Friday, October 18, 2013

၈၈၈၈ အရေးတော်ပုံကြီး ၂၅ နှစ်မြောက် ငွေရတုအခမ်းအနားသို့ ပေးပို့သော စာတမ်း. ။

လေးစားအပ်ပါသော တိုက်ဖေါ်၊တိုက်ဖက်အားလုံးကို မင်္ဂလာပါ ဟုနှုတ်ခွန်း

ဆက်သအပ်ပါတယ်။
မိတ်ဆက်
ကျနော့်အမည် သန်းဝင်းပါ ၈၈ မှာ ( ရန်ကုန်တက္ကသိုလ် ) ကျောင်းသားတဦးဖြစ်ခဲ့ပါတယ်။
၈၈ အရေးတော်ပုံကြီးဖြစ်ပေါ်လာရေးအတွက် ၁၉၈၈ မတ်လ ၁၅  ရက်မှစတင်၍တိုက်ပွဲ
ဝင်ခဲ့ပါတယ် ၊၈၈ ကာလမှာ ရန်ကုန်တက္ကသိုလ် ကျောင်းသားများသမဂ္ဂ ကိုတည်ထောင်ခဲ့
ပြီး ဦးဆောင်သူတဦးဖြစ်ပါဝင်ခဲ့ပါတယ်၊နယ်စပ်တွင်ကျောင်းသားတပ်မတော် ( ABSDF )
စတင်ဖွဲ့စည်းစဉ် ပထမဆုံး အထွေထွေအတွင်းရေးမှူးအဖြစ်ရွေးချယ်ခံခဲ့ရပါတယ်၊
လူမျိုးစုတော်လှန်ရေးအဖွဲ့အစည်းများအားလုံးပါဝင်သော ဒီမိုကရက်တစ်မဟာမိတ်အဖွဲ့ချုပ်
( DAB )တပ်ပေါင်းစု မှာ ပထမဆုံး တွဲဖက်အထွေထွေအတွင်းရေးမှူးအဖြစ်ရွေးချယ်ခံခဲ့ရပြီးတာဝန်
ထမ်းဆောင်ခဲ့ပါတယ် ၊ယခု အမေရိကန်နိုင်ငံ ဖလော်ရီဒါပြည်နယ်တွင်နေထိုင်လျှက် မိမိစွမ်းနိုင်သ၍
ဆက်လက်တိုက်ပွဲလျှက်ရှိပါတယ် ။

စာဒါန်းပို့ရခြင်း ရည်ရွယ်ချက်
အစဉ်အလာကြီးမားသော ၈၈ မျိုးဆက် တခုလုံးရဲ့အနာဂါတ်အတွက် ကျနော်ဖြတ်သန်းလာခဲ့ရသော
အတွေ့အကြုံနှင့် ယှဉ်၍ ကျနော်၏အတွေးအခေါ် ၊အယူအဆကို ဤ ငွေရတုသဘင်အခမ်းအနားတွင်
အကြံပေးတင်ပြလိုသောဆန္ဒဖြင့် ဤစာတမ်းကိုရေးသားအပ်ပါသည် ။
၈၈ မျိုးဆက်၏ သမိုင်းအစဉ်အလာ..။
ဤမျိုးဆက်သည် ၁၉၂၀ မှစတင်၍ အစဉ်အဆက် တိုက်ပွဲဝင်ခဲ့သောခွပ်ဒေါင်းသမိုင်းကို ပခုံးပြောင်း
တာဝန်ထမ်းဆောင်ခဲ့သောမျိုးဆက်ဖြစ်သည်၊အလွန်ဂုဏ်သိက္ခာကြီးမားသလို၊တိုင်းပြည်အနာဂါတ်
အတွက် အလွန်တာဝန်ကြီးသောမျိုးဆက်ဖြစ်သည်ဟုကျနော်ခိုင်မာစွာယုံကြည်ပါသည်။ထို့ကြောင့်
တိုင်းပြည်အနာဂါတ်အတွက်ရော၊ ဤမျိုးဆက်၏အနာဂါတ်အတွက် ပြုပြင် ၊လုပ်ဆောင်ရမည့်
လုပ်ငန်းများကို အကြံပေးတင်ပြလိုပါတယ်။

၈၈ မျိုးဆက်၏ အားသာချက် ၊ အားနည်းချက်..
အားသာချက်
ဤမျိုးဆက်သည် မိမိတိုင်းပြည်ဒီမိုကရေစီရေးအတွက် ဘ၀ ၊အသက်များစွာကို အရင်အနှီးပေးခဲ့ဆုံးသော
မျိုးဆက်ဖြစ်သလို ၊ပြည်သူလူထုတခုလုံး၏ လေးစားအသိမှတ်ပြု ထောက်ခံ၊အားကိုးခြင်းကိုခံရသော မျိုးဆက်
ဖြစ်သည် ။
အားနည်းချက်..။
ဤမျိုးဆက် သည် အစဉ်အလာကြီးမား ၊ဂုဏ်သိက္ခာကြီးမားခဲ့သော်လည်း၊ကျနော်အပါအ၀င် ဤမျိုးဆက်ဖြင့်
လှုပ်ရှားနေသူများသည်..
၁ ။ ကျယ်ပြန့်လှသော မျိုးဆက်များကို စံနစ်တကျ မစုစည်းနိုင်ခြင်း..။
၂ ။ မိမိလက်သင့်ရာ အုပ်စု ၊ဂိုဏ်းဂဏ များဖြင့်သာ ဦးစားပေးလုပ်ဆောင်နေကြခြင်း၊
၃ ။ တဦးနှင့်တဦး ၊တစုနှင့်တစု ဆက်ဆံရေးတွင် အပြန်အလှန်လေးစားမှု အားနည်းခြင်း.။
၎ ။ပြဿနာတခုကို မျက်နှာချင်းဆိုင် တွေ့ဆုံဆွေးနွေး အဖြေရှာတဲ့နည်းလမ်းကို
    လုပ်ဆောင်ကျင့်ကြံမှု နည်းပါးမှုကြောင့် မလိုလားအပ်ဘဲပြဿနာများကြီးထွားလာပြီး
    သံသယများစွာဖြင့် ၊ညီညွတ်ရေးကိုထိခိုက်လာခြင်း ။
၅ ။အရင်းအနှီးပြုခဲ့ခြင်း အတူတူ မျိုးဆက်ချင်း တန်းတူသဘောမထားဘဲ ၊အပြန်အလှန်ဖေးမကူညီမှု
     အားနည်းခြင်း ။
   အထက်ပါ အားနည်းချက်များကြောင့် ဤမျိုးဆက်သည် ၊ပြည်သူလူထုယုံကြည်မှုအားနည်းလာခြင်း၊
 အချင်းချင်းယုံကြည်မှုအားနည်းလာခြင်း ၊မျိုးဆက်အနာဂါတ်အတွက် နိုင်ငံရေး မဟာဗျူဟာ၊
နည်းဗျူဟာများကို စုံညီစွာ ဆုံးဖြတ်ချက်မချနိုင်ခြင်းတို့နှင့်ရင်ဆိုင်နေရသည်ဟုကျနော်ထင်ပါသည် ၊
ထို့ကြောင့် မိမိမျိုးဆက်အနာဂါတ်သည် မရေရာ၊မသေချာတဲ့လမ်းကို ကြုံသလိုသွားနေရသည် ဟု
ကျနော်မြင်ပါသည် ၊ဒီလိုသာလုပ်ဆောင်နေကြလျှင် မိမိတို့မျိုးဆက်အတွက် များစွာထိခိုက်နိုင်သည်
ဟု ကျနော်ယူဆပါသည် ၊ဤငွေရတုအခမ်းအနားမှ အထက်ပါအားနည်းချက်များကို ပြုပြင်နိုင်သော
အဖြေတခုထွက်လာလိမ့်မည်ဟု ကျနော် ယုံကြည်မျှော်လင့်အပ်ပါသည် ။


၈၈မျိုးဆက် အနာဂါတ်အတွက်လုပ်ဆောင်ရမည့်လုပ်ငန်းများ..။
၁ ။ပြန့်ကျဲနေသော  ပြည်တွင်း၊ပြည်ပ ၊နယ်စပ် ရှိမိမိတို့မျိုးဆက်များကို အမြန်ဆုံးခိုင်မာစွာ
    ပြန်လည်စုစည်းရန်လိုအပ်ခြင်း ။
    ပြန်လည်စုစည်းသောအခါ ၊အချင်းချင်းအပြန်အလှန်လေးစားခြင်း၊ အချင်းချင်းတန်းတူ
    သဘောထားဆက်ဆံရန်လိုအပ်ခြင်း ၊ပြဿနာကို မျက်နှာချင်းဆိုင် တွေ့ဆုံဖြေရှင်းနည်းဖြင့်
    အဖြေရှာရန်လိုအပ်ခြင်း ၊လုပ်ငန်းတာဝန်များကိုခွဲဝေလုပ်ဆောင်ရန်လိုအပ်ခြင်း၊စသည့်
    ယဉ်ကျေးမှုမျိုးကိုပြောင်းလဲလုပ်ဆောင်ရန်အထူးလိုအပ်လှပါတယ်၊ဒါမှကျစ်လစ်ခိုင်မာတဲ့
    စုစည်းညီညွတ်မှုကိုရရှိမှာဖြစ်ပါတယ်။ညီညွတ်မှုမရှိလျှင် ဘယ်အရာကိုမှ အင်အားကြီး
   မားစွာရှေ့ဆက်မသွာနိုင်ပါ ။

၂ ။ဤမျိုးဆက်သည် မိမိတို့မျိုးဆက်ဂုဏ်သိက္ခာအတွက်၎င်း၊ တာဝန်အရ၎င်း၊တိုင်းပြည်၏အနာဂါတ်
    အတွက်  ( က ) လူငယ်မျိုးဆက်သစ်များကို စံနှစ်တကျမွေးထုတ်ပေးရမည်၊ဒီတာဝန်ကိုလုပ်ဆောင်နိုင်မှ
  မိမိတို့တိုင်းပြည် အနာဂါတ်သေချာမည်ဟုယုံကြည်ပါသည်။
  (ခ) နိုင်ငံတနိုင်ငံ၏ ဒီမိုကရေစီ ကျင့်စဉ်ဖြင့် နိုင်ငံသစ်တည်ဆောက်မည်ဆိုလျှင် မည်သူ လူပုဂ္ဂိုလ် တဦး
      တယောက်၊ မည်သည့်အဖွဲ့အစည်းကမျှ ဒီမိုကရေစီကိုအာမခံချက်မပေးနိုင်ပါ ၊တခုတည်းသောအာမခံ
      ချက်ပေးနိုင်သည်မှာ တိုင်းပြည်ရှိ အင်စတီးကျူးရှင်း လို့ခေါ်တဲ့ အလွှာအသီးသီး ရှိလူမှုဘ၀ ဖွံ့ဖြိုးတိုးတက်
      မှုရှိမှာသာလျှင် မည်သူကမျှနောက်ပြန်လှည့်လို့မရနိုင်တော့သလို ၊ဒီမိုကရေစီနိုင်ငံသစ်ကိုအာမခံချက်ပေး
      နိုင်မည်ဖြစ်ပါသည် ၊ထို့ကြောင့် မိမိတို့ မျိုးဆက်အနေဖြင့်  ဒီအလွှာအသီးသီးလူမှုဘ၀တိုးတက်ဖွံ့ဖြိုးမှုကို
      တတ်နိုင်သလောက် ကိုင်တွယ်လုပ်ဆောင်ဖို့လိုအပ်ပါတယ် ၊အထက်ပါတာဝန်နှစ်ရပ်ကို မိမိမျိုးဆက်က
      တာဝန်ယူ ကိုင်တွယ်လုပ်ဆောင်နိုင်ခဲ့လျှင် ၈၈ မျိုးဆက်၏သမိုင်းအနာဂါတ်သည်ဂုဏ်သိက္ခာကြီးမားစွာဖြင့်
     ထာဝရတောက်ပြောင်လှပနေမည်မှာမလွဲပါ ၊ထို့ကြောင့် ဒီကြီးမာတဲ့တာဝန် ၂ရပ်ကို စုစည်းစွာဖြင့်ထမ်းဆောင်
    လုပ်ကိုင်နိုင်အောင်ကြိုးစားပေးကြပါရန် အကြံပေးတိုက်တွန်းအပ်ပါတယ်။
၃  ။ ၈၈ မျိုးဆက်သည် မိမိမျိုးဆက်၏ ဂုဏ်သိက္ခာကို အမဲစက်မစွန်းထင်ဘဲ သမိုင်းမှာ လှပစွာဖြင့်
       တည်တံ့ခိုင်မြဲအောင် ထိမ်းသိမ်း စောင့်ရှောက် လုပ်ကိုင်ရမည်မှာ အရေးကြီးသောလုပ်ငန်းစဉ်
      ဖြစ်သည်ဟု ကျနော်ယုံကြည်ပါသည် ၊၈၈ အရေးတော်ပုံကြီးသည် တိုင်းပြည်ကိုအပြောင်းအလဲ
      ဖြစ်စေခဲ့သော အရေးတော်ပုံကြီးဖြစ်သည်၊ ကမ္ဘာရော ၊မြန်မာတွင်ပါ အင်မတန်အရှိန်အ၀ါကြီး
     သော အရေးတောပုံကြီးဖြစ်သည်ဟု ကျနော်ထင်ပါသည် ၊ထို့ကြောင့် ဤအရေးတော်ပုံကြီး၏
     ဂုဏ်သိက္ခာကိုထိမ်းသိမ်းရန်ကျနော်တို့မှာ အဓိကတာဝန်ရှိသည့်အပြင် အဓိကလုပ်ငန်းစဉ်
    အဖြစ်လုပ်ဆောင်ရမည်ဟု ကျနော်ယူဆပါသည် ၊ထို့ကြောင့် ကျနော့်အနေဖြင့် ၈၈ မျိုးဆက်
    အမည်ဖြင့် ပါတီ ထောင်ခြင်းကို ကျနော်လုံးဝလက်မခံပါ ..၊၈၈မျိုးဆက် ထဲမှမိမိဆန္ဒ အလျှောက်
    တခြားအမည်ဖြင့် ပါတီထောင်ခြင်းကိုတော့ထောက်ခံပါသည် ၊မိမိအနေဖြင့်ဤမျိုးဆက်ကို
   အရောင်စွန်းထင်းမခံနိုင်ပါ ၊ကျနော်အနေဖြင့် ပါတီနိုင်ငံရေးထက်ဤမျိုးဆက်ကို ထိမ်းသိမ်းစောင့်
   ရှောက်ဖို့ကိုသာ ပို၍အားသန်ပါသည် ၊ကျနော့်ဆန္ဒလို အများကြီးရှိလိမ့်မည်ဟုကျနော်ယုံကြည်ပါသည်။
   ထို့ကြောင့် ဤငွေရတုအခမ်းအနားမှတဆင့် မျိုးဆက်၏ဂုဏ်သိက္ခာရှိသောသမိုင်းကို မည်သို့စနစ်တကျ
  ထိမ်းသိမ်းကြမည်ကို ၀ိုင်ဝန်းစဉ်းစားအဖြေရှာပေးကြပါရန် တင်ပြအပ်ပါသည်။

၈၈ မျိုးဆက်များ ရင်ဆိုင်ရမည့် ပြဿနာများနှင့် သတိထားရမည့်အချက်များ..။
ဤ မျိုးဆက်သည် အလွန်အရှိန်အ၀ါကြီးသလို ၊တဖက်မှာ အလွန်အန္တရယ်ကြီးသောပြဿနာ
နှင့်ရင်ဆိုင်ရပါလိမ့်မည် ၊အရာရာကိုသတိနှင့်ယှဉ်ပြီးလုပ်ဆောင်ရန် အထူးလိုအပ်ပါသည်၊
ကျနော့်အမြင်အရ  အဓိကပြဿနာမှာ ၂၀၂၀/၂၅ ခုနှစ်ရွေးကောက်ပွဲမှာ ပေါ်ထွက်လာမဲ့အစိုးရ
ဟာမည်သူဖြစ်မလဲ ၊ ဒီတိုင်းပြည်ကိုအာဏာရှင်အငွေ့အသက်မရှိအောင် မည်သူကထိမ်း
သိမ်း ကာကွယ်မလဲ ဆိုတဲ့ ပြဿနာဘဲဖြစ်ပါတယ် ၊ကျနော့်ယုံကြည်ချက်ကဖြင့် ၂၀၂၀/ ၂၅
မှာ  အာဏာရှင်အငွေ့အသက်ကင်းစင်ပြီး ဒီမိုကရေစီကိုအခြေခံသော တန်းတူရေးနှင့်ကိုယ်ပိုင်
ပြဋ္ဌာန်းခွင့်ရှိသော စစ်မှန်သောဖယ်ဒရယ်ပြည်ထောင်စုကို တည်ဆောက်နိုင်သော အစိုးရ တရပ်
ပေါ်ပေါက်လာရန် ဤ ၈၈ မျိုးဆက်များမှ လုပ်ဆောင်အကောင်အထည်ဖေါ်မှသာ စစ်မှန်မည်ဟု
ကျနော်ခိုင်မာစွာယုံကြည်ထားပါတယ် ၊ထို့ကြောင့်မိမိတို့မျိုးဆက်သည် အနာဂါတ် တိုင်းပြည်ကို
ဦးဆောင်နိုင်သောမျိုးဆက်သစ်များကို မွေးထုတ်နိုင်အောင် ယခုမှစ၍ ကြိုတင်စံနစ်တကျပြင်ဆင်
ရတော့မည်ဖြစ်သည်၊ အင်စတီးကျုးရှင်းများကိုလည်းမြင့်မားလာအောင်လုပ်ဆောင်၍ သူတို့တွေ
ရဲ့ထောက်ခံမှု ကိုရယူထားဖို့လိုအပ်နေပြီဖြစ်ပါတယ် ၊ဒီလုပ်ငန်းအောင်မြင်ဖို့ ပြည်တွင်း-ပြည်ပ ဟန်
ချက်ညီညီလုပ်ဆောင်ရန်မှာအရေးကြီးလှပါတယ် ၊ဤမျိုးဆက်သည်ယခုအချိန် ထိထိုအလုပ်တွေကို
လုပ်ဆောင်နိုင်ခြင်းမရှိသေးဘူးဆိုတာကို ၀န်ခံကြရမှာဘဲဖြစ်ပါတယ် ၊ မိမိတို့မလုပ်နိုင်သော်ငြား
တဖက်မှာ စစ်အာဏာရှင် စံနှစ်ကို သက်ဆိုးရှည်လိုသူများသည်နိုင်ငံတကာရှိ NGO များနှင့်ပူးပေါင်း၍
နောင်အနာဂါတ်မှာ တိုင်းပြည်၏အာဏာကို နောက်ကွယ်မှထိမ်းချုပ်နိုင်ရန် မိမိမျိုးဆက်မှ မိမိကိုယ်ကျိုးကိုသာ
အဓိကထားပြီးတိုင်းပြည်ချစ်စိတ်မရှိတဲ့ ပညာတတ်ဆိုသူများကို အသုံးချ၍အင်အားစုကြီးတရပ်ကိုလွန်ခဲ့သော
ျနှစ်အတော်ကြာကတည်းက ပင်တည်ဆောက်ထားခဲ့သည် ထိုမှတဆင့် မျိုးဆက်သစ်များကိုလည်း အရှိန်အဟုန်
ကြီးမားစွာ စံနစ်တကျတည်ဆောက်နေသည်ကို အားလုံးအသိပင်ဖြစ်ပါတယ် ၊သူတို့သည် နောင်အနာဂါတ်မှာ
မိမိတို့မျိုးဆက်ကို ယှဉ်ပြိုင်ရန်ကြိုတင်တည်ဆောက်ထားခြင်းဖြစ်သည် ၊ထိုကြောင့် သူတို့သည် မိမိတို့မျိုးဆက်
အတွက်အဓိကယှဉ်ပြိုင်ဖက် ၊အန္တရယ်အကြီးဆုံးသော အင်အားစုဖြစ်လာလိမ့်မယ်ဆိုတာကို သတိပြုဖို့လိုပါလိမ့်
မယ် ၊ထို့ကြောင့်သူတို့သည် မိမိမျိုးဆက်အား အင်အားနည်းအောင် ၊ညီညွတ်မှုမရှိအောင် အတွင်းစည်းမှဝင်၍
နည်းလမ်းပေါင်းစုံဖြင့်လုပ်ဆောင်မည်ကိုအထူးသတိပြုရန်လိုအပ်ပါသည်။ သူတို့၏ရည်မှန်းချက်အောင်မြင်ရေး
အတွက်လုပ်ဆောင်ခြင်းကို အပြစ်ပြောစရာမလိုအပ်ပါ ၊ကျနော်တို့မှ မည်သို့ကာကွယ်မည်၊ဘာတွေလုပ်ဆောင်
မည်ဆိုသည်ကသာအရေးကြီးပါသည်၊ဤအားပြိုင်မှုတွင်မိမိတို့ညံ့လျှင် အရှုံးနှင့်ရင်ဆိုင်ရမည်မှာမုချမလွဲပါ ။
အထူးသတိပြုသင့်ပါသည် ၊နောက်တခုအကြံပြုလိုသည်မှာ မိမိတို့မျိုးဆက်သည် NGO များကိုအထူးသတိပြု
ရန်လိုအပ်ပါသည် ၊NGO များမှ ငွေကြေးအထောက်အပံ့များကိုမယူရ ဟုကျွန်ပ်မဆိုလိုပါ ၊ယူသင့်သည်များကို
ယူရမည်ဖြစ်သည် ၊တိုင်းပြည်အရေးလုပ်ရန် ငွေကြေးလိုအပ်သည်ကိုကျနော်နားလည်ပါသည် ၊သြဇာလွှမ်းမိုး
မှု မခံဖို့နှင့်အသုံးချခံမဖြစ်ဖို့ကိုသာ ဆိုလိုပါသည်။ ကမ္ဘာ့မှာတိုင်းပြည်တခုအပြောင်းအလဲကာလမှာ NGO များ
ဟာ မိမိတို့သြဇာလွှမ်းမိုးဖို့ ၊အသုံးချဖို့အတွက်နည်းလမ်းပေါင်းစုံဖြင့် စုပြုံဝင်ရောက်လာကြပြီးနည်းပရိယယ်ကြွယ်
ဝစွာဖြင့် လုပ်ဆောင်ကြပါတယ် သူတို့ရဲ့လုပ်ဆောင်မှုကြောင့် အတိုက်အခံအဖွဲ့များဟာ အချင်းချင်းသံသယတွေ
ကြီးထွားလာကြပြီး ၊အချင်းချင်းနားလည်မှုလွဲမှားခြင်းများကိုရင်ဆိုင်ကြရပြီး နောက်ဆုံး ကျဆုံးခြင်းဖြင့် အာဏာရှင်
မွေးထားတဲ့ လက်သစ်များကသာ အာဏာကိုပြန်လည်သိမ်းပိုက်ခံလိုက်ရတဲံ့ သာဓကတွေကိုမိမိတိုင်းပြည်မှာမဖြစ်
အောင်သတိရှိရှိ မျိုးဆက်များအားလုံးဝိုင်းဝန်းကာကွယ်လုပ်ဆောင်ကြပါရန် အကြံပေးတင်ပြအပ်ပါတယ် ။
နိဂုံး
 ၈၈ အရေးတော်ပုံကြီးသည် မည်သူတဦးတယောက်မှဦးဆောင်ပြီးပေါ်ပေါက်လာခဲ့ခြင်းမဟုတ်ပါ ၊
၈၈ မျိုးဆက်သည်လည်းဤသို့ပင်ဖြစ်သည် ၊တဦးချင်းကိုယ်ပိုင်ဆုံးဖြတ်ချက်ဖြင့် တူညီသောလမ်းပေါ်
တွင်လက်တွဲ၍အရင်းအနှီးပြုတိုက်ပွဲဝင် မှုများကြောင့်ပေါ်ပေါက်လာသောအရေးတော်ပုံကြီးဖြစ်သည်၊ထို့ကြောင့်
မိမိတို့၏မျိုးဆက်အင်အားကို ညီညွတ်မှုဖြင့်တည်ဆောက်၍ ဤငွေရတုအခမ်းအနားမှသည် တိုင်းပြည်
အနာဂါတ်၊မျိုးဆက်အနာဂါတ်အတွက်ဆုံးဖြတ်ချက်ချနိုင်သော အားလုံးပါဝင်သည့် မျိုးဆက်ညီလာခံ
ကြီးတရပ်ကျင်းပနိုင်အောင်ဝိုင်းဝန်းကြိုးပမ်းကြ၍ ၈၈မျိုးဆက်သည် မြန်မာပြည်တည်ရှိနေသ၍ အစဉ်
ထာဝရဂုဏ်ရောင်တောက်ပြောင်သောမျိုးဆက်ဖြစ် အောင်တည်ဆောက်ကြိုးစားကြပါစို့ ဟုဆန္ဒပြု
၍ ဤ၂၅ နှစ်မြောက်ငွေရတုအခမ်းအနားကိုကြိုဆို ဂုဏ်ပြုအပ်ပါသည်ခင်ဗျား...။
၈၈ မျိုးဆက် ထာဝရတည်တံ့ခိုင်မြဲစေရမည်..။
 (သန်းဝင်း )
၈၈ မျိုးဆက်
ဖလော်ရီဒါပြည်နယ်
အမေရိကန်ပြည်ထောင်းစု

No comments:

Post a Comment

Related Posts Plugin for WordPress, Blogger...