Tuesday, July 2, 2013

မြန်မာနိုင်ငံရေး စင်မြင့်ပေါ်က ပါဝါ လွန်ဆွဲပွဲ (၁)


၂၀၁၅ ရောက်ခါနီးတော့ ထိုင်ခုံမှန်းသူတွေရဲ့ တိုက်ပွဲက ကြမ်းသထက် ကြမ်းလာတယ်ပဲ ဆိုရမယ်..... ဖြစ်ခဲ့တဲ့ အဖြစ်အပျက်တွေကို ပြန်ကြည့်ရင်တော့ ပါဝါ လွန်ဆွဲပွဲရဲ့ အဖြစ်အပျက်တွေကို ပြန်မြင်ရမယ်..... သေခြာတာတော့ ကြံ့ဖွံ့ပါတီတွင်း ပါဝါလွန်ဆွဲပွဲရဲ့ ပြင်းထန်မှု မြင့်တက်လာခြင်းနဲ့အတူ အတိုက်အခံ NLD ရဲ့ နိုင်ငံရေး ခြေစွာနေမှုကို ရပ်တန့်သွားစေတဲ့ အခြေအနေ ဖြစ်နေစေခဲ့တယ်...... ပိုဆိုးရွားတာကလည်း NLD ဟာ လူကြိုက်နည်းစေမယ့် လုပ်ရပ်တွေကို ယခင်ကထက် ပိုမိုလုပ်လာခဲ့တယ်......

ဒါကြောင့် ၂၀၁၅ မှာ လွှတ်တော်တွင်း ညွန့်ပေါင်းပဲ မြင်ရမယ့် အခြေအနေရှိလို့ သမ္မတရာထူး မှန်းထားတဲ့ ဒေါ်စုနဲ့ ဦးရွှေမန်းကိုယ်တိုင် ညွန့်ပေါင်းစကားကို ထုတ်သုံးလာတာ၊ အရိပ်အမြွက်တွေ ပြောလာတာကို မြင်ရတယ်...... ဒါပေမယ့်လည်း ဘယ်လိုပဲ ညွန့်ပေါင်း အစိုးရ ဖွဲ့ဖြစ်ပါစေ အဓိက သမ္မတ ရာထူးအတွက် ပြိုင်ဆိုင်မှုကတော့ အတော်လေး ကြမ်းတမ်းတယ်လို့ပဲ ဆိုရမယ်.......

၂၀၁၅ မှာ သမ္မတ ဖြစ်နိုင်ခြေရှိတဲ့ ၁ ပြေးနေတဲ့ သုံးယောက်ကတော့ ဦးသိန်းစိန် (ပြန်လည်အရွေးခံခြင်း)၊ ဒေါ်စု နဲ့ ဦးရွှေမန်း....... ဦးရွှေမန်းရဲ့ ၂၀၁၅ သမ္မတ ရာထူးအတွက် ဦးတည်လုပ်ရှားမှုတွေကို ပြန်ကြည့်မယ်ဆိုရင် ထင်သာမြင်သာ ရှိစေတာက ပြည်ထောင်စု လွှတ်တော်မှာ ဖေဖော်ဝါရီလ ၇ ရက် ၂၀၁၂ ရက်နေ့က အဆိုတင်ခဲ့တဲ့ ဝန်ထမ်းတွေ လစာတိုးမြင့်ဖို့ ကိစ္စ......

အချို့တွေကတော့ ကြားဖြတ်ရွေးကောက်ပွဲမှာ ကြံ့ဖွံ့ မဲများများရစေဖို့ လှုပ်ရှားမှုလို့ သုံးသပ်ကြတယ်...... ဒါပေမယ့် ဒီလုပ်ရပ်ဟာ လွှတ်တော် ဥက္ကဌ တစ်ယောက်က လက်ရှိအစိုးရရဲ့ လုပ်ဆောင်ရမယ့် တာဝန်ကို ဝင်စွက်ဖက်လိုက်တဲ့သဘော ဖြစ်နေတယ်..... တကယ်တန်း လွှတ်တော် ဥက္ကဌ တစ်ယောက်အနေနဲ့ တိုက်တွန်းရမယ့်အစား အဆိုတင်သွင်းလိုက်တဲ့အထိ ဖြစ်သွားခဲ့တာ စဉ်းစားစရာ ဖြစ်လာတယ်....တနည်းအားဖြင့်တော့ ယခင် တပ်ထဲက အပေါ်၊ အောက် ဆက်ဆံရေးလက်ကျန်လို့ ထင်စရာ ဖြစ်လာတယ်.....

ဒီလို အားပြိုင်မှုတွေ ရှိနေတဲ့ အတွက်ကြောင့်များ ၂၀၁၂ ဇူလိုင်လ ၁၄ ရက်နေ့မှာ လုပ်တဲ့ ပြည်ထောင်စုလွှတ်တော် စတုတ္ထပုံမှန် အစည်းအဝေးမှာ နိုင်ငံတော်သမ္မတ ပေးပို့တဲ့ သဝဏ်လွှာမှာ ပါရှိတဲ့အကြောင်းအရာဖြစ်သော သဘောထား တင်းမာသူလို့ နာမည်ထွက်တဲ့ ဒုတိယ သမ္မတ သီဟသူရ ဦးတင်အောင်မြင့်ဦး အနားယူသွားတာလားလို့ မေးစရာဖြစ်လာတယ်.....

ပြည်သူ့လွှတ်တော် ဥက္ကဌရဲ့ ဝန်ထမ်းလစာတိုးဖို့ အဆိုထဲမှာပါတဲ့ အင်မတန်မှကို ကောင်းမွန်တဲ့ အချက်တွေကတော့ နိုင်ငံတော်အတွင်း ယခင်အစိုးရလက်ထက် လုပ်ဆောင်ခဲ့တဲ့ အကျိုးမရှိသော စီမံကိန်းများ စာရင်းပါပဲ..... အလေအလွင့် ဘယ်လောက်ရှိတယ်၊ အကျိုးဖြစ်ထွန်းမှု ဘယ်လောက် ရာခိုင်နှုန်းပဲ ရှိတယ်နဲ့ တွက်ချက် တင်ပြလာတဲ့ အဲ့ဒိ အဆိုထဲက အစိတ်အပိုင်းတွေဟာ နိုင်ငံအတွက် တကယ့်ကို အရေးပါတဲ့ ကိစ္စတွေ ဖြစ်နေပေမယ့် လွှတ်တော်မှာ ဘယ်သူမှ အရေးတယူလုပ် ပြန်လည် အဆိုတင်သွင်းခြင်း၊ ဆွေးနွေးခြင်း မရှိတာကိုလည်း တွေ့ရပြန်တယ်.....

ပြည်သူ့လွှတ်တော် ဥက္ကဌ သူရ ဦးရွှေမန်းရဲ့ အစိုးရလုပ်ဆောင်ရမယ့် ဝန်ထမ်း လစာတိုးခြင်းကိစ္စကို ဝင်ရောက်စွက်ဖက်မှု လအနည်းငယ် မြောက်မှာတော့ တိတိကျကျဆိုရရင် သြဂုတ်လ ၇ ရက် ၂၀၁၂ မှာ တရားဥပဒေ စိုးမိုးရေး ကော်မတီကို ဖွဲ့စည်းခဲ့တယ်..... အတိုက်အခံခေါင်းဆောင် ဒေါ်စုကို ဦးဆောင်ခိုင်းတဲ့ အဆိုပါ ကော်မတီဟာ ပြည်သူ့လွှတ်တော် ဥက္ကဌကို တာဝန်ခံရပါတယ်.......

အခြားသော ကော်မတီတွေနဲ့ မတူညီတဲ့ တရားဥပဒေ စိုးမိုးရေး ကော်မတီရဲ့ လုပ်ပိုင်ခွင့်တွေဟာ လက်ရှိ အစိုးရကို ကောင်းကောင်းထိုးနှက်ဖို့ ပြဌာန်းထားတဲ့ တာဝန်တွေနဲ့ အဖမ်းအဆီး၊ အချုပ်အနှောင်မှ ကင်းလွတ်ခွင့်ပေးထားတဲ့ အခွင့်အရေးတွေ အပြည့်ပါဝင်နေပါတယ်....... ဒါကြောင့် တရားဥပဒေ စိုးမိုးရေး ကော်မတီဖွဲ့စည်းခြင်း နောက်ကွယ်က အကြောင်းအရာတွေဟာ အတော့်ကို စိတ်ဝင်စားစရာ ကောင်းနေခဲ့တယ်...... အခုဆိုရင် တရားဥပဒေ စိုးမိုးမှု ကော်မတီသက်တန်း ကုန်ဆုံးတော့မှာ ဖြစ်တော့ ဘာဆက်လုပ်မလဲ စိတ်ဝင်စားဖို့ ကောင်းပါတယ်.....

နောက်တစ်ချက်ကတော့ ဖွဲ့စည်းပုံ အခြေခံ ဥပဒေနှင့် ဆန့်ကျင်နေတဲ့၊ တနည်းအားဖြင့် လွှတ်တော် ဥက္ကဌကို လုပ်ပိုင်ခွင့် အများစုပေးထားတဲ့ ဖွဲ့စည်းပုံ အခြေခံ ဥပဒေဆိုင်ရာ ခုံရုံး ဥပဒေကြမ်း...... လွတ်လပ်တဲ့ တရားစီရင်မှုကို ထိခိုက်စေမယ်လို့ နိုင်ငံတော် သမ္မတက မှတ်ချက်ပြုပေးထားတဲ့ အဲ့ဒိ ဥပဒေကြမ်းကို မဲခွဲဆုံးဖြတ်တာ သမ္မတအဆို ရှုံးနိမ့်သွားပြီး အဲ့ဒိဥပဒေဟာ ၂၀၁၃ ဇန်နဝါရီလမှာ အတည်ဖြစ်သွားခဲ့ပါတယ်.......

၂၀၁၂ ဖေဖော်ဝါရီလက တင်သွင်းခဲ့တဲ့ ဝန်ထမ်းတွေ လစာတိုးဖို့ အဆို ရှုံးနိမ့်သွားတဲ့ နောက်မှာ နောက်ထပ် ခြေလှမ်းဖြစ်တဲ့ တရားဥပဒေ စိုးမိုးမှု ကော်မတီဟာ ထင်သလောက် ခြေပေါ်အောင် မကစားနိုင်တဲ့အတွက် ခုံရုံးဥပဒေကို ခြေစွာစွာနဲ့ ကစားခဲ့တာကို သမိုင်းတွေ ပြန်ကြည့်ရင် တွေ့ပါလိမ့်မယ်.......

မြန်မာနိုင်ငံမှာ လိုအပ်နေတဲ့ ဥပဒေများစွာ ရှိနေတယ်၊ အရေးကြီး လုပ်ဆောင်ရမယ့် ကိစ္စတွေ အများကြီး ရှိနေတဲ့အထဲကမှ ခုံရုံးဥပဒေကို အသည်းအသန် ပြဌာန်းခြင်းရဲ့ နောက်ကွယ်မှာ အကြောင်းခြင်းရာတွေ များစွာ ရှိနေပါလိမ့်မယ်....... အဆိုပါ ခုံရုံး ဥပဒေ ကိစ္စကြောင့်ပဲ လူအများစု ပြောစမှတ်ပြုလာခဲ့ရတဲ့ ဆိတ်ဖွားကော်မတီ ဖြစ်လာတာပါပဲ........

ဒေါက်တာ ဆိတ်ဖွားကို ဘာကြောင့် ဖမ်းဖို့ ဦးတည်လာခဲ့သလဲ စဉ်းစားစရာ အချက်တွေကတော့ အစောပိုင်းက အင်တာဗျူးတွေမှာ အချို့သော လွှတ်တော်အမတ်တွေ ထုတ်ဖော်ပြောဆိုချက်များအရ သူတို့ရဲ့ သံသယဟာ နိုင်ငံတော် သမ္မတရုံး (ဒါမှမဟုတ်) အစိုးရရဲ့ ထောက်ခံအားပေးမှု ရှိသူလို့ ယူဆထားတဲ့အကြောင်းက အဓိက ဖြစ်နေပါတယ်...... ဒေါက်တာ ဆိတ်ဖွားရဲ့ အင်တာနက်ပေါ်က ဆောင်းပါးလေးဟာ လွှတ်တော်တစ်ရပ်လုံးကို ဘာမှထိခိုက်စေတာ မဟုတ်ပါဘူး......

ဒါပေမယ့် ဒေါက်တာဆိတ်ဖွားရဲ့ နောက်ကွယ်နဲ့ အဖွဲ့အစည်းဆိုတဲ့ဟာကို Assumption ယူလိုက်တဲ့အချိန်မှာ ဆိတ်ဖွားကိစ္စဟာ လွှတ်တော်အတွက် တနည်းအားဖြင့် လွှတ်တော် ဥက္ကဌအတွက် အရေးကြီးနေပါပီ...... ပါဝါတောင့်တင်းတဲ့ လူနှစ်ဦးရဲ့ အားပြိုင်မှုလို့ ရှုမြင်လိုက်တဲ့အတွက် ဆိတ်ဖွားကိစ္စကို အပြင်းအထန် လိုက်လံစုံစမ်းခြင်းပဲ ဖြစ်ပါတယ်......

အဆိုပါ ပြိုင်ဆိုင်မှုရဲ့ သက်သေတစ်ခု ဖြစ်စေတာကတော့ ဆက်သွယ်ရေး အော်ပရေတာ ရွေးချယ်ဖို့ ရက် ကပ်နေချိန်မှ အော်ပရေတာ ရွေးခွင့်ကို ပိတ်ပင်ဖို့ လုပ်လာတဲ့ လွှတ်တော်ရဲ့ လုပ်ရပ်ပါပဲ....... မြန်မာ့ဆက်သွယ်ရေးက ဆက်သွယ်ရေး ဥပဒေ မူကြမ်းကို ဇန်နဝါရီလ ၂၀၁၃ ခုနှစ်မှာ လွှတ်တော်ကို တင်ပြခဲ့ပေမယ့် အဲ့ဒိအချိန်မှာ လွှတ်တော်ဟာ သူတို့ အာဏာပိုထက်စေမယ့် ခုံရုံး ဥပဒေကြမ်းကိုပဲ မဲတင်းပြီး အလုပ်ရှုပ်နေခဲ့ပါတယ်.... ဒါကြောင့်လည်း မကြန့်ကြာသင့်တာတွေ ကြန့်ကြာခဲ့ပြီး အခုလို အနားနီးမှ တေ့ဖြုတ်တာတွေ ဖြစ်လာတာပါပဲ......


မြန်မာနိုင်ငံရေး စင်မြင့်ပေါ်က ပါဝါ လွန်ဆွဲပွဲ (၂)
http://www.facebook.com/

No comments:

Post a Comment

Related Posts Plugin for WordPress, Blogger...