်မဟုတ်ဟု စိတ်ချနိုင်ကြပါသည်။

သူ၏ စကားအတိုင်း ဆိုရလျှင် အောင်ဆန်းသည် တိုင်းပြည်ကို “အရမ်းမဲ့ ဗြောင်းဆန်အောင်” လုပ်မည့် “နိုင်ငံရေး စတန့်မင်းသား” မဟုတ်ပါ။ ပြည်သူလူထုက ၎င်း၏ ခေါင်းဆောင်မှုကို ယုံကြည်မည်ဆိုပါက တနှစ်အတွင်း လွတ်လပ်ရေးကို အတတ်နိုင်ဆုံး ငြိမ်းချမ်းစွာရယူမည်ဟု ရဲရဲကြီး အာမခံခဲ့ပါသည်။ “ကျုပ်ဟာ ကျုပ်ကတိကို မဖျက်ခဲ့ဘူးဆိုတာ ခင်ဗျားတို့ သိတယ်မဟုတ်လား”။ ဤစကားကို ၁၉၄၈ ခုနှစ် ဇန္နဝါရီ (၄) ရက်နေ့တွင် ပြည်ထောင်စု မြန်မာနိုင်ငံအား လွတ်လပ်သော သမတနိုင်ငံဟု မကြေညာမီ (၁၁) လတိတိအလိုက ပြောခဲ့ခြင်းဖြစ်သည်။

တိုင်းပြည်လွတ်လပ်ရေးရသောအခါတွင် အောင်ဆန်း ကွယ်လွန်သွားပြီဖြစ်ပါသည်။ သူတပါးအား ဆင်ခြင်တုံတရားကို လက်ခံ၍ စိတ်ကောင်းစေတနာကောင်း အစစ်အမှန်ကို တုံ့ပြန်တတ်သော အသိဥာဏ်ရှိသည်ဟု ယူဆသည့် အခြေခံသဘောထားရှိသူ အောင်ဆန်းသည် အာဏာရရှိရေးကို ကိုယ်ကျင့်တရားထက်ပို၍ ဂရုပြုကြသော နိုင်ငံရေးပြိုင်ဖက်တို့၏ သစ္စာတရားကင်းမဲ့ခြင်း၏ ဒဏ်ကို ခံသွားရပါသည်။ မြန်မာပြည်အတွက် ၎င်းထားရှိသော ရည်မှန်းချက်များကို အကောင်အထည်ဖော်ရာတွင် ဂရုတစိုက်စဉ်းစားတွေးခေါ် အကြံဥာဏ်များထုတ်သကဲ့သို့ ၎င်း၏ ကိုယ်ရေးကိုယ်တာလုံခြုံမှုအတွက် ဂရုတစိုက်ရှိခဲ့ပါက အောင်ဆန်းသည် လုပ်ကြံသတ်ဖြတ်ခံရမည်မဟုတ်ဟု ပြောသူများရှိကြပါသည်။

သို့သော် သူသာ ထိုကဲ့သို့ ကိုယ်ကျိုးငဲ့သူဖြစ်ခဲ့ပါက “ခေါင်းဆောင်သည် နိုင်ငံ၏အင်အားဖြစ်သည်” ဟူသောထုံးကို အသက်သွင်းပေးလိုက်သော ဗိုလ်တကာ့ဗိုလ် မြန်မာပြည်သူပြည်သားများက ‘ငါတို့ ဗိုလ်ချုပ်’ ဟု သတ်မှတ်ထားသော ဗိုလ်အောင်ဆန်း ဖြစ်တော့မည် မဟုတ်ပါ။

xxxxxxxxxxxxxxxxxx
၂။မောင်အောင်ဆန်း ၏ ပွဲဦးထွက်သတ္တိ...
===================

ယခု တင်ပြမည့် ဆောင်းပါးတွင် ဗိုလ်ချုပ်အောင်ဆန်း၏ ကိုယ်ရေးအတ္ထုပ္ပတ္တိများတွင်၎င်း၊ အခြားသူများ ဟောပြော တင်ပြကြသော ဗိုလ်ချုပ်၏ အတ္ထုပ္ပတ္တိများတွင်၎င်း၊ မပါဝင်သေးသော အကြောင်းအချင်းအရာများကို ဖတ်ရှုရမည် ဟု ထင်မြင်မိပါသည်... လွန်ခဲ့သည့် အနှစ်လေးဆယ်ကျော်က အိုးဝေဂျာနယ်တွင် စည်သူကျော်ထင် ရေးသားခဲ့သော " မောင်အောင်ဆန်း ၏ ပွဲဦးထွက်သတ္တိ..." ဆောင်းပါးအား ပြန်လည် ကောက်နှုတ် ဝေမျှလိုက်ပါသည်.
ဗိုလ်ချုပ် အောင်ဆန်းငယ်ရွယ်စဉ် နတ်မောက်မြို့ ဦးသောဘိတ ကျောင်းသားဘ၀ မရောက်မီ ကလေးဘ၀က ကိုအောင်ဆန်းသည် တစ္ဆေ သရဲကို အလွန်ကြောက်တတ်ကြောက်တတ်ကြောင်း နတ်မောက်မြို့ပေါ်၌ ၀ါတွင်းတွင် အတီးအမှုတ် အကအခုန်တို့ဖြင့် အဖိတ်နေ့တိုင်း အလှူခံထွက်ရာ လူတစ်ယောက်က ဖိုးသူတော်ရုပ်ကြီးထဲဝင်ပြီး ကခုန်သည်ကိုမြင်လျှင်လည်း ကြောက်ရွံ့သဖြင့် အိမ်ခန်းတွင်းသို့ ၀င်ရောက် ပုန်းအောင်းနေတတ်ကြောင်း ၊ ကာကာ ဆိုင်သို့လာလျှင် ကာကာကုလားကိုလည်း ကြောက်သဖြင့် ကာကာဆိုင်သို့ပင် မသွားကြောင်း အစရှိသည့် ငယ်ရွယ်စဉ် ကလေးဘ၀ အကြောက်ကြီး ကြောက်တတ်ပုံတို့ကို " အောင်သန်း၏ အောင်ဆန်း" စာအုပ်တွင်၎င်း ၊ " အောင်ဆန်း မိသားစု" စာအုပ်တွင်၎င်း စာရှုသူများ တွေ့ဘူး ဖတ်ဘူးခဲ့ကြပေလိမ့်မည်...

ဤနေရာတွင် ကြောက်စိတ်ဟူသည် လူ့ဘ၀တလျောက်လုံး လူ့ခန္ဓာအတွင်း၌ ရာသက်ပန် ကိန်းအောင်း တည်ရှိ နေနိုင်သော အခြင်းအရာမျိုး မဟုတ်ကြောင်း ပြောကြားလိုပါသည်.. ကြောက်လျှင်လွဲ ရဲလျှင်မင်းဖြစ် ကြောက်မွေးပါ ဇာဂနာ ဖြင့်နှုတ် ဟူသော စကားနှင့် အညီ ကြောက်စိတ်ကို ရဲစိတ်ဖြင့် တွန်းလှန်ချေမှုန်းပစ်လျှင် လုံးဝကင်းစင် ပပျောက်ပြီး အာဇာနည် သူရဲကောင်းဘ၀သို့တိုင် ရောက်အောင်ပင် တက်လှမ်းနိုင်တတ်ပေသည်။ ကြောက်သွေးဟူသမျှကို ရဲဆေးဖြင့် သုတ်သင်ဆေးကြောပစ်နိုင်သဖြင့် မြန်မာ့လွတ်လပ်ရေးကို လက်ဝယ်ပိုင်ပိုင် အနိုင်ရအောင် တိုက်ယူနိုင်စွမ်းရှိခဲ့သည်ကို ဗိုလ်ချုပ်အောင်ဆန်းကိုယ်တိုင်က သက်သေထူလျက်ရှိပေသည်။ ရဲသွေး ရဲမာန် နှင့် သတ္တိ ဗျတ္တိ ဟူသည် လေ့ကျင်ပျိုးထောင်၍ ရနိုင်ကောင်းသော အခြင်းအရာမျိုးဖြစ်ပေသည်။ ထိုသို့သော သတ္တိမျိုးကို ဗိုလ်ချုပ်အောင်ဆန်း ကောလိပ်ကျောင်းသား ဖြစ်ပြီးကာစ အသက်(၁၇)နှစ်သား အရွယ်က လေ့ကျင့်ပျိုးထောင်ခဲ့ပေသည်။

ကိုအောင်ဆန်း မည်သို့ လေ့ကျင်ပျိုးထောင်ခဲ့ပါသနည်း.....

အချိန်ကား မြန်မာလွတ်လပ်ရေး ဗိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟူ၍ နိုင်ငံဥသျှောင်ကြီးတဆူဖြစ်လာမည့် ကျောင်းသားကိုအောင်ဆန်းသည် ရန်ကုန်တက္ကသိုလ်တွင် အိုင်အေဂျူနီယာ (ခေါ်) ဥပစာအောက်တန်း (ထိုစဉ်က ပထမနှစ် မခေါ်သေး)တွင် တစ်နှစ်တာ ပညာသင်ကြားပြီး၍ အတန်းတင်စာမေးပွဲများ ဖြေဆိုပြီးကာ နွေရာသီ ကျောင်းပိတ်ရက်အရောက်တွင် နတ်မောက်မြို့ရှိ မိခင်ကြီးအမေစုထံသို့ ပြန်ရောက်လာသော အခါသမယပေတည်း ....

နတ်မောက်မြို့ကလေးသည် တောမြို့ကလေးတမြို့ ဖြစ်ရကား ထိုစဉ်က မြို့ပေါ်ရှိ များစွာသော အမျိုးသမီးကြီးများသည် အားလပ်သောအချိန်များတွင် တစ္ဆေ မှင်စာ သရဲသဘက် ဘုတ် ပြိတ္တာ စသည်တို့၏ အကြောင်းကို ဒဏ္ဍာရီ ပုံပြင်များ သဖွယ် အကျယ်ချဲ့ကာ ပြောလေ့ ပြောထ ရှိတတ်ကြပေ၏။ ထို့အတူ နတ်မောက်မြို့ အရှေ့ပိုင်းရပ်ရှိ အမေစု ၏ အိမ်ဝန်းကျင်မှ ဒေါ်ကြီး ဒေါ်လေးတို့သည်လည်း ထိုသို့သော သရဲသဘက်ပုံပြင်များကို အားပါးတရ လျှာလိပ်ပါးလိပ် ပြောကြလေရာ ကိုအောင်ဆန်းအဖို့ ထိုဒဏ္ဍာရီဇာတ်လမ်းများကို မကြားချင်အဆုံး ဖြစ်၍နေလေတော့သည်။

မည်သို့ပင် နားလျှံအောင် ကြားရသော်လည်း ကိုအောင်ဆန်းအဖို့ ယင်းသို့သော နာနာဘာဝ များကို အကောင်အထည်နှင့်တကွ တွေ့မြင်ရခြင်း မရှိသဖြင့် လုံးဝအယုံအကြည် မရှိခဲ့ပေ။ ပူအိုက်လှသော နွေရာသီ နေ့တစ်နေ့တွင် ကိုအောင်ဆန်းသည် ဦးသောဘိတ ကျောင်းတွင်နေစဉ်က သူနှင့် ကျောင်းနေဘက်သူငယ်ချင်းများဖြစ်ခဲ့ကြသော ကြွက်ကဒိုး (ကုန်သည်ကြီး ဦးဘအေး) ၊ ဖိုးနီ(ကျောင်းဆရာ ဦးဖိုးနီ)၊ မောင်ညာ(ကုန်သည် ဦးညာပွား)၊ မောင်ညို(မြွေအလမ္ပယ်ဆရာ ဦးညို) နှင့် ရန်ဒါး (ယခုရန်ကုန်မြို့ ကမာရွတ်တွင်နေထိုင်သူ ကပေါင်းကုန်းကြီးရွာသား ရန်ဒါး) စသော သူငယ်ချင်းများ နှင့် ဂျင်းသုပ်သည် ဒေါ်စော အိမ်တွင် စုဝေးကာ ထွေရာလေးပါး စကားစမြည်များ ပြောဆိုလျှက် နေကြပေ၏ ..

ထိုလူစုအနက် ကိုအောင်ဆန်းက စတင်၍ ..

ဆန်း ... ဒီလောကမှာ တစ္ဆေ သရဲရှိတယ်ဆိုတာ မင်းတို့ ယုံကြသလား ..ငါတော့ လုံးဝ မယုံဘူး .. ဒါကြောင့် .. ငါ ဒါတွေကို ကြောက်လဲ မကြောက်ဘူး ..ဂရုလဲ မစိုက်ဘူး...

ထိုစကားကို ကြားလျှင် ၎င်းတို့တွင် အသက်ကြီးဆုံးဖြစ်သူ ကြွက်ကဒိုးက ကြားဝင်၍..
ဒိုး ...... မယုံ မရှိနဲ့ မောင် ..တခါက ငါ့ကို မြို့ရဲ့ အရှေ့ဖျားက မယ်စာပင် ခေါ်တဲ့ သရက်ပင်ကြီးအောက်က သရဲခြောက်လို့ ပြေးလိုက်ရတာ တင်ပါး နဲ့ ဖ၀ါး တသားထဲကျသွားတာပဲ ..

ဆန်း .... အဲဒါ သရက်ပင်အောက် ခွေးတစ်ကောင်က မင်းကိုမြင်လို့ လန့်ပြေးတာ ..မင်းက သရဲခြောက်တယ်ထင်ပြီး ထွက်ပြေးတာ ဖြစ်မှာပေါ့ .. သရဲဆိုတာ တကယ် မရှိဘူး ...

ထိုသို့ ကြွက်ကဒိုး နှင့် ကိုအောင်ဆန်းတို့ ဆွေးနွေးပြောဆိုနေကြသည်ကို ကြားလျှင် ပျော်ပျော်နေတတ်သူလည်းဖြစ်၍ သူငယ်ချင်းတစ်စု လူရည် အလည်ဆုံးလည်း ဖြစ်သော မောင်ညာက မျက်နှာမဲ့ရွဲ့ကာဖြင့် ...
ညာ .... အောင်ဆန်း မင်း တစ္ဆေ သရဲ ရှိတယ်ဆိုတာကို တကယ် မယုံဘူးလား...
ဆန်း ... လုံးဝ မယုံဘူး ..ရှိလဲ မရှိဘူး ... ဒါကြောင့် ကြောက်စရာလဲ မလိုဘူး .....

ညာ ..... ကောင်းပြီ..ဒီလိုဆိုရင် ည(၁၀)နာရီအချိန်လောက်မှာ မင်းတစ်ယောက်တည်း သင်္ချိုင်းကို သွားရဲလား ..
ဆန်း ... သွားရုံမက .. ဟိုဘက် ဆယ်ဘူတာလောက်လွန်သွားသေးတယ်..ငါသွားရဲရင်..မင်းတို့က ငါ့ကို ဘာများ ဆု ပေးကြမလဲ ...

ညာ ... မင်း သွားရဲရင် မင်း ရန်ကုန်ကောလိပ်ကျောင်း အပြန်မှာ နတ်မောက်-ရန်ကုန် မီးရထား မထမတန်း လက်မှတ်ကို ဒို့တတွေက စုဝယ်ပေးမယ် ..ကဲ ဘယ်နှယ့်လဲ ..
ဆန်း ... ကောင်းပြီ..စိန်လိုက်..

ညာ .... မင်း .. ဒီည (၁၀)နာရီ တိတိမှာ မြို့လည်ခေါင်ဝတ်ဇရပ်နားက ဂုံးတံတားက စထွက်ပြီး သင်္ချိုင်းအလယ်မှာရှိတဲ့ မင်းဖခင် ဦးဖာရဲ့ အုတ်ဂူပေါ်မှာ ဦးဖာရဲ့ သက်စေ့ ဖရောင်းတိုင် ထွန်းညှိရမယ်..ဖရောင်းတိုင် အားလုံးထွန်းပြီးရင်
ဒီတံတားကို ပြန်လာရမယ်.. ဒီတံတာမှာ ဒို့ အသင့်စောင့်နေမယ်.. မင်းပြန်ရောက်ရောက်ခြင်း မင်းတကယ် လုပ်မလုပ် ဒို့အားလုံး ပြန်သွားကြည့်မယ်..မင်းသွားရင်တော့ အဖော်တစ်ယောက်မှ ခေါ်မသွားရဘူး ..

ဆန်း.... ကောင်းပြီ..ည(၁၀)နာရီ ငါ့အဖေရဲ့ အုတ်ဂူပေါ်မှာ သက်စေ့ဖယောင်းတိုင်(၆၄)တိုင် နဲ့ မီးညှိဘို့ မီးခြစ်သာ အဆင်သင့်ပြင်ထားကြ .. ငါလာခဲ့မယ်.. ဒီတချီတော့ တစ္ဆေ သရဲ ယုံတဲ့ မင်းတို့တတွေကို ငါ ကျွတ်အောင် ချွတ်ပြမယ်...

ထိုနေ့ညဦးစောစောကပင် ကြွက်ကဒိုး၊ ဖိုးနီ၊ မောင်ညာ ၊ မောင်ညို နှင့် ရန်ဒါး တို့သည် ဒီပင်္ကရာကျောင်းတိုက်အနီးမှ ကုန်စုံဆိုင်ဖြစ်သော ကြတ်တန်ဘိ ခေါ် ကိုမောင်ကလေး၏ ကုန်မျိုးစုံဆိုင်မှ ဦးဖာသက်စေ့ ဖယောင်းတိုင်(၆၄)တိုင်နှင့် မီးထွန်းညှိရန် မီးခြစ်တို့ကို အဆင်သင့်ဝယ်ယူထားပြီး အဆိုပါ တံတားထိပ်မှ စောင့်ဆိုင်းလျက်နေကြလေသည်..

ည(၁၀)နာရီထိုးရန် ၁၅ မိနစ်အလိုတွင် ကိုအောင်ဆန်း ရောက်၍ လာပါချေပြီ ...ည(၁၀)နာရီ သံချောင်းခေါက်သည်နှင့် တပြိုင်နက် ကိုအောင်ဆန်းသည် ကတိအတိုင်း ဖခင်၏ သက်စေ့ဖယောင်းတိုင် (၆၄)တိုင် နှင့် မီးခြစ်တို့ကို ယူဆောင်ကာ နတ်မောက်မြို့ အနောက်ဖက်ရှိ သုဿာန်သို့ တယောက်တည်း ချက်ခြင်း ထွက်သွားလေသည်.. ကိုအောင်ဆန်းသည် ဥပါဒါန်လည်းမကပ် စိုးစဉ်းမျှလည်း တုန်လှုပ်ခြောက်ခြားခြင်း မရှိဘဲ သုဿာန် သင်္ချိုင်းသို့သွားကာ ဖခင်ဦးဖာ၏ အုတ်ဂူပေါ်တွင် သက်စေ့ဖယောင်းတိုင်(၆၄)တိုင်ကို စိမ်ပြေ နပြေ ထွန်းညှိလေတော့သည်..

ထွန်းညှိပြီးနောက် သူငယ်ချင်းများစုဝေးရာ မြို့လယ်တံတားသို့ ပြန်ရောက်ချိန်တွင် ည(၁၁)နာရီ ထိုးသည့် သံချောင်းပင်ခေါက်လေပြီ.. ထိုအခါတွင် မှ ကျန် သူငယ်ချင်းငါးယောက်တို့သည် ကြည့်ရှု စစ်ဆေးရန် ဓါးများ၊ လှံများကို ကိုင်ဆောင်၍ သွားကြည့်ကြသည်.. ဓားလှံများ ယူဆောင်သွားရခြင်းမှာ တစ္ဆေ သရဲရှိသည်ဟု ယုံကြည်သူများဖြစ်ကြ၍ ရင်ဆိုင်တွေ့ရလျှင် ခုခံရန် ယူဆောင်သွားကြခြင်းဖြစ်သည်..

ကိုအောင်ဆန်းသည် သူငယ်ချင်းများ ပေးလိုက်သော ဖယောင်းတိုင် တစ်ခုမကျန် အကုန် ထွန်းညှိခဲ့ကြောင်းတွေ့ရပြီး မြို့လယ်တံတားသို့ ပြန်လာကြလေသည်..။

သူငယ်ချင်း ငါးယောက် ကိုအောင်ဆန်း နှင့် ပြန်လည်ဆုံတွေ့ကြသောအခါ မောင်ညာကစတင်၍..
ညာ..... မောင်ရင့် သတ္တိကျု ကိုယ်တို့တကယ် ချီးကျူးပါတယ်...မောင်ရင် ငယ်စဉ်ကနဲ့..ခုနဲ့ ..ပြဒါးတလမ်း သံတစ်လမ်းဘဲ..
ဆန်း... မင်းတို့ကို ငါပြောထားသားဘဲ.. တစ္ဆေ သရဲဆိုတာ တကယ်မဟုတ် လံကြုတ်တွေရဲ့ လုပ်ဇာတ်ပါလို့...

ညာ..... မောင်ရင် လက်တွေ့ ပြပေလို့ ..တို့တွေလဲ အမှန်ကို လက်တွေ့သိရပြီ.မောင်မင်းကြီးသား ရန်ကုန်ပြန်တဲ့အခါ ပထမတန်းလက်မှတ်ကိုသာ မကပဲ ပါသမျှ အထုပ်အပိုးတွေကိုပါ ကိုယ်တို့တတွေ ထမ်းပြီ ရထားပေါ်တင်ပေးပါ့မယ်..

ဆန်း... ဒါတွေကို အသာထားစမ်းပါမောင်ညာ ..ရှင်းရှင်းပြောရရင် မင်းတို့ အယူမှားတွေကို ဒီတချီ ငါ အကျွတ်ချွတ်လိုက်ရလို့ ကျေနပ်တယ်ကွာ...

အထက်ပါ အဖြစ်သနစ်ကို သေချာစွာ အကဲခတ်သည်ရှိသော် ကိုအောင်ဆန်းသည် ငယ်ရွယ်စဉ်က မည်မျှပင် ကြောက်တတ်သည် ဟု ဆိုစေကာမူ ကျောင်းသားဘ၀ရောက်ရှိပြီး အဆိုး အကောင်းကို အကျိုး အကြောင်းနှင့် တကွ ဆင်ခြင် စဉ်းစားလာတတ်သောအရွယ်တွင်မူကား ကြောက်မွေးဟူသမျှကို ဇာဂနာဖြင့် အပြောင်အစင် သုတ်သင် နှုတ်ပါယ်ပြစ်ကာ ရဲစိတ် ရဲမာန်တို့ တဖွားဖွား ပေါ်ပေါက်လာအောင် ပြုစုပျိုးထောင်မွေးမြူနိုင်ပြီး အမိမြန်မာနိုင်ငံကြီး သူ့ ကျွန် ဘ၀မှ လွတ်မြောက်လာသည်အထိ စွမ်းစွမ်းတမံ ခေါင်းဆောင်တိုက်ခိုက်ကာ လွတ်လပ်ရေး အောင်ပန်းကို ဆွတ်လှမ်းပေး ခဲ့ကြောင်းကို ပြည်သူအပေါင်းတို့ အသိပင် ဖြစ်ချေသည်...။

စည်သူကျော်ထင်(အိုးဝေဂျာနယ်)
credit... တို့ဗမာအစည်းအရုံး Dobama Asiayone
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
၃။ကိုယ်တွေ့ သခင်အောင်ဆန်း
(ညိုမြ)


ဗိုလ်ချုပ်အောင်ဆန်း နှင့် မောင်သုမန တို့ မှာ ကျောင်းနေဘက် သူငယ်ချင်း အရင်းအချာများ ဖြစ်ကြ ပေသည်။ ကျောင်းနေဘက် ဟု ဆိုရာ၌ ပုဆိုးကွင်းသိုင်းလျက် ဖင်မလုံခေါင်းမလုံ ဘုန်းကြီးကျောင်း တွင် ခုံညင်း ထိုးခဲ့ကြခြင်း မဟုတ်ပေ။ မြန်မာပြည် ၌ အကြီးကျယ်ဆုံးဖြစ်သော အဓိပတိ ထိပ်သီးဧရာမ ရန်ကုန် တက္ကသိုလ်ကြီး ၌ စာပေအတူသင်ကြားနေထိုင်ခဲ့ကြရာမှ သူ နှင့် ကျွန်တော် ပူးပေါင်း၍ ထိုကျောင်းတော်ကြီး ကို မီးရှို့ ကာ ၁၉၃၆ခု သပိတ်ကြီးအား လှုံ့ဆော်ပေါ်ပေါက်စေခဲ့သူများ ဖြစ်ကြပေသည်။

ကိုအောင်ဆန်း နှင့် ကျွန်တော် စတင်တွေ့ဆုံပုံကို ယနေ့တိုင် မှတ်မိပါသေးသည်။ ပဲခူးကျောင်းဆောင် အပေါ်အထပ် ရှိ ကျွန်တော်၏ ၀မ်း ကွဲအစ်ကို ကိုတင်ထွတ် နေထိုင်ရာ လက်ထောက် အဆောင်မှူး အခန်း ရှည် ကလေး အတွင်း တစ်ည၌ စကားပြောနေကြစဉ် ကိုအောင် ဆန်း ရုတ်တရက်ဝင်လာသည်။ ယောင်လည်လည် မချိုမချဉ် မျက်နှာထားဖြင့် ကျွန်တော်အား သူက အတန်ကြာ ကြည့်နေပြီး နောက် ''ဒီနှစ် အတွင်း ကိုယ့်လူ ကိုိ တက္ကသိုလ် သမဂ္ဂ မှာ အယ်ဒီတာအဖြစ် နဲ့ ခန့်ထားချင်တယ်'' ဟု ပြောလေ တော့သည်။

ထိုနေ့ မတိုင်မီက သူနှင့် ကျွန်တော် ကောင်းစွာ သိကျွမ်းခြင်းမရှိခဲ့ပေ။ ထိုသို့ရင်းနှီးခြင်း မရှိပါဘဲလျက် ယခု လို အရေးကြီးသော အလုပ်တစ်ခုကို ကျွန်တော်အား ယုံကြည်စွာ လာရောက် ပုံအပ်ခြင်း ကြောင့် အတော်ပင် အံ့သြ သွားမိ လေသည်။

သုမန ။ ။ ထိုင်ပါဦးဗျ၊ အခုလို ကျွန်တော့်ကို ရွေးချယ်ချီးမြှင့်တာကတော့ ဟုတ်ပါပြီး။ ၀မ်းသာပါတယ်။ ဒါပေမယ့် ကျွန်တော်က အိုင်အေတောင် မအောင်သေးဘူးဗျ။ အယ်ဒီတာ ဆိုတာ ဘီအေ အထက်တန်း ကျောင်းသားကြီး တွေ ဘာတွေသာ လုပ်ဖို့ကောင်းတယ်''

ကိုအောင်ဆန်း ။ ။''စာပေဘက်မှာ ၀ါသနာပါပြီး ရေးတတ်ဖတ်တတ် တဲ့ လူကိုခန့်ရင် အကောင်းဆုံး ပဲ။ ခင်ဗျား က (ညိုမြ) ကလောင်အမည်နဲ့ ဂန္တလောက မဂ္ဂဇင်းမှာရေးတဲ့ စာ တွေကို ကျွန်တော်ကြိုက်တယ်''

သုမန ။ ။ကျေးဇူးပါပဲဗျာ၊ နို့ပေမယ့် အိုင်အေ မအောင်သေးတဲ့ ချာတိတ် ကို ခန့်ရင် တက္ကသိုလ် သမဂ္ဂကြီး တစ်ခုလုံး ဂုဏ်ငယ် သွားလိမ့်မယ်''

ထိုအချိန် က တက္ကသိုလ်မှ ထုတ်ဝေသော ကောလိပ်မဂ္ဂဇင်း နှင့် သမဂ္ဂမှ ထုတ်ဝေသော မဂ္ဂဇင်းတို့မှာ အပြိုင် အဆိုင် ဖြစ်လေသည်။ ကောလိပ် မဂ္ဂဇင်းအယ်ဒီတာ ကို ကျောင်းအုပ်ကြီး မစ္စတာစလော့ ကိုယ်တိုင် ရွေးချယ် ခန့်ထားလေ့ရှိသဖြင့် အလိုတော်ရိသံ ပါလေသည်။ သမဂ္ဂမှာကား လူဆူလူပူတို့၏ စုဝေးရာ အရပ် ဖြစ်၍ တော်လှန်ရေးစာပေများ မွေးထုတ်ရာဌာန ဖြစ်၏ ထိုနှစ်အဖို့သမဂ္ဂဥက္ကဋ္ဌ မှာ သခင်နု ဖြစ်လေသည်။

ကိုအောင်ဆန်း မှာ ကျွန်တော်နှင့် ရွယ်တူဖြစ်သော်လည်း သူက ကျွန်တော်ထက်တစ်တန်းပိုမြင့်၏ ထိုကြောင့် သူပင် အယ်ဒီတာ လုပ်ရန် ကျွန်တော်က မဂ္ဂဇင်းမန်နေဂျာလုပ်ရန် သဘောတူညီကြ၏ သမဂ္ဂ မဂ္ဂဇင်း ဟု ခေါ်တွင်ခြင်း ကို သူက မကြိုက်သဖြင့် နာမည်အသစ် ရွေးချယ်ကြရာ၌ ကျွန်တော်က အကြံပေးသည့် အတိုင်း ' အိုးဝေမဂ္ဂဇင်း' ဟူသော အမည်ဖြင် ထိုနှစ်မှစ၍ ထုတ်ဝေခဲ့ကြလေသည်။

အိုးဝေမဂ္ဂဇင်း
ကိုအောင်ဆန်းကား စာပေါသနာပါ၏ သူများလို ၀တ္ထုများ၊ ကဗျာများ ရေးချင် ကြောင်း ကျွန်တော် အား ပြောဖူးပါ၏ သို့သော် ကျွန်ဘ၀မှ လွတ်မြောက်ရေးစိတ်ဓာတ်များနှင့် အထူးလွှမ်းမိုး နေသူဖြစ်ရကား ဆန်းသစ်နုယဉ် စာပေများကို ရေးသားလေ့ကျင့်ရန် အချိန်မရဘဲ သမဂ္ဂ၏၀ါဒ ထုတ်ပြန်ချက် ကြေငြာ စာတမ်း များကို ရေးရခြင်းဖြင့် အချိန်ကုန်သူဖြစ်သည်။ အိုးဝေ မဂ္ဂဇင်း ကို အတူလုပ်ကြရာတွင် အမြဲနီးကပ်စွာ တိုင်ပင်နိုင်ကြရန် ကိုအောင်ဆန်းသည် ကျွန်တော် ၏ ထမင်းစားပွဲ သို့ ပြောင်းရွှေ့လာကာ ထိုအချိန်မှစ၍ ထမင်းအတူတူ စားသောက် ခဲ့ကြလေသည်။

သခင်သန်းထွန်း
ထမင်းအတူ စားကြရာတွင် ကိုအောင်ဆန်းမှာ ကျွေးသမျှဟင်းနှင့် တင်းတိမ် ရောင့်ရဲတတ်သည်။ အခြားသူများ အတွက် ဘာမှ မကျန် အောင် အစားကြီးသူ မဟုတ်ပေ။ ထိုအခါက သခင်သန်းထွန်းသည် ကုလား ကျောင်းတစ်ခု ၌ ကျောင်းဆရာ လုပ်လျက်ရှိရာမှ ထမင်း၀၀ မစားရ၍ လားမသိ၊ ကျွန်တော်တို့၏ ထမင်းစားပွဲ သို့ မကြာ ခဏ လာ၍ စားတော် ခေါ်တက်ပေသည်။ ထို့သိုဧည့်သည်များ လာသော အခါ တရုတ်ဆိုင် မှ ဟင်းများအပိုမှာယူကာ ကျွန်တော်နှင့် ကိုအောင်ဆန်းတို့က ဝေခွဲ၍ ဒကာခံရ စမြဲပင်။ (ဘုရားလည်းပြီး- ပြည်ကြီးလည်းပျက်) ဆိုသော စကားပုံကဲ့သို့ ကျွန်တော်တို့နှစ်ဦး တကုပ်ကုပ် လုပ်ကိုင် ခဲ့ကြသော အိုးဝေမဂ္ဂဇင်း ထွက်လာသောအခါ တစ်ကျောင်းလုံး ပွက်လောရိုက်လျက် ရာဇ၀င်တွင်သော ၁၉၃၆ ခု၊ တက္ကသိုလ်သပိတ်ကြီးမှောက်သွားတော့၏။

ကျောင်းသားအုံကြွချိန်
ထိုနှစ်က သမဂ္ဂဥက္ကဋ္ဌရာထူးကို သခင်နု ရချိန်မှ စ၍ (ဒီနှစ်တော့ သပိတ်မှောက်ကြ လိမ့်မယ်) ဟု ကျောင်းသား အများပင် ထင်ကြေးပေးခဲ့ကြ၏ ကျွန်ပညာနှင့် မျက်နှာဖြူ ဆရာများ ကိုလည်း အနှစ်နှစ် အလလ က မုန်းတီးခဲ့ကြရာမှ ထိုနှစ် တွင် ကျောင်းသားအများအုံပွင့်ကာ ရဲရဲဝံ့ဝံ့ အတိုက်အခံ ပြုလုပ်ကြချိန် ဖြစ်ပေသည်။

နယ်ချဲ့တိုက်ဖျက်ရေးမှာ နိုင်ငံရေးနယ်ပယ်မှ ကျောင်းသား လောကသို့ ကူးစက်လာ၏ တက္ကသိုလ် ၌ အလိုတော်ရိ ကျောင်းသားများကို အထူးအခွင့် အရေးများပေး၍ မျိုးချစ်စိတ်ရှိသော ကျောင်းသား များကို အထူးဖိနှိပ်သော စနစ် မှာလည်း တစ်နေ့တစ်ခြား ဇက်ရဲ လာချိန်ဖြစ်ပေသည်။

တက္ကသိုလ် ပညာ ကို မရမက ဆည်းပူးလို၍ မိဘများက အထူးခြိုးခြံထောက်ပံ့ခဲ့သော ကျောင်းသား အချို့ တို့မှာ လူဖြူဆရာ အား (ဆာ)ဟု မထူး၍သော်လည်းကောင်း၊ ကျောင်းတက်ရက်မမှန်ဟု ဆို၍ သော် လည်းကောင်း ဘာမဟုတ်သော ပြစ်ချက်တို့ဖြင့် မတရား အပြစ်ရှာကာ တစ်ချက်လွှတ် ကျောင်းထုတ် ခံကြရချိန် ဖြစ်ပေသည်။ နောက်ဆုံး၌ ကျောင်းအုပ်ကြီး ဒီဂျေစလော့ အထူး မျက်မုန်းကျိူးသူ သခင်နု ကို လည်း ဆရာများ ကို ပုတ်ခတ်သော မိန့်ခွန်းများပြောသည်ဟုဆိုကာ ကျောင်းထုတ်လိုက် ပြန်လေသည်။

ထို့ကြောင့် ကျောင်းသားများ တလှုပ်လှုပ်တရွရွ ဖြစ်နေချိန် ၌ အိုးဝေမဂ္ဂဇင်း ပေါ်ထွက်လာကာ ဒီဂျေစလော့ တို့ လူစု အား အပြင်းအထန် ဆော်ထည့်လိုက်ရာ တစ်ကျောင်းလုံး ဇောက်ထိုးမိုးမျှော်ဖြစ်သွားခြင်း ဖြစ်လေ သည်။

မှတ်မိသေးသည်
အိုးဝေမဂ္ဂဇင်း မထွက်ခင်တစ်ရက်က ကိုအောင်ဆန်းနှင့် ကျွန်တော်တို့သည် စာပုံနှိပ်တိုက် သို့ သွားကာ စာအုပ်များ အချိန်မီ ချူပ်လုပ်ပြီးစေရန် ကုလားများကို ချော့မော့လျက် ကူညီ လုပ်ပေး ကြ၏ ညနေ ၆နာရီလောက်တွင် အားလုံးပြီးစီး၏ ထို့ကြောင့် ကျွန်တော်တို့ နှစ်ယောက်မှာ ၀မ်းသာ အားရ နှင့် မကြုံစဖူး အထူးဇိမ်ခံကာ တက္ကစီကားတစ်စင်း ငှား၍ စာအုပ်ထုတ်များတင်ဆောင်ပြီး လေညှင်းခံ လျက် ကျောင်းသို့ပြန်ခဲ့ကြလေသည်။ သမဂ္ဂတိုက်သို့ မ၀င်မီ ကျွန်တော်တို့နှင့် အလွန် ရင်းနှီး ခင်မင် သော အင်္ဂလိပ်စာ ပါမောက္ခ မစ္စတာရုတ်စ် အိမ်သို့ ၀င်ကာ အိုးဝေတစ်အုပ်ကို ဦးဦးဖျားဖျား လက်ဆောင် ပေးကာ သူ့ထံမှ ဘိလပ်ရည်များ တောင်းသောက်ခဲ့ကြသေး၏။

ထိုကားပေါ် တွင် မဂ္ဂဇင်း စာအုပ်များတင်လျက် လေညှင်းခံကာ လိုက်ပါလာသော ကိုအောင်ဆန်းနှင့် ကျွန်တော် ကား နက်ဖြန် မဂ္ဂဇင်း ထွက်လျှင် ဗုံးပေါက်ကွဲသလို တစ်ကျောင်းလုံး တစ်ပြည်လုံး ဂယက်ရိုက် သွားမည် ကို လားလားမျှ မမျှော်လင့်ခဲ့ကြပေ။ ထိုမဂ္ဂဇင်း စာအုပ်များ တင်ဆောင်လာခြင်းမှာ အမှန်အားဖြင့် လုံးဝ ပေါက်ကွဲစေတက်သော လက်နက်ပုန်းများကို ခိုးယူတင်ဆောင်လာသကဲ့သို့ပင် ဖြစ်လေသည်။ သို့သော် ကလောင်တည်း ဟူသော လက်နက်ဖြင့် ထိုသို့ပေါက်ကွဲစေမည့် ဆောင်းပါးကို စီစဉ် ရေးသား လိုက်သော တရားခံဖြစ်သူ ကျွန်တော်ပင်လျှင် မိမိ၏ လက်နက်ကြောင့် ဤမျှပြင်းထန်စွာ ပေါက်ကွဲ လိမ့်မည် ဟု မထင်မိခဲ့ပေ။

ထိုဆောင်းပါး မှာ အင်္ဂလိပ်ဘာသာဖြင့် တိုတိုတုတ်တုတ်နှင် နာမည်ဝှက်ကာ ရေးလိုက်သော ဆောင်းပါး ဖြစ်၏ ထိုအချိန်က ကျောင်းအုပ် စလော့နှင့်ကပ်ကာ မျိူးချစ်ကျောင်းသားများကို အထူး ချောက်တွန်း နေသော ဆရာတစ်ဦး အား ကျွှန်တော် က ငရဲခွေးနှင့် နှိုင်းယှဉ်ကာ ပက်ပက်စက်စက် ဆော်ထည့်လိုက်၍ ပေါက်ကွဲလေပြီ။

ထိုဆောင်းပါး ကို ရေးရာ၌ ကျွန်တော်သည် တက္ကသိုလ်တွင် ရှုပ်ထွေးနေပုံတို့ကို အတွင်းသိတစ်ဦး ဖြစ်သည့် အလျောက် ကလောင်ရှင်တို့၏ ၀တ္တရားအတိုင်း ဆော်သင့်သောသူကို ထုတ်ဖော် ဆုံးမလိုက် ခြင်း ဖြစ်ပေသည်။ မည်သူမျှ ကျွန်တော်အား မြှောက်ပေးခြင်း မရှိပေ။ ကျောင်းသားနှင့် ဆရာတိုက်ပွဲတွင် သခင်နု နှင့် တကွ မျိုးချစ်ကျောင်းသား ၁၁ဦးတို့မှာ ကျောင်းအုပ်ကြီး၏ အာဏာပြင်းထန် မှုကြောင့် ကျောင်းထွက် ရခြင်း တည်း ဟူသော ဒဏ်ရာများရရှိလျက် နေလေပြီ။ အခြားကျောင်းသားများလည်း တစ်ဗိုလ် ကျရင် တစ်ဗိုလ်တက် လမ်းစဉ်အတိုင်း စစ်ကြေညာလျက် အလှည့်ကျ ချီတက် တိုက်ခိုက်ကြရန် သာရှိ တော့၏။

ထိုသို့ အိုးဝေမဂ္ဂဇင်းမှ တင်သွင်းလိုက်သော ထိုဆောင်းပါးမှာ ကျောင်းအုပ်ကြီး ရုံးခန်းတွင် နောက်တစ်နေ့ သိုက်မြိုက် စွာ ပေါက်ကွဲ လေသည်။အယ်ဒီတာဖြစ်သူ ကိုအောင်ဆန်းအား မစ္စတာစလော့က ဆင့်ခေါ် စစ်ဆေးတော့၏ ထိုဆောင်းပါး ရေးသားသူ ကို အပြင်းအထန် အရေးယူရမည်ဖြစ်၍ ၎င်း၏အမည်ကို ထုတ်ဖော် ပြောရမည်။ မပြောလျှင်ကို အောင်ဆန်း ကို ကျောင်းမှထုတ်ပစ် လိမ့်မည်ဟု စလော့ က ဆို၏ စာ-နယ်-ဇင်းထုံးတမ်းအရ အယ်ဒီတာ လုပ်သူ က ထုတ်ဖော်ပြောခွင့် မရှိသဖြင့် ထုတ်ဖော် မပြောနိုင်။ လုပ်ချင်ရာ လုပ်ပါ ဟု ကိုအောင်ဆန်း က ဘုပြောခဲ့ လေသည်။

ခေါင်က မိုးမလုံ ဆိုသကဲ့သို့ ကျောင်းဆရာလုပ်သူများက မတရားလုပ်ခဲ့ကြသဖြင့် ထိုမတရားမှုများ ကိုပြုပြင် စေရန် လူထုအား ရေးသားတိုင်တန်းခဲ့ရာ မတရားမှုဖန်တီးသူများကို အရေးမယူဘဲ တိုင်တန်းသူကိုသာ အပြစ် ရှာတတ်ခြင်း မှာ အာဏာပိုင်တို့၏ ထုံးဓလေ့ပင် ဖြစ်ပေသည်။ ကိုအောင်ဆန်းကို ကျောင်းထုတ် လိုက်သောအခါ ၌ ကား ကျောင်းသားများသည် ထိုဓလေ့ဆိုးကို ကွက်ကွက်ကွင်းကွင်းကြီး သဘော ပေါက်ကာ အထူးလှုပ်လှုပ်ရွရွ မခံမရပ်နိုင် ဖြစ်ကုန်ကြတော့၏။

နောက်တစ်နေ့ ၌ သမဂ္ဂခန်းမကြီးတွင် မစ္စတာရာရှစ်၊ ကိုထွန်းအုံနှင့် ကိုအုံး အစရှိသော ကျောင်းသား ခေါင်းဆောင် များ က မည်သို့အရေးယူသင့်ပုံကို စည်းဝေးဟောပြောကြသောအခါ ကျောင်းလုံးကျွတ် ပရိတ်သတ် များက (သပိတ် သပိတ်-မှောက်မှောက်) ဟု သံပြိုင်အော်ကြလျက် အားလုံးပင် တက္ကသိုလ်ကြီး ကို စွန့်ပစ်ကာ ရွှေတိဂုံကုန်းတော်ပေါ်သို့ ပြောင်းရွှေ့ သပိတ်မှောက်ခဲ့ ကြသည်မှာ ရာဇ၀င်၌ စာတင်ပြီးဖြစ် ၍ အထူးရေးရန် မလိုတော့ပေ။


အပြောနှင့်အရေး
ထိုအချိန်၌ သခင်နု၊ ရာရှစ်၊ ကိုအောင်ဆန်းစသော ကျောင်းသားခေါင်းဆောင်များက သပိတ်မှောက်ရန် ကျိတ်၍ ကြိုးဆွဲ၊ ခြေထိုး စီမံခဲ့ကြသည်ဟု စွပ်စွဲခြင်းခဲ့ရ၏။ သို့သော် အမှန်အားဖြင့် ကျွန်တော်တို့ အချင်းချင်း ဘာမှ တိုင်ပင်ခြင်း မရှိခဲ့ပေ။ ကျောင်းသားခေါင်းဆောင်တိုင်း မိမိတို့ ၏ တာဝန်၏များကို ခပ်အေးအေးနှင့် မကြောက်မရွံ့ ဆောင်ကြရာတွင် အခြေအနေမှာ လည်း အလိုလိုပင် တစ်ဆင့်ပြီးတစ်ဆင့် ကျွနိုပ်တို့ဘက်မှ အရေးသာ စေဖွယ် ဖြစ်ပေါ်လာခဲ့ရ လေသည်။

ရာရှစ်စသော ကျန်သမဂ္ဂခေါင်းဆောင်များကလည်း တာဝန်အတိုင်း ကျောင်းသားထု ကြီးထံသို့ ထိုပြဿနာ ကို ဆုံးဖြတ်ကြရန် ရှင်းလင်းစွာ တင်ပြခဲ့၏။ ကျောင်းသားထုကြီးကလည်း အထိရောက်ဆုံးဖြစ်သော သပိတ်လမ်းစဉ် ကို ချက်ချင်း စွန့်စားဆုံးဖြတ်ကာ တက္ကသိုလ်မှ ထွက်ခွာခဲ့ကြ၏။

ကျွန်တော် မှတ်မိသလောက်တွင် ထိုမျှ အပူတပြင်း အရေးကြီးလှသော ရက် အနည်းငယ်အတွင်း၌ ကိုအောင်ဆန်း သည် ကျွန်တော်အား ထိုအရေးတော်ပုံကြီး နှင့် ပတ်သက်၍ (အေးဆေးနေပါ) ဟူသော စကားတစ်ခွန်း သာ ပြောဖူးလေသည်။ ကျွန်တော်တို့ အချင်းချင်း ထို့ထက်နှိုက်နဲရှုပ်ထွေး သော စည်လား ရိုက်မှု၊ စက်ပုန်းခုတ်မှု များ ဘာမျှ မရှိခဲ့ချေ။ ဤမျှရှင်းလင်းပြတ်သားစွာ ခပ်အေးအေး နှင့် တစ်ခုပြီး တစ်ခု အလိုကျ ဖြစ်မြောက်သွားသော ကိစ္စမျိုးကို ယခုတိုင်တစ်ခါမျှ မတွေ့ကြုံဖူးပေ။

တက္ကသိုလ် ၌ အတူစား၊ အတူသွား၊ အတူတူတိုက်ပွဲဆင်လျက် လေးနှစ်ကြာမျှ ကိုအောင်ဆန်း နှင့် ပေါင်းသင်း နေထိုင်နေရာ တွင် ကျွန်တော်သည် အောက်ပါအဖြစ်အပျက်ကလေး များကို သတိရမိ၏။

ကိုအောင်ဆန်း၏ စိတ်ဓာတ်
ကိုအောင်ဆန်း ကား စိတ်တိုတတ်၏။ အပြောအဆို မလိမ္မာသဖြင့် ဓာတ်သိသော သမဂ္ဂရဲဘော်များ မှ အပ သူ့ အဖို့ မိတ်ဆွေ များများ မရှိပေ။ သမဂ္ဂ၌လည်းသူနှင့် ဘုမကျသူဟူ၍ မရှိချေ။ တစ်ခါက ရွှေတိဂုံ သပိတ်စခန်း မှ အပြန်တွင် ထိုနှစ်အတွက် သူ့မှာ တခြားအလုပ်ကိစ္စများ ရှိနေသဖြင့် သူလုပ်ရန်ရှိသော အလုပ် များကို ကျွန်တော်က လုံးဝ တာဝန်ယူရန် လွှဲအပ်လေသည်။ ကျွန်တော်က လည်း ထိုနှစ်အဖို့ အိုးဝေ အယ်ဒီတာ အဖြစ် တာဝန်ယူပြီးဖြစ်၍ နောက်ထပ်လက်မခံနိုင်ကြောင်း ပြောသောအခါ ရှူးရှူးရှဲရှဲ လုပ်သဖြင့် ထသက်ကြရန် ဟန်ပြင်လေသည်။

အခြားအမှုဆောင်များ က ၀ိုင်းဝန်းဖြန်ဖြေသဖြင့် ပြီးသွား၏။ ထိုနေ့ညနေ၌ ကျွန်တော့်အခန်းသို့ သူ ရောက်လာကာ သူက စိတ်မကောင်းဖြစ်နေသဖြင့် လွန်ကျူးမိကြောင်းကို ၀န်ချတောင်းပန်လေသည်။ သူက မတောင်းပန် လျှင်လည်း ကျွန်တော်က အကြောင်းသိချင်း ဖြစ်၍ ကျေနပ်ပြီး ဖြစ်လေသည်။ သို့သော် သူက ကလေး သဖွယ် ဖြူစင်သော စိတ်ဓာတ် နှင့် မိမိမှားသည်ကို သိရှိချိန်၌ အကြွေးမထားဘဲ မာန်မာနများကို လုံးဝ ပယ်ဖျောက် ကာ ချက်ချင်းဖွင့်ဟ ပြောဆိုသည်ကို ကျွန်တော်ဝမ်းမြောက်စွာ နှင့်မှတ်သားမိ၏။

ဤကား ကိုအောင်ဆန်း၏ ချီးကျူးဖွယ် အချက်ကြီးတစ်ရပ်ပေတည်း။ ထိုနှစ်က မစ္စတာရာရှစ် သည် သမဂ္ဂဥက္ကဌအဖြစ်နှင့် ဆောင်ရွက်ရာတွင် ၄င်းကို ကုလားဖြစ်၍ မလိုမှန်းထား အပြစ် ရှာသူများ ပေါများခဲ့လေသည်။ တစ်ခါကစည်းဝေးပွဲ တစ်ခုတွင် ရာရှစ်အား အယုံအကြည်မရှိ အဆို တင်သွင်း ရန် စီစဉ်ကြသည်ကို ကျွန်တော်က ကြိုတင်ကြားသိလေသည်။ ထိုအချိန်၌ အခြားသော သပိတ်ရဲဘော် ကျောင်းသားခေါင်းဆောင်တို့မှာလည်း နယ်ထွက်နေကြ၏။ ကိုအောင်ဆန်း မှာလည်း ဖျားနေ ၍ ဆေးရုံတက်နေ၏။ ကျွန်တော်ကလည်း အရေးသမားဖြစ်ပြီး စကားမပြောတတ်၍ ထိုစည်းဝေးပွဲ တွင် ၀င်ရောက်ပြောဆိုရန် မဖြစ်နိုင်ချေ။

ထို့ကြောင့် နောက်ဆုံး၌ ဆေးရုံတွင် ငှက်ဖျားတိုးနေသော ကိုအောင်ဆန်း ထံသို့ ပင် သွားရောက်ကာ (ကိုယ့်လူ ထပါဦး၊ ခင်ဗျားမရှိရင် မဖြစ်ဘူး) ဟုဆိုကာ သူ့ကို ဆေးရုံမှ သမဂ္ဂအထိ ဖက်တွဲခေါ်ဆောင်ခဲ့ရလေ သည်။ သမဂ္ဂလက်ဖက်ရည်ဆိုင်ခန်းသို့ ရောက်မှ ကွီနိုင် နှင့် လက်ဖက်ရည်အနည်းငယ်တိုက်ကာ စည်းဝေးရာ ခန်းမကြီး သို့ တွဲတက်ခဲ့ရလေသည်။ ထို့နေ့အဖို့ ကိုအောင်ဆန်းမှာ နေမကောင်းသော် လည်း ရာရှစ် ၏ ကောင်းသော အချက်များ ကို ဖော်ထုတ်၍ အထူးလေးနက်စွာ ပြောဆိုရာတွင် အတိုက်အခံလူစု က ၄င်းတို့ အဆိုကို ရုပ်သိမ်းသွားကြလေသည်။ ကိုအောင်ဆန်း သည် ရဲဘော် လူကောင်းများ အတွက် မယိမ်း မယိုင် ထောက်ခံကူညီတတ်ခြင်း၊ မိမိကျမ်းမာရေးကို ဂရုမစိုက်ဘဲ တာဝန်ရွက်ဆောင်ခြင်းတို့မှာ ကျောင်းသားဘ၀ ၌ပင် ထင်ရှားခဲ့လေသည်။

ထောင့်မကျိုးလို့
ရာရှစ်၏ ဥက္ကဌသက်တမ်း ကုန်းဆုံးခဲ့ပြီးနောက် ဥက္ကဌသစ်ရွေးချယ်ရန် အချိန်ကျရောက်ခဲ့ရာတွင် ဒုတိယ ဥက္ကဌ ဖြစ်သူ ကိုအောင်ဆန်း ကို ထုံစံအတိုင်း တင်မြှောက်ကြရန်ပင် ဖြစ်လေသည်။ သို့သော် ထိုအချိန်၌ သူ့အား အမှုဆောင်အဖွဲ့၌ ထောက်ခံသူမှာ ကျွန်တော် တစ်ယောက်သာ ရှိလေတော့၏။ အဘယ်ကြောင့် ဆိုသော် သူ့အား ထောင့်မကျိုးသူဖြစ်၍ သူရသင့် ရထိုက်သောနေရာတွင် ကိုဘဂျမ်း (ယခုဝန်ကြီး) အား ရွေးချယ် တင်မြှောက် လိုက်ကြလေသည်။ ဦးထွန်းအုံ၊ ကိုလှရွှေ၊ ကိုသန်းအောင်၊ ကိုဗဟိန်း စသည်တို့က သူ့အား တစ်နှစ်လောက် စောင့်ဆိုင်း ၍ ပေါင်းသင်းဆက်ဆံ ရေးလေ့လာရန် ပြောဆိုခဲ့ကြလေသည်။ ကိုအောင်ဆန်း သည် သူငယ်ချင်းများ၏ ဆုံးမချက်ကို ဘာမျှပြန်မပြောဘဲ စည်းကမ်းသေ၀ပ်စွာ ကြိုးစား လိုက်နာ ခဲ့ပေသည်။ နောင်တစ်နှစ် တွင် ထိုသို့အများ၏ ဆန္ဒ ကို မသွေမဖည် လိုက်နာတတ်သော အရည်အချင်း ကိုပင် အထူးထုတ်ဖော် ချီးကျူးကာ ကိုအောင်ဆန်း ကို အားလုံးက ဥက္ကဌအဖြစ် ရွေးချယ် လိုက်ကြ လေသည်။

နိုင်ငံရေးသို့
ထိုနှစ်အတွင်း တစ်ညနေတွင် ကိုအောင်ဆန်းနှင့် ကျွန်တော်သည် သထုံကျောင်းဆောင်ရှေ့၌ လမ်းလျှောက် လျက်ရှိကြစဉ် သူက ရုတ်တရတ် ''ကိုယ့်လူ၊ ကိုယ်တော့ သွားတော့မယ်၊ ကျောင်းထွက်ပြီး နိုင်ငံရေး ထဲ ကို ခြေစုံပစ် ၀င်တော့မယ်'' ဟုပြော၍ သခင်ပါတီသို့ဝင်ကာ တကယ့်တိုက်ပွဲများတွင် ၀င်နွှဲတော့ မည်ဖြစ်ကြောင်းများကို ပြောလေသည်။ သူက ထိုသို့ ပြောပြနေစဉ် ကျွန်တော် သည် အထူး ၀မ်းနည်း လာ၏။ ကျွန်တော်တို့ သူငယ်ချင်းများ လေးနှစ်ကြာမျှ ဥမကွဲသိုက်မပျက် နေထိုင် အလုပ် လုပ်ခဲ့ကြသည် မှာ ကမ္ဘာကလေးတစ်ခုကဲ့သို့ပင် မှတ်ထင်ကာ ထိုကမ္ဘာ သည် မည်သည့် အခါမျှ ပျက်မည် မဟုတ် ဟူ၍ မှတ်ထင်နေခဲ့ကြ၏။ သို့သော် အချိန်သည် ကုန်မှန်းမသိ ကုန်ဆုံးခဲ့၍ ကိုအောင်ဆန်း ကား ဘီအေ အောင်ပြီး ဖြစ်လျက် ကျွန်တော့်အဖို့လည်း ထိုနှစ်မှာ နောက်ဆုံးနှစ်ပင်ဖြစ်ကြောင်းကို သတိရ လေသည်။

ကျွန်တော်တို့နှစ်ဦး ရင်းနှီးခင်မင်စွာ သွားအတူ လာအတူ နေထိုင်ခဲ့ကြသော လေးနှစ်ရာသီခေတ် ကလေး ကား ကုန်ဆုံးလေပြီ။ လောကတွင် အပျော်ဆုံး၊ အရွှင်ဆုံး၊ အရူးဆုံး၊ အမိုက်ဆုံး ဖြစ်သော ကျောင်းသား ဘ၀ ကား ဆုံးခန်းတိုင်လေပြီ။

ကျွန်တော် က စိတ်ဓာတ်မွန်မြတ်စွာ တိုင်းပြည်အတွက် စွန့်စားရန် အဓိဌာန်ကို ချီးကျူးမိသော လည်း သူ့အတွက် စိုးရိမ်မကင်း ရှိမိပုံကို ပြောပြ၏။ ''နိုင်ငံရေးလောကဟာ သိပ်ပြီးရှုပ်တယ်၊ ဆိုးတယ်။ ဒီမှာဆိုယင် ကျွန်တော် တို့ အချင်းချင်း ခင်ဗျား ကို နားလည်တယ်၊ အစစအရာရာမှာ သူငယ်ချင်းတွေမို့ ခင်မင်ယုယ ရှိကြတယ်။ နိုင်ငံရေးထဲကို ခြေစုံပစ်ဝင်ရင် ခြေထိုးတာတွေ ကြမ်းတမ်း ယုတ်မာတာ တွေနဲ့တွေ့ပြီး နေရာတကာ ခင်ဗျားပဲ ဒုက္ခ ရောက်စရာ တွေများတယ်ဗျ။ ခင်ဗျားကလည်း ငယ်သေးတယ်'' ဟု ကျွန်တော် က ပြောမိလေသည်။ ဗိုလ်ချုပ်ကား ဆည်းဆာချိန် ကောင်းကင်သို့ မော်ကြည့်လျက် ''အမေ့အတွက် ဘာမျှ ကျေးဇူးမဆပ် ရသေးဘူး၊ လခစားလုပ်ဖို့ကို လည်း စိတ်မရှိတော့ဘူး။ ဘာပဲဖြစ်ဖြစ်လေ သွားမယ့်လမ်းကို သွားရမှာပဲ'' ဟု လွမ်းစိတ် နှင့် အဓိဌာန် စိတ်များရောပြွမ်းကာ အသံခပ်မာမာ နှင့် ပင် ပြောလေသည်။

''သွားတော့မယ်'' ဟုသူကပြောလိုက်သဖြင့် ကျွန်တော်အဖို့ ထိုသမဂ္ဂကမ္ဘာကလေးနှင့် တကွတိုတောင်းလှသော တက္ကသိုလ်ကျောင်းသား ခေတ် ကလေး ကို ကားလိပ်ချလိုက်သလို ဖြစ်သွားတော့၏။

စာရေးသူ - ညိုမြ
၎။ ၄။ ကျွန်ုပ်တို့ မှတ်မိသိရှိသမျှ ဗိုလ်ချုပ် - သခင်တင်ဦး (ယခု အသံလွှင်ဌာန)

ကျွန်တော်သည် သခင်အောင်ဆန်းအား ၁၉၃၈ ခုနှစ်တွင် မော်လမြိုင်တွင် ကျင်းပသော တို့ဗမာအစည်းအရုံး နှစ်ပတ်လည် ညီလာခံသဘင်ကြီးတွင် စတင်မကျင်းပမီ သိကျွမ်းခဲ့သည်။ သို့သော် ခင်မင်ရင်းနှီး အကျွမ်းတဝင်ကား မဟုတ်ခဲ့ပေ။

ထိုညီလာခံအပြီး၊ ရန်ကုန်မြို့ အမှတ် ၇၆ ရေကျော်လမ်း တို့ဗမာအစည်းအရုံးတည်ရာ ဌာနသစ်တွင် ကျွန်တော်သည် တို့ဗမာအစည်းအရုံး၏ အမြဲတန်း အလုပ်သမားတဦးအဖြစ် တာဝန်လွှဲအပ်ခြင်း ခံရသည့်နောက်၊ တနေ့သ၌ သခင်အောင်ဆန်းသည် သူ၏ ဟောင်းနွမ်းနေသော မွေ့ရာလိပ်ကြီးနှင့် စာအုပ်သေတ္တာ နှစ်လုံး၊ အဝတ်အစားသေတ္တာ တလုံးတို့ကို လန်ခြားနှင့် တို့ဗမာအစည်းအရုံးသို့ သယ်ယူ ရောက်ရှိလာသည်မှအစ၊ သူနှင့် ကျွန်တော်သည် ထပ်မံတွေ့ဆုံခါ ချစ်ကျွမ်းဝင်တော့သည်။

ကျွန်တော်သည် မိမိဘာသာအလျောက် ဖြစ်ကတတ်ဆန်း အေးအေးနေတတ်သူ တဦးဖြစ်ရာ။ ကျွန်တော်ထက်ပို၍ အေးပြီး ဖြစ်ကတတ်ဆန်း နေတတ်သော သူ့ကို တွေ့ရသောအခါ ဖက်မိသွားသည်။

တက္ကသိုလ်ကျောင်းထွက်ဟူ၍ သူ့ကိုမြင်လျှင် ယုံနိုင်စရာ မရှိပေ။ ယင်းအခါ သူ့ကိုမြင်လျှင် ခေါင်းစုတ်ဖွား ရှုသိုးသိုးနှင့် လုံချီတိုတိုဝတ်ပြီးလျှင် လေယာဉ်ပျံဘိနပ်သော်၎င်း၊ ခုံဘိနပ်သော်၎င်း၊ စီးလျက်သားသာ တွေ့ရမည်ဖြစ်သည်။ သူသည် ထိုအခါက မော်လမြိုင်ညီလာခံမှ တင်မြှောက်ခြင်းခံရသော တို့ဗမာအစည်းအရုံး၏ အထွေထွေအတွင်းရေးမှူး အမြဲတန်းအလုပ်သမား ဖြစ်သည်။

သို့အတွက်ကြောင့်ပင် သူသည့် အခြား အလုပ်အမှုဆောင်များနည်းတူ မိမိတို့ နေလိုရာတွင် မနေဘဲ။ အစည်းအရုံးတွင် အစည်းအရုံး၏ စည်းရုံးရေးကို လုပ်ဆောင်ရန် လာရောက်နေထိုင်ခြင်း ဖြစ်သည်။

သူ့အကျင်တခု။

တခါက သူနှင့် ကျွန်တော် အစည်းအရုံးမှ မောင်ဂိုမာရီလမ်းအတိုင်း ခြေလျင်လျှောက်လာကြသည်။ သွင်ရုံအနီးတွင် သူ့အား လူတယောက်က နှုတ်ဆက်လိုက်သည်။ သူကမူ ပြန်၍ နှုတ်မဆက်ဘဲ ခေါင်းငိုက်ဆိုက်ဖြင့်သာ လျှောက်သွားသည်။ ကျွန်တော်က “စောစောက ခင်ဗျားကို လူတယောက်က နှုတ်ဆက်သွားတယ်၊ ခင်ဗျားမကြားဘူးလား”ဟု မေးရာ၊ ဟင် - ဟုသာ ကျွန်တော်အား တခွန်းတည်းပြောပြီး၊ သွားစရာ ဆက်သွားခဲ့သည်။ ဤသည်တို့ကြောင့်ပင် သူ့အကြောင်းကို မသိသူများက လူတမျိုးဘဲ၊ ဆိုရှယ်မဖြစ်ဘူးဟူ၍ စွပ်စွဲကြသည်။

လမ်းသွားလျှင် ပတ်ဝန်းကျင်ကို ဂရုပြုလေ့ မရှိသည်မှာ၊ သူ့အကျင့်တခု ဖြစ်သည်။ သူကား အစဉ်းစားကြီးသူ ဖြစ်သည်။

နောက်တခု။

တခါကလည်း တို့ဗမာအစည်းအရုံးသို့ နယ်မှ သခင်ခေါင်းဆောင်တဦး ရောက်ရှိလာသည်။ ကျွန်တော်အား သခင်အောင်ဆန်းနှင့် အရေးတကြီး တွေ့လိုသည်ဟု ပြောသဖြင့်၊ အိပ်ရာထည်းတွင် စောင်ကို ခေါင်းမြီးခြုံနေသော သခင်အောင်ဆန်းအား အစည်းအရုံး ဧည့်ခန်းသို့ ခေါ်ဆောင်ခဲ့ရသည်။ ရောက်လျှင် ဘာမျှမပြော။ ကုလားထိုင်တလုံး၌သာ ထိုင်၍ ဆိတ်ဆိတ်နေသည်၊ သူ ကုလားထိုင်ပေါ်သို့ ထိုင်မိလျှင် ထိုင်မိခြင်း နယ်သခင်ခေါင်းဆောင်က ၎င်းတို့နယ်တွင် ဖြစ်ပျက်နေသည့် အနေအထား အခက်အခဲတို့ကို အားရပါးရ တိုင်ကြားပြောဆိုသည်။ ထိုသို့ ပြောဆိုတိုင်ကြားသည်ကို အင်းမလုပ် အဲမလုပ်နေသော သခင်အောင်ဆန်းသည် ထိုသူ ပြောပြီးလျှင် ပြီးခြင်း ဘာမျှမပြောမဆို နေရာမှ ထသွားသည်။ နယ်မှလာသူလည်း ခဏတဖြုတ် တပိုတပါး သွားသည်အထင်ဖြင့် စောင့်နေသည်။ သို့သော် ငါးမိနစ်နှင့်လည်း မပေါ်လာ၊ ၁၀ မိနစ်နှင့်လည်း မပေါ်လာ။ နာရီဝက်ခန့် ကြာသောအခါ ထိုသူမှာ သည်းခံ၍ စောင်ဆိုင်းနေလိုဟန် မတူတော့ ဒေါပွလာသည်။ ကျွန်တော်လည်း သခင်အောင်ဆန်း၏ အကြောင်းကို သိပြီးဖြစ်ရာ အိပ်ခန်းတွင်းသို့ တောက်ရှောက်ဝင်သွားပြီး စောင်ကို ခေါင်းမြီးခြုံအိပ်နေသော သခင်အောင်ဆန်းအား အပြင်တွင် နယ်မှ သခင်ခေါင်းဆောင် စောင့်နေကြောင်း ပြောပြရသည်။ သူက ခြုံထားသော စောင်ကိုဖွင့်၍ “ကြည့်သာ ပြောလိုက်ပါတော့” ဟုပြောပြီး။ ပြန်၍ ခေါင်းမြီးခြုံမြဲ ခြုံ၍နေလိုက်သည်။ ကျွန်တော်လည်း သူ့အနားမှ ခွာထွက်လာကာ နယ်သခင်ခေါင်းဆောင်အား သခင်အောင်ဆန်းမှာ အခြားသူများကဲ့သို့ မဟုတ် နေ့တွင် အလုပ်လုပ်လေ့ မရှိ။ ညမှသာ တညလုံး စားပွဲတွင်ထိုင်ခါ အလုပ်လုပ်လေ့ရှိတဦး ဖြစ်ကြောင်း။ ယမန်နေ့ညကလည်း ၁၀ နာရီကျော်ခန့်လောက်က လင်အားကြီးအထိ အလုပ်လုပ်ရာ အိပ်ရေးပျက်သည့်အတွက် မနေနိုင်တော့ဘဲ အိပ်နေပြီဖြစ်ကြောင်း။ ယခုနေ့ခင်းမှ မအိပ်ပါက ခမြာ ပန်းဖျား ဖျားရတော့မည်ဖြစ်ကြောင်း။ ယခုလည်း ခင်ဗျားပြောတာကို သူမှတ်သားထားပြီး မကြာမီ နယ်သို့ ညွှန်ကြားလွှာများ ပို့ပေးမည်ဖြစ်ကြောင်းဖြင့် နှစ်သိမ့်ရသည်။ ဤတွင်မှ ထိုသူလည်း ကျေနပ်ပြီး အစည်းအရုံးမှ ထွက်ခွာသွားတော့သည်။

သခင်အောင်ဆန်းမှာ လောကဝတ်ဆိုသည်မှာ အပိုအလုပ် ပကာသနသာ သဘောထားသည်။ သို့သော် သူ့အား တပါးသူက စကား ပြောဆိုသည်တို့ကို သူ့ဦးဏှောက်အတွင်းဝယ် မေ့ပျောက်မသွားအောင် စွဲမြဲမှတ်သားနိုင်သည်။ မှတ်သားနိုင်သလောက် လုပ်ဖွယ်ရာတာဝန် မပျက်ခဲ့ပေ။ လမ်းတွင် တွေ့ရှိသူများအား နှုတ်မဆက်ခြင်း၊ စကား ပြောလိုမှသာ ပြန်၍ ပြောဆိုခြင်းတို့မှာ သူ့ဝသီဖြစ်သည်။ အထင်အမြင် လွဲမှားကြသည်။ သို့သော် သူကား သူ၏ စဉ်းစားခြင်း အလုပ်မှတပါး အခြားဂရုစိုက်ခဲ့ပေ။ သူ၏ စဉ်းစားချက်မှာကား လွတ်လပ်မှုတခုတည်းသာ ဖြစ်သည်။

တခါကလည်း၊

တခါက သူနှင့် ကျွန်တော် ကိုယ့်အတွေးနှင့်ကိုယ် လမ်းလျှောက်သွားကြသည်။ သခင်အောင်ဆန်းက ရုတ်တရက် တိုင်းပြည်လွတ်လပ်ပြီး၊ ကိုယ်သာခေါင်းဆောင်ဖြစ်ရင် အိမ်ကရှိတဲ့ လယ်တွေယာတွေကို အကုန်လုံး ဆင်းရဲသားတွေကို ဝေပေးလိုက်မယ်။ ငွေတိုးချေးတဲ့ လူတွေကိုလည်း လျှော်ပစ်လိုက်မယ်။ အမယ်ကြီး မကျေနပ်ရင်လဲ အတင်းလုပ်ရမှာပဲဟု ပြောဖူးလေသည်။ သူသည် ဤမျှ လက်ဝါးကြီးအုပ် အရင်းရှင်များကို ရွံ့မုန်းခဲ့သည်။ တိုင်းသူပြည်သားများ အပေါ်၌လည်း ဤမျှစေတနာထားခဲ့သည်။

နေ့စဉ်လိုပင် စားချိန် သောက်ချိန်မှ လွဲ၍ အိပ်ရာထဲတွင် စောင်ခေါင်းမြီးခြုံကာ နေတတ်သည်။ အလုပ်ရှိလျှင် ညဥ့်လူခြေတိတ်ချိန် ကစ၍ မိုးလင်းသည့်တိုင်အောင် တမှေးမှ မအိပ်ဘဲ အလုပ်လုပ်တတ်သည်။ ညွှန်ကြားလွှာများ၊ ကြေညာချက်များ ရေးစရာရှိလျှင် တညလုံး အင်္ဂလိပ်ဘာသာဖြင့် ရေးပြီးမှ ဘာသာပြန်လေ့ရှိ၏။

အစဉ်းစားလွန်ခဲ့သည်နေ့၊

တခါကလည်း သူ အတော်ပင် အစဉ်းစား လွန်သွားခဲ့သည်။ လူပြောစရာ ဖြစ်အောင်ပင် အစဉ်းစား လွန်ခဲ့သည်။ တို့ဗမာအစည်းအရုံးနှင့် ဓါးမပါတီတို့ ပူးပေါင်းခါ၊ ဗမာ့ထွက်ရပ်ဂုဏ်းဟု ဖွဲ့စည်းရန်အတွက် သခင်ခေါင်းဆောင် အချို့တို့သည် တညတွင် စတော့ကိတ်လမ်းရှိ သခင်နုအိမ်တွင် အစည်းအဝေးတရပ် ပြုလုပ်ကြသည်။ ထိုအစည်းအဝေး ကျင်းပနေစဉ် သခင်အောင်ဆန်းသည် နောက်ဖေးသွားလိုသဖြင့်၊ အိမ်သာသို့ စည်းဝေးနေရင်းမှ ထသွားခဲ့သည်။ သခင်အောင်ဆန်း အိမ်သာမှ ပြန်လာပြီး သခင်နု၏ ဇနီး မမရီ အိမ်သာသို့ ဝင်သောအခါ၊ ခြေတင်သည့် နေရာတွင် မစင်များ တင်နေသည်ကို တွေ့ရသည်။ မမရီက အိမ်သာမှ ပြန်လာပြီး ပြောရာ အားလုံးပင် ဝိုင်း၍ရယ်ကြသည်။ ထိုအဖြစ်အပျက်ကို နောက်တနေ့တွင် မမရီက ကျွန်တော့်အား ပြောပြသည်။ သခင်အောင်ဆန်းကမူ ဗမာ့ထွက်ရပ်ဂုဏ်းအကြောင်း စဉ်းစားရင်း အစဉ်းစား လွန်သွားခဲ့သည်ဟု နောက်တနေ့တွင် ကျွန်တော့်အား ပြောပြသည်။

အဆင်းရဲ အခံနိုင်ဆုံး

ထိုစဉ်အခါက တို့ဗမာအစည်းအရုံးတွင် အဆင်းရဲခံနိုင်ဆုံး နိုင်ငံရေးသမားတဦးကို ပြပါဟုဆိုလျှင် သူ့အား ပြရပေမည်။ တို့ဗမာအစည်းအရုံးတွင် အမြဲတမ်း အလုပ်သမားများအတွက် သတ်မှတ်ထားသော ထောက်ပံ့ငွေမှာ အစည်းအရုံး၏ ဘဏ္ဍာရေး ကြပ်တည်းမှုကြောင့် လပေါင်းများစွာ ပြတ်သတ်ခဲ့သည်။ သူနှင့် ကျွန်တော်အပြင် သခင်မောင်လေးနှင့် သခင်သက်တင်တို့မှာ များသောအားဖြင့် နံနက်စာကို မှန်အောင် မစားခဲ့ကြရပေ။ ညစာအတွက်မှာမူ ထိုအချိန်က ရေကျော်ညဈေးတန်းတွင် ထမင်းရောင်းချနေသော ညီအမနှစ်ယောက်က နိုင်ငံရေးသမားအဖြစ်ဖြင့် ကြည်ညိုပြီးလျှင် အကြွေးပေး၍သာ စားကြရသည်။ သို့သော် - ထိုဆိုင်တွင် တခါတရံ အားနာလှသဖြင့် ဗိုက်မှောက်ခါ အိပ်ကြရပါသေးသည်။

ဤမျှ သူ့တွင် စားရမဲ့၊ သောက်ရမဲ့၊ ဝတ်ရမဲ့ ဖြစ်နေစေကာမူ သူ့အား လစဉ်ကြေးငွေ လိုသမျှ ထောက်ပံ့နိုင်သော သူ့မိခင်ကြီးအား ဒုက္ခမပေးခဲ့ပေ။ တခါမျှသာ သူ့မိခင်ကြီးထံ ငွေ ၈၀ ပေးပို့ရန် စာရေးတောင်းဆိုခဲ့ဘူးသည်။

အဝတ်အစား

အဝတ်အစား ဝတ်ဆင်ရာ၌လည်း သူ့ခေါင်းကို သူသသည်ဟူ၍ မရှိ။ အစဉ်သဖြင့် ဘိုကေမှာ ရှေ့သို့သာ ဖွားရယား ကျနေသည်။ သူစိတ်ကူး၍ ခေါင်းဖြိးသည့် အခါတွင်မူ၊ မှန်တွင်ကြည့်ပြီး မျက်နှာအမူအရာ ပြုံးတုံး လုပ်နေလေ့ရှိသည်။ ထိုအမူအရာမှာလည်း သူစိတ် ရွှင်မြူးသည့် အခါတွင်သာ ဖြစ်ပေါ်လေ့ရှိသည်။ သူ့အိပ်ရာမှာလည်း ဟောင်းနွမ်းနေသည့် လွှာခြင်းစောင်တထည်၊ ခေါင်းအုံး ၂ လုံးနှင့် လျှော်ဖွတ်လေ့ မရှိသော မွေ့ရာခင်းများ အပြင်၊ ဗလပွကြဲနေသော သတင်းစာ စက္ကူဟောင်းများနှင့်သာ ရောနှောလျက်ရှိသည်။ သူသည် တိုင်းပြည်အတွက် ဤမျှ အဆင်းအရဲ ခံနိုင်ရှာပေသည်။

လွတ်လပ်ရေးတိုက်ပွဲ

နယ်ချဲ့စနစ်ကို သူသည် လက်နက်ကိုင်၍ တော်လှန်မှ လွတ်လပ်ရေးရမည်ဟု ထိုစဉ်အခါကပင် သူယုံကြည်ခဲ့သည်။ ၁၉၄၀ ခုနှစ်၊ တပေါင်းလ ညတညတွင် ပူပြင်းလှသဖြင့် သူနှင့် ကျွန်တော်တို့သည် ဘိုတထောင်သင်္ဘောဆိပ်တွင် လေညှင်းခံရင်း နိုင်ငံရေးအကြောင်း ပြောဆိုကြသည်။ သူက အင်္ဂလိပ်ကို လက်နက်ကိုင်ပြီး မတော်လှန်ရင် ဗမာပြည် ဘယ်တော့မှ မလွတ်လပ်ဘူးဟူ၍ ကျွန်တော်အား ပြောပြသည်။ ဤစကားကိုပြောပြီး မကြာမီပင် သူသည် ဗမာပြည်မှ ပျောက်ကွယ်သွားပြီး ဂျပန်ပြည်သို့ ရောက်ရှိသွားခဲ့သည်။

အားမနာသူ။

စကားပြောရာ၌လည်း မညှာမထောက် ဘွင်းဘွင်း ပြောတတ်လေ့ရှိသဖြင့် ကျွန်တော်မှာ တခါတွင် ကြားထဲက အားအနာကြီး နာခဲ့မိသည်။ ၁၉၄၀ - ခုနှစ် ကုန်ခါနီး၊ ဂဠုံဦးစော နန်းရင်းဝန် ဖြစ်စဉ်အခါက ကျွန်တော်အား အစိုးရက ဘုန်းကြီးလမ်းတွင် တရားဟောပြောသည်ကို ပုဒ်မ ၁၂၄(က) ဖြင့် အရေးယူ ဘမ်းဆီးပြီးလျှင် ရန်ကုန်ဒီစတြိတ် ရာဇဝတ်သူကြီး ဦးဘသွင်၏ ရုံးတွင် စစ်ဆေးခဲ့သည်။ ထိုအခါ (ပြည်လည်ထူထောင်ရေးဝန်ကြီး) ဦးဘဂျမ်းက ကျွန်တော်ဘက်မှ ရှေ့နေအဖြစ် အခမဲ့ ကူညီလိုက်ပါ ဆောင်ရွက်ခဲ့သည်။ ဦးဘဂျမ်းမှာ ထိုစဉ်က ဝတ်လုံလိုက်စသာဖြစ်ရာ၊ လျှောက်လဲပုံတို့ကို သခင်အောင်ဆန်းက သူကို မကြိုက် မနှစ်သက်ခဲ့ပေ၊ အမူစစ်ဆေးသော နေ့တနေ့တွင် သခင်အောင်ဆန်း ရုံးသို့ လာရောက်နားထောင်ပြီး ဦးဘဂျမ်း လျှောက်လဲ ပြောဆိုချက်တို့ကို သူသဘော မကျကြောင်း ပြစ်တင်ပြောဆိုသည်ကို ကျွန်တောင်ပင် ကြားက မနေတတ်ဖြစ်ခဲ့ရသည်။

သို့သော် အများအတွက် သူသာလျှင် ဒုက္ခခံလိုစိတ်မှာ သူတွင် ကိန်းအောင်းနေသည်။ တခါ ၁၉၃၉ ခုနှစ် ဒီဇင်ဘာလ ဆာစတက်ဖို့ကရစ် ဗမာပြည်သို့ ဝင်လာစဉ်က၊ မန္တလေးမြို့တွင် ဗမာနိုင်ငံလုံးဆိုင်ရာ တို့ဗမာအစည်းအရုံး အမှုဆောင်များ အစည်းအဝေးကို ပြုလုပ်ကြသည်။ အစည်းအဝေး ပြီးသောအခါ အလုပ်အမှုဆောင်များ အားလုံးကို ရန်ပုံ ငွေကလေးဖြင့် တသုတ်စီ ပြန်စေပြီးလျှင်။ မန္တလေးမြို့တွင် သူနှင့် ကျွန်တော် ၂ ယောက်တည်းသာ ရန်ကုန်မှ ရန်ကုန်မှ ငွေပို့လိုက်မည် ဆိုသူတို့၏ အပြောဖြင့် ပြန်စရိတ်ကို စောင့်မျှော်ရင်း တဝဲလယ်လယ် ကျန်ရစ်ခဲ့ကြသည်။ ထိုသို့ ကျန်ရစ်ခဲ့ပြီး နောက်တရက်မှာပင် ကျွန်တော်တို့ တည်းခိုနေသည့် ကွယ်လွန်သူ ဝန်ကြီး ဦးဘဦး၏ တိုက်တွင် မန္တလေး သခင်များက ကျွန်တော်တို့အား ထမင်းကျွေးခြင်းကို တာဝန် မယူကြတော့ပေ။ ကျွန်တော်နှင့် သခင်အောင်ဆန်းမှာ လက်ထဲတွင်လည်း လဘက်ရည်ဘိုးမျှပင် ပိုက်ဆံမရှိကြပေ။ တမြို့တရွာတွင် ယောင်လယ်လယ်ဖြင့် ဒုက္ခကြုံကြ ရပေတော့သည်။ ထိုအတွင်း ဒေါ်အုန်း၊ အမ်-အေ တို့၏ အိမ်မှ ထမင်းတနပ်နှင့် ကျောင်းဆရာ ကိုခင်မောင်လေး ယခု (ဗိုလ်ခင်မောင်လေး)က တရုတ်ဆိုင်တဆိုင်တွင် ထမင်းတနပ် ကျွေးမွေးပါသေးသည်။ သူတို့ တတွေမှာလည်း ထိုထက်ကျော်လွန်အောင် ပြုစုနိုင်အောင် ငွေကြေး မချောင်လည်ကြ၍ ထိုမျှသာ ကျွေးမွေးနိုင်တော့သည်။ စားရေးသောက်ရေးထက် ရန်ကုန်ပြန်နိုင်ရေးမှာ အရေးကြီးလှရာ၊ ရန်ကုန်မှ ငွေပို့လိုက်မည်ဟု ပြောသွားသူများကလည်း ငွေကြေး မချောင်လည်၍ ရုတ်တရက် မပို့နိုင်သေးဘဲ ရှိရာ၊ သခင်အောင်ဆန်းမှာ မနေသာတော့ရှာဘဲ။ တနေ့တွင် သူ၏အစ်ကို ဝမ်းကွဲတော်စပ်သူ မန္တလေးမြို့၊ စမော်ကော် တရားသူကြီး ဦးဘသိုက် ယခု သာယာဝတီ တရားမဝန်ထောက် ခွင့်နှင်နေသူထံသို့ တနေ့တွင် သွားရောက်လည်ပတ်ပြီး ၎င်း၏ရုံးသို့ ကျွန်တော်ကို စေလွှတ်ခါ ငွေ ၁၀ တောင်းခိုင်းရာ ရရှိလာသည်။ တဖန် နောက်တနေ့တွင်လည်း နော်မံ ကျောင်းအုပ်ကြီး ဦးတင့်ဆွေ (ယခု နယူးမင်းသတင်းစာ အယ်ဒီတာချုပ်)ထံသို့ သူနှင့် ကျွန်တော် သွားကြပြီး၊ ရန်ကုန်သို့ ပြန်ရန်စရိတ် တောင်းခဲ့ပြီး နောက်တနေ့တွင် နောက်တနေ့တွင် မန္တလေးမှ ရန်ကုန်သို့ ပြန်ဆင်းခဲ့ကြရသည်။ ဤသည်တို့မှာ သူသည် အမှန်အားဖြင့် အခြားသူတဦးဦးအား မန္တလေးတွင် ထားရစ်ခဲ့ပြီး ပြန်နိုင်သည်။ သို့သော် - သူကား ထိုသို့မဟုတ် အများအတွက် ဒုက္ခခံမည် ဆိုသည့် စေတနာကောင်းကြောင့်ပင် မန္တလေးတွင် ပိုက်ဆံတပြားမှ မရှိဘဲ၊ ယောင်လယ်လယ်နှင့် တမြို့တရွာတွင် ဒုက္ခခံခါ နေရစ်ခဲ့ခြင်းဖြစ်သည်။

ဗိုလ်ချုပ်သည် ရန်ကုန်သို့ ရောက်ရှိပြီး မကြာမီ အထက်ဗမာပြည်သို့ သူ့တပ်ဖြင့် ချီတက်သွားပြီး ရန်ကုန်သို့ ပြန်ရောက်သောအခါ ကျွန်တော်လည်း သခင်ဗအေးနှင့်အတူ အပါးသို့ တဖန် ပြန်လည် ရောက်ရှိရပြန်သည်။

ဗိုလ်ချုပ်၏ ဖူးစာ

တခါတွင် ဗိုလ်ချုပ်သည် အပြင်းအထန် ဖျားသဖြင့် အလံပြဘုရားလမ်းရှိ ဘီအိုင်အေ ဆေးရုံတွင် တက်ရောက်ကုသရသည်။ ဗိုလ်ချုပ်၏အနီး၌ ကျွန်တော်ပင် နေ့ညမပြတ် စောင့်ရှောက် ပြုစုရသည်။

ထိုအခါက ဘီအိုင်အေ ဆေးရုံမှာ ဖွင့်ကာစက သာလျှင်ရှိသေး၍ ဗိုလ်ချုပ်၏ ဇနီးလောင်း ဒေါ်ခင်ကြည်၊ ၎င်း၏အစ်မ သခင်သန်းထွန်း၏ ဇနီးလောင်း ဒေါ်ခင်ကြီးနှင့် ကျွန်တော်၏ အစ်မ ဝမ်းကွဲတော်သူ ဒေါ်တင်ထွေးတို့ သာလျှင် ပြည်သူ့ဝန်ကို ထမ်းရွက်လျက်ရှိသည်။

ငါမိန်းမယူတော့မယ်၊

ထိုသို့ ဆေးရုံသို့ တက်နေရစဉ် အဖျားသက်သာလာသည့် တနေ့တွင် ကျွန်တော်အား “ဟေ့ - တင်ဦး၊ ငါ့ကို လက်စွပ်လဲဖို့ စိန်လက်စွပ်တကွင်း ဝယ်ပေးစမ်းကွာ” ဟု ပြောသည်။ ကျွန်တော်လည်း ပြုံးပြီး “ဘာလုပ်ဖို့လဲ” ဟုမေးရာ၊ “ငါမိန်းမ ယူတော့မလို့ကွ”ဟု သံပြတ်ပြောပြီး ဆက်လက်၍ “အင်္ကျီနှင့် လုံချည်ပါ ဝယ်ပေးပါအုံး”ဟု ပြောပြန်သည်။ ကျွန်တော်လည်း သူမပြောစဘူး ထူးထူးခြားခြား ပြောလိုက်သဖြင့် အံအားသင့်ကာ ဟက်ဟက်ပက်ပက် ရယ်မောမိလိုက်သည်။ ထိုအခါသူက “ဟေ့ကောင် ရယ်မနေနဲ့ကွ ငါအတည်ပြောနေတာ”ဟု ထပ်ဆင့် ပြောပြန်သည်။ ကျွန်တော်လည်း ပြုံးပြီးလျှင် ဘယ်သူနဲ့လဲဟု မေးရာ၊ “မခင်ကြည်” နဲ့ဟု ပြော၍ ပြုံးတုံးတုံး လုပ်နေသည်။ သို့မှ ကျွန်တော်လည်း သူ့အပါးမှ ထွက်ခွာလာခဲ့ရတော့သည်။

သူ့အစွဲအလန်း။

တနေ့ သူ့အခန်းသို့ ကိုအုန်းမြင့်နှင့်အတူ ဝင်သွားကြသောအခါ ဆရာမတယောက် ဆေးလာတိုက်သည်နှင့် ကြုံနေသည်။ သူက “မသောက်ချင်ဘူး”ဟု အတင်းငြင်းဆို လိုက်သည်။ ဆရာမခမြာမှာ သူ့ကို ကြောက်သဖြင့် အခန်းတွင်းမှ ထွက်ခွာသွားရသည်။ ထိုသို့ ဆရာမ ထွက်သွားလျှင် သွားချင်းပင် သူက “ဟေ့ တင်ဦး သွားပြောချေ၊ ဆရာမ မခင်ကြည်တိုက်မှ သောက်မယ်လို့”ဟု ပြောရာ၊ ကျွန်တော်သည် စောစောက ဆေးတိုက်ရန် ဝင်လာသော ဆရာမအား အကျိုးအကြောင်း ပြောပြလိုက်ရသည်။ နောက်တနေ့ နံနက်စာ စားချိန်တွင်လည်း ဆရာမတဦးက ထမင်းလာကျွေးရာ၊ “ဟင့်အင်း မစားဘူး၊ မခင်ကြည်ကျွေးမှ စားမယ်”ဟု ငြင်းဆိုနေပြန်သည်။ တဖန် “ဟေ့ တင်ဦး၊ မခင်ကြည် ခေါ်ချေ” ခိုင်းစေရာ၊ ကျွန်တော်လည်း ဤကိစ္စမျိုးတွင် သတ္တိကြောင်သူတဦး ဖြစ်သဖြင့် ဒေါ်ခင်ကြည်အားလည်း သွားမပြောရဲ၊ သူထံသို့လည်း မပြန်ရဲနှင့် ထိုနေ့တနေ့လုံး သူ့အပါးမှ ကျွန်တော် ရှောင်နေရတော့သည်။

သူသည် တခုခု လုပ်မည်ဆိုလျှင် မဖြစ်မနေ ဇွဲသန်သန်ဖြင့် ပြုမူတတ်သည့် သူ့ဝါသနာအတိုင်း၊ နောက်ဆုံး ဒေါ်ခင်ကြည်နှင့် မင်္ဂလာဆောင်သည်အထိ သူရောက်လိုသည့် အိမ်ထောင်ရေး ပန်းတိုင်သို့ ထမြောက်အောင်မြင်စွာ ရောက်ရှိခဲ့တော့သည်။

သို့သော် - သူမဖြစ်မနေ၊ အရောက်လှမ်းရန် ကြိုးစားအားခဲနေသော လွတ်လပ်ရေး ပန်းတိုင်ကား သူ့လက်လှမ်းနှင့် မီလုဆဲ့ အခါတွင် သူကား သူတပါး လက်ချက်ဖြင့် ကွယ်လွန်ရရှာပြီ။

အို … လူသတ်တို့ သင်တို့ကား
မိုက်တွင်း နက်လှချေတကား။

အလင်္ကာကျော်စွာ သခင်ကိုယ်တော်မှိုင်း တည်းဖြတ်၍ ဗိုလ်ချုပ်အောင်ဆန်း၊ စာရေးဆရာ၊ ရဲဘော်သခင်နှင့် ကျောင်းနေဘက်များ စုပေါင်းရေးသားသည့် ၁၉၅၁ ခုနှစ်ထုတ် “ဗိုလ်ချုပ်အောင်ဆန်း အတ္ထုပ္ပတ္တိ” စာအုပ်မှ သခင်တင်ဦး ရေးသားတဲ့ “ကျွန်တော်တို့ မှတ်မိသိရှိသမျှ ဗိုလ်ချုပ်” ကို ပြန်လည်ကူးယူ ဖော်ပြတာဖြစ်ပါတယ်။ [သခင်တင်ဦး (ယခု အသံလွှင်ဌာန) ရဲ့ ယခု ဆောင်းပါးကို မူလက ဂျာနယ်ကျော်မှာ ရေးသားခဲ့တာဖြစ်ပြီး၊ ယခု ထပ်မံ ဖော်ပြတာ ဖြစ်တယ်လို့ အဲဒီ စာအုပ်မှာ ရေးသားထားပါတယ်။]

၅။တို့ဗမာအစည်းအရုံးခေတ်က သခင်အောင်ဆန်း
သခင်တင်မောင် (ကျုံးမငေး)



(ဤဆောင်းပါးရှင် သခင်တင်မောင် (ကျုံးမငေး)မှာ ဗိုလ်ချုပ်အောင်ဆန်းကို ဆုငွေ ၅ိ ထုတ်စဉ်က ဗိုလ်ချုပ်နှင့်အတူ တရားဟောခဲ့သူ ဖြစ်သည်။)

ဗိုလ်ချုပ်အောင်ဆန်း အထွဋ်အထိပ် ရောက်လာပြီးနောက်၊ ဗိုလ်ချုပ်အောင်ဆန်းအကြောင်းကို တတိုင်းပြည်လုံး သိပြီးဖြစ်သော်လည်း၊ အထိဋ်အထိပ် မရောက်မီ အညတြ သခင်အောင်ဆန်းဘဝက အကြောင်းများကို သိသူ အလွန်နည်းပါးပေမည်။ သို့ကြောင့် တို့ဗမာအစည်းအရုံးခေတ် သခင်ဘဝနှင့် သခင်အောင်ဆန်း၏ မမေ့နိုင်ဘွယ်ရာ အကြောင်းကလေးများကို ရေးလိုပေသည်။


၁၃၀၀ ပြည့်နှစ်တုံးက။

၁၃၀၀ ပြည့်နှစ် အရေးတော်ပုံအတွင်း မော်လမြိုင်ညီလာခံအတွက် တို့ဗမာသခင်အပေါင်းတို့ ကိုယ့်တာဝန်နှင့်ကိုယ် အလုပ်များနေကြစဉ်၊ ကျွန်တော်မှာလည်း သခင်အောင်ဆန်း၏ သံကြိုးရိုက်ခေါ်မှုကြောင့် ရန်ကုန် ဋ္ဌာနချုပ်သို့ ရောက်ခဲ့ရပေသည်။ သခင်အောင်ဆန်းနှင့် ပဌမအကြိမ် တွေ့ဆုံရခြင်း ဖြစ်ပါသည်။ ရောက်လျှင်ရောက်ချင်း ကျွန်တော်မှာ မြောင်းမြခရိုင် ဒုတိယဥက္ကဋ္ဌဖြစ်ပြီး ပဌမဥက္ကဋ္ဌ သခင်အုံးဖေမှာ အကြောင်းမညီညွတ်၍ မလာအားသေးကြောင်း။ ကိစ္စ အဝဝကို ကျွန်တော်ပင် တာဝန်ယူမည့် အကြောင်းများကို သခင်အောင်ဆန်းအား ပြောပြသောအခါ၊ သခင်အောင်ဆန်းက “ကျုပ်တို့ အစည်းအရုံးမှာ ပဌမ အင်အားအကြီးဆုံးကတော့ ခင်ဗျားတို့ မြောင်းမြခရိုင်၊ ဒုတိယကတော့ သာယာဝတီပဲဗျ၊ ငွေရေး ကြေးရေး အတောင့်ဆုံးကတော့ ထားဝယ်ခရိုင်ပဲ၊ ဒီတော့ မော်လမြိုင်ညီလာခံ အောင်မြင်ရေးအတွက် ဒီသုံးခရိုင်ကို ပိုပြီး အားထားတာပဲ အစွမ်းကုန်သာ ကြိုးစားကြပေတော့ဗျာ” ဟု ပြောပြီး သခင်အောင်ဆန်းမှာ ရေချိုးခန်းသို့ ဝင်သွား ပါတော့သည်။

ကျွန်တော်မှာလည်း စပ်တငန့်ငန့် စောင့်နေရရာ မိနစ် ၂၀ ခန့်တွင် ထွက်လာပြီး ကဲ - ခင်ဗျားနဲ့ ကျွန်တော် ရွှေတိဂုံ သပိတ်လွှတ်တော်ကို သွားရအောင် “ဟေ့ တင်ဦး ငါ့အင်္ကျီပေးပါဦးကွ” ဟု အော်တောင်းပြီး အင်္ကျီများ ဝတ်ပါတော့သည်။ သခင်တင်ဦးမှာ ယခု အသံလွှင့်ဋ္ဌာနတွင် အလုပ်လုပ်နေပါသည်။ သခင်အောင်ဆန်း၏ ရွှေတိုက်စိုးဝန် ဖြစ်ပါသည်။ အပေါင်လက်မှတ်မှန်သမျှ သူက သိမ်းထားရပါသည်။ ၃ လပြည့်ခါနီးတွင် “ကြည့်လုပ်ကြပါဦး” ဟူသော ခေါင်းစဉ်ဖြင့် နယ်အမှုဆောင်များ မြင့်နိုင်သော နေရာတွင် ကပ်ထားရပါသည်။ နယ်အမှုဆောင်များက မနေသာသည့်အခါ ရွေးပေးခဲ့ကြရပါသည်။

သခင်အောင်ဆန်းတွင် ကိုယ်ပိုင်အဝတ်အထည် မည်မျှရှိသည်ကို အတိအကျ မသိရသော်လည်း၊ အစည်းရုံးပေါ်တွင် ရှိသမျှ သူပိုင်လိုလိုချည့် ဖြစ်ပါသည်။ တွေ့ကရာ အဝတ်အစားများကို လွယ်သလို ဆွဲဝတ်လေ့ရှိပါသည်။ အထူးသဖြင့် သခင်သန်းထွန်း၏ သေတ္တာတွင်းရှိ ပစ္စည်းများကို သူချယ်လှယ်ချင်သလို ချယ်လှယ်ပါသည်၊ သခင်သန်းထွန်းမှာ ကန်တော်ကြီးစောင်းရှိ ကုလားကျောင်းတကျောင်းတွင် ဆရာလုပ်နေသည့်အတွက် သူ့လခနှင့် သူ ဝယ်နိုင်စွမ်း ရှိပါသည်။ သခင်သန်းထွန်းသည် အရုပ်ဆိုးသလောက် အလှအနု အလွန်ကြိုက်ပါသည်။ လုံချည်များမှာ ပန်းနုရောင်၊ ဝါနုရောင်၊ ဖက်ဖူးရောင် စသော လုံချည်များ ၄ - ၅ - ၁၀ ထည်ခန့် ရှိပါသည်။ သခင်အောင်ဆန်းက ၎င်းလုံချည်များကို ခဏခဏ ယူဝတ်ပါသည်။ သခင်သန်းထွန်းမှာ သူအမြတ်တနိုးထားသော လုံချည်များကို ယူဝတ်သည့်အခါ သဘောမကျသော်လည်း ဖွင့်၍ မကန့်ကွက်ပါ။ ကွယ်ရာတွင် ‘ဒီလူတွေတော့ ဒီလိုပဲ ပါရမီ ဖြည့်နေရတယ်။ ကျုပ်ကို အနိုင်အကျင့်ဆုံး လူ နှစ်ယောက်ဟာ သူရယ် သခင်ဗဟိန်းရယ်ပဲ’ဟု ပြောပြဖူးပါသည်။ လုံချည်များကို သူဝတ်သွားလျှင်လည်း တခါဝတ် ဖြစ်ပါသည်။ သူယူဝတ်လိုက်လျှင် ဥစ္စာရှင် သခင်သန်းထွန်းက ပြန်မယူတော့ပေ။ ယူချင်လို့လည်း မကောင်းတော့ပါ၊ စွန်းထင်းပေရေပြီး ဖြစ်နေပေသည်။


သခင်အောင်ဆန်း၏ဇွဲ။

သခင်အောင်ဆန်းတွင် ချစ်စရာအကောင်ဆုံး အင်္ဂါတခုမှာ လုံ့လဝီရိယဇွဲပင် ဖြစ်ပါသည်။ ဘယ်သူတွေ ဘယ်လို စိတ်ပျက်နေနေ သူမပျက်၊ ဘယ်သူတွေ လုပ်လုပ် မလုပ်လုပ် သူလုပ်ပါသည်။ လုပ်စရာရှိလျှင် သူ့ဟာသူ လုပ်ပါသည်။ ရေးစရာ ရှိလျှင်လည်း သူ့ဟာသူ ရေးပါသည်။ အထူးဆန်းဆုံး အချက်တခုမှာ သူနှင့် သခင်သန်းထွန်း၏ (အမြင်) များ ဖြစ်ပါသည်။ နိုင်ငံရေး ပြဿနာတခုအတွက် သခင်သန်းထွန်းက သူ့အိမ်တွင် သူ ကြေညာချက်တခုကို ရေးဆွဲသည်ဆိုပါစို့။ သခင်အောင်ဆန်းက သူ့အမြင်နှင့်သူ အစည်းအရုံးတွင် ရေးဆွဲလေ့ရှိပါသည်။ ၎င်းကြေညာချက်များကို တိုက်ဆိုင်ကြည့်လိုက်သောအခါ မူချင်းမှာ တထေဝါတည်း ဖြစ်နေလေ့ရှိပေသည်။ ဤမျှအမြင်ချင်း တူသူများ ဖြစ်ကြပါသည်။ စစ်ပြီးခေတ် မဆပလမှ ကွန်မြူနစ်ကို ထုတ်ပစ်သည့် အချိန်အထိ သခင်သန်းထွန်းနှင့် သခင်အောင်ဆန်း အမြင်ချင်း အလွန်တူကြပါသည်။ နောက်ပိုင်း ကွဲကြသည်မှာ အထူးပင် ကြေကွဲ ဝမ်းနည်းဘွယ် ဖြစ်ပေသည်။ မည်သည့်အတွက် ကွဲကြသည်ကိုမူကား ဤဆောင်းပါးတွင် မဆွေးနွေးတော့ပေ။

သခင်အောင်ဆန်းသည် အလုပ်လုပ်စရာရှိလျှင် မိုးလင်းသည့်အထိ အလုပ် လုပ်တတ်ပေသည်။ မပြီးမချင်း မညည်းမညူ လုပ်လေ့ ရေးလေ့ ရှိပါသည်။ စိတ်လည်း အလွန်မြန်သည်။ အကြောင်းတခုခုကြောင့် စိတ်ညစ်လျှင် အလွန်သနားစရာ ကောင်းပေသည်။ ချစ်စရာလည်း ကောင်းပါသည်။ သို့အတွက် သခင်အောင်ဆန်း စိတ်ဆိုး စိတ်ညစ်ဖြစ်နေလျှင် အားလုံးကပင် ဝိုင်း၍ သနားချစ် ချစ်ကြပါသည်။ ဤကဲ့သို့ အဖြစ်အပျက်များကို ဒုတိယ စစ်ဖြစ်ခါနီး (ဗမာထွက်ရပ်ဂုဏ်း) ကိစ္စကို မြန်မာနိုင်ငံလုံးဆိုင်ရာ အမှုဆောင်အစည်းအဝေးတွင် ချ၍ စဉ်းစားကြသောအခါ ခဏခဏ တွေ့ရပေသည်။ ထွက်ရပ်ဂုဏ်းအရေးကို ဆန့်ကျင့်သူများနှင့် နားလည်မှု မရနိုင်ဘဲ အပြင်းအထန် ငြင်းခုံနေကြစဉ် သခင်အောင်ဆန်း၏ စိတ်ညစ်သည့် မျက်နှာထားမှာ ပြောမပြနိုင်လောက်အောင် သနားစရာ ကောင်းပေသည်။ အချို့အမှုဆောင်များမှာ သူ့ကို သနားသည်နှင့် “ကဲ - မှားရင်လည်း မှားပေစေ။ ဒီလူဟာ ဒါလောက်တော့ ညံ့မှာမဟုတ်ဘူး၊ သူစေတနာကို ကျုပ်တို့ ယုံကြည်တယ်။ သူ့ဘက်ကပဲ ကျုပ်တို့ ထောက်ခံမယ်” ဆိုပြီး ထောက်ခံကြသည်ကိုပင် တွေ့ရပါသည်။

သူ၏ စွမ်းရည်။

တနေ့တွင် ဗမာထွက်ရပ်ဂိုဏ်း အာဏာပိုင် အမှုဆောင်အစည်းအဝေးသို့ တက်ရောက်ရန် ကျောင်းသားသမဂ္ဂမှ သခင်ဗဟိန်း၊ တို့ဗမာအစည်းအရုံးမှ သခင်အောင်ဆန်း၊ သခင်လှဖေ (ယခု ဗိုလ်လက်ျာ)နှင့် ကျွန်တော်တို့ ဒေါက်တာဗမော်အိမ်သို့ သွားကြပါသည်။ အစည်းအဝေးတွင် ဗမာ့ထွက်ရပ်ဂုဏ်း ဝါဒစည်းမျဉ်းနှင့် လုပ်ငန်းစဉ်များ ရေးဆွဲရန် အဖွဲ့ငယ်တခု ဖွဲ့ရာတွင် ဒေါက်တာဗမော်က ချယ်ယာမင်၊ သခင်အောင်ဆန်းက အတွင်းရေးမှူးအဖြစ် အရွေးခံရပါသည်။ အမှုဆောင်များက ၎င်းအဖွဲ့ငယ်၏ စည်းမျဉ်းဝါဒနှင့် လုပ်ငန်းစဉ် အကြမ်းမူကို မည်သည့်နေ့တွင် တင်ပြနိုင်မည်နည်းဟု မေးရာ။ ဒေါက်တာ ဗမော်က တနင်္ဂနွေ နှစ်ပါတ်အတွင်း တင်ပြမည်ဟု ဖြေသည်ကို သခင်အောင်ဆန်းက ဒီလောက်အလုပ်ကလေးကို ဒီလောက်အချိန်ယူ လုပ်နေရင်၊ ဗမာ့လွတ်လပ်ရေးသာ ဆိုလျှင် ၁၀ နှစ်နဲ့ ပြီးနိုင်ပါတော့မလားဟု ပြောကာ “ကဲ - ခင်ဗျားတို့ လက်ဖက်ရည် သောက်နေတုံး ကျုပ်ပြီးအောင် ရေပြီး ၂ နာရီအတွင်း တင်ပြမည်” ဟုပြောကာ အခန်းထောင့်တခုသို့ ထသွားပြီး ရေးလေတော့၏။ အားလုံးလူကြီးများမှာ အံ့အားသင့်ပြီး စောင့်နေကြရပါသည်။ နှစ်နာရီခန့်အကြာတွင် အင်္ဂလိပ်လို ရေးထားသော သူအကြမ်းမူကို တင်ပြပါတော့သည်။ စကားလုံးအနည်းငယ်ကို ပြင်သည်မှတပါး အားလုံးသောအချက်များကို လက်ခံလိုက်ကြရပါသည်။ ဤတွင် လူကြီးပိုင်းက နိုင်ငံရေးသမားများသည် သခင်အောင်ဆန်း၏ ထက်မြက်ပုံ အဘက်ဘက်က အရည်အခြင်း ပြည့်စုံပုံများကို တီးတိုးချီးမွမ်း ကြပါတော့သည်။

တခါသော် ၁၉၄၀ ခုနှစ်၊ နှစ်ဦးတွင် ဗမာနိုင်ငံလုံးဆိုင်ရာ အမှုဆောင်ညီလာခံကို မန္တလေးမြို့၌ ကျင်းပနေစဉ်၊ ဆာစတက်ဖို့ကရစ်ပ်စ် ယခု ဘိလပ်ရွှေတိုက်စိုးဝန်ကြီး ဗမာပြည်သို့ ရောက်လာပါသည်။ သခင်ခေါင်းဆောင်များနှင့် တွေ့ရန် မန္တလေးသို့ လိုက်လာပါသည်။ အမှုဆောင်များနှင့် တွေ့ကြရာ၊ ဗမာနိုင်ငံရေး အခြေအနေများကို ဆွေးနွေးကြပါသည်။ ကရစ်ပ်စ်မှာ ဗမာ့ အခြေအနေနှင့် သခင်များအကြောင်းကို ဘုရင်ခံနှင့် အစိုးရအဖွဲ့ဝင်များ၏ ပြောပြချက်များကို အခြေခံထားပြီး ဆွေးနွေးဟန်တူပါသည်။ သခင်အောင်ဆန်းနှင့် သခင်သန်းထွန်းတို့က တကဲ့ အခြေအနေ အမှန်များနှင့်တကွ၊ ဗမာလွတ်လပ်ရေး ကြိုးပမ်းမှုများကို အသေးစိတ် တိတိလင်းလင်း ပြောပြကြရာ၊ ကရစ်ပ်စ်က “ကျူပ်အစက ခင်ဗျားတို့ လူငယ်တွေအပေါ်မှာ တော်တော်အထင်သေးမိတယ်။ အခု ခင်ဗျားတို့ ပြောပြတဲ့ လေးနက်တဲ့ ရည်ရွယ်ချက်၊ မွန်မြတ်တဲ့ လမ်းစဉ်တွေအတိုင်းဆိုရင် ခင်ဗျားတို့ လုပ်ငန်းစဉ်၊ ခင်ဗျားတို့ လွတ်လပ်ရေး ကြိုးပမ်းမှုဟာ တရားပါတယ်” ဟု ချီးကျူးဝန်ခံ သွားရပေသည်။ သခင်အောင်ဆန်း၏ တည်ကြည် လေးနက်သော မျက်နှာကို အစဉ်သဖြင့် စူးစူးစိုက်စိုက်ကြည့်ပြီး အကဲခတ်နေသည်ကိုလည်း သတိထားမိပါသည်။ တခါတရံ တုန်လှုပ်ခြောက်ချားခြင်း ဖြစ်တတ်သည်မှတပါး၊ မြင်တွေ့သူတိုင်းက မလေးစားဘဲ မနေနိုင်လောက်အောင် လေးနက်သော သဘောထား၊ လေးနက်သော မျက်နှာပေးနှင့် လေးနက်သော စကားလုံးများကို ပိုင်ဆိုင်သူမှာ သခင်အောင်ဆန်းပင် ဖြစ်သည်။

ငါးကျပ်တန် သခင်အောင်ဆန်း

တခါသော် ဟင်္သာတခရိုင် ညီလာခံကို ဇလွန်မြို့တွင် ကျင်းပနေပါသည်။ သခင်အောင်ဆန်းနှင့် ကျွန်တော်မှာ ဋ္ဌာနချုပ် ကိုယ်စားလှယ်အဖြစ် တက်ရောက်ရန် ဇလွန်သို့ သွားကြရပါသည်။ ညီလာခံအပြီး ရန်ကုန်သို့အပြန်တွင် ဒေါင့်ကြီးရွာ အစည်းအရုံး၏ ဘိတ်ခေါ်ချက်အရ တရားပွဲတခု ကျင်းပပါသည်။ တရားပွဲတွင် ကျွန်တော် ပထမ ဟောပါသည်။ သခင်အောင်ဆန်း အလှည့်ရောက်၍ ၁၀ မိနစ်ခန့် စကားပြောနေစဉ် ပုလိပ်အရာရှိတဦး ဝင်ရောက်လာပြီး နို့တစ်စာတခု ပေးပါသည်။ နို့တစ်စာတွင် ရာဇဝတ်ဝန်ကြီး မစ္စတာ ဇေးဗီးယားက ချင်းတောင်နယ် အကြောင်းများ နိုင်ငံရေး တရားပွဲများတွင် ထည့်မဟောရ။ ဟောလျှင် ကာကွယ်ရေး ဥပဒေအရ အရေးယူမည်ဟု ဖြစ်ပါသည်။ သခင်အောင်ဆန်းက နို့တစ်စာကို ပရိသတ်အား ဖတ်ပြပြီး၊ “ကဲ ချင်းတောင်နယ်မှာ ဘာတွေဖြစ်တယ်ဆိုတာ ခင်ဗျားတို့ သိကြရဲ့လား၊ ဒီကိစ္စကို ကျုပ်မေ့နေတယ်။ အခုနို့တစ်စာ ရောက်လာမှ သတိရတယ်။ ခင်ဗျားတို့ ချင်းတောင်နယ်အကြောင်း သိချင်ကြသလား” ဟု မေးလိုက်ရာ ပရိသတ်က “သိချင်တယ်၊ သိချင်တယ်” ဟု ဝိုင်းအော်ကြ၏။ သခင်အောင်ဆန်းလည်း ချင်းတောင်နယ် အကြောင်းကို စေ့ငှစုံလင်စွာ ဟောပြပါတော့သည်။

၎င်းအချိန်တွင် ချင်းတောင်နယ်၌ သခင်ဝမ်းသူမောင် (ယခု ချင်းဝန်ကြီး ဖြစ်နေသူ ဦးဝမ်းသူမောင်) မှာ နယ်ချဲ့သမားတို့၏ အနှိပ်အစက် အညှဉ်းအပန်း ခံနေရ၏ ဗမာပြည် နီုင်ငံရေး အသင်းအပင်းများမှ ယခုကဲ့သို့ နယ်ချဲ့သမားက လူနည်းစု ခေါင်းဆောင်တယောက်အား နှိပ်စက်နေသည်ကို အရေးတယူ ဆူပူဆောင်ရွက်သော အသင်းမှာ၊ တို့ဗမာအစည်းအရုံးသာ ရှိပေသည်။ တို့ဗမာ အစည်းအရုံး၏ သဘောထားမှာ လူနည်းစုအရေးကို အထူပင် ဦးစားပေးခဲ့လေသည်။


၎င်းတရားပွဲ ပြီးလျှင် ပြီးခြင်း၊ သခင်အောင်ဆန်းနှင့် ကျွန်တော်အား ကာကွယ်ရေး ဥပဒေနှင့် ဖမ်းဆီးဝရမ်း ထုတ်လိုက်လေသည်။ ကျွန်တော်တို့ နှစ်ယောက်မှာ ဟင်္သာတမြို့ရှိ မြန်မာပုလိပ်အရာရှိကြီး တဦး၏ အကူအညီနှင့် လွတ်ထွက်လာပြီး ရန်ကုန်မြို့ ၅၃ လမ်းရှိ အိမ်တအိမ်တွင် ပုန်းနေကြလေသည်။ ၎င်းရက်အတွင်း သခင်အောင်ဆန်းအား ဖမ်းပေးလျှင် သို့မဟုတ် သတင်းပေးနိုင်လျှင် ဆုငွေ ၅ိ ပေးမည်ဟု မစ္စတာ ဇေးဗီးယားက ကျေညာလေတော့သည်။

ထိုကဲ့သို့ ပုန်းနေရစဉ်၊ တို့ဗမာအစည်းအရုံး ခေါင်ဆောင်များမှာ တကွဲတပြားစီ ဖြစ်နေကြသည်။ သခင်နု၊ သခင်သန်းထွန်း၊ သခင်ဗဟိန်း စသော သူများမှာ ထောင်ထဲတွင် ရှိကြပြီး သခင်မြ၊ သခင်လှဘော်၊ သခင်လှဖေ (ယခု ဗိုလ်လက်ျာ)၊ သခင်တင်မောင် စသည်တို့ အပြင်မှာ ကျန်ခဲ့ကြလေသည်။ ကျန်ခဲ့သော ခေါင်းဆောင်များမှာလည်း စစ်ရေးနှင့် ပတ်သက်၍ သဘောကွဲလွဲ နေကြရာ၊ သခင်အောင်ဆန်းမှာ စိတ်အတော်ပင် ပျက်နေပေသည်။ သခင်လှဖေနှင့် ကျွန်တော်မှာ စတော့ကိတ်လမ်း လူအိုရုံအနီး သခင်နုအိမ်တွင် သခင်နုဇနီး မမရီအား စောင့်ရှောက်ရင်း ထမင်းကပ်စား နေကြရပါသည်။ များမကြာမီ သခင်အောင်ဆန်း မြန်မာပြည် အပြင်ဘက်သို့ ထွက်သွားရေး ပြဿနာ ပေါ်လာပါတော့သည်။ ၎င်းကိစ္စကို သခင်လှဖေနှင့် ကျွန်တော်ပင် ကမ္မကထ ပြုနေကြရပါသည်။ ထွက်မသွားမီ တညတွင် ကျောင်းသားသမဂ္ဂ အသင်းတိုက်တွင် သခင်အောင်ဆန်း ခရီးထွက်ရေးအတွက် ဆွေးနွေးပွဲတခု လုပ်ကြပါသည်။ ၁၂ နာရီခန့်တွင် သခင်အောင်ဆန်းအား ၅၃ လမ်း တိုက်မှ မော်တော်ကားနှင့် ကျွန်တော် သွားခေါ်လာခဲ့ရပါသည်။

အစည်းအဝေး တက်ရောက်သူများမှာ ကိုကျော်ငြိမ်း (ယခု ဝန်ကြီးဟောင်း)၊ ကိုထွန်းအုံ (မြူနီစီပါယ်မင်းကြီး)၊ နဂါးနီ ကိုထွန်းအေး၊ ကိုလှမောင် (ယခု ဗိုလ်ဇေယျ တောခို)၊ သခင်ထွန်းရွှေ (နဂါးနီ) စသောသူများ ဖြစ်ပါသည်။ သခင်အောင်ဆန်းမှာ သွားခါနီးဖြစ်သည့်အလျောက် မှာစရာ စကားများကို မှာ၍ အားမရအောင် ဖြစ်နေရှာသည်။ ၁၂ နာရီမှ နံနက် ၄ နာရီခွဲထိ တယောက်တည်း စကားပြောနေ လေတော့သည်။ စကားမပြောလျှင်လည်း လုံးလုံးမပြော၊ ပြောလျှင်လည်း အိပ်နေသူကိုပင် နှိုး၍ ပြောတတ်လေသည်။

ဆောင်းပါရှည်အံ့စိုး၍ နိဂုံးချုပ်ရပေတော့မည်။ သခင်အောင်ဆန်း၏ နုစဉ်ဘဝ အဖြစ်အပျက်များကို ရေး၍ပင် ကုန်နိုင်ဘွယ် မရှိပေ။ ကျွန်တော်အဖို့တွင် အထွဋ်အထိပ် မရောက်မီက (သခင်အောင်ဆန်း) အထွဋ်အထိပ် ရောက်ပြီး (ဗိုလ်ချုပ်အောင်ဆန်း) ထက်ပင် ကြည်ညို လေးစားမိပါတော့သည်
၆။ သ ခင် အောင် ဆန်း နဲ့ မ ရင် အေး တို့ ဇာတ် လမ်း
▬▬▬▬▬▬▬▬▬▬▬▬▬▬▬▬▬▬▬▬


သခင်အောင်ဆန်း အတွက်ကတော့ မြစ်ဝကျွန်းပေါ် ရွာကြီး တစ်ရွာက မြေပိုင်ရှင် စက်သူဌေး သမီးကလေး `` မရင်အေး ´´ ကို ကျွန်တော်ရွေးပါတယ်။

မရင်အေးကို ရွေးရတဲ့အကြောင်းရင်းကတော့ မရင်အေးဟာ ရုပ်ရည်ချောသလောက် သဘောလည်း ကောင်းတယ်။ စိတ်လည်း ရှည်တယ်။ ပြီးတော့ သူ့မှာ အုပ်ထိန်းသူဆိုလို့ အမေတစ်ယောက်တည်းဘဲ ရှိတယ်။ အမွေဆိုင်ကလည်း မောင်လေးတစ်ယောက်ပဲရှိတယ်။ အဲဒီ မောင်ကလေးကလည်း ကျွန်တော်တို့ ဒို့ဗမာ အစည်းအရုံးဝင် သခင်တစ်ယောက် ဖြစ်တယ်။ သခင်အောင်ဆန်းနဲ့လည်း ရင်းနှီးတယ်။ သခင်အောင်ဆန်းကိုလည်း ကျောင်းသား ဘဝကတည်းက ကြည်ညိုလေးစားခဲ့သူ ဖြစ်တယ်ဆိုပြီး ရွေးချယ်လိုက်တာပါပဲ။

သခင်အောင်ဆန်း နဲ့ မရင်အေးတို့ ဇာတ်လမ်းကလေးဟာ တော်တော်ကလေး ရင်နင့်စရာ ကောင်းတဲ့ အဖြစ်အပျက်ကလေးလို့ ဆိုလိုက်ချင်ပါတယ်။ ဒီဇာတ်လမ်းကလေးဟာ ကာယကံရှင်တွေ မဆိုထားနဲ့ ၊ စပ်ကြားက ဇာတ်ဆရာလုပ်မိတဲ့ ကျွန်တော်တောင်မှ ရင်နာခဲ့ရပါတယ်။ ဒီနေရာမှာ ဇာတ်လမ်းအစကို ပြန်ကောက်ရပါလိမ့်မယ်။

သခင်အောင်ဆန်းဟာ အခုလို ဘဝကြင်ဖေါ် ဖူးစာဘက်ကို ရှာဖို့တို့ ၊ ဘာတို့ကို လုံးဝ စိတ်ဝင်စားခဲ့တဲ့လူ မဟုတ်ပါဘူး။ သူ့စိတ်ဟာ ဟိုတစ်ချိန်တုန်းက ဖြစ်ပေါ်နေတဲ့ နိုင်ငံရေး အခြေအနေ နဲ့ ဗမာပြည်သူတစ်ရပ်လုံး ရင်ဆိုင်နေရတဲ့ ပြဿနာတွေထဲမှာဘဲ အာရုံ စူးစိုက်နေရတဲ့လူ ဖြစ်ပါတယ်။

ဘေးကရဲဘော်တွေက ဒီလို ဒီလိုလုပ်ရမယ် ဆိုလို့သာ သူကသဘောတူလိုက်ရတယ်။ သူ့သဘောကတော့ ဒီကိစ္စကို ရေးကြီးခွင်ကျယ် မထားဘူး။ ဒီကိစ္စဟာ လုပ်ဖြစ်ချင်မှ လုပ်ဖြစ်ချင်မှ လုပ်ဖြစ်မှာဘဲလို့လဲ သဘောထားဟန် တူပါတယ်။ ဘာကြောင့်လည်းဆိုတော့ မော်လမြိုင် ညီလာခံပြီးတဲ့ နောက်တစ်လကျော်လောက်အကြာမှာ ကျွန်တော် ရန်ကုန်ကိုရောက်လာပါတယ်။ သခင်အောင်ဆန်းအတွက် မှန်းထားတဲ့ ` သတို့သမီး မရင်အေး ´ ရဲ့ ဓာတ်ပုံကိုလည်း မရင်အေးတို့မြို့ကို သွားပြီး ယူခဲ့ပါတယ်။

မရင်အေး နဲ့ တွေ့တော့လည်း ကျွန်တော့်အပေါ်မှာ အစ်ကိုအရင်းလို ခင်မင်နေတဲ့ မိန်းခလေး ဖြစ်တဲ့အတွက် ကျွန်တော်က ....

`` ဟေ့ ... မရင်အေး ၊ ညည်းရဲ့ နောင်ရေးအတွက် အကိုကြီး အစီအစဉ်တစ်ခု လုပ်နေတယ်။ ညည်းဘာမှ ဂျီးမများရဘူးနော်။ အကိုကြီးသဘောအတိုင်း စီစဉ်လိုက်မယ်။ ညည်းဓာတ်ပုံ တစ်ပုံသာ ပေးလိုက်ပေတော့ ´´

မရင်အေးက ရှက်ကိုး ရှက်ကန်းနဲ့ ....

`` ဟာ ... အကိုကြီးကလည်း ရှက်စရာကြီး။ ညီမအတွက် ဒီလို အလုပ်မျိုးကို လုပ်နေရသလား ´´ လို့ ပြောပြီး သူ့ဓာတ်ပုံကို ထုတ်ပေးလိုက်ပါတယ်။

ဒို့ဗမာ အစည်းအရုံးဌာနချုပ်မှာ သခင်အောင်ဆန်း နဲ့ တွေ့ကြတော့ ကျွန်တော်က ...

`` ကဲ ... ဆရာကြီး ၊ ခင်ဗျားနဲ့ မှန်းထားတဲ့ သတို့သမီးလောင်းကလေးရဲ့ ဓာတ်ပုံကို ယူလာခဲ့တယ်။ ခင်ဗျားကတော့ ကြိုက်သလား ၊ မကြိုက်ဘူးလား မသိဘူး။ ကျွန်တော့်မှာတော့ တကူးတကန့် သွားယူခဲ့ရတယ်။ ထမင်းကြွေးမယ်သာ ကြံပေတော့ ´´ လို့ ပြောလိုက်တော့ သခင်အောင်ဆန်းက ....

`` ဟေး ... ခင်ဗျားတို့ ဒီကိစ္စကို တစ်ကယ်လုပ်နေကြတာလား။ ကျုပ်က ဒီကိစ္စဟာ အလကား ပြောနေကြတာလို့ ထင်နေတာဗျ။ မော်လမြိုင်မှာ ပြောပြီးကတည်းက ကျုပ်ဖြင့် တစ်ခါမှ မစဉ်းစားမိပါဘူးဗျာ ´´

သခင်အောင်ဆန်းဟာ အိမ်ထောင်ရေးထက် ဗမာ့ လွတ်လပ်ရေးကိုသာ အလေးအနက်ထားတယ် ဆိုတာဟာ ထင်ရှားပါတယ်။ နောက်ပြီး သခင်အောင်ဆန်းက ပြောသေးတယ်။

`` အဟုတ်ပြောတာပါဗျာ။ ကျုပ်တော့ မိန်းမယူဖို့ စိတ်မကူးသေးဘူး။ ခင်ဗျားတို့ ပြောတာတွေကိုလည်း မယုံမိဘူး။ အခု ခင်ဗျားက ဓာတ်ပုံတွေ ဘာတွေ ယူလာတော့ အပျက်ပျက်နဲ့ နှာခေါင်းသွေးထွက် ဆိုသလိုများ ဖြစ်နေတာလားဗျာ ´´

လို့ ပြောပြီး ဓာတ်ပုံကို သေသေချာချာ စိုက်ကြည့်နေပါတယ်။ ပြီးတော့ သက်ပြင်းရှည်ကြီး ချလိုက်ပြီး ....

`` ခက်တာပဲဗျာ။ သူကလေးကို မြင်ရတာ ကျွန်တော်လိုကောင်နဲ့ မတန်ပါဘူးဗျာ။ သနားစရာ ကောင်းပါတယ်။ ကျုပ်တို့က ရှေ့လျှောက်ပြီး ဘာတွေလုပ်လို့ ၊ ဘာတွေ ဖြစ်မယ်မှန်း မသိနိုင်တဲ့လူစားတွေဗျ။ သူတို့လို နုနုနယ်နယ်ကလေးတွေနဲ့ ကျုပ်တို့ရဲ့ ခရီးကြမ်းနဲ့ မဖြစ်သေးပါဘူးဗျာ။ ပြီးတော့လည်း ကျုပ်တို့က တစ်ကယ့် မေတ္တာနဲ့ ချစ်လို့ ကြံစည် ကြတာလဲ မဟုတ်။ သူ့ကိုယူပြီး သူ့ပိုက်ဆံ နဲ့ နိုင်ငံရေးလုပ်ဖို့ ကြံကြတာ။ ဒါဟာ မတရားဘူးဗျ။ မှန်လည်း မမှန်ဘူး ´´ လို့ ဇွတ်ငြင်းနေပါတော့တယ်။

အဲဒီလိုနဲ့ နောက်မကြာခင်မှာပဲ မရင်အေးတို့ ခရိုင်မှာ ဒို့ဗမာအစည်းအရုံး ညီလာခံ ကျင်းပတယ်။ အဲဒီ ညီလာခံကို သခင်အောင်ဆန်းနဲ့ ကျွန်တော်တို့နှစ်ယောက် ဌာနချုပ်ကိုယ်စားလှယ်အဖြစ် တက်ရောက်ကြပါတယ်။ ကျွန်တော်ကတော့ ညီလာခံကို သွားကတည်းက စိတ်ထဲမှာ ` တစ်ချက်ခုတ် ၊ နှစ်ချက်ပြတ် ´ သဘောနဲ့ တက်ခဲ့တာ ဖြစ်ပါတယ်။

ညီလာခံအပြီးမှာ မရင်အေးတို့အိမ်ကို ကျွန်တော်တို့ သွားကြပါတယ်။ ညီလာခံ ကျင်းပတဲ့ မြို့နဲ့က သိပ် မဝေးလှဘူး။ မရင်အေးတို့အိမ် ရောက်လို့ မရင်အေး ကိုလည်းတွေ့လိုက်ရော ၊ သခင်အောင်ဆန်းဟာ ` မျက်စိပျက် ၊ မျက်နှာပျက် ´ နဲ့ ....

`` ဟေ့လူ .. ဘယ်လို လုပ်လိုက်တာလဲ။ ခင်ဗျား ကျွန်တော့်ကို တကယ် ဂျောက်ကျအောင် လုပ်နေပြီ ထင်တယ် ´´ လို့ ပြောပါတယ်။

မရင်အေး ခမြာမှာတော့ ဘာအကြောင်းမှ မသ်ိရှာသေးဘူး။ သူ့ ဓာတ်ပုံကို ကျွန်တော်ယူလာတုန်းက ဘယ်သူ ဘယ်ဝါကို ပြဖို့ ဆိုတာ မပြောခဲ့တော့ အခြေအနေမပျက် ကျွန်တော်တို့ စားဖို့၊ သောက်ဖို့တွေကိုသာ လုပ်ကိုင်နေရှာပါတယ်။

မရင်အေးတို့ အမေကြီးကတော့ ကျွန်တော်တို့လူငယ်တွေ လွတ်လွတ်လပ်လပ် နေကြနိုင်အောင် ဘုန်းကြီးကျောင်းကို ထွက်သွားပါတယ်။ အကြောင်းမသိသေးတဲ့ မရင်အေးက အိနြေ္ဒ မပျက်ပေမယ့် သခင်အောင်ဆန်းကတော့ မနေတတ် ၊ မထိုင်တတ်နဲ့ အိမ်အပြင်ဘက်ကိုသာ စိုက်ကြည့်နေပြီး ငိုင်နေရှာပါတယ်။

ထမင်းစားသောက်ပြီးတော့ ကျွန်တော်တို့နှစ်ယောက်က အိမ်ခေါင်းရင်းခန်းမှာ ပက်လက်ကုလားထိုင်နှစ်လုံးနဲ့ ထိုင်နေကြတယ်။ မရင်အေးက လဖက်ရည်ကြမ်းနဲ့ အချို အချဉ်ပွဲ လာချတော့မှ ကျွန်တော်က မရင်အေးကို စကားပြောကြရအောင် ဆိုပြီး အနားမှာ ထိုင်ခိုင်းလိုက်ပါတယ်။ မရင်အေးကလည်း ရိုရိုသေသေ အကိုကြီး အရင်းတွေကို ပြုစုကျွေးမွေးနေရသလို ပြုံးပြုံးရွှင်ရွှင်နဲ့ဘဲ အနားမှာ ထိုင်ရှာပါတယ်။ ကျွန်တော်က မရင်အေး နဲ့ သခင်အောင်ဆန်းကို မိတ်ဖွဲ့ပေးလိုက်ပါတယ်။ မရင်အေးကလည်း သခင်အောင်ဆန်းမှန်း သိပါတယ်။ သတင်းစာထဲမှာ ဓာတ်ပုံကို မြင်ဘူးပါတယ်လို့ ပြန်ပြောလိုက်ပါတယ်။ အဲဒီအချိန်မှာ သခင်အောင်ဆန်းက ဆိုင်းမဆင့် ၊ ဗုံမဆင့် နဲ့ ....

`` ဒီမယ် ... မရင်အေး ၊ ခင်ဗျား အကိုကြီး သခင်တင်မောင်ဟာ ကောင်းတဲ့လူ မဟုတ်ဘူးဗျ။ ခင်ဗျား ဓာတ်ပုံကိုယူလာပြီး ကျွန်တော့်ကို ပြတယ်ဗျ။ ကျွန်တော်က ဘာမှ သိရတာလည်း မဟုတ်ဘူး။ သူတို့တစ်တွေက အကြံကြီး ကြံနေကြတယ်။ ခင်ဗျားရဲ့ ပိုက်ဆံနဲ့ ကျွန်တော် နိုင်ငံရေးလုပ်အောင် ဆိုပြီး စီစဉ်နေကြတယ်ဗျ ´´

လို့ ပြောချလိုက်ရော။ ကျွန်တော်လည်း အံ့အားသင့်နေပြီး ဘာမှ မပြောတတ်အောင် ဖြစ်နေတုန်းမှာ မရင်အေးဟာလည်း တခါထဲ မီးဖိုခန်းထဲကို ဝင်ပြေးပါလေရော။

မရင်အေးနောက်ကို ကျွန်တော် ဝင်လိုက်သွားပြီး အစအဆုံး ကျွန်တော်တို့ရဲ့ စီမံကိန်းကို ဖွင့်ဟ ဝန်ခံလိုက်ပါတယ်။ မရင်အေးကိုလည်း စိတ်မဆိုးဖို့ တောင်းပန်ရပြန်ပါတယ်။

မရင်အေးဟာ တော်တော်ကြာကြာကြီး တွေနေပါတယ်။ နောက်တော့ သူ့ဟာသူ အိမ်ရှေ့ခန်းကို ထွက်သွားပြီး သခင်အောင်ဆန်း အနားမှာဘဲ သွားထိုင်ပါတယ်။ ကျွန်တော်ကတော့ လိုက်သွားရ ကောင်းမလား ၊ မလိုက်ဘဲ နေရ ကောင်းမလား ဆိုပြီး ဝေခွဲလို့ မရခင်မှာဘဲ မရင်အေးက ကျွန်တော့်ကို လှမ်းခေါ်လိုက်ပါတယ်။

ကျွန်တော်လည်း ထိုင်မိရော၊ မရင်အေးက တည်တည်ငြိမ်ငြိမ်နဲ့ ပြောလိုက်ပုံကတော့ ....

့ `` ဒီမယ် ... အကိုကြီး ၊ အကိုကြီးတို့ နှစ်ယောက်စလုံးကို အကိုအရင်းလိုဘဲ ကျွန်မ သဘောထားပါတယ်။ မောင်လေးကလည်း အကိုကြီးတို့ကို သိပ်ချစ်တယ်။ သိပ် ကြည်ညိုတယ်။ မေမေ ဆိုတာကလည်း အကိုကြီးတို့တစ်တွေကို အင်မတန် လေးစားပါတယ်။ ဒီတော့ အခုလို အကိုကြီး စီစဉ်တာဟာ ဘာမှ အပြစ်ပြောစရာ မရှိပါဘူး။ ဒီကိစ္စမှာ ကျွန်မသဘောကတော့ အကိုအောင်ဆန်း နဲ့ ကျွန်မနဲ့ဟာ မတန်ပါဘူး။ ကျွန်မတို့ဟာ တောသူတွေပါ။ တောမှာနေပြီး တောသူပီပီဘဲ နေတတ်´ စားတတ်ပါတယ်။ အကိုအောင်ဆန်းတို့ကတော့ နောက်ဆိုရင် တိုင်းပြည်ရဲ့ ခေါင်းဆောင်ကြီးတွေ၊ တိုင်းပြည် အုပ်ချုပ်တဲ့ ဝန်ကြီးတွေ၊ ဘာတွေ ဖြစ်ကြဦးမှာပါ။ ဒီတော့ ကျွန်မတို့လို တောသူတွေနဲ့ဆိုရင် မဖြစ်ပါဘူး။ ဒီလိုပြောတာဟာ အကို အောင်ဆန်းကို ကျွန်မ မချစ်လို့၊ မခင်လို့ ပြောတာ မဟုတ်ပါဘူး။ အကိုအောင်ဆန်း တို့ ပါရမီကို ညီမလေးတစ်ယောက် အနေနဲ့လည်း ဖြည့်လို့ ရပါတယ်။ ပိုက်ဆံလိုချင်ရင်လည်း တောင်းကြပါ။ မေမေ သိအောင်တစ်မျိုး၊ မသိအောင်တစ်မျိုး ပေးရင်လည်း ပေးလို့ ရပါတယ်။ ကျွန်မရော၊ မောင်လေးကရော အကိုကြီးတို့ နိုင်ငံရေး လုပ်တာကို လေးစားနေကြတာပဲ။ နောက်ဆုံး ... အကိုကြီးတို့လိုတဲ့ ငွေက သိပ်များ နေရင် မေမေ မသိအောင် ညီမပေးမှာပေါ့ ´´ လုိ့ ပွင့်ပွင့်လင်းလင်း ပြောလိုက်ပါတယ်။

ကျွန်တော်က ဘယ်လို ပြန်ပြောရမလဲလို့ စဉ်းစားနေတုန်း သခင်အောင်ဆန်းက ....

`` ဟုတ်တယ်။ ခင်ဗျားပြောတာ မှန်တယ်။ မှန်တယ် ဆိုတာက နိုင်ငံရေးပါရမီကို ဘယ်အနေနဲ့ဘဲ ဖြစ်ဖြစ်၊ ဖြည့်ဆည်းလို့ ရတယ်ဆိုတာကို ပြောတာ။ ခင်ဗျား ပြောသလို ညီမတစ်ယောက် အနေနဲ့ပဲ ဖြည့်ပါမယ် ဆိုတာကို ကြိုက်ပါတယ်။ ဒါပေမယ့် ကျုပ်တို့က ဝန်ကြီးတွေ၊ ဘာတွေ ဖြစ်မှာမို့ ခင်ဗျားတို့လို တောသူတွေနဲ့ မတန်ပါဘူး ဆိုတဲ့ဟာကတော့ မဟုတ်သေးဘူး။ ဝန်ကြီး ဆိုတဲ့ကောင်ကရော ဘာကောင်မုိ့လဲ။ မိုးကျ ရွှေကိုယ်လည်း မဟုတ်ပါဘူး။ တောသား ပါပဲဗျ။ တောရွာ ဇနပုဒ်က တောမှာ မွေးခဲ့တဲ့ အကောင်ပါဗျ။ ခင်ဗျားပြောတဲ့ တောသူမို့လို့ မတန်ပါဘူး ဆိုတဲ့စကားကို ပြန် ရုပ်သိမ်းလိုက်ပါဗျာ ´´ ဆိုပြီး ဟဲ ဟဲ ... ဟဲဟဲ နဲ့ သဘောကျနေပါတော့တယ်။

ကျွန်တော့် ဝမ်းထဲမှာတော့ ကိုယ့်လူက ဒီလိုတော့လည်း အပြေလည်သားပါကလား။ ချစ်ရေးဆိုပုံကလေးကလည်း မခေပါကလားလုိ့ ပီတိ ဖြစ်လိုက်မိပါတယ်။ ကျွန်တော်တို့ ပြန်ခါနီးမှာ မရင်အေးက သူ့မေမေဆီမှာ ကျွန်တော်တို့အတွက် အထွေထွေသုံးဖို့ငွေ ၁၀၀ ကျပ် ပေးလိုက်မယ်လို့ ပြောပြီး ကျွန်တော်တို့ကို စာအိတ်နဲ့ ထည့်ထားတဲ့ ပိုက်ဆံကို ပေးလိုက်ပါတယ်။ သင်္ဘောပေါ်ရောက်လို့ ဖွင့်ကြည့်လိုက်တော့မှ ရာတန် ( ၃ ) ရွက် ဖြစ်နေတာကို တွေ့ရပါတယ်။ ဟိုခေတ်က ငွေ ၃ဝဝ ကျပ်ဆိုတာ နည်းနည်းနောနော တန်ဖိုး မဟုတ်ပါ။

သခင်အောင်ဆန်း နဲ့ မရင်အေး တို့ ဇာတ်လမ်းကတော့ အခုအတိုင်းဘဲ အဆင်ပြေပြေနဲ့ စခဲ့ကြတာပါပဲ။ ဒါပေမယ့် မကြာပါဘူး။ အဲဒီညီလာခံမှာ ဟောခဲ့တဲ့တရားကြောင့် သခင်အောင်ဆန်းဟာ ဆုငွေ ( ၅ ) ကျပ် အထုတ်ခံရတဲ့ ဘဝကို ရောက်ခဲ့ရပါတယ်။ အဲဒီ ဝရမ်းကို ရှောင်ရင်းတိန်းရင်းကနေပြီး ဗမာပြည်အပြင်ဘက်ကို ရောက်သွားရတယ်။

နောက် ရဲဘော်သုံးကျိပ်ကို ဦးဆောင်လာခဲ့တဲ့ ဗိုလ်ချုပ်အောင်ဆန်း၊ ဗမာ့ လွတ်လပ်ရေး တပ်မတော် စစ်သေနာပတိ ဗိုလ်ချုပ်အောင်ဆန်း အဖြစ်နဲ့ ဗမာပြည်ကို ပြန်ရောက်တဲ့ အချိန်မှာ မရင်အေးကတော့ မျှော်သလင့်လင့်နဲ့ ရှိနေရှာပေမယ့် ဗိုလ်ချုပ်အောင်ဆန်း ကတော့ အထက်ဗမာပြည် သ်ိမ်းပိုက်နိုင်ဖို့အတွက် ဆက်လက် စစ်ချီနေရှာပါတယ်။

သ ခင် တင် မောင် ( ကျုံ မ ငေး )
အိုးဝေ ဂျာနယ် ၊ အမှတ် - ၂၅ ။ ( ၁၅. ၈. ၁၉၆၉ ) နေ့ထုတ်မှ
credit... တို့ဗမာအစည်းအရုံး Dobama Asiayone

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

၇။ဦးအောင်ဆန်း၏ နောက်ဆုံးနေ့ 
(ဒဂုန်တာရာ)

လွှတ်တော်ရုံး ၀င်ဝင်ချင်း သခင်နု၏ ရုံးခန်းတံခါးမှာ ပိတ်ထားသည်ကို တွေ့ရသည်။ သက္ကလပ် ခန်းဆီး အစိမ်းပုတ်ကြီးမှာလည်း ဆွဲပိတ်၍ ထားသည် ။ သခင်နုရုံးခန်းကို ကျော်၍ ဇော်ဂျီ၏ အခန်းသို့ ရောက်လေပြီ ။ သူ့အခန်းမှာလည်း တံခါးပိတ်ထားပြီး ခန်းဆီး အစိမ်းပုတ်ကြီးလည်း ဆွဲ၍ထားသည် ။ ရုံးစေနှစ်ယောက်မှာ နံရံကိုမှီကာ ရပ်နေကြသည် ။ ခါတိုင်းလို စကားပြောမနေကြ ။ သူတို့သည် ငေးမှိုင်တွေဝေ၍ တမျိုးကြီးဖြစ်နေကြ သည်ဟု အောက်မေ့လိုက်သည် ။
· ကျွန်တော်က ငိုင်တိုင်တိုင် နေသော ရုံးစေတစ်ဦးအား “ဦးသိန်းဟန် ရှိသလား” ဟုမေးသည် ။ “ရှိပါတယ်ခင်ဗျ” ဟု ခပ်တိုးတိုး သာသာ အေးအေးဖြေသည် ။ သည်တော့မှ မျက်နှာပျက်နေကြောင်း အသေအချာ သိလိုက် တော့သည် ။ စိတ်ထဲတွင်ကား မရှင်း ။
တံခါးစေ့ထားသဖြင့် အတွင်းသို့ ရုတ်တရက်မ၀င်ဝံ့သေးဘဲ တံခါးဝတွင်ရပ်ကာ ရုံးစေဘက်သို့ တဖန်လှည့်၍
· အထဲမှာ အစည်းအဝေးလုပ်နေသလား” ဟု မေးရသည် ။
· ရုံးစေသည် ဘာမှမပြောဘဲ အသာအယာစေ့ထားသော တံခါးကို ဖွင့်ပေးသည် ။ လှမ်းကြည့်လိုက်ရာ သူ၏ စားပွဲတွင် ထိုင်နေသော ဇော်ဂျီကိုတွေ့မှ ထီးကိုထောင်ပြီး အတွင်းသို့ ၀င်လိုက်သည် ။
· ရုံးခန်းကား တိတ်ဆိတ်ငြိမ်သက်လျက် ။ စေ့ထားသော ပြတင်းတံခါးမှ ပြာစိမ်းစိမ်း မှန်ရောင် ရိုက်ဟပ်သဖြင့် အခန်းသည် စိမ်းစိမ်းပြာပြာ ဖြစ်နေသည် ။ အခန်းထိပ်ရှိ စားပွဲကြီးတွင်ကား တိုင်းပြုပြည်ပြုလွှတ်တော် အကြံပေး အရာရှိ ၀တ်လုံ ဦးချန်ထွန်းသည် ခေါင်းငိုက်ကာ ငေးမှိုင်လျက်ရှိသည် ။
· ဇော်ဂျီသည် ကျွန်တော်ဝင်လာသည်ကို မြင်သောအခါ ဆိတ်ဆိတ်ပင် စကားမဟဘဲ ထိုင်ရန် ကုလားထိုင်ကို သာ လက်ဖြင့်ညွှန်ပြသည် ။ သူသည် ငေးငိုင်၍ နေသည် ။ အတန်ကြာ တိတ်ဆိတ်လျက်ရှိသည် ။ ကျွန်တော်ကား ခါတိုင်း လှုပ်ရှားဆူညံ၍ နေတတ်သော အတွင်းဝန်များရုံးသည် ဘာကြောင့်ယခုလို အုံ့မှိုင်းရီဝေ၍ နေသည် ၊ ဆိတ် ငြိမ်၍ နေသည်ကို အံ့သြလျက်ရှိသည် ။
· အတန်ကြာ ဆိတ်ငြိမ်နေရာမှ “အားလုံးတော့ ဒုက္ခ ဖြစ်ကုန်ပြီ ” ဟု ဇော်ဂျီက တိုးတိုးညည်းလေသည် ။ ကျွန်တော်ကား ဘာမှန်းမသိသေးသဖြင့် ကြောင်နေရာ သူကအကဲခတ်မိ၍ နေရာမှထကာ လက်ပြ၍ အပြင်သို့ ခေါ်ခဲ့ သည် ။ ကျွန်တော်သည် ထိတ်ခနဲ ဖြစ်သွားသည် ။
· “ လက်ဖက်ရည်ဆိုင် သွားရအောင်”
· မိုးဖွဲဖွဲတွင် ရုံးခန်းအပြင်ဘက် မြေနီလမ်းကလေးပေါ် ရောက်မှ ကျွန်တော်က မနေနိုင်၍ “ ဘာဖြစ်လို့လဲဆရာ” ဟု မေးမိသည် ။
· “မင်းမကြားသေးဘူးလား” ဟုဇော်ဂျီက အံ့သြနေသည် ။
· “ ဟင့်အင်း … ကျွန်တော်အခုဘဲ ဘတ်စကားပေါ်က ဆင်းပြီး ရုံးကိုတန်းလာတာ”
· သည်တော့မှ ဇော်ဂျီက ဖြစ်ပုံကို ပြောပြသည် ။ ခြင်္သေ့တပ် စစ်ယူနီဖေါင်းကို ၀တ်ဆင်ထားသော လက်နက် ကိုင် လူ ၄ ယောက်သည် အလယ်ဆင်ဝင်အောက်မှ တက်လာကာ ဦးအောင်ဆန်း ရုံးခန်းတွင်းသို့ အတင်းတွန်းဝင်၍ အစည်းအဝေး ပြုလုပ်လျက်ရှိသော အမှုဆောင်ဝန်ကြီးများအား စတင်းဂန်းဖြင့် ပစ်ခတ်ကြပြီး မည်သူမျှ ဖမ်းဆီးခြင်း မခံရဘဲ ဂျစ်ကားဖြင့် ထွက်ပြေး လွတ်မြောက်သွားသည် ။ ကျွန်တော် မရောက်မီ ၁ နာရီ ကျော်ကျော်ခန့်က ဖြစ်သည်။
· ကျွန်တော်သည် သည်သတင်းကိုကြားသောအခါ ထိတ်လန့်တုန်လှုပ်၍ သွားသည် ။ အသားများ တဆတ်ဆတ် တုန်လာသည် ။
· အတွင်းဝန်ရုံး လဘက်ရည်ဆိုင်ထဲတွင်ကား စာရေးစာချီစသော ရုံးသားတို့သည် ညှိုးငယ်သော မျက်နှာဖြင့် ဆိတ်ငြိမ်စွာ စားသောက်နေကြသည် ။ တစားပွဲခြားရှိ နိုင်ငံရေးရာ အတွင်းဝန် ကိုကျော်မြင့်ကလေးက လှမ်း၍ နှုတ် ဆက်လိုက်သည် ။ သူသည် ခပ်အေးအေးခပ်တွေတွေပင် လဘက်ရည်ကို သောက်နေသည် ။
· “အင်မတန် နှမြောဘို့ကောင်းတယ်ဗျာ ၊ သိပ်ပြီးရက်စက်ကြမ်းကြုတ်တဲ့ နိုင်ငံရေး လုပ်ကြံမှုဘဲ” စသည်ဖြင့် လူတစ်ချို့သည် ညည်းတွားလက်ရှိကြသည် ။
· ဇော်ဂျီက “အမျိုးသားပျက်စီးခြင်း တရပ်ဘဲ” ဟု တသသ ပြောသည် ။
· “ကျွန်တော် ရုံးဝင်းထဲ ၀င်လာတော့ လက်နက်ကိုင် ပုလိပ်တွေကိုတွေ့တယ် ။ ဒါပေမဲ့ ကျွန်တော်ဝင်လာတာ မတားကြပါဘူး ၊ ဆင်ဝင်အောက်မှာတောင် အသိစာရေးတစ်ယောက်နဲ့ တွေ့သားဘဲ ။ သူကလဲ ဘာမှမပြောဘူး”
· “လူတွေဟာ မပြောရက်ကြဘူး” ဟု ဇော်ဂျီက ဆိုလေသည် ။
· လဘက်ရည်သောက်နေစဉ် ခုတင်ဘဲ ဆေးရုံက ပြန်လာသော ရုံးသားတဦးအပါးကပ်လာ၍ “ဘယ့်နဲ့လဲ“ ဟု ကျွန်တော်တို့က ၀ိုင်း၍ မေးမြန်းကြသည် ။ သူက မိုင်းပွန်စော်ဘွားကြီးမှတပါး အားလုံးဆုံးရှာပြီဟု ပြောသည် ။ သူ၏ အသံမှာ တုန်နေ၍ မျက်နှာမှာ ဖြူဖတ်ဖြူရော် ဖြစ်နေသည် ။
· “ဗိုလ်ချုပ်ကော” ဟု တယောက်က တိုးတိုးမေးသည် ။
· “မျက်နှာကို အ၀တ်ဖြူနဲ့ ဖုံးထားတယ်”
· ကျွန်တော်လည်း ကြာကြာမနေနိုင်ဘဲ ဂျူဒါအီစကယ်လမ်း တံခါးပေါက်မှ ကျော်၍ အပြင်ဘက်လမ်းသို့ ထွက်ခဲ့ သည် ။ မိုးသည် တစိမ့်စိမ့်ရွာလျက်ပင် ။ လူတအုပ်သည် မိုးထဲတွင် ထီးဆောင်း၍ ၊ အချို့ ထီးမပါဘဲ ၊ အချို့ ပလက် ဖေါင်းပေါ်တွင် ရပ်ကာ အတွန်းဝန်ရုံးဘက်သို့ မျှော်ကြည့်နေကြသည် ။ ကုလားနှင့် တရုတ်လည်းပါသည် ။
· လူတယောက်က ကျွန်တော်၏ လက်မောင်းကို ဆွဲကိုင်၍ “ဒီမယ်… ခုနက ၀န်ကြီးတွေ သေနတ်ပစ်ခံရတယ် ကြားတယ် ၊ ဟုတ်သလား ခင်ဗျာ ” ဟုမေးသည် ။ သူကားအကြောင်းမျိုးစုံကို သိချင်နေပေလိမ့်မည် ။
· “ဟုတ်ကဲ့ …” ဟူ၍သာ ဖြေကြားပြီး တဘက်သို့ ဖြတ်ကူး၍ အသင့်တွေ့ရသော ဒေါင်းတံဆိပ်ကားကို တက်စီး လိုက်သည် ။ ကားသည် လမ်းမတော်ဘက်သို့ ပြေးလျက်ရှိသည် ။
· ကားထဲတွင် လူမနည်းလှပေ ။ ခရီးသည်အားလုံး မျက်စိမျက်နှာ မကောင်းကြ ။ ခပ်ရွယ်ရွယ် မိန်းမပျိုတစ်ဦးက “ဖြစ်မှ ဖြစ်ရဘေနော် ၊ ဖြစ်မှဖြစ်ရလေ” ဟု မြည်တမ်းလျက်ရှိသည် ။
· ဈေးသည်ဟု ထင်ရသော ခပ်အိုအိုမိန်းမကြီး နှစ်ယောက်ကား “ဗိုလ်ချုပ် အသက်ရှင်ပါစေတော်” ဟု ဆုတောင်း၍ နေကြသည် ။
· ယခုမှပင် သိရသော မိန်းမတယောက်က မေးမြန်းသည်ကို “မပြောကြနဲ့ ၊ မပြောကြနဲ့”ဟု အသာလက်ကုတ်၍ တီးတိုးတားမြစ်ကြသည် ။ သူတို့သည် မပြောရက်ကြ ။
· သန့်ပြန့်စွာ ၀တ်စားထားသော တရုတ်တဦးက “အားကီးရက်စက်တာဘဲ” ဟု ကျွန်တော်ဘက်သို့လှည်၍ ရေရွတ်လျက်ရှိသည် ။ မျက်နှာထား တင်းတင်းနှင့် ဘတ်စကားဒရိုင်ဘာသည် တောက်ခေါက်လိုက်သည် ။
· သိမ်ကြီးဈေးသို့ ရောက်သောအခါ လူသွားလူလာ ကင်းရှင်းနေပေပြီ ။ ဈေးဆိုင်များ ပိတ်ထားလေပြီ ။ သတင်း သည် တမဟုတ်ချင်း ပျံ့နှံ့၍ သွားလေပြီ ။ မော်တော်ကား ၊ လန်ချားတို့ကား ခပ်မြန်မြန် သွားလာနေကြသည် ။
· ကားပေါ်မှဆင်း၍ လမ်းထဲသို့ ၀င်သောအခါ အိမ်ဝတွင် လူတို့သည် မှိုင်တိုင်တိုင်နှင့် ရပ်ကာ ကြည့်နေသည်ကို တွေ့မြင်ရသည် ။ လူတို့သည် အငြိမ် မနေနိုင်ကြ ။မိုးသည် မစဲဘဲ ရွာလျက်ပင် ။
· လူတို့သည် “ ဖြစ်မှဖြစ်ရလေ ၊ ဖြစ်မှဖြစ်ရလေ” ဟု တတွတ်တွတ် မြည်တမ်းရင်းပင် ညနေစောင်းလာတော့ သည် ။ ဗိုလ်ချုပ်ဆုံးကြောင်းကား ညနေထုတ် သတင်းစာများမှ ကြားရလေပြီ ။ မည်သူ့မျက်နှာကြည့်ကြည့် မျက်နှာ ညှိုးငယ်နွမ်းလျစွာနှင့် ။ လမ်းမပေါ်မှ စက်ပြင်ဆရာတဦး၏ မိန်းမ ပါးစပ်မှ “ကျုပ်တို့တော့ ထမင်းလဲမချက်တော့ဘူး ၊ စားချင်စိတ်လဲ မရှိတော့ပါဘူး ရှင်” ဟူသော အသံသည် သဲ့သဲ့မျှ ပေါ်ထွက်လာသည် ။
· နေ၀င်မီးညိမ်း အမိန့်ထုတ်ထားသဖြင့် ညဉ့်ဦးသည် တိတ်ဆိတ်ကာ မှောင်လှသည် ။ အိမ်သားများဆုံတိုင်း နေ့ခင်းက အကြောင်းကိုသာ ပြောကြသည် ။ ရှိုက်သံ ၊ တမ်းတသံ ၊ ညဉ်းညူသံ ၊ တသသံ ။
· တိတ်ဆိတ်မှောင်မဲသဖြင့် စောစော အိပ်ရာဝင်ကြသော်လည်း အိပ်မပျော်နိုင်ကြ ။ နေ့ခင်ကဟာ အိပ်မက်ဘဲ ဖြစ်ပါစေတော့ဟု မိန်းမများက ဆုတောင်းကြသည် ။ ညဥ့်နက်သော်လည်း ချောင်းဟန့်သံ ၊ လူးလွန့်သံတို့သည် ဆက်၍ နေသည် ။ ရှဲကနဲ မီးခြစ်၍ နောက်ဖေးထကြပြန်သည် ။ တရေးနိုးဆုံလျှင် “ ဘယ်တော့များမှ မေ့ပျောက်ပါ မလဲနော် ” ဟု အိပ်ချင်သံနှင့် ဆိုကြသည် ။ တရေးနိုးတိုင်း သတိရလျက်ရှိသည် ။ မကြာခဏ အိပ်မက်ပြီး နိုးသည်။ သို့နှင့်ပင် တအောက်မေ့မေ့ ၊ တသသ နှင့် ထိုညကို လွန်မြောက်ရသည် ။

၁၉၄၇
သြဂုတ်လ
တာရာမဂ္ဂဇင်း

၈။ ငမိုး မသေသေး-(နတ်မောက်-ဘုန်းကျော်)

ငမိုး ကိုလူအများတကာက သေလေပြီဟုပြောကြသည် ။ အမှန်မှာကား ငမိုး မသေသေးဟု ထင်ပါသည် ။ ယခု ဇန်န၀ါရီလ တစ်ခု သော နံက်ခင်း ချမ်းချမ်းစီးစီးထဲတွင် တပ်မတော်မော်ကွန်းတိုက်၏ အောက်ထပ်၌ “ငမိုး (ခေါ်)ဗိုလ်ချုပ်အောင်ဆန်း” ကိုအမှတ်မထင် ကျွန်တော် တွေ့ရ၏ ။တစ်ဦးနှင့်တစ်ဦး တွေ့ကြရာ၌ ယခင်တုန်းကလို ၀မ်းသာအယ်လဲမရှိကြ ။ သူကလည်း သူ့အတွေးနှင့်သူ ငိုင်နေ ၏ ။ ကျွန်တော့်မှာလည်း ရင်ထဲမှာ နာနေ၏ ။ဘာအတွက် အသဲနာ,ရင်နာ ဖြစ်ရသည်ကိုကား ကျွန်တော် ဖွင့်မပြောချင် ။

တစ်ခါတုန်းက ငမိုး အကြောင်း “ဂျာနယ်ကျော်”ထဲတွင်ဖွင့်ပြောဘူးသဖြင့် ငါးကြော်စားက ရန်ကုန်ထောင်ထဲ ( ၃ ) လကျော်ဝါဆို ခဲ့ရဘူး၏ ။ ထို့ ကြောင့် နာနေသော အသဲကို ကျပ်စည်း၍ထားရမည် ။

ငမိုး သည် သူ၏ အထုပ္ပတ္တိ ကိုစီကာ စဉ်ကာပြသထားသော မှန်ဘီရိုများအား ဦးခေါင်းငိုက်ဆိုက်ဖြင့် တစ်ခုပြီးတစ်ခု လိုက်လံကြည့် ရှုနေ၏ ။ ထိုမှန်ဘီရို များထဲ၌ တက္ကသိုလ် သိပ္ပံဌာနမှ ကြီးမှူးသော ပြပွဲတွင် တပ်မတော် မော်ကွန်းတိုက်မှ ငမိုး ၏ ဓတ်ပုံ,စာရွက်စာ တမ်း,အ၀တ်အစား,အသုံးအဆောင် ကလေးများကို စုဆောင်း၍ပြသထားဘူး၏ ။ တစ်ဆယ့် သုံးခုမြောက် မှန်ဘီရိုထဲတွင် ငမိုး ၏ စီးကရက်ဗူး မီးခြစ်နှင့် ပလေးယားစီးကရက် (၆)လိပ်ရှိ၏ ။ ငမိုး သည် ဘာမပြောညာမပြော စီးကရက်တစ်လိပ်ကိုယူပြီး မီးညှိသောက် နေလေရာ သူ၏ စီးကရက်မှ မီးခိုးငွေ့များသည်

တစ်ခဏအတွင်း မော်ကွန်းတိုက် အောက်ထပ်၌ ပြည့်လျှံ၍ သွားလေ၏ ။ စီးကရက် မီးခိုး အနံ့ကြောင့် ကျွန်တော်၏ ဦးခေါင်း သည် ရီဝေမူးနောက် လာ၏ ။ ကျွန်တော် ၏ စိတ်သည် ရပ်တည်နိုင်စွမ်းမရှိဘဲ အတိတ်ဆီသို့ ထွက်ပြေးသွားလေသည် ။

( ၂ )

ငမိုး သည် ကျွန်တော့် ထက် အသက် ၆ နှစ်ခန့်ကြီးသည် ။ ကျွန်တော်ကျောင်းရောက်၍ ဆရာ ဦးသာလင်း၏ သူငယ်တန်းတွင် စာသင် နေချိန်ဝယ် ငမိုး သည် ဆရာ ဦးဘသန်း(ဦးရွှေထိုက်) ၏ တတိယတန်းလောက်တွင် ရောက်နေပေပြီ ။ ငမိုး နှင့် ကျွန်တော် အသက်ချင်း ကွာခြားသလို စာသင်ရသော အတန်းလည်း ကွာခြား၏ ။ကွ်ျတော်၏ ၀မ်းကွဲအကို ကြွက်ကဒိုး (ခေါ်)ကိုဘအေး ၊ ယခု ကျွန်တော့် ယောက်ဖ ကိုဘို ၊ ကိုဖိုးနီ စသော သူများသာ ငမိုးနှင့် တစ်တန်းထဲ စာသင်ကြရ၏ ။ငယ်ရွယ်စဉ် ကလေးဘ၀က ဖြစ်၍ ရေးရေးသာ မှတ်မိတော့၏ ။

ငမိုး ကျောင်းအဆင်း အိမ်အပြန်တွင် လမ်းသွားရင်း လုံချည်ကျွတ်သွားက ပြန်၍မ၀တ်၊ လုံချည်ကို ပုခုံးတွင် စွပ်၍ မည်သူ့မျှ စကားမပြောဘဲ ခပ်သုတ်သုတ်သွားသည်ကို မကြာခဏကြုံရ၏ ။ ကျွန်တော်တို့ ကျောင်းတွင် မျက်နှာကြီးကျောင်းသား အသိုက်အ၀န်း ၂-စု ကွဲနေသည် ။ တစ်စုကို ယခုအခါ ကာယကံရှင်များ အထင်အရှားရှိ၍ ဖွင့်ဟ ရေးသားရန် မသင့် ။ ကျန်တစ်စုမှာ ငမိုး တို့ ညီအစ်ကိုစု ဖြစ်၏ ။ ကျောင်းအပြန်တွင် ဤကျောင်းသားစု ၂-စုသည် အမြဲတမ်းရန်ပွဲဆင်ရ၏ ။တစ်စုနှင့်တစ်စု ပညာဂုဏ်ပြိုင်ဘက် ဖြစ်ကြ၍ လမ်းသွားရင်း ကျောင်းမှ သင်ပေးသော စာများကို ငြင်းခုံကြ၏ ။ ငြင်းခုံရာမှ လက်သီးချင်းထိုး ၊ ကျောက်သင်ပုန်းနှင့်ခုတ် ၊ ခဲနှင့်ထု စသည်ဖြင့် ကလေးတို့ဘာဝ လက်နက်မျိုးစုံ အသုံးပြုကြ၏ ။ထိုရန်ပွဲတွင် ကျွန်တော်တို့သည် ငမိုးတို့ဘက်မှ ပါဝင်ကြမြဲဖြစ်သည် ။

ထိုကျောင်းတော်က ရန်စသည် ငမိုး တို့ ကျွန်တော်တို့ လူရွယ်ပိုင်းရောက်၍လည်း အငွေ့နဲနဲရှိသေး၏ ။ ငမိုး သခင်ဘ၀ ၊ နိုင်ငံရေးသမား ဘ၀ အထိအငွေ့မစဲ ။ ငမိုး နှင့် ကျွန်တော်တို့ ပါတီကို ဘယ်တော့မှ အကောင်းမပြောကြပေ ။ နောက်ဆုံး ငမိုးသည် (ဗိုလ်ချုပ်အောင် ဆန်း) ဟု နာမည် တဟိုးဟိုးကျော်သည်အထိ ၎င်း ၊ ကျွန်တော်သည် ငမိုး၏ နောက်လိုက် အန္တေ၀ါသိက ဖြစ်နေချိန်အထိ၎င်း တစ်ဖက်မှ အကောင်းပြောခြင်းကို မခံကြရ ။ “ ဒီကောင်တွေ အင်္ဂလိပ်ပြန်လာရင် ထောင်ထဲနေရမယ့် ကောင်တွေပါကွာ” ဟု အပြောခံကြရသေး၏။

ကျွန်တော်တို့ ၊ ငမိုး တို့မှာ တိုင်းပြည်လွတ်လပ်ရေးရရန် တာဝန်အထပ်အပိုးကြီးကို ရင်ခွင်တွင်ပိုက်၍ အများတကာ နှင့်ပူးတွဲ ဆောင်ရွက် နေရသဖြင့် ထိုကျောင်းတော်က ကိစ္စများကို ခေါင်းထဲ မထားနိုင် ၊ ရင်ထဲလည်း မထားနိုင် ။ ဂျပန်ခေတ် (စိတ်အထင် ၁၉၄၄- ခု နိုဝင်ဘာ လ) စစ်ဝန်ကြီး နှင့် စစ်သေနာပတိအဖြစ် ကန်တော်ကြီး ပတ်လမ်း ( ယခု နတ်မောက်လမ်း)၌ နေထိုင်သောအခါ ကျွန်တော်သည် သူနှင့်အတူနေရ၏ ။ ထိုအခါက အလုပ်အလွန်များနေသည့်ကြားမှ တစ်ခါတစ်ခါ နေရပ် ဇာတိအကြောင်း ပြန်ပြောင်းပြောမိကြ၏ ။

“ (......) ဘာလုပ်နေသတဲ့လဲကွ ...” “ဒီလူ ကုန်သည်လုပ်နေတယ် ကြားရတာဘဲ ..” “ အာရှလူငယ်ထဲ မပါဘူးတဲ့ လား .......” “ ပါတယ် မကြားမိပါဘူး ....” ငမိုး သည် စာပွဲတွင် လက်ချောင်းကလေးများကို တင်ထားပြီး ဗုံတီးသလို တီးလိုက်သေး၏ ။ ပြီး နောက်ငြိမ်နေလေသည် ။ ငြိမ်နေပြီးမှ ပြော၏ ။ “ ဒီကောင် ခက်တော့တာဘဲ ၊ လူတော့ လူကောင်းဘဲ ။ အရည်အချင်းလဲ အသင့်သား ၊ ကြွားတတ်တာ ဆိုးတယ် ....” ဤကား သူ့အား တစ်ဘ၀တာလုံး အကောင်း ဟူ၍တစ်ခွန်းမပြောသော သူ၏ ကျောင်းနေဘက် အပေါ်တွင် ထားရှိသော သဘောထားပင်တည်း ။

ငမိုး ၏ဖြူစင်တိကျသော သဘောထားကို ကျွန်တော်သည် ရုတ်ချည်းသိ ထိမိပြီး အံ့အားသင့်သွားခဲ့ရ၏ ။ သူ့ သူငယ်ချင်းအပေါ်တွင် ကြင်နာပြီး သူမြှော်မှန်းသလို မဟုတ်သောကြောင့် ရှုတ်ချခဲ့ခြင်းကား မပြုပေ ။ ငမိုး သည် စိတ်ထားကြီးမားပေသည် ။

( ၃ )

၁၉၂၉- ခုနှစ် ။

ငမိုး စတုတ္ထတန်း အောင်မြင်ပြီး သောအခါ ၊ အင်္ဂလိပ်ကျောင်းသို့ပြောင်းသွား၏ ။ အင်္ဂလိပ်ကျောင်း ဆိုသည်မှာ ရေနံချောင်း နေရှင်နယ် ကျောင်းကို ဆိုလို၏ ။ အဲဒီခေတ်တုန်းက အင်္ဂလိပ်ကျောင်းကို တော်ရုံ တန်ရုံ ကျောင်းသားများ သွားပြီး ပညာမသင်နိုင်၊ မိဘ ၊ ဦးလေး သားချင်းများတွင် ငွေကြေးတတ်နိုင်မှသာ အင်္ဂလိပ်ကျောင်းသို့ ရောက်နိုင်၏ ။ ငမိုး ၏ မိဘများမှာ ငွေစ, ရှိသူများဖြစ်သည် ။ ငမိုး အင်္ဂ လိပ် ကျောင်းရောက်သွားပြီး ကျွန်တော်တို့မှာ မြန်မာကျောင်းတွင် ကျန်ရစ်ခဲ့သည် ။ ဤတွင် ငမိုး နှင့် ကျွန်တော်တို့ အနေဝေး၍ သွား၏ ။

ဒီလို ....ဒီလို နှင့် ကျွန်တော်တို့ အိမ်အရှေ့ဘက်က ဧကရာဇ် ပင်ကလေးသည် ဧကရာဇ်ပင်ကြီး ဖြစ်လာ၏ ။ ကျွန်တော့်အစ်ကို ၀မ်းကွဲ ကြွက်ကဒိုး သည် ငယ်နာမည်ပျောက်၍ ဘအေးဖြစ်လာပြီး မိန်မပင် ရနေ၏ ။ ကျွန်တော်လည်း နှာရည်တွဲလောင်းနှင့် ကလေး ဘ၀မှ လူပျိုပေါက် အရွယ်ကဖြစ်လာ၏ ။ ငမိုး သည်လည်း ကောလိပ်ကျောင်းသားကြီး ဖြစ်သွားပေပြီ ။

အဲဒီ ခေတ်က ကျွန်တော်တို့မြို့မှ ကောလိပ်ကျောင်းတွင် ပညာသင်နေသူ လေးငါးဦးရှိမည် ။ အခြားသူများက တမူ ၊ ငမိုးက တဘာသာ ။ ကျွန်တော်မည်သူ့မျှ ထိခိုက်စေလိုသော စေတနာ မထားပါ ။

အချို့ ကောလိပ်ကျောင်းသားကြီးများ နွေဥတု ကျောင်းပိတ် အိမ်ပြန်လာရာ တွင် “ဘယ်နေ့ ရောက်မည် ၊ ဘူတာက ကြိုပါ ” ဟု အိမ်သို့ သံကြိုးရိုက်ထားလေ့ ရှိကြ၏ ။ နတ်မောက်သည် တောမြို့ကလေးဖြစ်၍ မော်တော်ကား နတ္ထိ ၊ လှည်းယဉ်များသာ အသုံးပြုကြရ၏ ။ ဘူတာနှင့် မြို့စပ်ကြားတွင် “ယင်းဘာသာ ကွင်းညာက ရှုလိုက်တော့ ” ဟူသော ဦးကြော့လေးချိုးတွင် ပါသည့် ယင်းချောင်းကြီးက ခြားထား၏ ။

မိုးရာသီတွင် ရေရှိ၍ နွေရာသီတွင် ရေမရှိ ။ သဲများပြည့်နေ၏ ။ သံကြိုးစား ရသည့် သက်ဆိုင်ရာများက ကောလိမ်ကျောင်း သားကြီးတွေ ကို လှည်းယဉ်နှင့် သွားကြိုရ၏ ။လှည်းယဉ်ဆိုပေမယ့် မခေလှ ။ နှီးပေါင်းမိုးတွင် နံဘေး - ၀ဲယာ နှစ်ဖက်၌ ပြူတင်းပေါက်ပါပြီး ခန်းဆီး တပ်ထားကြ၏ ။ လှည်းဆောင့်သောအခါ ဖင်မနာအောင် မွှေ့ရာခင်းထား၏ ။ နွားတွင် ခြူကုံးတွေ တချွင်ချွင်နှင့် စိတ်ကြီးဝင်စရာ သိပ် ကောင်း၏ ။ ရထားက အဆင်း မြို့ထဲအ၀င် ၌ တစ်စောင် တစ်မူးပေးရသော (ရန်ကုန်ဂေဇက်) အင်္ဂလိပ်သတင်းစာကြီးကို လှည်းနံရံ ခြေကန်ဖတ်ရင်း လိုက်ပါလာလျှင်၊ ကောလိပ်ကျောင်းသား ပြန်လာပြီဟု သိကြရ၏ ။

ငမိုး ကား အာဂ ငမိုး ။ သူ နွေကျောင်းပိတ် အိမ်ပြန်လာလျှင် သံကြိုးလဲမရိုက် ၊ ဘယ်သူ့မှလဲ အကြိုမခိုင်း ။ အိပ်ရာလိပ်နှင့် သေတ္တာကို လှည်းကြုံနှင့် ငါးမူးပေးပြီး တင်လွှတ်လိုက်တတ်၏ ။ ရန်ကုန် ရထားဆိုက်သော နေ့ခင်း ( ၂ ) နာရီနေပူပူထဲတွင် ဦးထုပ်မပါ ၊ ဖိနပ်မပါ ယင်းချောင်းကို ဖြတ်ကူးလာတတ်၏ ။ ချည်လုံကွင်း မီးလောင်ပေါက်နှင့် မြို့အရှေ့ဘက်က မြောင်းဘောင်အတိုင်း လျှောက်၏ ။ ထိုကမှ မြို့ထဲပတ်ဝင်၍အိမ်သို့သွား၏ ။

တစ်ခါတစ်လေ စပါးလှေ့ နေသော လူသိုက်ထဲ ဘာမျှမပြော ၀င်ထိုင်၏ ။ မောမောနှင့် ရေနွေးကြမ်း နှစ် ခွက်သုံးခွက် ငှဲ့သောက်ပြီး တန်း,ထ,သွားသည်။ နေ ပူပူ ခြေလျှင်ပြန်လာရာ တစ်ခါက ကျွန်တော်တို့ လူငယ်တစ်စု လယ်ကွင်းရေစပ် တွင် စာဝရီးငှက်ကလေးများကို ဂွလေးနဲ့ လိုက်ပစ်နေစဉ် ကြုံဘူး၏ ။ ကျွနတော်တို့က နှုတ်ဆက်၏ ။ သူကမကြား ၊ တစ်ယောက်ထဲ လက်သီးဆုပ် အံကြိတ်ပြီး စကားပြောသွားသည် ။ ဘာပြောတာမှန်းလဲမသိ ။

(စစ်သေနာပတိ ဗိုလ်ချုပ်အောင်ဆန်း ဘ၀တုန်းက အဲဒီ ရှုကွင်းကို ကျွန်တော်က ပြန်ပြော၏ ။ “အဲဒီတုန်းက ကျွန်တော်တို့က ခင်ဗျား စိတ်နောက်နေတယ် ထင်ကြတာ” ဟု ပြောရာ ငမိုး ကဘာမျှ ပြန်မပြော ၊ ဟက်ဟက်ပက်ပက် သာ ရယ်လေ၏ ။)

၁၉၃၆-ခုနှစ် ကျောင်းသား သပိတ်ဖြစ်စဉ် ငမိုး သည် နာမည်ထွက်လာ၏ ။ ငမိုး ကမျိုးချစ်စိတ်ဝင်စား၏ ။ အမျိုးသားလှုပ်ရှားမှု တွေတွင် ပါဝင်နေ၏ ။ နေရပ်ရှိ သခင်ဗဥာဏ် ၊ ကိုသံချောင်း ၊ ကိုဘို ၊ ထွန်းရှိန် ၊ မောက်ညွန့် ၊ ကျွန်တော်တို့ လူသိုက်သည် ငမိုး လမ်းစဉ်ကို လိုက် ကြရင်း သတင်းထောက် ဘ၀ နှင့် နယ်အရာရှိဆိုးတွေ နှက်သူက နှက်၏ ။ သခင်လုပ်ငန်း ၊ ကျောင်းသား သမဂ္ဂလုပ်ငန်းတွေ လုပ်သူ တွေက လုပ်ကြ၏ ။ နဂါးနီ စာအုပ်တွေဖတ်ပြီး ဆွေးနွေးကြ၏ ။

ငမိုး အစွဲကား ပြင်းထန်၏ ။ ငမိုး နွေကျောင်းပိတ် ပြန်အလာ မျှော်ရင်း သူပြန်လာလျှင် တက္ကသိုလ်မဂ္ဂဇင်း ၊ ဒီးဒုတ်ဂျာနယ်၊ ဘားမားဂျာနယ် စသော စာအုပ်များပါလာလေ့ ရှိ၏ ။ကျွန်တော်တို့က ယူပြီးဖတ်၏ ။အချို့ အိမ်နီးနားချင်းများ နေ့ခင်း နွားစာပြောင်းရိုးစဉ်းနေစဉ်သွား ပြီးဖတ်ပြ၏ ။ကျွန်တော်တို့က ဒီလိုလုပ်နေစဉ် ငမိုး က ညလသာသာ ရွာထဲမှ ကလေးတွေစု ပဲကြီးလှော်ဝေပေးပြီး ဒို့ဗမာ သီချင်း သင်ပေး၏ ။

ဤနည်းဖြင့် ကျွန်တော်တို့မြို့ရှိ လူငယ်တစ်တွေမှာ ဟိုခေတ်က လူကြီးများအခေါ်အရ ၀ံသာနု ၊ ထောင်စာကလေးတွေ ၊ သူပုန်က လေးတွေဖြစ်လေကုန်၏ ။

၃၈- ခုနှစ်တွင် ကျွန်တော် ၊ မောက်ညွန့် ၊ ထွန်းရှိ်န်တို့သည် ကျောင်းသား သမဂ္ဂခေါင်းဆောင်များဖြစ်၏ ။ ငမိုး ခေတ္တပြန်လာ၏ ။ ကျွန်တော်တို့ကျောင်းသားတွေ ထကြွလှုပ်ရှား သည်ကို သူကျေနပ်၍နေသည် ။ ကျောင်းသားသပိတ်ဖြစ်ပြီး ကိုအောင်ကျော်ကျဆုံး၏ ။ ရန်ကုန်သမဂ္ဂ သံကြိုးရလျှင် ရခြင်း ငမိုး ထံသွား၍ ပြောပြရာ ငိုင်နေ၏ ။ နောက် ကျောင်းသားသမဂ္ဂ အစည်းအဝေးကျင်းပရာ သာသနာ့ဟိတ စာကြည့်တိုက် သို့ လိုက်လာ၏ ။နေ့ခင်း ၁-နာရီခန့်ရှိပြီ ၊ ဦးထုပ်မပါဘဲ လိုက်လာ၏ ။ ကျောင်းသားအစည်းအဝေးတွင် စကားပြော၏ ။ နာရီဝက်ခန့်ပြော၍ လုပ်ငန်းစဉ်ချပေးပြီး သူ၏ အိမ်သို့ နေပူကြီးထဲ၌ပင် ပြန်သွား၏ ။

အံသြဘို့ကောင်း၏ ။ တစ်ခါတုန်းက တစ်နေ့-နေ့ခင်း မြို့လယ်ရှိ ကိုအီကွမ်း၏ တရုတ်လဘက်ရည်ဆိုင်တွင် ငမိုး ရောက်နေ၏ ။ ငမိုး ၏ ပတ်ပတ်လည်တွင် လူစည်ကား၍နေ၏ ။ အလပ္ပါယ်ဆရာ ကိုညို ၊ ဘိန်းစား ကိုကွက်ကြီး ၊ ဘိန်းစား ကိုဘထွန်း ၊ ဆိုင်းဆရာ ကိုရေချမ်း ၊ ကိုစို့ကြီး ၊ ကိုရေအေး စသော ပရိသတ်များရှိ၏ ။ ကျောက်စားပွဲတွင် ရေနွေးကြမ်းကရား တင်ပြီး ထိုလူသိုက်နှင့် ဒို့ဗမာ အစည်းအရုံးအ ကြောင်း၊ ကျောင်းသား သမဂ္ဂအကြောင်းတွေ ဆွေးနွေးနေ၏ ။ ကိုဘကွမ်း ၊နဘိ-ကိုလှဖေ ၊ သံရောင်-ထွန်းရှိန် ၊ဘိုနက် ၊ဘခွေးနှင့် ကျွန်တော်တို့လည်း ဆံပင်ညှပ်ဆိုင်တွင် ရေနွေးကြမ်း စုသောက်နေရာမှ သူ့အသံကြား၍ ထ,လာခဲ့ကြခြင်းဖြစ်၏ ။

ငမိုး က မျိုးချစ်စိတ်ရှိရန်နှင့် အင်္ဂလိပ်မကောင်းကြောင်းများ ပြော၏ ။ ဘိန်းစား ၊ အရက်သမား ၊ ကြက်သမားများမှာ သူတို့၏ လုပ်ငန်း တွင် မဖြတ်နိုင်ဘဲ စွဲလမ်းနေသူများဖြစ်၏ ။ သူတို့သည် သူတို့၏ လုပ်ငန်းများမှလွဲ၍ တစ်ခြားဘာကိုမျှ စိတ်ပါဝင်စားသူများ မဟုတ်ကြ ။ သူတို့အား မျိုးချစ်စိတ်ထားရှိရန် တရားဟောသူသည် ဘာမျှမြှော်လင့်ချက် ထားရန်မရှိ ။

သို့သော် .........ငမိုး နတ်မောက်မှ ရန်ကုန်သို့ ပြန်သွားသောအခါ၌ ထိုလူတစ်စုသည် သတင်းစာဖတ်သူကဖတ်၍ သခင်အကြောင်း ၊ ကျောင်းသားအကြောင်း များကို အရက်ဆိုင် ၊ ဘိန်းခန်း ၊ ကြက်ပွဲများတွင် ဆွေးနွေးကြသည်အထိ ဖြစ်သွား၏ ။ အံ့ဖွယ် စည်းရုံးရေးပါတကား ။

( ၄ )

အများသိကြသည့် အတိုင်း ငမိုး ဂျပန်သို့သွား၏ ၊ ပြန်လာ၏ ၊ ဗိုလ်တေဇဖြစ်လာ၏ ။ အဲဒီ (ဘီအိုင်အေ) တွင် ကျွန်တော် ဒုက္ခလှ လှကြီး တွေ့ ရ၏ ။ ထိုစဉ်က ကျွန်တော်သည် ဟင်္သတ ဗိုလ်ဗသိန်းတပ်မှ တဆင့် ဗိုလ်မှူးရန်နိုင်၏ တပ်မဟာတွင် ရောက်ရှိနေ၏ ။

တပ်စခန်းမှာ မန္တလေး ဆပ်ပါးမိုင်းနားစ်တွင်ဖြစ်၏ ။ တပ်စခန်းထဲတွင် စိန်ပန်းပွင့် နီနီရဲရဲတွေက ယခုရုံးစာရေး မမကလေးတို့၏ နှုတ်ခမ်းလို နီရဲ၍ နေ၏ ။ အရှေ့ဘက်တွင်ကား စေတီပုထိုး ၊ ဂူကျောင်း ဇရပ်တို့ဖြင့် ပြည့်နှက်နေသော မန္တလေးတောင်တည်ရှိ၏ ။

အချိ်န်အခါ ကား (ဘီအိုင်အေ) ကိုဖျက်သိမ်း၍ (ဘီ-ဒီ-အေ)သို့ အပြောင်းအလွှဲ ကာလဖြစ်၏ ။(ဘီအိုင်အေ)တွင် ပါလာသော တပ်ဗိုလ်များအား ၊ အချို့ကို တိုက်ရိုက် ကော်မရှင်ရာထူးပေး၍ ၊ ကျန်အချို့ကို မင်္ဂလာဒုံ ဗိုလ်သင်တန်းကျောင်းသို့ ရွေးချယ်တက်ရောက်စေရမည်ဖြစ်၏ ။

တစ်ညနေခင်း၌ ကျွန်တော်၏ အိမ်သို့ ဗိုလ်မှူး ရန်နိုင်ထံမှ ဆက်သားရဲဘော်ရောက်လာ၏ ။ တစ်ခါထဲလိုက်ခဲ့ပါဟု မှာကြောင်းပြော၏ ။ဘုမသိ ဘမသိ လုံကွင်းနှင့်ပင် ထ,၍လိုက်သွား၏ ။တပ်စခန်းမြောက်နားရှိ ဗိုလ်မှူး ရန်နိုင်အိမ် အပေါ်ထပ် ၊ အရှေ့ဘက်ခန်းသို့ ရောက်သွား၏ ။ ထိုအခန်းထဲ၌ ဗိုလ်မှူးရန်နိုင် ၊ဗိုလ်ချုပ်နေ၀င်း ၊ဗိုလ်မှူးဇေယျ နှင့် အခြား ကျွန်တော်မသိခဲ့ဘူးသော ဗိုလ်မှူး နှစ်ဦးတို့ စု ထိုင်ပြီး စကားပြောနေကြ၏ ။ ကျွန်တော့်အား ဖေါ်ဖေါ်ရွေရွေ နှုတ်ဆက်ကြ၏ ။ ဗိုလ်မှူး ရန်နိုင်က ထိုသူတို့နှင့် မတ်ဆက်ပေး၏ ။ ဗိုလ်မှူးရန်နိုင်က ထုံးစံအတိုင်း ပြုံး၍ပြော၏ ။

“ ခင်ဗျား တပ်က ထွက်မယ် ကြံသေးသလား ” “ ဟာ....ဘယ်ထွက်ရမှာလဲ ကျွန်တော် ဆက်လုပ်မှာပါ ” “ ခင်ဗျားကို ကျွန်တော်တို့က ဒါရိုက်အပွိုင့်မင့် ပေးဘို့ စီစဉ်ထားတာဗျ ” ကျွန်တော် ဘာမျှ ပြန်မပြော ၊ အားလုံးက ကျွန်တော့်ကို အားနာသော အကြည့် ၊ ကြင်နာ သောအကြည့်ဖြင့် ကြည့်နေ၏ ။ ဗိုလ်မှူးရန်နိင်ကသာ စကားဆက်ပြော၏ ။ “ ဒါပေမယ့် ကျွန်တော်တို့ အစီအစဉ်အတိုင်းတော့ မဖြစ်ဖူး ။ ဒီစာသာ ဖတ်ကြည့်ပါဗျာ ” ဟု စာရွက်တစ်ရွက်ကို ပေး၏ ။

မင်နီနှင့်ရေးထား၏ ။ စာ၏ ဆိုလိုရင်းမှာ “ နတ်မောက်မှ လာသော သခင်ဘုန်းကျော် ဆိုသူ ကျောင်းသားခေါင်းဆောင် တစ်ယောက်ရှိသည် ။ဟင်္သတ ဗိုလ်ဗသိမ်းတပ်ထဲပါသွားသည် ။ သူ့ကိုရှာပါ ။ တိုက်ရိုက်ရာထူး စာရင်းတွင်မထည့်နှင့် ” ဟူသတည်း ။ အောက်တွင် ( ဗိုလ်တေဇ ) ဟုလက်မှတ်ထိုးထား၏ ။

ကျွန်တော်က စာရွက်ကို ခေါက်၍ ပြန်ပေးလိုက်၏ ။ ဗိုလ်မှူးရန်နိုင်သည် စာရွက်ကို ပြန်ယူရင်း မေး၏ ။ “ ဘယ်လို သဘောရသလဲ ” “သူ့ စာအတိုင်းပေါ့ ၊ ဘာဘဲဖြစ်ဖြစ် ကျွန်တော်ကတော့ တပ်ထဲ ဆက်ပါမှာဘဲ ” ဗိုလ်မှူး ရန်နိုင်က ၀မ်းသာအားရ လက်ဆွဲ နှုတ်ဆက်၏ ။ အားလုံးက လက်ခုပ်တီးလိုက်ကြလေသည် ။

ဒီနေရာ၌ ငမိုး ၏ စာသည် တိုတိုနှင့်ထိသည် ။ တစ်မြို့ထဲသားချင်း ၊ လူရင်းပင်ဖြစ်သော်လည်း မျက်နှာသာမပေး ။ တိုက်ရိုက်ရာထူးစာရင်းတွင် မပေးစေရ ။ ကျွန်တော်တို့ အပေါ်အခွင့်အရေး မပေး၍ ကျွန်တော်က စိတ်မဆိုး ။ ငမိုး ၏ ဓတ်ကြောကိုသိပြီးဖြစ်၏ ။ အမေစု၏ လယ်ပေါင် ၊ ယာပေါင် စာချုပ်များကို တိတ်တိတ်ယူ၍ မီးရှို့ခဲ့သော ငမိုး ။ အမေ့ ပစ္စည်းတောင်မှ လမ်းမကျဘူး ထင်လျှင် လမ်းကျအောင် ဇွတ်လုတ်တဲ့ ငမိုး ၊ ငမိုး တွင်မျက်နှာစိမ်း ၊ မျက်နှာကျက် ဟူ၍ ခွဲခြားခြင်း မရှိ ။ တည့်မတ်လိုက်သည်မှာ ချိန်ခွင်လျှာလို ဖြစ်နေ၏ ။

မောင်မင်းကြီးသားက တည့်မတ်ပါ၏ ။ ကျွန်တော့်တွင်ကား မင်္ဂလာဒုံ ဗိုလ်သင်တန်းကျောင်းတွင် ၉-လ လုံးလုံးဂျပန်၏ ပါးအရိုက်ခံ၍ ပဲပင်ပေါက် ရေလုံပြုတ်ကို စားကာ စစ်ပညာသင်ခဲ့ရ၏ ။ ဒူးနှင့်တတောင်ဆစ်တို့မှာ ကျွဲပခုံးထနေ၏ ။ မချိမဆံ့ပင်ပန်း၍ လှလှကြီးဒုက္ခ တွေ့ခဲ့ရ၏ ။

တနင်္ဂနွေနေ့တစ်နေ့တွင် စစ်ကျောင်းအားလပ်၍ သူ့ထံ သွားတွေ့၏ ။ မန္တလေးတွင် ဖတ်ခဲ့ရသော စာနီရဲ အကြောင်း ပြောပြသောအခါ ငမိုး ကမျက်လုံးစောင်း၍ကြည့်၏ ။ ပြီးတော့ တစ်ခွန်းခြင်းပြောပြ၏ ။ “ မင်းကို တိုက်ရိုက်ပေးရင် ဘ၀င် မြင့်သွားမှာ စိုးလို့ကွ ။ ကျောင်းတက်ပြီးမှ ကော်မရှင်ရတော့ ဘယ်သူက ဘာမှ ပြောစရာမလိုဘူး” ကျွန်တော့်မှာ သင်တန်းတွင် မိကျောင်းသွား တက်ရ၍ ရရှိခဲ့သော ဒူးက အမာရွတ်ကိုသာ လက်နဲ့အသာ ပွတ်နေ၏ ။ သူ့ကိုပြန်မပြောရဲ ။ ။

( ၅ )

မင်္ဂလာဒုံ စစ်ကျောင်းမှ ဆင်းပြီး ၂-နှစ်ခန့် အကြာတွင် ကျွန်တော်သည် ငမိုး ထံရောက်သွား၏ ။ သူ၏ ကိုယ်ရံတော် အဖြစ်နေရ၏ ။ သူနှင့်တော်လှန်ရေး မထွက်မီ ၃-ရက်ခန့်အလိုအထိ အတူနေခဲ့ရ၏ ။ တော်လှန်ရေးအပြီး ကျွန်တော့်အား နိုင်ငံခြားလွှတ်ရန် အစီအစဉ် များအတွက် မြူနီစီပယ် စာရင်းကိုင်ချုပ်ဟောင်း (ဗိုလ်မှူးထွေးမောင်) ကို တာဝန်ပေးထား၏ ။
ကျွန်တော့်ကိုလည်း ပြောထား၏ ။ ကျွန် တော်က မနေ ၊ နိုင်ငံရေးထဲ ၀ဲလည်ရန် တပ်မတော် လူထွက်များနှင့် ဆွေးနွေးပြီး နတ်မောက်သို့ပြန်သွား၏ ။

ထိုသောအခါ ငမိုးသည် ကျွန်တော့်အား “ ငါ ” ကိုင်၍ ကြိမ်းဝါးသည် ဟူ၏ ။ ရန်ကုန်သို့ လာရင်း သူ့ထံသွား၏ ။ ကျွန်တော့်အား အစဦးတွင် စိတ်ဆိုးလွန်း၍ စကား မပြော ။ ကျွန်တော်က ဇွတ်ပြော၏ ။ ဒီလိုနဲ့ သူစိတ်ပြေသွားသည် ။ ကျွန်တော်လည်း သူ့ဝါဒကို နာခံကာ မြို့မှ နေ၍ ဆောင်ရွက်ပေး၏ ။ သူ ဒုတိယဘုရင်ခံဖြစ်ချိန် ရွေးကောက်ပွဲအတွက် တရားဟောရင်း နတ်မောက်ရောက်လာ၏ ။ သူ့ထံတွင် လာနေရန် အတန်တန်ခေါ်၏ ။ ကျွန်တော်က ငြင်း၏ ။

နောက်ဆုံး (အမေစု) ကကြားဝင် ဖြန်၏ ။ “ ကဲ ...မင်း ခဏခေါ်ချင်လဲ ခေါ်သွား ၊ မြို့မှာ ကောင်ကလေးမရှိမဖြစ်ဘူး ။ တစ်လ နှစ်လ နေပီး ပြန်ပို့ ” နှင့် နိဌိတံကြ၏ ။ သူနှင့် ရန်ကုန်ုလိုက်လာရပြန်၏ ။

အတူနေရမည်ဟု ဇွတ်ကြမ်းမောင်းနေ၏ ။ ကျွန်တော်က ...အင်းလဲ မလှုပ် ၊ အဲလဲမလှုပ် ၊သူ တောင်ငူသို့ ရွေးကောက်ပွဲအတွက် ခဏသွားနေစဉ် ကျွန်တော်လည်း နတ်မောက်သို့ ပြန်၍ လစ်လာခဲ့၏ ။ မြို့က လူကြီးတွေက ပူပန်ကြ၏ ။ “အမယ်လေးဗျာ ....မပူကြစမ်းပါနဲ့ ။ သူ့မှာ စောင့်ရှောက်မဲ့လူတွေ တပုံကြီးရှိပါတယ် ။ ဘာမှလဲ စိုးရိမ်စရာမရှိပါဘူး” ဟု ကျွန်တော်က ပြောရ၏ ။

သို့သော် ကျွန်တော်ပြန်လာလို့ ၃-လ မကြာခင် ငမိုး သေနတ်ပစ်ခံရလေသည် ။ အရပ်က လူကြီးတွေက ကျွန်တော့်ကို ဆဲကြ ၊ ဆူကြ၏။ “ မင်းပြောတဲ့ တစ်ပုံကြီး ဆိုတာ ဘယ်မှာလည်းဟ -ခွေးမသားလေးရ ” ဟု ငိုရင်း ဆဲကြ၏ ။ ကျွန်တော်လည်း ထိုင်မှိုင်ရုံက လွဲ၍ ဘာမျှ မကြံတတ် ။ ငိုတဲ့လူတွေက ငိုကြ ၊ ၀မ်းသာတဲ့လူကလဲ ၀မ်းသာ ၊ နောက်ဆုံး ငမိုး ခမျာ အာဇာနည်ကုန်းတွင် သွားအိပ်နေရရှာ၏ ။ သူ အာဇာနည်ကုန်းရောက်တာ ၉-နှစ်လောက်ရှိပြီထင်သည် ။ ဒီလိုနဲ့ဘဲ လူတွေက ( ငမိုး )သေပြီပြောကြသည် ။ အမှန်ကား ငမိုး မသေသေး ပါ ။ တပ်မတော်မော်ကွန်းတိုက် ပြခန်းတွင် အသက်ရှင်လျှက် ရှိသေး၏ ။

( ၆ )

ကိုငမိုး ကစီးကရက်မီးခိုးကြားထဲမှ နေ၍ စကားပြောသည် ။

“ မင်းက ဒီမှာ ဘာလာလုပ်နေတာလဲ ”

“ ပေါင်းဟောင်း ၊ သင်း ဟောင်း ရဲဘော်ကြီးတွေက ခေါ်လို့ လာခဲ့တာဘဲ ၊ တပ်မတော် သမိုင်း ရေးရမယ် ပြောတာဘဲ ”

“ဘာ .....မင်းတို့က ရေးမယ် ....”

“ ဟုတ်ပါတယ် ...ရေးကြမယ် ....၊ ကျွန်တော်တို့မှ မရေး ၊ ဘယ်သူက လာရေးမှာလဲ ”

“ အေး ......ရေးတော့ရေးပေါ့ ၊ ငါ တစ်သက်လုံး လုပ်လာခဲ့တာကို မင်းတို့က , ကလောင်တစ်ချောင်းနဲ့ များတော့ မဖျက်ဆီးလိုက်ပါနဲ့ ။ ဗိုလ်ချုပ်လမ်းစဉ်, ဗိုလ်ချုပ်လမ်းစဉ် ဆိုပြီး ငါ့နံမယ် ရောင်းစားနေရင် မကောင်းဘူး ”

“ ကျွန်တော်တို့ကတော့ ရောင်းမစားခဲ့ပါဘူးဗျာ ၊ ဘုရားပေးပေး ကျမ်းပေးပေး ...”

“ ဟော ....မင်းစကားထဲမှာ ကျွန်တော်တို့ကတော့ ဆိုတာ ပါလာတယ် ။ ကျွန်တော်တို့က မရောင်း ၊ တစ်ခြား လူတွေက တော့ ရောင်းစားသလိုပဲ ပြောစမ်း ၊ ဘသူတွေက ရောင်းစားသလဲ ”

“ကို ငမိုး သည် ဒေါသတကြီး ၀သီအတိုင်း မှန်ဘီရို မျက်နှာပြင်ကို လက်သီးနှင့်ထု၏ ။

ပါးစပ်ကလည်း သူသိလိုသော အရာကို ထပ်ကာထပ်ကာ မေးနေ၏ ။ ကျွန်တော်စကားပြောမလည်ပတ်၍ ကျွန်တော့်စကားနှင့် ကျွန် တော့်ကို ပြန်အချည်ခံနေရ၏ ။

သြော ....ကို ငမိုး- ကို ငမိုး ၊ လောကကြီးထဲ မဲမဲ မြင်တိုင်းကြောက်နေရသော ကျွန်တော့်ဘ၀ကို သူမသိ ။ ကျွန်တော် ခင်ဗျားကို အကုန်ဘဲ ဖွင့်ပြောချင်ပါသည် ကို ငမိုး ။ ဒါပေမသည့် မပြောရဲပါ ။

“ ဟေ့ ကောင် .....ငါ မေးနေတာ မကြား ဘူးလား ...”

“ ကြားပါတယ် ၊ ဒါတော့ မပြောပါရစေနဲ့ ၊ ခင်ဗျား ကျွန်တော့်ကို သနားရင် ဒါတော့မမေးပါနဲ့ဗျာ ....”

“ ငါ မေးတာသာ ဖြေစမ်းပါကွာ ....မြန်မြန်ဖြေစမ်း ”

ကျွန်တော့်မှာ ကိုငမိုးကို အသေအလဲကြောက်ရသူဖြစ်သည် ။ ဒီ့အပြင် မဲမဲမြင်တိုင်း ကြောက်နေ ရသူလည်းဖြစ်သည် ။ မဖြေလဲခက် ၊ ဖြေလဲခက် ။ ဤနေရာတွင် ကျွန်တော်တစ်ဦးတည်း လူမိုက် လုပ်လို့ဟန်ပုံမရ ။ နီးစပ်ရာ တွေကို သူခိုး သေဖော်ညှိပြီးမှ ဖြေ၏။

“ ကျွန်တော်က တောမှာနေခဲ့ရတော့ သိပ်ပြီး မသိပါဘူး ၊ ရန်ကုန်မှာ အမြဲနေတဲ့ ဆရာဇ၀နတို့ ၊ ဆရာ မောင်ထင်တို့ ၊ မြန်မာ့အလင်းက သာကဒိုး တို့က ကျွန်တော့်ထက် ပိုပြီး သိပါတယ် ။ သူတို့ကို မေးပါ ။ သူတို့ဖြေပါလိမ့်မယ် ”

“ ဒါဖြင့် ဒီလူတွေ ပြောလိုက် ၊ ငါ့နံမယ် ဘသူတွေရောင်းစားတယ်ဆိုတာ ငါ့ဆီလာပြောလှည့်လို့ ”

“ ဟုတ်ကဲ့ ....ပြောလိုက်ပါ့မယ် ”

ကဲ ....ဆရာတို့ ၊ ခင်ဗျားတို့ ကြားတဲ့အတိုင်းဘဲ ၊ ကြည့်သာပြောကြပေတော့ ။ အဲဒီတာဝန် ခင်ဗျားတို့ဖြေပြီးမှ ကျွန်တော်ဆက်ပြီး ဖြေမည် ။

“ ငါ သဲ့သဲ့ သတင်းကြားပါတယ် ။ မင်းက ငါ့အထုပ္ပတ္တိ ရေးတယ်ဆို ”

“ ကျွန်တော် တစ်ဦးတည်း မဟုတ်ပါဘူး ၊ ဗိုလ်မှူး ဘိုရယ် ၊ ကိုမေအောင်ရယ် ၊ ကျွန်တော်ရယ် ရေးတာ ။ စုထုတ်တာပါ ။ တစ်ခြား စာရေးဆရာတွေလဲ ပါ,ပါတယ် ။

“ အေး ...အိန္ဒိယမှာ ဂန္ဒီသေပြီး ၇-ရက်မှ မရှိသေးဘူး ဂန္ဒီအထုပ္ပတ္တိ ထွက်လာတာဘဲ ။ ချီးမွမ်းသကွာ ”

“ အချီးမွမ်း မစောပါနဲ့ ကိုငမိုး ။ ဒီစာအုပ်ကလေးဖြစ်အောင် ဘယ်အထိ အငေါက်အငမ်း ၊ အကြမ်းအမောင်းသောက်မြင်ကပ်ခံခဲ့ရတာတွေကိုသာ ခင်ဗျားသိရင် ဟောဒီ မှန်ဘီရိုကွဲလိမ့်ဦးမည် ထင်သည် ။ ဒါတောင်မှ ....အထုပ္ပတ္တိ ဆိုလို့သာ အထုပ္ပတ္တိ လိုက်ရတာ ...မိုးကြိုးပစ် ကြိမ်ပြောရမဲ့ အထုပ္ပတ္တိပါ ။

ဒါကလေး ရေးတုန်းက အဖြစ်တွေ ခင်ဗျား မသိဘူး ။ ခင်ဗျားသူငယ်ချင်း လုပ်ဖော် ကိုင် ဘက်တွေဆီ သွားမေး ၊ မှတ်တမ်းကလေးတင်တာတောင်မှ ခင်ဗျားလူတွေက ဘာပြောတယ် ထင်သလဲ ၊

“ မင်းဘဲ မမောမပန်း ဒုက္ခရှာလို့ ”ဟု ငေါက်လွှတ်လိုက်တာတွေ ခင်ဗျား မသိဘူး ။ အဲဒီလို စေတနာထားကြမှ “ အော် ....ငါလဲ မိုက်လို့ လုပ်မိသကိုး ” လို့ ကိုယ့်ကိုယ်ကိုယ် တရားချပြီး ပထမ တွဲနဲ့ဘဲ ဘရိတ်အုပ်ထားရတာ ခင်ဗျားမသိဘူး ။ ပြောပြချင်တယ် ကိုငမိုး ။ ဒါပေမဲ့ လည်ချောင်းထဲ က မထွက်ဖူး ”

“ ဒါထက် ငါ့ကောင်တွေ ဘယ် သွားနေသလဲ ”

“ ခင်ဗျား လူတွေ တောခိုကြသတဲ့ ...ကွန်မြူနစ်လဲ ပါသဗျ ”

“ ကွန်မြူနစ်ကို အသာထား ။ ငါ့ကောင်တွေ ကိုသာ ငါမေးနေတာ ”

“ တော ခိုပါတယ်လို့ ပြောပါပကော ”

“ အင်း ...ဒုက္ခဘဲ ၊ ငါ အစကထဲက မြင်သားဘဲ ။ စတုတ္ထ အကြိမ် ညီလာခံမှာ ငါဘာပြောခဲ့တုန်း ။ မတ်ဇစ်လိဂ်ဖွဲ့ပါ ၊ ညီညွှတ်ပါ ။ မညီညွတ်ရင် နှစ်ဖက်စလုံး ဖင်စုတ်ကုန်မယ်လို့ အပြော ခဲ့သား ။ ဘယ်လိုဖြစ်ကြရတာလဲကွ ....”

“ ဒါတွေ မေးမနေပါနဲ့ဗျာ ပြောရရင် ခင်ဗျားလဲ စိတ်ညစ် ကျွန်တော်လည်း စိတ်ဆင်းရဲရမှာဘဲ ။အဲဒီတုန်းက ခင်ဗျားစာရေးဆရာ လုပ်မယ်


================

၉။ သခင်ကိုယ်တော်မှိုင်း အကြောင်း မှတ်မိတာလေးတွေ
(တင်မိုး)
ဆရာကြီး သခင် ကိုယ်တော်မှိုင်းလို့ အသံကြားရတိုင်း ကြည်ညိုစိတ်၊ လေးစားစိတ်၊ ချစ်ခင်စိတ် ပေါ်လာသည်ချည်း။

ကွမ်းအစ်တစ်လုံး
သျှောင်တစ်ထုံးနှင့်
ရင်ဖုံးအင်္ကျီ
ဖျင်ပင်နီနှင့်
ယောထည်ပုဆိုး
မင်ကြောင်ထိုးနှင့်
အဘိုးကဝိ ပညာရှိ’
ဆိုတဲ့ ကိုယ်ရေးတဲ့ ကဗျာပိုဒ်ကလေးကို ကိုယ့်ဘာသာ သီဆိုရင်း ကြည်နူးပီတိနဲ့ မြင်ယောင်လာသည်ချည်း။

(၁၉၅ဝ) ခုနှစ်က မန္တလေးဘုရားကြီး (၄၅) တာကွင်းကြီးမှာ ဆရာကြီး မှိုင်းကို ကိုယ်တိုင်မြင်ခဲ့ဖူးတယ်။ ပြည်တွင်းငြိမ်းချမ်းရေး အတွက် ဆရာကြီးဟာ တစ်နိုင်ငံလုံးလှည့်ပြီး တရားဟောစဉ်ကပါ။ ဆရာကြီးရဲ့ ခန့်ညားပြီး ကြည်ညိုဖွယ်ရာ ဥပဓိရုပ်၊ အောင်မြင်ပြီး ကရုဏာသံ မေတ္တာသံပါတဲ့ အသံသြဇာ တို့ဟာ နှလုံးသားမှာ စွဲထင် နေရစ်ခဲ့တယ်။ ‘ဆရာမသေခင် ငြိမ်းချမ်းရေး ရတာကို မြင်ချင်တယ်’ လို့ မိဘရဲ့ မေတ္တာစမ်းရေသံကို မမေ့နိုင်ဘူး။

‘ကောင်းကျိုး အထွေထွေရယ်နဲ့ ချွန်စေမြစေသော်၊ ဒေါင်းအိုး ဝေရယ်လို့ တွန်စေကစေသော်’ဆိုတဲ့ ဆရာကြီးရဲ့ တိုင်းပြည်အပေါ်မှာ ထားတဲ့ စေတနာကို ‘ရွှေမြတောင်သာတဲ့ တိုက်ဆီက နေလနှစ် ဆောင်ပါတော်မူတဲ့ အခိုက်’ က ကိုယ်တွေ့ဇာတ်လမ်းကို လွမ်းမောတသဖွယ် မိန့်ဆိုခဲ့တယ်။ ဆရာကြီးနဲ့ တပည့်တွေဟာ နိုင်ငံလွတ်လပ်ရေးအတွက် အဆင်းရဲခံ၊ အငတ်အပြတ်ခံပြီး စိတ်ညီလက်ညီ ဆောင်ရွက်ခဲ့ကြတဲ့ အတိတ်သမိုင်းကြောင်းကို ပြန်ပြောင်း အောင်းမေ့တယ်။

ရေနံချောင်း တို့ဗမာညီလာခံသွားရင်း တောင်တွင်းကြီး နယ်ဘက် ဘုရားတွေ လျှောက်ဖူးကြတော့ တောင်တွင်းကြီးနယ်က ဘုရားတွေမှာ ထူးထူးဆန်းဆန်း ခေါင်းလောင်းသံ ဆည်းလည်းသံ တိတ်နေတာကို သတိပြုမိတယ်။အဲဒါနဲ့ တောင်တွင်းကြီး နတ်မှီတောရဝင်ပြီး အရှင်ဥက္ကဋ္ဌ ကိုဝတ်ပြုတော့ အဲဒီနယ်က ဒကာတွေနဲ့ လက်ဖက်ရည်ကြမ်းဝိုင်းမှာ အာလာပသလ္လာပစကား ဆိုဖြစ်ကြတယ်။ အဲဒီမှာ ဘုရားစေတီ တွေမှာ ခေါင်းလောင်းသံ ဆည်းလည်းသံ ဆိတ်ရခြင်းအကြောင်း မေးမိသတဲ့။

ဒီတော့မှ မင်းကြီးရွှေလရောင် အကြောင်း လေးစားဖွယ် သိလာရတယ်။ အင်္ဂလိပ်နယ်ချဲ့သမားကို ခုခံတိုက်ခိုက်ဖို့ လက်နက်လိုတော့ မင်းကြီးရွှေလရောင်က ဘုရားစေတီတွေထံ ခွင့်ပန်ပြီး ခေါင်းလောင်းတွေ၊ ဆည်းလည်းတွေဝေ မစချီးမြှောက်တော်မူပါဘုရား။ သူ့ကျွန်ဘဝက လွတ်မြောက်ရင် ခေါင်းလောင်းတွေ ဆည်းလည်းတွေ ဝေနေအောင် လှူဒါန်းပါ့မယ်ဘုရားလို့ လျှောက်ထားပြီး ခေါင်းလောင်းတွေ၊ ဆည်းလည်းတွေဖြုတ်၊ အရည်ကျိုပြီး ပန်းပဲဖိုမှာ လက်နက်တွေ လုပ်ခဲ့တယ်ဆိုပဲ။ အဲဒီလို ခုခံတိုက်ခိုက်နေတော့ တောင်တွင်းကြီး တစ်နယ်လုံး အင်္ဂလိပ်က မသိမ်းပိုက်နိုင်ဘဲ ဖြစ်နေတယ်။

ဒီတော့ မင်းကြီးရွှေလရောင်ခေါ် ဗိုလ်မင်းရောင်ရဲ့ ခေါင်းကို ဆက်နိုင်ရင် ဆုတော်ငွေ ဘယ်ရွေ့ဘယ်မျှ ချီးမြှင့်မယ်လို့ ကြေညာရသတဲ့။ ဒီတော့ အင်္ဂလိပ်ကပေးတဲ့ ဆုတော်ငွေကို လိုချင်မက်မောတာနဲ့ ကိုယ့်တပ်ထဲက ကမြင်းမသား စစ်ဗိုလ်တချို့က မင်းကြီးရဲ့ဦးခေါင်းကို ဖြတ်ပြီး အင်္ဂလိပ်နယ်ချဲ့လက်ကို အပ်လိုက်သတဲ့။ ဒါကြောင့် ‘ဖျင်းလှတဲ့ ကမြင်းမအကောင် ဗိုလ်တချို့ရယ်က ကိုယ့်ဖို့အလွတ်ရုန်းရော့ထင်၊ တောင်ကုန်း သာသာယာယာ မြင်းမဏိစခန်းဆီက တရှောင်ရှောင်ပုန်းကာ မင်းအမိအရ ဖမ်းချင်ကြတဲ့ပြင်’ လို့ ဆရာကြီးမှိုင်းက မှတ်တမ်းတင်ခဲ့ပါတယ်။

အဲဒီအခါ ရွာကဒကာတွေက အဲ . . .ဗိုလ်မင်းရောင်ရဲ့ မြေးကလေး အခုရှိပါသေးကော၊ ရန်ကုန်တက္ကသိုလ်မှာ စာသင်နေတယ်ဆို ထင်ပါရဲ့ လို့လည်း ပြောလိုက်ရော ဆရာကြီးမျက်စိထဲမှာ ဌာနချုပ် တို့ဗမာအစည်းအရုံးမှာ အမြဲလာနေတဲ့ မှုန်တေတေ အကောင်လေး ဖြစ်ရော့မလားလို့ စဉ်းစားမိလိုက်သတဲ့။ ရန်ကုန်ရောက်ရင်တော့ ဒီကောင်ဆိုတာ ကလေးကို မေးစမ်းကြည့်ရဦးမယ်လို့ စိတ်ထဲ မှတ်ထားလိုက်တယ်။ သူ့နာမည်က အောင်ဆန်းဆို ထင်ပါရဲ့လို့ လူကြီးတွေက ပြောလိုက်သတဲ့။

ဒီလိုနဲ့ ဆရာကြီးမှိုင်းဟာ အောင်ဆန်းအကြောင်း၊ အောင်ဆန်းတို့အဘိုး ရွှေလရောင်ခေါ် ဗိုလ်မင်းရောင် အကြောင်း၊ ဒီအောင်ဆန်းဆိုတဲ့ ကောင်လေး ဦးစီးခေါင်းဆောင်ပြီး ညီညီညွတ်ညွတ်နဲ့ နယ်ချဲ့ကို တိုက်ပွဲဝင်ခဲ့ကြောင်း၊ အောင်ဆန်းကျဆုံးတဲ့ အခါကျတော့ သီလသမာဓိရှိပြီး စိတ်ကောင်း၊နှလုံးကောင်း ရှိတဲ့ မောင်နုကို ခေါင်းဆောင်တင်ကြကြောင်း၊ နားထောင်ချင်စဖွယ် ခင်းကျင်းပြောပြပါတယ်။ မောင်နုကတော့ ဦးဆောင်နိုင်တဲ့ စွမ်းရည် နည်းရှာတယ်။ ဒါပေမဲ့ လူကောင်းတစ်ယောက်မို့ ခေါင်းဆောင် တင်မြှောက်ရတာမို့ ပုံခပ်ရိုင်းရိုင်းပြောရရင် ဗြဟ္မာ့ဘုံ နွားခုန်တက်သလိုပေါ့ကွယ်လို့ ပြောလိုက်တော့ ပရိသတ်တွေ တအုန်းအုန်း ရယ်မောကြပါတယ်။

ဒီတော့ သူမနာကိုယ်မနာ သင်ပုန်းချေပြီး ငြိမ်းချမ်းအောင် ဆောင်ရွက်ကြဖို့ ဆရာကြီးက တိုက်တွန်း လှုံ့ဆော်သွားခဲ့ပါတယ်။ ဆရာကြီးဟာ သားသမီးတွေ မညီမညွတ် ရန်စစ်ခင်းနေကြတာကို မြင်ရတဲ့မိဘရဲ့ စေတနာမျိုးနဲ့ အိုကြီး အိုမပေမယ့် တကြောင့်ကြကြ ဆောင်ရွက်ခဲ့တာပါ။ ‘ယခင်အခါ ထမ်းပိုးတည့်တည့် ထမ်းခဲ့ကြတဲ့ စိုးနဲ့သန်းကိုလည်း တစ်မျိုးကွဲလွမ်းသူ၊ ဆရာဖအေမှာဖြင့် မာပါစေသာပါစေ ဆုမွန်တောင်းတဲ့ အပြင် ကမ္ဘာ အေးစေတီ ဒါယကာ မောင်ရွှေနုကိုလည်း အောင်ဇေယျတု အောင်ဇေယျတုနဲ့ မေတ္တာပို့လိုက်တဲ့ ဆိုတဲ့အတိုင်း သုပုန်နဲ့ အစိုးရအကြား ပြည်တွင်းစစ်မီးမပွားအောင် အားကြိုးခနဲ့ ဆောင်ရွက်ခဲ့ပါတယ်။

ဆရာကြီးမှိုင်းဟာ အလွန်ဖြူစင်သန့်ရှင်းတဲ့ သူတော်စင် ပညာရှင်ကြီးပါ။ သူ့ကိုယ်ကျိုး၊ သူ့အရေး၊ သူ့အတွက် တစက်ကလေးမျှ စဉ်းစားသူမဟုတ်ပါ။ ဒီလို ကိုယ်ကျိုးစီးပွားကို လုံးဝ မထားနိုင်အောင် စွန့်လွှတ်ခဲ့တဲ့အတွက် မြင့်လည်းမြင့်မြတ်၊ မှန်လည်းမှန်ကန်၊ စေတနာအမှန်နဲ့ ဦးဆောင်မှု ပေးနိုင်ခဲ့တဲ့ နိုင်ငံတော်ရဲ့ မီးရှုးတန်ဆောင် ဖြစ်ရခြင်းပါပဲ။ မြန်မာနိုင်ငံမှာ ဆရာကြီးမှိုင်း၊ ဗိုလ်ချုပ်အောင်ဆန်းနဲ့ ရဲဘော်သုံးကျိပ်ဝင်တချို့ စတဲ့ ကိုယ်ကျိုးမဖက်၊ မေတ္တာ စေတနာသက်သက်နဲ့ ဆောင်ရွက်တဲ့ ခေါင်းဆောင်ကောင်းတွေ ပေါ်ပေါက်ခဲ့ပါတယ်။
တင်မိုး


No comments:

Post a Comment

Related Posts Plugin for WordPress, Blogger...