Thursday, May 2, 2013

ပုဒ်မ ၁၈ ဖြင့် အမှုဖွင့်ခံထားရသော ကိုသောင်းထိုက်ဦးနှင့် တွေ့ဆုံခြင်း


အမှုဖွင့်ခံထားရတဲ့သူတွေထဲမှာတော့ ကျွန်တော်က အများဆုံး ၁၈ မှု အဖွင့်ခံထားရတယ်။ 
ဘာပုဒ်မတွေနဲ့  ဖွင့်ထားတယ်ဆိုတာတော့ မသိရသေးပါဘူး။
အရင် စစ်အစိုးရလက်ထက်ကတည်းက လက်ပံတောင်းဒေသမှာ တစ်ချက်လွှတ်
အာဏာနဲ့  ဥပဒေကို လိုအပ်သလိုအသုံးချပြီး တောင်သူလယ်သမားတွေရဲ့ 
လယ်ယာမြေတွေကို တဖက်သတ် သိမ်းယူခဲ့ကြပါတယ်။ အခု ဦးသိန်းစိန်အစိုးရ
လက်ထက် ရောက်လာတဲ့အခါမှာ ဒီဒေသက တောင်သူတွေဟာ
သူတို့ ရဲ့ ဘ၀နဲ့ အသက်ဖြစ်တဲ့မြေယာတွေကို မတရားသဖြင့် ရယူသိမ်းပိုက်ထားတဲ့
ဦးပိုင်လက်ထဲကနေ ပြန်ရဖို့ အတွက် ရုန်းကန်လှုပ်ရှားမှုတွေ ပြုလုပ်ခဲ့ကြပါတယ်။
ဒီသတင်းကိုကြားတဲ့အခါမှာ မတရားခံခဲ့ရတဲ့၊ ခံနေရဆဲဖြစ်တဲ့ တောင်သူလယ်သမား
တွေကို ကူညီမယ်ဆိုပြီး ကျွန်တော်တို့  ဒီဒေသကိုရောက်လာခဲ့ကြပါတယ်။
တဖြည်းဖြည်းနဲ့  လက်ပံတောင်းအရေးက မြန်မာပြည်ကသာမကဘဲ ကမ္ဘာထိအောင်
သိသွားကြတဲ့အတွက် သူတို့ ရဲ့  စစ်အုပ်စုရဲ့  မတရားမှုတွေ ဖော်ထုတ်ခဲ့တဲ့
ကျွန်တော်တို့ ကို အညှိုးအတေးထားပြီး အခုလို အမှုဖွင့်ခဲ့တာလို့  ကျွန်တော်က
တရားရုံးမတင်ဘဲ သူတို့ ကို စွဲချက်တင်ပြောဆိုပါတယ်။ အခု ရှစ်ယောက် အမှုဖွင့်
ခံထားရပေမယ့် ကိုအောင်စိုးကိုတော့ ၂၅ ရက်နေ့ က ဖမ်းသွားပါပြီ။ အဲဒီနေ့ က
ကျွန်တော့်ကိုလည်း မြို့ နယ်ရဲမှူးက ၀င်ဖမ်းပေမယ့် ဒေသခံတွေက သူတို့ 
လက်ထဲကနေ ပြန်လုပေးလို့  ပြန်လွတ်လာတာပါ။ ကျွန်တော်တယောက်တည်း
ဘာ့ကြောင့်အမှုတွေအများကြီးဖွင့်ခံထားရတယ်ဆိုတာတော့ မပြောတတ်ပါဘူးဗျာ။

အဲဒီနေ့ က ကျွန်တော် မိုးကြိုးပြင်ရွာက ကိုဝင်းကျော်ပိုင် ကွင်းအမှတ် ၇၇၄/ခ
ယာကွက်ထဲမှာရှိတယ်။ ကိုဝင်းကျော်ပိုင်ယာ (၁၃) ဧက လျော်ကြေးယူမထားပါဘူး။
မိုးကလည်း အရင်ရက်တွေက ကျလာပြီဆိုတော့ သူပိုင်တဲ့ယာမြေကို သူထွန်တုံးချ
ခဲ့တယ်။ မနက် ၉ နာရီလောက်မှာ မြို့ နယ်ရဲမှူး (အောင်ကျော်)အပါအ၀င်
အရပ်ဝတ်ရဲတစ်ယောက်နဲ့ ရဲအင်အား ၃၀ ကျော်လောက် အဲဒီဒေသကို
ရောက်လာခဲ့တာကစပြီး လက်ပံတောင်းတောင်အကြမ်းဖက်မှုဖြစ်ခဲ့ရပါတယ်။
ရဲမှူးက ကျွန်တော့်ဆံပင်ကိုဆွဲပြီး အကြမ်းဖက်ဝင်ဖမ်းလိုက်တဲ့အချိန်မှာဘဲ
တုတ်၊ ဒိုင်း လက်နက်အပြည့်အစုံ ကိုင်ဆောင်ထားတဲ့ရဲတွေက ကျွန်တော့်ကို
ဝိုင်းရိုက်ကြတယ်။ အဲဒီအချိန်မှာဘဲ ကိုဝင်းကျော်အကွက်ထဲမှာ ရှိနေကြတဲ့
ဒေသခံတောင်သူ ၁၀ ဦးလောက်က ကျွန်တော် ရဲလက်ထဲမပါရအောင်
အတင်းဝင်လုကြပါတယ်။ ၀င်လုတယ်ဆိုတာ သူတို့ ပြောနေတဲ့ အကြမ်းဖက်တယ်
ဆိုတဲ့ပုံစံ မဟုတ်ဘူးနော်။ တုတ်တွေ ဒိုင်းတွေ ကြားထဲကနေ ကျွန်တော့်ကို
ပြန်ဆွဲထုတ်တာ။ ရဲတစ်ယောက်က လက်ထဲကိုင်ထားတဲ့ဒိုင်းနဲ့  ပြန်လုတဲ့အထဲပါတဲ့
ဒေသခံတောင်သူ ဒေါ်စန်းစန်းဝင်းရဲ့ ခေါင်းကိုရိုက်လိုက်လို့  ဟက်တက်ကွဲသွား
ပါတယ်။ ကျန်တဲ့ ၀ိုင်းဆွဲသူမှန်သမျှလည်း ရဲတွေဝိုင်းရိုက်တာခံရပါတယ်

အရင် စစ်အစိုးရလက်ထက်တုန်းကတော့ ဒေသခံပြည်သူတွေမှာ
ပြန်လည်တုန့် ပြန်ပြောဆိုဖို့  အခွင့်အရေးတွေ မရခဲ့ကြဘူး။ အခု နိုင်ငံရေးရုပ်ဘ၀
အခြေအနေအရ အနည်းငယ်ပွင့်လင်းမြင်သာမှုရှိလာတဲ့အချိန်ကျမှ သူတို့ တွေ
ပိုင်ဆိုင်ထားတဲ့လယ်မြေတွေ ဆုံးရှုံးရတော့မယ့်အခြေအနေတွေကို ရဲရဲတင်းတင်း
ပြောဆိုလာကြတယ်။ ရင်ဆိုင်လာရဲကြတာတွေကို တွေ့ ရပါတယ်။ ကွန်တော်တို့ က
ဒေသခံပြည်သူတွေကို အသိပညာပေး ဆွေးနွေးမှုတွေဘဲ လုပ်ကြတာပါ။
အဲဒီလို လုပ်လာရင်းနဲ့  သူတို့ လယ်ယာမြေတွေ မဆုံးရှုံးဖို့  သူတို့ အသိနဲ့ သူတို့ 
ကာကွယ်လာကြတယ်။ သိမ်းဆည်းခံထားတာတွေ ပြန်ရဖို့  ငြိမ်းချမ်းစွာနဲ့ 
ပြန်လည်တောင်းဆိုလာခဲ့ကြတာပါ။ အဲဒါကို မြှောက်ပေးတယ်လို့  ပြောကြတယ်
ဆိုရင်တော့ ခင်ဗျားကို တစ်ခုပြောချင်တယ်ဗျာ။ ပြောင်းလဲမှုတိုင်းမှာ ပယောဂဆိုတာ
ပါတယ်။ ဒါ သီအိုရီအရ ပြောတာ။ လက်တွေ့ မှာလည်း ဒီအတိုင်းဘဲ။
ကျွန်တော်တို့ တိုင်းပြည် လွတ်လပ်ရေးရဖို့  ဗိုလ်ချုပ်အောင်ဆန်းဘာလုပ်ခဲ့သလဲ။
စစ်အစိုးရလက်အောက်က လွတ်မြောက်ဖို့  ဒေါ်အောင်ဆန်းစုကြည်ကိုယ်တိုင်
အနောက်နိုင်ငံတွေကို ဘယ်လိုအကူအညီတွေပေးဖို့ ၊ ဘာတွေလုပ်ပေးဖို့  ပြောခဲ့ရ
သလဲ။ စစ်အစိုးရကရော ကျွန်တော်တို့ ပြည်သူတွေကို နှစ်ပေါင်းများစွာ
ဖိနှိပ်မှုယန္တရားအောက်မှာထားရှိဖို့  လုံခြုံရေးကောင်စီဝင်တွေထဲက ဘယ်သူတွေကို
အကူအညီတွေ တောင်းခဲ့ရသလဲ။ အထောက်အထားတွေ အများကြီးရှိပါတယ်။
နောက်ဆုံးပြောလိုက်မယ်ဗျာ။ သမိုင်းဆိုတာ ဘယ်လိုဘဲဖုံးကွယ် ဖုံးကွယ်ထား
ဖျောက်ဖျက်လို့ တော့ ဘယ်တော့မှမရဘူးဆိုတာပါဘဲ။

ကျွန်တော်တို့ တတွေက ဘယ်လိုပြစ်မှုမျိုးကို ကျူးလွန်မိလို့ လဲ။ ဒေသခံတောင်သူ
လယ်သမားတွေ မတရားဆုံးရှုံးရတော့မယ့်လယ်ယာမြေတွေ ပြန်လည်ရရှိရေးမှာ
ပါဝင်ပြီး ကူညီဆောင်ရွက်ပေးခဲ့တာဘဲရှိတယ်။ နိုင်ငံတော်ကို ပုန်ကန်နေတာလည်း
မဟုတ်ဘူး။ အထိကရုဏ်းဖြစ်အောင်လည်း လုပ်နေတာမဟုတ်ဘူးဆိုတော့
ဘာ့ကြောင့် ပစ်ခတ်ဖမ်းဆီးမယ်လို့ ပြောလဲဆိုတာ မသိပါဘူး။ ပြီးခဲ့တဲ့နှစ်
နိုင်ဝင်ဘာလ ၂၉ ရက် (၂၉၊ ၁၁၊ ၂၀၁၂)က သံဃာတော်တွေနဲ့  ပြည်သူတွေ
ရှိနေတဲ့ လက်ပံတောင်းတောင်ကြေးနီစီမံကိန်း လုံးဝဖျက်သိမ်းရေး သပိတ်စခန်း
တွေကို မီးလောင်ဗုံးတွေသုံးပြီး အကြမ်းဖက်ဖြိုခွင်းခဲ့တဲ့ ကိစ္စကျတော့ ဒီကနေ့ ထိ
စုံစမ်းစစ်ဆေး အရေးယူမှုတွေမလုပ်ဘဲ ဖုံးဖိထားပြီး မသိချင်ယောင်ဆောင်
နေတယ်။ အဲဒီကိစ္စမှာ တာဝန်ရှိသူအားလုံးကို ဘယ်သူတွေက ဘယ်တော့
အရေးယူမှာလဲ။ ကျွန်တော်ကတော့ ဒီဒေသက တောင်သူလယ်သမားတွေ
သူတို့ လယ်မြေတွေပေါ်မှာ အေးအေးချမ်းချမ်းနဲ့  ထွန်ယက်စိုက်ပျိုးနိုင်တဲ့အထိ
ဆက်လက်ကူညီဆောင်ရွက်ပေးသွားမှာပါ။ အဖိနှိပ်ခံပြည်သူတွေဘက်က
ကျောင်းသားကောင်းတစ်ဦးအဖြစ် ရပ်တည်ပေးခဲ့ရလို့  ကျွန်တော့်ဘ၀ကို
ကျေနပ်ပါပြီ။ သူတို့ တတွေ (ညောင်ပင်ကြီး စခန်းမှူး)မှာ နဂိုကတည်းက
အစီအစဉ်တွေရှိပြီးသားပါ။ ပြည်သူတွေကို ဘယ်လိုအစီအစဉ်တကျ နှိပ်စက်ရမယ်
ဆိုတာလေ။ နှစ်ပေါင်းများစွာလုပ်လာခဲ့တာဘဲဗျာ။

ဒီဒေသက အထိကရုဏ်းဖြစ်ပေါ်နေတဲ့ဒေသ မဟုတ်ဘူး။ ကျွန်တော်တို့ 
စရောက်တဲ့ ၂၀၁၂ ခုနှစ်၊ ၈ လပိုင်းတည်းက ပုဒ်မ ၁၄၄ ကို ထုတ်ပြန်ခဲ့ပြီးသားပါ။
(၂၄ နာရီ ဖြတ်သန်းသွားလာခွင့်မပြု) နောက်ပိုင်းမှာလည်း မြို့ နယ်အုပ်ချုပ်ရေးမှူး
ရဲ့  အာဏာနဲ့  နှစ်လတစ်ကြိမ် ပုံမှန်ထုတ်ပြန်လာခဲ့တာ တွေ့ ရတယ်။ ပုဒ်မ ၁၄၄
ထုတ်ပြန်ထားရင် အာဏာပိုင်အဖွဲ့ အစည်းကလွဲလို့  မည်သူမျှ ဖြတ်သန်းမသွားရ
လို့ ဘဲ သိထားတယ်။ အခုကျတော့ ဦးပိုင်၊ ၀မ်ပေါင်က လွတ်လပ်စွာသွားလာနေ
တယ်။ အဆောက်အဦတွေထဲမှာ နေထိုင်နေတယ်။ စီမံကိန်းလုပ်ငန်းခွင်တွေကိ
အတားအဆီးမဲ့ ဆက်လက်လုပ်ကိုင်နေတယ်။ တောင်သူတွေထွန်ယက်စိုက်ပျိုးမယ်
ဆိုတော့ ပုဒ်မ ၁၄၄ ထုတ်ပြန်ထားတဲ့အတွက် စိုက်ပျိုးလို့ မရဘူးဆိုပြီး
အာဏာပိုင်တွေက ခြိမ်းခြောက်တားမြစ်ကြတယ်။ အကြမ်းဖက်မှုတွေကို
ပေါ်ပေါ်ထင်ထင် လုပ်ကြတယ်။ ကံကုန်းကျေးရွာမှာ လည်ပတ်နေတဲ့
ဦးပိုင်ကုမ္ပဏီပိုင် မိုးကြိုးဆာလဖြူရစ်အက်ဆစ်စက်ရုံက တရားမ၀င်လည်ပတ်
နေတာကို ဘယ်အာဏာပိုင်အဖွဲ့ အစည်းကမှ အရေးယူတာမရှိဘူး။ နှစ်ပေါင်းများစွာ
ကြာနေပြီ။ အစီရင်ခံစာမှာပါတဲ့ ကြေးနီစီမံကိန်းအတွက် စာချုပ်အသစ် ပြန်လည်
ချုပ်ဆိုရမယ်ဆိုတာကို ပြောထားပြီးသားဘဲ။ အခုထိ စာချုပ်သစ် ပြန်လည်
မချုပ်ဆိုရသေးဘူး။ စာချုပ်မရှိရင် တရားမ၀င်ခိုးလုပ်နေတဲ့ စီမံကိန်းဖြစ်နေပြီ။
ဒါကို ဘယ်သူတွေအရေးယူပေးမှာလဲ။ စီမံကိန်းလုပ်ရင် ဖြစ်ပေါ်လာမယ့်
ထိခိုက်မှုတွေကို ကာကွယ်ဖို့ အတွက် ဘယ်မှာလဲ EIA - SIA - HIA ။ ဘာတစ်ခုမှ
မရှိသေးဘူး။ ဒေသခံတောင်သူလယ်သမားတွေအတွက် ပြန်လည်ခွဲဝေပေးမယ့်
လယ်ယာမြေဧက ၉၀၀ ကျော် ဘယ်မှာလဲ။ အစီရင်ခံစာမှာလည်း ပြောထားတာဘဲ။
နှစ် ၆၀ စီမံကိန်းတဲ့။ သူတို့  အခုလယ်ယာမြေလျော်ကြေးပေးလျော်နေတဲ့
စာချုပ်မှာတော့ သားစဉ်မြေးဆက် အပြီးအပိုင်စွန့် လွှတ်ကြောင်း လက်မှတ်ထိုးခိုင်း
ပြီး မတရားသိမ်းယူနေတယ်။ ကာလပေါက်ကြေးအတိုင်း ပေးလျော်မယ်လို့ 
ပါပြီးသားဘဲ။ တစ်ဧက ၁၀ သိန်းဆိုတာ ကာလပေါက်ကြေးလား။ ဘယ်မှာလဲ
စီမံကိန်းစာချုပ်၊ စီမံကိန်းက ဘယ်နှနှစ်လုပ်မယ်မသိသေးဘူး။ မိမိပိုင်လယ်ယာမြေ
တွေကို အပြီးအပိုင် စွန့် လွှတ်လိုက်ရပြီ။ အစီရင်ခံစာမှာပါတဲ့ ဒီအချက်တွေကိုတော့
အရင်မလုပ်ဘဲနဲ့  ပုဒ်မ ၁၄၄ ကို ထောက်ပြနေတာ မတရားဘူးလို့ ပြောချင်ပါတယ်။
ဒီအချက်တွေကိုလုပ်လို့  စီမံကိန်းကိုလက်ခံမယ်လို့  ဆိုလိုတာမဟုတ်ဘူး။
အဲဒါတွေရပြီဆိုရင် ဒေသခံပြည်သူတွေကိုအရင်ပြ၊ ဒေသခံပြည်သူအကုန်လုံးက
လက်ခံရင် စီမံကိန်းဆက်လုပ်ချင်လုပ်ပေါ့။

လက်ပံတောင်းတောင်က ပြည်သူတွေ အဖိနှိပ်ခံဘ၀က အမြန်ဆုံးလွတ်မြောက်
စေချင်သလို ဒီမြေကြီး၊ ဒီရေကိုသောက်ပြီး ဒီနိုင်ငံမှာနေထိုင်တဲ့ ကျွန်တော်တို့ 
နိုင်ငံသားတွေအားလုံးကို စစ်အာဏာရှင်စနစ်အောက်က အမြန်ဆုံးလွတ်မြောက်
စေချင်တာ ကျွန်တော့်ပင်ကိုယ်စိတ်ရင်းပါ။ ဘယ်အာဏာရှင်စနစ်ကိုမှ ကျွန်တော်
လက်မခံဘူး။ လက်ပံတောင်းတောင်ကြီးရဲ့ အလှကိုကြည့်ရင်း ယက်ကန်းခတ်သံ
လေးတွေကို နားထောင်ပြီး အညာရဲ့ အလှတမာဆိုတဲ့အပင်တွေကို ဖြတ်ကျော်
တိုးဝင်လာမယ့် လေနုအေးလေးတွေကို ရှူရှိုက်နိုင်ဖို့  အကောင်အထည်ဖော်ချင်
ပါတယ်။

(ပုံနှင့်စာကို လူထုပုံရိပ်ဂျာနယ် အတွဲ ၁၊ အမှတ် ၃၁ မှ ကူးယူဖော်ပြပါသည်)

No comments:

Post a Comment

Related Posts Plugin for WordPress, Blogger...