Thursday, September 19, 2013

အရှေ့ဘက်တံခါးလုံခြုံရေး


မန္တလေးမြို့တော် ပတ်ဝန်းကျင်ရှိ လယ်ယာမြေများကို မည်သည့်ဝင်ငွေဖြင့် ကြွယ်ဝချမ်းသာမှန်း မသိသည့်အပြင် နိုင်ငံသားကတ် ကိုင်ဆောင်ထားသော်
လည်း မြန်မာစကား မပြောတတ်သူများက မန္တလေး ဒေသခံအချို့ နာမည်ခံကာ မည်သူမျှ မျှော်လင့်မထားသည့် ဈေးအမြောက်အမြားဖြင့် အလုံးအရင်း ဝယ်ယူလျက်
ရှိသည်။ တည်ဆဲဥပဒေ များအရ မြန်မာနိုင်ငံအတွင်းရှိ မြေယာများကို မည်သည့် နိုင်ငံခြားသားမျှ တိုက်ရိုက် ဝယ်ယူပိုင်ဆိုင်ခွင့် မရှိသော်လည်း နိုင်ငံသားနာမည်ခံ ဝယ်ယူနေခြင်းကိုမူ တားဆီးနိုင်သော ဥပဒေ တိတိပပ မရှိပေ။


ကြားခံဝယ်ယူပေးသူ နိုင်ငံသားအချို့ ပင်လျှင် နိုင်ငံသားကတ် ကိုင်ဆောင်
ထားသောကြောင့် နိုင်ငံသားဟု ဆိုနိုင်သော်ငြား မြန်မာစကားကိုပင် ရေလည်စွာ မပြောနိုင်သူများ ဖြစ်နေသည်ကိုလည်း တွေ့ရကြောင်း မန္တလေးဒေသခံ များထံမှ သိရသည်။

စင်စစ်အားဖြင့် မန္တလေးမြို့တော်သည် မြန်မာတို့၏ နောက်ဆုံးမင်းဆက်
နှင့် နောက်ဆုံးဘုရင် နန်းစိုက်ခဲ့ရာ၊ မြန်မာ့ယဉ်ကျေးမှု သမိုင်းအမွေအနှစ်များ ကြွင်းကျန်ရစ်ရာ၊ မြန်မာမှု၊ မြန်မာဟန်၊ မြန်မာ့ရိုးရာအနုပညာ၊ ဝတ်စားဆင်ယင်မှု၊ ရိုးရာပွဲလမ်းသဘင် အခမ်းအနားများ ထိန်းသိမ်းထားရာ ဘာသာ၊ သာသနာ ထွန်းပြောင်ခဲ့သော အတိတ်ကာလ၏ သက်သေများရှိရာ၊ မြန်မာ့သမိုင်းတွင် ကမ္ဘာ့နိုင်ငံကြီးများသို့ သံတမန် အဆက်အသွယ် အများဆုံး ထူထောင်နိုင် ခဲ့သည့်အပြင် ဉာဏ်ပညာအမြော်အမြင် ကြီးမားသည့် သာသနာပြုမင်းတစ်ပါး အဖြစ် နာမည်ကျော်ကြားခဲ့သူ မန္တလေးမြို့တည် မင်းတုန်းမင်း နန်းစိုက်ခဲ့ရာ စသဖြင့် ဂုဏ်အင်္ဂါများစွာဖြင့် လေးစားမြတ်နိုး ထိန်းသိမ်းအပ်သော မြန်မာ့ရတနာ တစ်ပါး
သဖွယ်ဖြစ်နေသည့် မြို့တော်လည်းဖြစ်သည်။

သို့သော် ယနေ့မန္တလေးသည် ကုန်ခဲ့သည့် ၂၅ နှစ်ခန့်က မန္တလေးနှင့် လုံးဝမတူ
ခြားနားသည့် မန္တလေးဖြစ်နေကြောင်း ဒေသခံများ၊ မန္တလေးနှင့် ပုံမှန် ဆက်သွယ်
နေသူများအပါအဝင် မြန်မာနိုင်ငံသား အများစုက တညီတညွတ်တည်း မှတ်ချက်
ပြုကြသည်။ ထိုသို့ မှတ်ချက်ပြု ရလောက်အောင်ပင် အချက်အချာကျသည့် မြို့တော်နေရာအများစုကို မြန်မာစကား မပြောတတ်သော်လည်း နိုင်ငံသား ဖြစ်နေ
သူများက နေရာယူထားကြသည်။

မြန်မာနိုင်ငံသည် လူဦးရေ သန်းတစ်ထောင်ကျော်ရှိနေသော ကမ္ဘာ့လူဦးရေ အများဆုံး တရုတ်ပြည်သူ့သမ္မတ နိုင်ငံနှင့် အိန္ဒိယနိုင်ငံ တို့အကြား၊ ရှမ်းပြည်နယ်
ဧရိယာ နီးပါးခန့်သာ ရှိသည့် မြေနေရာကျဉ်းကျဉ်းတွင် လူဦးရေ ၁၅၅သန်းဖြင့် မဆံ့မပြဲဖြစ်နေသော ဘင်္ဂလားဒေ့ရ်ှနိုင်ငံ နံဘေးတွင် တည်ရှိနေသော နိုင်ငံ
ဖြစ်သည်။ ရွှေ့ပြောင်းနေထိုင်မှု ဆိုင်ရာ သီအိုရီများအရ မြန်မာနိုင်ငံသည် အိမ်နီးချင်းနိုင်ငံများနှင့် လူဝင်မှုကြီးကြပ်ရေး ဆိုင်ရာ အပြန်အလှန် ပြဿနာများ မဖြစ်မနေ ကြုံတွေ့ရမည်ဖြစ်သည်။

ပြီးခဲ့သော ၂၀၁၂ခုနှစ်က ဖြစ်ပေါ်ခဲ့သည့် ရခိုင်ပြည်နယ် ပဋိပက္ခအပြီး မြန်မာနိုင်ငံ၏ အနောက်ဘက်တံခါး လုံခြုံရေးကိစ္စကို ရှေ့တန်းတင် ပြောဆိုလာခဲ့ ကြသည်မှာ ယနေ့အချိန်အထိ ဖြစ်သည်။ သို့သော် အရှေ့ဘက်တံခါးဟင်းလင်းပွင့်ကာ မြန်မာ
နိုင်ငံ၏ ဒုတိယအကြီးဆုံး မြို့တော်၊ ယဉ်ကျေးမှုမြို့တော်ကြီး တစ်ခုလုံး မြန်မာ့
ယဉ်ကျေးမှု၊ မြန်မာစာ၊ မြန်မာစကား နားမလည်၊ မလေးစားသူများ တစ်စတစ်စ နေရာယူ ကြီးစိုးလာခြင်းကိုမူ အနောက်ဘက်တံခါး ပြဿနာကြောင့်
မေ့လျော့ထားသကဲ့သို့ ဖြစ်နေခဲ့သည်။

စင်စစ်အားဖြင့် မြန်မာနိုင်ငံအတွင်းသို့ နယ်စပ်နှင့် ပုံမှန်လမ်းကြောင်းမှ ကုန်းကြောင်း၊ လေကြောင်းဖြင့် အလုံးအရင်း ဝင်ရောက်နေသော နိုင်ငံခြားသား အားလုံး သတ်မှန်ချိန် စေ့သောအခါ မည်မျှ ပြန်ထွက်သွားသည်၊ မည်မျှ ကျန်နေခဲ့သည် ဆိုသောကိစ္စမှာ များစွာ စိတ်ဝင်စားစရာ ကောင်းသည့်
အပြင် မေးခွန်းထုတ်စရာ လည်းကောင်းလှသည်။

ပုံမှန်အားဖြင့် ထိုနိုင်ငံခြားသားများ မြန်မာနိုင်ငံသို့ အကြောင်းကိစ္စ (ခရီးသွား၊ စီးပွားရေး) တစ်ခုခုဖြင့် လာရောက်လည်ပတ်ခြင်းမှာ ပြောစရာမရှိသော်လည်း
မြန်မာနိုင်ငံအတွင်းရှိ အိမ်၊ ခြံ၊ မြေ ဈေးနှုန်းများ နိုင်ငံ၏ စီးပွားရေး အခြေအနေနှင့် မလျော်ညီစွာ အဆမတန် ဈေးနှုန်းများဖြင့် မြှင့်တင်ဝယ်ယူကာ နိုင်ငံတကာမှ ရင်းနှီးမြှုပ်နှံသူများ မလာရဲစေရန် ကြံစည်အားထုတ်နေ ပါက ပြဿနာကြီးစွာ
ရှိသည်ဟု ဆိုနိုင်သည်။

တစ်ခါတစ်ရံ အကျိုးအမြတ် အဆမတန်ကြီးမားသည့် ကိစ္စရပ်များ ရှိနေပါက ယင်းအကျိုးအမြတ်များ ကာကွယ်ရန် ထိလွယ်၊ ခိုက်လွယ်၊ ခံစားလွယ်သော ပြဿနာ
များဖြင့် လမ်းလွှဲကာ နိုင်ငံတော်၏ အဖိုးတန် မြေယာများ ဖဲ့ယူဝါးမျိုခံရ ခြင်း၊
နိုင်ငံတကာ ရင်းနှီးမြှုပ်နှံမှုများကို အဟန့်အတားပြုခြင်း စသည့် အန္တရာယ်များ ရှိတတ်သည်။ ယင်းအခြအနေကို နိုင်ငံတော်တစ်ခုလုံး အတွက် တာဝန်ရှိသူများ
နှင့် ပြည်သူလူထုတစ်ရပ်လုံး မေ့မထားသင့်ကြောင်း သတိပေးလိုရင်းဖြစ်သည်။

အယ်ဒီတာ (၁၇-၉-၂၀၁၃)
The Voice Daily

No comments:

Post a Comment

Related Posts Plugin for WordPress, Blogger...