Monday, June 3, 2013

လူတော်လူကောင်းပြဿနာနှင့် ဟီလရီကလင်တန်၏သင်္ခန်းစာ

by Bo K Nyein (Notes) on Monday, February 18, 2013 at 6:44pm

ရှေးဦးစွာစာရေးသူဟာ Classical Liberalism ကိုလက်ခံယုံကြည်သူ ၊ Social Liberalism ကိုလက်မခံသူမို့ သမ္မတကလင်တန်ကို မဲပေးခဲ့သူမဟုတ်ပါ။ ထို့ကြောင့် ဟီလရီ ကိုလည်းကြိုက်သူမဟုတ်ပါဟု ရှေးဦးစွာ ကြိုတင်ဝန်ခံပါရစေ။

သမ္မတကလင်တန် အိမ်ဖြူတော်တွင် အလုပ်သင်သူငယ်မနှင့်ရှုပ်ခဲ့စဉ်ကလည်း သမ္မတရာထူးကို မရိုသေသူ အဖြစ်ရွံမုန်းခဲ့ပါသည်။ သို့သော် သမ္မတကလင်တန် အပြီး တက်လာသော သမ္မတဘုရ် နှင့် သမ္မတအို ဘားမားတို့နှင့် ယှဉ်လိုက်သောအခါ သမ္မတကလင်တန်၏ လုပ်ဆောင်မှုများသည် များစွာခြားနားနေသည် ကိုတွေ့မြင်ရပါသည်။
အကြောင်းမှာ အမေရိကန်စနစ် သည် တဦးချင်းဦးစားပေးမှု (Individualism) ကို အားပေးသောစနစ်ဖြစ်၍ အတွေ့အကြုံ အရေအချင်းထက် ၊ Charisma ဟုခေါ်သော လူကြိုက်များမှု ၊ လူထု ကိုဆွဲဆောင်နိုင်မှု အပေါ်အခြေခံ၍ ရွေးချယ်ခြင်းဖြစ်ခြင်းကြောင့် ၊ သမ္မတအများစု သည် ရေထဲကန်ချ ခံရ သည်ပမာ အလုပ်တာဝန်ထမ်းဆောင်ရင်း အလုပ်ကသင်ပေးခြင်းကိုခံကြရပါသည်။

အရေအချင်းရှိသော သမ္မတများသည် အောင်မြင်၍ ၊ အရေအချင်းမပြည့်သော သမ္မတများကြောင့် တိုင်း ပြည်ဒုက္ဖတွေ့ကြရပါသည်။ ဥပမာ သမ္မတကာတာသည် အီရန်ပြဿနာကို မကိုင်တွယ်တတ်၍ အမေရိကန် တွေကမ္ဘာ့အလယ်မှ အရှက်ကွဲခဲ့ကြရသလို ၊ စီးပွားရေးမကိုင်တွယ်တတ်၍ စီးပွားရေးလည်းမနိုင်မနင်း ဖြစ်ခဲ့ ရသည်။  သမ္မတဘုရ်ဟာ မလိုအပ်ပဲ ၊ အီရတ်ကို ဗိုလ်ကျ ၀င်တိုက်ခဲ့ရာ ၊ ကမ္ဘာ့နိုင်ငံများ ကအမေရိကန် ရန်မှ ကာကွယ်ရန် ၊ အနုမြူဗုံးကို မရမနေ ကြိုးစားလာခဲ့ကြရသည်။ မြောက်ကိုးရီးယားသည် အောင်မြင်မှု ရခဲ့ပြီး ။ အီရန်ကို မထိန်းနိုင်ကြတော့။
ထို့ပြင်သမ္မတဘုရ်သည် နယူးရောက်မှ ဘဏ်များကို ကွပ်ကဲရသော အစိုးရအေဂျင်စီများတွင် ၊ လောဘီရစ် များကို ခန့်ထားခဲ့ ရာ ကြက်ခြင်းထဲ မြေခွေးထဲ့ပေးလိုက်သလို ဖြစ်ခြင်းကြောင့် ၊ အထိန်းအကွပ် မရှိ ဖြစ်ကာ ၂၀၀၈ခုနှစ်ငွေကြေးအခက်အခဲနှင့် ကြုံခဲ့ရပါသည်။ ဤသည်တို့မှာ အတွေ့အကြုံမရှိသော ၊ အရေ အချင်း မရှိသော ဘုရ်ကို သမ္မရွေးခဲ့မိ၍ ဖြစ်သည်။

သမ္မတဘုရ်အပြီး ၊ တက်လာသော သမ္မတအိုဘာမားသည်လည်း ဘာအတွေ့အကြုံမှမရှိပါ။ ရပ်ကွက် အဆင့်သာသာ အက်တစ်ဖစ် ကို ၊ တရားအဟောကောင်းရုံနှင့် ၊ပထမဦးဆုံး (လူမဲ) သမ္မတဖြစ်ရေးအတွက် အဖြူ လစ်ဖရယ်များက စိတ်ကူးယဉ်၍ ၀ိုင်းတင်လိုက်ကြရာ ၊  စီးပွားရေးဆိုသည်ကို နဂန်းတလုံး နားမလည်ခြင်းကြောင့် ဘုရ်လက်မှ လက္ခံရရှိသော ငွေကြေးအခက်အခဲ ကို မဖြေရှင်းတတ်သဖြင့် ၊ တိုင်းပြည် စီးပွားရေး ကို မထိန်းနိုင်ခဲ့ပါ။ ပထမ (၄) နှစ်အတွင်း စည်းကမ်းမရှိ သုံးခဲ့သဖြင့် တိုင်းပြည် အကျွး (၅) တြီလျံ ၊ ကျော်ကျော် အကျွေးထပ်တက် ရခဲ့ပါသည်။

သမ္မကလင်တန်သည် (မူ) (Principle) တွင်အားနဲသော်လည်း ၊ တိုင်းပြည်အုပ်ချုပ်ရေးတွင်၎င်း ၊ လွှတ် တော်ခေါင်းဆောင်များနှင့် အပေးအယူလုပ်ရာတွင်၎င်း ၊ နိုင်ငံရေးကွက်ကျော်မြင်ရာတွင်၎င်း ၊ စီးပွားရေး နားလည်မှုတွင်၎င်း ၊ ပေါ်လစီ ချမှတ်ရာတွင်၎င်း ၊ လူတော်များကိုရွေးပြီး ခိုင်းစားရာတွင်၎င်း၊ အလွန်တော် သည်ဟု ဆိုနိုင်ပါသည်။ ကလင်တန် တို့လင်မယားဟာ သမ္မတဖြစ်ရေးအတွက် တသက်လုံး စဉ်းစားစီစဉ် ပြင်ဆင်ခဲ့ကြရာ အရည်အချင်းရှိရုံမက အတွေ့အကြှုံရှိသော သမ္ဘာရင့် နိုင်ငံရေးသမားများဖြစ်ကြပေသည်။

၂၀၀၈ သမ္မတရွေးကောက်ပွဲအတွက် ၊ ဒီမိုကရက်တစ်ပါတီ၏ သမ္မလောင်းအဖြစ်ရွေးကြရာတွင် ၊ ဟီလရီ ကလင် တန် နှင့် အိုဘားမားတို့၏ ပြိုင်ဆိုင်မှုသည်အတော်ပြင်းထန် ခဲ့ကြပါသည်။ အထူးသဖြင့် ၊ တောင် ကယ်လိုလိုင်းနားပြည်နယ် အကြိုရွေးကောက်ပွဲအပြီးတွင် ဘီလ်ကလင်တန် ကို အသားရေခွဲခြားမှု ရှိတယ် လို့ အိုဘားမားလူတွေက စွပ်စွဲတဲ့အထိ ဖြစ်ခဲ့ကြတယ်။ ကလင်တန်လူတွေကလည်း အိုဘားမားရဲ့ အတွေ့ အကြုံ မရှိမှုကို မီးမောင်းထိုးပြသည့် “မနက် (၃) ဖုံးလာလျှင်” ဟုနံမည်ကျော်ခဲ့သည့် မနက် (၃) နာရီတွင် အိမ်ဖြူတော်၌ဖုံးလာခဲ့လျှင် သူဘာလုပ်မည်နည်းဟုမေးခွန်းနဲ့ ထိုးနှက်ခဲ့ပါတယ်။ ကလင်တန် ၊ အိုဘားမား အားပြိုင်မှုက နောက်ဆုံးအဆင့် အထိပြိုင်ခဲ့ကြရတယ်။ သို့သော် အိုဘားမားသမ္မတ ဖြစ်လာတဲ့အခါ နိုင်ငံ ရေးမှာ အကြောက်ရဆုံးလူကို ၊ အနီးကပ်ဆုံးထားပါဆိုတဲ့ နိယာမ အတိုင်း အိုဘားမား က ကလင်တန်ကို နိုင်ငံခြားရေးဝန်ကြီး ရာထူးကိုကမ်းလှမ်းခဲ့ရာ ကလင်တန် နိုင်ငံခြာရေးဝန်ကြီးဖြစ်လာပါသည်။

ကလင်တန်လက္ခံတာက ရှင်းရှင်းလေး။ သမ္မတဖြစ်ရေးအတွက် လိုအပ်တဲ့ ကွက်လပ်ဖြည့်နေတာပါ။   

၂၀၁၂ ရွေးကောက်ပွဲနီးလာတော့ ၊ ဒီမိုကရက် တချို့ဟာ ၊ Buyers remorse လို့ခေါ်တဲ့ ၀ယ်သူနောင်တ ရကြပြီး တချို့က ကလင်တန်တို့ကို သမ္မတလောင်းဝင်ရွေးဖို့ တောက်ကြည့်ခဲ့ကြတယ်။ (မူ) (Principle) မှာအားနဲတဲ့ ဘီလ်ကလင်တန် က ပေါ်လာတဲ့ နိုင်ငံရေးအခွင့်အရေးကို လက်မလွတ်ချင်ဖူး ၊ ကျားနာကိုဝင် ခဲလိုက်ချင်တယ်။ ဟီလရီက ဒီနေရာမှာ ပို (မူ)ရှိတာကြောင့် ၊ ပိုအရှည်မြင်တတ်တယ် ၊ စိတ်နိုင်တယ်။ ဒီမိုကရက်တစ်ပါတီကို သစ္စာဖေါက်သူ အဖြစ်မခံနိုင်ဖူး။ အကယ်၍ အိုဘားမားရှုံးခဲ့ရင် အာလုံး ကလင်တန် ကို ဝေါနဲ့လာပင့်ကြရမယ်။ နိုင်ခဲ့ရင် သစ္စာရှိသူအဖြစ် ၊ အမဲတွေနဲ့ ပါတီအမာခံတွေရဲ့ ကျေးဇူးအတင်ခံရ မယ်။ ကိုယ်က အသာကြီးပဲ။ ဒါကြောင့် စိတ်ထိန်းပြီး ငြင်းလိုက်နိုင်တယ်။ဟီလရီ ပြောတာက ငါ (စ) ခဲ့တဲ့ အလုပ်ကို ငါ (ပြီး) အောင်လုပ်မယ်တဲ့။ ငါ့သမိုင်း ကျန်ခဲ့ရမယ်တဲ့။

တနည်းအားဖြင် ကျမမှာ (မူ) ရှိတယ် ပါတီအပေါ်သစ္စာရှိတယ် ကျမဟာ (လူတော်) ဖြစ်ရုံ မက ကျမဟာ (လူကောင်း) ဖြစ်တယ်ဆိုတာကို ပြလိုက်တာပဲ။

ဘီလ်ကလင်တင်ရဲ့ သမ္မတသက်တန်းကုန်ဆုံးသွားတဲ့ အခါ ကွက် လပ်ြဖည့်တဲ့အနေ နဲ့ နယူးရောက် ပြည် နယ်က ဆီနေတာ အရွေးခံခဲ့ပြီး ၊ အတွေ့အကြုံ ပြနိုင်အောင် ၊ ဆီးနိတ် ကာကွယ်ရေး စပ်ကော်မီတီ မှာနေ ရာဝင်ယူခဲ့တယ်။
ကလင်တန်သမ္မတသက်တန်း (၈) နှစ်လုံးလုံး ဟီလရီဟာ သမ္မတအနီးက နေလျှက် အတွေ့အကြုံရခဲ့ တယ် တခြားသမ္မကတော်တွေလို နိုင်ငံရေးကို ရှောင်ခဲ့တာမဟုတ်။ ပေါ်လစီ ဆွေးနွေးပွဲတွေမှာ ၀င်ပါခဲ့တယ်။ ဘုရ် သက်တန်း (၈) နှစ်မှာ ဆီနိတ်အတွေ့အကြုံတွေရခဲ့တယ်။ အိုဘားမား ပထမ (၄) နှစ်မှာ နိုင်ငံခြားရေး ၀န်ကြီး အဖြစ် ကမ္ဘာ့ခေါင်းဆောင်ပေါင်းစုံနဲ့ ရင်နှီးခွင့် ရခဲ့တယ်။ နံမည်ကောင်းအပြင် ထေက်ခံမှု ၇၀% ကျော်ကျော်နဲ့နိုင်ငံခြားရေ၀န်ကြီးအဖြစ်အနားယူခဲ့တာ။ မိမိဆန္ဒနဲ့အနားယူခဲ့တာ။သိက္ခာရှိရှိ အနားယူခဲ့တာ။

တရုတ်တွေက နိုင်ငံရေးခေါင်းဆောင်ကို ပုံစံအမျိုးမျိုး နဲ့စမ်းသပ်ပြီး မှ လူတော်တွေကို ပါတီက ပိုးမွေးသလို မွေး တာ။ အမေရိကားမှာက နိုင်ငံရေးပါတီဆိုတာ အထောက်အပံ့ပေးတဲ့ အဖွဲ့အစည်းသာလျှင်ဖြစ်တယ်။ တရုတ်ပြည်မှာလို စိုးမိုးတဲ့ပါတီ မဟုတ်။ တရုတ်ယဉ်ကျေးမှု က (အများ)  အကျိုးက (တဦးချင်း) အကျိုး အထက်မှာရှိတယ်။ အမေရိကန် ယဉ်ကျေးမှုက (တဦးကောင်း) (Individualism) ကိုဦးစားပေးတယ်။ ကိုယ်ရကိုယ်ယူ စနစ်။ ဒါကြောင့် မိမိကြီးပွားချင်ရင် မိမိဘာသာ မိမိကြိုးစားရမယ်ဆိုတဲ့ ။ ကိုယ်ထူကိုယ်ထ စနစ်။ ဒါကြောင့် ဘီလ်ကလင်တန် ဟာ သမ္မတဖြစ်ဖို့ တသက်လုံး ပြင်ဆင်ကြိုးစားခဲ့ရသလို ၊ ဟီလရီ ဟာ လည်း သမ္မတဖြစ်ရေးအတွက် ၊ ကွက်လပ်တွေဖြည့်ပြီး ကြိုးစားခဲ့ရတယ်။

၂၀၁၆ ရွေးကောက်ပွဲအတွက် ဟီလရီက ဆင်ပေါ်ကပဲ။ လက်ရှိ အမေရိကန်နိုင်ငံရေးလောကမှာ သူ့ လောက် အဆင်သင့်ဖြစ်တဲ့သူ မရှိဖူး။ နိုင်ငံရေးမှာ Political Capital လို့ခေါ်တဲ့ နိုင်ငံရေးအရင်းအနှီး ရှိဖို့လိုတယ်။ ဆိုလိုတာက နိုင်ငံရေးသမားတွေအရွေးခံရဖိူ့ အကူအညီ ပေးထားရမယ်။ လက်ရှိနိုင်ငံရေးမှာ ဘီလ်ကလင် တန် ဟာ စူပါစတားပဲ။ နိုင်ငံရေး ဂု့ရုကြီးပဲ။ လူတိုင်းစီးကပ်ရတဲ့ နိုင်ငံရေး ဆရာကြီးပဲ။ ဘီလ် က ဒီမိုကရက် တွေ အရွေးခံရအောင် ၊ အပင်ပန်းခံပြီး ရွေးကောက်ပွဲတွေမှာ အကူအညီပေးတယ်။ ငွေ အလှူခံပေးတယ်။ အမေရိ ကန် နိုင်ငံရေးမှာ (ငွေ) ဟာအရေးကြီးသလို ၊ ရွေးကောက်ပွဲမှာ ကူညီဖို့ (လူ) လိုတယ်။ ဒီ (လူ) တွေကို ပါတီယန္တရားတွေကပဲ အကူအညီ ပေးနိုင်တယ်။ အားလုံးကိုယ့်ဖက်ပါအောင် ကလင်တန်တို့က သပိတ်ဝင် အိပ်ဝင် အပိုင်ကိုင်ထားပြီးပြီ။

ဒီဖက်ခေတ်သစ် သမ္မတတွေအထဲမှာ ကလင်တန် လက်ထက်မှာပဲ ဘတ်ဂျက်မှာ ငွေပို ပေါ်ဖူးသေးတယ်။ သမ္မတဘုရ် က (၈) နှစ်မှာ (၄) တြီလျံ ဒေါ်လာ ၊ အိုဘားမားက (၄) နှစ်မှာ (၅)တြီလျံ ဒေါ်လာ ၊ ဘတ်ဂျက် လိုငွေပြအောင် အကြွေးယူသွားကြတယ်။

ကလင်တန် ရဲ့ ဘဏ္ဍာရေးဝန်ကြီး ရူဖင် ဟာ အအောင်မြင်ဆုံး ၊ အတော်ဆုံး ၀န်ကြီးတစ်ယောက်အဖြစ် အသိအမှတ် အပြုခံရတယ်။ ဒီလိုလူတော်တွေကို ၀န်ကြီးခန့်ရဲတာ သမ္မတသည်၎င်း ၊ ခေါင်းဆောင်သည် ၎င်း မိမိကိုယ်ကိုမိမိ ယုံကြည်မှု ရှိလို့ပေါ့။

မြန်မာနိုင်ငံမှာလည်း ဦးနေ၀င်း ပြောခဲ့တဲ့ လူတော် ၊ လူကောင်း ပြဿနာ ရှိတယ်။ လူကောင်းဆိုတာက တော့ ခေါင်းဆောင်ကို သစ္စာရှိမဲ့ လူလို့ မြန်မာနိုင်ငံမှာ နားလည်ရပါမယ်။ လူတော်ဆိုတာ ၊ (မာန) အနည်း အများ ရှိတတ်ကြတာပဲ။ ခေါင်းဆောင်ကောင်းဆိုတာ ၊ လူတော်တွေကို တိုင်းပြည် အတွက် လူမှန်နေရာမှန် မှာထားပြီး သုံးရဲရမယ်။

မြန်မာနိုင်ငံ ရာဇ၀င်မှာ လူတော်တွေကို လူမှန်နေရာမှန် အသုံးချရဲရုံ မကဖူး ၊ အသုံးချနိုင်ခဲ့တာ ဗိုလ်ချုပ် အောင်ဆန်း တစ်ယောက်ပဲ ရှိခဲ့ဖူးသေးတယ်။ ဘုရင်ခံ ရဲ့ ၀န်ကြီးအဖွဲ့အတွင်း ဖဆပလ က၀င်ခွင့်ရတော့ ပထမဦးဆုံး ဆွဲသွင်းလာတာက အတွေ့အကြုံရှိတဲ့ သခင်မြတို့လို လူကြီးတွေ။ ရွယ်တူတွေအထဲမှာ သခင် သိန်းဖေတစ်ယောက်ပဲ ကွန်မြူနစ်ကိုယ်စလှယ် အနေနဲ့ ပါဝင်ခဲ့တယ်။ သခင်သိန်းဖေလည်းကွန်မြူနစ်တွေ ဖဆပလက အထုတ်ခံရတော့ ရက်ပိုင်းပဲ ၀န်ကြီးဖြစ်လိုက်ရတယ်။

ကွန်မြူနစ်တွေဆန်လုတော့ ၊ ထိထိမိမိ ကိုင် ရဲမဲ့ ကွန်မြူနစ်တွေနဲ့ပြိုင်ဖက် ဦးကျော်ငြိမ်းကို ပြည်ထဲရေးဝန်ကြီးကိုင်ခိုင်းတယ်။
ဦးဘဘေ တိုလို့သမ္ဘာရင့် လူကြီးတွေကို ဖဆပလ အီးစီထဲ ဆွဲခေါ်လာတော့ လူငယ်တွေက မကျေနပ် ကြဖူး။ ဗိုလ်ချုပ်က အခုတိုက်ရမဲ့ နိုင်ငံရေးစစ်ပွဲ က စနစ်အထဲကတိုက်ရမှာ။ ဒီလူကြီးတွေက ဒီနည်းမှာ အတွေ့အကြုံရှိတယ်။ ဒို့အကူအညီယူရမယ်ဆိုပြီး လူငယ်တွေကို ဖြောင်းဗျ နိုင်ခဲ့တယ်။  ဦးတင်ထွဋ်ဟာ ဗြိတသျှအစိုးရရဲ့ အားအကိုးရဆုံး အိုင်စီအက်။ ဗိုလ်ချုပ်ကရအောင် ဖဆပလအစိုးရအထဲ ဆွဲခေါ်လာ ခဲ့ တယ်။ ဒီခေတ်ဥပမာ နဲ့ကြည့်ရင် ဗိုလ်ချုပ်ခင်ညွန့်ကို အင်အယ်လ်ဒီထဲ ဆွဲခေါ်လာတာနဲ့ တူတာပေါ့။

စစ်အစိုးရခေတ်မှာတော့ ၊ သစ္စာရှိမဲ့ လူကောင်းပဲလိုတယ်။ တိုင်းပြည်ထူထောင်ချင်ရင် လူတော်တွေ မရှိလို့ မရပါ။

လူတော်တွေကလည်း ဟီလရီတို့စီ ကသင်္ခန်းစာယူပြီး (မူ) ရှိနိုင်အောင်ကြိုးစားကြစေချင်ပါတယ်။ ဦးသိန်းစိန် အစိုးရဟာ လူတော်တွေကို ပြန်လာပါဆိုပြီး ရဲရဲခေါ်ရဲတယ်။ အင်အယ်လ်ဒီက ဘာကြောင့် အစိုးရိမ်လွန်နေရတာလဲ။ လူကောင်းကြီးနဲ့ပဲ တိုင်ပြည်ထူထောင်လို့ မရပါ။

ဟီလရီ နဲ့ ဗိုလ်ချုပ်တို့ ကို နမူနာ ယူနိုင်ကြပါစေ။

No comments:

Post a Comment

Related Posts Plugin for WordPress, Blogger...