Friday, August 30, 2013

လွတ်လပ်စွာပြောဆိုခွင့်နှင့် အမုန်းတရားပေါ်ပေါက်စေသော ပြောဆိုမှု တို့အား ဒဿနိကဗေဒရှုထောင့်မှ လေ့လာခြင်း



“ကျွန်ုပ်မှားပြီး၊ သင်မှန်ချင်မှန်ပါလိမ့်မယ်။ အမှန်တရားနဲ့ အနီးစပ်ဆုံးဖြစ်အောင် ကြိုးပမ်းကြည့်ရအောင်ပါ”
Karl Popper

နိဒါန်း

(၂၀၀၇) ခုနှစ်၊ ဧပြီလ (၁၉) ရက်နေ့မှာ အမုန်းတရားပေါ်ပေါက်စေသော ပြောဆိုမှုနဲ့ ပတ်သက်ပြီး၊ အရေးယူအပြစ်ပေးလို့ရတဲ့ ဆုံးဖြတ်ချက်တရပ်ကို ဥရောပသမဂ္ဂကောင်စီက ချမှတ်ခဲ့ပါတယ်။

ဒီဆုံးဖြတ် ချက်အရ လူမျိုးရေး၊ ဘာသာရေးနဲ့ ပတ်သက်ပြီး အဓိကရုဏ်းများ ဖြစ်ပွားလာစေရန် ရည်ရွယ် ချက် နဲ့ အမုန်းတရားပေါ်ပေါက်စေသော ပြောဆိုမှု၊ လှုံ့ဆော်မှုများကို ဥရောပသမဂ္ဂအဖွဲ့ဝင်နိုင်ငံများ အတွင်း ပြုလုပ် လာခြင်း ရှိပါက အရေးယူ အပြစ်ပေးမှုများကို သက်ဆိုင်ရာနိုင်ငံအသီးသီး က ဆောင်ရွက်နိုင်ပါတယ်။ ဒီဆုံးဖြတ်ချက်ဟာ အမုန်းတရား ပေါ်ပေါက်စေသော ပြောဆိုမှုများကို ပြည်သူ့ အေးချမ်းသာယာမှုအား နှောင့်ယှက်ဖျက်စီးသောအရာအဖြစ် ဥရောပနိုင်ငံများက တရားဝင် သတ်မှတ်လိုက်ခြင်းလဲ ဖြစ်ပါတယ်။ လူတိုင်းမှာ လွတ်လပ်စွာပြောဆိုခွင့်ရှိပေမယ့်၊ ဒီအခွင့်အရေးကို အလွဲသုံးစား လုပ်တာကို သည်းခံမှာ မဟုတ်ကြောင်း ဥရောပနိုင်ငံများက တညီတညွတ်တည်း ချမှတ်လိုက်တဲ့ မူဝါဒလဲ ဖြစ်ပါတယ်။ ကမ္ဘာ အရပ်ရပ်မှာလဲ အလားတူ ဥပဒေများ ချမှတ်ဖို့ ပြင်ဆင်ဆောင်ရွက် လာကြပါတယ်။ ဒါနဲ့ ပတ်သက်ပြီး၊ လွတ်လပ်စွာပြောဆိုခွင့်ကို ကာကွယ်သူများနဲ့ အမုန်းတရား ပေါ်ပေါက် စေနိုင်သော ပြောဆိုမှုများကို ကာကွယ်သူများအကြားမှာ ဒဿနိကဗေဒ ရှုထောင့်မှ အငြင်း ပွားမှုတွေ ပေါ်ထွက်လာပါတယ်။



လွတ်လပ်စွာပြောဆိုခွင့်အား ကာကွယ်ခြင်း (Defending Freedom of Speech)

ခေတ်သစ်လူ့အဖွဲ့အစည်းအစည်းမှာ လွတ်လပ်စွာပြောဆိုခွင့်ကို လူသိရှင်ကြား ပထမဦးဆုံး ဖော်ထုတ် ကာကွယ်ပေးခဲ့သူကတော့ ဒဿနိကဗေဒပညာရှင်ကြီး John Milton (1608-1674) ပဲ ဖြစ်ပါတယ်။ (၁၆၄၄) ခုနှစ်မှာ သူရေးထားခဲ့တဲ့ Areopagitica ဆိုတဲ့ စာအုပ်ဟာ စာအုပ် စာတမ်းများ၊ စာစဉ်များနဲ့ ထုတ်ပြန်ကြေငြာချက်များကို အစိုးရတာဝန်ရှိသူ များမှ ကြိုတင်ခွင့်ပြုချက်မရပဲ ထုတ်ဝေခွင့်မရှိကြောင်း ကန့်သတ်ထားချက်ကို ဆန့်ကျင်ရေးသားခဲ့တဲ့ စာအုပ်တအုပ် ဖြစ်ပါတယ်။ Milton က လွတ်လပ်စွာ ပြောဆိုခွင့်၊ ထုတ်ဖော်ပြောကြားခွင့်တွေကို ထိန်းချုပ်ခြင်းဟာ အသိဥာဏ် ပညာ ဖွံ့ဖြိုးတိုးတက်မှုနဲ့ အမှန်တရားရှာဖွေခြင်းကို ထိခိုက်စေနိုင်ကြောင်း မီးမောင်းထိုးပြခဲ့ပါတယ်။ လေ့လာသင်ယူမှုတွေကို ကန့်သတ်ခြင်းနဲ့ အမှန် တရားရှာဖွေမှုကို ပိတ်ပင်ခြင်းဟာ လူသားတွေရဲ့ ရှိပြီးသား စွမ်းရည်တွေကို တုံးသွားစေရုံသာမက၊ အသိဥာဏ်ပညာ ဖွံ့ဖြိုးရေးကိုပါ နှောင့်နှေး သွားစေနိုင်ကြောင်း ဆိုထားခဲ့ပါတယ်။


Milton ရဲ့ ငြင်းဆိုချက်များဟာ လွတ်လပ်စွာ ပြောဆိုခွင့်ကို ကာကွယ်ပေးနေ တဲ့ instrumentalist theories တွေကို ကိုယ်စားပြုပါတယ်။ ဒီသီအိုရီများအရ လွတ်လပ်စွာ ပြောဆိုခွင့်ဟာ အမှန်တရား၊ ဗဟုသုတနဲ့ တည်ငြိမ်သော လူမှုအဖွဲ့အစည်းကို ဆောင်ကျဉ်းပေးနိုင်ပြီး၊ လွတ်လပ်စွာပြောဆိုခွင့်ကို ထိန်းချုပ်ခြင်း ကတော့ ကြီးမားတဲ့ ဆုံးရှုံးမှုတွေကို ဖြစ်စေနိုင်ပါတယ်။ ဒီသီအိုရီများကို ကိုယ်စားပြုတဲ့ နောက်ထပ်ဒဿနိကဗေဒ ငြင်းဆိုချက် များကိုတော့ ဘောဂဗေဒနဲ့ ဒဿနိကဗေဒပညာရှင် John Stuart Mill (1806-1873) က ဖော်ပြထားခဲ့ပါတယ်။ သူ့အဆိုအရ လွတ်လပ်စွာ ပြောဆိုခွင့်နဲ့ ဆန္ဒဖော်ထုတ်ခွင့်ကို ငြိမ်သက်အောင် ပိတ်ပင်ထားမှုဟာ လူသားဖြစ်တည်မှုကို ခိုးယူခြင်း ဖြစ်ရုံမက၊ မျိုးဆက်ကို ဖျက်ဆီးခြင်းလဲ ဖြစ်ပါတယ်။ အတွေးအမြင်က မှန်ကယ်တယ်ဆိုရင် အမှန်တရားနဲ့ အမှားတွေ ကို လဲလှယ်နိုင်မယ့် အခွင့်အလမ်းရရှိမှာ ဖြစ်ပြီး၊ အတွေးအမြင်က မှားယွင်း တယ် ဆိုရင်၊ အမှားတွေနဲ့ ခလုတ်တိုက်ရာက အမှန်တရားက အောင်ပွဲခံ လာနိုင်မယ်လို့ ဆိုထားခဲ့ပါတယ်။ ဒီယူဆချက်တွေဟာ Milton ရဲ့ ငြင်းဆိုချက် တွေနဲ့လဲ ကိုက်ညီပါတယ်။ ပညာရှင်နှစ်ဦးစလုးက လူသားများရဲ့ အမှန်တရား ကို ချဉ်းကပ်ရေး၊ လူ့အဖွဲ့အစည်းရဲ့ တိုးတက်ရေးတို့အတွက် ကွဲပြားခြား နားသော အမြင်များနဲ့ အယူအဆများကို ပိတ်ပင်တားဆီးမှုများ မပါရှိပဲ လွတ်လပ်စွာ ဆွေးနွေးဖော်ပြခွင့်ရှိရမယ်လို့ ယူဆထားကြပါတယ်။


၂၀ရာစု တွေးခေါ်ပညာရှင်များဖြစ်ကြတဲ့ Frederick Schauer နဲ့ Eric Barendt တို့ကလဲ လွတ်လပ်စွာပြောဆိုခွင့်နဲ့ ပတ်သက်တဲ့ အမြင်များကို တင်ပြထားကြပါတယ်။ Schauer ဆိုသူက အမှန်တရားနဲ့ ပတ်သက်တဲ့ အဆိုပြုချက်ဟာ အသုံးဝင်ကြောင်း၊ လူသားတွေကလဲ အမှားလုပ်တတ်သလို၊ အစိုးရများကလဲ အမှားလုပ်တတ်တာ ဖြစ်တဲ့အတွက် လွတ်လပ်စွာပြောဆိုခွင့် ကို ပိတ်ပင်တားဆီးမှုများ ပြုလုပ်ရာမှာ သတိပြုသင့်ကြောင်း ဆိုထားခဲ့ ပါတယ်။ အချို့ပညာရှင်များကတော့ ဒီမိုကရေစီစနစ်ကို အကောင် အထည် ဖော်ရာမှာ လွတ်လပ်စွာပြောဆိုခွင့်ရဲ့ အရေးပါမှုကို ဖော်ညွှန်းကြပါတယ်။ ဒီမိုကရေစီ စနစ်မှာ အာဏာဟာ ပြည်သူဆီက သက်ဆင်းတာဖြစ်တဲ့အတွက် အစိုးရတာဝန်ရှိသူများဟာ အုပ်ချုပ်သူများ မဟုတ်ပဲ ပြည်သူလူထုကို ၀န်ဆောင်မှု ပေးရသူများ ဖြစ်ပါတယ်။ ဒါကြောင့် ပြည်သူလူထုရဲ့ လွတ်လပ် စွာ ပြောဆိုခွင့်ကို အစိုးရများက ထိန်းချုပ်၍ မရကြောင်း ဆိုထားကြပါတယ်။ လွတ်လပ်စွာ ပြောဆိုခွင့်ကို ပိတ်ပင်တားဆီးတဲ့ အစိုးရဟာ အာဏာရှင် အစိုးရများရဲ့ အတွေးအခေါ်ထိန်းချုပ်မှု ခြေလှမ်းများအနက် ပထမခြေလှမ်း ကို လှမ်းနေတဲ့ အစိုးရဖြစ်တာကြောင့် ဒီမိုကရေစီအတွေးအခေါ်များနဲ့ မကိုက်ညီကြောင်း ဆိုထားကြပါတယ်။ ဒီအယူအဆတွေက လူတဦးချင်းစီရဲ့ လွတ်လပ်ခွင့်၊ တန်းတူညီမျှခွင့်များနဲ့ ပိုပြီးဆီလျော်လေ့ရှိပါတယ်။ ကိုယ်ပိုင်ပြဌာန်းခွင့်နဲ့ သက်ဆိုင်တာကြောင့် intrinsic theories များအဖြစ် သတ်မှတ်ထားကြပါတယ်။

ဟားဗတ်တက္ကသိုလ်က ကိုယ်ကျင့်တရားဆိုင်ရာ ဒဿနိကဗေဒ ပါမောက္ခ တဦးဖြစ်တဲ့ Thomas Scanlon ဆိုသူကလဲ နိုင်ငံသူ၊ နိုင်ငံသားများဟာ တန်းတူညီမျှပြီး၊ တဦးချင်း ကိုယ်ပိုင်ပြဌာန်းခွင့်ရှိသူများ ဖြစ်တဲ့အတွက် ပြည်သူလူထုအပေါ် နိုင်ငံတော်မှ ကျင့်သုံးရမယ့် အာဏာများဟာ ကန့်သတ်ချက် ရှိဖို့လိုကြောင်း ဆိုထားပါတယ်။ လူတွေဆီမှာ သတင်း အချက်အလက်များကို ရယူသိရှိပိုင်ခွင့်ရှိဖို့ လိုအပ်ပြီး၊ တဦးချင်းရွေးချယ် မှုများ ပြုလုပ်ရာမှာ အစိုးရရဲ့ ၀င်ရောက်စွက်ဖက်မှုကင်းမှသာ ကိုယ်ပိုင်ပြဌာန်းခွင့် ရှိတယ်လို့ သတ်မှတ်နိုင်တာ ဖြစ်တဲ့အတွက် လွတ်လပ်စွာပြောဆိုခွင့်ကို တားဆီးပိတ်ပင်ခြင်းဟာ လွတ်လပ်သူများကို သူ့ဘာသာသူ ဆုံးဖြတ်ပိုင်ခွင့်ကိုပါ ပိတ်ပင်ခြင်း ဖြစ်ကြောင်း ဆိုထားခဲ့ ပါတယ်။

အမုန်းတရားပေါ်ပေါက်စေသော ပြောဆိုမှုများအား ကာကွယ်ခြင်း (Prevention of hate speech)

ပညာရှင် Schauer ရဲ့ အမှန်တရားအပေါ် ချဉ်းကပ်မှုဟာ Milton နဲ့ Mill တို့နဲ့ အတူတူဆိုပေမယ့် ကွဲပြားခြားနားမှု တခုရှိပါတယ်။ ဒါကတော့ အမှန်တရားကို ရှာဖွေမှုမှာ တိကျသေချာတဲ့ ပန်းတိုင်ရှိဖို့ လိုအပ်တယ်ဆိုတဲ့ ကနဦးသတ်မှတ် ရှိဖို့ပဲ ဖြစ်ပါတယ်။ လူသားသမိုင်းမှာ မှားယွင်းနေသော အမြင်များကို လူအများ က လက်ခံသွားပြီး၊ လိုက်ပါဆောင်ရွက်သွားကြတဲ့ သမိုင်းကြောင်း တွေ ရှိခဲ့ပါတယ်။ (၁၉၂၀) ကာလတွေမှာ လွတ်လပ်စွာ ပြောဆိုခွင့်ကို ဂျာမဏီနိုင်ငံမှာ ကျင့်သုံးခဲ့ပေမယ့်၊ အမှန်တရားအမြင်တွေ ပေါ်ထွက်လာတဲ့ သမိုင်းလမ်းကြောင်းကို ဦးတည်မသွားပဲ၊ နာဇီဝါဒ ကျင့်သုံးတဲ့ သမိုင်း လမ်းကြောင်းကို ဦးတည်သွားခဲ့ဖူးပါတယ်။


နောက်တချက်ကတော့ မှားယွင်းစွာ ယူဆချက်ပေါ်မှာ အခြေတည်ပြီး၊ အမှန်တရားဖော်ထုတ်ရန် ကြိုးပမ်းမှု တွေနဲ့ သက်ဆိုင်ပါတယ်။ ဥပမာ အားဖြင့် လူတယောက်ဟာ လမင်းကို အစိမ်းရောင်ဒိန်ခဲနဲ့ ပြုလုပ် ထားတယ် ဆိုတဲ့ အမြင်ကို သက်သေပြဖို့အတွက် လွတ်လပ်စွာပြောဆိုခွင့်ကို အသုံးပြုခြင်းကို ခွင့်ပြုရ မည်လောဆိုတာက စဉ်းစားဖွယ်ရာ ဖြစ်လာတတ် ပါတယ်။ Milton က လွတ်လပ်စွာပြောဆိုခွင့်ကို အစိုးရက ဖိနှိပ်တဲ့အခါ လူထုအနေနဲ့ အစိုးရရဲ့ တရားဝင်မှုကို ယုံကြည်မှုလျော့လာပြီး၊ အဓိကရုဏ်းတွေ ဖြစ်ပွားလာတတ်ကြောင်း ဆိုထားပါတယ်။ ဒီအဆိုဟာ မှန်ကန်တယ်ဆိုပေမယ့်၊ အဓိကရုဏ်းတိုင်းကတော့ ဖိနှိပ်မှုတခုတည်းကြောင့် ပေါ်ထွက်လာတာ မဟုတ်ကြောင်းကိုလဲ နားလည်လက်ခံဖို့ လိုအပ်ပါတယ်။ လူမှုရေးနဲ့ ဥပဒေရေးရာ ဒဿနိကဗေဒ ပညာရှင်တဦးဖြစ်တဲ့ Joel Feinberg ကတော့ လူအချို့ဟာ ဖိနှိပ်ခံရမှုနဲ့ မညီမျှမှုကို အကြောင်းပြပြီး၊ အမုန်းတရားပေါ်ပေါက်စေသော ပြောဆိုမှုများကို ပြုလုပ် လာရာက တဆင့် အကြမ်းဖက်မှုတွေ ဖြစ်ပွားသွားခဲ့တယ်ဆိုရင် လူအများရဲ့ ငြိမ်းချမ်းရေး၊ လုံခြုံရေးနဲ့ အကျိုးစီးပွားတွေကို ထိခိုက်စေတဲ့အတွက် အမုန်းတရား ပေါ်ပေါက်စေသော ပြောဆိုမှုများကို ဥပဒေအရ ထိန်းချုပ်ခြင်း ပြုလုပ် သင့်ကြောင်း ဆိုထားခဲ့ပါတယ်။ ဒီအယူအဆက လွတ်လပ်စွာ ပြောဆိုခွင့်နဲ့ ပတ်သက်ပြီး၊ အခြေအနေနဲ့ အချိန်အခါကို ထည့်သွင်းစဉ်းစားသင့်ကြောင်း လူအများကို မီးမောင်းထိုးပြ လာပါတယ်။ လွတ်လပ်စွာ ပြောဆိုခွင့်ကို အသုံးပြုပြီး၊ အမုန်းတရားပေါ်ပေါက်စေသော ပြောဆိုမှုများကို ပြုလုပ်လာမှုရဲ့ လားရာကို သုံးသပ်ဖို့ လိုအပ်လာပါတယ်။ ဒါနဲ့ ပတ်သက်ပြီး ပညာရှင်များ အသုံးပြုလေ့ရှိတဲ့ ဆန်းစစ်ချက်ကတော့ ရှင်းလင်းစွာ တည်ရှိနေသော အန္တရာယ် (‘clear and present danger’-clause) ဖြစ်ပါ တယ်။ ဒီဆန်းစစ်ချက်က အမုန်းတရားပေါ်ပေါက်စေသော ပြောဆိုမှုကို ထိန်းချုပ်ရန် လိုအပ်ချက်ကို တိုင်းတာတဲ့ ဆန်းစစ်ချက် ဖြစ်လာပါတယ်။


အမုန်းတရားပေါ်ပေါက်စေရန် ပြောဆိုမှုများကို ကာကွယ်ရေးအတွက် ပညာရှင်များ အဆိုပြုတဲ့ နောက်ထပ် အချက်တခုကတော့ တန်းတူညီမျှမှု စည်းမျဉ်းနဲ့ သက်ဆိုင်ပါတယ်။ လွတ်လပ်စွာ ပြောဆိုခွင့်ကို ကာကွယ်သူ များက လူတဦးချင်းစီရဲ့ ဆန္ဒသဘောထားများကို တန်းတူညီမျှစွာ လေးစား ရမယ်လို့ ဆိုထား ကြပါတယ်။ အမုန်းတရားပေါ်ပေါက်စေသော ပြောဆိုမှု များကြောင့် လူ့အဖွဲ့အစည်းအတွင်းမှာ အကြမ်းဖက်မှုတွေ ပေါ်ထွက် လာခဲ့ရင်၊ ဒီလိုအကြမ်းဖက်မှုတွေကို ခံစားခဲ့ရသူများမှာ အမုန်းတရား ပေါ်ပေါက်စေသော ပြောဆိုခဲ့မှုများကို အရေးယူစေလိုသော ဆန္ဒသဘော ထားများ ရှိလေ့ရှိပါတယ်။ တစုံတယောက်ရဲ့ လွတ်လပ်စွာ ပြောဆိုခွင့် ကျင့်သုံးမှုကို ခွင့်ပြုထားခြင်းကြောင့် တစုံတယောက်မှာ နာကျင်ခံစားရမယ် ဆိုရင် ဒါကို တန်းတူညီမျှမှု စည်းမျဉ်းအတိုင်း ကျင့်သုံးတယ်လို့ ဆိုနိုင်မှာ မဟုတ်ပါဘူး။


John Stuart Mill က လွတ်လပ်စွာပြောဆိုခွင့်ကို ပိတ်ပင်တားဆီးတဲ့အခါ လူတဦးချင်းစီရဲ့ ပျော်ရွင်မှုကို ထိခိုက်သွားမှာကို စိုးရိမ်ပူပန်မှု ရှိခဲ့ပါတယ်။ သို့ပေမယ့် လူသားတဦးချင်းစီရဲ့ ပျော်ရွင်မှုကို လွတ်လပ်စွာ ပြောဆိုခွင့် တခုတည်းနဲ့ ဆောင်ကျဉ်းပေးနိုင်တာ မဟုတ်ပါဘူး။ ကိုယ်ရေးကိုယ်တာ သတင်းအချက်အလက် လုံခြုံမှု၊ လူ့ဂုဏ်သိက္ခာကို တန်ဖိုးထားမှုတွေလဲ ရှိဖို့ လိုအပ်ပါတယ်။ အကယ်၍ လွတ်လပ်စွာပြောဆိုခွင့်က လူတဦးတယောက်ရဲ့ ကိုယ်ရေးကိုယ်တာ သတင်းအချက်အလက်တွေကို ၀င်ရောက်စွက်ဖက်မှု ပြုလုပ်နေခြင်း၊ လူ့ဂုဏ်သိက္ခာကို ထိခိုက်စေခြင်းများ ရှိနေတယ်ဆိုရင်၊ အမုန်းတရားပေါ်ပေါက်စေရန် ပြောဆိုနေသော လွတ်လပ်စွာ ပြောဆိုခွင့်က အခြားလူတဦး၊ လူတစုရဲ့ လူ့ဂုဏ်သိက္ခာကို ထိခိုက်ခြိမ်းချောက်နေတယ် ဆိုရင် ထိန်းချုပ်မှုများ ပြုလုပ်ရန် လိုအပ်ခြင်း ရှိမရှိ ဆိုတာကလဲ စဉ်းစားဖွယ် ရာ ဖြစ်လာပါတယ်။

နိဂုံး

မည်သို့ပင်ဆိုစေ လွတ်လပ်စွာပြောဆိုခွင့်ကို ကာကွယ်သူများဘက်မှာရော၊ အမုန်းတရားပေါ်ပေါက်စေရန် ပြောဆိုမှုများကို ကာကွယ်တားဆီးလိုသူများ ဘက်မှာပါ ခိုင်လုံတဲ့ အကြောင်းပြချက်များနဲ့ အတွေးအခေါ် ယူဆချက်များ ရှိနေတာကတော့ အမှန်ပါပဲ။ ဒါဟာ အင်မတန် ရှုပ်ထွေးလှတဲ့ paradox တခုဖြစ်တဲ့အတွက် အားလုံးကျေနပ်နိုင်မယ့် အဖြေတခုကို ရှာဖွေတွေ့ရှိ ဖို့တော့ အလွန်ပဲ ခဲယဉ်းလှပါတယ်။ ဒါကြောင့် လွတ်လပ်စွာပြောဆိုခွင့်နဲ့ အမုန်းတရားပေါ်ပေါက်စေသော ပြောဆိုမှုများနဲ့ ပတ်သက်ပြီး အငြင်းပွားမှုများ ပြုလုပ်ရာမှာ test of proportionality ကို ကျင့်သုံး သင့်ကြောင်း ဒဿနိကဗေဒ ပညာရှင်များက အကြံပြု ထားကြပါတယ်။ အကြောင်းအရာတရပ်ကို ဘက်တဘက်တည်းရပ်ပြီး ရွေးချယ်ဆုံးဖြတ် တာထက် အခြေအနေ၊ အချိန်အခါနဲ့ အညီ အချိုးကျ လေ့လာသုံးသပ် အဖြေရှာခြင်းက လူ့လောကအတွက် ကောင်းမွန်တဲ့ ရလဒ်များကို ဆောင်ကျဉ်းပေးနိုင်မှာ ဖြစ်ပါကြောင်း ရေးသားတင်ပြအပ်ပါတယ်။


ခင်မမမျိုး (၁၄၊ ၈၊ ၂၀၁၃)

Khin Ma Ma Myo Facebook စာမျက်နှာမှ ကူးယူဖော်ပြသည်

No comments:

Post a Comment

Related Posts Plugin for WordPress, Blogger...