Monday, August 26, 2013

အုပ်ချုပ်ရေးအတတ်ပညာ (Public Administration)

Seaman Nayminthu and May Popa shared Myo Set's photo.

အုပ်ချုပ်ရေးဆိုတာ အစိုးရက ချမှတ်လိုက်တဲ့ပေါ်လစီတစ်ရပ်ကို စံနစ်တကျ ဆည်းပူးလေ့လာထားတဲ့ ပြည်သူ့ဝန်ထမ်းတွေက အကောင်အထည်ဖော်ကြခြင်းဖြစ်ပါတယ်။
အစိုးရက ပေါ်လစီတစ်ရပ်ကို သူ့အစိုးရအဖွဲ့ (Cabinet) ကနေ ချမှတ်လိုက်ပါတယ်။ အဲ့ဒါကို သက်ဆိုင်ရာဝန်ကြီးဌာနတွေနဲ့ သူ့ဝန်ထမ်းတွေက အကောင်အထည်ဖော်ရပါတယ်။



အဲ့လိုဆိုရင် အစိုးရစွမ်းဆောင်ရည်တစ်ရပ်မှာ Policy Making, Implementation ဆိုပြီးနှစ်ပိုင်းတွေ့ရမှာပါ။ ပေါ်လစီချမှတ်မှုအပိုင်း နဲ့ ပေါ်လစီကိုအကောင်အထည်ဖော်မှုအပိုင်း နှစ်ပိုင်းလုံးသည် အလွန်အရေးကြီးပါတယ်။ တိုင်းပြည်အနာဂတ်နဲ့တိုက်ရိုက်ဆိုင်တယ်လို့တောင်ဆိုရမှာပါ။

ပေါ်လစီချမှတ်ခြင်းအတွက်အစိုးရဟာ သက်ဆိုင်ရာ ပညာရှင်တွေရဲ့ အကြံဥာဏ်တွေကို စုစည်းရယူရပါတယ်။ သက်ဆိုင်ရာပညာရှင်တွေဆိုတာကလဲ ကမ္ဘာအနှံ့က ပညာကျော်တွေထုတ်ဝေထားတဲ့စာတမ်းတွေ၊ ပညာရပ်တွေကို နှံ့စပ်အောင်လေ့လာထားပြီး အမျိုးမျိုးအနုစိပ်သုံးသပ် ကိုယ့်တိုင်းပြည်အတွက်လိုအပ်တဲ့ အိုင်ဒီယာမျိုးကိုခင်းကျင်းရတာမျိုးပါ။ ဒါဟာ Public Policy Making သဘောတရားပါ။ ဒီထက်အများကြီးမှ အများကြီးကျန်ပါသေးတယ်။

နောက်ပေါ်လစီကိုအကောင်အထည်ဖော်ခြင်းကျတော့ ဝန်ကြီးဌာနတွေနဲ့ ဝန်ထမ်းတွေရဲ့ စွမ်းဆောင်ရည်က စကားပြောလာပါပြီ။ အစိုးရရဲ့ပေါ်လစီနဲ့ ရည်ရွယ်ချက်ကို ဝန်ထမ်းတွေ ဘယ်လိုနားလည်သလဲ။ ဘယ်လောက်နားလည်သလဲ။ ဘယ်လောက်အလုပ်လုပ်သလဲ ဆိုတဲ့ အချက်တွေကနေ အစိုးရတစ်ရပ်၇ဲ့ပေါ်လစီအပေါ်သက်ရောက်မှုအများကြီးရှိပါတယ်။

ဝန်ထမ်းတွေမကောင်းရင်ပေါ်လစီကောင်းပေမယ့်မအောင်မြင်တာမျိုးဖြစ်တတ်ပါတယ်။ ဒီလိုမအောင်မြင်ရင် ဒီအစိုးရအဖွဲ့ရှုံးနိမ့်တာပါပဲ။

အခုဦးသိန်းစိန်ပေါ်လစီတွေ ချမှတ်ပါတယ်။ အောက်ခြေဝန်ထမ်းတွေရဲ့အရည်အသွေးက ဘယ်လိုပါလဲ။ ဝန်ထမ်းတွေရဲ့အရည်အသွေးမြှင့်တင်ရေးနဲ့ သူတို့ရဲ့ လူမှုဘဝ ဖူလုံမှုကို ဂရုမစိုက်လို့ကတော့ ပေါ်လစီဘယ်လောက်ချချ အပေါ်ကပြောင်း အောက်ကမပြောင်း ဆိုတာတွေ ကြားနေရဦးမှာပါ။

နောက်ပြောရရင် ပြည်သူ့အုပ်ချုပ်ရေးအတတ်ပညာဆိုတာ စံနစ်တကျ သင်ယူဆည်းပူးကြရတာမျိုးပါ။ မြန်မာပြည်မှာ ရှိတဲ့ အစိုးရဗျူရိုကရေစီဟာ ဗဟိုချုပ်ကိုင်မှုဝင်လာတဲ့အချိန်မှာ အကြောသေလေးလံသွားပါတယ်။ ဒီလိုလေးလံမှုဟာ အစိုးရကုန်ကျစရိတ်တက်စေတဲ့အပြင် အစိုးရရဲ့ စွမ်းဆောင်ရည်ကိုကျဆင်းစေပါတယ်။ State Efficiency ကျဆင်းလာစေတယ်လို့ခေါ်ပါတယ်။

မြန်မာပြည်ကတစ်ကယ့်လက်တွေ့ဝန်ထမ်းတွေဟာ အရည်အသွေးပိုင်းတွေလိုအပ်ချက် တွေအများကြီးရှိပါတယ်။အရည်အသွေးပိုင်းလိုအပ်ချက်တွေရှိတာ မဆန်းပါဘူး။ မြှင့်တင်ပေးဖို့သာလိုပါတယ်။

ဒီတော့ ဒီအုပ်ချုပ်ရေးအတတ်ပညာတွေဆိုတာဟာ စံနစ်တကျ ဆည်းပူးရပါတယ်။ စီမံခန့်ခွဲမှုတွေဆိုတာ စံနစ်တကျလေ့လာကြပါတယ်။

အခု NLD ကယူလိုက်ရင် အုပ်ချုပ်ရေးဘယ်လိုဖြစ်သွားမှာ၊ အစိုးရဖက်က ကျပြန်ရင်လဲ ငါတုိ့ကမှ တစ်ကယ်လုပ်ဖူးတာ..ဟိုဖက်က အလကားစသဖြင့် ခဏခဏတွေ့ရပါတယ်။ ခါချဉ်ကောင်မာန်ကြီးတောင်ကြီးဖြိုမယ်မကြံကြပါနဲ့။ မြန်မာပြည်မှာ ဒီလို အရပ်ဖက် အုပ်ချုပ်ရေးတွေ စံနစ်တကျတတ်ကျွမ်းသူတွေမျိုးဆက်ပြတ်တောက်နေပါတယ်။ စစ်တက္ကသိုလ်တွေကလဲမသင်လိုက်သလို နိုင်ငံရေးပါတီဝင်တွေကလဲ ဒါတွေကို ဆည်းပူးထားသူ အလွန်မများနိုင်ပါဘူး။

ဒါကြောင့် ဒီလို အုပ်ချုပ်ရေးအတတ်ပညာတွေဆိုတာ ဆည်းပူးလေ့လာသင့်တဲ့အစားဖြစ်ပါတယ်။ ဒီလို လေ့လာထားမှသာလျှင် အခုလို ရန်ကုန်ရေကြီးတဲ့အချိန် အစိုးရဟာ ဘယ်လိုလုပ်သင့်တယ်ဆိုတာကို ချက်ခြင်းအဖြေရှာနိုင်မှာဖြစ်သလို အတိုက်အခံရှဲ ဒိုးအစိုးရကလဲ ဘယ်လိုနည်းလမ်းတွေနဲ့ ချဉ်းကပ်သင့်င်္ကြောင်း Urban Planning ရှုထောင့်ကနေ ထောက်ပြနိုင်မှာဖြစ်ပါတယ်။ (အခုတော့ မထောက်ပြနိုင်ဘဲ တစ်ဖက်နဲ့တစ်ဖက် ဆဲ နေကြပါတယ်။)

ထပ်ပြောရရင်တော့ မြန်မာပြည်မှာ ဒီလို အုပ်ချုပ်ရေးပညာရပ်တွေစံနစ်တကျ ဆည်းပူးလေ့လာခွင့် ရှိသင့်င်္ပါပြီ။အဲ့လို လေ့လာနိုင်ကြမှ အဆင်ပြေမှာပါ။ တစ်ဦးတစ်ယောက် တစ်ဖွဲ့တည်းနဲ့ တိုင်းပြည် တည်ဆောက်လို့မရပါ။

No comments:

Post a Comment

Related Posts Plugin for WordPress, Blogger...