Thursday, April 25, 2013

တချိန်က စကားပြေဘုရားတဆူ လုို့ တင်စားပြောခံရသူရဲ့ ပုဂ္ဂိုလ်ရေးရာ စာလေးတစောင်...


၁၉၉၅ ခုနှစ် ကျနော် ဥရုဝေလတောအုပ် တနေရာမှာရှိနေတုန်း နောက်တန်းက
ကြေးနန်းတစောင်ရောက်လာပါတယ်။ ဆရာနုိုင်ဝင်းဆွေ ကျဆုံးရှာပြီတဲ့။
(တကယ်တော့ သူဆုံးပြီး နှစ်လကျော်ကြာမှ ကြေးနန်း ရတာပါ။)
တော်တော်စိတ်ထိခုိုက်ရပါတယ်။ 

သူရယ်၊ သူဇနီး ၀ အမျိုးသမီး မကျုံ ရယ်၊ မွေးစားသားလေးမောင်ဆန်းရယ် ကုို
(ဒုတိယအကြိမ်) မဒတ မြောက်ပုိုင်းချီစစ်ကြောင်းနဲ့အတူ အရှေ့မြောက်ဒေသကနေ
မာနယ်ပုလောပြန်အလာမှာ အတီးမန်းရှာက ခေါ်လာပါတယ်။
မာနယ်ပုလော တောင်ဖက်စွန်းမှာရှိတဲ့ သူရဲ့နာနတ်တောထဲက အိမ်မှာ
၂-၃ ရက်နားစေပြီးတဲ့နောက် အတီးက ကျနော်တုို့ကုို ထမင်းစားဖိတ်ပြီး
ဆရာနဲ့မိတ်ဖွဲ့ပေးပါတယ်။ ပြီးတော့ မာနယ်ပုလောတောင်ဖက်စွန်း
လောကွားလူ လုို့လူသိများတဲ့ကျနော်တုို့ ဌာနချုပ်အ၀န်းအ၀ိုင်းမှာ
နေရာချထားပေးဖုို့ မေတ္တာရပ်ပါတယ်။ ကျနော်တုို့လည်း ၀မ်းမြောက်ဝမ်းသာ
လက်ခံကြိုဆုိုခဲ့ပါတယ်။ အတီးမန်းရှာရော၊ ကျနော်ရော တခုတော့ သူ့ကုို
မေတ္တာရပ်ခံခဲ့ပါတယ်။ (အရှေ့မြောက်ဒေသ စပယ်တောစခန်းက အရေးအသားမျိုး
ထပ်ထွက်လာမှာစုိုးလုို့) မာနယ်ပုလောမှာ ရသစာပေသက်သက်ပဲရေးပြီး စာပေအလုပ်
ကုိုပဲ စောက်ချပြီးလုပ်ပါ။ တခြားဘာမှ မလုပ်ပါနဲ့လုို့ ရီရီမောမော ပြောဖြစ်တော့ သူက
ခင်ဗျားတုို့က ကျုပ်ဘာမှမရေးရသေးခင် ဆင်ဆာကြိုဖြတ်တာပဲဗျ လုို့ ပြောရင်း
သူ့ပင်ကုိုယ်ဟန်အတုိုင်း တခစ်ခစ်ရီနေပါတယ်။ နောက်မှ....စိတ်ချပါဗျာ၊ ကျနော်
ခင်ဗျားတို့ကုို ဒုက္ခမပေးပါဘူး။ ဖထီးက အနီကပ်၊ ခင်ဗျားနဲ့ ကုိုမုိုးသီးက
အ၀ါကပ်ထိထားတယ်ဆုိုတာ ကျနော်ကြားဖူးပါတယ်လုို့ နောက်တယ်။
ကျနော်ကလည်း မာနယ်ပုလောမှာ ဆင်ဆာမဖြတ်ဘူး၊ တခြားဟာပဲ ဖြတ်တယ်ဗျ
လုို့ ပြန်နောက်လုိုက်ပါတယ်။

ဒီလုိုနဲ့ သူ့မိသားစုအတွက် ကျနော်တုို့ ဌာနချုပ် ဆေးခန်းရှေ့ သောင်ရင်းမြစ်ကမ်းဘးမှာ
တဲလေးတလုံး ထုိုးပေးလုိုက်ကြပါတယ်။ သူနဲ့ပတ်သက်လုို့ သတိတရ
ရေးစရာတွေကတော့ အများကြီးပါပဲ။ စာပေရေးရာ၊ နိုင်ငံရေးရာကုိုအသာထားလုို့
ရောက်စ လေးငါးခြောက်လလောက် ထမင်းစားတုိုင်း ငါးပိရည်ကုို
ဟင်းချိုသောက်သလုိုသောက်တာ။ မချက်ရ၊ မရောင်းရ၊ မသောက်ရ
အမိန့်ထုတ်ထားတဲ့ နေရာမှာ မကျုံက အရက်ချက်ရောင်းဖို့ကြံလုို့ သူအကြပ်ရုိုက်တာ။
(မဟုတ်ရင် ၀ပြည် ပြန်မယ်လုို့ ဟုိုက ရာဇသံပေးတာကုိုး။) မောင်ဆန်းကုို သူကုိုယ်တုိုင်ဗမာစာသင်ပေးဖုို့အတွက် အလွယ်သင် ဗမာသင်ပုန်းကြီးဖတ်စာသစ်
ဆုိုပြီးထွင်တာ။ (ဒီအကြောင်းကိုတော့ အရင်နှစ်က ကြုံကြိုက်တော့ ဦးလှိုင်ကုိုပြောပြဖြစ်လုို့
သူတောင် မန္တလေး FM ရေဒီယုိုတခုနဲ့ အင်တာဗျူးတော့ ထည့်ပြောဖြစ်တယ်လုို့
ဦးလှိုင်က ပြန်ပြောတယ်။) နောက်ပုိုင်းတော့ မနေနုိုင် မထုိုင်နုိုင် နုိုင်ငံရေးစာတမ်းတွေ
ရေးတာ၊ ဖြန့်တာ။ ယာယီတော်လှန်ကော်မတီမှာ အခါပေးဝင်လုပ်တာ၊ နောက်တော့
စာပေကလပ်၊ သစ္စာရီဗျူး..လှုပ်ရှားမှု၊ ကျန်းမာရေးမကောင်း၊ ရဟန်းဝတ်.... စတဲ့...စတဲ့ သတိရစရာတပုံတပင်။

၂၀၀၅ ခုနှစ် မာနာပုလောကအဆုတ်၊ သူကျဆုံးချိန်မှာ ကျနော်က နှစ်ပတ်ခရီးလောက်
ဝေးတဲ့နေရာမှာ။ အထက်ကပြောခဲ့သလုို တလလောက်ကြာမှ ကြေနန်းသတင်းအရ
သိရတာ။ နောက်တန်းရောက်လုို့ ပြန်မေးကြည့်တော့မှပဲ စိတ်ထိခုိုက်စရာ
အဖြစ်အပျက်ကုို ကြားရတာ။ ဒါတောင် တိတိကျကျ ဘယ်သူမှ ရှင်းမပြနုိုင်ကြ။
ဘယ်လုိုပဲဖြစ်ဖြစ် သူကျဆုံးသွားတာ ၂၀၁၃ ဖေဖေါ်ဝါရီ ၂၄ ရက်ဆုိုရင်
ရှစ်နှစ်တင်းတင်းပြည့်ပြီ။

ဖုိုင်အဟောင်းတချို့ကုိုပြန်ရှင်းရင်းနဲ့ သူလက်ရေးနဲ့စာလေးတစောင်တွေ့တယ်။
၁၁၊၆၊၁၉၉၁ ရက်စွဲနဲ့။ ဒီစာသက်တမ်းတောင် ၂၂ နှစ်ရှိနေပြီ။ ဒီလုိုပဲထားရင်
တနေ့ ပျက်စီး၊ ပျောက်ဆုံးသွားမှာစုိုးလုို့ အလွမ်းပြေတင်ပေးလုိုက်ပါတယ်။ ဒီလောက်
စိတ်ညစ်နေရတဲ့ အချိန်မှာတောင် သူ့ရဲ့ ဟာသဥာဏ်နဲ့ ထီမထင်တဲ့စိတ်ကုို စာထဲမှာ
တွေ့နုိုင်တယ်။ (မူရင်း စာလုံးပေါင်းသတ်ပုံအတုိုင်း)

အဲဒီတုန်းက ဌာနချုပ်ရုံး တရုံးလုံးပေါင်းရင်တောင် တပြားမှ မရှိလုို့ ထုံးစံအတုိုင်း
ချောင်းထိပ်က အမုိုးဘဏ်ကနေ (အကြွေးယူနေကြ ကုန်စုံဆုိုင်) ဘတ် ၃၀၀
ချေးပေးလုိုက်ရတာကုို သတိရနေမိတယ်။

၂၀၁၃ ခုနှစ်၊ ဖေဖေါ်ဝါရီလ (၁၉ )ရက်။

-------------- ဆရာနုိုင်ဝင်းဆွေစာ မိတ္တူမှန် စ ။ --------------------
ချစ်စွာသော ကုိုကျော်ကျော်

ကျနော်အခြေအနေဆုိုးလွန်းလုို့ အကူအညီတောင်းလုိုက်ပါတယ်။
မောင်ဆန်းကုို ငွေ ၁၀၀ ဘတ် ချေးပီး ကျောင်းသွားအပ်
ရတယ်။ ခု မကျုံလဲဖျားနေ။ လက်ထဲလဲ တပြားမှမရှိ။
အထူးသဖြင့် မကျုံ စိတ်ပိန်နေတယ်။ သနားစရာပါဘဲ။
ငါးပိရေ ချည့်စားနေရတာ ၁ လ လောက်ရှိသွားပြီ။
အထူးသဖြင့် မကျုံ စိတ်ဓာတ် နဲနဲ ပြန်လန်းဆန်းရေး။
ကုို့ ညီလေး ဖြစ်တဲ့နည်းနဲ့ အနည်းဆုံး ငွေ ၂၀၀ ဘတ် -
ဘယ်လောက်အခက်အခဲ ကြုံရသည်ဖြစ်စေ - - လုိုက်လံချေးငှား
တောင်းယမ်း လုယက် နည်းမျိုးစုံသုံးပီးကူညီပါ။
(အနည်းဆုံး ဘတ် ၂၀၀
အများဆုံး ဘတ် ၁၀၀၀။)

ချစ်စွာသော
နုိုင်ဝင်းဆွေ
၁၁/၆/၁၉၉၁ နေ့
-------------- ဆရာနုိုင်ဝင်းဆွေစာ မိတ္တူမှန် ဆုံး။ --------------------

No comments:

Post a Comment

Related Posts Plugin for WordPress, Blogger...