Thursday, May 2, 2013

မြန်မာ့ခေါင်း ဆောင်များ လေ့လာရမည့် သဘာဝဘေး သင်ခန်းစာ

by Hla Shwe (Notes) on Thursday, May 2, 2013 at 6:56am
 
သန်းခုနှစ်ထောင်ပြည့်သွားပါပြီ။ ကမ္ဘာမြေပေါ် နေထိုင်တဲ့ လူသားတွေ ၀မ်းသာစရာလား ၀မ်းနည်းစရာလားမပြောတတ်။ ရှုပ်ထွေးသော ပညာရှင်တွေရဲ့ ဟောကိန်း တွေကလည်း ကမ္ဘာ့လူဦးရေ အများအပြား။                              
ကမ္ဘာ့လူဦးရေသန်းခုနှစ်ထောင် ပြည့်ထုတ်ပြန်ချက်နှင့် အတူ Maplecroft သုတေသန ပညာရှင်များမှလည်းကမ္ဘာ့လူဦး အဆမတန် များပြားလာခြင်းကြောင့် မြေကမ္ဘာဂြိုကြီး ကိုထိခိုက် လိမ့်မည်ဟုဟောကိန်း ထုတ်လာသည်။ Maplecroft ၏အဓိက ထုတ်ပြန်ချက်တွင် ၂၀၁၂ ခုနှစ်တွင်ကမ္ဘာ့ရာသီဥတု ဖေါက်ပြန်မှုကို ကြုံတွေ့ နိုင်သော နိုင်ငံများ စာရင်းကိုထုတ်ပြန်ခဲ့သည်။ ပညာရှင်များကိုယ်တိုင် မြန်မာနိုင်ငံ၏ အခြေအနေကို တိုက်ရိုက်ကွင်းဆင်း သုတေသန ပြုလုပ်ခဲ့ခြင်း မဟုတ်သော်လည်း ကမ္ဘာ့နိုင်ငံ အနှုံ့အပြားမှမြန်မာနိုင်ငံနှင့် ဆိုင်သော သုတေသန စာတမ်းများကို အခြေခံကာ တင်ပြထားခြင်းဖြစ်သည်။ ကမ္ဘာ့ရာ သီဥတု ပြောင်းလဲမှုဒုက္ခကို ရင်ဆိုင်ရနိုင်ဖွယ် အဆင့် (၂၀) တွင်မြန်မာနိုင်ငံ ပါဝင်နေသည်။

မြန်မာနိုင်ငံနှင့်အိမ်နီးချင်း ဘင်္ဂလားဒေ့ရှ် သည်အဆင့် ၂ တွင်ရှိပြီး အဆိုးဆုံး ခံစားရနိုင်ဖွယ်ရှိသည်။ မြန်မာနိုင်ငံသည် အဆင့် ၂၀ တွင်ရှိသော် လည်း သဘာဝဘေးအန္တရာယ် ကြောင့်ဖြစ်လာနိုင်သည့်အခြေအနေအရပ်ရပ်ကို ဖြေရှင်းရန် ပြင်ဆင်ထားရပါမည်။ ဘင်္ဂလားဒေ့ရ်ှနှင့်ဆက်စပ်နေသည့် ရခိုင်ပြည်နယ်သည် မြန်မာနိုင်ငံတွင် အဆိုးဆုံး ခံစားရဖွယ်ရှိသော ပြည်နယ်ဖြစ်နေပါသည်။

ထိုင်းနိုင်ငံနှင့် မြန်မာ ပြည်တွင်းစစ်

ထိုင်းနှင့်မြန်မာနိုင်ငံသည်နယ်စပ်ချင်း ဆက်စပ်သော အိမ်နီးချင်း နိုင်ငံ ဖြစ်သည့်အတွက် မြန်မာနိုင်ငံ၏ပြည်တွင်းစစ်သည် ထိုင်းနိုင်ငံ နယ်စပ်ဒေသကို ရိုက်ခတ်လေ့ရှိသည်။ အထူးသဖြင့်ကရင်ပြည်နယ်နှင့် နယ်စပ်ချင်း ဆက်စပ်နေသည့် တာ့ခရိုင် (မဲဆောက်ဒေသ) သည် မြန်မာနိုင်ငံမှ ပြည်တွင်း စစ်ကြောင့် ထွက်ပြေးလာသောမြန်မာနိုင်ငံသား ဒုက္ခသည်များကို လက်ခံထားရလေ့ ရှိသည်။ ဒုက္ခသည် စခန်းရှိ ဒုက္ခသည်တသိန်းခွဲ အပြင် စစ်ဖြစ်မှ ထွက်ပြေးလာသော မြန်မာနိုင်ငံသားများကို လည်းလူသားချင်းစာနာသော အကူအညီများ ပေးနေရသည်။ ၂၀၁၀ ခုနှစ် ကဖြစ်ပွားခဲ့သော ဒီကေဘီအေနှင့် မြန်မာစစ်တပ်တို့၏ တိုက်ပွဲကြောင့် ဒုက္ခသည် သုံးသောင်း ကျော် ထိုင်းနိုင်ငံဘက်ထွက်ပြေးလာခဲ့သည်။

တာ့ခရိုင်အစိုးရ၏ ဒုက္ခသည် ၂၀၀၀၀နှစ်သောင်းကျော် အတွက် အရေးပေါ်စီမံချက်

မြန်မာနိုင်ငံအတွင်းပြည်တွင်းစစ် ဖြစ်လာနိုင်ခြေရှိသည့် အတွက် မဲဆောက် ခရိုင်အစိုးရ၏ ပြင်ဆင်ထားပုံမှာချီးကျူးဖွယ် အတုယူဖွယ် ကောင်းလှသည်။ ဒုက္ခသည် နှစ်သောင်းကျော်အတွက် ရေးဆွဲထားသောလတ်တလော ဖြေရှင်းမည့် စီမံကိန်းက ပြောစရာမရှိ။ ဒုက္ခသည် တဦးအတွက်
၁။ နေရာ(၃.၅) စတုရန်းမီတာအကျယ်အ၀န်
၂။ဒုက္ခသည် (၁၀၀) အတွက် အိမ်သာ (၁) လုံး
၃။ဒုက္ခသည် (၂၅၀) အတွက် ရေပိုက်ခေါင်းတခု စသည့်အချက်များ အပါအ၀င် လူတဦးလျင်ရေသုံးစွဲ နိုင်သည့် ရေပမာဏ၊ လူဦးရေ ထူတပ်သည့် အတွက် ရောဂါဖြစ်ပွားမှုထိမ်းချုပ်ရေး နည်းလမ်းများအပါအ၀င် ကျန်းမာရေးလုပ်သားအရေအတွက်၊ ရိက္ခာ ရရှိနိုင်မှုစည်တို့ကို ပြင်ဆင်ထားသည်မှာ အားကျစရာ ကောင်းလှသည်။ အစိုးရမဟုတ်သည့်အဖွဲ့အစည်းများ နှင့်မည်ကဲ့သို့ ချိတ်ဆက်မည်၊ ဒေသဆိုင်ရာ လူမှုရေးအဖွဲ့အစည်းများနှင့်အရေးပေါ် ကာလအတွင်း ဆက်ချိတ်ရမည့် အနေအထားတို့ကို စနစ်တကျ ပြင်ဆင်ထားကြောင်းတွေ့ရသည်။ စာမျက်နှာ ၁၄ မျက်နှာရှိ အရေးပေါ် စီမံချက်မှာ အစိုးရကောင်း တရပ်၏ပြင်ဆင်ထားမှု ဖြစ်သည်။

နေပြည်တော် လွှတော်တွင်းမှမူကြိုအမတ်များ စာများများဖတ်သင့်

ယခုကဲ့ကမ္ဘာတ၀ှမ်း သဘာဘေးကတ်ကြီး ဆိုက်ရောက်နေသည်ကို မြန်မာ့ ခေါင်းဆောင်များသတိထားစဉ်းစားရမည့် အချက်ဖြစ်သည်။ ကျနော်ပြောနေသော ခေါင်းဆောင်ဆိုသည် မှာ အာဏာရှိစစ်ခေါင်းဆောင်များကိုသာ ပြောခြင်းမဟုတ်ဘဲ အတိုက်အခံခေါင်းဆောင်များ၊ လွတ်တော်တွင်းရောက်ခေါင်းဆောင်များ အားလုံးကို ဆိုလိုခြင်းဖြစ်ပါသည်။

လွတ်တော်သက်တမ်းမကြာမှီတနှစ် ပြည့်တော့မည်။ လွတ်တော်အစည်းအဝေး နှစ်ကြိမ် ခေါ်ယူပြီးဖြစ်သော်လည်းလွတ်တော် ကိုယ်စားလှယ်များမှာ မူကြို ကလေးများပမာ လွတ်တော်တွင်းဆွေးနွေးပွဲများတွင် မေးခွန်းမေးလိုက်၊ သက်ဆိုင်ရာဝန်ကြီးများက ဖြေလိုက်နှင့်နိုင်ငံခြား တိုင်းပြည်များမှ မူကြို ကလေးများပမာဖြစ်နေကြသည်။ ရန်ကုန်တိုင်းမှလွတ်တော် အမတ်တဦးမှ အကျဉ်းသားလွှတ်ပေးမှုအတွက် သမ္မတကြီးကို ကျေးဇူးတင်သော အဆိုကိုတင်သွင်းသွားသည်ကို တွေ့ရပါသည်။  ဤကိစ္စသည်အတိုက်အခံ အမတ်မင်းလုပ်ရမည့် အလုပ်လော။ အဘယ့်အတွက်ကြောင့် ကျေးဇူးတင်ရမည်နည်းဆိုသည်ကို ပြည်သူများက ရွေးကောက်လိုက်သော သုံးသိန်းစား အမတ်မင်းများ စဉ်းစားရမည်။

ယခုလက်ရှိဖြစ်ပေါ်နေသာပခုက္ကူရေဘေး သည်မည်ကဲ့သို့ ဖြစ်ပေါ်လာသနည်း၊ သဘာဝကြောင့် ဖြစ်လာသော ဘေးအန္တရယ်လော၊လူ လုပ်သောဘေးအန္တရာယ် ဟုတ်မဟုတ်ကို စုံးစမ်းစစ်ဆေးမှု ပြုလုပ်ရမည့် တာဝန်မှာပြည်သူကိုယ်စားလှယ်များ၏ တာဝန်ဖြစ်သည်။ ဆည်များးမှရေကို ပြည်သူများအား အသိမပေးဘဲဖေါက်ချခြင်း ဖြစ်ပါက မည်ကဲ့သို့ အရေးယူ ဆောင်ရွက်မည်နည်း။ စသော အချက်များကိုသိရှိနိုင်ရန် အတွက် လွတ်တော် အမတ်များမှာ စာများများဖတ်ရန်လိုအပ်သည်။ သက်ဆိုင်ရာပါတီတို့မှလည်း ရေတိုရေရှည် စီမံကိန်းများကို ပညာရှင်များနှင့် ညှိနှိုင်းရေးဆွဲထားရပါမည်။

၂၀၀၈ခုနှင့် ၂၀၁၀ ခုနှစ်အတွင်း ဖြစ်ပေါ်ခဲ့သော သဘာဝဘေးအန္တရာယ်နှင့် ပတ်သတ်၍စစ်ခေါင်းဆောင်များမှာ မည်သည့် အရေးပေါ် စီမံကိန်းမျှ မရှိသည်ကိုတွေ့ရသည်။ သဘာဝဘေးအန္တရာယ် ကျရောက်နေသော ခေတ်ကြီးတွင် လွတ်တော်ကိုယ်စားလှယ် တဦး၏ တာဝန်မှာအစည်းအဝေး တက်ခြင်း၊ ဥပဒေရေးဆွဲခြင်း သာမဟုတ်ဘဲ မိမိဒေသန္တရ ပထ၀ီ၊ဖြစ်ပေါ်လာနိုင်သည့် သဘာဝ ဘေးအန္တရာယ်၊ မည်ကဲ့သို့ကာကွယ်မည်၊ ကယ်ဆယ်ရေးလုပ်ငန်းများကို မည်ကဲ့သို့ လုပ်ဆောင်မည်နည်း စသည်တို့ကို စီမံကိန်းများရေးဆွဲထားရန် လိုအပ်သည်။

စစ်အစိုးရတွင်သာမကအတိုက်အခံခေါင်းဆောင်များ၊ ပါတီများတွင်လည်း သုတေသန ဆိုင်ရာ စာတမ်းများဖြင့် အလုပ်မလုပ်နိုင်သည့်အတွက်မြန်မာနိုင်ငံအတွက် အထူးရင်လေး စရာပင် ဖြစ်သည်။

သတိထားရမည့် သဘာဝဘေး

Maplecroftသုတေသန အဖွဲ့ကြီး၏ သုတေသန စစ်တမ်းအရ ကမ္ဘာ့လူဦးရေ အဆမတန် တိုးပွားမှု နှင့်ဥတုရာသီပြောင်းလဲမှုသည် ကမ္ဘာကြီးအား အဓိက ခြိမ်းခြောက်နေသော အရာများ ဖြစ်သည်။ မြန်မာနိုင်ငံသည်အန္တရာယ် ကျရောက်နိုင်မှု အဆင့် ၂၀ တွင်ရှိနေသော်လည်း၊ အန္တရာယ် ကျရောက်မှု အဆင့် ၂တွင်ရှိနေသော  ဘင်္ဂလားဒေ့ရ်ှနှင့် နီးစပ်သည့်အတွက် အထူးသတိ ထားစရာ ဖြစ်သည်။ အထူးသဖြင့်ရခိုင်ပြည်နယ် ပင်ဖြစ်သည်။  ပြည်သူကို လျစ်လျူရှုနေသည့် စစ်အစိုးရကိုအားကိုးမနေဘဲ ပြည်နယ်တွင်း အနိုင်ရသည့် ပါတီများမှ လူထုအတွက် အရေးပေါ်စီမံချက်များ၊ ကယ်ဆယ်ရေးလုပ်ငန်းများ၊ ကာကွယ်ရေးအတွက် စီမံချက်များကို စနစ်တကျပြင်ဆင်ထားရမည့် အချိန်ဖြစ်သည်။ ကမ္ဘာ့အနှုံ့ ဖြစ်ပေါ်နေသည့် အခြေအနေများကိုသိရှိနိုင်ရန်အတွက် လွတ်တော်အမတ်များ စာဖတ်ရန် လိုအပ်ပါသည်။  အင်္ဂလိပ်လို မဖတ်နိုင်ပါက ဘာသာပြန်များမှ တဆင့်ဘာသာပြန်စာတမ်းများကို လေ့လာရပါမည်။ တီဗွီကြည့်၊ ရေဒီယိုနားထောင်ရုံဖြင့်မလုံလောက်။ တိုင်းပြည်ကို အုပ်ချုပ်လိုသော ပါတီများ အနေဖြင့်၊ နိုင်ငံရေး၊စီးပွားရေး၊ လူမှုရေး၊ သဘာဝဘေးအန္တရယ် တို့သည် သီးခြားဖြစ်တည် နေခြင်းမဟုတ်ဘဲ အဆက်အစပ်ရှိနေသည်ကို သိထားရပါမည်။

ထိုင်းနိုင်ငံတွင်ဖြစ်ပေါ်နေသာ ရေဘေးကြီးကြောင့် ကမ္ဘာ့တ၀ှမ်း မည်မျှ အထိရိုက်ခတ်မှု ရှိနိုင်သည်ကိုပညာရှင်များ ပြော၍မရနိုင်သေးပေ။ ရေဘေးကြောင့် လူပေါင်း (၄၀၀) နီးပါးသေဆုံးခဲ့သည်။ အမေရိကန်ဒေါ်လာ ၆.၅ ဘီလီယံ ဆုံးရှုံးနိုင်သည် ဟုတွက်ချက်ထားသည်။ ထိုင်းနိုင်ငံသည်စက်မှုလုပ်ငန်း ဆက်စပ်ပစ္စည်း ထုတ်လုပ်သည့် အဓိကနိုင်ငံ ဖြစ်သည်။ ရေလွှမ်းမိုးမှုကြောင့် မည်ကဲ့သို့ ထိခိုက်လာမည်ကို ခန့်မှန်း၍ မရနိုင်သေးပေ။ ကမ္ဘာ့ဆန်ဈေးကွက်တွင်လည်း ရိုက်ခတ်မှုများရှိလာနိုင်သည်။  မြန်မာ့ ခေါင်းဆောင်များ အထူး လေ့လာသင့်သည့်သင်ခန်းစာတရပ် ဖြစ်သည်ဟုသုံးသတ်မိပါသည်။

လှရွှေ


Sources;
1. World’s fastest growing populations increasinglyvulnerable to the impacts of climate change – 4th global atlas reports;
2. The climate changes and environmental risk atlas 2012.
3. Mae Sot District Contingency Plan for Influx.

No comments:

Post a Comment

Related Posts Plugin for WordPress, Blogger...