Tuesday, October 15, 2013

ဗုံးဖောက်ခွဲတိုက်ခိုက်မှုများကို ကြိုတင်ကာကွယ်ရန်

October 13, 2013 at 11:28am



  • မိမိတို့ပတ်ဝန်းကျင်တွင် မသင်္ကာဖွယ်ရာ မျက်နှာစိမ်းများတွေ့ရှိရပါက သတိထားစောင့်ကြည့်ပါ။
  • မည်သူမဆို မသင်္ကာဖွယ်ရာ လှုပ်ရှားပြုမူဆောင်ရွက်လာပါက ပတ်ဝန်းကျင်ကိုအချက်ပေးပါ။ သက်ဆိုင်ရာသို့ အကြောင်း ကြားပါ။
  • ရုပ်ဝတ္ထုပစ္စည်းများ ပို့ဆောင်ပေးရန် မိမိအကျွမ်းမ၀င်သူများက ခိုင်းစေလာပါက (အကူအညီတောင်းလာပါက) သတိရှိပါ။
  • မိမိအကျွမ်းမ၀င်သော (ကိုယ်ပိုင်မဟုတ်သော) ရုပ်ဝတ္ထုပစ္စည်းများတွေ့ရှိပါက ကိုင်တွယ်စမ်းသပ်ခြင်း၊ ဖွင့်လှစ်ခြင်းမပြုရ။
  • ဆန်းကျယ်သော၊ တန်ဖိုးရှိသော၊ စွဲဆောင်မှုရှိသော ရုပ်ဝတ္ထုပစ္စည်းများတွေ့ရှိပါက ကောက်ယူကြည့်ရှု ကိုင်တွယ်ခြင်းမပြုသင့်။ ကလေးသူငယ်များနှင့် သက်ကြီးရွယ်အိုများကိုလည်း ကြိုတင်သတိပေး မှာကြားထားပါ။
  • လူသူကင်းမဲ့သောပတ်ဝန်းကျင်တွင် အချိန်ကြာမြင့်စွာရပ်နားထားခဲ့သော ယာဉ်နှင့်စက်ပစ္စည်းများကို ပြန်လည်အသုံးမပြုမီ သေချာစွာစစ်ဆေးပါ။
  • လူထူထပ်သောနေရာ (ပွဲတော်၊ ရုပ်ရှင်ရုံ၊ ဘူတာ၊ ဈေး၊ စားသောက်ဆိုင် စသည်) တွင် ပိုင်ရှင်မဲ့ပစ္စည်းများတွေ့ရှိရပါက သက်ဆိုင်ရာသို့ ချက်ချင်းအကြောင်းကြားပါ။ ပတ်ဝန်းကျင်ကိုအချက်ပေးပါ။ ဝေးဝေးနေပါ။
  • မိမိအကျွမ်းမ၀င်သောပတ်ဝန်းကျင်တွင် တစ်ဖက်မြင် (အဆုံးအစမထင်ရှားသော) ကြိုးစ ကြိုးနနှင့် တုတ်ချောင်း သံချောင်း များတွေ့ရှိပါက ဆွဲနှုတ်ခြင်း၊ ဖိနင်းခြင်း၊ ဆောင့်ဆွဲခြင်း မပြုရ။ အခြားသူများလည်း ယင်းသို့ဆောင်ရွက်ခြင်းမပြုရန် အချက်ပေးသင်္ကေတတစ်ခုခုဖြင့် သတိပေးခဲ့ပါ။
  • မိမိမှာကြားထားခြင်းမရှိသော ရုပ်ဝတ္ထုပစ္စည်းများ အလိုအလျောက် ရောက်ရှိလာပါက (ပေးပို့လာပါက) လက်မခံပါနှင့်။ သက်ဆိုင်ရာသို့ ချက်ချင်းအကြောင်းကြားပါ။ ဝေးဝေးနေပါ။
  • မိမိပတ်ဝန်းကျင်၏ အခြေအနေအရပ်ရပ် (လူ၊ ယာဉ်၊ ရုပ်ဝတ္ထုပစ္စည်း၊ တိရိစ္ဆာန်များ) ကို အမြဲမပြတ်လေ့လာထားပါ။ ထူးခြားသော မသင်္ကာဖွယ်ရာ ပြောင်းလဲမှုများတွေ့ရှိပါက သက်ဆိုင်ရာသို့ အကြောင်းကြားပါ။
             ဒီအပေါ်မှာပြထားတဲ့အချက်တွေကတော့ ဗုံးဖောက်ခွဲတိုက်ခိုက်မှုကို ကာကွယ်တားဆီးဖို့ လူတိုင်းလိုက်နာရမယ့် ယေဘူယျ ကျတဲ့ အချက်တွေလို့ဆိုပါတယ်။ အင်တာနက်မှာရှာကြည့်တဲ့အခါ ကာကွယ်တားဆီးရေးနည်းလမ်းအသေးစိတ်ကို အင်္ဂလိပ်လိုရေးထားတဲ့ စာမျက်နှာပေါင်း ၁၄၀ ကျော်လောက်တွေ့ရပါတယ်။ အင်္ဂလိပ်စာညံ့လွန်းတဲ့ကျနော့်အတွက် မဟာစိန်ခေါ်မှုကြီးဖြစ်တာမို့ အသေး စိတ်တော့ ချမရေးပြနိုင်တော့ပါဘူး။ နောက်ပြီး နိုင်ငံတစ်နိုင်ငံနဲ့တစ်နိုင်ငံ အတွေ့အကြုံအမျိုးမျိုးအပေါ်အခြေခံပြီး ကာကွယ်ရေးနည်း လမ်းအမျိုးမျိုးရှိနေတာမို့ ကိုယ့်နိုင်ငံအခြေအနေနဲ့ကိုက်ညီမယ့် လိုရင်းကိုရောက်မယ့် အခြေခံအချက်တွေကိုပဲ ဖော်ပြပါတယ်။ အောက်မှာ ဆက်ပြီးပြောချင်တာက အဆောက်အဦထဲမှာ ဗုံးထောင်ထားပါတယ်လို့ ဖုန်းနဲ့ဆက်ပြီးသတင်းပေးလာတယ် ဒါမှမဟုတ် ခြိမ်းခြောက် လာတယ်ဆိုရင် လုပ်ဆောင်ရမယ့်အချက်တွေပဲဖြစ်ပါတယ်။ ပုံနဲ့တကွဖော်ပြလိုက်ပါတယ်။ နားလည်သလောက်လည်း ဘာသာပြန်ပေး လိုက်ပါတယ်။ လွဲရင်လည်း ထောက်ပြပေးပါ။ ဖြည့်စွက်ဆွေးနွေးပေးဖို့လည်း ဖိတ်ခေါ်ပါတယ်။



အဆောက်အဦအား ဗုံးထောင်ထားသည်ဟု ဖုန်းဆက်လာပါက .....
  • စိတ်ကိုတည်ငြိမ်စွာထားကြပါ။ ပေးပို့လာသောသတင်း သေချာမှု ရှိ မရှိ သုံးသပ်စစ်ဆေးပါ။
  • အဆောက်အဦကြီးကြပ်သူများနှင့် ရဲဌာနမှ သတိပေးချက်ထုတ်ပြန်ရမည်။
  • သတိပေးချက်ခေါင်းလောင်းသံ ချက်ချင်းဖွင့်ရမည်။
  • အခြားသော သတိပေးချက်များထက်ထူးခြားသည့် အချက်ပေးစနစ်ဖြင့် အချက်ပြရမည်။
  • ဗုံးရှိနိုင်သည်ဟု သတ်မှတ်ထားသည့်နယ်ပယ်ကို အသုံးပြုခြင်း လုံးဝရှောင်ကျဉ်ရမည်။
  • အဆောက်အဦအတွင်းရှိသူအားလုံး စုရပ်နေရာအဖြစ်သတ်မှတ်ထားသည့်နေရာသို့ ရောက်ရှိရန်ဆောင်ရွက်ရမည်။
  • ပုဂ္ဂိုလ်တစ်ဦးချင်း၏ ပိုင်ဆိုင်မှုသိမ်းဆည်းနေခြင်းအား တားမြစ်ခွင့်မရှိ။
  • တာဝန်ရှိသူများ၏ ဆောင်ရွက်မှုမပြီးမချင်း၊ ခွင့်ပြုချက်မပေးမချင်း အဆောက်အဦထဲသို့ ပြန်လည်ဝင်ရောက်ခွင့်မရှိ။

            အခုပြောခဲ့တဲ့အချက်တွေအားလုံး နိုင်ငံသားတိုင်းမှာ တာဝန်ရှိတဲ့အချက်တွေပဲဖြစ်ပါတယ်။ အဓိကတာဝန်အရှိဆုံးကတော့ အစိုးရတွေပဲဖြစ်ပါတယ်။ လူထုကို ဘယ်လိုကာကွယ်မလဲ၊ လူထုကို ဘယ်လိုပညာပေးမလဲ၊ လူထုနဲ့ ဘယ်လိုပူးပေါင်းဆောင်ရွက်မလဲ ဆိုတာကတော့ အစိုးရတွေရဲ့ သဘောထားအပေါ်မှာပဲ မူတည်ပါတယ်။

ကိုဇင် (အဓိပတိပစ္စယော)
၂၀၁၃ ခုနှစ်၊ အောက်တိုဘာလ (၁၄) ရက်။

No comments:

Post a Comment

Related Posts Plugin for WordPress, Blogger...