Saturday, December 28, 2013

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးနှင့် ကျွန်တော့်ဘဝ တစ်စိတ်တစ်ဒေသ - နဝမပိုင်း

Htun Aung Gyaw December 19, 2013 at 5:19am
ကေအင်န်ယူနယ်စပ်ရေးရာတာဝန်ခံ ဗိုလ်မှူးစိုးစိုးထံ အကူအညီသွားတောင်းသည့်အခါကြမှသာ ရည်ရည်လည်လည် သဘောပေါက်သွားသည့်အပြင် စိတ်မကောင်း ကြီးစွာလည်း ဖြစ်ရသည်။ ဗိုလ်မှူးစိုးစိုးအား စခန်းအသီးသီးသို့ သွားရောက်ရန် ကားစီစဉ်ပေးပါဟု အကူအညီတောင်းသောအခါသူက “ခင်ဗျားတို့က ဟိုးအပေါ်ကို ရောက်နေတယ်၊
ကျွန်တော်တို့နဲ့လက်လှမ်းမမှီဘူး၊ ကျွန်တော်တို့က ကိုယ့်နယ်မြေတွင်းမှာရှိတဲ့ ကေအင်န်ယူနယ်မြေ ကျောင်းသား ဗဟိုကော်မတီကိုပဲ လက်လှမ်းမှီတယ်” ဟု ခနဲ့စကားပြောဆိုခြင်းကို ခံခဲ့ရသည်။ ဗိုလ်မှူးစိုးစိုးသည် ကျွန်တော်တို့ ထိုင်းနယ်စပ်တလျှောက် ခရီးသွားသည့်အခါ သူ့ထံတွင် (Travel document) ခရီးသွားလက်မှတ်ဝင်ယူရသည်၊ ဗိုလ်မှူးစိုးစိုးသည် ထိုင်းနယ်စပ်တစ်လျှောက် အလွန်ပိုင်သည်။ သူလက်မှတ်ထိုးထားသောခရီးသွားလက်မှတ်ဖြင့် ထိုင်းနယ်စပ်တလျှောက် အဖမ်းအဆီးမရှိ သွားလာနိုင်သည်။ ထိုအခါခရီးသွားချင်လျှင် သူ့ထံသွား၍ ကျွန်တော်တို့က ထောက်ခံစာတောင်းရသည်၊ ခရီးသွားရန် စားရိတ်မတတ်နိုင်သဖြင့် ကားကြုံစီးရသည်။ ကားလမ်းအတိုင်း လမ်းလျှောက်ပြီး သွားရသည်။  ကားကြုံမရှိလျှင် ဗိုလ်မှူးစိုးစိုးအိမ်တွင် ညအိပ်စောင့်ပြီး တည်းရသည်။ ဗိုလ်မှူးစိုးစိုးက ကျွန်တော်တို့ကို သူ့အိမ်အောက်ကြမ်းပြင်တွင် အိပ်စေပြီး၊ ကေအင်ယူနယ်မြေ ကျောင်းသားဗဟိုကော်မီတီဝင်များကိုမူ အိမ်အပေါ်ထပ်တွင် ကုတင်မွေ့ယာခေါင်းအုံးများဖြင့် အထူးပြုစုပြီး ဗြောင်ခွဲခြား ဆက်ဆံခြင်းခံခဲ့ရသော်လည်း တော်လှန်ရေးအကျိုးကို ရှေးရှူ၍ သည်းခံခဲ့သည်။ ထို့အပြင် ကရင်နယ်မြေ ဗဟိုကော်မီတီ ဥက္ကဋ္ဌ ကိုကျော်ကျော်တို့ကို ဖိုးဝှီးကားသစ်စင်းလုံးပေး၍ ကရင်နယ်မြေစခန်းအသီးသီးသို့ လေ့လာရေးခရီးထွက်စေခဲ့သည်။ ကျွန်တော်တို့သည် ဗဟိုကော်မတီဝင်များဖြစ်သော်လည်း ကရင်နယ်မြေဗဟိုကော်မတီကဲ့သို့ စခန်းအသီးသီးသို့ သွားရောက်၍ စခန်းခေါင်းဆောင်များနှင့် ဆက်သွယ်နိုင်ခွင့်၊ စည်းရုံးနိုင်ခွင့်မရှိဘဲ ဖြစ်နေချိန်တွင် ကိုကျော်ကျော် (ဆယ်ပြား) ဦးဆောင်သည့် ကရင်နယ်မြေ ဗဟိုကော်မတီသည် ကေအင်န်ယူ၏ အထူးကူညီပံ့ပိုးမှုဖြင့် စခန်းအသီးသီးသို့ သွားရောက်နိုင်ခွင့်၊ စည်းရုံးနိုင်ခွင့်တို့ကို ရရှိခဲ့သည်။ တစ်ဖက်တွင်လည်း ကျွန်တော်တို့ ဗဟိုကော်မတီသည် စခန်းများကို ဦးဆောင်နိုင်မှုမရှိ၊ လိုအပ်သည်များကို ကူညီပံ့ပိုးနိုင်မှုနှင့် ငွေကြေးထောက်ပံ့နိုင်မှု မရှိခဲ့သည့်အတွက် စခန်းများ၏ ထောက်ခံမှုကို ရရှိရန် ကြိုးစားရာ၌ အားနည်းခဲ့ရသည်။ အချို့စခန်းများဆိုလျှင် ကလန်ကဆန်ပင် လုပ်လာခဲ့ကြသည်။ ထို့အပြင် ကရင်နယ်မြေ ဗဟိုကော်မတီသည် ကျွန်တော်တို့ ဗဟိုကော်မတီနှင့် ပူးပေါင်းဆောင်ရွက်ခြင်းလည်း မရှိခဲ့ပေ။ သူတို့လုပ်ကိုင်နေသည့် ကိစ္စများကိုလည်း တိုင်ပင်ဆွေးနွေးခြင်း မရှိဘဲ ကိုယ့်သဘောဖြင့် ဆောင်ရွက်ကာ သီးခြားအဖွဲ့အစည်းတစ်ခုအဖြစ် ရပ်တည်နေခဲ့သည်။
ထိုသို့ဖြစ်ရသည့်အကြောင်းမှာ ကျွန်တော်တို့ ဗဟိုကော်မတီ၏ အဓိကဦးဆောင် နေသူများထဲတွင်-
(၁) လူများစုဖြစ်သော်လည်း ကေအင်န်ယူနယ်မြေစခန်းများမှ ကေအင်န်ယူနှင့်ယုံကြည်ရင်းနှီးသော ကျောင်းသားစခန်း ခေါင်းဆောင်များ ထိပ်တန်းနေရာများတွင် အရွေးမခံရခြင်း။
(၂) ကျွန်တော်၊ သန်းဝင်း၊ ကိုကိုလေး၊ ထွန်းဦး၊ တို့သည့် မွန်နယ်မြေမှ တက်လာသည့် ကိုယ်စားလှယ်များ ဖြစ်နေခြင်း။ ဤနေရာတွင် ကျွန်တော်တို့ ၄ ဦးသည် မွန်မဟုတ်သော်လည်း ကရင်စခန်းများမှ မဟုတ်သည့်အတွက် ယုံကြည်မှု မရှိခြင်း။
(၃)  ကိုဝင်းမိုး၊ ကိုအောင်နိုင်၊ ကိုကိုဦး၊ ကိုကျော်ထင်တို့သည် ကရင်နှင့်အမြင်မကြည်လင်သည့် ပြည်တွင်း ဗကသအုပ်စုက ဗဟိုကော်မီတီဝင်များအဖြစ်ပါဝင်နေခြင်း။
(၄) ပထမအကြိမ် ညီလာခံကြီးတွင် အရွေးမခံရသော ကေအင်န်ယူနယ်မြေရှိ ကျောင်းသားကိုယ်စားလှယ်များသည် ဖွဲ့စည်းလိုက်သော ဗဟိုကော်မီတီတွင် ကရင်နှင့်အမြင်မကြည်လင်သည့်အုပ်စုကို မကျော်နိုင်သည့်အခါ ကေအင်န်ယူ အစီအစဉ်ဖြင့် အပြိုင်ဖွဲ့ပြီး ဗဟိုကော်မီတီနှင့် စခန်းကော်မီတီများကြားတွင် သွေးခွဲရေးများ လုပ်ဆောင်ခဲ့ကြသည်။ လက်ရှိဗဟိုကော်မီတီဝင်များသည် လူဘော်လူကျော့များသာဖြစ်ကြောင်း တောတွင်းစခန်းများတွင် ဒိုးတူဘောင်ဖက် မနေနိုင်ကြောင်း၊ ကျောင်းသားအထောက်အပံ့ အကူအညီများကို ဖြတ်ယူနေကြောင်း သတင်းလွှင့်သဖြင့် ဗဟိုကော်မီတီသည် စတင်ဖွဲ့စဉ်ကပင် လှုပ်ရှားနိုင်မှု အားနည်းခဲ့ပြီး ကရင်နယ်မြေရှိ စခန်းများ၏ ဆန့်ကျင်ခြင်းကို ခံခဲ့ရ ခြင်း ဖြစ်သည်။


ABSDF ဗဟိုကော်မတီနှင့်အပြိုင် ကရင်နယ်မြေ ABSDF ဗဟိုကော်မတီဖွဲ့စည်းကြောင်း ကြေညာချက်
 

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး
ကေအဲန်ယူအစည်းအရုံးနယ်မြေ
ကြေငြာချက်အမှတ် (၂/၈၈)
7th, Dec, 88

၁။ စစ်မှန်သောဒီမိုကရေစီနိုင်ငံတော်နှင့် လူ့အခွင့်အရေးများ မြန်မာပြည်သူပြည်သားတိုင်း၊ နိုင်ငံသားတိုင်း၊ တရားမျှတစွာ ရရှိခံစားထွန်းကားနိုင်ရေးအတွက် ကျောင်းသားများဦးဆောင်၍၊ လူထုလူတန်းစား အလွှာ အသီးသီး ပါဝင်သော မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ကေအဲန်ယူ အစည်းအရုံးနယ်မြေ) ကို စုစည်းတည်ထောင်နိုင်ခဲ့ပြီး ဗဟိုကော်မီတီတစ်ရပ်ကို ညီညွတ်စွာ ဖွဲစည်းပြီးကြောင်း ပြည်သူတစ်ရပ်လုံးသို့ အစီရင်ခံပြီး ဖြစ်ပါသည်။

၂။ ယင်းဗဟိုကော်မီတီ၏ရှေ့လုပ်ငန်းစဉ်ပါမြင့်မားသော နိုင်ငံရေးရည်မှန်းချက်၊ လေးနက်သော စစ်ရေး စီမံချက်နှင့် များပြားတောင့်တင်းလာသော ဒီမိုကရေစီရရှိရေးတိုက်ပွဲဝင် ကျောင်းသားပြည်သူအင်အားစု များအတွက် ဖွဲ့စည်းခဲ့ပြီးသည့် မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ကေအဲန်ယူ အစည်းအရုံးနယ်မြေ) ၏ဗဟိုကော်မီတီကိုကော်မီဝင်ဥိးရေတိုးချဲ့ကာ အစားထိုး ပြန်လည်ရွေးချယ် တင်မြှောက် ဖွဲ့စည်းခြင်း ဖြစ်သည်။

၃။ ဗဟိုကော်မတီတိုးချဲ့ရွေးချယ်တင်မြှောက်ပွဲသို့ ကေအဲန်ယူအစည်းအရုံး နယ်မြေတစ်လျှောက်ရှိ မောထ၊ သံလွင်၊ မဲသရ်၊ သေ့ဘောဘိုး၊ မင်းသမီး၊ မို့တောင် စသည့် စခန်းအသီးသီးမှ ကျောင်းသားကိုယ်စားလှယ်များ၊ အမျိုးသားဒီမိုကရေစီတပ်ပေါင်းစု၊ ကရင်အမျိုးသားအစည်းအရုံးမှ တော်လှန်ရေးခေါင်းဆောင်ကြီးများ တက်ရောက်လျှက် အောက်ပါဗဟိုကော်မတီဝင် (၂၁) ဦးကို စည်းလုံးညီညွှတ်စွာ ရွေးချယ်ဖွဲ့စည်းနိုင်ခဲ့ပေသည်။

၁။ ကိုကျော်ကျော်                 ဥက္ကဋ္ဌ
၂။ ကိုမောင်မောင်တိတ်          ဒုတိယ ဥက္ကဋ္ဌ
၃။ ကိုစံရွှေအောင်                 အတွင်းရေးမှူး
၎။ ကိုမောင်မောင်စိုး               တွဲဘက် အတွင်းရေးမှူး (၁)
၅။ ကိုသိန်းထိုက်                   တွဲဘက် အတွင်းရေးမှူး (၂)
၆။ ကိုအောင်ခင်                   အလုပ်အမှုဆောင်
၇။ ကိုကျော်သက်ဦး              အလုပ်အမှုဆောင်
၈။ ကိုခိုင်တင်စိုး                   အလုပ်အမှုဆောင်
၉။ ကိုအာယု                       အလုပ်အမှုဆောင်
၁၀။ ကိုသိန်းဝင်း                  အလုပ်အမှုဆောင်
၁၁။ ကိုကျော်ဇေယျ               အလုပ်အမှုဆောင်
၁၂။ ကိုခင်မောင်စိုး                အလုပ်အမှုဆောင်
၁၃။ ကိုတင်ဌေး                    အလုပ်အမှုဆောင်
၁၄။ ကိုအောင်သန်းဝင်း          ဗဟိုကော်မတီဝင်
၁၅။ ကိုဇော်ခင်                    ဗဟိုကော်မတီဝင်
၁၆။ ကိုအောင်သူ                 ဗဟိုကော်မတီဝင်
၁၇။ ကိုသိန်းဆန်း                 ဗဟိုကော်မတီဝင်
၁၈။ ကိုဝင်းထိန်                   ဗဟိုကော်မတီဝင်
၁၉။ ကို                             ဗဟိုကော်မတီဝင်
၂၀။ ကို                             ဗဟိုကော်မတီဝင်
၂၁။ ကို                             ဗဟိုကော်မတီဝင်

မှတ်ချက်။ ကေအဲန်ယူအစည်းအရုံးနယ်မြေကျောင်းသားဗဟိုကော်မတီ တိုးချဲ့ဖွဲ့စည်းကြောင်း ကြေညာချက်ကို အများပြည်သူ အလွယ်တကူ ဖတ်ရှုနိုင်ရန် မူရင်းအတိုင်း စာသားကို ပြန်လည်ရိုက်ပေးလိုက်သည်။
ညီလာခံက ရွေးချယ်ပေးလိုက်သည့် ဗဟိုကော်မတီ ဥက္ကဋ္ဌ ကျွန်တော်အပါအဝင် မည်သူ့ကိုမျှ အသိပေးခဲ့ခြင်း မရှိဘဲ လူမသိ သူမသိ တိတ်တဆိတ် ဖွဲ့စည်းလိုက်သည့် အဖွဲ့အစည်းဖြစ်သည်။ နံပါတ် ၁၉ မှ ၂၁ အထိ ဗဟိုကော်မတီဝင် အမည်များ ထည့်သွင်းဖော်ပြထားမှု မရှိခြင်းက စနစ်တကျ ဖွဲ့စည်းခဲ့သည့် အဖွဲ့မဟုတ်ကြောင်းကို ပေါ်လွင် ထင်ရှားစေသည်။

ခရက်ဒေးညဈေးတွင် တပ်ရင်းအမည်များ သတ်မှတ်ခြင်း
ကရင်နယ်မြေ ABSDF ဗဟိုကော်မတီဖွဲ့စည်းနေသည်ကို မသိဘဲ ဗဟိုကော်မတီဝင် နှစ်ယောက်ဖြစ်သည့် ကျွန်တော်နှင့် ကိုထွန်းဦးတို့နှင့်အတူ ကိုအောင်ကြည်ဦးသည် ခရက်ဒေးညဈေးတွင် တပ်ရင်းအမည်များ မည်ကဲ့သို့ ပေးရမည်ကို လက်ဖက်ရည်သောက်ရင်း ဆွေးနွေးတိုင်ပင်နေခဲ့ကြသည်။ ကိုထွန်းဦးက တိုင်းရင်းသားနယ်မြေအလိုက် ၁၊ ၂၊ ၃၊ ၄ ထား၍ ထို ၁၊ ၂၊ ၃၊ ၄ နောက်တွင် တပ်ရင်း ၁၊ တပ်ရင်း ၂ ဆိုပြီး ထားလျှင်ကောင်းမည်ဟု တင်ပြလာသည့်အပေါ် ကျွန်တော်က တောင်ပိုင်းက စရေပြီး မွန်နယ်မြေကို ၁၊ ကရင်နယ်မြေကို ၂၊ ကယားနယ်မြေကို ၃၊ ပအို့ဝ် နယ်မြေကို ၅၊ ရှမ်းနယ်မြေကို ၆၊ ကချင်နယ်မြေကို ၇၊ ချင်းနယ်မြေ မြန်မာပြည်အနောက်ခြမ်း အိန္ဒိယနယ်စပ်ကို ၈၊ ရခိုင်ဘင်္ဂလားနယ်စပ်ကို ၉ ဟု သတ်မှတ်ရန်၊ ထို့နောက် မွန်နယ်မြေရှိ တပ်ရင်း ၁ ကို ၁၀၁၊ တပ်ရင်း ၂ ကို ၁၀၂၊ ထို့အတူ ကရင်နယ်မြေ တပ်ရင်း ၁ ကို ၂၀၁၊ တပ်ရင်း ၂ ကို ၂၀၂ စသည်ဖြင့် နယ်မြေအလိုက်စသည်ဖြင့် ဖွဲ့စည်းသွားရန် ကိုထွန်းဦးနှင့် ကိုအောင်ကြည်ဦးတို့ အကြံပြုတင်ပြချက်ပေါ်မူတည်၍ သတ်မှတ်ပေးခဲ့ပါသည်။ မွန်ပြည်နယ်ကို ၁ ဟု သတ်မှတ်လိုက်သဖြင့် မွန်ပြည်နယ် တပ်ရင်း ၁၀၁ သည် ကျွန်တော်တို့ စတင်တောခိုလာစဉ် လမ်းခရီး၌ ဒုက္ခရောက်စဉ်က ၁၀၁ ယောက်ကို ဂုဏ်ပြုရည်ညွှန်းသည့်အနေနှင့် ပေးခဲ့ခြင်းဖြစ်ပါသည်။

လက်မောင်းတံဆိပ်များရေးဆွဲခြင်းနှင့် ဓား နှင့် လှံ သုံးရသည့်အကြောင်းရင်း
ခရက်ဒေးညဈေးထဲတွင် ဆေးဆိုးပန်းရိုက် ကျွမ်းကျင်သော သားများနှင့်အတူ တောခိုလာသည့် ပန်းချီဆရာကြီး ယမဓေါ ဦးအောင်စိန်ကို ကျွန်တော်၊ ကိုထွန်းဦး၊ ကိုအောင်ကြည်ဦးတို့ တွေ့ဆုံပြီး လက်မောင်းတံဆိပ်များ ရိုက်နှိပ် ထုတ်ဝေရေးကို ဆွေးနွေးခဲ့ကြသည်။ ဦးအောင်စိန်သည် မိသားစုနှင့်အတူ ဖားအံမြို့သပိတ်ကော်မီတီပြန်ကြားရေးတွင် ပါဝင်ခဲ့ပြီး မိမိသူငယ်ချင်းများဖြစ်သော မဆလပါတီခေါင်းဆောင်များကို ဖမ်းဆီးခဲ့သည့်အပြင် မိမိသားရင်းကို တိုင်ကြားသူရှိလာသောအခါတွင်လည်း မျက်နှာမလိုက်ဘဲ ဖမ်းဆီးရန် အမိန့်ပေးခဲ့ပြီး၊ မလိုမုန်းထား၍ လိမ်လည်တိုင်ခြင်း ဖြစ်ကြောင်း နောင်သိမှ ပြန်လွှတ်ပေးခဲ့သည်အထိ ပြတ်သားခဲ့သူ အဖမ်းအဆီးကြမ်းသူ ဖြစ်သည်။  ထို့ပြင် ယာမမင်း နှစ်ယောက်ရှိသည့်အနက် ယမဓေါ၊ ယမဓဆိုသည့်အထဲတွင် ဦးအောင်စိန်သည် ယမဓေါဆိုသည့် စာတမ်းဖြင့် ယမဓေါပုံစံနဖူးတွင် ဂျိုတပ်ပြီး ဦးမောင်မောင်နှင့် ဦးစိန်လွင်တို့ကို ပုံစံပြု၍ ပြုလုပ်ထားသည့် ခွေးရုပ်နက်ကြီးနှစ်ကောင်က ရှေ့မှဆွဲပြီး ယမဓေါမင်းက နောက်ကလိုက်သည်ကို ဖားအံ့မြို့တွင်း လှည့်လည်စေပြီး ကျောင်းသားပြည်သူများကို နောက်မှလိုက်စေသည်။ ထိုကြောင့် ယမဓေါ အောင်စိန်ဟု အမည်တွင်သည်။ ဦးအောင်စိန်သည် အနုပညာရှင်လည်းဖြစ်သည်။ ဘုရားပုံတော်များကို ပလပ်စတာနှင့်ဖြစ်စေ အင်္ဂတေနှင့်ဖြစ်စေ လုပ်နိုင်သည်။ ဖားအံ့မြို့တွင်နေစဉ် ရုပ်ရှင်ပိုစတာကြီး များကိုလည်း ဆွဲခဲ့ဖူးသည်။ ရေဆေး၊ဆီဆေးနိုင်သည်။
ကျွန်တော်တို့လေးဦး ခေါင်းချင်းဆိုင် တိုင်ပင်ကြသည်။ ကျောင်းသားစစ်အင်္ကျီ ညာဖက်လက်မောင်း တံဆိပ်အတွက်  မြန်မာပြည် မြေပုံပေါ်တွင် ခွပ်ဒေါင်းဖြတ်နေသည့်ပုံကို ရေးဆွဲလျှင်ကောင်းမည်ကို စုပေါင်းဆွေးနွေးကြပြီးနောက် အထွေထွေအတွင်းရေးမှူး ကိုသန်းဝင်းပေါက်ချလာသဖြင့် သူ့အားရှင်းလင်းပြောပြသောအခါ သူလည်းကြိုက်နှစ်သက် သဖြင့် အတည်ပြုခဲ့ကြသည်။ ဘယ်ဖက်လက်မောင်းတံဆိပ်ကို ကျွန်တော်က ဓားနှင့် လှံ ကြက်ခြေခတ်ပုံ ရေးဆွဲပြီး အလယ်တွင် ကြယ်ဖြူ တစ်လုံးထည့်၍ အပေါ်တွင် တပ်ရင်းအမည် ၁၀၁ ကို နမူနာအဖြစ် ရေးထည့်ပြီး တပ်ရင်းအလိုက် တံဆိပ်များကို ရိုက်နှိပ်ထုတ်ဝေရန် ဦးအောင်စိန်အား တာဝန်ပေးအပ်နှင်းခဲ့ပါသည်။
“ဓား နှင့် လှံ” သုံးရသည့်အကြောင်းရင်းမှာ ကျွန်တော် ၁၂ နှစ်သားအရွယ် ၁၉၆၂ ခုနှစ်၊ ဇူလိုင် ၇ ရက်နေ့တွင် ဗိုလ်နေဝင်းမှ ဆန္ဒပြကျောင်းသားများကို ရက်ရက်စက်စက် ပစ်သတ်ပြီး ကျောင်းသားသမဂ္ဂအဆောက်အအုံကြီးကို နောက်တစ်ရက် ဇူလိုင် ၈ ရက်နေ့တွင် ဖောက်ခွဲဖျက်စီးခဲ့ပါသည်။ ထို့အပြင် ရေဒီယိုမှ လက်နက်မဲ့ ကျောင်းသားများအား “ဓား ဓားချင်း၊ လှံ လှံချင်း” ယှဉ်ပြိုင်မည်ဆိုသည့် စိန်ခေါ်ချက်ကို ကြားသည့်အခါ တောက် ခေါက်၍ “မတရားဘူး လက်နက်မရှိတဲ့သူတွေကို သေနပ်ဖြင့် ပစ်သတ်ပြီး စိန်ခေါ်တာ မတရားဘူး” ဟု ပြောသည့်အခါ အဖေက “အမယ် ငါ့သား ဒေါသကြီးလှချည်လား”ဟု ပြောသည်ကို “ကျွန်တော်တို့ ကျောင်းသားတွေကို သေနပ်နှင့် ပစ်သတ်ပြီး စိန်ခေါ်တာ မတရားဘူး အဖေရာ” ဟု ပြန်ပြောခဲ့ဖူးသည်။ ဗိုလ်နေဝင်း၏ စိန်ခေါ်ချက်သည် ငယ်စဉ်ကတည်းကပင် ခံစားတတ်သောကျွန်တော့် နှလုံးသည်းခြေထဲတွင် စွဲဝင်နေခဲ့သည့်အတွက် ကျောင်းသားဥက္ကဋ္ဌ ဖြစ်လာသည့် အခါ ဗိုလ်နေဝင်း၏ စိန်ခေါ်ချက်ကို တုံ့ပြန်သည့်အနေနှင့် ထိုပုံကို ရေးဆွဲပေးခဲ့ခြင်း ဖြစ်ပါသည်။



ညာဖက်လက်မောင်းတံဆိပ်

 
ဘယ်ဖက်လက်မောင်းတံဆိပ


 အေဘီအက်စ်ဒီအက်စ် ဗဟိုရုံးတံဆိပ် ကဒေါင်းပုံ
အေဘီအက်စ်ဒီအက်စ် ဗဟိုရုံးတံဆိပ် ကဒေါင်းပုံကို ရှမ်းတိုင်းရင်းသားကျောင်းသားခေါင်းဆောင် စိုင်းမျိုးဝင်းထွန်းက ရေးဆွဲခဲ့သည်။

ရင်ဘတ်တံဆိပ်ကို စဉ်းစားမိခြင်း



ABSDF ၏ ရင်ဘတ်တံဆိပ်


ကျောင်းသားများစစ်သင်တန်းတက်နေစဉ် ကျွန်တော်တစ်ခု စဉ်းစားမိပြန်သည်။ ညာဖက်လက်မောင်းတံဆိပ်ရှိစာလုံးမှာ အင်္ဂလိပ်စာလုံး ABSDF ဖြစ်နေသဖြင့် ကျေးရွာများတွင် နေထိုင်သည့် အင်္ဂလိပ်စာ မတတ်သူများ နားလည်နိုင်မည် မဟုတ်ပေ။ ထို့ကြောင့် မည်သို့ပြုလုပ်သင့်သည်ကို စဉ်းစားရင်း အကြံပေါ်လာသဖြင့် အနီခံပေါ်တွင် မြန်မာစာလုံး အဖြူနှင့် “ကျောင်းသားတပ်မတော် ဟု ရေးစေပြီး စစ်အကျီဘယ်ဖက် ရင်ဘတ်တွင်ကပ်၍ ချုပ်ရန် အမိန့်ပေးခဲ့ပါသည်။ ဘယ်ဘက်တွင် ထားရသည့်အဓိပ္ပါယ်မှာ ကျောင်းသားတပ်မတော်ကို မိမိတို့၏နှလုံးသားထဲတွင် အမြဲရှိစေချင်သည့် ဆန္ဒကြောင့်ဖြစ်သည်။ ထိုအကြံဥာဏ်ပေါ်သည်နှင့် အချိန်မဆိုင်းဘဲဦးအောင်စိန်အား ထိုစာတန်းကို ရိုက်နှိပ်ပေးရန် တာဝန်ပေးခဲ့ပါသည်။
ကချင်၏ KIO သည် နိုင်ငံရေးဦးဆောင်အဖွဲ့အစည်းဖြစ်ပြီး KIA သည် ကချင်ပြည်လွတ်မြောက်ရေးတပ်မတော်ဟူ၍ သုံးသလို မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးသည် နိုင်ငံရေးဦးဆောင် အဖွဲ့အစည်းနှင့် ကျောင်းသားတပ်မတော်သည် စစ်ရေးဦးဆောင်တပ်ဟူ၍ စဉ်းစားတွေးခေါ်ပြီး ကျောင်းသားတပ်မတော်ကို ABSA (All Burma Student’s Army) ဟု အမည်ပေးလျှင်ကောင်းမည်လားဟု တွေးတောမိသော်လည်း မြန်မာတို့၏ထုံးစံအရ နှစ်စုခွဲလျှင် ကွဲတတ်သည့် ညဉ်ကြောင့် ABSA ကို မသုံးဘဲ ABSDF ကိုသာ သုံးရန်ဆုံးဖြတ်ခဲ့ပါသည်။
ထိုစဉ်အခါက ကျောင်းသားတပ်များ ကျေးရွာများသို့ စည်းရုံးရေးသွားရောက်သည့်အခါ ကျောင်းသားဆေးမှူးများက ရွာတွင်းရှိ နာမကျန်းဖြစ်သူများကို ဆေးဝါးကုသပေးခြင်း၊ ကျန်းမာရေးဗဟုသုတများကို သင်ကြားပို့ချပေးခြင်း၊ ရွာတွင်းရှိ အစားအစာများကို အလကားမယူဘဲ တန်ရာတန်ဖိုးပေး၍ ဝယ်ယူစားသောက်ခြင်းတို့ကြောင့် ရွာသူရွာသားများ၏ ယုံကြည်လေးစားမှုကို ရရှိလာခဲ့ပါသည်။ ရင်ဘတ်တွင် ကျောင်းသားတပ်မတော်ဆိုသည့် စာတမ်းနီလေးများနှင့် ကျောင်းသားများ ရွာတွင်းသို့ဝင်လာလျှင် ကလေးများမှအစ လူကြီးများအဆုံး ဝမ်းပမ်းတသာ ကြိုဆိုသည်အထိ အောင်မြင်မှုရရှိခဲ့သည်။ ကျောင်းသားတပ်မတော်နှင့် တိုင်းရင်းသားတော်လှန်ရေးတပ်များအကြား ကွာခြားမှုမှာ ရင်ဘတ်တွင် အနီရောင်စာတမ်းလေးရှိခြင်းပင် ဖြစ်သည်။ ယင်းက ထူးခြားမှုတစ်ခုအဖြစ်ရှိနေခဲ့သည့်အတွက် တိုင်းရင်းသား လက်နက်ကိုင် အဖွဲ့အစည်းများကလည်း အားကျလာပြီး အတုခိုးကာ သူတို့၏ အဖွဲ့အစည်းအမည်များကို ဘယ်ဘယ်ရင်ဘတ်ပေါ်၌ အနီရောင်ပေါ်တွင် အဖြူရောင်စာတမ်းထိုး၍ ပုံစံတူပြုလုပ်လာခဲ့သည်အထိ ရင်ဘတ်တံဆိပ်သည် တော်လှန်ရေးအဖွဲ့အစည်းများအကြားဖက်ရှင်တစ်ခုဖြစ်လာခဲ့သည်။
ကျွန်တော်သည် ထိုကိစ္စများအားလုံးကို စေတနာထား၍ လုပ်ဆောင်ခဲ့သည်၊ ထိုစဉ်ကဘာလုပ်လုပ် ဗဟိုကော်မီတီ အစည်းအဝေး ခေါ်ပြီးမှလုပ်ရမည်ဟု စာအုပ်ကြီးအတိုင်းနေလျှင် ထိုကိစ္စများသည်လည်း ဖြစ်လာလိမ့်မည် မဟုတ်ချေ၊ ထို့ကြောင့်အရာရာကိုခေါင်းခံ၍လုပ်ခဲ့သည်။ ဗဟိုကော်မီတီတွင်းမှ ဆန့်ကျင်လာမည် အနှောက်အယှက်ပေးမည်သိလျက် လုပ်ခဲ့သည်၊ တော်လှန်ရေးအတွက်ရှေးရှူလုပ်ခဲ့သည့်အတွက်လည်းနောင်တမရ၊ မှားသည်ဟုလည်းမထင်ခဲ့ပေ။



ဒီအေဘီကွန်မန်ဒိုသင်တန်းဆင်းပွဲ၌အမှတ်တရ
ABSDF စစ်ဝတ်စုံနှင့် ကျွန်တော်၊ ကာနယ်အလ်ဘလူးနှင့် ဆန်နီမရင်ဒါ (၁၉၈၉ ခုနှစ်၊ မတ်လအတွင်း)

No comments:

Post a Comment

Related Posts Plugin for WordPress, Blogger...