Tuesday, May 14, 2013

“ကိုလိုနီဝါဒနှင့် ဖွံ့ ဖြိုးမှုအလွန်”

by Athenian Ahnyarthar (Notes) on Sunday, May 12, 2013 at 8:52pm


ဖွံဖြိုးမှုအကြောင်းကိုပြောဆိုကြလျှင် ကိုလိုနီပြုခြင်း အကြောင်းမှာမပါမဖြစ်ပါလာစမြဲဖြစ်ပေသည်။ အဘယ်ကြောင့်ဆိုသော်ကမ္ဘာ့အဆင်းရဲဆုံးသောနိုင်ငံအများစုမှာ တစ်ချိန်တစ်ခါက ကိုလိုနီအဖြစ် တိုင်းတပါးသားတို့၏ ကျွန်ပြုသိမ်းပိုက်ခံခဲ့ကြရခြင်းကြောင့်ဖြစ်၏။ ချွင်းချက်အဖြစ် ကိုလိုနီမဖြစ်ခဲ့ဖူးသောအီသိယိုပီးယား နိုင်ငံနှင့် အင်္ဂလိပ်ကိုလိုနီဖြစ်ခဲ့ဖူးသော စူပါ ပါဝါအမေရိကန်တို့ ကိုတွေ့နိုင်ပေ၏။ ဒုတိယကမ္ဘာစစ်အပြီး ၂၀ ရာစုအစတွင် ကိုလိုနီဖျက်သိမ်းရေးများ ကျယ်ကျယ်ပြန့်ပြန့် လုပ်ဆောင်လာသောကြောင့် ယနေ့ ကမ္ဘာကြီးတွင် ကိုလိုနီနယ်ပယ်များ မရှိသလောက်ပင်။သို့ ပင်သော်ငြား ဖွံ့ ဖြိုးမှုသီအိုရီများနှင့် လက်တွေ့ လုပ်ငန်းလုပ်ဆောင်ချက်များတွင် မူကိုလိုနီဝါဒ၏ သဘောသဘာဝနှင့် ဆိုးမွေ၊ကောင်းမွေတို့ ကိုထဲ့သွင်းစဉ်းစားရစမြဲဖြစ်၏။



ကိုလိုနီဝါဒ (Colonialism)

ကိုလိုနီဝါဒဟူသည်“နိုင်ငံတစ်နိုင်ငံ၏ နိုင်ငံသားတို့ နှင့် ၎င်း၏နယ်နမိတ်များအား အခြားသောတိုင်းတပါးနိုင်ငံများမှနိုင်ငံရေးအရ ထိန်းချုပ်ခြင်း”ဟု အလွယ်အားဖြင့် အဓိပ္ပါယ်ဖွင့်ဆိုနိုင်ပေမည်။ ဤတွင် အဆိုပါတိုင်းတပါးသားများသိသိသာသာအခြေချနေထိုင်မှုများလည်း ရှိနိုင်၍ မရှိခြင်းလည်းဖြစ်နိုင်ပါသည်။ ဤသို့ နိုင်ငံရေးအားဖြင့်ထိန်းချုပ်မှုသည် ကမ္ဘာလုံးဆိုင်ရာ အာဏာချိန်ခွင်လျှာမညီမျှမှု (global powerdifferentials) ကိုထင်ဟပ်၍ အသိမ်းပိုက်ခံ နယ်မြေများအပေါ်၌ စီးပွားရေး၊ လူမှုရေးနှင့် ယဉ်ကျေးမှုဆိုင်ရာလွှမ်းမိုးမှုများကိုဖြစ်ပေါ်စေလေသည်။
ဖွံ့ ဖြိုးမှုသီအိုရီများနှင့်ပတ်သက်၍ကိုလိုနီဝါဒအကြောင်းထဲ့သွင်းဆွေးနွေးရခြင်း၌ အကြေင်းရင်းသုံးခုရှိပေသည်။ ပထမအကြောင်းရင်းမှာ ကိုလိုနီပြုခြင်းသည်ကမ္ဘာကြီး၏ အစိတ်အပိုင်းနေရာဒေသတို့ အား ပိုမို၍ချိတ်ဆက်မိစေခြင်းဖြစ်၏။ ကမ္ဘာ့ဒေသများနှင့်တိုင်းပြည်များအကြား ကမ္ဘာ့အတိုင်းအတာ အားဖြင့် (global scale) ကူးလူးဆက်ဆံကြခြင်းနှင့်စုစည်းနှောင်ဖွဲ့ မှုများကို  ဖွံ့ ဖြိုးမှုသီအိုရီများစွာတွင်နည်းလမ်းမျိုးစုံဖြင့်ထဲ့သွင်းတည်ဆောက်ကြပေသည်။ ဤသို့ ကမ္ဘာ့အစိတ်အပိုင်းများ ချိတ်ဆက်မိခြင်းမှာကိုလိုနီဝါဒတစ်ခုတည်းကြေင့်ဟု မပြောဆိုနိုင်သော်လည်း ၎င်းကိုလိုနီဝါဒသည် ယနေ့ ခေတ်အကျယ်လောင်ဆုံးပြောဆိုနေကြသည့်ကမ္ဘာလုံးပြုခြင်း (globalization) အတွက်မူ သော့ချက်အခြင်းအရာတစ်ခုဖြစ်ပေသည်။

ဒုတိယအကြောင်းရင်းမှာကိုလိုနီပြုခြင်းဖြစ်စဉ်တွင် ပါဝင်သော အာဏာဆက်ဆံရေး (power relation) ကြောင့်ဖြစ်၏။အမှန်စင်စစ် နိုင်ငံရေး၊ စီးပွားရေးနှင့် လူမှုရေးအားဖြင့် ဥရောပနိုင်ငံတို့ မှ အခြားကမ္ဘာ့အစိတ်အပိုင်းတို့အား ထိန်းချုပ်နိုင်မှုသည် အနှီဥရောပနိုင်ငံတို့ ၏ ပိုမိုသာလွန်သော အာဏာပါဝါကိုပြဆိုပေသည်။ဤကဲ့သို့ အဖိနှိပ်ခံနှင့် ထိန်းချုပ်သူတို့ အကြား အာဏာမညီမျှမှု (powerinequalities) သည် ကမ္ဘာ့မြာက်ခြမ်းနှင့် တောင်ခြမ်းတိုင်းပြည်များအကြား မတူညီသည့် ဖွံ့ဖြိုးမှုအတွေ့ အကြုံ များကို ဖြစ်စေသည်သာမက  ယနေ့ ခေတ်လွတ်လပ်ပြီဟု ဆိုနိုင်သော တောင်ပိုင်းတိုင်းပြည်များ၏လွတ်လပ်ခွင့်နှင့်ကိုယ်ပိုင်ပြဋ္ဋန်းခွင့်များကိုပင် နည်းလမ်းများစွာဖြင့် ဆက်လက်၍ ကန့်သတ်နေပြန်သေး၏။ ဤသို့ သော ဖြစ်စဉ်ကိုပင် “ခေတ်သစ်-ကိုလိုနီဝါဒ (neo-colonialsim)”ဟုကင်ပွန်းတပ်ကြခြင်းလည်းဖြစ်၏။ တောင်ပိုင်းတိုင်းပြည်တို့ မှာ ဥပဒေအရ လွတ်လပ်ရေးရပြီဟုပြောဆိုနိုင်သော်လည်းကမ္ဘာ့အာဏာဆက်ဆံရေးတွင် (global power relation) တွင် မြောက်ကမ္ဘာခြမ်းမှ တောင်ကမ္ဘာခြမ်းအပေါ်လွှမ်းမိုးချုပ်ကိုင်မှု ရှိမြဲရှိဆဲပင်ဖြစ်သည်ဟု ဆိုလိုပါသည်။ ဥပမာအားဖြင့် ကမ္ဘာ့မြောက်ခြမ်းတိုင်းပြည်များသည်တောင်ပိုင်းတိုင်းပြည်များ၏ ဆုံးဖြတ်လုပ်ဆောင်ချက်များအပေါ် ကော်ပိုရေးရှင်းကြီးများ(TNCs=Trans-National Corporations) မှ၎င်း၊ ကမ္ဘာ့ဘဏ် (World Bank) ကဲ့သို့ သော အပြည်ပြည်ဆိုင်ရာအဖွဲ့အစည်းများမှ၎င်း ၀င်ရောက်ခြယ်လှယ်နိုင်သောကြောင့်ဖြစ်သည်။

နောက်ဆုံးအကြေင်းရင်းမှာကိုလိုနီဝါဒသည် သက်ဆိုင်ရာ ကိုလိုနီနိုင်ငံတို့ ၏ လူမှုရေးအဆောက်အဦးများ၊ နိုင်ငံရေးနှင့်ဘောဂဗေဒ စံနစ်များ နှင့် ယဉ်ကျေးမှု စံနှုန်းများကို ပြောင်းလဲစေခဲ့သောကြောင့်ဖြစ်၏။ဤသို့ သောအပြေင်းအလဲများသည် လွတ်လပ်ရေးပြီးသည့်တိုင်အောင် ဆက်လက်သက်ဆိုးရှည်နေလေ့ရှိ၏။ဤနေရာတွင် ကိုလိုနီနိုင်ငံတို့ သည် ကိုလိုနီနယ်ချဲ့ ၏ အာဏာအတိုင်းအဆ၊ ကျွန်ပြုသိမ်းပိုက်ခြင်းမခံရမှီကတင်ကူးအခြေအနေများ (pre-conditions)၊ ကိုလိုနီပြုခြင်းခံရသည့် အချိန် စသည့်အချက်များအပေါ်တွင်မူတည်၍ကိုလိုနီဘ၀အတွေ့ အကြုံများ ကွဲပြားခြားနားကြပေသည်။
အမှန်တကယ်တော့ကိုလိုနီပြုခြင်း၊နယ်ချဲ့သိမ်းပိုက်ခြင်းသည်ရှေးပဝေသဏီမတိုင်ခင်ကတည်းပင်  ကမ္ဘာ့သမိုင်း၌ရှိခဲ့သည်သာဖြစ်သည်။ သို့ ရာတွင် ဥရောပသားတို့၏ ကိုလိုနီနယ်ချဲ့ ခြင်းကား ကုန်သွယ်မှုအတွက်နှင့် ဈေးကွက်ချဲ့ထွင်ရန်အလို့ ငှာ ကျွန်ပြုတိုက်ခိုက်သိမ်းပိုက်ခဲ့ကြခြင်းဖြစ်သည်ကိုမူသတိချပ်ရပေမည်။ မည်သို့ ဆိုစေ ဒုတိယကမ္ဘာစစ်အပြီးတွင်မူ ကိုလိုနီနိုင်ငံတို့ ၏လွတ်လပ်ရေးတောင်းဆိုတိုက်ပွဲများနှင့်၊စူပါ ပါဝါများဖြစ်လာကြသော အမေရိကားနှင့် ဆိုဗီယက်တို့ ၏ ကိုလိုနီစံနစ်ဖျက်သိမ်းရေးထောက်ခံမှုများကြောင့် ကမ္ဘာ့နိုင်ငံများ တစတစ လွတ်လပ်ရေးရလာခဲ့ကြတော့၏။ အခြားဖက်တွင်လည်းစီးပွားရေးလုပ်နည်းလုပ်ဟန်များမှာ များစွာပြောင်းလဲလာခဲ့ကာ တိုင်းပြည်ချင်းကုန်သွယ်ရန်အတွက်နိုင်ငံရေးအရထိန်းချုပ်ရန်မလိုတော့ပဲ နိုင်ငံစုံကော်ပိုရေးရှင်းကြီးများ(MNCs=Multi-National Corporations) မှတဆင့်လုပ်ကိုင်လာကြ၏။ ၎င်းစီးပွားရေးအုပ်စုကြီးတို့၏ တန်ခိုးအာဏာမှာလည်း တစတစပိုမိုကြီးထွားလာ၏။ အကျိုးဆက်အားဖြင့် လွတ်လပ်ပြီးစ နိုင်ငံငယ်တို့သည် နိုင်ငံရေးအရလွတ်လပ်ပြီဟု ဆိုလာနိုင်သော်လည်း စီးပွားရေးအရမူ ယခင်မာစတာ နယ်ချဲ့နိုင်ငံကြီးများအပေါ် လက်ဝေခံအဖြစ် မှီခိုနေရဆဲဘ၀မှ မကျွတ်လွတ်နိုင်တော့ပေ။

[…ဗိုလ်ချုပ်တို့အရယူခဲ့သော အင်္ဂလိပ်တို့ ၏လွတ်လပ်ရေးကတိက၀တ်ကို စီးပွားရေးအရမလွတ်လပ် ဟုဝေဖန်ခဲ့သည့်ကွန်မြူနစ်တို့ ၏ စာတမ်းကို သတိရပါလေ…။ဤကားစကားချပ်…]
ဤသို့ လက်သစ်ကိုလိုနီဝါဒ(neo-colonialism) ပုံစံအားဖြင့် ဆက်လက်တည်ရှိနေမှုသည်ပင်လျှင် “အနောက်ကမ္ဘာ(Western)” (သို့ ) “မြောက်ကမ္ဘာခြမ်း (Northern)” ၏ လုပ်နည်းလုပ်ဟန်များသာ ပိုမိုကောင်းမွန်သည်၊မမှားနိုင်၊ စံပြအဖြစ်ယူရမည် ဟူသော အမြင်ကို ခိုင်မာစေသကဲ့သို့ ရှိတော့၏။ ဤသည်ကိုပင်လက်မခံ၊ ဆန့် ကျင်တွန်းလှန်ရန်အားထုတ်ခဲ့သော သီအိုရီအမြင်ကား “ ဖွံ့ ဖြိုးမှုအလွန်သီအိုရီ”ဟုမြန်မာပြန်ဆိုသော် ရနိုင်အံ့သည့် “Post-Development” ချဉ်းကပ်နည်းပင်ဖြစ်တော့သည်။

ဖွံ့ ဖြိုးမှုအလွန် (Developmentas Discourse)
၁၉၉၀ နှစ်များမှစ၍ဖွံ့ ဖြိုးမှုအားမည်သို့ မည်ပုံ ရယူရန်အားထုတ်ရမည်ဟူသည့် အခြေအတင်ငြင်းခုန်မှုများနှင့်အတူ“ဖွံ့ ဖြိုးမှုအလွန် အယူအဆ” (Post-development concept)သည် ရှေ့တန်းသို့ ရောက်လာခဲ့၏။ ဤလှုပ်ရှားမှု၏ ဦးစီးခေါင်းဆောင်မှာArturo Escobar ဖြစ်၍ ကိုလံဘီယာနိုင်ငံ၏ ဖွံ့ ဖြိုးမှုဖြစ်စဉ်များကို လေ့လာခဲ့ကာ ဤချဉ်းကပ်မှုကိုထုတ်ဖေါ်တင်ပြခဲ့၏။ ၎င်းအဆိုအားဖြင့် “ဖွံ့ ဖြိုးမှု” ဟူသည် ကမ္ဘာ့ဘဏ်၊ အမေရိကန်နှင့် အခြားသောမြောက်ကမ္ဘာခြမ်း အဖွဲ့ အစည်းများ၏ နည်းပညာရပ်ဆိုင်ရာဝေါဟာရပညတ် တစ်ခု (သို့ မဟုတ်)ဟောပြောချက်ဒေသနာ တစ်ခု (discourse) မျှသာဖြစ်သည်ဟူ၏။ ကိုလံဘီယာနိုင်ငံအတွင်းသို့ ပြင်ပလူစိမ်းများ (Outsiders) မ၀င်လာမှီက ဆင်းရဲမွဲတေမှု (poverty) ဟုခေါ်သောအရာမရှိပေရာဖွံ့ ဖြိုးမှု (development) ဟူ၍လည်းမလိုအပ်ပေ။ အမှန်စင်စစ် ဒေသခံကိုလံဘီယန်းများအနေဖြင့်“ဘ၀သက်တမ်းတိုတောင်းခြင်း”၊ “ပညာရေးအခွင့်အလမ်းနည်းခြင်း”၊ နှင့် “ရေ၊မီးမပြည့်စုံခြင်း”အစရှိသည့် အရာများရှိကြသော်လည်း ဤသို့ မပြည့်စုံခြင်းတို့ ကို  ဆင်းရဲမွဲတေမှု ပြဿနာဟူ၍ မသတ်မှတ်ကြပေ။ သို့ ရာတွင်ပြင်ပသူစိမ်းများရောက်ရှိလာကာ ၎င်းတို့ ၏ကိုယ်ပိုင် သတ်မှတ်စံများ၊ မျှော်လင့်ထားမှုများစသည့်ပေတံများနှင့် ဒေသခံကိုလံဘီယန်းတို့ ၏ လူ့ အဖွဲ့ အစည်း၊ စီးပွားရေးပုံစံတို့ ကိုအကဲဖြတ်လိုက်သည့်အခါတွင်မူ ကိုလံဘီယာနိုင်ငံသည် “ဖွံ့ ဖြိုးမှုကင်းမဲ့သော (lackingdevelopment)” လူ့ အဖွဲ့ အစည်းတစ်ခုဖြစ်လာတော့၏။ ဤကင်းမဲ့မှုကို ဖြည့်ဆည်းရန်အလို့ ငှာ မြောက်ကမ္ဘာခြမ်းသည် အမျိုးမျိုးသော အကူအညီများ(aids)၊ လုပ်နည်းကိုင်နည်းအကူအညီများ (technical assistance) စသည့် ၎င်း၏ မြောက်စံနှုန်းများဖြင့်အတိပြီးသောဖွံ့ ဖြိုးမှုပုံစံများကို အတင်းအဓမ္မတင်သွင်းလာတော့၏။

Escobar အလိုအရတောင်ကမ္ဘာခြမ်းတိုင်းပြည်များ၏ ဖွံ့ ဖြိုးမှု ရယူရန်ကြိုးပမ်းမှုဟူသမျှမှာ ဥရောပဗဟိုပြုဝါဒ(Eurocentrism) ၏ယူဆချက်များ အတိုင်းလိုက်နာလုပ်ဆောင်နေမှုတို့ သာဖြစ်ပေသည်။ ဤသို့ အားဖြင့်“ဖွံ့ ဖြိုးမှု“ “Development” ဟူသောအရာသည် ကမ္ဘာကြီး၏ နယ်ပယ်ဒေသများစွာတို့ ကို မြောက်ကမ္ဘာခြမ်းမှလွှမ်းမိုးထားသော နိုင်ငံရေးနှင့်၊ စီးပွားရေး စံနစ်အတွင်းသို့ သွတ်သွင်းလာပြီးလျှင်အကျိုးဆက်အနေဖြင့် ဒေသခံတိုင်းရင်းသားတို့ ၏ ယဉ်ကျေးမှုထုံးတမ်းဓလေ့များ ပျောက်ကွယ်သွားခြင်း၊သဘာဝပတ်ဝန်းကျင်ထိခိုက်ယိုယွင်းလာခြင်း၊ တောင်ပိုင်းသားများအကြား နိမ့်ကျသိမ်ငယ်စိတ်များဝင်ရောက်လာခြင်းစသည့်ဆိုးကျိုးများကိုဖြစ်ပေါ်စေပေတော့သည်။ [The God must be Crazy ဇတ်ကားမှ ပုလင်းခွံတစ်လုံးဖြင့်အလုပ်ရှုပ်သွားသော အာဖရိကန်တစ်ဦး အကြောင်းနှင့် ယှဉ်၍ စဉ်းစားသော်ရကောင်း၏။ ဤကား စကားချပ်]

ဤ ဖွံ့ ဖြိုးမှုလွန်ဝါဒီများ အလေးအနက်ထားကြသည်မှာ ဖွံ့ ဖြိုးမှုဆိုင်ရာဆွေးနွေးချက် (discourse ofdevelopment) ဖြစ်၏။ တနည်းအားဖြင့် ဖွံ့ ဖြိုးမှုအား အဓိပ္ပါယ်ဖွင့်ဆိုပုံနှင့် ဆွေးနွေးတင်ပြမှုနည်းလမ်းတို့၏ အရေးကြီးပုံပင်။ ၎င်းတို့ အလိုအရ “ ဖွံ့ ဖြိုးမှု ” ဟူသည့်အရာကို နားလည်ခြင်းသည် တည်ရှိနေသည့်အာဏာဆက်ဆံရေးကို ထင်ဟပ်ပြနိုင်၍ အခြားသော ဖွံ့ ဖြိုးမှုအယူအဆများကို မှန်မှန်ကန်ကန်ရွေးခြယ်နိုင်စေပြီးလျှင်အချို့သောအိုင်ဒီယာများကိုမူ ပလှပ်နိုင်စေမည်ဟူ၏။

--------------------------------------------------------------------------------------------------
KatieWillis ရေးသား၍ Routledge တိုက်ထုတ်ဖြစ်သည့် “Theories and Practices ofDevelopment” စာအုပ်ကို အဓိကမှီငြမ်းပြု၍ ရေးသားထားပါသည်။ ရွက်ပုန်းသီး လီကွမ်းယူးမျိုးဆက်သစ်များအတွက် ရည်ရွယ်ပါသည်။

No comments:

Post a Comment

Related Posts Plugin for WordPress, Blogger...