Thursday, July 4, 2013

လျစ်လျူရှုခြင်းနှင့် အထူး အလေးထားခြင်းကြားဝယ် .....


အောင်မြင်ခြင်း အကြောင်းတရားတွင်-

(၁) မှန်ကန်သော ဦးဆောင်မှု ရှိခြင်း။
(၂) ပြည့်စုံသော ဦးစီးအဖွဲ့ရှိခြင်း။
(၃) ညီညွတ်သော အဖွဲ့ဝင်များရှိခြင်း ဟူ၍ အင်္ဂါ ၃ ပါး ရှိပါသည်။

မအောင်မြင်ခြင်း အကြောင်းတရားတွင်-

(၁) မှားယွင်းသော ခေါင်းဆောင်မှု။
(၂) ညံ့ဖျင်းသော ဦးစီးအဖွဲ့။
(၃) ယုံကြည်မှုအားနည်းသော အဖွဲ့ဝင်များ ဟူ၍ အင်္ဂါ ၃ ပါးလည်း ရှိပါသည်။

လူ့သဘောသဘာဝကို လျစ်လျူရှုခြင်းဟူသော စိတ်နေစိတ်ထားသည် အဖွဲ့အစည်းတစ်ခု ပြိုကွဲရန်... သို့မဟုတ် ကျရှုံးရန် အခြေခံ အကြောင်းတစ်ရားဖြစ်ပါသည်။

လူတို့တွင် စား၊ ၀တ်၊ နေရေး ဟူသော သာမန်သဘောသဘာဝ၊ ထို့ထက် ပို၍ တိုးတက်ပြည့်စုံလိုသော တစ်ဆင့်မြင့် သဘောသဘာဝနှင့် ချုပ်ကိုင်ခြယ်လှယ်လိုခြင်းဟူသော အဆင့်မြင့် သဘောသဘာဝတို့ ရှိပါသည်။

လူတို့သည် မိမိကျွမ်းဝင်မှု မရှိသော လုပ်ငန်း သဘောသဘာဝများအား လေ့လာမှတ်သားတတ်ပါသည်။

ထိုမှ အနည်းငယ် ရင်းနှီးကျွမ်းဝင်သော် စူးစမ်း တီထွင်တတ်ကြပါသည်။

ထိုထက်ပိုခဲ့သော် ကိုယ်တိုင်ဝင်ရောက်၍ စီမံခန့်ခွဲတတ်ကြပါသည်။

စီမံခွင့် မရလျှင်လည်း စီမံနေသူအား အတိုက်အခံပြုခြင်း၊ ဝေဖန်ခြင်း၊ ဆိတ်ကွယ်ရာတွင် အပြစ်တင်ခြင်းများကို ဆောင်ရွက်လာတတ်ကြပါသည်။

ရင်းနှီး ကျွမ်းဝင်ခြင်းနှင့် စူစမ်းတီထွင်နိုင်ခြင်း အဆင့်သို့ ရောက်ရှိလာသူများသည် စီမံခန့်ခွဲခြင်းဟူသော သဘောသဘာဝအား အလွန်ပင် နှစ်ခြိုက်တတ်ပါသည်။

ထိုအဆင့်သို့ ရောက်ရှိလာသူများသည် အဖွဲ့အစည်းတစ်ခုအတွက် ကောင်းစွာ အရေးပါသူများ ဖြစ်လာကြပြီ ဖြစ်ပါသည်။ ၄င်းတို့အား ထိရောက်စွာ ကိုင်တွယ် အသုံးချတတ်ရန်နှင့် နေရာပေးတတ်ရန် လိုအပ်ပါသည်။

ထို့အတူ ထိုသူများသည် အဖွဲ့အစည်းအတွက် အန္တရာယ်ပေးနိုင်သူများလည်း ဖြစ်လာခဲ့ပြီ ဖြစ်ပါသည်။

ထိုသူများသည် အထက်သို့ လှန်ကြည့်နိုင်ခြင်း၊ အားနည်းချက်များကို ရှာဖွေတတ်ခြင်း၊ အမှားများကို ထောက်ပြတတ်ခြင်း၊ လက်ရှိဆောင်ရွက်နေသာ ကိစ္စထက် ပို၍သာလွန်သော ကိစ္စရပ်များကို အကြံပြုနိုင်ခြင်း၊ အင်အားစုစည်းနိုင်ခြင်း၊ ခြိမ်းခြောက်နိုင်ခြင်း၊ တွန်းလှန်နိုင်ခြင်း ဟူသော အဖျက်လုပ်ငန်းများကို ဆောင်ရွက်နိုင်ပြီ ဖြစ်ပါသည်။

ထိုသို့ဆိုရာတွင် ထိုသူများကို အုပ်ချုပ်ရသူ... စီမံခန့်ခွဲရသူ....၊ ဦးဆောင်ဦးရွက်ပြုရသူသည် အန္တရာယ်များကြားတွင် မွန်းကျပ်လာမည်မှာ အမှန်ပင်ဖြစ်ပါသည်။

ဦးဆောင်သူတစ်ဦး သို့မဟုတ် ဦးဆောင်သော အဖွဲ့ဟူသည် အမှားကင်းနိုင်သမျှ ကင်း၍ မြင့်မားသော သဘောထား၊ အချိန်အခါကို တွက်ချက်တတ်ခြင်းဟူသော ပညာဥာဏ် အမြော်အမြင်၊ မှန်ကန်စွာ နေရာချထားခြင်းဟူသော စီမံခန့်ခွဲမှု ၊ တည်ငြိမ်ပြည့်ဝသော ဦးတည်ချက်နှင့် ခိုင်မာသော လုပ်ဆောင်ချက်များကို ပိုင်ဆိုင်ထားရမည်ဖြစ်ပါသည်

မိမိ၏ အဖွဲ့အစည်းအတွင်း လူ့သဘောသဘာဝကို အလေးထား၍ လိုအပ်ချက်များကို ဖြည့်စွမ်းပေးရန် လိုအပ်သကဲ့သို့ လိုသည်ထက် ပိုသော နေရာပေးမှုနှင့် အခွင့်အရေးပေးခြင်း ဟူသော အစွန်းရောက်ခြင်းကိုလည်း ရှောင်ကျဉ်နိုင်ရမည် ဖြစ်ပါသည်။

အိမ်ဦးခန်းရှိ ပက်လက်ကုလားထိုင်သည် အဘိုး၏ နေရာဖြစ်ပြီး ပုံပြ တရားတော် စာအုပ်လေးများသည် မြေးကလေးများအတွက်သာ ဖြစ်ရပါမည်။

ထို့အတူ သင်ဖြူးဖျာ၊ ရေနွေးကရားနှင့် လ္ဘက်ဗူးသည် အဘွားအတွက် ဖြစ်သကဲ့သို့ ဟွန်ဒါဆိုင်ကယ်လေးသည်လည်း သားလူပျိုအတွက်ဖြစ်ရပါမည်။

ခြံစည်းရိုးကာရန်အတွက် တိုင်ထမ်းခြင်းနှင့် တိုင်စိုက်ခြင်းကို အဖေနှင့်အစ်ကိုက ဆောင်ရွက်ရသလို သားအငယ်သည် တိုင်စိုက်ရန် တွင်းတူးပေးရပါမည်။ စိုက်ပြီးသားတိုင်ခြေရင်းတွင် မြေဖို့ပေးရန်လိုအပ်ပါသည်။

အသိတရားနှင့် ယှဉ်သော ဆုံးမစကားအား အဘိုးပြောသည့်အခါ ရိုသေလေးစားစွာ နာခံရန်မှာ သားနှင့်မြေးများ၏ တာဝန်ဖြစ်သကဲ့သို့ လိုက်နာခြင်း ရှိ/မရှိ စစ်ဆေးရန်မှာ အဖေ၏ တာဝန်ဖြစ်ပါသည်။ ညီများကို ထပ်ဆင့် ဆုံးမရန်မှာ အစ်ကို၏ ၀တ္တရားဖြစ်သလို မမြင်ကွယ်ရာတွင်လည်း ဆုံးမထားသည့်အတိုင်း လိုက်နာရန်မှာ ညီများ၏ ၀တ္တရား ဖြစ်ပါသည်။

ဆင်းရဲနွမ်းပါးခြင်းကြောင့် စိတ်ညစ်သည်ဟု အကြောင်းပြကာ အဘိုးနှင့်အဖေရှိရာသို့ အရက်မူး၍ ပြန်လာသော သားအား စာနာနားလည်ပေးခြင်းသည် အမှားကို ရဲရဲဝံ့ဝံ့ ကျူးလွန်ရန်နှင့် ဂါရ၀တရား ဖျက်ဆီးခြင်းကို အထောက်အကူပြုရာ ကျသဖြင့် လက်မခံသင့်သော အကြောင်းအရာဖြစ်ပါသည်။

ထို့အတူ အရွယ်ရောက်နေသော သားဖြစ်သူအား အနေအထိုင် မသပ်ရပ်ဟု ဆိုကာ လက်ပိုက်၍ ကြိမ်နှင့် ရိုက် ဆုံးမခြင်းသည်လည်း မသင့်လျော်သော အနေအထား တစ်ရပ်ဖြစ်ပါသည်။

ထို့ကြောင့် လူသားတို့၏ အခြေခံ သဘောသဘာဝအား လျစ်လျူခြင်းနှင့် အလွန်အကျူး အလေးထားခြင်းသည် အဖွဲ့အစည်းတစ်ခုအား ပျက်စီးစေတတ်သော အကြောင်းတရား ဖြစ်ခြင်းကြောင့် အပြစ်ကင်းသော ဦးဆောင်မှု၊ ပြည့်စုံမှန်ကန်သော ဦးစီးအဖွဲ့နှင့် ရိုသေလေးစားမှုရှိပြီး ညီညွတ်မျှတသော အဖွဲ့ဝင်များ အဖြစ် အောင်မြင်ကြပါစေကြောင်း ဆန္ဒပြုလျှက်....။

No comments:

Post a Comment

Related Posts Plugin for WordPress, Blogger...