Wednesday, October 23, 2013

ကျုပ် က စ ကား မ ပြော တဲ့ လူ ... ပြော မယ့် ပြော တော့ လည်း မ နား တမ်း ပြော တာ ....

Zaw Win



`` တို့ဗမာအစည်းအရုံး ဌာနချုပ်မှ အထွေထွေ အတွင်းရေးမှူး သခင်အောင်ဆန်းသည်
ဇလွန် ညီလာခံသို့ တက်ရောက်လာခဲ့၏။ ညီလာခံ ကျင်းပနေစဉ် ရက်များအတွင်း၌
ကိုယ်စားလှယ်များ တည်းခိုရန် ငှားရမ်းထားသော အိမ်ကြီးတစ်လုံး၏ အပေါ်ထပ်တွင်
သခင်အောင်ဆန်းပါ တည်းခိုနေထိုင်ပြီး ညဘက်တွင် ကျွန်တော်တို့တတွေနှင့် နိုင်ငံရေး
ဆွေးနွေးခြင်း ၊ စပ်မိစပ်ရာ စကားများ ပြောဆိုခြင်းပြုပြီး ညဥ့်နက်မှပင် အိပ်လေ့ရှိသည်။



တစ်ညတွင် ကျွန်တော်တို့တစ်တွေ ဝိုင်းဖွဲ့ပြီးလျှင် သခင်အောင်ဆန်းက စကား
ပြောလေသည်။

`` ကျွန်တော့်ကို စကား မပြောတဲ့လူ ၊ လူတွေနဲ့ အကျွမ်းတဝင် ပြောပြောဆိုဆို
မနေတဲ့လူလို့ ပြောကြတယ်ဗျ။ ဒါပေမယ့် ကျွန်တော် ပြောချင်တဲ့အခါကျရင်
သိပ်ကို ပြောတာ ´´ ဟူ၍ ထိုညတွင် သခင်အောင်ဆန်းက အစချီပါသည်။

သခင်အောင်ဆန်းသည် ထိုညတွင် ဤသို့ အစချီကာ နိုင်ငံရေးအခြေအနေများ၊
တို့ဗမာအစည်းအရုံး၏ လုပ်ငန်းစဉ်များ ၊ ကမ္ဘာ့ နိုင်ငံရေး အခြေအနေ စသည်များကို
ရှည်လျားစွာ ပြောဆို ဆွေးနွေးပြီးနောက် လူငယ်လူရွယ် နိုင်ငံရေးသမားတို့၏
အိမ်ထောင်ရေးကိစ္စများပါ စပ်မိစပ်ရာ ပြောဆိုရာမှ မနားတမ်းပင် ဆက်လက်ပြီး
ပြောကြားလေတော့သည်။

စကားပြောရသည်ကို ခံတွင်းတွေ့လာသည့်အတွက် သူသည် အာဝဇ္ဇန်းရွှင်ကာ
လေမြှင်မပြတ် ပြောနေရုံသာမကဘဲ သူ့စကားထဲတွင် အသောအရွှမ်းကလေးတွေပါ
ပါလာသဖြင့် တဝါးဝါး တဟားဟား ဖြစ်ကာ ပွဲကျနေလေသည်။

`` အဲဒီလိုပဲ စကားမပြောဘူး၊ မပြောဘူး နဲ့ ပြောမိပြန်ရင်လည်း ကျွန်တော်က
မနားတမ်း ပြောတော့တာပဲဗျ။ ဒီကနေ့ည ခင်ဗျားတို့နဲ့ စကားပြောရတာ
ကောင်းတယ်။ ကျွန်တော် ပြောဦးမယ် ´´
ဆိုကာ ကိုအောင်ဆန်းသည် အားရပါးရပင် ဆက်၍ ပြော၏။

စကားပြောရင်းမှပင် ညဥ့်နက်လာခဲ့၏။ ထွန်းထားသော အောက်လင်းဓာတ်မီး
ငြိမ်းသွားသောအခါ ဖယောင်းတိုင်များထွန်းပြီး ဆက်၍ပြော၏။ အခြားအခန်းတို့တွင်
အိပ်သော ကိုယ်စားလှယ်များကား အိပ်မောကျနေကြပြီ ဖြစ်သည်။ ကျွန်တော်တို့
အခန်းထဲမှာကား သခင်အောင်ဆန်း စကားပြောလျက်ပင် ရှိသေး၏။ ကျွန်တော်တို့
တတွေသည် နေ့စဉ်ရက်ဆက် ပင်ပန်းလာသည်က တစ်ကြောင်း၊ အိပ်ရေးပျက်ပေါင်း
များပြီး ဖြစ်သည်ကတစ်ကြောင်းကြောင့် အိပ်ချင်ကြပြီ ဖြစ်သော်လည်း စိတ်ပါလက်ပါ
ပြောနေသော သူ့စကားတွေက စိတ်ဝင်စားစရာ ကောင်းသည့်အတွက် မအိပ်မနေ
နားထောင်၍ပင် နေကြပါတော့သည်။

အချိန်က ညဥ့်နက်သည်ထက် ညဥ့်နက်လာခဲ့၏။ နားထောင်၍ကောင်းသော်လည်း
အချို့သောရဲဘော်တို့ သမ်းဝေ လာကြ၏။ သမ်းဝေ ငိုက်မြည်းလာကြသော်လည်း
သူပြောသည့်စကားကို ` အင်း ´ လိုက်နေကြပေသေး၏။

ထွန်းထားသော ဖယောင်းတိုင်များ ကုန်သွားသောအခါ နောက်ထပ် ဖယောင်းတိုင်
များ ထုတ်၍ ထွန်းကြ၏။ သခင်အောင်ဆန်းသည်လည်း စကားမပြတ်နိုင်သဖြင့်
ဆက်၍ပင် ပြောနေလေတော့၏။ နောက်နားက ရဲဘော်အချို့မှာ ငိုက်မြည်းစွာ ` အင်း ´
လိုက်ရင်းက အိပ်ပျော်သွားကြ၏။ သို့သော် အချို့က မငိုက်ဘဲ ဇွဲနဘဲကြီးစွာဖြင့်
နားထောင်နေသေး၏။ ကျန်လူများသည်လည်း တဖြည်းဖြည်းနှင့် မျက်ခွံတွေလေးလာ
ပြီး သမ်းဝေလာရာက ` အင်း ´ လိုက်၍ပင် နေကြ၏။

ဖယောင်းတိုင်များ ကုန်လေပြီ။ နောက်ထပ် ထွန်းညှိစရာ ဖယောင်းတိုင်များ
ရှာမတွေ့သော်လည်း ဇွဲသန်သော ပြောသူစကားကို ငိုက်မြည်းရာကနေ နားထောင်
နေသူတစ်ဦးက မီးမရှိပေမယ့် ဆက်သာပြောပါဟု တိုက်တွန်းလိုက်လေသည်။

သို့ဖြင့် မှောင်မှောင်မဲမဲထဲမှပင် ပြောသူက ဆက်၍ ပြောပြန်သည်။ အချို့က
ဝမ်းလျားမှောက်၍ နားထောင်နေခြင်း ဖြစ်ပြီး ပြောသူ သခင်အောင်ဆန်းမူကား
ငုတ်တုပ်ထိုင်လျက်ပင် ပြောလျက်ရှိ၏။ မှောင်လေသောအခါ တစ်ယောက်ပြီး
တစ်ယောက် အိပ်ပျော်သွားကြ၏ ။ အချို့မူကား မှေးကနဲ အ်ိပ်ပျော်ပြီး ပြန်လွန့်လာ
ကြ၍ ` အင်း ´ လ်ိုက်ကြသေး၏။ ငိုက်မြည်းသူတို့ကလည်း ငိုက်မြည်းလျက် `အင်း ´
လိုက်ကြ၏။

အချိန်မှာ နံနက် ( ၃ ) နာရီခွဲ ရှိပြီ ဆိုခြင်းကိုမူ ကျွန်တော် သတိထားလိုက်မိ၏။
ထို့နောက်တွင်ကား ကျွန်တော်လည်း အိပ်မောကြသွားလေတော့၏။ ဟောက်သံ နှင့်
အင်းလိုက်သံများသည် မကွဲမပြား ရောနှော မြည်ဟီးနေသေး၏။ ပြောသူသည်
စိတ်ပါလက်ပါပင် ပြောလျက် ရှိချေသည်။ အင်းလိုက်သံများ တဖြည်းဖြည်း ရပ်စဲ
သွားသည့် တိုင်အောင်လည်း ငြိမ်သက်စွာ နားထောင်နေကြသည် အထင်နှင့်
သူသည် စ်ိတ်ပါလက်ပါ ဆက်၍သာလျှင် ပြောနေလေတော့သည်။
နံနက် ( ၇ ) နာရီခန့်တွင် အားလုံး အိပ်ရာမှ နိုးကြ၏။

`` ခင်ဗျားတို့ တော်တော်ဆိုးတဲ့ လူတွေပဲ။ ကျုပ်ကတော့ ငြိမ်ငြိမ်ကလေး
နားထောင်နေကြတယ် ထင်လို့ ဆက်ပြီး ပြောနေတာ။ တော်တော်ကြီး
ကြာအောင် ပြောနေပြီးမှ ဘယ်သူ့အသံမှ မကြားရလို့ ခေါ်ကြည့်တော့
ဘယ်သူမှ ထူးဖေါ် မရတော့ဘူး။ အားလုံး အိပ်မောကျနေကြပြီ။ အဲဒီ
တော့မှ ကျုပ်လည်း အိပ်လိုက်ရတော့တယ် ´´

နံနက် အိပ်ယာမှ နိုးသောအခါတွင် သခင်အောင်ဆန်းသည် ဤသုိ့ပြောကာ
သူ့ဘာသာ ရယ်မောပါတော့သည်။ `` အင်း ... ကျုပ်ကလည်း စကား မပြောတဲ့လူ၊
ပြောမယ့် ပြောတော့လည်း မနားတမ်းပြောတာ ´´ ဟူ၍လည်း ပြောပါသည်။ သို့ဖြင့်
ကျွန်တော်တို့တတွေသည် သူ့ကို အားတုံ့အားနာကြည့်ကာ ပြုံးမိကြပါသည်။

သ ခင် မြ သန်း
ဘဝ အတွေ့အကြုံ စာအုပ်မှ ....

Credit: ကို ဘုန်းဆွေ

No comments:

Post a Comment

Related Posts Plugin for WordPress, Blogger...