Sunday, November 3, 2013

မီးလျှံကြားကငြိမ်းချမ်းရေး (သို့) သူခိုးကို ဓါးရိုးကမ်းနေကြပြီလား၊

November 1, 2013 at 9:00pm

ဲငြိမ်းချမ်းရေးလို့ပြောနေကြတယ်၊ ဘာတွေငြိမ်းချမ်းတာလဲ၊
ပြည်သူတွေငြိမ်းချမ်းတာလား၊ နိုင်ငံရေးသမားတွေငြိမ်းချမ်းတာလား၊
ခေါင်းဆောင်တွေအဆင်ပြေနေစဉ်ကာလအခိုက်အတန့်ကို
ဲငြိမ်းချမ်းရေးလို့ပြောရမှာလား၊


တကယ်တော့ဝှက်ဖဲတွေရှိနေကြတဲ့ငြိမ်းချမ်းရေးဆိုတာ
ပြည်သူတွေအတွက်အေးမြမှုကိုမပေးနိုင်ပါဘူး၊
မီးလျှံကြားကငြိမ်းချမ်းရေးဆိုတာ မထင်မှတ်ရင်မထင်မှတ်သလို
ပေါက်ကွဲစေတတ်တဲ့ဗုံးတလုံးမျှသာဖြစ်ပါတယ်၊

ထာဝရငြိမ်းချမ်းရေးဆိုတာ စစ်အာဏာရှင်စနစ်အမှန်တကယ်
ချုပ်ငြိမ်းရေးသာလျှင်ဖြစ်တယ်၊ ဒါကြောင့် စစ်အာဏာရှင်ရဲ့
ပင်မကျောရိုးဖြစ်တဲ့ တပ်မတော်ကအမှန်တကယ်မပြောင်းလဲပဲ
စစ်မှန်တဲ့ငြိမ်းချမ်းရေးဆိုတာမဖြစ်နိုင်သေးပါဘူး၊

ရွှေးကောက်ပွဲကိုဝင်ခွင့်ရယုံမျှသာပေးထားပြီး
အာဏာရရင်တော့စစ်တပ်ကိုမော်မကြည့်ဝံ့တဲ့ နိုင်ငံရေးမျိုးကို
စကားကိုလိုရာဆွဲပြောတတ်တဲ့ နိုင်ငံရေးသမားတွေကသာလက်ခံကြတာပါ၊
တကယ်တော်လှန်ရေးအမြင်နဲ့ကြည့်ရင် ရွှေးကောက်ပွဲဆိုတာ
နည်းပရိယာယ်တိုက်ပွဲမျှသာဖြစ်ပါတယ်၊

ရွှေးကောက်ပွဲဆိုတာ စစ်အာဏာရှင်စနစ်ချုပ်ငြိမ်းရေးမဟုတ်သေးဘူး၊
စစ်အာဏာရှင်စနစ်အမှန်တကယ်ချုပ်ငြိမ်းချင်ရင်တော့
တပ်မတော်ပြုပြင်ပြောင်းလဲရေးကိုအဓိကထားပြောဆိုရမယ်၊
ဘာဖြစ်လဲဆိုတော့ မြန်မာပြည်မှာလက်နက်ကိုင်တပ်ဟာ
စစ်တပ်တစ်ခုထဲမဟုတ်လို့ပဲ၊

အချိန်မတန်သေးဘူးဆိုပြီး ပြောသူတွေကပြောကြတယ်၊
ဘာကိုကြည့်ပြီးပြောကြတာလည်းစဉ်းစားလို့မရဘူး၊
ကိုယ့်နယ်မြေမှာ ကိုယ်အုပ်ချုပ်ပြီးရွေးကောက်ပွဲဝင်ရမှာလား၊
တပ်ကိုဖျက်ပြီးရွေးကောက်ပွဲဝင်ရမှာလားဆိုတာ ၂၀၁၅မှာ
ချက်ခြင်းလက်ငင်းဖြစ်လာမဲ့ပြသနာမို့ စစ်တပ်ကိုလောလောဆယ်
ထိလို့မရဘူးလို့ဆိုတဲ့သူတွေဟာ ခေါင်းထဲမှာဗလာဖြစ်နေတဲ့
အဆံချောင်နေတဲ့နိုင်ငံရေးသမားတွေပဲဖြစ်လိမ့်မယ်၊

စစ်တပ်ကိုတော့မထိနဲ့ဦး၊ တိုင်းရင်းသားလက်နက်ကိုင်တွေကိုတော့
ရွှေးကောက်ပွဲဝင်ချင်ရင် ဖျက်သိမ်းရင်သိမ်း ဖျက်မသိမ်းရင်
နယ်ခြားစောင့်တပ်အဖြစ်အသွင်ပြောင်းစေဖို့ တွန်းအားပေးစေတဲ့
ဒီလိုမျိုးအတွေးအခေါ်ရှင်တွေဟာ သူခိုးကိုဓါးရိုးကမ်းနေကြသူတွေ
သာလျှင်ဖြစ်တယ်၊

ကိုကိုဦး (၈၈ သူပုန်မျိုးဆက်)


No comments:

Post a Comment

Related Posts Plugin for WordPress, Blogger...