Tuesday, December 24, 2013

အာဏာရှင်တွေရဲ့ Brain Wash ကိုတွန်းလှန်ခြင်း

December 21, 2013 at 8:19am
Ko Oo

မြန်မာပြည်က အတိုက်အခံအဖွဲ့အစည်းအချို့တွေကတော့
မတရားသော၊ မလွပ်လပ်သော၊ မမျှတသော
(၂၀၁၅)မှာလုပ်ပေးမဲ့ ဇတ်ဆရာအလိုကျရွေးကောက်ပွဲကိုပဲ
ခေါင်းငုံ့ပြီးဝင်ကြတော့မယ်အနေအထားပါပဲ၊


လူထုတိုက်ပွဲကတော့ အစဖျောက်ခံထားရသလို
ဘယ်သူကမှစိတ်ဝင်းစားမှုမပြကြတော့ဘူး၊
အစိုးရကငြိုငြင်မှာစိုးလို့ထင်ပါတယ်၊

အတိုက်အခံတော်တော်များများဟာ
လူထုနစ်နာအောင်မလုပ်ပါဘူးဆိုတဲ့အကြောင်းပြချက်တွေနဲ့
လယ်သမားအရေး၊အလုပ်သမားအရေး၊
မြေယာသိမ်းဆည်းမှုစတဲ့အရေးတွေကနေ
ကပ်ရှောင်လုပ်နေတာကြာခဲ့ပြီ၊

တကယ်တော့ လူထုတိုက်ပွဲကိုမလုပ်ကြပါနဲ့ပြောနေကြသူတွေဟာ
စစ်အာဏာရှင်လိုချင်နေတဲ့လူစားမျိုးပဲ၊
လူတွေသေကြနာကြရင်မင်းပဲတရားခံဖြစ်မယ်ဆိုတဲ့
လူထုတိုက်ပွဲခေါင်းဆောင်တွေကိုထိုးတဲ့ထိုးနှက်ချက်တွေဟာလည်း
စစ်အာဏာရှင်ကနေချပေးတဲ့ လိုချင်တဲ့အတွေးအခေါ်နဲ့တထပ်တည်းပဲ၊

တကယ်ဆိုရင်လူထုတိုက်ပွဲဆိုတာ
လူတစ်ယောက်ကဖန်တီးချင်တိုင်ဖန်တီးလို့ရတဲ့ကိစ္စမဟုတ်ဘူး၊
လူထုကသူခံစားချက်နဲ့တိုက်ဆိုင်ရင်
သူလွတ်လပ်မှုကိုထိပါးလာလျှင်
သူတို့အကျိုးစီးပွါးကိုထိခိုက်လာပြီဆိုရင်
ထမင်းအိုးကိုပြစ်ပြီးထွက်လာကြတဲ့အမျိုးဗျ..

တကယ်လို့သူတို့လွတ်လပ်မှုအတွက်သူတို့အခွင့်အရေးအတွက်
ကြိုးပမ်းပေးနေတယ်လို့သူတို့မယူဆဘူးဆိုရင်
ခင်ဗျားတို့ ဘယ်လိုပဲသွေးဆောင်သွေးဆောင်
ဘာနဲ့ပဲသွေးဆောင်သွေးဆောင်
လူုထုက သူ့ပိုင်ဆိုင်မှု သူ့အသက်ခန္ဒာကိုစတေးပြီးထွက်လာဘို့ဝေးစွ
လှည့်တောင်ကြည့်မှာမဟုတ်ဘူး၊
(လူထုဟာမင်းတို့ထင်သလိုစောက်ပေါမဟုတ်ဘူး)

စစ်အာဏာရှင်အလိုတော်ရိတွေက
စစ်အာဏာရှင်တွေသေအောင်ကြောက်ကြတဲ့
လူသေသေကြနာကြရင်မင်းပဲတရားခံဖြစ်မယ်ဆိုတဲ့
Brain Wash လုပ်ထားတဲ့ အတွေးအခေါ်တွေကို
ခပ်အအခပ်ညံ့ညံ့လူတွေပါးစပ်ထဲကို
ထည့်ပေးပြီးစကားကိုတွင်တွင်ကျယ်ကျယ်ပြောခိုင်းနေတာ
လူထုတိုက်ပွဲကိုဦးဆောင်မဲ့သူတွေနောက်ထပ်ပေါ်မလာအောင်
တမင်တကာလုပ်နေတာဖြစ်တယ်၊

ဒီလိုခပ်အအခပ်ညံ့ညံ့လူတွေဟာခေါင်းထဲဝင်နေတဲ့ အတွေးအခေါ်ဟာ
လူထုတိုက်ပွဲကိုဘုမသိဘမသိ အခမဲ့သင်းသတ်ပေးနေသော
အချောင်သမားအတွေးအခေါ်မျှသာဖြစ်ပါတယ်၊

ဒီလိုလူတွေများလာနေတဲ့ပတ်ဝန်းကျင်မျိုးမှာ
တစ်ခါတစ်လေ အတိုက်အခံခေါင်းဆောင်တွေကပါ
ဒီပရက်ရှာတွေကြောင့်လူထုနစ်နာအောင်မလုပ်ပါဘူးလို့
လူသိရှင်ကြားပြောလာတဲ့အထိရှိပါတယ်၊ဒါကိုကြည့်ပြီး
စစ်အာဏာရှင်တွေ့ရဲ့ Brain WashCampaign
မြန်မာပြည်မှာအောင်မြင်ခဲ့တယ်လို့ပြောရမယ်၊

နိုင်ငံတိုင်းမှာ လူထုတိုက်ပွဲဖြစ်နေတာမြင်ဘူးတယ်၊
တိုက်ပွဲထဲမှာစိတ်ပါလက်ပါ ပါဝင်ခဲ့ကြတဲ့ပြည်သူတွေက
တိုက်ပွဲခေါင်းဆောင်တွေကိုမင်းတို့တရားခံပဲလို့ဘယ်တော့မှမပြောဘူး၊

တိုက်ပွဲခေါင်းဆောင်သူတွေကိုဖမ်းတယ် ဆီးတယ် ထောင်ချတယ်
ဆိုတာ အာဏာကိုအပြိုင်အဆိုင်ရှိကြသူတွေနိုင်တဲ့အချိန်မှာ
လုပ်တတ်တဲ့ သရဲဘောဆန်တဲ့လုပ်ရပ်ပဲ၊
တန်ဖိုးမရှိဘူး၊သိက္ခာမရှိဘူး၊ ရှက်စရာကောင်းတဲ့
အာဏာလက်ရှိသူတွေရဲ့လုပ်ရပ်ပဲ၊

ဒါကြောင့်စစ်အာဏာရှင်တွေကို အသားလွတ်အလုပ်အကျွေးပြုနေတဲ့
ဒီလိုအတွေးအခေါ်တွေကိုကျနော်တို့၏ရင်ထဲမှာ ထုတ်ပယ်နိုင်မှသာလျှင်
ညီညွတ်တဲ့ပူးပေါင်းဆောင်ရွက်မှုကို ရမှာဖြစ်ပါစေ၊
မည်သို့ပင်ဖြစ်စေတိုက်ပွဲတိုင်းကျနော်တို့ အင်အားဖြစ်လာဘို့အတွက်
အတားအဆီးအားလုံးကိုကျော်လွှားနိုင်ကြပါစေဗျာ၊

ကိုကိုဦး (၈၈သူပုန်မျိုးဆက်)

ကျနော်ရဲ့လူထုတိုက်ပွဲဋီကာ

No comments:

Post a Comment

Related Posts Plugin for WordPress, Blogger...